| Library / Tipiṭaka / ติปิฎก • Tipiṭaka / ชาตกปาฬิ • Jātakapāḷi |
๔๘๖. มหาอุกฺกุสชาตกํ (๓)
486. Mahāukkusajātakaṃ (3)
๔๔.
44.
มิตฺตํ สหายญฺจ วเทหิ เสนก, อาจิกฺข ญาติพฺยสนํ ทิชานํฯ
Mittaṃ sahāyañca vadehi senaka, ācikkha ñātibyasanaṃ dijānaṃ.
๔๕.
45.
ปชา มมํ ขาทิตุํ ปตฺถยนฺติ, ลุทฺทา จิลาจา 9 ภว เม สุขายฯ
Pajā mamaṃ khādituṃ patthayanti, luddā cilācā 10 bhava me sukhāya.
๔๖.
46.
มิตฺตํ สหายญฺจ กโรนฺติ ปณฺฑิตา, กาเล อกาเล สุขเมสมานา 11;
Mittaṃ sahāyañca karonti paṇḍitā, kāle akāle sukhamesamānā 12;
กโรมิ เต เสนก เอตมตฺถํ, อริโย หิ อริยสฺส กโรติ กิจฺจํฯ
Karomi te senaka etamatthaṃ, ariyo hi ariyassa karoti kiccaṃ.
๔๗.
47.
ยํ โหติ กิจฺจํ อนุกมฺปเกน, อริยสฺส อริเยน กตํ ตยีทํ 13;
Yaṃ hoti kiccaṃ anukampakena, ariyassa ariyena kataṃ tayīdaṃ 14;
อตฺตานุรกฺขี ภว มา อทยฺหิ 15, ลจฺฉาม ปุเตฺต ตยิ ชีวมาเนฯ
Attānurakkhī bhava mā adayhi 16, lacchāma putte tayi jīvamāne.
๔๘.
48.
ตเวว 17 รกฺขาวรณํ กโรโนฺต, สรีรเภทาปิ น สนฺตสามิ;
Taveva 18 rakkhāvaraṇaṃ karonto, sarīrabhedāpi na santasāmi;
๔๙.
49.
อตฺถาย กุรโร ปุเตฺต, อฑฺฒรเตฺต อนาคเตฯ
Atthāya kuraro putte, aḍḍharatte anāgate.
๕๐.
50.
จุตาปิ เหเก 27 ขลิตา สกมฺมุนา, มิตฺตานุกมฺปาย ปติฎฺฐหนฺติ;
Cutāpi heke 28 khalitā sakammunā, mittānukampāya patiṭṭhahanti;
๕๑.
51.
ธเนน ธเญฺญน จ อตฺตนา จ, มิตฺตํ สหายญฺจ กโรนฺติ ปณฺฑิตา;
Dhanena dhaññena ca attanā ca, mittaṃ sahāyañca karonti paṇḍitā;
กโรมิ เต เสนก เอตมตฺถํ, อริโย หิ อริยสฺส กโรติ กิจฺจํฯ
Karomi te senaka etamatthaṃ, ariyo hi ariyassa karoti kiccaṃ.
๕๒.
52.
อโปฺปสฺสุโกฺก ตาต ตุวํ นิสีท, ปุโตฺต ปิตุ จรติ อตฺถจริยํ;
Appossukko tāta tuvaṃ nisīda, putto pitu carati atthacariyaṃ;
อหํ จริสฺสามิ ตเวตมตฺถํ, เสนสฺส ปุเตฺต ปริตายมาโนฯ
Ahaṃ carissāmi tavetamatthaṃ, senassa putte paritāyamāno.
๕๓.
53.
อทฺธา หิ ตาต สตเมส ธโมฺม, ปุโตฺต ปิตุ ยํ จเร 33 อตฺถจริยํ;
Addhā hi tāta satamesa dhammo, putto pitu yaṃ care 34 atthacariyaṃ;
อเปฺปว มํ ทิสฺวาน ปวฑฺฒกายํ, เสนสฺส ปุตฺตา น วิเหฐเยยฺยุํฯ
Appeva maṃ disvāna pavaḍḍhakāyaṃ, senassa puttā na viheṭhayeyyuṃ.
๕๔.
54.
ปุตฺตา มมฎฺฎา คติมาคโตสฺมิ, ตฺวํ โนสิ ราชา ภว เม สุขายฯ
Puttā mamaṭṭā gatimāgatosmi, tvaṃ nosi rājā bhava me sukhāya.
๕๕.
55.
กโรมิ เต เสนก เอตมตฺถํ, อายามิ เต ตํ ทิสตํ วธาย;
Karomi te senaka etamatthaṃ, āyāmi te taṃ disataṃ vadhāya;
กถญฺหิ วิญฺญู ปหุ สมฺปชาโน, น วายเม อตฺตชนสฺส คุตฺติยาฯ
Kathañhi viññū pahu sampajāno, na vāyame attajanassa guttiyā.
๕๖.
56.
มิตฺตญฺจ กยิราถ สุหทยญฺจ 39, อยิรญฺจ กยิราถ สุขาคมาย;
Mittañca kayirātha suhadayañca 40, ayirañca kayirātha sukhāgamāya;
นิวตฺถโกโจว 41 สเรภิหนฺตฺวา, โมทาม ปุเตฺตหิ สมงฺคิภูตาฯ
Nivatthakocova 42 sarebhihantvā, modāma puttehi samaṅgibhūtā.
๕๗.
57.
สกมิตฺตสฺส กเมฺมน, สหายสฺสาปลายิโน;
Sakamittassa kammena, sahāyassāpalāyino;
กูชนฺตมุปกูชนฺติ , โลมสา หทยงฺคมํฯ
Kūjantamupakūjanti , lomasā hadayaṅgamaṃ.
๕๘.
58.
มิตฺตํ สหายํ อธิคมฺม ปณฺฑิโต, โส ภุญฺชตี ปุตฺต ปสุํ ธนํ วา;
Mittaṃ sahāyaṃ adhigamma paṇḍito, so bhuñjatī putta pasuṃ dhanaṃ vā;
อหญฺจ ปุตฺตา จ ปตี จ มยฺหํ, มิตฺตานุกมฺปาย สมงฺคิภูตาฯ
Ahañca puttā ca patī ca mayhaṃ, mittānukampāya samaṅgibhūtā.
๕๙.
59.
ราชวตา สูรวตา จ อโตฺถ, สมฺปนฺนสขิสฺส ภวนฺติ เหเต;
Rājavatā sūravatā ca attho, sampannasakhissa bhavanti hete;
โส มิตฺตวา ยสวา อุคฺคตโตฺต, อสฺมิํธโลเก 43 โมทติ กามกามีฯ
So mittavā yasavā uggatatto, asmiṃdhaloke 44 modati kāmakāmī.
๖๐.
60.
กรณียานิ มิตฺตานิ, ทลิเทฺทนาปิ เสนก;
Karaṇīyāni mittāni, daliddenāpi senaka;
๖๑.
61.
เอวํ โส สุขิโต โหติ, ยถาหํ ตฺวญฺจ เสนกาติฯ
Evaṃ so sukhito hoti, yathāhaṃ tvañca senakāti.
มหาอุกฺกุสชาตกํ ตติยํฯ
Mahāukkusajātakaṃ tatiyaṃ.
Footnotes:
Related texts:
อฎฺฐกถา • Aṭṭhakathā / สุตฺตปิฎก (อฎฺฐกถา) • Suttapiṭaka (aṭṭhakathā) / ขุทฺทกนิกาย (อฎฺฐกถา) • Khuddakanikāya (aṭṭhakathā) / ชาตก-อฎฺฐกถา • Jātaka-aṭṭhakathā / [๔๘๖] ๓. มหาอุกฺกุสชาตกวณฺณนา • [486] 3. Mahāukkusajātakavaṇṇanā
