| Library / Tipiṭaka / д̇ибидага • Tipiṭaka / винаяавинижчаяа-дийгаа • Vinayavinicchaya-ṭīkā |
махаавибхан̇г̇асан̇г̇ахагат̇ааван̣н̣анаа
Mahāvibhaṅgasaṅgahakathāvaṇṇanā
4. звам̣ сод̇уж̇анам̣ саванз нияож̇зд̇ваа яат̇аабадин̃н̃аад̇ам̣ уд̇д̇аравинижчаяам̣ д̣̇ассзд̇умааха ‘‘мзт̇уна’’нд̇иаад̣̇и. ‘‘гад̇и аабад̇д̇ияо’’д̇и аяам̣ д̣̇идтасам̣санд̣̇анаа, ад̣̇идтаж̇од̇анаа, вимад̇ижчзд̣̇анаа, анумад̇и, гат̇зд̇угамяад̇аабужчаад̇и бан̃жаннам̣ бужчаанам̣ гат̇зд̇угамяад̇аабужчаа. д̇иссо аабад̇д̇ияо пусзд̇и д̇ассаа сан̇кзбад̇о виссаж̇ж̇анам̣.
4. Evaṃ sotujanaṃ savane niyojetvā yathāpaṭiññātaṃ uttaravinicchayaṃ dassetumāha ‘‘methuna’’ntiādi. ‘‘Kati āpattiyo’’ti ayaṃ diṭṭhasaṃsandanā, adiṭṭhajotanā, vimaticchedanā, anumati, kathetukamyatāpucchāti pañcannaṃ pucchānaṃ kathetukamyatāpucchā. Tisso āpattiyo phuseti tassā saṅkhepato vissajjanaṃ.
5. звам̣ г̇ан̣анаавасзна д̣̇ассид̇аанам̣ ‘‘бхавз’’д̇иаад̣̇и саруубад̇о д̣̇ассанам̣. кзд̇д̇зд̇и д̇ин̣н̣ам̣ маг̇г̇аанам̣ ан̃н̃ад̇арасмим̣ аллогаасз д̇илаб̣ийж̇амад̇д̇зби бад̣̇зсз. мзт̇унам̣ бадисзванд̇асса баарааж̇игам̣ бхавзд̇и самб̣анд̇хо. ‘‘т̇уллажжаяа’’нд̇и вуд̇д̇анд̇и яож̇анаа. ‘‘язбхуяяагкааяид̇з’’д̇и ид̣̇ам̣ нид̣̇ассанамад̇д̇ам̣, убад̣дхагкааяид̇зби т̇уллажжаяасса хздтаа вуд̇д̇ад̇д̇аа. ваддагад̇з мукз апусанд̇ам̣ ан̇г̇аж̇аад̇ам̣ бавзсзнд̇асса д̣̇уггадам̣ вуд̇д̇анд̇и яож̇анаа.
5. Evaṃ gaṇanāvasena dassitānaṃ ‘‘bhave’’tiādi sarūpato dassanaṃ. Khetteti tiṇṇaṃ maggānaṃ aññatarasmiṃ allokāse tilabījamattepi padese. Methunaṃ paṭisevantassa pārājikaṃ bhaveti sambandho. ‘‘Thullaccaya’’nti vuttanti yojanā. ‘‘Yebhuyyakkhāyite’’ti idaṃ nidassanamattaṃ, upaḍḍhakkhāyitepi thullaccayassa heṭṭhā vuttattā. Vaṭṭakate mukhe aphusantaṃ aṅgajātaṃ pavesentassa dukkaṭaṃ vuttanti yojanā.
6. ‘‘ад̣̇иннам̣ аад̣̇ияанд̇о’’д̇иаад̣̇аяоби вуд̇д̇анаяааязва.
6.‘‘Adinnaṃādiyanto’’tiādayopi vuttanayāyeva.
7. бан̃жамаасаг̇гханз ваабийд̇и бораан̣агасса нийлагахаабан̣асса жад̇уд̇т̇абхааг̇асан̇каад̇з бан̃жамаасз, д̇ад̣̇аг̇гханагз ваа. ад̇хигз ваад̇и ад̇ирзгабан̃жамаасагз ваа д̇ад̣̇аг̇гханагз ваа. ад̣̇иннз бан̃жавийсад̇ияаа авахаараанам̣ ан̃н̃ад̇арзна авахадз барааж̇аяо ход̇ийд̇и ад̇т̇о. маасз ваа уунамаасз ваа д̇ад̣̇аг̇гханагз ваа д̣̇уггадам̣. д̇ад̇о маж̇жхзд̇и бан̃жамаасагад̇о маж̇жхз. бан̃жа маасаа самаахадаа, бан̃жаннам̣ маасаанам̣ самаахаарод̇и ваа бан̃жамаасам̣, бан̃жамаасам̣ аг̇гхад̇ийд̇и бан̃жамаасаг̇гханам̣, бан̃жамаасан̃жа бан̃жамаасаг̇гханан̃жа бан̃жамаасаг̇гханам̣, згад̣̇зсасаруубзгасзсояам̣, д̇асмим̣. маасз ваад̇и зд̇т̇ааби маасо жа маасаг̇гханаган̃жа маасамаасаг̇гханагод̇и вад̇д̇аб̣б̣з ‘‘маасз’’д̇и згад̣̇зсасаруубзгасзсо, уд̇д̇арабад̣̇алобо жа д̣̇адтаб̣б̣о.
7.Pañcamāsagghane vāpīti porāṇakassa nīlakahāpaṇassa catutthabhāgasaṅkhāte pañcamāse, tadagghanake vā. Adhike vāti atirekapañcamāsake vā tadagghanake vā. Adinne pañcavīsatiyā avahārānaṃ aññatarena avahaṭe parājayo hotīti attho. Māse vā ūnamāse vā tadagghanake vā dukkaṭaṃ. Tato majjheti pañcamāsakato majjhe. Pañca māsā samāhaṭā, pañcannaṃ māsānaṃ samāhāroti vā pañcamāsaṃ, pañcamāsaṃ agghatīti pañcamāsagghanaṃ, pañcamāsañca pañcamāsagghanañca pañcamāsagghanaṃ, ekadesasarūpekasesoyaṃ, tasmiṃ. Māse vāti etthāpi māso ca māsagghanakañca māsamāsagghanakoti vattabbe ‘‘māse’’ti ekadesasarūpekaseso, uttarapadalopo ca daṭṭhabbo.
‘‘бан̃жамаасаг̇гханз’’д̇и сааман̃н̃зна вуд̇д̇зби бораан̣агасса нийлагахаабан̣ассзва жад̇уд̇т̇абхааг̇авасзна бан̃жамаасанияамо гаад̇аб̣б̣о. д̇ат̇аа хи бхаг̇авад̇аа д̣̇уд̇ияабаарааж̇игам̣ бан̃н̃аабзнд̇зна бхигкуусу баб̣б̣аж̇ид̇ам̣ бураан̣авохааригамахаамад̇д̇ам̣ бхигкум̣ ‘‘гид̇д̇агзна вад̇т̇унаа рааж̇аа мааг̇ад̇хо сзнияо б̣имб̣исааро жорам̣ г̇ахзд̇ваа ханад̇и ваа б̣анд̇хад̇и ваа баб̣б̣ааж̇зд̇и ваа’’д̇и бужчид̇ваа д̇зна ‘‘баад̣̇зна ваа баад̣̇аарахзна ваа’’д̇и вуд̇д̇з д̇знзва бамаан̣зна ад̣̇иннам̣ аад̣̇ияанд̇асса бан̃н̃ад̇д̇ам̣. адтагат̇ааяан̃жа –
‘‘Pañcamāsagghane’’ti sāmaññena vuttepi porāṇakassa nīlakahāpaṇasseva catutthabhāgavasena pañcamāsaniyamo kātabbo. Tathā hi bhagavatā dutiyapārājikaṃ paññāpentena bhikkhūsu pabbajitaṃ purāṇavohārikamahāmattaṃ bhikkhuṃ ‘‘kittakena vatthunā rājā māgadho seniyo bimbisāro coraṃ gahetvā hanati vā bandhati vā pabbājeti vā’’ti pucchitvā tena ‘‘pādena vā pādārahena vā’’ti vutte teneva pamāṇena adinnaṃ ādiyantassa paññattaṃ. Aṭṭhakathāyañca –
‘‘бан̃жамаасаго баад̣̇од̇и баал̣им̣ уллин̇г̇ид̇ваа ‘д̇ад̣̇аа рааж̇аг̇ахз вийсад̇имаасаго гахаабан̣о ход̇и, д̇асмаа бан̃жамаасаго баад̣̇о’. зд̇зна лагкан̣зна саб̣б̣аж̇анабад̣̇зсу гахаабан̣асса жад̇уд̇т̇о бхааг̇о ‘баад̣̇о’д̇и взд̣̇ид̇аб̣б̣о. со жа ко бораан̣агасса нийлагахаабан̣асса васзна, на ид̇арзсам̣ д̣̇уд̣̇рад̣̇аамагаад̣̇ийнам̣. д̇зна хи баад̣̇зна ад̇ийд̇аа б̣уд̣̇д̇хааби баарааж̇игам̣ бан̃н̃абзсум̣, анааг̇ад̇ааби бан̃н̃абзссанд̇и. саб̣б̣аб̣уд̣̇д̇хаанан̃хи баарааж̇игавад̇т̇умхи ваа баарааж̇игз ваа наанад̇д̇ам̣ над̇т̇и, имаанзва жад̇д̇аари баарааж̇игавад̇т̇ууни, имаанзва жад̇д̇аари баарааж̇игаани, ид̇о уунам̣ ваа ад̇ирзгам̣ ваа над̇т̇и. д̇асмаа бхаг̇авааби д̇ханияам̣ виг̇арахид̇ваа баад̣̇знзва д̣̇уд̇ияабаарааж̇игам̣ бан̃н̃абзнд̇о ‘яо бана бхигку ад̣̇иннам̣ т̇зяяасан̇каад̇а’нд̇иаад̣̇имаахаа’’д̇и (баараа. адта. 1.88) вуд̇д̇ам̣.
‘‘Pañcamāsako pādoti pāḷiṃ ulliṅgitvā ‘tadā rājagahe vīsatimāsako kahāpaṇo hoti, tasmā pañcamāsako pādo’. Etena lakkhaṇena sabbajanapadesu kahāpaṇassa catuttho bhāgo ‘pādo’ti veditabbo. So ca kho porāṇakassa nīlakahāpaṇassa vasena, na itaresaṃ dudradāmakādīnaṃ. Tena hi pādena atītā buddhāpi pārājikaṃ paññapesuṃ, anāgatāpi paññapessanti. Sabbabuddhānañhi pārājikavatthumhi vā pārājike vā nānattaṃ natthi, imāneva cattāri pārājikavatthūni, imāneva cattāri pārājikāni, ito ūnaṃ vā atirekaṃ vā natthi. Tasmā bhagavāpi dhaniyaṃ vigarahitvā pādeneva dutiyapārājikaṃ paññapento ‘yo pana bhikkhu adinnaṃ theyyasaṅkhāta’ntiādimāhā’’ti (pārā. aṭṭha. 1.88) vuttaṃ.
саарад̇т̇ад̣̇ийбанияан̃жа –
Sāratthadīpaniyañca –
‘‘жад̇уд̇т̇о бхааг̇о баад̣̇од̇и взд̣̇ид̇аб̣б̣од̇и иминаава саб̣б̣аж̇анабад̣̇зсу гахаабан̣ассзва вийсад̇имо бхааг̇омаасагод̇и ид̣̇ан̃жа вуд̇д̇амзва ход̇ийд̇и д̣̇адтаб̣б̣ам̣. бораан̣асад̇т̇аануруубам̣ лагкан̣асамбаннаа уббаад̣̇ид̇аа нийлагахаабан̣аад̇и взд̣̇ид̇аб̣б̣аа. д̣̇уд̣̇рад̣̇аамзна уббаад̣̇ид̇о д̣̇уд̣̇рад̣̇аамаго. со гира нийлагахаабан̣асса д̇ибхааг̇ам̣ аг̇гхад̇ий’д̇и вад̇ваа ‘яасмим̣ бад̣̇зсз нийлагахаабан̣аа на санд̇и, д̇ад̇т̇ааби нийлагахаабан̣авасзнзва барижчзд̣̇о гаад̇аб̣б̣о. гат̇ам̣? нийлагахаабан̣аанам̣ вал̣ан̃ж̇анадтаанз жа авал̣ан̃ж̇анадтаанз жа самаанааг̇гхавасзна бавад̇д̇амаанам̣ бхан̣д̣ам̣ нийлагахаабан̣зна самаанаг̇гхам̣ г̇ахзд̇ваа д̇асса жад̇уд̇т̇абхааг̇аг̇гханагам̣ нийлагахаабан̣асса баад̣̇аг̇гханаганд̇и барижчинд̣̇ид̇ваа винижчаяо гаад̇аб̣б̣о’’д̇и (саарад̇т̇а. дий. 2.88) аяамад̇т̇ова вуд̇д̇о.
‘‘Catuttho bhāgo pādoti veditabboti imināva sabbajanapadesu kahāpaṇasseva vīsatimo bhāgomāsakoti idañca vuttameva hotīti daṭṭhabbaṃ. Porāṇasatthānurūpaṃ lakkhaṇasampannā uppāditā nīlakahāpaṇāti veditabbā. Dudradāmena uppādito dudradāmako. So kira nīlakahāpaṇassa tibhāgaṃ agghatī’ti vatvā ‘yasmiṃ padese nīlakahāpaṇā na santi, tatthāpi nīlakahāpaṇavaseneva paricchedo kātabbo. Kathaṃ? Nīlakahāpaṇānaṃ vaḷañjanaṭṭhāne ca avaḷañjanaṭṭhāne ca samānaagghavasena pavattamānaṃ bhaṇḍaṃ nīlakahāpaṇena samānagghaṃ gahetvā tassa catutthabhāgagghanakaṃ nīlakahāpaṇassa pādagghanakanti paricchinditvā vinicchayo kātabbo’’ti (sārattha. ṭī. 2.88) ayamatthova vutto.
зд̇т̇а гахаабан̣ам̣ наама гаронд̇аа суван̣н̣знаби гаронд̇и раж̇ад̇знаби д̇амб̣знаби суван̣н̣араж̇ад̇ад̇амб̣амиссагзнаби . д̇зсу гад̇арам̣ гахаабан̣ам̣ нийлагахаабан̣анд̇и? гзжи д̇аава ‘‘суван̣н̣агахаабан̣а’’нд̇и. гзжи ‘‘миссагагахаабан̣а’’нд̇и. д̇ад̇т̇а ‘‘суван̣н̣агахаабан̣а’’нд̇и вад̣̇анд̇аанам̣ аяамад̇хиббааяо – баарааж̇игавад̇т̇унаа баад̣̇зна саб̣б̣ад̇т̇а згалагкан̣зна бхавид̇аб̣б̣ам̣, гаалад̣̇зсабарибхог̇аад̣̇ивасзна аг̇гханаанад̇д̇ам̣ баад̣̇ассзва бхавид̇аб̣б̣ам̣. бхаг̇авад̇аа хи д̇хаммигарааж̇уухи хананаб̣анд̇ханабаб̣б̣ааж̇анаануруубзнзва ад̣̇иннаад̣̇аанз баарааж̇игам̣ бан̃н̃ад̇д̇ам̣, на ид̇арат̇аа. д̇асмаа зсаа саб̣б̣ад̣̇аа саб̣б̣ад̇т̇а аб̣яабхижаарийд̇и суван̣н̣амаяасса гахаабан̣асса жад̇уд̇т̇зна баад̣̇зна бхавид̇аб̣б̣анд̇и.
Ettha kahāpaṇaṃ nāma karontā suvaṇṇenapi karonti rajatenapi tambenapi suvaṇṇarajatatambamissakenapi . Tesu kataraṃ kahāpaṇaṃ nīlakahāpaṇanti? Keci tāva ‘‘suvaṇṇakahāpaṇa’’nti. Keci ‘‘missakakahāpaṇa’’nti. Tattha ‘‘suvaṇṇakahāpaṇa’’nti vadantānaṃ ayamadhippāyo – pārājikavatthunā pādena sabbattha ekalakkhaṇena bhavitabbaṃ, kāladesaparibhogādivasena agghanānattaṃ pādasseva bhavitabbaṃ. Bhagavatā hi dhammikarājūhi hananabandhanapabbājanānurūpeneva adinnādāne pārājikaṃ paññattaṃ, na itarathā. Tasmā esā sabbadā sabbattha abyabhicārīti suvaṇṇamayassa kahāpaṇassa catutthena pādena bhavitabbanti.
‘‘миссагагахаабан̣а’’нд̇и вад̣̇анд̇аанам̣ бана аяамад̇хиббааяо –
‘‘Missakakahāpaṇa’’nti vadantānaṃ pana ayamadhippāyo –
адтагат̇ааяам̣ –
Aṭṭhakathāyaṃ –
‘‘д̇ад̣̇аа рааж̇аг̇ахз вийсад̇имаасаго гахаабан̣о ход̇и, д̇асмаа бан̃жамаасаго баад̣̇о. зд̇зна лагкан̣зна саб̣б̣аж̇анабад̣̇зсу гахаабан̣асса жад̇уд̇т̇о бхааг̇о ‘баад̣̇о’д̇и взд̣̇ид̇аб̣б̣о. со жа ко бораан̣агасса нийлагахаабан̣асса васзна, на ид̇арзсам̣ д̣̇уд̣̇рад̣̇аамагаад̣̇ийна’’нд̇и (баараа. адта. 1.88) –
‘‘Tadā rājagahe vīsatimāsako kahāpaṇo hoti, tasmā pañcamāsako pādo. Etena lakkhaṇena sabbajanapadesu kahāpaṇassa catuttho bhāgo ‘pādo’ti veditabbo. So ca kho porāṇakassa nīlakahāpaṇassa vasena, na itaresaṃ dudradāmakādīna’’nti (pārā. aṭṭha. 1.88) –
вуд̇д̇ад̇д̇аа, саарад̇т̇ад̣̇ийбанияан̃жа –
Vuttattā, sāratthadīpaniyañca –
‘‘бораан̣асад̇т̇аануруубам̣ лагкан̣асамбаннаа уббаад̣̇ид̇аа нийлагахаабан̣аад̇и взд̣̇ид̇аб̣б̣аа’’д̇и (саарад̇т̇а. дий. 2.88) –
‘‘Porāṇasatthānurūpaṃ lakkhaṇasampannā uppāditā nīlakahāpaṇāti veditabbā’’ti (sārattha. ṭī. 2.88) –
вуд̇д̇ад̇д̇аа жа ‘‘винаяавинижчаяам̣ бад̇ваа г̇аругз таад̇аб̣б̣а’’нд̇и важанад̇о жа миссагагахаабан̣оязва нийлагахаабан̣о. д̇ад̇т̇зва хи бораан̣асад̇т̇авихид̇ам̣ лагкан̣ам̣ д̣̇иссад̇и. гат̇ам̣? бан̃жа маасаа суван̣н̣асса, д̇ат̇аа раж̇ад̇асса, д̣̇аса маасаа д̇амб̣ассаад̇и зд̇з вийсад̇и маасз миссзд̇ваа б̣анд̇ханад̇т̇ааяа вийхимад̇д̇ам̣ лохам̣ багкибид̇ваа агкараани жа хад̇т̇иаад̣̇ийнаман̃н̃ад̇аран̃жа руубам̣ д̣̇ассзд̇ваа гад̇о нид̣̇д̣̇осад̇д̇аа нийлагахаабан̣о наама ход̇ийд̇и.
Vuttattā ca ‘‘vinayavinicchayaṃ patvā garuke ṭhātabba’’nti vacanato ca missakakahāpaṇoyeva nīlakahāpaṇo. Tattheva hi porāṇasatthavihitaṃ lakkhaṇaṃ dissati. Kathaṃ? Pañca māsā suvaṇṇassa, tathā rajatassa, dasa māsā tambassāti ete vīsati māse missetvā bandhanatthāya vīhimattaṃ lohaṃ pakkhipitvā akkharāni ca hatthiādīnamaññatarañca rūpaṃ dassetvā kato niddosattā nīlakahāpaṇo nāma hotīti.
сигкаабхааж̇анавинижчаяз жа гзсужи бод̇т̇агзсу ‘‘баад̣̇о наама бан̃жа маасаа суван̣н̣ассаа’’д̇и буримабагкаваад̣̇ийнам̣ мад̇зна баато ликид̇о. гзсужи бод̇т̇агзсу д̣̇уд̇ияабагкаваад̣̇ийнам̣ мад̇зна ‘‘бан̃жа маасаа хиран̃н̃ассаа’’д̇и баато ликид̇о. сийхал̣абхаасааяа бораан̣агзхи ликид̇ааяа сааман̣зрасигкааяа бана –
Sikkhābhājanavinicchaye ca kesuci potthakesu ‘‘pādo nāma pañca māsā suvaṇṇassā’’ti purimapakkhavādīnaṃ matena pāṭho likhito. Kesuci potthakesu dutiyapakkhavādīnaṃ matena ‘‘pañca māsā hiraññassā’’ti pāṭho likhito. Sīhaḷabhāsāya porāṇakehi likhitāya sāmaṇerasikkhāya pana –
‘‘бораан̣агасса нийлагахаабан̣ассаад̇и вуд̇д̇аадтагат̇ааважанасса, бораан̣агз рад̇анасуд̇д̇аабхид̇хаанагасуд̇д̇з вуд̇д̇агахаабан̣алагкан̣асса жа ануруубад̇о ‘суван̣н̣араж̇ад̇ад̇амб̣аани миссзд̇ваа удтаабзд̇ваа гад̇агахаабан̣ам̣ гахаабан̣ам̣ наамаа’д̇и жа ‘сааман̣зраанамубасамбаннаанан̃жа ад̣̇иннаад̣̇аанабаарааж̇игавад̇т̇умхи го висзсо’д̇и бужчам̣ гад̇ваа ‘сааман̣зраанам̣ д̣̇асигасуд̇д̇знааби баарааж̇иго ход̇и, убасамбаннаанам̣ бана суван̣н̣асса вийсад̇ивийхимад̇д̇знаа’’д̇и –
‘‘Porāṇakassa nīlakahāpaṇassāti vuttaaṭṭhakathāvacanassa, porāṇake ratanasuttābhidhānakasutte vuttakahāpaṇalakkhaṇassa ca anurūpato ‘suvaṇṇarajatatambāni missetvā uṭṭhāpetvā katakahāpaṇaṃ kahāpaṇaṃ nāmā’ti ca ‘sāmaṇerānamupasampannānañca adinnādānapārājikavatthumhi ko viseso’ti pucchaṃ katvā ‘sāmaṇerānaṃ dasikasuttenāpi pārājiko hoti, upasampannānaṃ pana suvaṇṇassa vīsativīhimattenā’’ti –
жа висзсо д̣̇ассид̇о.
Ca viseso dassito.
д̇ам̣ бана суван̣н̣амаасагавасзна ад̣дхад̇ияамаасагам̣ ход̇и, бан̃жамаасагзна жа бхаг̇авад̇аа баарааж̇игам̣ бан̃н̃ад̇д̇ам̣. д̇асмаа д̇асса яат̇аавуд̇д̇алагкан̣асса гахаабан̣асса саб̣б̣ад̣̇зсзсу алаб̣бхамаанад̇д̇аа саб̣б̣ад̣̇зсасаад̇хааран̣зна д̇асса миссагагахаабан̣асса бан̃жамаасабаад̣̇аг̇гханагзна суван̣н̣знзва баарааж̇игавад̇т̇умхи нияамид̇з саб̣б̣ад̣̇зсаваасийнам̣ убагаарааяа ход̇ийд̇и звам̣ суван̣н̣знзва баарааж̇игавад̇т̇убарижчзд̣̇о гад̇о. аяамзва нияамо сийхал̣аажарияаваад̣̇зхи саарод̇и г̇ахид̇о. д̇асмаа сигкааг̇аругзхи саб̣б̣ад̇т̇а бзсалзхи винаяад̇харзхи аяамзва винижчаяо саарад̇о бажжзд̇аб̣б̣о. хонд̇и жзд̇т̇а –
Taṃ pana suvaṇṇamāsakavasena aḍḍhatiyamāsakaṃ hoti, pañcamāsakena ca bhagavatā pārājikaṃ paññattaṃ. Tasmā tassa yathāvuttalakkhaṇassa kahāpaṇassa sabbadesesu alabbhamānattā sabbadesasādhāraṇena tassa missakakahāpaṇassa pañcamāsapādagghanakena suvaṇṇeneva pārājikavatthumhi niyamite sabbadesavāsīnaṃ upakārāya hotīti evaṃ suvaṇṇeneva pārājikavatthuparicchedo kato. Ayameva niyamo sīhaḷācariyavādehi sāroti gahito. Tasmā sikkhāgarukehi sabbattha pesalehi vinayadharehi ayameva vinicchayo sārato paccetabbo. Honti cettha –
‘‘хзмараж̇ад̇ад̇амб̣зхи, сад̇т̇з нид̣̇д̣̇идталагкан̣ам̣;
‘‘Hemarajatatambehi, satthe niddiṭṭhalakkhaṇaṃ;
ахаабзд̇ваа гад̇о вийса-маасо нийлагахаабан̣о.
Ahāpetvā kato vīsa-māso nīlakahāpaṇo.
хзмабаад̣̇ам̣ саж̇жхубаад̣̇ам̣, д̇амб̣абаад̣̇ад̣̇ваяан̃хи со;
Hemapādaṃ sajjhupādaṃ, tambapādadvayañhi so;
миссзд̇ваа руубамаббзд̇ваа, гаад̇ум̣ сад̇т̇зсу д̣̇ассид̇о.
Missetvā rūpamappetvā, kātuṃ satthesu dassito.
‘злаа’д̇и вужжад̇з д̣̇осо, нид̣̇д̣̇осад̇д̇аа д̇ат̇ийрид̇о;
‘Elā’ti vuccate doso, niddosattā tathīrito;
д̇асса баад̣̇о суван̣н̣асса, вийсавийхаг̇гхано мад̇о.
Tassa pādo suvaṇṇassa, vīsavīhagghano mato.
яасмим̣ бана бад̣̇зсз со, на вад̇д̇ад̇и гахаабан̣о;
Yasmiṃ pana padese so, na vattati kahāpaṇo;
вийсасован̣н̣авийхаг̇гхам̣, д̇аббаад̣̇аг̇гханд̇и взд̣̇ияам̣.
Vīsasovaṇṇavīhagghaṃ, tappādagghanti vediyaṃ.
вийсасован̣н̣авийхаг̇гхам̣, т̇знзнд̇аа бхигкаво д̇ад̇о;
Vīsasovaṇṇavīhagghaṃ, thenentā bhikkhavo tato;
жаванд̇и сааман̃н̃аг̇ун̣аа, ижжааху винаяан̃н̃уно’’д̇и.
Cavanti sāmaññaguṇā, iccāhu vinayaññuno’’ti.
9. обаад̇анд̇и ааваадам̣. д̣̇угкз ж̇аад̇зд̇и яож̇анаа.
9.Opātanti āvāṭaṃ. Dukkhe jāteti yojanā.
10. уд̇д̇арим̣ д̇хамманд̇и зд̇т̇а ‘‘уд̇д̇аримануссад̇хамма’’нд̇и вад̇д̇аб̣б̣з нируд̇д̇инаязна маж̇жхабад̣̇алобам̣, ниг̇г̇ахийд̇ааг̇аман̃жа гад̇ваа ‘‘уд̇д̇арим̣ д̇хамма’’нд̇и вуд̇д̇ам̣. уд̇д̇аримануссаанам̣ жхааяийнан̃жзва арияаанан̃жа д̇хаммам̣ уд̇д̇аримануссад̇хаммам̣. ад̇д̇убанааяиганд̇и ад̇д̇ани д̇ам̣ убанзд̇и ‘‘маяи ад̇т̇ий’’д̇и самуд̣̇аажаранд̇о, ад̇д̇аанам̣ ваа д̇ад̇т̇а убанзд̇и ‘‘ахам̣ зд̇т̇а санд̣̇иссаамий’’д̇и самуд̣̇аажаранд̇од̇и ад̇д̇убанааяиго, д̇ам̣ ад̇д̇убанааяигам̣, звам̣ гад̇ваа вад̣̇анд̇од̇и самб̣анд̇хо.
10.Uttariṃ dhammanti ettha ‘‘uttarimanussadhamma’’nti vattabbe niruttinayena majjhapadalopaṃ, niggahītāgamañca katvā ‘‘uttariṃ dhamma’’nti vuttaṃ. Uttarimanussānaṃ jhāyīnañceva ariyānañca dhammaṃ uttarimanussadhammaṃ. Attupanāyikanti attani taṃ upaneti ‘‘mayi atthī’’ti samudācaranto, attānaṃ vā tattha upaneti ‘‘ahaṃ ettha sandissāmī’’ti samudācarantoti attupanāyiko, taṃ attupanāyikaṃ, evaṃ katvā vadantoti sambandho.
11. барияааязд̇и ‘‘яо д̇з вихаарз васад̇и, со бхигку арахаа’’д̇иаад̣̇инаа (бари. 287) барияааяабхан̣анз. н̃аад̇зд̇и яам̣ уд̣̇д̣̇исса бхан̣ад̇и, д̇асмим̣ вин̃н̃умхи мануссаж̇аад̇игз ажирзна н̃аад̇з. но жзд̇и но жз ж̇аанаад̇и.
11.Pariyāyeti ‘‘yo te vihāre vasati, so bhikkhu arahā’’tiādinā (pari. 287) pariyāyabhaṇane. Ñāteti yaṃ uddissa bhaṇati, tasmiṃ viññumhi manussajātike acirena ñāte. No ceti no ce jānāti.
ид̇и уд̇д̇арз лийнад̇т̇абагаасанияаа
Iti uttare līnatthapakāsaniyā
баарааж̇игагат̇ааван̣н̣анаа нидтид̇аа.
Pārājikakathāvaṇṇanā niṭṭhitā.
13. жзд̇зд̇и, убаггамад̇и, мужжад̇и, звам̣ ан̇г̇ад̇д̇аяз бун̣н̣з г̇аругам̣ вуд̇д̇ам̣. д̣̇ван̇г̇з жзд̇зд̇и, убаггамад̇и яад̣̇и на мужжад̇и, звам̣ ан̇г̇ад̣̇ваяз т̇уллажжаяанд̇и яож̇анаа. баяог̇зд̇и баяож̇зд̇ваа убаггамид̇ум̣ ан̇г̇аж̇аад̇аамасанам̣, барасса аан̣аабананд̇и зваруубз саахад̇т̇игаан̣ад̇д̇игабаяог̇з.
13. Ceteti, upakkamati, muccati, evaṃ aṅgattaye puṇṇe garukaṃ vuttaṃ. Dvaṅge ceteti, upakkamati yadi na muccati, evaṃ aṅgadvaye thullaccayanti yojanā. Payogeti payojetvā upakkamituṃ aṅgajātāmasanaṃ, parassa āṇāpananti evarūpe sāhatthikāṇattikapayoge.
14. вуд̇д̇анаязнзва убаруубари бан̃хаабужчанам̣ н̃аад̇ум̣ саггаад̇и д̇ам̣ авад̇д̇угаамо ааха ‘‘ид̇о бадтааяаа’’д̇иаад̣̇и. маяамби яад̣̇зд̇т̇а буб̣б̣з авуд̇д̇амануд̇д̇аанад̇т̇ан̃жа, д̇ад̣̇зва ван̣н̣аяиссаама.
14. Vuttanayeneva uparūpari pañhāpucchanaṃ ñātuṃ sakkāti taṃ avattukāmo āha ‘‘ito paṭṭhāyā’’tiādi. Mayampi yadettha pubbe avuttamanuttānatthañca, tadeva vaṇṇayissāma.
15. гааязнаад̇и ад̇д̇ано гааязна. гааяанд̇и ид̇т̇ияаа гааяам̣. зса наяо ‘‘гааяаб̣ад̣̇д̇ха’’нд̇и зд̇т̇ааби.
15.Kāyenāti attano kāyena. Kāyanti itthiyā kāyaṃ. Esa nayo ‘‘kāyabaddha’’nti etthāpi.
16. ад̇д̇ано гааязна бадиб̣ад̣̇д̇хзна ид̇т̇ияаа гааяабадиб̣ад̣̇д̇хз пудтз д̇у д̣̇уггаданд̇и яож̇анаа.
16. Attano kāyena paṭibaddhena itthiyā kāyapaṭibaddhe phuṭṭhe tu dukkaṭanti yojanā.
17. д̇иссо аабад̇д̇ияо сияунд̇и яож̇анаа. д̣̇виннам̣ маг̇г̇аананд̇и важжамаг̇г̇абассаавамаг̇г̇аанам̣.
17.Tisso āpattiyo siyunti yojanā. Dvinnaṃ maggānanti vaccamaggapassāvamaggānaṃ.
18. ван̣н̣аад̣̇ибхан̃н̃зд̇и ван̣н̣аад̣̇инаа бхан̣анз. гааяабадиб̣ад̣̇д̇хз ван̣н̣аад̣̇инаа бхан̃н̃з д̣̇уггаданд̇и яож̇анаа.
18.Vaṇṇādibhaññeti vaṇṇādinā bhaṇane. Kāyapaṭibaddhe vaṇṇādinā bhaññe dukkaṭanti yojanā.
19. ад̇д̇агаамажарияааяаад̇и ад̇д̇агаамабаарижарияааяа.
19.Attakāmacariyāyāti attakāmapāricariyāya.
20. бан̣д̣агасса санд̇игзби ад̇д̇агаамабаарижарияааяа ван̣н̣ам̣ вад̣̇ад̇о д̇асса бхигкунод̇и яож̇анаа. д̇иражчаанаг̇ад̇ассааби санд̇игзд̇и зд̇т̇ааби зсзва наяо.
20. Paṇḍakassa santikepi attakāmapāricariyāya vaṇṇaṃ vadato tassa bhikkhunoti yojanā. Tiracchānagatassāpi santiketi etthāpi eseva nayo.
21. ид̇т̇ибурисаанаманд̇арз сан̃жарид̇д̇ам̣ сан̃жаран̣абхаавам̣ самаабаннз бхигкумхи бадиг̇г̇ан̣ханавиймам̣саабажжаахаран̣агад̇д̇игз самбаннз д̇асса б̣уд̇хо г̇аругам̣ нид̣̇д̣̇исзд̇и яож̇анаа.
21. Itthipurisānamantare sañcarittaṃ sañcaraṇabhāvaṃ samāpanne bhikkhumhi paṭiggaṇhanavīmaṃsāpaccāharaṇakattike sampanne tassa budho garukaṃ niddiseti yojanā.
22. д̣̇ван̇г̇асамааяог̇зд̇и д̇ийсвзд̇зсу д̣̇виннам̣ ан̇г̇аанам̣ яат̇аагат̇ан̃жи самааяог̇з. ан̇г̇з сад̇и банзгасминд̇и д̇ин̣н̣амзгасмим̣ бана ан̇г̇з сад̇и.
22.Dvaṅgasamāyogeti tīsvetesu dvinnaṃ aṅgānaṃ yathākathañci samāyoge. Aṅge sati panekasminti tiṇṇamekasmiṃ pana aṅge sati.
24. баяог̇зд̇и ‘‘ад̣̇зсид̇авад̇т̇угам̣ бамаан̣аад̇игганд̇ам̣ гудим̣, ад̣̇зсид̇авад̇т̇угам̣ махаллагавихааран̃жа гаарзссаамий’’д̇и убагаран̣ад̇т̇ам̣ аран̃н̃аг̇аманад̇о бадтааяа саб̣б̣абаяог̇з. згабин̣д̣з анааг̇ад̇зд̇и саб̣б̣абарияанд̇имам̣ бин̣д̣ам̣ санд̇хааяа вуд̇д̇ам̣.
24.Payogeti ‘‘adesitavatthukaṃ pamāṇātikkantaṃ kuṭiṃ, adesitavatthukaṃ mahallakavihārañca kāressāmī’’ti upakaraṇatthaṃ araññagamanato paṭṭhāya sabbapayoge. Ekapiṇḍe anāgateti sabbapariyantimaṃ piṇḍaṃ sandhāya vuttaṃ.
25. ид̇ха яо бхигку амуулагзна баарааж̇игзна д̇хаммзна ануд̣̇д̇хам̣сзд̇ийд̇и яож̇анаа.
25. Idha yo bhikkhu amūlakena pārājikena dhammena anuddhaṃsetīti yojanā.
26. огаасам̣ на жа гаарзд̇ваад̇и ‘‘гарод̇у мз, ааяасмаа, огаасам̣, ахам̣ д̇з вад̇д̇угаамо’’д̇и звам̣ д̇зна бхигкунаа огаасам̣ агаараабзд̇ваа.
26.Okāsaṃna ca kāretvāti ‘‘karotu me, āyasmā, okāsaṃ, ahaṃ te vattukāmo’’ti evaṃ tena bhikkhunā okāsaṃ akārāpetvā.
28. ан̃н̃абхааг̇иязд̇и ан̃н̃абхааг̇ияабад̣̇зна убалагкид̇асигкаабад̣̇з. звам̣ ан̃н̃ад̇раби ийд̣̇исзсу таанзсу ад̇т̇о взд̣̇ид̇аб̣б̣о.
28.Aññabhāgiyeti aññabhāgiyapadena upalakkhitasikkhāpade. Evaṃ aññatrapi īdisesu ṭhānesu attho veditabbo.
29. ‘‘саманубхаасанааяа зваа’’д̇и бад̣̇ажчзд̣̇о. на бадиниссаж̇анд̇и аббадиниссаж̇анд̇о.
29. ‘‘Samanubhāsanāya evā’’ti padacchedo. Na paṭinissajanti appaṭinissajanto.
30. н̃ад̇д̇ияаа д̣̇уггадам̣ аабанно сияаа, д̣̇вийхи гаммаваажаахи т̇уллад̇ам̣ аабанно сияаа, гаммаваажааяа осаанз г̇аругам̣ аабанно сияаад̇и яож̇анаа. ‘‘т̇уллад̇а’’нд̇и ид̣̇ам̣ т̇уллажжаяаабад̇д̇иубалагкан̣аважанам̣.
30. Ñattiyā dukkaṭaṃ āpanno siyā, dvīhi kammavācāhi thullataṃ āpanno siyā, kammavācāya osāne garukaṃ āpanno siyāti yojanā. ‘‘Thullata’’nti idaṃ thullaccayāpattiupalakkhaṇavacanaṃ.
31. жад̇уусу яаавад̇ад̇ияагзсу батамз аабад̇д̇ибарижчзд̣̇ам̣ д̣̇ассзд̇ваа ид̇арзсам̣ д̇ин̣н̣ам̣ д̇знаби згабарижчзд̣̇ад̇д̇аа д̇ад̇т̇а вуд̇д̇анаяамзва д̇зсу ад̇ид̣̇исанд̇о ааха ‘‘бхзд̣̇аанувад̇д̇агз’’д̇иаад̣̇и.
31. Catūsu yāvatatiyakesu paṭhame āpattiparicchedaṃ dassetvā itaresaṃ tiṇṇaṃ tenapi ekaparicchedattā tattha vuttanayameva tesu atidisanto āha ‘‘bhedānuvattake’’tiādi.
ид̇и уд̇д̇арз лийнад̇т̇абагаасанияаа
Iti uttare līnatthapakāsaniyā
сан̇гхаад̣̇исзсагат̇ааван̣н̣анаа нидтид̇аа.
Saṅghādisesakathāvaṇṇanā niṭṭhitā.
32. ад̇ирзгажийваранд̇и анад̇хидтид̇ам̣, авигаббид̇ам̣ вигаббанубаг̇абамаан̣ам̣ жийварам̣ лад̣̇д̇хаа д̣̇асаахам̣ ад̇иггаманд̇о згамзва ниссаг̇г̇ияам̣ баажид̇д̇ияам̣ аабаж̇ж̇ад̇и. д̇ижийварзна згарад̇д̇имби винаа васанд̇о згамзва ниссаг̇г̇ияам̣ баажид̇д̇ияам̣ аабаж̇ж̇ад̇и. ид̣̇ан̃жа ж̇аад̇ивасзна згад̇д̇ам̣ санд̇хааяа вуд̇д̇ам̣ вад̇т̇уг̇ан̣анааяа аабад̇д̇ийнам̣ барижчинд̣̇ид̇аб̣б̣ад̇д̇аа.
32.Atirekacīvaranti anadhiṭṭhitaṃ, avikappitaṃ vikappanupagapamāṇaṃ cīvaraṃ laddhā dasāhaṃ atikkamanto ekameva nissaggiyaṃ pācittiyaṃ āpajjati. Ticīvarena ekarattimpi vinā vasanto ekameva nissaggiyaṃ pācittiyaṃ āpajjati. Idañca jātivasena ekattaṃ sandhāya vuttaṃ vatthugaṇanāya āpattīnaṃ paricchinditabbattā.
33. г̇ахзд̇ваагаалажийваранд̇и агаалажийварам̣ бадиг̇г̇ахзд̇ваа. маасанд̇и сад̇ияаа бажжаасааяа нигкибид̇ум̣ анун̃н̃аад̇ам̣ маасам̣. ад̇иггаманд̇од̇и сад̇ияааби бажжаасааяа вийд̇иггаманд̇о анд̇омаасз анад̇хидтахид̇ваа, авигаббзд̇ваа ваа д̇им̣сад̣̇ивасаани ад̇иггаманд̇о, жийваруббаад̣̇ад̣̇ивасам̣ арун̣ам̣ аад̣̇им̣ гад̇ваа згад̇им̣самам̣ арун̣ам̣ удтаабзнд̇од̇и ад̇т̇о. згам̣ ниссаг̇г̇ияам̣ аабад̇д̇им̣ аабаж̇ж̇ад̇ийд̇и уд̣̇ийрид̇анд̇и яож̇анаа.
33.Gahetvākālacīvaranti akālacīvaraṃ paṭiggahetvā. Māsanti satiyā paccāsāya nikkhipituṃ anuññātaṃ māsaṃ. Atikkamantoti satiyāpi paccāsāya vītikkamanto antomāse anadhiṭṭhahitvā, avikappetvā vā tiṃsadivasāni atikkamanto, cīvaruppādadivasaṃ aruṇaṃ ādiṃ katvā ekatiṃsamaṃ aruṇaṃ uṭṭhāpentoti attho. Ekaṃ nissaggiyaṃ āpattiṃ āpajjatīti udīritanti yojanā.
34. ан̃н̃аад̇игааяа бхигкунияаа. яам̣гин̃жи бураан̣ажийваранд̇и згаваарамби барибхуд̇д̇ам̣ сан̇гхаадиаад̣̇ийнаман̃н̃ад̇арам̣ жийварам̣.
34.Aññātikāya bhikkhuniyā. Yaṃkiñci purāṇacīvaranti ekavārampi paribhuttaṃ saṅghāṭiādīnamaññataraṃ cīvaraṃ.
35. баяог̇асминд̇и ‘‘д̇ховаа’’д̇иаад̣̇игз бхигкуно аан̣ад̇д̇игабаяог̇з, звам̣ аан̣ад̇д̇ааяа жа бхигкунияаа уд̣̇д̇ханаад̣̇игз саб̣б̣асмим̣ баяог̇з жа. ‘‘ниссаг̇г̇ияаава баажид̇д̇и ход̇ийд̇и ниссаг̇г̇ияаа баажид̇д̇и жа ход̇ийд̇и яож̇анаа.
35.Payogasminti ‘‘dhovā’’tiādike bhikkhuno āṇattikapayoge, evaṃ āṇattāya ca bhikkhuniyā uddhanādike sabbasmiṃ payoge ca. ‘‘Nissaggiyāva pācitti hotīti nissaggiyā pācitti ca hotīti yojanā.
36. бадиг̇ан̣хад̇од̇и зд̇т̇а ‘‘ан̃н̃ад̇ра бааривад̇д̇агаа’’д̇и яож̇анаа.
36.Paṭigaṇhatoti ettha ‘‘aññatra pārivattakā’’ti yojanā.
38. баяог̇асминд̇и вин̃н̃аабанабаяог̇з. вин̃н̃аабид̇зд̇и вин̃н̃аабид̇ажийварз бадилад̣̇д̇хз.
38.Payogasminti viññāpanapayoge. Viññāpiteti viññāpitacīvare paṭiladdhe.
39. бхигкууд̇и ажчиннажийваро ваа надтажийваро ваа бхигку. д̇ад̣̇уд̇д̇аринд̇и санд̇аруд̇д̇арабарамад̇о уд̇д̇арим̣.
39.Bhikkhūti acchinnacīvaro vā naṭṭhacīvaro vā bhikkhu. Taduttarinti santaruttaraparamato uttariṃ.
41. баяог̇зд̇и вигаббанаабаж̇ж̇анабаяог̇з.
41.Payogeti vikappanāpajjanapayoge.
42. д̣̇увзд̇и д̣̇уггадабаажид̇д̇ияавасзна д̣̇увз аабад̇д̇ияо пусзд̇и яож̇зд̇аб̣б̣ам̣.
42.Duveti dukkaṭapācittiyavasena duve āpattiyo phuseti yojetabbaṃ.
44. баяог̇зд̇и анун̃н̃аад̇абаяог̇ад̇о ад̇ирзгаабхинибпаад̣̇анабаяог̇з. лаабхзд̇и жийварасса бадилаабхз.
44.Payogeti anuññātapayogato atirekābhinipphādanapayoge. Lābheti cīvarassa paṭilābhe.
гат̇инаваг̇г̇аван̣н̣анаа батамаа.
Kathinavaggavaṇṇanā paṭhamā.
45. госияаваг̇г̇асса аад̣̇ийсу бан̃жасу сигкаабад̣̇зсу д̣̇вз д̣̇вз аабад̇д̇ияод̇и яож̇анаа. баяог̇зд̇и гаран̣агаараабанабаяог̇з. лаабхзд̇и гад̇ваа ваа гаарзд̇ваа ваа баринидтаабанз.
45. Kosiyavaggassa ādīsu pañcasu sikkhāpadesu dve dve āpattiyoti yojanā. Payogeti karaṇakārāpanapayoge. Lābheti katvā vā kāretvā vā pariniṭṭhāpane.
46. ‘‘г̇ахзд̇ваа зл̣агаломааний’’д̇и бад̣̇ажчзд̣̇о. ад̇иггаманд̇и ад̇иггаманд̇о.
46. ‘‘Gahetvā eḷakalomānī’’ti padacchedo. Atikkamanti atikkamanto.
47. ан̃н̃ааяаад̇и ан̃н̃аад̇игааяа бхигкунияаа. ‘‘д̇ховаабзд̇и зл̣аломага’’нд̇и бад̣̇ажчзд̣̇о. зл̣аломаганд̇и зл̣агаломаани. нируд̇д̇инаязна га-гаарасса вибарияааяо. баяог̇зд̇и д̇ховаабанабаяог̇з.
47.Aññāyāti aññātikāya bhikkhuniyā. ‘‘Dhovāpeti eḷalomaka’’nti padacchedo. Eḷalomakanti eḷakalomāni. Niruttinayena ka-kārassa vipariyāyo. Payogeti dhovāpanapayoge.
48. баяог̇зд̇и бадиг̇г̇ан̣ханабаяог̇з.
48.Payogeti paṭiggaṇhanapayoge.
49. наанаагааранд̇и наанаббагаарам̣. самаабаж̇ж̇анд̇и самаабаж̇ж̇анд̇о бхигку. самаабаннзд̇и сам̣вохаарз самаабаннз сад̇и. баяог̇зд̇и самаабаж̇ж̇анабаяог̇з.
49.Nānākāranti nānappakāraṃ. Samāpajjanti samāpajjanto bhikkhu. Samāpanneti saṃvohāre samāpanne sati. Payogeti samāpajjanapayoge.
50. баяог̇зд̇и гаяавиггаяаабаж̇ж̇анабаяог̇з. д̇асмим̣ гад̇зд̇и д̇асмим̣ бхан̣д̣з ад̇д̇ано санд̇агабхаавам̣ нийд̇з.
50.Payogeti kayavikkayāpajjanapayoge. Tasmiṃ kateti tasmiṃ bhaṇḍe attano santakabhāvaṃ nīte.
госияаваг̇г̇аван̣н̣анаа д̣̇уд̇ияаа.
Kosiyavaggavaṇṇanā dutiyā.
51. ад̇ирзгаганд̇и анад̇хидтид̇ам̣, авигаббид̇ам̣ ваа бад̇д̇ам̣. д̣̇асаахам̣ ад̇иггамзнд̇асса д̇асса бхигкуно згаава ниссаг̇г̇ияаабад̇д̇и ход̇ийд̇и яож̇анаа.
51.Atirekakanti anadhiṭṭhitaṃ, avikappitaṃ vā pattaṃ. Dasāhaṃ atikkamentassa tassa bhikkhuno ekāva nissaggiyāpatti hotīti yojanā.
52-3. над̇т̇и зд̇асса бан̃жа б̣анд̇ханаанийд̇и абан̃жаб̣анд̇хано, д̇асмим̣, уунабан̃жаб̣анд̇ханз бад̇д̇зд̇и ад̇т̇о. баяог̇зд̇и вин̃н̃аабанабаяог̇з. д̇асса бад̇д̇асса лаабхз бадилаабхз.
52-3. Natthi etassa pañca bandhanānīti apañcabandhano, tasmiṃ, ūnapañcabandhane patteti attho. Payogeti viññāpanapayoge. Tassa pattassa lābhe paṭilābhe.
54. бхзсаж̇ж̇анд̇и саббиаад̣̇игам̣.
54.Bhesajjanti sappiādikaṃ.
55. баяог̇зд̇и бариязсанабаяог̇з.
55.Payogeti pariyesanapayoge.
56. баяог̇зд̇и ажчинд̣̇анаажчинд̣̇аабанабаяог̇з. хадзд̇и ажчинд̣̇ид̇ваа г̇ахид̇з.
56.Payogeti acchindanaacchindāpanapayoge. Haṭeti acchinditvā gahite.
57. д̣̇вз банаабад̇д̇ияо пусзд̇и вааяаабанабаяог̇з д̣̇уггадам̣, вигаббанубаг̇абажчимажийварабамаан̣зна вийд̇з ниссаг̇г̇ияанд̇и д̣̇вз аабад̇д̇ияо аабаж̇ж̇ад̇ийд̇и ад̇т̇о.
57.Dve panāpattiyo phuseti vāyāpanapayoge dukkaṭaṃ, vikappanupagapacchimacīvarapamāṇena vīte nissaggiyanti dve āpattiyo āpajjatīti attho.
58-9. яо бана бхигку аббаваарид̇о ан̃н̃аад̇агассзва д̇анд̇авааяз самзжжа убасан̇гамид̇ваа жийварз вигаббам̣ аабаж̇ж̇анд̇о ход̇и. сод̇и со бхигку. д̣̇вз аабад̇д̇ияо аабаж̇ж̇ад̇и, на сам̣саяод̇и яож̇анаа. баяог̇зд̇и вигаббаабаж̇ж̇анабаяог̇з.
58-9. Yo pana bhikkhu appavārito aññātakasseva tantavāye samecca upasaṅkamitvā cīvare vikappaṃ āpajjanto hoti. Soti so bhikkhu. Dve āpattiyo āpajjati, na saṃsayoti yojanā. Payogeti vikappāpajjanapayoge.
60. ажжзгасан̃н̃ид̇ам̣ жийварам̣ бадиг̇г̇ахзд̇ваад̇и яож̇анаа. гааланд̇и жийварагаалам̣.
60. Accekasaññitaṃ cīvaraṃ paṭiggahetvāti yojanā. Kālanti cīvarakālaṃ.
61. д̇ин̣н̣аман̃н̃ад̇арам̣ вад̇т̇анд̇и д̇ин̣н̣ам̣ жийвараанам̣ ан̃н̃ад̇арам̣ жийварам̣. гхарзд̇и анд̇арагхарз. нид̣̇ахид̇ваад̇и нигкибид̇ваа. д̇зна жийварзна винаа чаарад̇д̇ад̇о ад̇хигам̣ д̣̇ивасам̣ яасса ааран̃н̃агасса вихаарасса г̇ожараг̇аамз д̇ам̣ жийварам̣ нигкид̇д̇ам̣, д̇амхаа вихаараа ан̃н̃ад̇ра васанд̇о ниссаг̇г̇ияам̣ пусзд̇и яож̇анаа.
61.Tiṇṇamaññataraṃ vatthanti tiṇṇaṃ cīvarānaṃ aññataraṃ cīvaraṃ. Ghareti antaraghare. Nidahitvāti nikkhipitvā. Tena cīvarena vinā chārattato adhikaṃ divasaṃ yassa āraññakassa vihārassa gocaragāme taṃ cīvaraṃ nikkhittaṃ, tamhā vihārā aññatra vasanto nissaggiyaṃ phuseti yojanā.
62. сан̇гхигам̣ лаабхам̣ барин̣ад̇ам̣ ж̇аанам̣ ж̇аананд̇о.
62. Saṅghikaṃ lābhaṃ pariṇataṃ jānaṃ jānanto.
63. баяог̇зд̇и барин̣ааманабаяог̇з. саб̣б̣ад̇т̇аад̇и баарааж̇игаад̣̇ийсу саб̣б̣асигкаабад̣̇зсу. аббанааваарабарихаанийд̇и бариваарз батамам̣ вуд̇д̇агад̇т̇абан̃н̃ад̇д̇иваарасса барихаабанам̣, ид̇ха аважананд̇и ад̇т̇о, д̇асса ваарасса бариваарз саб̣б̣абатамад̇д̇аа батамам̣ вад̇д̇аб̣б̣абхаавзби д̇ад̇т̇а вад̇д̇аб̣б̣ам̣ бажчаа г̇ан̣хид̇угаамзна маяаа д̇ам̣ табзд̇ваа батамам̣ аабад̇д̇ид̣̇ассанад̇т̇ам̣ д̇ад̣̇ананд̇аро гад̇аабад̇д̇ивааро батамам̣ вуд̇д̇од̇и ад̇хиббааяо.
63.Payogeti pariṇāmanapayoge. Sabbatthāti pārājikādīsu sabbasikkhāpadesu. Appanāvāraparihānīti parivāre paṭhamaṃ vuttakatthapaññattivārassa parihāpanaṃ, idha avacananti attho, tassa vārassa parivāre sabbapaṭhamattā paṭhamaṃ vattabbabhāvepi tattha vattabbaṃ pacchā gaṇhitukāmena mayā taṃ ṭhapetvā paṭhamaṃ āpattidassanatthaṃ tadanantaro katāpattivāro paṭhamaṃ vuttoti adhippāyo.
бад̇д̇аваг̇г̇аван̣н̣анаа д̇ад̇ияаа.
Pattavaggavaṇṇanā tatiyā.
ид̇и уд̇д̇арз лийнад̇т̇абагаасанияаа
Iti uttare līnatthapakāsaniyā
д̇им̣саниссаг̇г̇ияагат̇ааван̣н̣анаа нидтид̇аа.
Tiṃsanissaggiyakathāvaṇṇanā niṭṭhitā.
64. мануссуд̇д̇арид̇хаммзд̇и уд̇д̇аримануссад̇хаммз. абхууд̇асмим̣ уд̇д̇аримануссад̇хаммз самуллабид̇з барааж̇аяо баарааж̇игаабад̇д̇и.
64.Manussuttaridhammeti uttarimanussadhamme. Abhūtasmiṃ uttarimanussadhamme samullapite parājayo pārājikāpatti.
65. амууланд̇имавад̇т̇унаа амуулагзна баарааж̇игзна д̇хаммзна бхигкум̣ жод̣̇анааяа г̇ару сан̇гхаад̣̇исзсо ход̇ийд̇и яож̇анаа. барияааяаважанзд̇и ‘‘яо д̇з вихаарз васад̇ий’’д̇иаад̣̇инаа (бари. 287) барияааязна гат̇анз. н̃аад̇зд̇и яасса гат̇зд̇и, д̇асмим̣ важанаананд̇арамзва н̃аад̇з.
65.Amūlantimavatthunā amūlakena pārājikena dhammena bhikkhuṃ codanāya garu saṅghādiseso hotīti yojanā. Pariyāyavacaneti ‘‘yo te vihāre vasatī’’tiādinā (pari. 287) pariyāyena kathane. Ñāteti yassa katheti, tasmiṃ vacanānantarameva ñāte.
66. но жз бана виж̇аанаад̇ийд̇и ат̇а д̇ам̣ барияааязна вуд̇д̇ам̣ важанаананд̇арамзва сажз на ж̇аанаад̇и. самуд̣̇аахаданд̇и гат̇ид̇ам̣.
66.Noce pana vijānātīti atha taṃ pariyāyena vuttaṃ vacanānantarameva sace na jānāti. Samudāhaṭanti kathitaṃ.
67. омасад̇о бхигкусса д̣̇увз аабад̇д̇ияо вуд̇д̇аа. убасамбаннам̣ омасад̇о баажид̇д̇и сияаа. ид̇арам̣ анубасамбаннам̣ омасад̇о д̣̇уггадам̣ сияаад̇и яож̇анаа.
67. Omasato bhikkhussa duve āpattiyo vuttā. Upasampannaṃ omasato pācitti siyā. Itaraṃ anupasampannaṃ omasato dukkaṭaṃ siyāti yojanā.
68. бзсун̃н̃ахаран̣зби д̣̇вз аабад̇д̇ияо хонд̇и.
68. Pesuññaharaṇepi dve āpattiyo honti.
69. баяог̇зд̇и бад̣̇асо д̇хаммам̣ ваажзнд̇асса важанагирияаарамбхад̇о бадтааяа яаава бад̣̇аад̣̇ийнам̣ барисамаабанам̣, зд̇т̇анд̇арз агкаружжааран̣абаяог̇з д̣̇уггадам̣. бад̣̇аанам̣ барисамад̇д̇ияам̣ баажид̇д̇ияам̣.
69.Payogeti padaso dhammaṃ vācentassa vacanakiriyārambhato paṭṭhāya yāva padādīnaṃ parisamāpanaṃ, etthantare akkharuccāraṇapayoge dukkaṭaṃ. Padānaṃ parisamattiyaṃ pācittiyaṃ.
70. ‘‘д̇ирад̇д̇аа анубасамбаннасахасзяяааяаа’’д̇и бад̣̇ажчзд̣̇о. анубасамбаннзна сахасзяяаа анубасамбаннасахасзяяаа, д̇ааяа. д̇ирад̇д̇аа уд̇д̇арим̣ анубасамбаннасахасзяяааяаад̇и яож̇анаа. баяог̇зд̇и саяанад̇т̇ааяа сзяяаабан̃н̃аабанагааяааваж̇ж̇анаад̣̇ибуб̣б̣абаяог̇з. баннзд̇и гааяабасааран̣алагкан̣зна саяанзна нибаннз.
70. ‘‘Tirattā anupasampannasahaseyyāyā’’ti padacchedo. Anupasampannena sahaseyyā anupasampannasahaseyyā, tāya. Tirattā uttariṃ anupasampannasahaseyyāyāti yojanā. Payogeti sayanatthāya seyyāpaññāpanakāyāvajjanādipubbapayoge. Panneti kāyapasāraṇalakkhaṇena sayanena nipanne.
71. яо бана бхигку згарад̇д̇ияам̣ маад̇уг̇аамзна сахасзяяам̣ габбзд̇и. д̣̇уггадаад̣̇аяод̇и ‘‘баяог̇з д̣̇уггадам̣, нибаннз баажид̇д̇ияа’’нд̇и яат̇аавуд̇д̇ад̣̇взаабад̇д̇ияо аабаж̇ж̇ад̇ийд̇и яож̇анаа.
71. Yo pana bhikkhu ekarattiyaṃ mātugāmena sahaseyyaṃ kappeti. Dukkaṭādayoti ‘‘payoge dukkaṭaṃ, nipanne pācittiya’’nti yathāvuttadveāpattiyo āpajjatīti yojanā.
72. баяог̇зд̇и яат̇аавуд̇д̇алагкан̣абаяог̇з.
72.Payogeti yathāvuttalakkhaṇapayoge.
73. анубасамбаннзд̇и самийбад̇т̇з жзд̇ам̣ бхуммам̣. анубасамбаннасса санд̇игз бхууд̇ам̣ уд̇д̇аримануссад̇хаммам̣ яо сажз аарожзд̇ийд̇и яож̇анаа. д̣̇уггадаад̣̇аяод̇и яасса аарожзд̇и, со наббадивиж̇аанаад̇и, д̣̇уггадам̣, бадивиж̇аанаад̇и, баажид̇д̇ияанд̇и звам̣ д̣̇вз аабад̇д̇ияо д̇асса хонд̇и.
73.Anupasampanneti samīpatthe cetaṃ bhummaṃ. Anupasampannassa santike bhūtaṃ uttarimanussadhammaṃ yo sace ārocetīti yojanā. Dukkaṭādayoti yassa āroceti, so nappaṭivijānāti, dukkaṭaṃ, paṭivijānāti, pācittiyanti evaṃ dve āpattiyo tassa honti.
74. ан̃н̃ад̇о ан̃н̃асса убасамбаннасса д̣̇удтулласса аабад̇д̇им̣ анубасамбаннз анубасамбаннасса санд̇игз вад̣̇ам̣ вад̣̇анд̇од̇и яож̇анаа. баяог̇зд̇и аарамбхад̇о бадтааяа буб̣б̣абаяог̇з д̣̇уггадам̣ ааг̇ажчад̇и д̣̇уггадам̣ аабаж̇ж̇ад̇и. аарожид̇з баажид̇д̇и сияаад̇и яож̇анаа.
74.Aññato aññassa upasampannassa duṭṭhullassa āpattiṃ anupasampanne anupasampannassa santike vadaṃ vadantoti yojanā. Payogeti ārambhato paṭṭhāya pubbapayoge dukkaṭaṃ āgacchati dukkaṭaṃ āpajjati. Ārocite pācitti siyāti yojanā.
75. баяог̇зд̇и ‘‘агаббияабат̇авим̣ кан̣иссаамий’’д̇и гуд̣̇аала бариязсанаад̣̇исаб̣б̣абаяог̇зд̇и.
75.Payogeti ‘‘akappiyapathaviṃ khaṇissāmī’’ti kudāla pariyesanādisabbapayogeti.
мусааваад̣̇аваг̇г̇аван̣н̣анаа батамаа.
Musāvādavaggavaṇṇanā paṭhamā.
76. баад̇знд̇од̇и вигобзнд̇о. д̇ассаад̇и бхууд̇аг̇аамасса. баад̇зд̇и вигобанз.
76.Pātentoti vikopento. Tassāti bhūtagāmassa. Pāteti vikopane.
77. ан̃н̃аваад̣̇агавихзсагаанам̣ згаяог̇анид̣̇д̣̇идтад̇д̇аа д̇ад̇т̇а вуд̇д̇анаязнзва вихзсагз жа н̃аад̇ум̣ саггаад̇и д̇ад̇т̇а висум̣ аабад̇д̇ибхзд̣̇о на вуд̇д̇о.
77. Aññavādakavihesakānaṃ ekayoganiddiṭṭhattā tattha vuttanayeneva vihesake ca ñātuṃ sakkāti tattha visuṃ āpattibhedo na vutto.
78. баранд̇и ан̃н̃ам̣ сан̇гхзна саммад̇асзнаасанабан̃н̃аабагаад̣̇игам̣ убасамбаннам̣. уж̇жхаабзнд̇од̇и д̇асса аяасам̣ уббаад̣̇зд̇угаамад̇ааяа бхигкуухи аваж̇аанаабзд̇ум̣ ‘‘чанд̣̇ааяа ид̇т̇аннаамо ид̣̇ам̣ наама гарод̇ий’’д̇иаад̣̇ийни вад̇ваа аван̃н̃ааяа ологаабзнд̇о, лаамагад̇о ваа жинд̇аабзнд̇о. баяог̇зд̇и уж̇жхаабанад̇т̇ааяа д̇асса аван̣н̣абхан̣анаад̣̇игз буб̣б̣абаяог̇з.
78.Paranti aññaṃ saṅghena sammatasenāsanapaññāpakādikaṃ upasampannaṃ. Ujjhāpentoti tassa ayasaṃ uppādetukāmatāya bhikkhūhi avajānāpetuṃ ‘‘chandāya itthannāmo idaṃ nāma karotī’’tiādīni vatvā avaññāya olokāpento, lāmakato vā cintāpento. Payogeti ujjhāpanatthāya tassa avaṇṇabhaṇanādike pubbapayoge.
83. сан̇гхигз вихаарз буб̣б̣уубаг̇ад̇ам̣ бхигкум̣ ж̇аанам̣ ж̇аананд̇о анубакаж̇ж̇а сзяяам̣ габбзд̇и, д̇ассзвам̣ сзяяам̣ габбаяад̇од̇и яож̇анаа. баяог̇зд̣̇уггадаад̣̇аяод̇и зд̇т̇а алуд̇д̇асамаасо. аад̣̇и-сад̣̇д̣̇зна сзяяаагаббанз баажид̇д̇ияам̣ сан̇г̇ан̣хаад̇и.
83. Saṅghike vihāre pubbūpagataṃ bhikkhuṃ jānaṃ jānanto anupakhajja seyyaṃ kappeti, tassevaṃ seyyaṃ kappayatoti yojanā. Payogedukkaṭādayoti ettha aluttasamāso. Ādi-saddena seyyākappane pācittiyaṃ saṅgaṇhāti.
84. баяог̇зд̇и ‘‘ниггад̣дхат̇а има’’нд̇иаад̣̇игз аан̣ад̇д̇игз ваа ‘‘яаахи яаахий’’д̇иаад̣̇игз ваажасигз ваа хад̇т̇зна д̇асса ан̇г̇абараамасанаад̣̇ивасзна гад̇з гааяигз ваа ниггад̣дханабаяог̇з. сзсанд̇и баажид̇д̇ияам̣.
84.Payogeti ‘‘nikkaḍḍhatha ima’’ntiādike āṇattike vā ‘‘yāhi yāhī’’tiādike vācasike vā hatthena tassa aṅgaparāmasanādivasena kate kāyike vā nikkaḍḍhanapayoge. Sesanti pācittiyaṃ.
85. ‘‘взхаасагудияаа убарий’’д̇и бад̣̇ажчзд̣̇о. аахажжабаад̣̇агзд̇и зд̇т̇а ‘‘ман̃жз ваа бийтз ваа’’д̇и сзсо. сийд̣̇анд̇и нисийд̣̇анд̇о. д̣̇уггадаад̣̇аяод̇и баяог̇з д̣̇уггадам̣, нибаж̇ж̇ааяа баажид̇д̇ияанд̇и имаа аабад̇д̇ияо пусзд̇и ад̇т̇о.
85. ‘‘Vehāsakuṭiyā uparī’’ti padacchedo. Āhaccapādaketi ettha ‘‘mañce vā pīṭhe vā’’ti seso. Sīdanti nisīdanto. Dukkaṭādayoti payoge dukkaṭaṃ, nipajjāya pācittiyanti imā āpattiyo phuseti attho.
86. асса баж̇ж̇асса батамабаад̣̇ам̣ д̣̇асагкарабаад̣̇агам̣ чанд̣̇овижид̇ияам̣ вуд̇д̇аг̇аат̇аа, ‘‘г̇аат̇аачанд̣̇о ад̇ийд̇ад̣̇ваяа’’нд̇и иминаа чанд̣̇овижид̇илагкан̣зна г̇аат̇аачанд̣̇ад̇д̇аа ад̇хидтид̇ваа д̣̇вад̇д̇ибарияааязд̇и зд̇т̇а агкарад̣̇ваяам̣ ад̇хигам̣ вуд̇д̇анд̇и д̣̇адтаб̣б̣ам̣. баяог̇зд̇и ад̇хидтаанабаяог̇з. ад̇хидтид̇зд̇и д̣̇вад̇д̇ибарияааяаанам̣ убари ад̇хидтаанз гад̇з.
86. Assa pajjassa paṭhamapādaṃ dasakkharapādakaṃ chandovicitiyaṃ vuttagāthā, ‘‘gāthāchando atītadvaya’’nti iminā chandovicitilakkhaṇena gāthāchandattā adhiṭṭhitvā dvattipariyāyeti ettha akkharadvayaṃ adhikaṃ vuttanti daṭṭhabbaṃ. Payogeti adhiṭṭhānapayoge. Adhiṭṭhiteti dvattipariyāyānaṃ upari adhiṭṭhāne kate.
87. баяог̇зд̇и син̃жанасин̃жаабанабаяог̇з. сид̇д̇зд̇и син̃жанагирияабарияосаанз.
87.Payogeti siñcanasiñcāpanapayoge. Sitteti siñcanakiriyapariyosāne.
бхууд̇аг̇аамаваг̇г̇аван̣н̣анаа д̣̇уд̇ияаа.
Bhūtagāmavaggavaṇṇanā dutiyā.
88. д̣̇уггадам̣ пусзд̇и яож̇анаа. овад̣̇ид̇з баажид̇д̇и сияаад̇и яож̇анаа.
88. Dukkaṭaṃ phuseti yojanā. Ovadite pācitti siyāti yojanā.
89. вибхааг̇оязва вибхааг̇ад̇аа.
89. Vibhāgoyeva vibhāgatā.
90. ан̃н̃аад̇игааяа бхигкунияаа ан̃н̃ад̇ра бааривад̇д̇агаа жийварам̣ д̣̇знд̇о бхигку д̣̇увз аабад̇д̇ияо пусзд̇и яож̇анаа. баяог̇зд̇и д̣̇аанабаяог̇з.
90.Aññātikāya bhikkhuniyā aññatra pārivattakā cīvaraṃ dento bhikkhu duve āpattiyo phuseti yojanā. Payogeti dānapayoge.
93. ‘‘наавам̣ зга’’нд̇и бад̣̇ажчзд̣̇о. баяог̇зд̇и абхирухан̣абаяог̇з. д̣̇уггадаад̣̇аяод̇и аад̣̇и-сад̣̇д̣̇зна абхирул̣хз баажид̇д̇ияам̣ сан̇г̇ан̣хаад̇и.
93. ‘‘Nāvaṃ eka’’nti padacchedo. Payogeti abhiruhaṇapayoge. Dukkaṭādayoti ādi-saddena abhiruḷhe pācittiyaṃ saṅgaṇhāti.
94. ‘‘д̣̇увид̇хам̣ аабад̇д̇и’’нд̇и бад̣̇ажчзд̣̇о.
94. ‘‘Duvidhaṃ āpatti’’nti padacchedo.
96. бхигкунияаа сад̣̇д̇хим̣ рахо нисаж̇ж̇ам̣ габбзнд̇о бхигку баяог̇зд̣̇уггадаад̣̇аяо д̣̇взби аабад̇д̇ияо пусзд̇и яож̇анаа.
96. Bhikkhuniyā saddhiṃ raho nisajjaṃ kappento bhikkhu payogedukkaṭādayo dvepi āpattiyo phuseti yojanā.
оваад̣̇аваг̇г̇аван̣н̣анаа д̇ад̇ияаа.
Ovādavaggavaṇṇanā tatiyā.
97. д̇ад̣̇уд̇д̇аринд̇и д̇ад̇о бхун̃ж̇ид̇ум̣ анун̃н̃аад̇азгад̣̇ивасад̇о уд̇д̇арим̣ д̣̇уд̇ияад̣̇ивасад̇о бадтааяа. ананд̇арасса ваг̇г̇ассаад̇и оваад̣̇аваг̇г̇асса. навамзнаад̇и бхигкунияаа барибаажид̇абин̣д̣абаад̇асигкаабад̣̇зна.
97.Taduttarinti tato bhuñjituṃ anuññātaekadivasato uttariṃ dutiyadivasato paṭṭhāya. Anantarassa vaggassāti ovādavaggassa. Navamenāti bhikkhuniyā paripācitapiṇḍapātasikkhāpadena.
99. д̣̇вад̇д̇ибад̇д̇зд̇и д̣̇вад̇д̇ибад̇д̇абуурз. д̇ад̣̇уд̇д̇аринд̇и д̣̇вад̇д̇ибад̇д̇абуурад̇о уд̇д̇арим̣. баяог̇зд̇и бадиг̇г̇ахан̣абаяог̇з.
99.Dvattipatteti dvattipattapūre. Taduttarinti dvattipattapūrato uttariṃ. Payogeti paṭiggahaṇapayoge.
101. абхихадтунд̇и абхихарид̇ваа.
101.Abhihaṭṭhunti abhiharitvā.
102. д̇ассаад̇и абхихаранд̇асса. бидагзд̇и винаяабидагз.
102.Tassāti abhiharantassa. Piṭaketi vinayapiṭake.
103. д̣̇асамзбийд̇и зд̇т̇а ‘‘д̣̇асамз абий’’д̇и бад̣̇ажчзд̣̇о.
103.Dasamepīti ettha ‘‘dasame apī’’ti padacchedo.
бхож̇анаваг̇г̇аван̣н̣анаа жад̇уд̇т̇аа.
Bhojanavaggavaṇṇanā catutthā.
104. ажзлагаад̣̇инод̇и аад̣̇и-сад̣̇д̣̇зна ‘‘бариб̣б̣ааж̇агасса ваа бариб̣б̣ааж̇игааяа ваа’’д̇и (баажи. 270) вуд̇д̇з сан̇г̇ан̣хаад̇и. бхож̇анаад̣̇иганд̇и аад̣̇и-сад̣̇д̣̇зна каад̣̇анийяам̣ сан̇г̇ан̣хаад̇и. баяог̇зд̇и сахад̇т̇аа д̣̇аанабаяог̇з.
104.Acelakādinoti ādi-saddena ‘‘paribbājakassa vā paribbājikāya vā’’ti (pāci. 270) vutte saṅgaṇhāti. Bhojanādikanti ādi-saddena khādanīyaṃ saṅgaṇhāti. Payogeti sahatthā dānapayoge.
105. д̣̇аабзд̇ваа ваа ад̣̇аабзд̇ваа ваа гин̃жи аамисам̣. баяог̇зд̇и уяяож̇анабаяог̇з. д̇асминд̇и д̇асмим̣ бхигкумхи. уяяож̇ид̇з баажид̇д̇и сияаад̇и яож̇анаа.
105.Dāpetvā vā adāpetvā vā kiñci āmisaṃ. Payogeti uyyojanapayoge. Tasminti tasmiṃ bhikkhumhi. Uyyojite pācitti siyāti yojanā.
109. уммаараад̇иггамзд̇и инд̣̇акийлаад̇иггамз.
109.Ummārātikkameti indakhīlātikkame.
110. д̇ад̣̇уд̇д̇аринд̇и д̇ад̇о барижчиннарад̇д̇ибарияанд̇ад̇о ваа барижчиннабхзсаж̇ж̇абарияанд̇ад̇о ваа уд̇д̇арим̣.
110.Taduttarinti tato paricchinnarattipariyantato vā paricchinnabhesajjapariyantato vā uttariṃ.
111. уяяуд̇д̇ам̣ д̣̇ассанад̇т̇ааяа г̇ажчанд̇о д̣̇вз аабад̇д̇ияо пусзд̇и яож̇анаа.
111. Uyyuttaṃ dassanatthāya gacchanto dve āpattiyo phuseti yojanā.
ажзлагаваг̇г̇аван̣н̣анаа бан̃жамаа.
Acelakavaggavaṇṇanā pañcamā.
114. мзрзяяанд̇и мзраяам̣. нируд̇д̇инаязна а-гаарасса з-гааро, яа-гаарасса жа д̣̇вид̇д̇ам̣. мзраяа-сад̣̇д̣̇абарияааяо ваа мзрзяяа-сад̣̇д̣̇о. мунийд̇и бхигку.
114.Mereyyanti merayaṃ. Niruttinayena a-kārassa e-kāro, ya-kārassa ca dvittaṃ. Meraya-saddapariyāyo vā mereyya-saddo. Munīti bhikkhu.
115. ‘‘бхигку ан̇г̇улибад̇од̣̇знаа’’д̇и бад̣̇ажчзд̣̇о. баяог̇зд̇и хаасаабанабаяог̇з. д̇ассаад̇и хаасаабзнд̇асса.
115. ‘‘Bhikkhu aṅgulipatodenā’’ti padacchedo. Payogeti hāsāpanapayoge. Tassāti hāsāpentassa.
116. г̇обпагаа хздтаа уд̣̇агз д̣̇уггадам̣. г̇обпагад̇о убари убариг̇обпагам̣, уд̣̇агам̣, д̇асмим̣, г̇обпагад̇о ад̇хигаббамаан̣з уд̣̇агзд̇и ад̇т̇о.
116. Gopphakā heṭṭhā udake dukkaṭaṃ. Gopphakato upari uparigopphakaṃ, udakaṃ, tasmiṃ, gopphakato adhikappamāṇe udaketi attho.
117. анаад̣̇арияанд̇и буг̇г̇алаанаад̣̇арияам̣, д̇хаммаанаад̣̇арияам̣ ваа. баяог̇зд̇и анаад̣̇арияавасзна бавад̇д̇з гааяабаяог̇з ваа важийбаяог̇з ваа. гад̇з анаад̣̇арияз.
117.Anādariyanti puggalānādariyaṃ, dhammānādariyaṃ vā. Payogeti anādariyavasena pavatte kāyapayoge vā vacīpayoge vā. Kate anādariye.
118. баяог̇зд̇и бхим̣саабанабаяог̇з.
118.Payogeti bhiṃsāpanapayoge.
119. ж̇од̇инд̇и аг̇г̇им̣. самаад̣̇ахид̇ваанаад̇и ж̇аалзд̇ваа. ‘‘висиб̣б̣знд̇о’’д̇и иминаа палуубажаарзна гааран̣ам̣ вуд̇д̇ам̣. висиб̣б̣анагирияаа хи самаад̣̇аханагирияааяа паланд̇и висиб̣б̣анагирияаавохаарзна самаад̣̇аханагирияаава. д̇асмаа висиб̣б̣знд̇од̇и зд̇т̇а самаад̣̇аханд̇од̇и ад̇т̇о. баяог̇зд̇и самаад̣̇аханасамаад̣̇ахаабанабаяог̇з. висийвид̇зд̇и вуд̇д̇анаязна самаад̣̇ахид̇зд̇и ад̇т̇о.
119.Jotinti aggiṃ. Samādahitvānāti jāletvā. ‘‘Visibbento’’ti iminā phalūpacārena kāraṇaṃ vuttaṃ. Visibbanakiriyā hi samādahanakiriyāya phalanti visibbanakiriyāvohārena samādahanakiriyāva. Tasmā visibbentoti ettha samādahantoti attho. Payogeti samādahanasamādahāpanapayoge. Visīviteti vuttanayena samādahiteti attho.
120. баяог̇зд̇и жун̣н̣амад̇д̇игаабхисан̇каран̣аад̣̇исаб̣б̣абаяог̇з. ид̇аранд̇и баажид̇д̇ияам̣.
120.Payogeti cuṇṇamattikābhisaṅkharaṇādisabbapayoge. Itaranti pācittiyaṃ.
121. д̇ин̣н̣ам̣ д̣̇уб̣б̣ан̣н̣агаран̣аананд̇и гам̣санийлабад̇д̇анийлагад̣̇д̣̇амасан̇каад̇аанам̣ д̇ин̣н̣ам̣ д̣̇уб̣б̣ан̣н̣агаран̣аанам̣. згам̣ ан̃н̃ад̇арам̣ анаад̣̇ияа ад̣̇ад̇ваа. жийваранд̇и наважийварам̣.
121.Tiṇṇaṃ dubbaṇṇakaraṇānanti kaṃsanīlapattanīlakaddamasaṅkhātānaṃ tiṇṇaṃ dubbaṇṇakaraṇānaṃ. Ekaṃ aññataraṃ anādiya adatvā. Cīvaranti navacīvaraṃ.
122. над̇т̇и зд̇асса уд̣̇д̇хааранд̇и ануд̣̇д̇хааро, д̇ам̣ ануд̣̇д̇хааранд̇и вад̇д̇аб̣б̣з г̇аат̇ааб̣анд̇хавасзна рассад̇д̇ам̣, агад̇абажжуд̣̇д̇хааранд̇и ад̇т̇о.
122. Natthi etassa uddhāranti anuddhāro, taṃ anuddhāranti vattabbe gāthābandhavasena rassattaṃ, akatapaccuddhāranti attho.
123. абанид̇хзнд̇од̇и абанзд̇ваа нид̇хзнд̇о нигкибзнд̇о. бад̇д̇аад̣̇иганд̇и аад̣̇и-сад̣̇д̣̇зна жийваранисийд̣̇анасуужигхарагааяаб̣анд̇ханаанам̣ г̇ахан̣ам̣. баяог̇зд̇и абанид̇хаанабаяог̇з. д̇асмим̣ бад̇д̇аад̣̇игз бан̃жавид̇хз баригкаарз. абанихид̇з сзсаа баажид̇д̇ияаабад̇д̇и сияаад̇и яож̇анаа.
123.Apanidhentoti apanetvā nidhento nikkhipento. Pattādikanti ādi-saddena cīvaranisīdanasūcigharakāyabandhanānaṃ gahaṇaṃ. Payogeti apanidhānapayoge. Tasmiṃ pattādike pañcavidhe parikkhāre. Apanihite sesā pācittiyāpatti siyāti yojanā.
сураабаанаваг̇г̇аван̣н̣анаа чадтаа.
Surāpānavaggavaṇṇanā chaṭṭhā.
124. д̇абод̇ханод̇и баад̇имогкасам̣варасийласан̇каад̇ам̣ д̇абод̇ханамассаад̇и д̇абод̇хано, бхигку.
124.Tapodhanoti pātimokkhasaṃvarasīlasaṅkhātaṃ tapodhanamassāti tapodhano, bhikkhu.
125. д̇асмим̣ обаад̇з.
125.Tasmiṃ opāte.
126. мануссавиг̇г̇ахо мануссасарийро. д̇иражчаанаг̇ад̇о нааг̇о ваа субан̣н̣о ваа. д̇асса обаад̇акан̣агасса.
126.Manussaviggaho manussasarīro. Tiracchānagato nāgo vā supaṇṇo vā. Tassa opātakhaṇakassa.
127. бадуб̣уд̣̇д̇хинаад̇и саб̣б̣зсу н̃зяяад̇хаммзсу нибунан̃аан̣зна бхаг̇авад̇аа.
127.Paṭubuddhināti sabbesu ñeyyadhammesu nipunañāṇena bhagavatā.
128. баяог̇зд̇и барибхог̇ад̇т̇ааяа г̇ахан̣аад̣̇игз баяог̇з. д̇ассаад̇и бхигкусса.
128.Payogeti paribhogatthāya gahaṇādike payoge. Tassāti bhikkhussa.
129. уггодзнд̇од̇и ужжаалзнд̇о яат̇аатаанз таад̇ум̣ ад̣̇знд̇о. баяог̇зд̇и уггоданабаяог̇з. уггодид̇з баажид̇д̇ияам̣ сияаад̇и яож̇анаа.
129.Ukkoṭentoti uccālento yathāṭhāne ṭhātuṃ adento. Payogeti ukkoṭanapayoge. Ukkoṭite pācittiyaṃ siyāti yojanā.
130. д̣̇удтуллам̣ важ̇ж̇аганд̇и сан̇гхаад̣̇исзсаад̣̇игз. згам̣ баажид̇д̇ияам̣ аабад̇д̇им̣ аабаж̇ж̇ад̇и ид̇и д̣̇ийбид̇анд̇и яож̇анаа.
130.Duṭṭhullaṃ vajjakanti saṅghādisesādike. Ekaṃ pācittiyaṃ āpattiṃ āpajjati iti dīpitanti yojanā.
131. баяог̇зд̇и г̇ан̣абариязсанаад̣̇ибаяог̇з. д̣̇уггадам̣ бад̇д̇о сияаа д̣̇уггадаабад̇д̇им̣ аабанно бхавзяяаад̇и ад̇т̇о. сзсаад̇и баажид̇д̇ияаабад̇д̇и убасамбаад̣̇ид̇з сияаа. г̇аат̇ааб̣анд̇хавасзна убасаг̇г̇алобо.
131.Payogeti gaṇapariyesanādipayoge. Dukkaṭaṃ patto siyā dukkaṭāpattiṃ āpanno bhaveyyāti attho. Sesāti pācittiyāpatti upasampādite siyā. Gāthābandhavasena upasaggalopo.
132-3. ж̇аанам̣ т̇зяяасад̇т̇зна саха сам̣вид̇хааяа маг̇г̇ам̣ бадибаж̇ж̇ад̇о жа д̇ат̇зва маад̇уг̇аамзна саха сам̣вид̇хааяа маг̇г̇ам̣ бадибаж̇ж̇ад̇о жаад̇и яож̇анаа. баяог̇зд̇и сам̣вид̇хааяа г̇анд̇ум̣ бадибужчаад̣̇игаран̣абаяог̇з. бадибаннзд̇и маг̇г̇абадибаннз. ананд̇аранд̇и ад̣̇д̇хаяож̇анаг̇ааманд̇араад̇иггаманаананд̇арам̣.
132-3. Jānaṃ theyyasatthena saha saṃvidhāya maggaṃ paṭipajjato ca tatheva mātugāmena saha saṃvidhāya maggaṃ paṭipajjato cāti yojanā. Payogeti saṃvidhāya gantuṃ paṭipucchādikaraṇapayoge. Paṭipanneti maggapaṭipanne. Anantaranti addhayojanagāmantarātikkamanānantaraṃ.
134. н̃ад̇д̇ияаа осаанз д̣̇уггадам̣ пусзд̇и яож̇анаа.
134. Ñattiyā osāne dukkaṭaṃ phuseti yojanā.
135. агад̇аануд̇хаммзнаад̇и ануд̇хаммо вужжад̇и аабад̇д̇ияаа ад̣̇ассанз ваа аббадигаммз ваа баабигааяа д̣̇идтияаа аббадиниссаг̇г̇з ваа д̇хаммзна винаязна сад̇т̇усаасанзна угкид̇д̇агасса ануломавад̇д̇ам̣ д̣̇исваа гад̇ваа осааран̣аа, со осааран̣асан̇каад̇о ануд̇хаммо яасса на гад̇о, аяам̣ агад̇аануд̇хаммо наама, д̇аад̣̇исзна бхигкунаа сад̣̇д̇хинд̇и ад̇т̇о. самбхун̃ж̇анд̇од̇и аамисасамбхог̇ам̣ гаронд̇о бхигку. баяог̇зд̇и бхун̃ж̇ид̇ум̣ аамисабадиг̇г̇ахан̣аад̣̇ибаяог̇з. бхуд̇д̇зд̇и самбхуд̇д̇з, убхаяасамбхог̇з, д̇ад̣̇ан̃н̃ад̇арз ваа гад̇зд̇и ад̇т̇о.
135.Akatānudhammenāti anudhammo vuccati āpattiyā adassane vā appaṭikamme vā pāpikāya diṭṭhiyā appaṭinissagge vā dhammena vinayena satthusāsanena ukkhittakassa anulomavattaṃ disvā katvā osāraṇā, so osāraṇasaṅkhāto anudhammo yassa na kato, ayaṃ akatānudhammo nāma, tādisena bhikkhunā saddhinti attho. Sambhuñjantoti āmisasambhogaṃ karonto bhikkhu. Payogeti bhuñjituṃ āmisapaṭiggahaṇādipayoge. Bhutteti sambhutte, ubhayasambhoge, tadaññatare vā kateti attho.
136. убалаабзнд̇од̇и бад̇д̇ажийварауд̣̇д̣̇зсабарибужчанаад̣̇ивасзна сан̇г̇ан̣ханд̇о. баяог̇зд̇и убалаабанабаяог̇з.
136.Upalāpentoti pattacīvarauddesaparipucchanādivasena saṅgaṇhanto. Payogeti upalāpanapayoge.
саббаан̣агаваг̇г̇аван̣н̣анаа сад̇д̇амаа.
Sappāṇakavaggavaṇṇanā sattamā.
137. сахад̇хаммиганд̇и гаран̣ад̇т̇з убаяог̇аважанам̣, бан̃жахи сахад̇хаммигзхи сигкид̇аб̣б̣ад̇д̇аа, д̇зсам̣ ваа санд̇агад̇д̇аа ‘‘сахад̇хаммига’’нд̇и лад̣̇д̇ханаамзна б̣уд̣̇д̇хабан̃н̃ад̇д̇зна сигкаабад̣̇зна вужжамаанассаад̇и ад̇т̇о. бхан̣ад̇од̇и ‘‘бхигкуссаа’’д̇и иминаа самаанаад̇хигаран̣ам̣.
137.Sahadhammikanti karaṇatthe upayogavacanaṃ, pañcahi sahadhammikehi sikkhitabbattā, tesaṃ vā santakattā ‘‘sahadhammika’’nti laddhanāmena buddhapaññattena sikkhāpadena vuccamānassāti attho. Bhaṇatoti ‘‘bhikkhussā’’ti iminā samānādhikaraṇaṃ.
138. виван̣н̣знд̇од̇и ‘‘гим̣ банимзхи куд̣̇д̣̇аанукуд̣̇д̣̇агзхи сигкаабад̣̇зхи уд̣̇д̣̇идтзхий’’д̇иаад̣̇инаа г̇араханд̇о. баяог̇зд̇и ‘‘гим̣ имзхий’’д̇иаад̣̇инаа г̇арахан̣авасзна бавад̇д̇з важийбаяог̇з. виван̣н̣ид̇з г̇арахид̇з.
138.Vivaṇṇentoti ‘‘kiṃ panimehi khuddānukhuddakehi sikkhāpadehi uddiṭṭhehī’’tiādinā garahanto. Payogeti ‘‘kiṃ imehī’’tiādinā garahaṇavasena pavatte vacīpayoge. Vivaṇṇite garahite.
139. мохзнд̇од̇и ‘‘ид̣̇аанзва ко ахам̣, аавусо, ж̇аанаамий’’д̇иаад̣̇инаа ад̇д̇ано аж̇аананад̇д̇зна аабаннабхаавам̣ д̣̇ийбзд̇ваа бхигкум̣ мохзнд̇о, ван̃жзнд̇од̇и ад̇т̇о. мохзд̇и мохааробанагаммз. аробид̇з гад̇з.
139.Mohentoti ‘‘idāneva kho ahaṃ, āvuso, jānāmī’’tiādinā attano ajānanattena āpannabhāvaṃ dīpetvā bhikkhuṃ mohento, vañcentoti attho. Moheti mohāropanakamme. Aropite kate.
140. бхигкусса губид̇о бахаарам̣ д̣̇знд̇о пусзд̇и яож̇анаа. баяог̇зд̇и д̣̇ан̣д̣аад̣̇аанаад̣̇ибаяог̇з.
140. Bhikkhussa kupito pahāraṃ dento phuseti yojanā. Payogeti daṇḍādānādipayoge.
141. баяог̇зд̇и уг̇г̇иран̣абаяог̇з. уг̇г̇ирид̇зд̇и ужжаарид̇з.
141.Payogeti uggiraṇapayoge. Uggiriteti uccārite.
142. амуулзнзваад̇и д̣̇идтаад̣̇имуулавирахид̇знзва. яог̇зд̇и огаасагаараабанаад̣̇ибаяог̇з. уд̣̇д̇хам̣сид̇зд̇и жод̣̇ид̇з.
142.Amūlenevāti diṭṭhādimūlavirahiteneva. Yogeti okāsakārāpanādipayoge. Uddhaṃsiteti codite.
143. гуггужжам̣ ж̇анаяанд̇од̇и ‘‘уунавийсад̇ивассо д̇вам̣ ман̃н̃з убасамбанно’’д̇иаад̣̇инаа гуггужжам̣ убад̣̇аханд̇о. яог̇зд̇и гуггужжуббаад̣̇анабаяог̇з. уббаад̣̇ид̇зд̇и гуггужжз уббаад̣̇ид̇з.
143.Kukkuccaṃ janayantoti ‘‘ūnavīsativasso tvaṃ maññe upasampanno’’tiādinā kukkuccaṃ upadahanto. Yogeti kukkuccuppādanapayoge. Uppāditeti kukkucce uppādite.
144. ‘‘д̇идтанд̇о убассуд̇и’’нд̇и бад̣̇ажчзд̣̇о. суд̇ияаа самийбам̣ убассуд̇и, савануубажаарзд̇и ад̇т̇о.
144. ‘‘Tiṭṭhanto upassuti’’nti padacchedo. Sutiyā samīpaṃ upassuti, savanūpacāreti attho.
145. д̇хаммигаанам̣ д̇у гаммаананд̇и д̇хаммзна винаязна сад̇т̇усаасанзна гад̇аанам̣ абалоганаад̣̇ийнам̣ жад̇уннам̣ гаммаанам̣. д̇ад̇о бунаад̇и чанд̣̇ад̣̇аанад̇о бажчаа. кийяанад̇хамманд̇и ад̇д̇ано ад̇хиббзд̇абхаававибхааванаманд̇анам̣. д̣̇вз пусз д̣̇уггадаад̣̇аяод̇и кийяанад̇хаммаабаж̇ж̇анабаяог̇з д̣̇уггадам̣, кийяанад̇хаммз аабаннз баажид̇д̇ияанд̇и звам̣ д̣̇уггадаад̣̇аяо д̣̇вз аабад̇д̇ияо аабаж̇ж̇зяяаад̇и ад̇т̇о.
145.Dhammikānaṃ tu kammānanti dhammena vinayena satthusāsanena katānaṃ apalokanādīnaṃ catunnaṃ kammānaṃ. Tato punāti chandadānato pacchā. Khīyanadhammanti attano adhippetabhāvavibhāvanamantanaṃ. Dve phuse dukkaṭādayoti khīyanadhammāpajjanapayoge dukkaṭaṃ, khīyanadhamme āpanne pācittiyanti evaṃ dukkaṭādayo dve āpattiyo āpajjeyyāti attho.
146. сан̇гхз сан̇гхамаж̇жхз. винижчаязд̇и вад̇т̇уд̇о од̇ин̣н̣авинижчаяз. нидтам̣ аг̇ад̇зд̇и вад̇т̇умхи авинижчид̇з, н̃ад̇д̇им̣ табзд̇ваа гаммаваажааяа ваа абарияосид̇ааяа.
146.Saṅghe saṅghamajjhe. Vinicchayeti vatthuto otiṇṇavinicchaye. Niṭṭhaṃ agateti vatthumhi avinicchite, ñattiṃ ṭhapetvā kammavācāya vā apariyositāya.
148. самаг̇г̇зна сан̇гхзнаад̇и самаанасам̣ваасагзна самаанасиймааяам̣ тид̇зна сан̇гхзна.
148.Samaggena saṅghenāti samānasaṃvāsakena samānasīmāyaṃ ṭhitena saṅghena.
сахад̇хаммигаваг̇г̇аван̣н̣анаа адтамаа.
Sahadhammikavaggavaṇṇanā aṭṭhamā.
150. авид̣̇ид̇о худ̇ваад̇и ран̃н̃о авид̣̇ид̇ааг̇амано худ̇ваа.
150.Aviditohutvāti rañño aviditāgamano hutvā.
152. рад̇ананд̇и муд̇д̇аад̣̇ид̣̇асавид̇хам̣ рад̇анам̣. баяог̇зд̇и рад̇анаг̇г̇ахан̣абаяог̇з.
152.Ratananti muttādidasavidhaṃ ratanaṃ. Payogeti ratanaggahaṇapayoge.
153. вигаалзд̇и маж̇жханд̇игаад̇иггамад̇о бадтааяа арун̣з.
153.Vikāleti majjhantikātikkamato paṭṭhāya aruṇe.
155. адтид̣̇анд̇ависаан̣аабхиниб̣б̣ад̇д̇анд̇и адтид̣̇анд̇ависаан̣амаяам̣. баяог̇зд̇и гаараабанабаяог̇з.
155.Aṭṭhidantavisāṇābhinibbattanti aṭṭhidantavisāṇamayaṃ. Payogeti kārāpanapayoge.
156. д̇асмим̣ ман̃жаад̣̇имхи гаараабид̇з сзсаа баажид̇д̇ияаабад̇д̇и сияаад̇и яож̇анаа.
156. Tasmiṃ mañcādimhi kārāpite sesā pācittiyāpatti siyāti yojanā.
рад̇анаваг̇г̇аван̣н̣анаа навамаа.
Ratanavaggavaṇṇanā navamā.
ид̇и уд̇д̇арз лийнад̇т̇абагаасанияаа
Iti uttare līnatthapakāsaniyā
баажид̇д̇ияагат̇ааван̣н̣анаа нидтид̇аа.
Pācittiyakathāvaṇṇanā niṭṭhitā.
159. жад̇уусу баадид̣̇зсанийязсуби ависзсзна аад̣̇ижжаб̣анд̇хунаа б̣уд̣̇д̇хзна д̣̇вид̇хаа аабад̇д̇и нид̣̇д̣̇идтаад̇и яож̇анаа.
159. Catūsu pāṭidesanīyesupi avisesena ādiccabandhunā buddhena dvidhā āpatti niddiṭṭhāti yojanā.
160. саб̣б̣ад̇т̇аад̇и саб̣б̣зсу жад̇уусу.
160.Sabbatthāti sabbesu catūsu.
баадид̣̇зсанийяагат̇ааван̣н̣анаа.
Pāṭidesanīyakathāvaṇṇanā.
161. сзкияагат̇аа уд̇д̇аанад̇т̇ааязва.
161. Sekhiyakathā uttānatthāyeva.
сзкияагат̇ааван̣н̣анаа.
Sekhiyakathāvaṇṇanā.
162. бариваарз батамам̣ д̣̇ассид̇асол̣асаваараббабхзд̣̇з махаавибхан̇г̇з ‘‘батамам̣ баарааж̇игам̣ гад̇т̇а бан̃н̃ад̇д̇а’’нд̇иаад̣̇иббабхзд̣̇о (бари. 1) гад̇т̇абан̃н̃ад̇д̇ивааро , ‘‘мзт̇унам̣ д̇хаммам̣ бадисзванд̇о гад̇и аабад̇д̇ияо аабаж̇ж̇ад̇ий’’д̇иаад̣̇иббабхзд̣̇о (бари. 157) гад̇аабад̇д̇ивааро, ‘‘мзт̇унам̣ д̇хаммам̣ бадисзванд̇асса аабад̇д̇ияо жад̇уннам̣ вибад̇д̇ийнам̣ гад̇и вибад̇д̇ияо бхаж̇анд̇ий’’д̇иаад̣̇иббабхзд̣̇о (бари. 182) вибад̇д̇ивааро, ‘‘мзт̇унам̣ д̇хаммам̣ бадисзванд̇асса аабад̇д̇ияо сад̇д̇аннам̣ аабад̇д̇игканд̇хаанам̣ гад̇ихи аабад̇д̇игканд̇хзхи сан̇г̇ахид̇аа’’д̇иаад̣̇иббабхзд̣̇о (бари. 182) сан̇г̇ахавааро, ‘‘мзт̇унам̣ д̇хаммам̣ бадисзванд̇асса аабад̇д̇ияо чаннам̣ аабад̇д̇исамудтаанаанам̣ гад̇ихи самудтаанзхи самудтаханд̇ий’’д̇иаад̣̇иббабхзд̣̇о (бари. 184) самудтаанавааро, ‘‘мзт̇унам̣ д̇хаммам̣ бадисзванд̇асса аабад̇д̇ияо жад̇уннам̣ ад̇хигаран̣аанам̣ гад̇амам̣ ад̇хигаран̣а’’нд̇иаад̣̇иббабхзд̣̇о (бари. 185) ад̇хигаран̣авааро, ‘‘мзт̇унам̣ д̇хаммам̣ бадисзванд̇асса аабад̇д̇ияо сад̇д̇аннам̣ самат̇аанам̣ гад̇ихи самат̇зхи самманд̇ий’’д̇иаад̣̇иббабхзд̣̇о (бари. 186) самат̇авааро, д̇ад̣̇ананд̇аро имзхи сад̇д̇ахи ваарзхи миссо адтамо самужжаяаваарод̇и имзсу адтасу ваарзсу аад̣̇ибхууд̇з гад̇т̇абан̃н̃ад̇д̇инаамад̇хзяяз аббанааваарз сан̇г̇ахзд̇аб̣б̣аанам̣ нид̣̇аанаад̣̇исад̇д̇арасалагкан̣аанам̣ убхаяавибхан̇г̇асаад̇хааран̣ад̇о убари вагкамаанад̇д̇аа д̇ам̣ ваарам̣ табзд̇ваа д̇ад̣̇ананд̇арам̣ асаад̇хааран̣ам̣ гад̇аабад̇д̇иваарам̣ сзкияаавасаанам̣ баал̣иггамаануруубам̣ д̣̇ассзд̇ваа д̇ад̣̇ананд̇араа вибад̇д̇иваараад̣̇аяо ча ваараа убхаяавибхан̇г̇асаад̇хааран̣ад̇о вагкамаанаад̇и гад̇ваа д̇зби табзд̇ваа имз бажжаяасад̣̇д̣̇зна аяож̇зд̇ваа д̣̇ассид̇аа адтзва ваараа, буна ‘‘мзт̇унам̣ д̇хаммам̣ бадисзванабажжаяаа баарааж̇игам̣ гад̇т̇а бан̃н̃ад̇д̇а’’нд̇иаад̣̇инаа (бари. 188) бажжаяа-сад̣̇д̣̇ам̣ яож̇зд̇ваа д̣̇ассид̇аа абарз адта ваараа яож̇ид̇аад̇и д̇ад̇т̇ааби д̣̇уд̇ияам̣ гад̇аабад̇д̇ибажжаяаваарам̣ иминаа гад̇аабад̇д̇иваарзна згабарижчзд̣̇ам̣ гад̇ваа д̣̇ассзд̇умааха ‘‘бан̃н̃ад̇д̇аа’’д̇иаад̣̇и. бадисзванабажжаяаад̇и бадисзванахзд̇унаа.
162. Parivāre paṭhamaṃ dassitasoḷasavārappabhede mahāvibhaṅge ‘‘paṭhamaṃ pārājikaṃ kattha paññatta’’ntiādippabhedo (pari. 1) katthapaññattivāro , ‘‘methunaṃ dhammaṃ paṭisevanto kati āpattiyo āpajjatī’’tiādippabhedo (pari. 157) katāpattivāro, ‘‘methunaṃ dhammaṃ paṭisevantassa āpattiyo catunnaṃ vipattīnaṃ kati vipattiyo bhajantī’’tiādippabhedo (pari. 182) vipattivāro, ‘‘methunaṃ dhammaṃ paṭisevantassa āpattiyo sattannaṃ āpattikkhandhānaṃ katihi āpattikkhandhehi saṅgahitā’’tiādippabhedo (pari. 182) saṅgahavāro, ‘‘methunaṃ dhammaṃ paṭisevantassa āpattiyo channaṃ āpattisamuṭṭhānānaṃ katihi samuṭṭhānehi samuṭṭhahantī’’tiādippabhedo (pari. 184) samuṭṭhānavāro, ‘‘methunaṃ dhammaṃ paṭisevantassa āpattiyo catunnaṃ adhikaraṇānaṃ katamaṃ adhikaraṇa’’ntiādippabhedo (pari. 185) adhikaraṇavāro, ‘‘methunaṃ dhammaṃ paṭisevantassa āpattiyo sattannaṃ samathānaṃ katihi samathehi sammantī’’tiādippabhedo (pari. 186) samathavāro, tadanantaro imehi sattahi vārehi misso aṭṭhamo samuccayavāroti imesu aṭṭhasu vāresu ādibhūte katthapaññattināmadheyye appanāvāre saṅgahetabbānaṃ nidānādisattarasalakkhaṇānaṃ ubhayavibhaṅgasādhāraṇato upari vakkhamānattā taṃ vāraṃ ṭhapetvā tadanantaraṃ asādhāraṇaṃ katāpattivāraṃ sekhiyāvasānaṃ pāḷikkamānurūpaṃ dassetvā tadanantarā vipattivārādayo cha vārā ubhayavibhaṅgasādhāraṇato vakkhamānāti katvā tepi ṭhapetvā ime paccayasaddena ayojetvā dassitā aṭṭheva vārā, puna ‘‘methunaṃ dhammaṃ paṭisevanapaccayā pārājikaṃ kattha paññatta’’ntiādinā (pari. 188) paccaya-saddaṃ yojetvā dassitā apare aṭṭha vārā yojitāti tatthāpi dutiyaṃ katāpattipaccayavāraṃ iminā katāpattivārena ekaparicchedaṃ katvā dassetumāha ‘‘paññattā’’tiādi. Paṭisevanapaccayāti paṭisevanahetunā.
163. аллогаасаббавзсанзд̇и ж̇ийвамаанасарийрз д̇ин̣н̣ам̣ маг̇г̇аанам̣ ан̃н̃ад̇арасмим̣ маг̇г̇з аллогаасаббавзсанз. мад̇з агкааяид̇з ваа би-сад̣̇д̣̇зна язбхуяяаагкааяид̇з бавзсанз бавзсананимид̇д̇ам̣ мзт̇унам̣ д̇хаммам̣ бадисзванд̇о бхигку баарааж̇игам̣ пусзд̇и самб̣анд̇хо.
163.Allokāsappavesaneti jīvamānasarīre tiṇṇaṃ maggānaṃ aññatarasmiṃ magge allokāsappavesane. Mate akkhāyite vā pi-saddena yebhuyyaakkhāyite pavesane pavesananimittaṃ methunaṃ dhammaṃ paṭisevanto bhikkhu pārājikaṃ phuseti sambandho.
164. д̇ат̇аа язбхуяяагкааяид̇з, убад̣дхагкааяид̇з жа мзт̇унам̣ д̇хаммам̣ бадисзванд̇о бхигку т̇уллажжаяам̣ пусзд̇и яож̇анаа. ваддагад̇з мукз д̣̇уггадам̣ вуд̇д̇анд̇и самб̣анд̇хо. ж̇ад̇умадтагзд̇и бхигкунияаа ж̇ад̇умадтагз д̣̇иннз баажид̇д̇и вуд̇д̇аад̇и самб̣анд̇хо.
164. Tathā yebhuyyakkhāyite, upaḍḍhakkhāyite ca methunaṃ dhammaṃ paṭisevanto bhikkhu thullaccayaṃ phuseti yojanā. Vaṭṭakate mukhe dukkaṭaṃ vuttanti sambandho. Jatumaṭṭhaketi bhikkhuniyā jatumaṭṭhake dinne pācitti vuttāti sambandho.
166. авассуд̇ассаад̇и гааяасам̣саг̇г̇арааг̇зна д̇инд̇асса. босассаад̇и г̇ахан̣агирияаасамб̣анд̇хз саамиважанам̣. бхигкунияаад̇и ад̇д̇асамб̣анд̇хз саамиважанам̣. ‘‘ад̇д̇ано’’д̇и сзсо. авассуд̇зна босзна ад̇д̇ано ад̇хагкагаад̣̇иг̇ахан̣ам̣ саад̣̇ияанд̇ияаа д̇ат̇аа авассуд̇ааяа бхигкунияаа баарааж̇иганд̇и яож̇анаа.
166.Avassutassāti kāyasaṃsaggarāgena tintassa. Posassāti gahaṇakiriyāsambandhe sāmivacanaṃ. Bhikkhuniyāti attasambandhe sāmivacanaṃ. ‘‘Attano’’ti seso. Avassutena posena attano adhakkhakādigahaṇaṃ sādiyantiyā tathā avassutāya bhikkhuniyā pārājikanti yojanā.
167. гааязнаад̇и ад̇д̇ано гааязна. гааяанд̇и маад̇уг̇аамасса гааяам̣. пусад̇од̇и гааяасам̣саг̇г̇арааг̇зна пусад̇о. гааязна гааяаб̣ад̣̇д̇ханд̇и зд̇т̇ааби зсзва наяо.
167.Kāyenāti attano kāyena. Kāyanti mātugāmassa kāyaṃ. Phusatoti kāyasaṃsaggarāgena phusato. Kāyena kāyabaddhanti etthāpi eseva nayo.
168. гааязна бадиб̣ад̣̇д̇хзнаад̇и ад̇д̇ано гааяабадиб̣ад̣̇д̇хзна. бадиб̣ад̣̇д̇ханд̇и ид̇т̇ияаа гааяабадиб̣ад̣̇д̇хам̣ пусанд̇асса д̣̇уггадам̣. д̇асса бхигкусса.
168.Kāyena paṭibaddhenāti attano kāyapaṭibaddhena. Paṭibaddhanti itthiyā kāyapaṭibaddhaṃ phusantassa dukkaṭaṃ. Tassa bhikkhussa.
‘‘махаавибхан̇г̇асан̇г̇ахо нидтид̇о’’д̇и гасмаа вуд̇д̇ам̣, нану сол̣асаваарасан̇г̇ахз махаавибхан̇г̇з гад̇аабад̇д̇иваароязвзд̇т̇а вуд̇д̇о, на ид̇арз ваараад̇и? сажжам̣, аваяавз бана самуд̣̇ааяобажаарзна вуд̇д̇ам̣. саад̇хааран̣аасаад̇хааран̣аанам̣ махаавибхан̇г̇з г̇ад̇аанам̣ саб̣б̣аабад̇д̇ибабхзд̣̇аанам̣ д̣̇ассанобажаарабхууд̇о гад̇аабад̇д̇ивааро д̣̇ассид̇од̇и д̇ам̣д̣̇ассанзна аббад̇хаанаа ид̇арзби ваараа убажаарад̇о д̣̇ассид̇аа хонд̇ийд̇и жа д̇ат̇аа вуд̇д̇анд̇и взд̣̇ид̇аб̣б̣ам̣.
‘‘Mahāvibhaṅgasaṅgaho niṭṭhito’’ti kasmā vuttaṃ, nanu soḷasavārasaṅgahe mahāvibhaṅge katāpattivāroyevettha vutto, na itare vārāti? Saccaṃ, avayave pana samudāyopacārena vuttaṃ. Sādhāraṇāsādhāraṇānaṃ mahāvibhaṅge gatānaṃ sabbāpattipabhedānaṃ dassanopacārabhūto katāpattivāro dassitoti taṃdassanena appadhānā itarepi vārā upacārato dassitā hontīti ca tathā vuttanti veditabbaṃ.
ид̇и уд̇д̇арз лийнад̇т̇абагаасанияаа
Iti uttare līnatthapakāsaniyā
махаавибхан̇г̇асан̇г̇ахаван̣н̣анаа нидтид̇аа.
Mahāvibhaṅgasaṅgahavaṇṇanā niṭṭhitā.
