| Library / Tipiṭaka / д̇ибидага • Tipiṭaka / ж̇аад̇ага-адтагат̇аа • Jātaka-aṭṭhakathā |
[278] 8. махим̣сарааж̇аж̇аад̇агаван̣н̣анаа
[278] 8. Mahiṃsarājajātakavaṇṇanā
гимад̇т̇амабхисанд̇хааяаад̇и ид̣̇ам̣ сад̇т̇аа ж̇зд̇аванз вихаранд̇о згам̣ лоламаггадам̣ аараб̣бха гат̇зси. саавад̇т̇ияам̣ гира згасмим̣ гулз зго босааванияалоламаггадо хад̇т̇исаалам̣ г̇анд̇ваа згасса сийлаванд̇асса хад̇т̇исса бидтияам̣ нисийд̣̇ид̇ваа ужжаарабассаавам̣ гарод̇и, бидтияам̣ жан̇гамад̇и. хад̇т̇ий ад̇д̇ано сийлаванд̇ад̇ааяа канд̇исамбад̣̇ааяа на гин̃жи гарод̇и. ат̇згад̣̇ивасам̣ д̇асса хад̇т̇исса таанз ан̃н̃о д̣̇удтахад̇т̇ибод̇о адтааси. маггадо ‘‘соязва аяа’’нд̇и сан̃н̃ааяа д̣̇удтахад̇т̇исса бидтим̣ абхирухи. ат̇а нам̣ со сон̣д̣ааяа г̇ахзд̇ваа бхуумияам̣ табзд̇ваа баад̣̇зна аггамид̇ваа сан̃жун̣н̣зси. саа бавад̇д̇и бхигкусан̇гхз баагадаа ж̇аад̇аа. ат̇згад̣̇ивасам̣ бхигкуу д̇хаммасабхааяам̣ гат̇ам̣ самудтаабзсум̣ – ‘‘аавусо, лоламаггадо гира сийлаванд̇ахад̇т̇исан̃н̃ааяа д̣̇удтахад̇т̇ибидтим̣ абхирухи, ат̇а нам̣ со ж̇ийвид̇агкаяам̣ баабзсий’’д̇и. сад̇т̇аа ааг̇анд̇ваа ‘‘гааяа нуд̇т̇а, бхигкавз, зд̇арахи гат̇ааяа саннисиннаа’’д̇и бужчид̇ваа ‘‘имааяа наамаа’’д̇и вуд̇д̇з ‘‘на, бхигкавз, ид̣̇аанзвзса, лоламаггадо звам̣сийло, бораан̣ад̇о бадтааяа звам̣сийлоязваа’’д̇и вад̇ваа ад̇ийд̇ам̣ аахари.
Kimatthamabhisandhāyāti idaṃ satthā jetavane viharanto ekaṃ lolamakkaṭaṃ ārabbha kathesi. Sāvatthiyaṃ kira ekasmiṃ kule eko posāvaniyalolamakkaṭo hatthisālaṃ gantvā ekassa sīlavantassa hatthissa piṭṭhiyaṃ nisīditvā uccārapassāvaṃ karoti, piṭṭhiyaṃ caṅkamati. Hatthī attano sīlavantatāya khantisampadāya na kiñci karoti. Athekadivasaṃ tassa hatthissa ṭhāne añño duṭṭhahatthipoto aṭṭhāsi. Makkaṭo ‘‘soyeva aya’’nti saññāya duṭṭhahatthissa piṭṭhiṃ abhiruhi. Atha naṃ so soṇḍāya gahetvā bhūmiyaṃ ṭhapetvā pādena akkamitvā sañcuṇṇesi. Sā pavatti bhikkhusaṅghe pākaṭā jātā. Athekadivasaṃ bhikkhū dhammasabhāyaṃ kathaṃ samuṭṭhāpesuṃ – ‘‘āvuso, lolamakkaṭo kira sīlavantahatthisaññāya duṭṭhahatthipiṭṭhiṃ abhiruhi, atha naṃ so jīvitakkhayaṃ pāpesī’’ti. Satthā āgantvā ‘‘kāya nuttha, bhikkhave, etarahi kathāya sannisinnā’’ti pucchitvā ‘‘imāya nāmā’’ti vutte ‘‘na, bhikkhave, idānevesa, lolamakkaṭo evaṃsīlo, porāṇato paṭṭhāya evaṃsīloyevā’’ti vatvā atītaṃ āhari.
ад̇ийд̇з б̣аараан̣асияам̣ б̣рахмад̣̇ад̇д̇з раж̇ж̇ам̣ гаарзнд̇з б̣од̇хисад̇д̇о химаванд̇абад̣̇зсз махим̣саяонияам̣ ниб̣б̣ад̇д̇ид̇ваа ваяаббад̇д̇о т̇аамасамбанно махаасарийро баб̣б̣ад̇абаад̣̇абаб̣бхаараг̇ирид̣̇уг̇г̇аванагхадзсу вижаранд̇о згам̣ паасугам̣ ругкамуулам̣ д̣̇исваа г̇ожарам̣ г̇ахзд̇ваа д̣̇иваа д̇асмим̣ ругкамуулз адтааси. ат̇зго лоламаггадо ругкаа од̇арид̇ваа д̇асса бидтим̣ абхирухид̇ваа ужжаарабассаавам̣ гад̇ваа син̇г̇з г̇ан̣хид̇ваа оламб̣анд̇о нан̇г̇удтз г̇ахзд̇ваа д̣̇олааяанд̇ова гийл̣и. б̣од̇хисад̇д̇о канд̇имзд̇д̇аануд̣̇д̣̇аяасамбад̣̇ааяа д̇ам̣ д̇асса анаажаарам̣ на манасаагааси, маггадо бунаббунам̣ д̇ат̇зва гари. ат̇згад̣̇ивасам̣ д̇асмим̣ ругкз ад̇хивад̇т̇аа д̣̇звад̇аа ругкагканд̇хз тад̇ваа нам̣ ‘‘махим̣сарааж̇а гасмаа имасса д̣̇удтамаггадасса авамаанам̣ сахаси, нисзд̇хзхи на’’нд̇и вад̇ваа зд̇амад̇т̇ам̣ багаасзнд̇ий буримаа д̣̇вз г̇аат̇аа авожа –
Atīte bārāṇasiyaṃ brahmadatte rajjaṃ kārente bodhisatto himavantapadese mahiṃsayoniyaṃ nibbattitvā vayappatto thāmasampanno mahāsarīro pabbatapādapabbhāragiriduggavanaghaṭesu vicaranto ekaṃ phāsukaṃ rukkhamūlaṃ disvā gocaraṃ gahetvā divā tasmiṃ rukkhamūle aṭṭhāsi. Atheko lolamakkaṭo rukkhā otaritvā tassa piṭṭhiṃ abhiruhitvā uccārapassāvaṃ katvā siṅge gaṇhitvā olambanto naṅguṭṭhe gahetvā dolāyantova kīḷi. Bodhisatto khantimettānuddayasampadāya taṃ tassa anācāraṃ na manasākāsi, makkaṭo punappunaṃ tatheva kari. Athekadivasaṃ tasmiṃ rukkhe adhivatthā devatā rukkhakkhandhe ṭhatvā naṃ ‘‘mahiṃsarāja kasmā imassa duṭṭhamakkaṭassa avamānaṃ sahasi, nisedhehi na’’nti vatvā etamatthaṃ pakāsentī purimā dve gāthā avoca –
82.
82.
‘‘гимад̇т̇амабхисанд̇хааяа, лахужид̇д̇асса д̣̇уб̣бхино;
‘‘Kimatthamabhisandhāya, lahucittassa dubbhino;
саб̣б̣агаамад̣̇ад̣̇ассзва, имам̣ д̣̇угкам̣ д̇ид̇игкаси.
Sabbakāmadadasseva, imaṃ dukkhaṃ titikkhasi.
83.
83.
‘‘син̇г̇зна ниханаахзд̇ам̣, бад̣̇асаа жа ад̇хидтаха;
‘‘Siṅgena nihanāhetaṃ, padasā ca adhiṭṭhaha;
бхияяо б̣аалаа багуж̇жхзяяум̣, но жасса бадисзд̇хаго’’д̇и.
Bhiyyo bālā pakujjheyyuṃ, no cassa paṭisedhako’’ti.
д̇ад̇т̇а гимад̇т̇амабхисанд̇хааяаад̇и гим̣ ну ко гааран̣ам̣ бадижжа гим̣ самбассамаано. д̣̇уб̣бхинод̇и мид̇д̇ад̣̇уб̣бхисса. саб̣б̣агаамад̣̇ад̣̇ассзваад̇и саб̣б̣агаамад̣̇ад̣̇асса саамигасса ива. д̇ид̇игкасийд̇и ад̇хиваасзси. бад̣̇асаа жа ад̇хидтахаад̇и баад̣̇зна жа нам̣ д̇ин̣хакураг̇г̇зна яат̇аа зд̇т̇зва марад̇и, звам̣ аггама. бхияяо б̣аалаад̇и сажз хи бадисзд̇хаго на бхавзяяа, б̣аалаа ан̃н̃аан̣асад̇д̇аа бунаббунам̣ гуж̇жхзяяум̣ гхаддзяяум̣ вихзтзяяум̣ зваад̇и д̣̇ийбзд̇и.
Tattha kimatthamabhisandhāyāti kiṃ nu kho kāraṇaṃ paṭicca kiṃ sampassamāno. Dubbhinoti mittadubbhissa. Sabbakāmadadassevāti sabbakāmadadassa sāmikassa iva. Titikkhasīti adhivāsesi. Padasā ca adhiṭṭhahāti pādena ca naṃ tiṇhakhuraggena yathā ettheva marati, evaṃ akkama. Bhiyyo bālāti sace hi paṭisedhako na bhaveyya, bālā aññāṇasattā punappunaṃ kujjheyyuṃ ghaṭṭeyyuṃ viheṭheyyuṃ evāti dīpeti.
д̇ам̣ суд̇ваа б̣од̇хисад̇д̇о ‘‘ругкад̣̇звад̇з, сажаахам̣ иминаа ж̇аад̇иг̇од̇д̇аб̣алаад̣̇ийхи ад̇хиго самаано имасса д̣̇осам̣ на сахиссаами, гат̇ам̣ мз манорат̇о нибпад̇д̇им̣ г̇амиссад̇и. аяам̣ бана мам̣ вияа ан̃н̃амби ман̃н̃амаано звам̣ анаажаарам̣ гариссад̇и, д̇ад̇о язсам̣ жан̣д̣амахим̣саанам̣ зса звам̣ гариссад̇и , зд̇зязва зд̇ам̣ вад̇хиссанд̇и. саа д̇асса ан̃н̃зхи мааран̣аа маяхам̣ д̣̇угкад̇о жа баан̣аад̇ибаад̇ад̇о жа вимуд̇д̇и бхависсад̇ий’’д̇и вад̇ваа д̇ад̇ияам̣ г̇аат̇амааха –
Taṃ sutvā bodhisatto ‘‘rukkhadevate, sacāhaṃ iminā jātigottabalādīhi adhiko samāno imassa dosaṃ na sahissāmi, kathaṃ me manoratho nipphattiṃ gamissati. Ayaṃ pana maṃ viya aññampi maññamāno evaṃ anācāraṃ karissati, tato yesaṃ caṇḍamahiṃsānaṃ esa evaṃ karissati , eteyeva etaṃ vadhissanti. Sā tassa aññehi māraṇā mayhaṃ dukkhato ca pāṇātipātato ca vimutti bhavissatī’’ti vatvā tatiyaṃ gāthamāha –
84.
84.
‘‘мамзвааяам̣ ман̃н̃амаано, ан̃н̃збзвам̣ гариссад̇и;
‘‘Mamevāyaṃ maññamāno, aññepevaṃ karissati;
д̇з нам̣ д̇ад̇т̇а вад̇хиссанд̇и, саа мз муд̇д̇и бхависсад̇ий’’д̇и.
Te naṃ tattha vadhissanti, sā me mutti bhavissatī’’ti.
гад̇ибаахажжаязна бана б̣од̇хисад̇д̇о ан̃н̃ад̇т̇а г̇ад̇о. ан̃н̃о жан̣д̣амахим̣со д̇ад̇т̇а ааг̇анд̇ваа адтааси. д̣̇удтамаггадо ‘‘соязва аяа’’нд̇и сан̃н̃ааяа д̇асса бидтим̣ абхирухид̇ваа д̇ат̇зва анаажаарам̣ жари. ат̇а нам̣ со вид̇хунанд̇о бхуумияам̣ баад̇зд̇ваа син̇г̇зна хад̣̇аяз виж̇жхид̇ваа баад̣̇зхи мад̣̇д̣̇ид̇ваа сан̃жун̣н̣зси.
Katipāhaccayena pana bodhisatto aññattha gato. Añño caṇḍamahiṃso tattha āgantvā aṭṭhāsi. Duṭṭhamakkaṭo ‘‘soyeva aya’’nti saññāya tassa piṭṭhiṃ abhiruhitvā tatheva anācāraṃ cari. Atha naṃ so vidhunanto bhūmiyaṃ pātetvā siṅgena hadaye vijjhitvā pādehi madditvā sañcuṇṇesi.
сад̇т̇аа имам̣ д̇хаммад̣̇зсанам̣ аахарид̇ваа сажжаани багаасзд̇ваа ж̇аад̇агам̣ самод̇хаанзси – ‘‘д̇ад̣̇аа д̣̇удтамахим̣со аяам̣ д̣̇удтахад̇т̇ий ахоси, д̣̇удтамаггадо зд̇арахи аяам̣ маггадо, сийлаваа махим̣сарааж̇аа бана ахамзва ахоси’’нд̇и.
Satthā imaṃ dhammadesanaṃ āharitvā saccāni pakāsetvā jātakaṃ samodhānesi – ‘‘tadā duṭṭhamahiṃso ayaṃ duṭṭhahatthī ahosi, duṭṭhamakkaṭo etarahi ayaṃ makkaṭo, sīlavā mahiṃsarājā pana ahameva ahosi’’nti.
махим̣сарааж̇аж̇аад̇агаван̣н̣анаа адтамаа.
Mahiṃsarājajātakavaṇṇanā aṭṭhamā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ж̇аад̇агабаал̣и • Jātakapāḷi / 278. махим̣сарааж̇аж̇аад̇агам̣ • 278. Mahiṃsarājajātakaṃ
