| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа • Aṅguttaranikāya |
7. маж̇жхзсуд̇д̇ам̣
7. Majjhesuttaṃ
61. звам̣ мз суд̇ам̣ – згам̣ самаяам̣ бхаг̇аваа б̣аараан̣асияам̣ вихарад̇и исибад̇анз миг̇ад̣̇ааяз. д̇зна ко бана самаязна самб̣ахулаанам̣ т̇зраанам̣ бхигкуунам̣ бажчаабхад̇д̇ам̣ бин̣д̣абаад̇абадигганд̇аанам̣ ман̣д̣аламаал̣з саннисиннаанам̣ саннибад̇ид̇аанам̣ аяаманд̇араагат̇аа уд̣̇абаад̣̇и – ‘‘вуд̇д̇амид̣̇ам̣, аавусо, бхаг̇авад̇аа баарааяанз мзд̇д̇зяяабан̃хз –
61. Evaṃ me sutaṃ – ekaṃ samayaṃ bhagavā bārāṇasiyaṃ viharati isipatane migadāye. Tena kho pana samayena sambahulānaṃ therānaṃ bhikkhūnaṃ pacchābhattaṃ piṇḍapātapaṭikkantānaṃ maṇḍalamāḷe sannisinnānaṃ sannipatitānaṃ ayamantarākathā udapādi – ‘‘vuttamidaṃ, āvuso, bhagavatā pārāyane metteyyapañhe –
д̇ам̣ б̣рууми махаабурисод̇и, сод̇ха сиб̣б̣ини 5 мажжаг̇аа’’д̇и.
Taṃ brūmi mahāpurisoti, sodha sibbini 6 maccagā’’ti.
‘‘гад̇амо ну ко, аавусо, зго анд̇о, гад̇амо д̣̇уд̇ияо анд̇о, гим̣ маж̇жхз, гаа сиб̣б̣иний’’д̇и? звам̣ вуд̇д̇з ан̃н̃ад̇аро бхигку т̇зрз бхигкуу зд̇ад̣̇авожа – ‘‘пассо ко, аавусо, зго анд̇о, пассасамуд̣̇аяо д̣̇уд̇ияо анд̇о , пассанирод̇хо маж̇жхз, д̇ан̣хаа сиб̣б̣иний; д̇ан̣хаа хи нам̣ сиб̣б̣ад̇и д̇асса д̇ассзва бхавасса абхиниб̣б̣ад̇д̇ияаа. зд̇д̇аавад̇аа ко, аавусо, бхигку абхин̃н̃зяяам̣ абхиж̇аанаад̇и, барин̃н̃зяяам̣ бариж̇аанаад̇и, абхин̃н̃зяяам̣ абхиж̇аананд̇о 7 барин̃н̃зяяам̣ бариж̇аананд̇о 8 д̣̇идтзва д̇хаммз д̣̇угкассанд̇агаро ход̇ий’’д̇и.
‘‘Katamo nu kho, āvuso, eko anto, katamo dutiyo anto, kiṃ majjhe, kā sibbinī’’ti? Evaṃ vutte aññataro bhikkhu there bhikkhū etadavoca – ‘‘phasso kho, āvuso, eko anto, phassasamudayo dutiyo anto , phassanirodho majjhe, taṇhā sibbinī; taṇhā hi naṃ sibbati tassa tasseva bhavassa abhinibbattiyā. Ettāvatā kho, āvuso, bhikkhu abhiññeyyaṃ abhijānāti, pariññeyyaṃ parijānāti, abhiññeyyaṃ abhijānanto 9 pariññeyyaṃ parijānanto 10 diṭṭheva dhamme dukkhassantakaro hotī’’ti.
звам̣ вуд̇д̇з ан̃н̃ад̇аро бхигку т̇зрз бхигкуу зд̇ад̣̇авожа – ‘‘ад̇ийд̇ам̣ ко, аавусо, зго анд̇о, анааг̇ад̇ам̣ д̣̇уд̇ияо анд̇о, бажжуббаннам̣ маж̇жхз, д̇ан̣хаа сиб̣б̣иний; д̇ан̣хаа хи нам̣ сиб̣б̣ад̇и д̇асса д̇ассзва бхавасса абхиниб̣б̣ад̇д̇ияаа. зд̇д̇аавад̇аа ко, аавусо, бхигку абхин̃н̃зяяам̣ абхиж̇аанаад̇и, барин̃н̃зяяам̣ бариж̇аанаад̇и, абхин̃н̃зяяам̣ абхиж̇аананд̇о, барин̃н̃зяяам̣ бариж̇аананд̇о д̣̇идтзва д̇хаммз д̣̇угкассанд̇агаро ход̇ий’’д̇и.
Evaṃ vutte aññataro bhikkhu there bhikkhū etadavoca – ‘‘atītaṃ kho, āvuso, eko anto, anāgataṃ dutiyo anto, paccuppannaṃ majjhe, taṇhā sibbinī; taṇhā hi naṃ sibbati tassa tasseva bhavassa abhinibbattiyā. Ettāvatā kho, āvuso, bhikkhu abhiññeyyaṃ abhijānāti, pariññeyyaṃ parijānāti, abhiññeyyaṃ abhijānanto, pariññeyyaṃ parijānanto diṭṭheva dhamme dukkhassantakaro hotī’’ti.
звам̣ вуд̇д̇з ан̃н̃ад̇аро бхигку т̇зрз бхигкуу зд̇ад̣̇авожа – ‘‘сукаа, аавусо, взд̣̇анаа зго анд̇о, д̣̇угкаа взд̣̇анаа д̣̇уд̇ияо анд̇о, ад̣̇угкамасукаа взд̣̇анаа маж̇жхз, д̇ан̣хаа сиб̣б̣иний; д̇ан̣хаа хи нам̣ сиб̣б̣ад̇и д̇асса д̇ассзва бхавасса абхиниб̣б̣ад̇д̇ияаа. зд̇д̇аавад̇аа ко, аавусо, бхигку абхин̃н̃зяяам̣ абхиж̇аанаад̇и, барин̃н̃зяяам̣ бариж̇аанаад̇и, абхин̃н̃зяяам̣ абхиж̇аананд̇о, барин̃н̃зяяам̣ бариж̇аананд̇о д̣̇идтзва д̇хаммз д̣̇угкассанд̇агаро ход̇ий’’д̇и.
Evaṃ vutte aññataro bhikkhu there bhikkhū etadavoca – ‘‘sukhā, āvuso, vedanā eko anto, dukkhā vedanā dutiyo anto, adukkhamasukhā vedanā majjhe, taṇhā sibbinī; taṇhā hi naṃ sibbati tassa tasseva bhavassa abhinibbattiyā. Ettāvatā kho, āvuso, bhikkhu abhiññeyyaṃ abhijānāti, pariññeyyaṃ parijānāti, abhiññeyyaṃ abhijānanto, pariññeyyaṃ parijānanto diṭṭheva dhamme dukkhassantakaro hotī’’ti.
звам̣ вуд̇д̇з ан̃н̃ад̇аро бхигку т̇зрз бхигкуу зд̇ад̣̇авожа – ‘‘наамам̣ ко, аавусо, зго анд̇о, руубам̣ д̣̇уд̇ияо анд̇о, вин̃н̃аан̣ам̣ маж̇жхз, д̇ан̣хаа сиб̣б̣иний; д̇ан̣хаа хи нам̣ сиб̣б̣ад̇и д̇асса д̇ассзва бхавасса абхиниб̣б̣ад̇д̇ияаа. зд̇д̇аавад̇аа ко, аавусо, бхигку абхин̃н̃зяяам̣ абхиж̇аанаад̇и, барин̃н̃зяяам̣ бариж̇аанаад̇и, абхин̃н̃зяяам̣ абхиж̇аананд̇о барин̃н̃зяяам̣ бариж̇аананд̇о д̣̇идтзва д̇хаммз д̣̇угкассанд̇агаро ход̇ий’’д̇и.
Evaṃ vutte aññataro bhikkhu there bhikkhū etadavoca – ‘‘nāmaṃ kho, āvuso, eko anto, rūpaṃ dutiyo anto, viññāṇaṃ majjhe, taṇhā sibbinī; taṇhā hi naṃ sibbati tassa tasseva bhavassa abhinibbattiyā. Ettāvatā kho, āvuso, bhikkhu abhiññeyyaṃ abhijānāti, pariññeyyaṃ parijānāti, abhiññeyyaṃ abhijānanto pariññeyyaṃ parijānanto diṭṭheva dhamme dukkhassantakaro hotī’’ti.
звам̣ вуд̇д̇з ан̃н̃ад̇аро бхигку т̇зрз бхигкуу зд̇ад̣̇авожа – ‘‘ча ко, аавусо, аж̇жхад̇д̇игаани ааяад̇анаани зго анд̇о, ча б̣аахираани ааяад̇анаани д̣̇уд̇ияо анд̇о, вин̃н̃аан̣ам̣ маж̇жхз, д̇ан̣хаа сиб̣б̣иний; д̇ан̣хаа хи нам̣ сиб̣б̣ад̇и д̇асса д̇ассзва бхавасса абхиниб̣б̣ад̇д̇ияаа. зд̇д̇аавад̇аа ко аавусо , бхигку абхин̃н̃зяяам̣ абхиж̇аанаад̇и, барин̃н̃зяяам̣ бариж̇аанаад̇и, абхин̃н̃зяяам̣ абхиж̇аананд̇о барин̃н̃зяяам̣ бариж̇аананд̇о д̣̇идтзва д̇хаммз д̣̇угкассанд̇агаро ход̇ий’’д̇и.
Evaṃ vutte aññataro bhikkhu there bhikkhū etadavoca – ‘‘cha kho, āvuso, ajjhattikāni āyatanāni eko anto, cha bāhirāni āyatanāni dutiyo anto, viññāṇaṃ majjhe, taṇhā sibbinī; taṇhā hi naṃ sibbati tassa tasseva bhavassa abhinibbattiyā. Ettāvatā kho āvuso , bhikkhu abhiññeyyaṃ abhijānāti, pariññeyyaṃ parijānāti, abhiññeyyaṃ abhijānanto pariññeyyaṃ parijānanto diṭṭheva dhamme dukkhassantakaro hotī’’ti.
звам̣ вуд̇д̇з ан̃н̃ад̇аро бхигку т̇зрз бхигкуу зд̇ад̣̇авожа – ‘‘саггааяо ко, аавусо, зго анд̇о, саггааяасамуд̣̇аяо д̣̇уд̇ияо анд̇о, саггааяанирод̇хо маж̇жхз, д̇ан̣хаа сиб̣б̣иний; д̇ан̣хаа хи нам̣ сиб̣б̣ад̇и д̇асса д̇ассзва бхавасса абхиниб̣б̣ад̇д̇ияаа. зд̇д̇аавад̇аа ко, аавусо, бхигку абхин̃н̃зяяам̣ абхиж̇аанаад̇и, барин̃н̃зяяам̣ бариж̇аанаад̇и, абхин̃н̃зяяам̣ абхиж̇аананд̇о барин̃н̃зяяам̣ бариж̇аананд̇о 11 д̣̇идтзва д̇хаммз д̣̇угкассанд̇агаро ход̇ий’’д̇и.
Evaṃ vutte aññataro bhikkhu there bhikkhū etadavoca – ‘‘sakkāyo kho, āvuso, eko anto, sakkāyasamudayo dutiyo anto, sakkāyanirodho majjhe, taṇhā sibbinī; taṇhā hi naṃ sibbati tassa tasseva bhavassa abhinibbattiyā. Ettāvatā kho, āvuso, bhikkhu abhiññeyyaṃ abhijānāti, pariññeyyaṃ parijānāti, abhiññeyyaṃ abhijānanto pariññeyyaṃ parijānanto 12 diṭṭheva dhamme dukkhassantakaro hotī’’ti.
звам̣ вуд̇д̇з ан̃н̃ад̇аро бхигку т̇зрз бхигкуу зд̇ад̣̇авожа – ‘‘б̣яаагад̇ам̣ ко, аавусо, амхзхи саб̣б̣зхзва яат̇аасагам̣ бадибхаанам̣. ааяаамаавусо, язна бхаг̇аваа д̇знубасан̇гамиссаама; убасан̇гамид̇ваа бхаг̇авад̇о зд̇амад̇т̇ам̣ аарожзссаама. яат̇аа но бхаг̇аваа б̣яаагариссад̇и д̇ат̇аа нам̣ д̇хаарзссаамаа’’д̇и. ‘‘звамаавусо’’д̇и ко т̇зраа бхигкуу д̇асса бхигкуно бажжассосум̣. ат̇а ко т̇зраа бхигкуу язна бхаг̇аваа д̇знубасан̇гамим̣су; убасан̇гамид̇ваа бхаг̇аванд̇ам̣ абхиваад̣̇зд̇ваа згаманд̇ам̣ нисийд̣̇им̣су . згаманд̇ам̣ нисиннаа ко т̇зраа бхигкуу яаавад̇аго ахоси саб̣б̣зхзва сад̣̇д̇хим̣ гат̇аасаллаабо, д̇ам̣ саб̣б̣ам̣ бхаг̇авад̇о аарожзсум̣. ‘‘гасса ну ко, бханд̇з, субхаасид̇а’’нд̇и? ‘‘саб̣б̣зсам̣ во, бхигкавз, субхаасид̇ам̣ барияааязна, аби жа яам̣ маяаа санд̇хааяа бхаасид̇ам̣ баарааяанз мзд̇д̇зяяабан̃хз –
Evaṃ vutte aññataro bhikkhu there bhikkhū etadavoca – ‘‘byākataṃ kho, āvuso, amhehi sabbeheva yathāsakaṃ paṭibhānaṃ. Āyāmāvuso, yena bhagavā tenupasaṅkamissāma; upasaṅkamitvā bhagavato etamatthaṃ ārocessāma. Yathā no bhagavā byākarissati tathā naṃ dhāressāmā’’ti. ‘‘Evamāvuso’’ti kho therā bhikkhū tassa bhikkhuno paccassosuṃ. Atha kho therā bhikkhū yena bhagavā tenupasaṅkamiṃsu; upasaṅkamitvā bhagavantaṃ abhivādetvā ekamantaṃ nisīdiṃsu . Ekamantaṃ nisinnā kho therā bhikkhū yāvatako ahosi sabbeheva saddhiṃ kathāsallāpo, taṃ sabbaṃ bhagavato ārocesuṃ. ‘‘Kassa nu kho, bhante, subhāsita’’nti? ‘‘Sabbesaṃ vo, bhikkhave, subhāsitaṃ pariyāyena, api ca yaṃ mayā sandhāya bhāsitaṃ pārāyane metteyyapañhe –
‘‘яо убхонд̇з вид̣̇ид̇ваана, маж̇жхз манд̇аа на либбад̇и;
‘‘Yo ubhonte viditvāna, majjhe mantā na lippati;
д̇ам̣ б̣рууми махаабурисод̇и, сод̇ха сиб̣б̣инимажжаг̇аа’’д̇и.
Taṃ brūmi mahāpurisoti, sodha sibbinimaccagā’’ti.
‘‘д̇ам̣ сун̣аат̇а, саад̇хугам̣ манаси гарот̇а; бхаасиссаамий’’д̇и. ‘‘звам̣, бханд̇з’’д̇и ко т̇зраа бхигкуу бхаг̇авад̇о бажжассосум̣. бхаг̇аваа зд̇ад̣̇авожа – ‘‘пассо ко, бхигкавз, зго анд̇о , пассасамуд̣̇аяо д̣̇уд̇ияо анд̇о, пассанирод̇хо маж̇жхз, д̇ан̣хаа сиб̣б̣иний; д̇ан̣хаа хи нам̣ сиб̣б̣ад̇и д̇асса д̇ассзва бхавасса абхиниб̣б̣ад̇д̇ияаа. зд̇д̇аавад̇аа ко, бхигкавз, бхигку абхин̃н̃зяяам̣ абхиж̇аанаад̇и, барин̃н̃зяяам̣ бариж̇аанаад̇и, абхин̃н̃зяяам̣ абхиж̇аананд̇о барин̃н̃зяяам̣ бариж̇аананд̇о д̣̇идтзва д̇хаммз д̣̇угкассанд̇агаро ход̇ий’’д̇и. сад̇д̇амам̣.
‘‘Taṃ suṇātha, sādhukaṃ manasi karotha; bhāsissāmī’’ti. ‘‘Evaṃ, bhante’’ti kho therā bhikkhū bhagavato paccassosuṃ. Bhagavā etadavoca – ‘‘phasso kho, bhikkhave, eko anto , phassasamudayo dutiyo anto, phassanirodho majjhe, taṇhā sibbinī; taṇhā hi naṃ sibbati tassa tasseva bhavassa abhinibbattiyā. Ettāvatā kho, bhikkhave, bhikkhu abhiññeyyaṃ abhijānāti, pariññeyyaṃ parijānāti, abhiññeyyaṃ abhijānanto pariññeyyaṃ parijānanto diṭṭheva dhamme dukkhassantakaro hotī’’ti. Sattamaṃ.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) / 7. маж̇жхзсуд̇д̇аван̣н̣анаа • 7. Majjhesuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 7. маж̇жхзсуд̇д̇аван̣н̣анаа • 7. Majjhesuttavaṇṇanā
