| Library / Tipiṭaka / ਤਿਪਿਟਕ • Tipiṭaka / ਮਜ੍ਝਿਮਨਿਕਾਯ (ਟੀਕਾ) • Majjhimanikāya (ṭīkā) |
੩. ਮਹਾવਚ੍ਛਸੁਤ੍ਤવਣ੍ਣਨਾ
3. Mahāvacchasuttavaṇṇanā
੧੯੩. ਸਹ ਕਥਾ ਏਤਸ੍ਸ ਅਤ੍ਥੀਤਿ ਸਹਕਥੀ, ‘‘ਮਯਂ ਪੁਚ੍ਛਾવਸੇਨ ਤੁਮ੍ਹੇ વਿਸ੍ਸਜ੍ਜਨવਸੇਨਾ’’ਤਿ ਏવਂ ਸਹਪવਤ੍ਤਕਥੋਤਿ ਅਤ੍ਥੋ। ਏਤਸ੍ਸੇવ ਕਥਿਤਾਨਿ, ਤਤ੍ਥ ਪਠਮੇ વਿਜ੍ਜਾਤ੍ਤਯਂ ਦੇਸਿਤਂ, ਦੁਤਿਯੇ ਅਗ੍ਗਿਨਾ ਦਸ੍ਸਿਤਨ੍ਤਿ ਤੇવਿਜ੍ਜવਚ੍ਛਸੁਤ੍ਤਂ ਅਗ੍ਗਿવਚ੍ਛਸੁਤ੍ਤਨ੍ਤਿ ਨਾਮਂ વਿਸੇਸੇਤ੍વਾ વੁਤ੍ਤਂ। ਸੀਘਂ ਲਦ੍ਧਿਂ ਨ વਿਸ੍ਸਜ੍ਜੇਨ੍ਤਿ, ਯਸ੍ਮਾ ਸਙ੍ਖਾਰਾਨਂ ਨਿਯਤੋਯਂ વਿਨਾਸੋ ਅਨਞ੍ਞਸਮੁਪ੍ਪਾਦੋ, ਹੇਤੁਸਮੁਪ੍ਪਨ੍ਨਾਪਿ ਨ ਚਿਰੇਨ ਨਿਜ੍ਝਾਨਂ ਖਮਨ੍ਤਿ, ਨ ਲਹੁਂ। ਤੇਨਾਹ ‘‘વਸਾਤੇਲ …ਪੇ॰… ਸੁਜ੍ਝਨ੍ਤੀ’’ਤਿ। ਪਚ੍ਛਿਮਗਮਨਂ ਞਾਣਸ੍ਸ ਪਰਿਪਾਕਂ ਗਤਤ੍ਤਾ। ਯਟ੍ਠਿਂ ਆਲਮ੍ਬਿਤ੍વਾ ਉਦਕਂ ਤਰਿਤੁਂ ਓਤਰਨ੍ਤੋ ਪੁਰਿਸੋ ‘‘ਯਟ੍ਠਿਂ ਓਤਰਿਤ੍વਾ ਉਦਕੇ ਪਤਮਾਨੋ’’ਤਿ વੁਤ੍ਤੋ। ਕਮ੍ਮਪਥવਸੇਨ વਿਤ੍ਥਾਰਦੇਸਨਨ੍ਤਿ ਸਂਖਿਤ੍ਤਦੇਸਨਂ ਉਪਾਦਾਯ વੁਤ੍ਤਂ। ਤੇਨਾਹ ‘‘ਮੂਲવਸੇਨ ਚੇਤ੍ਥਾ’’ਤਿਆਦਿ। વਿਤ੍ਥਾਰਸਦਿਸਾਤਿ ਕਮ੍ਮਪਥવਸੇਨ ਇਧ ਦੇਸਿਤਦੇਸਨਾવ ਮੂਲવਸੇਨ ਦੇਸਿਤਦੇਸਨਂ ਉਪਾਦਾਯ વਿਤ੍ਥਾਰਸਦਿਸਾ। વਿਤ੍ਥਾਰਦੇਸਨਾ ਨਾਮ ਨਤ੍ਥੀਤਿ ਨ ਕੇવਲਂ ਅਯਮੇવ, ਅਥ ਖੋ ਸਬ੍ਬਾਪਿ ਬੁਦ੍ਧਾਨਂ ਨਿਪ੍ਪਰਿਯਾਯੇਨ ਉਜੁਕੇਨ ਨਿਰવਸੇਸਤੋ વਿਤ੍ਥਾਰਦੇਸਨਾ ਨਾਮ ਨਤ੍ਥਿ ਦੇਸਨਾਞਾਣਸ੍ਸ ਮਹਾવਿਸਯਤਾਯ ਕਰਣਸਮ੍ਪਤ੍ਤਿਯਾ ਚ ਤਜ੍ਜਾਯ ਮਹਾਨੁਭਾવਤ੍ਤਾ ਸਬ੍ਬਞ੍ਞੁਤਞ੍ਞਾਣਸ੍ਸ। ਸਬ੍ਬਞ੍ਞੁਤਞ੍ਞਾਣਸਮਙ੍ਗਿਤਾਯ ਹਿ ਅવਸੇਸਪਟਿਸਮ੍ਭਿਦਾਨੁਭਾવਿਤਾਯ ਅਪਰਿਮਿਤਕਾਲਸਮ੍ਭਤਞਾਣਸਮ੍ਭਾਰਸਮੁਦਾਗਤਾਯ ਕਦਾਚਿਪਿ ਪਰਿਕ੍ਖਯਾਨਰਹਾਯ ਅਨਞ੍ਞਸਾਧਾਰਣਾਯ ਪਟਿਭਾਨਪਟਿਸਮ੍ਭਿਦਾਯ ਪਹੂਤਜਿવ੍ਹਾਦਿਤਦਨੁਰੂਪਰੂਪਕਾਯਸਮ੍ਪਤ੍ਤਿਸਮ੍ਪਦਾਯ વਿਤ੍ਥਾਰਿਯਮਾਨਾ ਭਗવਤੋ ਦੇਸਨਾ ਕਥਂ ਪਰਿਮਿਤਾ ਪਰਿਚ੍ਛਿਨ੍ਨਾ ਭવੇਯ੍ਯ, ਮਹਾਕਾਰੁਣਿਕਤਾਯ ਪਨ ਭਗવਾ વੇਨੇਯ੍ਯਜ੍ਝਾਸਯਾਨੁਰੂਪਂ ਤਤ੍ਥ ਤਤ੍ਥ ਪਰਿਮਿਤਂ ਪਰਿਚ੍ਛਿਨ੍ਨਂ ਕਤ੍વਾ ਨਿਟ੍ਠਪੇਤਿ। ਅਯਞ੍ਚ ਅਤ੍ਥੋ ਮਹਾਸੀਹਨਾਦਸੁਤ੍ਤੇਨ (ਮ॰ ਨਿ॰ ੧.੧੪੬ ਆਦਯੋ) ਦੀਪੇਤਬ੍ਬੋ। ਸਬ੍ਬਂ ਸਂਖਿਤ੍ਤਮੇવ ਅਤ੍ਤਜ੍ਝਾਸਯવਸੇਨ ਅਕਥੇਤ੍વਾ ਬੋਧਨੇਯ੍ਯਪੁਗ੍ਗਲਜ੍ਝਾਸਯવਸੇਨ ਦੇਸਨਾਯ ਨਿਟ੍ਠਾਪਿਤਤ੍ਤਾ। ਨ ਚੇਤ੍ਥ ਧਮ੍ਮਸਾਸਨવਿਰੋਧੋ ਪਰਿਯਾਯਂ ਅਨਿਸ੍ਸਾਯ ਯਥਾਧਮ੍ਮਂ ਧਮ੍ਮਾਨਂ ਬੋਧਿਤਤ੍ਤਾ ਸਬ੍ਬਲਹੁਤ੍ਤਾ ਚਾਤਿ।
193. Saha kathā etassa atthīti sahakathī, ‘‘mayaṃ pucchāvasena tumhe vissajjanavasenā’’ti evaṃ sahapavattakathoti attho. Etasseva kathitāni, tattha paṭhame vijjāttayaṃ desitaṃ, dutiye agginā dassitanti tevijjavacchasuttaṃ aggivacchasuttanti nāmaṃ visesetvā vuttaṃ. Sīghaṃ laddhiṃ na vissajjenti, yasmā saṅkhārānaṃ niyatoyaṃ vināso anaññasamuppādo, hetusamuppannāpi na cirena nijjhānaṃ khamanti, na lahuṃ. Tenāha ‘‘vasātela…pe… sujjhantī’’ti. Pacchimagamanaṃ ñāṇassa paripākaṃ gatattā. Yaṭṭhiṃ ālambitvā udakaṃ tarituṃ otaranto puriso ‘‘yaṭṭhiṃ otaritvā udake patamāno’’ti vutto. Kammapathavasena vitthāradesananti saṃkhittadesanaṃ upādāya vuttaṃ. Tenāha ‘‘mūlavasena cetthā’’tiādi. Vitthārasadisāti kammapathavasena idha desitadesanāva mūlavasena desitadesanaṃ upādāya vitthārasadisā. Vitthāradesanā nāma natthīti na kevalaṃ ayameva, atha kho sabbāpi buddhānaṃ nippariyāyena ujukena niravasesato vitthāradesanā nāma natthi desanāñāṇassa mahāvisayatāya karaṇasampattiyā ca tajjāya mahānubhāvattā sabbaññutaññāṇassa. Sabbaññutaññāṇasamaṅgitāya hi avasesapaṭisambhidānubhāvitāya aparimitakālasambhatañāṇasambhārasamudāgatāya kadācipi parikkhayānarahāya anaññasādhāraṇāya paṭibhānapaṭisambhidāya pahūtajivhāditadanurūparūpakāyasampattisampadāya vitthāriyamānā bhagavato desanā kathaṃ parimitā paricchinnā bhaveyya, mahākāruṇikatāya pana bhagavā veneyyajjhāsayānurūpaṃ tattha tattha parimitaṃ paricchinnaṃ katvā niṭṭhapeti. Ayañca attho mahāsīhanādasuttena (ma. ni. 1.146 ādayo) dīpetabbo. Sabbaṃ saṃkhittameva attajjhāsayavasena akathetvā bodhaneyyapuggalajjhāsayavasena desanāya niṭṭhāpitattā. Na cettha dhammasāsanavirodho pariyāyaṃ anissāya yathādhammaṃ dhammānaṃ bodhitattā sabbalahuttā cāti.
੧੯੪. ਸਤ੍ਤ ਧਮ੍ਮਾ ਕਾਮਾવਚਰਾ ਸਮ੍ਪਤ੍ਤਸਮਾਦਾਨવਿਰਤੀਨਂ ਇਧਾਧਿਪ੍ਪੇਤਤ੍ਤਾ।
194.Satta dhammā kāmāvacarā sampattasamādānaviratīnaṃ idhādhippetattā.
ਅਨਿਯਮੇਤ੍વਾਤਿ ‘‘ਸਮ੍ਮਾਸਮ੍ਬੁਦ੍ਧੋ, ਸਾવਕੋ’’ਤਿ વਾ ਨਿਯਮਂ વਿਸੇਸੇਨ ਅਕਤ੍વਾ। ਅਤ੍ਤਾਨਮੇવ…ਪੇ॰… વੇਦਿਤਬ੍ਬਂ, ਤਥਾ ਹਿ ਪਰਿਬ੍ਬਾਜਕੋ ‘‘ਤਿਟ੍ਠਤੁ ਭવਂ ਗੋਤਮੋ’’ਤਿ ਆਹ।
Aniyametvāti ‘‘sammāsambuddho, sāvako’’ti vā niyamaṃ visesena akatvā. Attānameva…pe… veditabbaṃ, tathā hi paribbājako ‘‘tiṭṭhatu bhavaṃ gotamo’’ti āha.
੧੯੫. ਸਤ੍ਥਾવ ਅਰਹਾ ਹੋਤਿ ਪਟਿਪਤ੍ਤਿਯਾ ਪਾਰਿਪੂਰਿਭਾવਤੋ। ਤਸ੍ਮਿਂ ਬ੍ਯਾਕਤੇਤਿ ਤਸ੍ਮਿਂ ‘‘ਏਕਭਿਕ੍ਖੁਪਿ ਸਾવਕੋ’’ਤਿਆਦਿਨਾ ਸੁਟ੍ਠੁ ਪਞ੍ਹੇ ਕਥਿਤੇ।
195.Satthāvaarahā hoti paṭipattiyā pāripūribhāvato. Tasmiṃ byākateti tasmiṃ ‘‘ekabhikkhupi sāvako’’tiādinā suṭṭhu pañhe kathite.
੧੯੬. ਸਮ੍ਪਾਦਕੋਤਿ ਪਟਿਪਤ੍ਤਿਸਮ੍ਪਾਦਕੋ।
196.Sampādakoti paṭipattisampādako.
੧੯੭. ਸੇਖਾਯ વਿਜ੍ਜਾਯਾਤਿ ਸੇਖਲਕ੍ਖਣਪ੍ਪਤ੍ਤਾਯ ਮਗ੍ਗਪਞ੍ਞਾਯ ਸਾਤਿਸਯਂ ਕਤ੍વਾ ਕਰਣવਸੇਨ વੁਤ੍ਤਾ, ਫਲਪਞ੍ਞਾ ਪਨ ਤਾਯ ਪਤ੍ਤਬ੍ਬਤ੍ਤਾ ਕਮ੍ਮਭਾવੇਨ વੁਤ੍ਤਾ। ਤੇਨਾਹ ‘‘ਹੇਟ੍ਠਿਮਫਲਤ੍ਤਯਂ ਪਤ੍ਤਬ੍ਬ’’ਨ੍ਤਿ। ਇਮਂ ਪਨੇਤ੍ਥ ਅવਿਪਰੀਤਮਤ੍ਥਂ ਪਾਲ਼ਿਤੋ ਏવ વਿਞ੍ਞਾਯਮਾਨਂ ਅਪ੍ਪਟਿવਿਜ੍ਝਨਤੋ વਿਤਣ੍ਡવਾਦੀ ‘‘ਯਾવਤਕਂ ਸੇਖੇਨ ਪਤ੍ਤਬ੍ਬਂ, ਅਨੁਪ੍ਪਤ੍ਤਂ ਤਂ ਮਯਾ’’ਤਿ વਚਨਲੇਸਂ ਗਹੇਤ੍વਾ ‘‘ਅਰਹਤ੍ਤਮਗ੍ਗੋਪਿ ਅਨੇਨ ਪਤ੍ਤੋਯੇવਾ’’ਤਿ વਦਤਿ। ਏવਨ੍ਤਿ ਇਦਾਨਿ વੁਚ੍ਚਮਾਨਾਯ ਗਾਥਾਯ।
197.Sekhāyavijjāyāti sekhalakkhaṇappattāya maggapaññāya sātisayaṃ katvā karaṇavasena vuttā, phalapaññā pana tāya pattabbattā kammabhāvena vuttā. Tenāha ‘‘heṭṭhimaphalattayaṃ pattabba’’nti. Imaṃ panettha aviparītamatthaṃ pāḷito eva viññāyamānaṃ appaṭivijjhanato vitaṇḍavādī ‘‘yāvatakaṃ sekhena pattabbaṃ, anuppattaṃ taṃ mayā’’ti vacanalesaṃ gahetvā ‘‘arahattamaggopi anena pattoyevā’’ti vadati. Evanti idāni vuccamānāya gāthāya.
ਕਿਲੇਸਾਨਿ ਪਹਾਯ ਪਞ੍ਚਾਤਿ ਪਞ੍ਚੋਰਮ੍ਭਾਗਿਯਸਂਯੋਜਨਸਙ੍ਖਾਤੇ ਸਂਕਿਲੇਸੇ ਪਹਾਯ ਪਜਹਿਤ੍વਾ, ਪਹਾਨਹੇਤੁ વਾ। ਪਰਿਪੁਣ੍ਣਸੇਖੋਤਿ ਸਬ੍ਬਸੋ વਡ੍ਢਿਤਸੇਖਧਮ੍ਮੋ। ਅਪਰਿਹਾਨਧਮ੍ਮੋਤਿ ਅਪਰਿਹਾਨਸਭਾવੋ। ਨ ਹਿ ਯਸ੍ਸ ਫਾਤਿਗਤੇਹਿ ਸੀਲਾਦਿਧਮ੍ਮੇਹਿ ਪਰਿਹਾਨਿ ਅਤ੍ਥਿ, ਸਮਾਧਿਮ੍ਹਿ ਪਰਿਪੂਰਕਾਰਿਤਾਯ ਚੇਤੋવਸਿਪ੍ਪਤ੍ਤੋ। ਤੇਨਾਹ ‘‘ਸਮਾਹਿਤਿਨ੍ਦ੍ਰਿਯੋ’’ਤਿ। ਅਪਰਿਹਾਨਧਮ੍ਮਤ੍ਤਾવ ਠਿਤਤ੍ਤੋ।
Kilesāni pahāya pañcāti pañcorambhāgiyasaṃyojanasaṅkhāte saṃkilese pahāya pajahitvā, pahānahetu vā. Paripuṇṇasekhoti sabbaso vaḍḍhitasekhadhammo. Aparihānadhammoti aparihānasabhāvo. Na hi yassa phātigatehi sīlādidhammehi parihāni atthi, samādhimhi paripūrakāritāya cetovasippatto. Tenāha ‘‘samāhitindriyo’’ti. Aparihānadhammattāva ṭhitatto.
ਅਨਾਗਾਮਿਨਾ ਹਿ ਅਸੇਖਭਾવਾવਹਾ ਧਮ੍ਮਾ ਪਰਿਪੂਰੇਤਬ੍ਬਾ, ਨ ਸੇਖਭਾવਾવਹਾਤਿ ਸੋ ਏਕਨ੍ਤਪਰਿਪੁਣ੍ਣੇ ਸੇਖੋ વੁਤ੍ਤੋ। ਏਤਂ ਨ ਬੁਦ੍ਧવਚਨਨ੍ਤਿ ‘‘ਮਗ੍ਗੋ ਬਹੁਚਿਤ੍ਤਕ੍ਖਣਿਕੋ’’ਤਿ ਏਤਂ વਚਨਂ ਨ ਬੁਦ੍ਧવਚਨਂ ਅਨਨ੍ਤਰੇਕਨ੍ਤવਿਪਾਕਦਾਨਤੋ, ਬਹੁਕ੍ਖਤ੍ਤੁਂ ਪવਤ੍ਤਨੇ ਪਯੋਜਨਾਭਾવਤੋ ਚ ਲੋਕੁਤ੍ਤਰਕੁਸਲਸ੍ਸ, ‘‘ਸਮਾਧਿਮਾਨਨ੍ਤਰਿਕਞ੍ਞਮਾਹੁ (ਖੁ॰ ਪਾ॰ ੬.੫; ਸੁ॰ ਨਿ॰ ੨੨੮), ਨ ਪਾਰਂ ਦਿਗੁਣਂ ਯਨ੍ਤੀ’’ਤਿ (ਸੁ॰ ਨਿ॰ ੭੧੯) ਏવਮਾਦੀਨਿ ਸੁਤ੍ਤਪਦਾਨਿ ਏਤਸ੍ਸਤ੍ਥਸਾਧਕਾਨਿ। ਓਰਮ੍ਭਾਗਿਯਸਂਯੋਜਨਪ੍ਪਹਾਨੇਨ ਸੇਕ੍ਖਧਮ੍ਮਪਰਿਪੂਰਿਭਾવਸ੍ਸ વੁਤ੍ਤਤਾਯ ਅਤ੍ਥੋ ਤવ વਚਨੇਨ વਿਰੁਜ੍ਝਤੀਤਿ। ਅਸ੍ਸ ਆਯਸ੍ਮਤੋ વਚ੍ਛਸ੍ਸ।
Anāgāminā hi asekhabhāvāvahā dhammā paripūretabbā, na sekhabhāvāvahāti so ekantaparipuṇṇe sekho vutto. Etaṃ na buddhavacananti ‘‘maggo bahucittakkhaṇiko’’ti etaṃ vacanaṃ na buddhavacanaṃ anantarekantavipākadānato, bahukkhattuṃ pavattane payojanābhāvato ca lokuttarakusalassa, ‘‘samādhimānantarikaññamāhu (khu. pā. 6.5; su. ni. 228), na pāraṃ diguṇaṃ yantī’’ti (su. ni. 719) evamādīni suttapadāni etassatthasādhakāni. Orambhāgiyasaṃyojanappahānena sekkhadhammaparipūribhāvassa vuttatāya attho tava vacanena virujjhatīti. Assa āyasmato vacchassa.
੧੯੮. ਅਭਿਞ੍ਞਾ વਾ ਕਾਰਣਨ੍ਤਿ ਯਞ੍ਹਿ ਤਂ ਤਤ੍ਰ ਤਤ੍ਰ ਸਕ੍ਖਿਭਬ੍ਬਤਾਸਙ੍ਖਾਤਂ ਇਦ੍ਧਿવਿਧਪਚ੍ਚਨੁਭવਨਾਦਿ, ਤਸ੍ਸ ਅਭਿਞ੍ਞਾ ਕਾਰਣਂ। ਅਥ ਇਦ੍ਧਿવਿਧਪਚ੍ਚਨੁਭવਨਾਦਿ ਅਭਿਞ੍ਞਾ, ਏવਂ ਸਤਿ ਅਭਿਞ੍ਞਾਪਾਦਕਜ੍ਝਾਨਂ ਕਾਰਣਂ। ਅવਸਾਨੇ ਛਟ੍ਠਾਭਿਞ੍ਞਾਯ ਪਨ ਅਰਹਤ੍ਤਂ। ਏਤ੍ਥ ਚ ਯਸ੍ਮਾ ਪਠਮਸੁਤ੍ਤੇ ਆਸવਕ੍ਖਯੋ ਅਧਿਪ੍ਪੇਤੋ, ਆਸવਾ ਖੀਣਾ ਏવ, ਨ ਪੁਨ ਖੇਪੇਤਬ੍ਬਾ, ਤਸ੍ਮਾ ਤਤ੍ਥ ‘‘ਯਾવਦੇવਾ’’ਤਿ ਨ વੁਤ੍ਤਂ। ਇਧ ਫਲਸਮਾਪਤ੍ਤਿ ਅਧਿਪ੍ਪੇਤਾ, ਸਾ ਚ ਪੁਨਪ੍ਪੁਨਂ ਸਮਾਪਜ੍ਜੀਯਤਿ, ਤਸ੍ਮਾ ‘‘ਯਾવਦੇવਾ’’ਤਿ વੁਤ੍ਤਂ। ਤਤੋ ਏવ ਹਿ ‘‘ਅਰਹਤ੍ਤਂ વਾ ਕਾਰਣ’’ਨ੍ਤਿ વੁਤ੍ਤਂ। ਤਞ੍ਹਿ ‘‘ਕੁਦਾਸ੍ਸੁ ਨਾਮਾਹਂ ਤਦਾਯਤਨਂ ਉਪਸਮ੍ਪਜ੍ਜ વਿਹਰਿਸ੍ਸਾਮਿ, ਯਦਰਿਯਾ ਏਤਰਹਿ ਉਪਸਮ੍ਪਜ੍ਜ વਿਹਰਨ੍ਤੀ’’ਤਿ (ਮ॰ ਨਿ॰ ੧.੪੬੫; ੩.੩੦੭) ਅਨੁਤ੍ਤਰੇਸੁ વਿਮੋਕ੍ਖੇਸੁ ਪਿਹਂ ਉਪਟ੍ਠਪੇਤ੍વਾ ਅਭਿਞ੍ਞਾ ਨਿਬ੍ਬਤ੍ਤੇਨ੍ਤਸ੍ਸ ਕਾਰਣਂ, ਤਯਿਦਂ ਸਬ੍ਬਸਾਧਾਰਣਂ ਨ ਹੋਤੀਤਿ ਸਾਧਾਰਣવਸੇਨ ਨਂ ਦਸ੍ਸੇਨ੍ਤੋ ‘‘ਅਰਹਤ੍ਤਸ੍ਸ વਿਪਸ੍ਸਨਾ વਾ’’ਤਿ ਆਹ।
198.Abhiññā vā kāraṇanti yañhi taṃ tatra tatra sakkhibhabbatāsaṅkhātaṃ iddhividhapaccanubhavanādi, tassa abhiññā kāraṇaṃ. Atha iddhividhapaccanubhavanādi abhiññā, evaṃ sati abhiññāpādakajjhānaṃ kāraṇaṃ. Avasāne chaṭṭhābhiññāya pana arahattaṃ. Ettha ca yasmā paṭhamasutte āsavakkhayo adhippeto, āsavā khīṇā eva, na puna khepetabbā, tasmā tattha ‘‘yāvadevā’’ti na vuttaṃ. Idha phalasamāpatti adhippetā, sā ca punappunaṃ samāpajjīyati, tasmā ‘‘yāvadevā’’ti vuttaṃ. Tato eva hi ‘‘arahattaṃ vā kāraṇa’’nti vuttaṃ. Tañhi ‘‘kudāssu nāmāhaṃ tadāyatanaṃ upasampajja viharissāmi, yadariyā etarahi upasampajja viharantī’’ti (ma. ni. 1.465; 3.307) anuttaresu vimokkhesu pihaṃ upaṭṭhapetvā abhiññā nibbattentassa kāraṇaṃ, tayidaṃ sabbasādhāraṇaṃ na hotīti sādhāraṇavasena naṃ dassento ‘‘arahattassa vipassanā vā’’ti āha.
੨੦੦. ਪਰਿਚਰਨ੍ਤਿ ਨਾਮ વਿਪ੍ਪਕਤਬ੍ਰਹ੍ਮਚਰਿਯવਾਸਤ੍ਤਾ। ਪਰਿਚਿਣ੍ਣੋ ਹੋਤਿ ਸਾવਕੇਨ ਨਾਮ ਸਤ੍ਥੁ ਧਮ੍ਮੇ ਕਤ੍ਤਬ੍ਬਾ ਪਰਿਚਰਿਯਾ ਸਮ੍ਮਦੇવ ਨਿਟ੍ਠਾਪਿਤਤ੍ਤਾ। ਤੇਨਾਹ ‘‘ਇਤਿ…ਪੇ॰… ਥੇਰੋ ਏવਮਾਹਾ’’ਤਿ। ਤੇਸਂ ਗੁਣਾਨਨ੍ਤਿ ਤੇਸਂ ਅਸੇਕ੍ਖਗੁਣਾਨਂ। ਸੇਸਂ ਸੁવਿਞ੍ਞੇਯ੍ਯਮੇવ।
200.Paricaranti nāma vippakatabrahmacariyavāsattā. Pariciṇṇo hoti sāvakena nāma satthu dhamme kattabbā paricariyā sammadeva niṭṭhāpitattā. Tenāha ‘‘iti…pe… thero evamāhā’’ti. Tesaṃ guṇānanti tesaṃ asekkhaguṇānaṃ. Sesaṃ suviññeyyameva.
ਮਹਾવਚ੍ਛਸੁਤ੍ਤવਣ੍ਣਨਾਯ ਲੀਨਤ੍ਥਪ੍ਪਕਾਸਨਾ ਸਮਤ੍ਤਾ।
Mahāvacchasuttavaṇṇanāya līnatthappakāsanā samattā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਮਜ੍ਝਿਮਨਿਕਾਯ • Majjhimanikāya / ੩. ਮਹਾવਚ੍ਛਸੁਤ੍ਤਂ • 3. Mahāvacchasuttaṃ
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਮਜ੍ਝਿਮਨਿਕਾਯ (ਅਟ੍ਠਕਥਾ) • Majjhimanikāya (aṭṭhakathā) / ੩. ਮਹਾવਚ੍ਛਸੁਤ੍ਤવਣ੍ਣਨਾ • 3. Mahāvacchasuttavaṇṇanā
