| Library / Tipiṭaka / д̇ибидага • Tipiṭaka / т̇зраг̇аат̇аа-адтагат̇аа • Theragāthā-aṭṭhakathā |
2. махааважчад̇т̇зраг̇аат̇ааван̣н̣анаа
2. Mahāvacchattheragāthāvaṇṇanā
бан̃н̃ааб̣алийд̇и ааяасмад̇о махааважчад̇т̇зрасса г̇аат̇аа. гаа уббад̇д̇и? аяам̣ гира бад̣̇умуд̇д̇арасса бхаг̇авад̇о бхигкусан̇гхасса жа баанийяад̣̇аанамад̣̇ааси. буна сикисса бхаг̇авад̇о гаалз убаасаго худ̇ваа виваддуубаниссаяам̣ б̣ахум̣ бун̃н̃агаммам̣ агааси, со д̇зхи бун̃н̃агаммзхи д̇ад̇т̇а д̇ад̇т̇а суг̇ад̇ийсуязва сам̣саранд̇о имасмим̣ б̣уд̣̇д̇хуббаад̣̇з маг̇ад̇харадтз наал̣агаг̇аамз самид̣̇д̇хисса наама б̣раахман̣асса буд̇д̇о худ̇ваа ниб̣б̣ад̇д̇и. д̇асса махааважчод̇и наамам̣ ахоси. со ваяаббад̇д̇о ааяасмад̇о саарибуд̇д̇асса бхаг̇авад̇о саавагабхаавам̣ суд̇ваа ‘‘соби наама махаабан̃н̃о. яасса саавагад̇д̇ам̣ убааг̇ад̇о, со зва ман̃н̃з имасмим̣ логз аг̇г̇абуг̇г̇ало’’д̇и бхаг̇авад̇и сад̣̇д̇хам̣ уббаад̣̇зд̇ваа сад̇т̇у санд̇игз баб̣б̣аж̇ид̇ваа гаммадтаанам̣ ануяун̃ж̇анд̇о нажирассзва арахад̇д̇ам̣ баабун̣и. д̇зна вуд̇д̇ам̣ абад̣̇аанз (аба. т̇зра 2.50.51-56) –
Paññābalīti āyasmato mahāvacchattherassa gāthā. Kā uppatti? Ayaṃ kira padumuttarassa bhagavato bhikkhusaṅghassa ca pānīyadānamadāsi. Puna sikhissa bhagavato kāle upāsako hutvā vivaṭṭūpanissayaṃ bahuṃ puññakammaṃ akāsi, so tehi puññakammehi tattha tattha sugatīsuyeva saṃsaranto imasmiṃ buddhuppāde magadharaṭṭhe nāḷakagāme samiddhissa nāma brāhmaṇassa putto hutvā nibbatti. Tassa mahāvacchoti nāmaṃ ahosi. So vayappatto āyasmato sāriputtassa bhagavato sāvakabhāvaṃ sutvā ‘‘sopi nāma mahāpañño. Yassa sāvakattaṃ upāgato, so eva maññe imasmiṃ loke aggapuggalo’’ti bhagavati saddhaṃ uppādetvā satthu santike pabbajitvā kammaṭṭhānaṃ anuyuñjanto nacirasseva arahattaṃ pāpuṇi. Tena vuttaṃ apadāne (apa. thera 2.50.51-56) –
‘‘бад̣̇умуд̇д̇араб̣уд̣̇д̇хасса, бхигкусан̇гхз ануд̇д̇арз;
‘‘Padumuttarabuddhassa, bhikkhusaṅghe anuttare;
басаннажид̇д̇о сумано, баанийяагхадамабуураяим̣.
Pasannacitto sumano, pānīyaghaṭamapūrayiṃ.
‘‘баб̣б̣ад̇аг̇г̇з д̣̇умаг̇г̇з ваа, аагаасз ваат̇а бхуумияам̣;
‘‘Pabbatagge dumagge vā, ākāse vātha bhūmiyaṃ;
яад̣̇аа баанийяамижчаами, киббам̣ ниб̣б̣ад̇д̇ад̇з мама.
Yadā pānīyamicchāmi, khippaṃ nibbattate mama.
‘‘сад̇асахассид̇о габбз, яам̣ д̣̇аанамад̣̇ад̣̇им̣ д̇ад̣̇аа;
‘‘Satasahassito kappe, yaṃ dānamadadiṃ tadā;
д̣̇уг̇г̇ад̇им̣ наабхиж̇аанаами, д̣̇агад̣̇аанассид̣̇ам̣ палам̣.
Duggatiṃ nābhijānāmi, dakadānassidaṃ phalaṃ.
‘‘гилзсаа жхаабид̇аа маяхам̣…бз… бхаваа саб̣б̣з самуухад̇аа;
‘‘Kilesā jhāpitā mayhaṃ…pe… bhavā sabbe samūhatā;
чал̣абхин̃н̃аа сажчигад̇аа, гад̇ам̣ б̣уд̣̇д̇хасса саасана’’нд̇и.
Chaḷabhiññā sacchikatā, kataṃ buddhassa sāsana’’nti.
звам̣ бана арахад̇д̇ам̣ бад̇ваа вимуд̇д̇исукам̣ анубхаванд̇о саасанасса нияяаанигабхаававибхааванзна саб̣рахмажаарийнам̣ уссаахаж̇ананад̇т̇ам̣ ‘‘бан̃н̃ааб̣алий’’д̇и г̇аат̇ам̣ абхааси.
Evaṃ pana arahattaṃ patvā vimuttisukhaṃ anubhavanto sāsanassa niyyānikabhāvavibhāvanena sabrahmacārīnaṃ ussāhajananatthaṃ ‘‘paññābalī’’ti gāthaṃ abhāsi.
12. д̇ад̇т̇а бан̃н̃ааб̣алийд̇и баарихаарияабан̃н̃ааяа вибассанаабан̃н̃ааяа жа васзна абхин̣хасо саад̇исаязна бан̃н̃ааб̣алзна саманнааг̇ад̇о. сийлавад̇уубабаннод̇и уггам̣саг̇ад̇зна жад̇убаарисуд̣̇д̇хисийлзна, д̇худ̇ад̇хаммасан̇каад̇зхи вад̇зхи жа убабанно саманнааг̇ад̇о. самаахид̇од̇и убажаараббанаабхзд̣̇зна самаад̇хинаа самаахид̇о. жхаанарад̇од̇и д̇ад̇о зва аарамман̣уубаниж̇жхаанз лагкан̣уубаниж̇жхаанз жа рад̇о сад̇ад̇аабхияуд̇д̇о. саб̣б̣агаалам̣ сад̇ияаа авиббаваасавасзна сад̇имаа. яад̣̇ад̇т̇ияанд̇и ад̇т̇ад̇о анабзд̇ам̣ ад̇т̇ияам̣, язна ад̇т̇ияам̣ яад̣̇ад̇т̇ияам̣. яат̇аа бажжаяз барибхун̃ж̇анд̇асса барибхун̃ж̇анам̣ ад̇т̇ияам̣ ход̇и, д̇ат̇аа бхож̇анам̣ бхун̃ж̇амаано. саамибарибхог̇зна хи д̇ам̣ ад̇т̇ияам̣ ход̇и д̣̇ааяаж̇ж̇абарибхог̇зна ваа, на ан̃н̃ат̇аа бхож̇ананд̇и жа нид̣̇ассанамад̇д̇ам̣ д̣̇адтаб̣б̣ам̣. бхун̃ж̇ияад̇и барибхун̃ж̇ияад̇ийд̇и ваа бхож̇анам̣, жад̇д̇ааро бажжаяаа. ‘‘яад̣̇ад̇т̇ига’’нд̇и ваа баато. яад̣̇ад̇т̇ам̣ яассад̇т̇ааяа сад̇т̇аараа бажжаяаа анун̃н̃аад̇аа, д̇ад̣̇ад̇т̇ам̣ гааяасса тид̇иаад̣̇иад̇т̇ам̣, д̇ан̃жа анубаад̣̇исзсаниб̣б̣аанад̇т̇ам̣. д̇асмаа анубаад̣̇аабариниб̣б̣аанад̇т̇ам̣ бхож̇анабажжаяз бхун̃ж̇амаано д̇ад̇о зва ган̇кзт̇а гаалам̣ ад̇д̇ано анубаад̣̇аабариниб̣б̣аанагаалам̣ ааг̇амзяяа. ид̇ха имасмим̣ саасанз вийд̇арааг̇о. б̣аахирагасса бана гаамзсу вийд̇арааг̇асса ид̣̇ам̣ над̇т̇ийд̇и ад̇хиббааяо.
12. Tattha paññābalīti pārihāriyapaññāya vipassanāpaññāya ca vasena abhiṇhaso sātisayena paññābalena samannāgato. Sīlavatūpapannoti ukkaṃsagatena catupārisuddhisīlena, dhutadhammasaṅkhātehi vatehi ca upapanno samannāgato. Samāhitoti upacārappanābhedena samādhinā samāhito. Jhānaratoti tato eva ārammaṇūpanijjhāne lakkhaṇūpanijjhāne ca rato satatābhiyutto. Sabbakālaṃ satiyā avippavāsavasena satimā. Yadatthiyanti atthato anapetaṃ atthiyaṃ, yena atthiyaṃ yadatthiyaṃ. Yathā paccaye paribhuñjantassa paribhuñjanaṃ atthiyaṃ hoti, tathā bhojanaṃ bhuñjamāno. Sāmiparibhogena hi taṃ atthiyaṃ hoti dāyajjaparibhogena vā, na aññathā bhojananti ca nidassanamattaṃ daṭṭhabbaṃ. Bhuñjiyati paribhuñjiyatīti vā bhojanaṃ, cattāro paccayā. ‘‘Yadatthika’’nti vā pāṭho. Yadatthaṃ yassatthāya satthārā paccayā anuññātā, tadatthaṃ kāyassa ṭhitiādiatthaṃ, tañca anupādisesanibbānatthaṃ. Tasmā anupādāparinibbānatthaṃ bhojanapaccaye bhuñjamāno tato eva kaṅkhetha kālaṃ attano anupādāparinibbānakālaṃ āgameyya. Idha imasmiṃ sāsane vītarāgo. Bāhirakassa pana kāmesu vītarāgassa idaṃ natthīti adhippāyo.
махааважчад̇т̇зраг̇аат̇ааван̣н̣анаа нидтид̇аа.
Mahāvacchattheragāthāvaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / т̇зраг̇аат̇аабаал̣и • Theragāthāpāḷi / 2. махааважчад̇т̇зраг̇аат̇аа • 2. Mahāvacchattheragāthā
