| Library / Tipiṭaka / д̇ибидага • Tipiṭaka / ж̇аад̇ага-адтагат̇аа • Jātaka-aṭṭhakathā |
[493] 10. махааваан̣иж̇аж̇аад̇агаван̣н̣анаа
[493] 10. Mahāvāṇijajātakavaṇṇanā
ваан̣иж̇аа самид̇им̣ гад̇ваад̇и ид̣̇ам̣ сад̇т̇аа ж̇зд̇аванз вихаранд̇о саавад̇т̇иваасино ваан̣иж̇з аараб̣бха гат̇зси. д̇з гира вохаарад̇т̇ааяа г̇ажчанд̇аа сад̇т̇у махаад̣̇аанам̣ д̣̇ад̇ваа саран̣зсу жа сийлзсу жа бад̇идтааяа ‘‘бханд̇з, сажз арог̇аа ааг̇амиссаама, буна д̇умхаагам̣ баад̣̇з ванд̣̇иссаамаа’’д̇и вад̇ваа бан̃жамад̇д̇зхи сагадасад̇зхи нигкамид̇ваа ганд̇аарам̣ бад̇ваа маг̇г̇ам̣ асаллагкзд̇ваа маг̇г̇амуул̣хаа нируд̣̇агз нираахаарз аран̃н̃з вижаранд̇аа згам̣ нааг̇абариг̇г̇ахид̇ам̣ ниг̇род̇харугкам̣ д̣̇исваа сагадаани можзд̇ваа ругкамуулз нисийд̣̇им̣су. д̇з д̇асса уд̣̇агад̇инд̇аани вияа нийлаани синид̣̇д̇хаани бад̇д̇аани уд̣̇агабун̣н̣аа вияа жа саакаа д̣̇исваа жинд̇аяим̣су ‘‘имасмим̣ ругкз уд̣̇агам̣ сан̃жаранд̇ам̣ вияа бан̃н̃ааяад̇и, имасса буримасаакам̣ чинд̣̇аама, баанийяам̣ но д̣̇ассад̇ий’’д̇и. ат̇зго ругкам̣ абхирухид̇ваа саакам̣ чинд̣̇и, д̇ад̇о д̇аалагканд̇хаббамаан̣аа уд̣̇агад̇хаараа бавад̇д̇и. д̇з д̇ад̇т̇а нхад̇ваа бивид̇ваа жа д̣̇агкин̣асаакам̣ чинд̣̇им̣су, д̇ад̇о наанаг̇г̇арасабхож̇анам̣ нигками. д̇ам̣ бхун̃ж̇ид̇ваа бажчимасаакам̣ чинд̣̇им̣су, д̇ад̇о алан̇гад̇аид̇т̇ияо нигкамим̣су. д̇аахи сад̣̇д̇хим̣ абхирамид̇ваа уд̇д̇арасаакам̣ чинд̣̇им̣су, д̇ад̇о сад̇д̇а рад̇анаани нигкамим̣су. д̇аани г̇ахзд̇ваа бан̃жа сагадасад̇аани буурзд̇ваа саавад̇т̇им̣ бажжааг̇анд̇ваа д̇ханам̣ г̇обзд̇ваа г̇анд̇хамаалаад̣̇ихад̇т̇аа ж̇зд̇аванам̣ г̇анд̇ваа сад̇т̇аарам̣ ванд̣̇ид̇ваа бууж̇зд̇ваа згаманд̇ам̣ нисиннаа д̇хаммагат̇ам̣ суд̇ваа ниманд̇зд̇ваа бунад̣̇ивасз махаад̣̇аанам̣ д̣̇ад̇ваа ‘‘бханд̇з, имасмим̣ д̣̇аанз амхаагам̣ д̇ханад̣̇ааяигааяа ругкад̣̇звад̇ааяа бад̇д̇им̣ д̣̇змаа’’д̇и бад̇д̇им̣ ад̣̇ам̣су. сад̇т̇аа нидтид̇абхад̇д̇агижжо ‘‘гад̇араругкад̣̇звад̇ааяа бад̇д̇им̣ д̣̇зт̇аа’’д̇и бужчи. ваан̣иж̇аа ниг̇род̇харугкз д̇ханасса лад̣̇д̇хаагаарам̣ д̇ат̇ааг̇ад̇ассаарожзсум̣. сад̇т̇аа ‘‘д̇умхз д̇аава мад̇д̇ан̃н̃уд̇ааяа д̇ан̣хаавасигаа ахуд̇ваа д̇ханам̣ лабхид̇т̇а, буб̣б̣з бана амад̇д̇ан̃н̃уд̇ааяа д̇ан̣хаавасигаа д̇ханан̃жа ж̇ийвид̇ан̃жа виж̇ахим̣суу’’д̇и вад̇ваа д̇зхи яаажид̇о ад̇ийд̇ам̣ аахари.
Vāṇijāsamitiṃ katvāti idaṃ satthā jetavane viharanto sāvatthivāsino vāṇije ārabbha kathesi. Te kira vohāratthāya gacchantā satthu mahādānaṃ datvā saraṇesu ca sīlesu ca patiṭṭhāya ‘‘bhante, sace arogā āgamissāma, puna tumhākaṃ pāde vandissāmā’’ti vatvā pañcamattehi sakaṭasatehi nikkhamitvā kantāraṃ patvā maggaṃ asallakkhetvā maggamūḷhā nirudake nirāhāre araññe vicarantā ekaṃ nāgapariggahitaṃ nigrodharukkhaṃ disvā sakaṭāni mocetvā rukkhamūle nisīdiṃsu. Te tassa udakatintāni viya nīlāni siniddhāni pattāni udakapuṇṇā viya ca sākhā disvā cintayiṃsu ‘‘imasmiṃ rukkhe udakaṃ sañcarantaṃ viya paññāyati, imassa purimasākhaṃ chindāma, pānīyaṃ no dassatī’’ti. Atheko rukkhaṃ abhiruhitvā sākhaṃ chindi, tato tālakkhandhappamāṇā udakadhārā pavatti. Te tattha nhatvā pivitvā ca dakkhiṇasākhaṃ chindiṃsu, tato nānaggarasabhojanaṃ nikkhami. Taṃ bhuñjitvā pacchimasākhaṃ chindiṃsu, tato alaṅkataitthiyo nikkhamiṃsu. Tāhi saddhiṃ abhiramitvā uttarasākhaṃ chindiṃsu, tato satta ratanāni nikkhamiṃsu. Tāni gahetvā pañca sakaṭasatāni pūretvā sāvatthiṃ paccāgantvā dhanaṃ gopetvā gandhamālādihatthā jetavanaṃ gantvā satthāraṃ vanditvā pūjetvā ekamantaṃ nisinnā dhammakathaṃ sutvā nimantetvā punadivase mahādānaṃ datvā ‘‘bhante, imasmiṃ dāne amhākaṃ dhanadāyikāya rukkhadevatāya pattiṃ demā’’ti pattiṃ adaṃsu. Satthā niṭṭhitabhattakicco ‘‘katararukkhadevatāya pattiṃ dethā’’ti pucchi. Vāṇijā nigrodharukkhe dhanassa laddhākāraṃ tathāgatassārocesuṃ. Satthā ‘‘tumhe tāva mattaññutāya taṇhāvasikā ahutvā dhanaṃ labhittha, pubbe pana amattaññutāya taṇhāvasikā dhanañca jīvitañca vijahiṃsū’’ti vatvā tehi yācito atītaṃ āhari.
ад̇ийд̇з б̣аараан̣асинаг̇арз д̇ад̣̇зва бана ганд̇аарам̣ свзва ниг̇род̇хо. ваан̣иж̇аа маг̇г̇амуул̣хаа худ̇ваа д̇амзва ниг̇род̇хам̣ бассим̣су. д̇амад̇т̇ам̣ сад̇т̇аа абхисамб̣уд̣̇д̇хо худ̇ваа гат̇знд̇о имаа г̇аат̇аа ааха –
Atīte bārāṇasinagare tadeva pana kantāraṃ sveva nigrodho. Vāṇijā maggamūḷhā hutvā tameva nigrodhaṃ passiṃsu. Tamatthaṃ satthā abhisambuddho hutvā kathento imā gāthā āha –
180.
180.
‘‘ваан̣иж̇аа самид̇им̣ гад̇ваа, наанаарадтад̇о ааг̇ад̇аа;
‘‘Vāṇijā samitiṃ katvā, nānāraṭṭhato āgatā;
д̇ханаахараа баггамим̣су, згам̣ гад̇ваана г̇ааман̣им̣.
Dhanāharā pakkamiṃsu, ekaṃ katvāna gāmaṇiṃ.
181.
181.
‘‘д̇з д̇ам̣ ганд̇аарамааг̇амма, аббабхагкам̣ анод̣̇агам̣;
‘‘Te taṃ kantāramāgamma, appabhakkhaṃ anodakaṃ;
махааниг̇род̇хамад̣̇д̣̇агкум̣, сийд̇ажчааяам̣ манорамам̣.
Mahānigrodhamaddakkhuṃ, sītacchāyaṃ manoramaṃ.
182.
182.
‘‘д̇з жа д̇ад̇т̇а нисийд̣̇ид̇ваа, д̇асса ругкасса чааяаяаа;
‘‘Te ca tattha nisīditvā, tassa rukkhassa chāyayā;
ваан̣иж̇аа самажинд̇зсум̣, б̣аалаа мохзна бааруд̇аа.
Vāṇijā samacintesuṃ, bālā mohena pārutā.
183.
183.
‘‘аллааяад̇з аяам̣ ругко, аби ваарийва санд̣̇ад̇и;
‘‘Allāyate ayaṃ rukkho, api vārīva sandati;
ин̇гхасса буримам̣ саакам̣, маяам̣ чинд̣̇аама ваан̣иж̇аа.
Iṅghassa purimaṃ sākhaṃ, mayaṃ chindāma vāṇijā.
184.
184.
‘‘саа жа чиннаава баг̇гхари, ажчам̣ ваарим̣ анаавилам̣;
‘‘Sā ca chinnāva pagghari, acchaṃ vāriṃ anāvilaṃ;
д̇з д̇ад̇т̇а нхад̇ваа бивид̇ваа, яаавад̇ижчим̣су ваан̣иж̇аа.
Te tattha nhatvā pivitvā, yāvaticchiṃsu vāṇijā.
185.
185.
‘‘д̣̇уд̇ияам̣ самажинд̇зсум̣, б̣аалаа мохзна бааруд̇аа;
‘‘Dutiyaṃ samacintesuṃ, bālā mohena pārutā;
ин̇гхасса д̣̇агкин̣ам̣ саакам̣, маяам̣ чинд̣̇аама ваан̣иж̇аа.
Iṅghassa dakkhiṇaṃ sākhaṃ, mayaṃ chindāma vāṇijā.
186.
186.
‘‘саа жа чиннаава баг̇гхари, саалимам̣сод̣̇анам̣ б̣ахум̣;
‘‘Sā ca chinnāva pagghari, sālimaṃsodanaṃ bahuṃ;
аббод̣̇аван̣н̣з гуммаасз, син̇г̇им̣ вид̣̇аласуубияо.
Appodavaṇṇe kummāse, siṅgiṃ vidalasūpiyo.
187.
187.
‘‘д̇з д̇ад̇т̇а бхуд̇ваа каад̣̇ид̇ваа, яаавад̇ижчим̣су ваан̣иж̇аа;
‘‘Te tattha bhutvā khāditvā, yāvaticchiṃsu vāṇijā;
д̇ад̇ияам̣ самажинд̇зсум̣, б̣аалаа мохзна бааруд̇аа;
Tatiyaṃ samacintesuṃ, bālā mohena pārutā;
ин̇гхасса бажчимам̣ саакам̣, маяам̣ чинд̣̇аама ваан̣иж̇аа.
Iṅghassa pacchimaṃ sākhaṃ, mayaṃ chindāma vāṇijā.
188.
188.
‘‘саа жа чиннаава баг̇гхари, наарияо самалан̇гад̇аа;
‘‘Sā ca chinnāva pagghari, nāriyo samalaṅkatā;
вижид̇равад̇т̇аабхаран̣аа, аамуд̇д̇аман̣игун̣д̣алаа.
Vicitravatthābharaṇā, āmuttamaṇikuṇḍalā.
189.
189.
‘‘аби су ваан̣иж̇аа згаа, наарияо бан̣н̣авийсад̇и;
‘‘Api su vāṇijā ekā, nāriyo paṇṇavīsati;
саманд̇аа бариваарим̣су, д̇асса ругкасса чааяаяаа;
Samantā parivāriṃsu, tassa rukkhassa chāyayā;
д̇з д̇аахи барижаарзд̇ваа, яаавад̇ижчим̣су ваан̣иж̇аа.
Te tāhi paricāretvā, yāvaticchiṃsu vāṇijā.
190.
190.
‘‘жад̇уд̇т̇ам̣ самажинд̇зсум̣, б̣аалаа мохзна бааруд̇аа;
‘‘Catutthaṃ samacintesuṃ, bālā mohena pārutā;
ин̇гхасса уд̇д̇арам̣ саакам̣, маяам̣ чинд̣̇аама ваан̣иж̇аа.
Iṅghassa uttaraṃ sākhaṃ, mayaṃ chindāma vāṇijā.
191.
191.
‘‘саа жа чиннаава баг̇гхари, муд̇д̇аа взл̣урияаа б̣ахуу;
‘‘Sā ca chinnāva pagghari, muttā veḷuriyā bahū;
раж̇ад̇ам̣ ж̇аад̇аруубан̃жа, гуд̇д̇ияо бадияаани жа.
Rajataṃ jātarūpañca, kuttiyo paṭiyāni ca.
192.
192.
‘‘гаасигаани жа вад̇т̇аани, уд̣̇д̣̇ияаани жа гамб̣алаа;
‘‘Kāsikāni ca vatthāni, uddiyāni ca kambalā;
д̇з д̇ад̇т̇а бхаарз б̣анд̇хид̇ваа, яаавад̇ижчим̣су ваан̣иж̇аа.
Te tattha bhāre bandhitvā, yāvaticchiṃsu vāṇijā.
193.
193.
‘‘бан̃жамам̣ самажинд̇зсум̣, б̣аалаа мохзна бааруд̇аа;
‘‘Pañcamaṃ samacintesuṃ, bālā mohena pārutā;
ин̇гхасса муулам̣ чинд̣̇аама, аби бхияяо лабхаамасз.
Iṅghassa mūlaṃ chindāma, api bhiyyo labhāmase.
194.
194.
‘‘ат̇удтахи сад̇т̇аваахо, яаажамаано гад̇ан̃ж̇алий;
‘‘Athuṭṭhahi satthavāho, yācamāno katañjalī;
ниг̇род̇хо гим̣ бараж̇жхад̇и, ваан̣иж̇аа бхад̣̇д̣̇амад̇т̇у д̇з.
Nigrodho kiṃ parajjhati, vāṇijā bhaddamatthu te.
195.
195.
‘‘ваарид̣̇аа буримаа саакаа, аннабаанан̃жа д̣̇агкин̣аа;
‘‘Vāridā purimā sākhā, annapānañca dakkhiṇā;
наарид̣̇аа бажчимаа саакаа, саб̣б̣агаамз жа уд̇д̇араа;
Nāridā pacchimā sākhā, sabbakāme ca uttarā;
ниг̇род̇хо гим̣ бараж̇жхад̇и, ваан̣иж̇аа бхад̣̇д̣̇амад̇т̇у д̇з.
Nigrodho kiṃ parajjhati, vāṇijā bhaddamatthu te.
196.
196.
‘‘яасса ругкасса чааяааяа, нисийд̣̇зяяа саязяяа ваа;
‘‘Yassa rukkhassa chāyāya, nisīdeyya sayeyya vā;
на д̇асса саакам̣ бхан̃ж̇зяяа, мид̇д̇ад̣̇уб̣бхо хи баабаго.
Na tassa sākhaṃ bhañjeyya, mittadubbho hi pāpako.
197.
197.
‘‘д̇з жа д̇ассаанаад̣̇ияид̇ваа, згасса важанам̣ б̣ахуу;
‘‘Te ca tassānādiyitvā, ekassa vacanaṃ bahū;
нисид̇аахи гутаарийхи, муулад̇о нам̣ убаггаму’’нд̇и.
Nisitāhi kuṭhārīhi, mūlato naṃ upakkamu’’nti.
д̇ад̇т̇а самид̇им̣ гад̇ваад̇и б̣аараан̣асияам̣ самааг̇амам̣ гад̇ваа, б̣ахуу згад̇о худ̇ваад̇и ад̇т̇о. баггамим̣сууд̇и бан̃жахи сагадасад̇зхи б̣аараан̣асзяяагам̣ бхан̣д̣ам̣ аад̣̇ааяа баггамим̣су. г̇ааман̣инд̇и згам̣ бан̃н̃аванд̇ад̇арам̣ сад̇т̇аваахам̣ гад̇ваа . чааяаяаад̇и чааяааяа. аллааяад̇зд̇и уд̣̇агабхарид̇о вияа алло худ̇ваа бан̃н̃ааяад̇и. чиннаава баг̇гхарийд̇и зго ругкаароханагусало абхирухид̇ваа д̇ам̣ чинд̣̇и, саа чиннамад̇д̇аава баг̇гхарийд̇и д̣̇ассзд̇и. барад̇оби зсзва наяо.
Tattha samitiṃ katvāti bārāṇasiyaṃ samāgamaṃ katvā, bahū ekato hutvāti attho. Pakkamiṃsūti pañcahi sakaṭasatehi bārāṇaseyyakaṃ bhaṇḍaṃ ādāya pakkamiṃsu. Gāmaṇinti ekaṃ paññavantataraṃ satthavāhaṃ katvā . Chāyayāti chāyāya. Allāyateti udakabharito viya allo hutvā paññāyati. Chinnāva paggharīti eko rukkhārohanakusalo abhiruhitvā taṃ chindi, sā chinnamattāva paggharīti dasseti. Paratopi eseva nayo.
аббод̣̇аван̣н̣з гуммаасзд̇и аббод̣̇агабааяаасасад̣̇исз гуммаасз. син̇г̇инд̇и син̇г̇ивзраад̣̇игам̣ уд̇д̇арибхан̇г̇ам̣. вид̣̇аласуубияод̇и муг̇г̇асуубаад̣̇аяо. ваан̣иж̇аа згаад̇и згзгасса ваан̣иж̇асса яад̇д̇агаа ваан̣иж̇аа , д̇зсу згзгасса згзгаава, сад̇т̇аваахасса бана санд̇игз бан̃жавийсад̇ийд̇и ад̇т̇о. бариваарим̣сууд̇и бариваарзсум̣. д̇аахи бана сад̣̇д̇хим̣язва нааг̇аанубхаавзна саан̣ивид̇аанасаяанаад̣̇ийни баг̇гхарим̣су.
Appodavaṇṇekummāseti appodakapāyāsasadise kummāse. Siṅginti siṅgiverādikaṃ uttaribhaṅgaṃ. Vidalasūpiyoti muggasūpādayo. Vāṇijā ekāti ekekassa vāṇijassa yattakā vāṇijā , tesu ekekassa ekekāva, satthavāhassa pana santike pañcavīsatīti attho. Parivāriṃsūti parivāresuṃ. Tāhi pana saddhiṃyeva nāgānubhāvena sāṇivitānasayanādīni pagghariṃsu.
гуд̇д̇ияод̇и хад̇т̇ад̇т̇араад̣̇аяо. бадияаанижаад̇и ун̣н̣аамаяабажжад̇т̇аран̣аани. ‘‘сзд̇агамб̣алааний’’д̇иби вад̣̇анд̇иязва. уд̣̇д̣̇ияаани жа гамб̣алаад̇и уд̣̇д̣̇ияаани наама гамб̣алаа ад̇т̇и. д̇з д̇ад̇т̇а бхаарз б̣анд̇хид̇ваад̇и яаавад̇агам̣ ижчим̣су, д̇аавад̇агам̣ г̇ахзд̇ваа бан̃жа сагадасад̇аани буурзд̇ваад̇и ад̇т̇о. ваан̣иж̇аа бхад̣̇д̣̇амад̇т̇у д̇зд̇и згзгам̣ ваан̣иж̇ам̣ аалабанд̇о ‘‘бхад̣̇д̣̇ам̣ д̇з ад̇т̇уу’’д̇и ааха. аннабаанан̃жаад̇и аннан̃жа баанан̃жа ад̣̇ааси. саб̣б̣агаамз жаад̇и саб̣б̣агаамз жа ад̣̇ааси. мид̇д̇ад̣̇уб̣бхо хийд̇и мид̇д̇аанам̣ д̣̇уб̣бханабурисо хи баабаго лаамаго наама. анаад̣̇ияид̇ваад̇и д̇асса важанам̣ аг̇г̇ахзд̇ваа. убаггамунд̇и мохаава чинд̣̇ид̇ум̣ аарабхим̣су.
Kuttiyoti hatthattharādayo. Paṭiyānicāti uṇṇāmayapaccattharaṇāni. ‘‘Setakambalānī’’tipi vadantiyeva. Uddiyāni ca kambalāti uddiyāni nāma kambalā atthi. Te tattha bhāre bandhitvāti yāvatakaṃ icchiṃsu, tāvatakaṃ gahetvā pañca sakaṭasatāni pūretvāti attho. Vāṇijā bhaddamatthu teti ekekaṃ vāṇijaṃ ālapanto ‘‘bhaddaṃ te atthū’’ti āha. Annapānañcāti annañca pānañca adāsi. Sabbakāme cāti sabbakāme ca adāsi. Mittadubbho hīti mittānaṃ dubbhanapuriso hi pāpako lāmako nāma. Anādiyitvāti tassa vacanaṃ aggahetvā. Upakkamunti mohāva chindituṃ ārabhiṃsu.
ат̇а нз чинд̣̇анад̇т̇ааяа ругкам̣ убаг̇ад̇з д̣̇исваа нааг̇арааж̇аа жинд̇зси ‘‘ахам̣ зд̇зсам̣ бибаасид̇аанам̣ баанийяам̣ д̣̇аабзсим̣, д̇ад̇о д̣̇иб̣б̣абхож̇анам̣, д̇ад̇о саяанаад̣̇ийни жзва барижааригаа жа наарияо, д̇ад̇о бан̃жасад̇асагадабуурам̣ рад̇анам̣, ид̣̇аани банимз ‘‘ругкам̣ муулад̇о чинд̣̇иссаамаа’д̇и вад̣̇анд̇и, ад̇ивияа луд̣̇д̇хаа имз, табзд̇ваа сад̇т̇аваахам̣ авасзсз маарзд̇ум̣ ваддад̇ий’’д̇и. со ‘‘зд̇д̇агаа саннад̣̇д̇хаяод̇хаа нигкаманд̇у, зд̇д̇агаа д̇хануг̇г̇ахаа, зд̇д̇агаа ваммино’’д̇и сзнам̣ вижаарзси. д̇амад̇т̇ам̣ багаасзнд̇о сад̇т̇аа г̇аат̇амааха –
Atha ne chindanatthāya rukkhaṃ upagate disvā nāgarājā cintesi ‘‘ahaṃ etesaṃ pipāsitānaṃ pānīyaṃ dāpesiṃ, tato dibbabhojanaṃ, tato sayanādīni ceva paricārikā ca nāriyo, tato pañcasatasakaṭapūraṃ ratanaṃ, idāni panime ‘‘rukkhaṃ mūlato chindissāmā’ti vadanti, ativiya luddhā ime, ṭhapetvā satthavāhaṃ avasese māretuṃ vaṭṭatī’’ti. So ‘‘ettakā sannaddhayodhā nikkhamantu, ettakā dhanuggahā, ettakā vammino’’ti senaṃ vicāresi. Tamatthaṃ pakāsento satthā gāthamāha –
198.
198.
‘‘д̇ад̇о нааг̇аа нигкамим̣су, саннад̣̇д̇хаа бан̣н̣авийсад̇и;
‘‘Tato nāgā nikkhamiṃsu, sannaddhā paṇṇavīsati;
д̇хануг̇г̇ахаанам̣ д̇исад̇аа, часахассаа жа ваммино’’д̇и.
Dhanuggahānaṃ tisatā, chasahassā ca vammino’’ti.
д̇ад̇т̇а саннад̣̇д̇хаад̇и суван̣н̣араж̇ад̇аад̣̇иваммагаважигаа. д̇хануг̇г̇ахаанам̣ д̇исад̇аад̇и мзн̣д̣ависаан̣ад̇хануг̇г̇ахаанам̣ д̇ийн̣и сад̇аани. вамминод̇и кздагапалагахад̇т̇аа часахассаа.
Tattha sannaddhāti suvaṇṇarajatādivammakavacikā. Dhanuggahānaṃ tisatāti meṇḍavisāṇadhanuggahānaṃ tīṇi satāni. vamminoti kheṭakaphalakahatthā chasahassā.
199.
199.
‘‘зд̇з ханат̇а б̣анд̇хат̇а, маа во мун̃жид̇т̇а ж̇ийвид̇ам̣;
‘‘Ete hanatha bandhatha, mā vo muñcittha jīvitaṃ;
табзд̇ваа сад̇т̇аваахам̣ва, саб̣б̣з бхасмам̣ гарот̇а нз’’д̇и. – аяам̣ нааг̇арааж̇зна вуд̇д̇аг̇аат̇аа;
Ṭhapetvā satthavāhaṃva, sabbe bhasmaṃ karotha ne’’ti. – ayaṃ nāgarājena vuttagāthā;
д̇ад̇т̇а маа во мун̃жид̇т̇а ж̇ийвид̇анд̇и гассажи згассаби ж̇ийвид̇ам̣ маа мун̃жид̇т̇а.
Tattha mā vo muñcittha jīvitanti kassaci ekassapi jīvitaṃ mā muñcittha.
нааг̇аа д̇ат̇аа гад̇ваа ад̇т̇аран̣аад̣̇ийни бан̃жасу сагадасад̇зсу ааробзд̇ваа сад̇т̇аваахам̣ г̇ахзд̇ваа саяам̣ д̇аани сагадаани бааж̇знд̇аа б̣аараан̣асим̣ г̇анд̇ваа саб̣б̣ам̣ д̇ханам̣ д̇асса г̇зхз бадисаамзд̇ваа д̇ам̣ аабужчид̇ваа ад̇д̇ано нааг̇абхаванамзва г̇ад̇аа. д̇амад̇т̇ам̣ вид̣̇ид̇ваа сад̇т̇аа оваад̣̇авасзна г̇аат̇аад̣̇ваяамааха –
Nāgā tathā katvā attharaṇādīni pañcasu sakaṭasatesu āropetvā satthavāhaṃ gahetvā sayaṃ tāni sakaṭāni pājentā bārāṇasiṃ gantvā sabbaṃ dhanaṃ tassa gehe paṭisāmetvā taṃ āpucchitvā attano nāgabhavanameva gatā. Tamatthaṃ viditvā satthā ovādavasena gāthādvayamāha –
200.
200.
‘‘д̇асмаа хи бан̣д̣ид̇о босо, самбассам̣ ад̇т̇амад̇д̇ано;
‘‘Tasmā hi paṇḍito poso, sampassaṃ atthamattano;
лобхасса на васам̣ г̇ажчз, ханзяяаарисагам̣ манам̣.
Lobhassa na vasaṃ gacche, haneyyārisakaṃ manaṃ.
201.
201.
‘‘звамаад̣̇ийнавам̣ н̃ад̇ваа, д̇ан̣хаа д̣̇угкасса самбхавам̣;
‘‘Evamādīnavaṃ ñatvā, taṇhā dukkhassa sambhavaṃ;
вийд̇ад̇ан̣хо анаад̣̇аано, сад̇о бхигку бариб̣б̣аж̇з’’д̇и.
Vītataṇho anādāno, sato bhikkhu paribbaje’’ti.
д̇ад̇т̇а д̇асмаад̇и яасмаа лобхавасигаа махаавинаасам̣ бад̇д̇аа, сад̇т̇аваахо уд̇д̇амасамбад̇д̇им̣, д̇асмаа. ханзяяаарисагам̣ мананд̇и анд̇о уббаж̇ж̇амаанаанам̣ наанаавид̇хаанам̣ лобхасад̇д̇уунам̣ санд̇агам̣ манам̣, лобхасамбаяуд̇д̇ажид̇д̇ам̣ ханзяяаад̇и ад̇т̇о. звамаад̣̇ийнаванд̇и звам̣ лобхз аад̣̇ийнавам̣ ж̇аанид̇ваа. д̇ан̣хаа д̣̇угкасса самбхаванд̇и ж̇аад̇иаад̣̇ид̣̇угкасса д̇ан̣хаа самбхаво, д̇ад̇о зд̇ам̣ д̣̇угкам̣ ниб̣б̣ад̇д̇ад̇и, звам̣ д̇ан̣хаава д̣̇угкасса самбхавам̣ н̃ад̇ваа вийд̇ад̇ан̣хо д̇ан̣хаааад̣̇аанзна анаад̣̇аано маг̇г̇зна ааг̇ад̇ааяа сад̇ияаа сад̇о худ̇ваа бхигку бариб̣б̣аж̇з ириязт̇а вад̇д̇зт̇аад̇и арахад̇д̇зна д̣̇зсанааяа гуудам̣ г̇ан̣хи.
Tattha tasmāti yasmā lobhavasikā mahāvināsaṃ pattā, satthavāho uttamasampattiṃ, tasmā. Haneyyārisakaṃ mananti anto uppajjamānānaṃ nānāvidhānaṃ lobhasattūnaṃ santakaṃ manaṃ, lobhasampayuttacittaṃ haneyyāti attho. Evamādīnavanti evaṃ lobhe ādīnavaṃ jānitvā. Taṇhā dukkhassa sambhavanti jātiādidukkhassa taṇhā sambhavo, tato etaṃ dukkhaṃ nibbattati, evaṃ taṇhāva dukkhassa sambhavaṃ ñatvā vītataṇho taṇhāādānena anādāno maggena āgatāya satiyā sato hutvā bhikkhu paribbaje iriyetha vattethāti arahattena desanāya kūṭaṃ gaṇhi.
иман̃жа бана д̇хаммад̣̇зсанам̣ аахарид̇ваа ‘‘звам̣ убаасагаа буб̣б̣з лобхавасигаа ваан̣иж̇аа махаавинаасам̣ бад̇д̇аа, д̇асмаа лобхавасигзна на бхавид̇аб̣б̣а’’нд̇и вад̇ваа сажжаани багаасзд̇ваа ж̇аад̇агам̣ самод̇хаанзси, сажжабарияосаанз д̇з ваан̣иж̇аа сод̇аабад̇д̇ипалз бад̇идтид̇аа. д̇ад̣̇аа нааг̇арааж̇аа саарибуд̇д̇о ахоси, сад̇т̇аваахо бана ахамзва ахосинд̇и.
Imañca pana dhammadesanaṃ āharitvā ‘‘evaṃ upāsakā pubbe lobhavasikā vāṇijā mahāvināsaṃ pattā, tasmā lobhavasikena na bhavitabba’’nti vatvā saccāni pakāsetvā jātakaṃ samodhānesi, saccapariyosāne te vāṇijā sotāpattiphale patiṭṭhitā. Tadā nāgarājā sāriputto ahosi, satthavāho pana ahameva ahosinti.
махааваан̣иж̇аж̇аад̇агаван̣н̣анаа д̣̇асамаа.
Mahāvāṇijajātakavaṇṇanā dasamā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ж̇аад̇агабаал̣и • Jātakapāḷi / 493. махааваан̣иж̇аж̇аад̇агам̣ • 493. Mahāvāṇijajātakaṃ
