| Library / Tipiṭaka / д̇ибидага • Tipiṭaka / жарияаабидага-адтагат̇аа • Cariyāpiṭaka-aṭṭhakathā |
5. махим̣сарааж̇ажарияааван̣н̣анаа
5. Mahiṃsarājacariyāvaṇṇanā
37. бан̃жамз махим̣со баванажаарагод̇и махааванажаарий ванамахим̣со яад̣̇аа хомийд̇и яож̇анаа. бавад̣дхагааяод̇и ваяасамбад̇д̇ияаа ан̇г̇абажжан̇г̇аанан̃жа т̇уулабхаавзна абхивад̣дхагааяо. б̣алаваад̇и махааб̣ало т̇аамасамбанно. маханд̇од̇и вибуласарийро. хад̇т̇игалабхаббамаан̣о гира д̇ад̣̇аа б̣од̇хисад̇д̇асса гааяо ход̇и. бхиймад̣̇ассанод̇и махаасарийрад̇ааяа ванамахим̣саж̇аад̇ид̇ааяа жа сийлам̣ аж̇аананд̇аанам̣ бхаяам̣ ж̇ананад̇о бхаяаанагад̣̇ассано.
37. Pañcame mahiṃso pavanacārakoti mahāvanacārī vanamahiṃso yadā homīti yojanā. Pavaḍḍhakāyoti vayasampattiyā aṅgapaccaṅgānañca thūlabhāvena abhivaḍḍhakāyo. Balavāti mahābalo thāmasampanno. Mahantoti vipulasarīro. Hatthikalabhappamāṇo kira tadā bodhisattassa kāyo hoti. Bhīmadassanoti mahāsarīratāya vanamahiṃsajātitāya ca sīlaṃ ajānantānaṃ bhayaṃ jananato bhayānakadassano.
38. баб̣бхаарзд̇и оламб̣агасилаагужчияам̣. д̣̇агаасаязд̇и ж̇алаасаяасамийбз. ход̇зд̇т̇а таананд̇и зд̇т̇а махааванз яо гожи бад̣̇зсо ванамахим̣саанам̣ д̇идтанадтаанам̣ ход̇и. д̇ахим̣ д̇ахинд̇и д̇ад̇т̇а д̇ад̇т̇а.
38.Pabbhāreti olambakasilākucchiyaṃ. Dakāsayeti jalāsayasamīpe. Hotettha ṭhānanti ettha mahāvane yo koci padeso vanamahiṃsānaṃ tiṭṭhanaṭṭhānaṃ hoti. Tahiṃ tahinti tattha tattha.
39. вижаранд̇од̇и вихаарапаасугам̣ виймам̣сид̇ум̣ вижаранд̇о. таанам̣ ад̣̇д̣̇аса бхад̣̇д̣̇аганд̇и звам̣ вижаранд̇о д̇асмим̣ махааран̃н̃з бхад̣̇д̣̇агам̣ маяхам̣ паасугам̣ ругкамууладтаанам̣ ад̣̇д̣̇агким̣. д̣̇исваа жа д̇ам̣ таанам̣ убаг̇анд̇ваана, д̇идтаами жа саяаами жа г̇ожарам̣ г̇ахзд̇ваа д̣̇иваа д̇ам̣ ругкамууладтаанам̣ г̇анд̇ваа таанасаяанзхи вийд̇инаамзмийд̇и д̣̇ассзд̇и.
39.Vicarantoti vihāraphāsukaṃ vīmaṃsituṃ vicaranto. Ṭhānaṃ addasa bhaddakanti evaṃ vicaranto tasmiṃ mahāraññe bhaddakaṃ mayhaṃ phāsukaṃ rukkhamūlaṭṭhānaṃ addakkhiṃ. Disvā ca taṃ ṭhānaṃ upagantvāna, tiṭṭhāmi ca sayāmi ca gocaraṃ gahetvā divā taṃ rukkhamūlaṭṭhānaṃ gantvā ṭhānasayanehi vītināmemīti dasseti.
40. д̇ад̣̇аа гира б̣од̇хисад̇д̇о химаванд̇аббад̣̇зсз махим̣саяонияам̣ ниб̣б̣ад̇д̇ид̇ваа ваяаббад̇д̇о т̇аамасамбанно махаасарийро хад̇т̇игалабхаббамаан̣о баб̣б̣ад̇абаад̣̇абаб̣бхаараг̇ирид̣̇уг̇г̇аванагхадаад̣̇ийсу вижаранд̇о згам̣ паасугам̣ махааругкамуулам̣ д̣̇исваа г̇ожарам̣ г̇ахзд̇ваа д̣̇иваа д̇ад̇т̇а васад̇и. ат̇зго лоламаггадо ругкаа од̇арид̇ваа махаасад̇д̇асса бидтим̣ абхирухид̇ваа ужжаарабассаавам̣ гад̇ваа син̇г̇зсу г̇ан̣хид̇ваа оламб̣анд̇о нан̇г̇удтз г̇ахзд̇ваа д̣̇олааяанд̇о гийл̣и. б̣од̇хисад̇д̇о канд̇имзд̇д̇аануд̣̇д̣̇аяасамбад̣̇ааяа д̇ам̣ д̇асса анаажаарам̣ на манасаагааси. маггадо бунаббунам̣ д̇ат̇зва гарод̇и. д̇зна вуд̇д̇ам̣ ‘‘ат̇зд̇т̇а габи мааг̇анд̇ваа’’д̇иаад̣̇и.
40. Tadā kira bodhisatto himavantappadese mahiṃsayoniyaṃ nibbattitvā vayappatto thāmasampanno mahāsarīro hatthikalabhappamāṇo pabbatapādapabbhāragiriduggavanaghaṭādīsu vicaranto ekaṃ phāsukaṃ mahārukkhamūlaṃ disvā gocaraṃ gahetvā divā tattha vasati. Atheko lolamakkaṭo rukkhā otaritvā mahāsattassa piṭṭhiṃ abhiruhitvā uccārapassāvaṃ katvā siṅgesu gaṇhitvā olambanto naṅguṭṭhe gahetvā dolāyanto kīḷi. Bodhisatto khantimettānuddayasampadāya taṃ tassa anācāraṃ na manasākāsi. Makkaṭo punappunaṃ tatheva karoti. Tena vuttaṃ ‘‘athettha kapi māgantvā’’tiādi.
д̇ад̇т̇а габи мааг̇анд̇ваад̇и габи ааг̇анд̇ваа, ма-гааро бад̣̇асанд̇хигаро. баабод̇и лаамаго. анарияод̇и анаяз ирияанзна аяз жа на ирияанзна анарияо, нихийнаажаарод̇и ад̇т̇о. лахууд̇и лоло. канд̇хзд̇и канд̇хаббад̣̇зсз. муд̇д̇зд̇ийд̇и бассаавам̣ гарод̇и. охад̣̇зд̇ийд̇и гарийсам̣ оссаж̇ж̇ад̇и. д̇анд̇и д̇ам̣ мам̣, д̇ад̣̇аа махим̣сабхууд̇ам̣ мам̣.
Tattha kapi māgantvāti kapi āgantvā, ma-kāro padasandhikaro. Pāpoti lāmako. Anariyoti anaye iriyanena aye ca na iriyanena anariyo, nihīnācāroti attho. Lahūti lolo. Khandheti khandhappadese. Muttetīti passāvaṃ karoti. Ohadetīti karīsaṃ ossajjati. Tanti taṃ maṃ, tadā mahiṃsabhūtaṃ maṃ.
41. сагимби д̣̇ивасанд̇и згад̣̇ивасамби д̣̇уусзд̇и мам̣ саб̣б̣агааламби. д̇знааха ‘‘д̣̇уусзд̇и мам̣ саб̣б̣агаала’’нд̇и. на гзвалан̃жа д̣̇уд̇ияад̇ад̇ияажад̇уд̇т̇ад̣̇ивасамад̇д̇ам̣, ат̇а ко саб̣б̣агааламби мам̣ бассааваад̣̇ийхи д̣̇уусзд̇и. яад̣̇аа яад̣̇аа муд̇д̇аад̣̇ийни гаад̇угаамо, д̇ад̣̇аа д̇ад̣̇аа маяхамзва убари гарод̇ийд̇и д̣̇ассзд̇и. убад̣̇д̣̇уд̇од̇и б̣аад̇хид̇о, д̇зна син̇г̇зсу оламб̣анаад̣̇инаа муд̇д̇аад̣̇иасужимагкан̣зна д̇асса жа абахаран̣ад̇т̇ам̣ анзгаваарам̣ син̇г̇агодийхи ваалаг̇г̇зна жа анзгаваарам̣ гад̣̇д̣̇амабам̣сумиссагам̣ уд̣̇агам̣ син̃жид̇ваа д̇хованзна жа ниббийл̣ид̇о хомийд̇и ад̇т̇о.
41.Sakimpidivasanti ekadivasampi dūseti maṃ sabbakālampi. Tenāha ‘‘dūseti maṃ sabbakāla’’nti. Na kevalañca dutiyatatiyacatutthadivasamattaṃ, atha kho sabbakālampi maṃ passāvādīhi dūseti. Yadā yadā muttādīni kātukāmo, tadā tadā mayhameva upari karotīti dasseti. Upaddutoti bādhito, tena siṅgesu olambanādinā muttādiasucimakkhaṇena tassa ca apaharaṇatthaṃ anekavāraṃ siṅgakoṭīhi vālaggena ca anekavāraṃ kaddamapaṃsumissakaṃ udakaṃ siñcitvā dhovanena ca nippīḷito homīti attho.
42. яагкод̇и д̇асмим̣ ругкз ад̇хивад̇т̇аа д̣̇звад̇аа. мам̣ ид̣̇амаб̣равийд̇и ругкагканд̇хз тад̇ваа ‘‘махим̣сарааж̇а, гасмаа имасса д̣̇удтамаггадасса авамаанам̣ сахасий’’д̇и имамад̇т̇ам̣ багаасзнд̇о наасзхзд̇ам̣ чавам̣ баабам̣ , син̇г̇зхи жа курзхи жаад̇и ид̣̇ам̣ важанам̣ мам̣ абхааси.
42.Yakkhoti tasmiṃ rukkhe adhivatthā devatā. Maṃ idamabravīti rukkhakkhandhe ṭhatvā ‘‘mahiṃsarāja, kasmā imassa duṭṭhamakkaṭassa avamānaṃ sahasī’’ti imamatthaṃ pakāsento nāsehetaṃ chavaṃ pāpaṃ, siṅgehi ca khurehi cāti idaṃ vacanaṃ maṃ abhāsi.
43. звам̣ вуд̇д̇з д̇ад̣̇аа яагкзд̇и д̇ад̣̇аа д̇асмим̣ гаалз д̇асмим̣ яагкз звам̣ вуд̇д̇з сад̇и. ахам̣ д̇ам̣ ид̣̇амаб̣равинд̇и ахам̣ д̇ам̣ яагкам̣ ид̣̇ам̣ ид̣̇аани вагкамаанам̣ аб̣равим̣ абхаасим̣. гун̣абзнаад̇и гилзсаасужибаг̇гхаран̣зна сужиж̇аад̇игаанам̣ саад̇хуунам̣ барамаж̇иг̇ужчанийяад̇ааяа ад̇ид̣̇уг̇г̇анд̇хавааяанзна жа гун̣абасад̣̇исад̇ааяа гун̣абзна. баабзнаад̇и баан̣аад̇ибаад̇абаабзна. анариязнаад̇и анарияаанам̣ асаад̇хуунам̣ мааг̇авиганзсаад̣̇аад̣̇ийнам̣ хийнабурисаанам̣ д̇хаммад̇д̇аа анариязна, гим̣ гзна гааран̣зна, д̇вам̣ д̣̇звад̇з мам̣ магкзси, аяуд̇д̇ам̣ д̇аяаа вуд̇д̇ам̣ мам̣ баабз нияож̇знд̇ияаад̇и д̣̇ассзд̇и.
43.Evaṃ vutte tadā yakkheti tadā tasmiṃ kāle tasmiṃ yakkhe evaṃ vutte sati. Ahaṃ taṃ idamabravinti ahaṃ taṃ yakkhaṃ idaṃ idāni vakkhamānaṃ abraviṃ abhāsiṃ. Kuṇapenāti kilesāsucipaggharaṇena sucijātikānaṃ sādhūnaṃ paramajigucchanīyatāya atiduggandhavāyanena ca kuṇapasadisatāya kuṇapena. Pāpenāti pāṇātipātapāpena. Anariyenāti anariyānaṃ asādhūnaṃ māgavikanesādādīnaṃ hīnapurisānaṃ dhammattā anariyena, kiṃ kena kāraṇena, tvaṃ devate maṃ makkhesi, ayuttaṃ tayā vuttaṃ maṃ pāpe niyojentiyāti dasseti.
44. ид̣̇аани д̇асмим̣ баабад̇хаммз аад̣̇ийнавам̣ багаасзнд̇о ‘‘яад̣̇иха’’нд̇иаад̣̇имааха. д̇ассад̇т̇о – бхад̣̇д̣̇з д̣̇звад̇з, ахам̣ д̇асса яад̣̇и гуж̇жхзяяам̣, д̇ад̇оби лаамагад̇аро бхавзяяам̣. язна хи ад̇хаммажаран̣зна со б̣ааламаггадо нихийно наама ж̇аад̇о, сажз банаахам̣ д̇ад̇оби б̣алавад̇арам̣ баабад̇хаммам̣ жарзяяам̣, нану д̇зна д̇ад̇о баабад̇аро бхавзяяам̣, адтаанан̃жзд̇ам̣ яад̣̇ихам̣ ид̇халогабаралогам̣ д̇ад̣̇уд̇д̇ари жа ж̇аанид̇ваа тид̇о зганд̇знзва барахид̇ааяа бадибанно зваруубам̣ баабад̇хаммам̣ жарзяяанд̇и. гин̃жа бхияяо – сийлан̃жа мз бабхиж̇ж̇зяяаад̇и ахан̃жзва ко бана зваруубам̣ баабам̣ гарзяяам̣, маяхам̣ сийлабаарамий кан̣д̣ид̇аа сияаа. вин̃н̃уу жа г̇арахзяяу манд̇и бан̣д̣ид̇аа жа д̣̇звамануссаа мам̣ г̇арахзяяум̣ ‘‘бассат̇а, бхо, аяам̣ б̣од̇хисад̇д̇о б̣од̇хибариязсанам̣ жарамаано зваруубам̣ баабам̣ агаасий’’д̇и.
44. Idāni tasmiṃ pāpadhamme ādīnavaṃ pakāsento ‘‘yadiha’’ntiādimāha. Tassattho – bhadde devate, ahaṃ tassa yadi kujjheyyaṃ, tatopi lāmakataro bhaveyyaṃ. Yena hi adhammacaraṇena so bālamakkaṭo nihīno nāma jāto, sace panāhaṃ tatopi balavataraṃ pāpadhammaṃ careyyaṃ, nanu tena tato pāpataro bhaveyyaṃ, aṭṭhānañcetaṃ yadihaṃ idhalokaparalokaṃ taduttari ca jānitvā ṭhito ekanteneva parahitāya paṭipanno evarūpaṃ pāpadhammaṃ careyyanti. Kiñca bhiyyo – sīlañca me pabhijjeyyāti ahañceva kho pana evarūpaṃ pāpaṃ kareyyaṃ, mayhaṃ sīlapāramī khaṇḍitā siyā. Viññū ca garaheyyu manti paṇḍitā ca devamanussā maṃ garaheyyuṃ ‘‘passatha, bho, ayaṃ bodhisatto bodhipariyesanaṃ caramāno evarūpaṃ pāpaṃ akāsī’’ti.
45. хийл̣ид̇аа ж̇ийвид̇аа ваабийд̇и ваа-сад̣̇д̣̇о авад̇хааран̣з. звам̣ вин̃н̃уухи хийл̣ид̇аа г̇арахид̇аа ж̇ийвид̇ааби барисуд̣̇д̇хзна барисуд̣̇д̇хасийлзна худ̇ваа мад̇ам̣ ваа маран̣амзва варам̣ уд̇д̇амам̣ сзяяо. гяаахам̣ ж̇ийвид̇ахзд̇уби , гаахаами барахзтананд̇и звам̣ ж̇аананд̇о жа ахам̣ маяхам̣ ж̇ийвид̇анимид̇д̇амби барасад̇д̇авихим̣санам̣ гим̣ гаахаами гим̣ гариссаами, зд̇асса гаран̣з гааран̣ам̣ над̇т̇ийд̇и ад̇т̇о.
45.Hīḷitā jīvitā vāpīti vā-saddo avadhāraṇe. Evaṃ viññūhi hīḷitā garahitā jīvitāpi parisuddhena parisuddhasīlena hutvā mataṃ vā maraṇameva varaṃ uttamaṃ seyyo. Kyāhaṃ jīvitahetupi, kāhāmi paraheṭhananti evaṃ jānanto ca ahaṃ mayhaṃ jīvitanimittampi parasattavihiṃsanaṃ kiṃ kāhāmi kiṃ karissāmi, etassa karaṇe kāraṇaṃ natthīti attho.
аяам̣ бана ан̃н̃зби мам̣ вияа ман̃н̃амаано звам̣ анаажаарам̣ гариссад̇и, д̇ад̇о язсам̣ жан̣д̣амахим̣саанам̣ звам̣ гариссад̇и, д̇з зва зд̇ам̣ вад̇хиссанд̇и, саа зд̇асса ан̃н̃зхи мааран̣аа маяхам̣ д̣̇угкад̇о жа баан̣аад̇ибаад̇ад̇о жа муд̇д̇и бхависсад̇ийд̇и ааха. д̇зна вуд̇д̇ам̣ –
Ayaṃ pana aññepi maṃ viya maññamāno evaṃ anācāraṃ karissati, tato yesaṃ caṇḍamahiṃsānaṃ evaṃ karissati, te eva etaṃ vadhissanti, sā etassa aññehi māraṇā mayhaṃ dukkhato ca pāṇātipātato ca mutti bhavissatīti āha. Tena vuttaṃ –
46.
46.
‘‘мамзвааяам̣ ман̃н̃амаано, ан̃н̃збзвам̣ гариссад̇и;
‘‘Mamevāyaṃ maññamāno, aññepevaṃ karissati;
д̇зва д̇асса вад̇хиссанд̇и, саа мз муд̇д̇и бхависсад̇ий’’д̇и.
Teva tassa vadhissanti, sā me mutti bhavissatī’’ti.
д̇ад̇т̇а мамзвааяанд̇и мам̣ вияа аяам̣. ан̃н̃збийд̇и ан̃н̃зсамби. сзсам̣ вуд̇д̇ад̇т̇амзва.
Tattha mamevāyanti maṃ viya ayaṃ. Aññepīti aññesampi. Sesaṃ vuttatthameva.
47. хийнамаж̇жхимауггадтзд̇и хийнз жа маж̇жхимз жа уггадтз жа нимид̇д̇абхууд̇з. саханд̇о авамаанид̇анд̇и вибхааг̇ам̣ агад̇ваа д̇зхи бавад̇д̇ид̇ам̣ авамаанам̣ барибхавам̣ саханд̇о каманд̇о. звам̣ лабхад̇и саббан̃н̃од̇и звам̣ хийнаад̣̇ийсу вибхааг̇ам̣ агад̇ваа канд̇имзд̇д̇аануд̣̇д̣̇аяам̣ убадтабзд̇ваа д̇ад̣̇абараад̇хам̣ саханд̇о сийлаад̣̇ибаарамияо б̣руухзд̇ваа манасаа яат̇аабад̇т̇ид̇ам̣ яат̇ижчид̇ам̣ саб̣б̣ан̃н̃уд̇ан̃н̃аан̣ам̣ лабхад̇и бадивиж̇жхад̇и, д̇асса д̇ам̣ на д̣̇уурзд̇и.
47.Hīnamajjhimaukkaṭṭheti hīne ca majjhime ca ukkaṭṭhe ca nimittabhūte. Sahanto avamānitanti vibhāgaṃ akatvā tehi pavattitaṃ avamānaṃ paribhavaṃ sahanto khamanto. Evaṃ labhati sappaññoti evaṃ hīnādīsu vibhāgaṃ akatvā khantimettānuddayaṃ upaṭṭhapetvā tadaparādhaṃ sahanto sīlādipāramiyo brūhetvā manasā yathāpatthitaṃ yathicchitaṃ sabbaññutaññāṇaṃ labhati paṭivijjhati, tassa taṃ na dūreti.
звам̣ махаасад̇д̇о ад̇д̇ано аж̇жхаасаяам̣ багаасзнд̇о д̣̇звад̇ааяа д̇хаммам̣ д̣̇зсзси. со гад̇ибаахажжаязна ан̃н̃ад̇т̇а г̇ад̇о. ан̃н̃о жан̣д̣амахим̣со ниваасапаасуд̇ааяа д̇ам̣ таанам̣ г̇анд̇ваа адтааси. д̣̇удтамаггадо ‘‘со зва аяа’’нд̇и сан̃н̃ааяа д̇асса бидтим̣ абхирухид̇ваа д̇ат̇зва анаажаарам̣ агааси. ат̇а нам̣ со вид̇хунанд̇о бхуумияам̣ баад̇зд̇ваа син̇г̇зна хад̣̇аяз виж̇жхид̇ваа баад̣̇зхи мад̣̇д̣̇ид̇ваа сан̃жун̣н̣зси.
Evaṃ mahāsatto attano ajjhāsayaṃ pakāsento devatāya dhammaṃ desesi. So katipāhaccayena aññattha gato. Añño caṇḍamahiṃso nivāsaphāsutāya taṃ ṭhānaṃ gantvā aṭṭhāsi. Duṭṭhamakkaṭo ‘‘so eva aya’’nti saññāya tassa piṭṭhiṃ abhiruhitvā tatheva anācāraṃ akāsi. Atha naṃ so vidhunanto bhūmiyaṃ pātetvā siṅgena hadaye vijjhitvā pādehi madditvā sañcuṇṇesi.
д̇ад̣̇аа сийлаваа махим̣сарааж̇аа логанаат̇о.
Tadā sīlavā mahiṃsarājā lokanātho.
д̇асса ид̇хааби хздтаа вуд̇д̇анаязнзва яат̇аарахам̣ сзсабаарамияо нид̣̇д̇хаарзд̇аб̣б̣аа. д̇ат̇аа хад̇т̇инааг̇а- (жарияаа. 2.1 аад̣̇аяо) бхуурид̣̇ад̇д̇а- (жарияаа. 2.11 аад̣̇аяо) жамбзяяанааг̇арааж̇а- (жарияаа. 2.20 аад̣̇аяо) жарияаасу вияа ид̇ха махаасад̇д̇асса г̇ун̣аанубхааваа взд̣̇ид̇аб̣б̣аа.
Tassa idhāpi heṭṭhā vuttanayeneva yathārahaṃ sesapāramiyo niddhāretabbā. Tathā hatthināga- (cariyā. 2.1 ādayo) bhūridatta- (cariyā. 2.11 ādayo) campeyyanāgarāja- (cariyā. 2.20 ādayo) cariyāsu viya idha mahāsattassa guṇānubhāvā veditabbā.
махим̣сарааж̇ажарияааван̣н̣анаа нидтид̇аа.
Mahiṃsarājacariyāvaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / жарияаабидагабаал̣и • Cariyāpiṭakapāḷi / 5. махим̣сарааж̇ажарияаа • 5. Mahiṃsarājacariyā
