| Library / Tipiṭaka / д̇ибидага • Tipiṭaka / ж̇аад̇ага-адтагат̇аа • Jātaka-aṭṭhakathā |
[44] 4. магасаж̇аад̇агаван̣н̣анаа
[44] 4. Makasajātakavaṇṇanā
сзяяо амид̇д̇од̇и ид̣̇ам̣ сад̇т̇аа маг̇ад̇хзсу жааригам̣ жарамаано ан̃н̃ад̇арасмим̣ г̇аамагз б̣аалаг̇аамигамануссз аараб̣бха гат̇зси. д̇ат̇ааг̇ад̇о гира згасмим̣ самаяз саавад̇т̇ид̇о маг̇ад̇харадтам̣ г̇анд̇ваа д̇ад̇т̇а жааригам̣ жарамаано ан̃н̃ад̇арам̣ г̇аамагам̣ самбаабун̣и. со жа г̇аамаго язбхуяязна анд̇хаб̣ааламануссзхиязва уссанно. д̇ад̇т̇згад̣̇ивасам̣ д̇з анд̇хаб̣ааламануссаа саннибад̇ид̇ваа ‘‘бхо, амхз аран̃н̃ам̣ бависид̇ваа гаммам̣ гаронд̇з магасаа каад̣̇анд̇и, д̇аббажжаяаа амхаагам̣ гаммажчзд̣̇о ход̇и, саб̣б̣зва д̇ханууни жзва аавуд̇хаани жа аад̣̇ааяа г̇анд̇ваа магасзхи сад̣̇д̇хим̣ яуж̇жхид̇ваа саб̣б̣амагасз виж̇жхид̇ваа чинд̣̇ид̇ваа жа маарзссаамаа’’д̇и манд̇аяид̇ваа аран̃н̃ам̣ г̇анд̇ваа ‘‘магасз виж̇жхиссаамаа’’д̇и ан̃н̃аман̃н̃ам̣ виж̇жхид̇ваа жа бахарид̇ваа жа д̣̇угкаббад̇д̇аа ааг̇анд̇ваа анд̇ог̇аамз жа г̇аамамаж̇жхз жа г̇аамад̣̇ваарз жа нибаж̇ж̇им̣су.
Seyyo amittoti idaṃ satthā magadhesu cārikaṃ caramāno aññatarasmiṃ gāmake bālagāmikamanusse ārabbha kathesi. Tathāgato kira ekasmiṃ samaye sāvatthito magadharaṭṭhaṃ gantvā tattha cārikaṃ caramāno aññataraṃ gāmakaṃ sampāpuṇi. So ca gāmako yebhuyyena andhabālamanussehiyeva ussanno. Tatthekadivasaṃ te andhabālamanussā sannipatitvā ‘‘bho, amhe araññaṃ pavisitvā kammaṃ karonte makasā khādanti, tappaccayā amhākaṃ kammacchedo hoti, sabbeva dhanūni ceva āvudhāni ca ādāya gantvā makasehi saddhiṃ yujjhitvā sabbamakase vijjhitvā chinditvā ca māressāmā’’ti mantayitvā araññaṃ gantvā ‘‘makase vijjhissāmā’’ti aññamaññaṃ vijjhitvā ca paharitvā ca dukkhappattā āgantvā antogāme ca gāmamajjhe ca gāmadvāre ca nipajjiṃsu.
сад̇т̇аа бхигкусан̇гхабаривуд̇о д̇ам̣ г̇аамам̣ бин̣д̣ааяа баависи. авасзсаа бан̣д̣ид̇амануссаа бхаг̇аванд̇ам̣ д̣̇исваа г̇аамад̣̇ваарз ман̣д̣абам̣ гаарзд̇ваа б̣уд̣̇д̇хаббамукасса бхигкусан̇гхасса махаад̣̇аанам̣ д̣̇ад̇ваа сад̇т̇аарам̣ ванд̣̇ид̇ваа нисийд̣̇им̣су. сад̇т̇аа д̇асмим̣ д̇асмим̣ таанз бад̇ид̇амануссз д̣̇исваа д̇з убаасагз бужчи ‘‘б̣ахуу имз г̇илаанаа мануссаа, гим̣ зд̇зхи гад̇а’’нд̇и? ‘‘бханд̇з, зд̇з мануссаа ‘магасаяуд̣̇д̇хам̣ гариссаамаа’д̇и г̇анд̇ваа ан̃н̃аман̃н̃ам̣ виж̇жхид̇ваа саяам̣ г̇илаанаа ж̇аад̇аа’’д̇и. сад̇т̇аа ‘‘на ид̣̇аанзва анд̇хаб̣ааламануссаа ‘магасз бахариссаамаа’д̇и ад̇д̇аанам̣ бахаранд̇и, буб̣б̣зби ‘магасам̣ бахариссаамаа’д̇и барам̣ бахаран̣агамануссаа ахзсум̣язваа’’д̇и вад̇ваа д̇зхи мануссзхи яаажид̇о ад̇ийд̇ам̣ аахари.
Satthā bhikkhusaṅghaparivuto taṃ gāmaṃ piṇḍāya pāvisi. Avasesā paṇḍitamanussā bhagavantaṃ disvā gāmadvāre maṇḍapaṃ kāretvā buddhappamukhassa bhikkhusaṅghassa mahādānaṃ datvā satthāraṃ vanditvā nisīdiṃsu. Satthā tasmiṃ tasmiṃ ṭhāne patitamanusse disvā te upāsake pucchi ‘‘bahū ime gilānā manussā, kiṃ etehi kata’’nti? ‘‘Bhante, ete manussā ‘makasayuddhaṃ karissāmā’ti gantvā aññamaññaṃ vijjhitvā sayaṃ gilānā jātā’’ti. Satthā ‘‘na idāneva andhabālamanussā ‘makase paharissāmā’ti attānaṃ paharanti, pubbepi ‘makasaṃ paharissāmā’ti paraṃ paharaṇakamanussā ahesuṃyevā’’ti vatvā tehi manussehi yācito atītaṃ āhari.
ад̇ийд̇з б̣аараан̣асияам̣ б̣рахмад̣̇ад̇д̇з раж̇ж̇ам̣ гаарзнд̇з б̣од̇хисад̇д̇о ван̣иж̇ж̇ааяа ж̇ийвигам̣ габбзд̇и. д̇ад̣̇аа гаасирадтз згасмим̣ бажжанд̇аг̇аамз б̣ахуу вад̣дхагий васанд̇и. д̇ад̇т̇зго калид̇авад̣дхагий ругкам̣ д̇ажчад̇и, ат̇асса зго магасо д̇амб̣алохат̇аалагабидтисад̣̇исз сийсз нисийд̣̇ид̇ваа сад̇д̇ияаа бахаранд̇о вияа сийсам̣ мукад̇ун̣д̣агзна виж̇жхи. со ад̇д̇ано санд̇игз нисиннам̣ буд̇д̇ам̣ ааха – ‘‘д̇аад̇а, маяхам̣ сийсам̣ магасо сад̇д̇ияаа бахаранд̇о вияа виж̇жхад̇и, ваарзхи на’’нд̇и. ‘‘д̇аад̇а, ад̇хиваасзхи, згаббахаарзнзва д̇ам̣ маарзссаамий’’д̇и. д̇асмим̣ самаяз б̣од̇хисад̇д̇оби ад̇д̇ано бхан̣д̣ам̣ бариязсамаано д̇ам̣ г̇аамам̣ бад̇ваа д̇ассаа вад̣дхагисаалааяа нисинно ход̇и. ат̇а со вад̣дхагий буд̇д̇ам̣ ааха – ‘‘д̇аад̇а, имам̣ магасам̣ ваарзхий’’д̇и. со ‘‘ваарзссаами, д̇аад̇аа’’д̇и д̇икин̣ам̣ махаапарасум̣ угкибид̇ваа бид̇у бидтибассз тад̇ваа ‘‘магасам̣ бахариссаамий’’д̇и бид̇у мад̇т̇агам̣ д̣̇вид̇хаа бхинд̣̇и, вад̣дхагий д̇ад̇т̇зва ж̇ийвид̇агкаяам̣ бад̇д̇о.
Atīte bārāṇasiyaṃ brahmadatte rajjaṃ kārente bodhisatto vaṇijjāya jīvikaṃ kappeti. Tadā kāsiraṭṭhe ekasmiṃ paccantagāme bahū vaḍḍhakī vasanti. Tattheko khalitavaḍḍhakī rukkhaṃ tacchati, athassa eko makaso tambalohathālakapiṭṭhisadise sīse nisīditvā sattiyā paharanto viya sīsaṃ mukhatuṇḍakena vijjhi. So attano santike nisinnaṃ puttaṃ āha – ‘‘tāta, mayhaṃ sīsaṃ makaso sattiyā paharanto viya vijjhati, vārehi na’’nti. ‘‘Tāta, adhivāsehi, ekappahāreneva taṃ māressāmī’’ti. Tasmiṃ samaye bodhisattopi attano bhaṇḍaṃ pariyesamāno taṃ gāmaṃ patvā tassā vaḍḍhakisālāya nisinno hoti. Atha so vaḍḍhakī puttaṃ āha – ‘‘tāta, imaṃ makasaṃ vārehī’’ti. So ‘‘vāressāmi, tātā’’ti tikhiṇaṃ mahāpharasuṃ ukkhipitvā pitu piṭṭhipasse ṭhatvā ‘‘makasaṃ paharissāmī’’ti pitu matthakaṃ dvidhā bhindi, vaḍḍhakī tattheva jīvitakkhayaṃ patto.
б̣од̇хисад̇д̇о д̇асса д̇ам̣ гаммам̣ д̣̇исваа ‘‘бажжаамид̇д̇оби бан̣д̣ид̇ова сзяяо. со хи д̣̇ан̣д̣абхаязнаби мануссз на маарзссад̇ий’’д̇и жинд̇зд̇ваа имам̣ г̇аат̇амааха –
Bodhisatto tassa taṃ kammaṃ disvā ‘‘paccāmittopi paṇḍitova seyyo. So hi daṇḍabhayenapi manusse na māressatī’’ti cintetvā imaṃ gāthamāha –
44.
44.
‘‘сзяяо амид̇д̇о мад̇ияаа убзд̇о, на д̇взва мид̇д̇о мад̇ивиббахийно;
‘‘Seyyo amitto matiyā upeto, na tveva mitto mativippahīno;
‘магасам̣ вад̇хисса’нд̇и хи зл̣амууг̇о, буд̇д̇о бид̇у аб̣бхид̣̇аа уд̇д̇аман̇г̇а’’нд̇и.
‘Makasaṃ vadhissa’nti hi eḷamūgo, putto pitu abbhidā uttamaṅga’’nti.
д̇ад̇т̇а сзяяод̇и баваро уд̇д̇амо. мад̇ияаа убзд̇од̇и бан̃н̃ааяа саманнааг̇ад̇о. зл̣амууг̇од̇и лаалаамуко б̣аало. буд̇д̇о бид̇у аб̣бхид̣̇аа уд̇д̇аман̇г̇анд̇и ад̇д̇ано б̣аалад̇ааяа буд̇д̇оби худ̇ваа бид̇у уд̇д̇аман̇г̇ам̣ мад̇т̇агам̣ ‘‘магасам̣ бахариссаамий’’д̇и д̣̇вид̇хаа бхинд̣̇и. д̇асмаа б̣ааламид̇д̇ад̇о бан̣д̣ид̇аамид̇д̇ова сзяяод̇и имам̣ г̇аат̇ам̣ вад̇ваа б̣од̇хисад̇д̇о удтааяа яат̇аагаммам̣ г̇ад̇о. вад̣дхагиссаби н̃аад̇агаа сарийрагижжам̣ агам̣су.
Tattha seyyoti pavaro uttamo. Matiyā upetoti paññāya samannāgato. Eḷamūgoti lālāmukho bālo. Putto pitu abbhidā uttamaṅganti attano bālatāya puttopi hutvā pitu uttamaṅgaṃ matthakaṃ ‘‘makasaṃ paharissāmī’’ti dvidhā bhindi. Tasmā bālamittato paṇḍitaamittova seyyoti imaṃ gāthaṃ vatvā bodhisatto uṭṭhāya yathākammaṃ gato. Vaḍḍhakissapi ñātakā sarīrakiccaṃ akaṃsu.
сад̇т̇аа ‘‘звам̣ убаасагаа буб̣б̣зби ‘магасам̣ бахариссаамаа’д̇и барам̣ бахаран̣агамануссаа ахзсум̣язваа’’д̇и имам̣ д̇хаммад̣̇зсанам̣ аахарид̇ваа анусанд̇хим̣ гхадзд̇ваа ж̇аад̇агам̣ самод̇хаанзси ‘‘д̇ад̣̇аа г̇аат̇ам̣ вад̇ваа багганд̇о бан̣д̣ид̇аваан̣иж̇о бана ахамзва ахоси’’нд̇и.
Satthā ‘‘evaṃ upāsakā pubbepi ‘makasaṃ paharissāmā’ti paraṃ paharaṇakamanussā ahesuṃyevā’’ti imaṃ dhammadesanaṃ āharitvā anusandhiṃ ghaṭetvā jātakaṃ samodhānesi ‘‘tadā gāthaṃ vatvā pakkanto paṇḍitavāṇijo pana ahameva ahosi’’nti.
магасаж̇аад̇агаван̣н̣анаа жад̇уд̇т̇аа.
Makasajātakavaṇṇanā catutthā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ж̇аад̇агабаал̣и • Jātakapāḷi / 44. магасаж̇аад̇агам̣ • 44. Makasajātakaṃ
