| Library / Tipiṭaka / д̇ибидага • Tipiṭaka / ж̇аад̇ага-адтагат̇аа • Jātaka-aṭṭhakathā |
[173] 3. маггадаж̇аад̇агаван̣н̣анаа
[173] 3. Makkaṭajātakavaṇṇanā
д̇аад̇амаан̣аваго зсод̇и ид̣̇ам̣ сад̇т̇аа ж̇зд̇аванз вихаранд̇о згам̣ гухагабхигкум̣ аараб̣бха гат̇зси. вад̇т̇у багин̣н̣аганибаад̇з уд̣̇д̣̇аалагаж̇аад̇агз (ж̇аа. 1.14.62 аад̣̇аяо) аавибхависсад̇и. д̇ад̣̇аа бана сад̇т̇аа ‘‘бхигкавз, нааяам̣ бхигку ид̣̇аанзва гухаго, буб̣б̣зби маггадо худ̇ваа аг̇г̇исса гааран̣аа гохан̃н̃ам̣ агаасиязваа’’д̇и вад̇ваа ад̇ийд̇ам̣ аахари.
Tātamāṇavako esoti idaṃ satthā jetavane viharanto ekaṃ kuhakabhikkhuṃ ārabbha kathesi. Vatthu pakiṇṇakanipāte uddālakajātake (jā. 1.14.62 ādayo) āvibhavissati. Tadā pana satthā ‘‘bhikkhave, nāyaṃ bhikkhu idāneva kuhako, pubbepi makkaṭo hutvā aggissa kāraṇā kohaññaṃ akāsiyevā’’ti vatvā atītaṃ āhari.
ад̇ийд̇з б̣аараан̣асияам̣ б̣рахмад̣̇ад̇д̇з раж̇ж̇ам̣ гаарзнд̇з б̣од̇хисад̇д̇о згасмим̣ гаасиг̇аамагз б̣раахман̣агулз ниб̣б̣ад̇д̇ид̇ваа ваяаббад̇д̇о д̇аггасилааяам̣ сиббам̣ уг̇г̇ан̣хид̇ваа гхарааваасам̣ сан̣табзси. ат̇асса б̣раахман̣ий згам̣ буд̇д̇ам̣ виж̇ааяид̇ваа буд̇д̇асса аад̇хаавид̇ваа барид̇хаавид̇ваа вижаран̣агаалз гааламагааси. б̣од̇хисад̇д̇о д̇ассаа бзд̇агижжам̣ гад̇ваа ‘‘гим̣ мз д̣̇аани гхарааваасзна, буд̇д̇ам̣ г̇ахзд̇ваа баб̣б̣аж̇иссаамий’’д̇и ассумукам̣ н̃аад̇имид̇д̇аваг̇г̇ам̣ бахааяа буд̇д̇ам̣ аад̣̇ааяа химаванд̇ам̣ бависид̇ваа исибаб̣б̣аж̇ж̇ам̣ баб̣б̣аж̇ид̇ваа д̇ад̇т̇а ванамуулапалаахааро ваасам̣ габбзси. со згад̣̇ивасам̣ вассаанагаалз д̣̇звз вассанд̇з саарад̣̇аарууни аг̇г̇им̣ ж̇аалзд̇ваа висиб̣б̣анд̇о палагад̇т̇арз нибаж̇ж̇и, буд̇д̇обисса д̇аабасагумаараго бид̇у баад̣̇з самб̣ааханд̇ова нисийд̣̇и.
Atīte bārāṇasiyaṃ brahmadatte rajjaṃ kārente bodhisatto ekasmiṃ kāsigāmake brāhmaṇakule nibbattitvā vayappatto takkasilāyaṃ sippaṃ uggaṇhitvā gharāvāsaṃ saṇṭhapesi. Athassa brāhmaṇī ekaṃ puttaṃ vijāyitvā puttassa ādhāvitvā paridhāvitvā vicaraṇakāle kālamakāsi. Bodhisatto tassā petakiccaṃ katvā ‘‘kiṃ me dāni gharāvāsena, puttaṃ gahetvā pabbajissāmī’’ti assumukhaṃ ñātimittavaggaṃ pahāya puttaṃ ādāya himavantaṃ pavisitvā isipabbajjaṃ pabbajitvā tattha vanamūlaphalāhāro vāsaṃ kappesi. So ekadivasaṃ vassānakāle deve vassante sāradārūni aggiṃ jāletvā visibbanto phalakatthare nipajji, puttopissa tāpasakumārako pitu pāde sambāhantova nisīdi.
ат̇зго ванамаггадо сийд̇зна бийл̣ияамаано д̇асса бан̣н̣асаалааяа д̇ам̣ аг̇г̇им̣ д̣̇исваа ‘‘сажаахам̣ зд̇т̇а бависиссаами, ‘маггадо маггадо’д̇и мам̣ бот̇зд̇ваа нийхариссанд̇и, аг̇г̇им̣ висиб̣б̣зд̇ум̣ на лабхиссаами, ад̇т̇и д̣̇аани мз убааяо, д̇аабасавзсам̣ г̇ахзд̇ваа гохан̃н̃ам̣ гад̇ваа бависиссаамий’’д̇и жинд̇зд̇ваа згасса мад̇ад̇аабасасса ваггалаани ниваасзд̇ваа бажчин̃жа ан̇гусаяадтин̃жа г̇ахзд̇ваа бан̣н̣асаалад̣̇ваарз згам̣ д̇ааларугкам̣ ниссааяа сам̣гудид̇о адтааси. д̇аабасагумаараго д̇ам̣ д̣̇исваа маггадабхаавам̣ аж̇аананд̇о ‘‘зго махаллагад̇аабасо сийд̇зна бийл̣ид̇о аг̇г̇им̣ висиб̣б̣зд̇ум̣ ааг̇ад̇о бхависсад̇ий’’д̇и бид̇у д̇аабасасса гат̇зд̇ваа ‘‘зд̇ам̣ бан̣н̣асаалам̣ бавзсзд̇ваа висиб̣б̣аабзссаамий’’д̇и жинд̇зд̇ваа бид̇арам̣ аалабанд̇о батамам̣ г̇аат̇амааха –
Atheko vanamakkaṭo sītena pīḷiyamāno tassa paṇṇasālāya taṃ aggiṃ disvā ‘‘sacāhaṃ ettha pavisissāmi, ‘makkaṭo makkaṭo’ti maṃ pothetvā nīharissanti, aggiṃ visibbetuṃ na labhissāmi, atthi dāni me upāyo, tāpasavesaṃ gahetvā kohaññaṃ katvā pavisissāmī’’ti cintetvā ekassa matatāpasassa vakkalāni nivāsetvā pacchiñca aṅkusayaṭṭhiñca gahetvā paṇṇasāladvāre ekaṃ tālarukkhaṃ nissāya saṃkuṭito aṭṭhāsi. Tāpasakumārako taṃ disvā makkaṭabhāvaṃ ajānanto ‘‘eko mahallakatāpaso sītena pīḷito aggiṃ visibbetuṃ āgato bhavissatī’’ti pitu tāpasassa kathetvā ‘‘etaṃ paṇṇasālaṃ pavesetvā visibbāpessāmī’’ti cintetvā pitaraṃ ālapanto paṭhamaṃ gāthamāha –
45.
45.
‘‘д̇аад̇а маан̣аваго зсо, д̇ааламуулам̣ абассид̇о;
‘‘Tāta māṇavako eso, tālamūlaṃ apassito;
аг̇аараган̃жид̣̇ам̣ ад̇т̇и, ханд̣̇а д̣̇змассаг̇аарага’’нд̇и.
Agārakañcidaṃ atthi, handa demassagāraka’’nti.
д̇ад̇т̇а маан̣авагод̇и сад̇д̇аад̇хиважанам̣. д̇зна ‘‘д̇аад̇а, зсо зго маан̣аваго сад̇д̇о зго д̇аабасо’’д̇и д̣̇ийбзд̇и. д̇ааламуулам̣ абассид̇од̇и д̇аалагканд̇хам̣ ниссааяа тид̇о. аг̇аараган̃жид̣̇ам̣ ад̇т̇ийд̇и ид̣̇ан̃жа амхаагам̣ баб̣б̣аж̇ид̇ааг̇аарам̣ ад̇т̇и, бан̣н̣асаалам̣ санд̇хааяа вад̣̇ад̇и. ханд̣̇аад̇и вавассаг̇г̇ад̇т̇з нибаад̇о. д̣̇змассаг̇аараганд̇и зд̇асса згаманд̇з васанад̇т̇ааяа аг̇аарагам̣ д̣̇зма.
Tattha māṇavakoti sattādhivacanaṃ. Tena ‘‘tāta, eso eko māṇavako satto eko tāpaso’’ti dīpeti. Tālamūlaṃ apassitoti tālakkhandhaṃ nissāya ṭhito. Agārakañcidaṃ atthīti idañca amhākaṃ pabbajitāgāraṃ atthi, paṇṇasālaṃ sandhāya vadati. Handāti vavassaggatthe nipāto. Demassagārakanti etassa ekamante vasanatthāya agārakaṃ dema.
б̣од̇хисад̇д̇о буд̇д̇асса важанам̣ суд̇ваа удтааяа бан̣н̣асаалад̣̇ваарз тад̇ваа ологзнд̇о д̇асса маггадабхаавам̣ н̃ад̇ваа ‘‘д̇аад̇а, мануссаанам̣ наама на зваруубам̣ мукам̣ ход̇и, маггадо зса, наяид̇ха баггосид̇аб̣б̣о’’д̇и вад̇ваа д̣̇уд̇ияам̣ г̇аат̇амааха –
Bodhisatto puttassa vacanaṃ sutvā uṭṭhāya paṇṇasāladvāre ṭhatvā olokento tassa makkaṭabhāvaṃ ñatvā ‘‘tāta, manussānaṃ nāma na evarūpaṃ mukhaṃ hoti, makkaṭo esa, nayidha pakkositabbo’’ti vatvā dutiyaṃ gāthamāha –
46.
46.
‘‘маа ко д̇вам̣ д̇аад̇а баггоси, д̣̇уусзяяа но аг̇аарагам̣;
‘‘Mā kho tvaṃ tāta pakkosi, dūseyya no agārakaṃ;
нзд̇аад̣̇исам̣ мукам̣ ход̇и, б̣раахман̣асса сусийлино’’д̇и.
Netādisaṃ mukhaṃ hoti, brāhmaṇassa susīlino’’ti.
д̇ад̇т̇а д̣̇уусзяяа но аг̇аараганд̇и аяан̃хи ид̇ха бавидто самаано имам̣ гижчзна гад̇ам̣ бан̣н̣асаалам̣ аг̇г̇инаа ваа жхаабзнд̇о ужжаараад̣̇ийни ваа гаронд̇о д̣̇уусзяяа. нзд̇аад̣̇исанд̇и ‘‘зд̇аад̣̇исам̣ б̣раахман̣асса сусийлино мукам̣ на ход̇и, маггадо зсо’’д̇и вад̇ваа б̣од̇хисад̇д̇о згам̣ уммугам̣ г̇ахзд̇ваа ‘‘гим̣ зд̇т̇а д̇идтасий’’д̇и кибид̇ваа д̇ам̣ балаабзси. маггадо ваггалаани чад̣д̣зд̇ваа ругкам̣ абхирухид̇ваа ванасан̣д̣ам̣ баависи. б̣од̇хисад̇д̇о жад̇д̇ааро б̣рахмавихаарз бхаавзд̇ваа б̣рахмалогуубаг̇о ахоси.
Tattha dūseyya no agārakanti ayañhi idha paviṭṭho samāno imaṃ kicchena kataṃ paṇṇasālaṃ agginā vā jhāpento uccārādīni vā karonto dūseyya. Netādisanti ‘‘etādisaṃ brāhmaṇassa susīlino mukhaṃ na hoti, makkaṭo eso’’ti vatvā bodhisatto ekaṃ ummukaṃ gahetvā ‘‘kiṃ ettha tiṭṭhasī’’ti khipitvā taṃ palāpesi. Makkaṭo vakkalāni chaḍḍetvā rukkhaṃ abhiruhitvā vanasaṇḍaṃ pāvisi. Bodhisatto cattāro brahmavihāre bhāvetvā brahmalokūpago ahosi.
сад̇т̇аа имам̣ д̇хаммад̣̇зсанам̣ аахарид̇ваа ж̇аад̇агам̣ самод̇хаанзси – ‘‘д̇ад̣̇аа маггадо аяам̣ гухагабхигку ахоси, д̇аабасагумааро раахуло, д̇аабасо бана ахамзва ахоси’’нд̇и.
Satthā imaṃ dhammadesanaṃ āharitvā jātakaṃ samodhānesi – ‘‘tadā makkaṭo ayaṃ kuhakabhikkhu ahosi, tāpasakumāro rāhulo, tāpaso pana ahameva ahosi’’nti.
маггадаж̇аад̇агаван̣н̣анаа д̇ад̇ияаа.
Makkaṭajātakavaṇṇanā tatiyā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ж̇аад̇агабаал̣и • Jātakapāḷi / 173. маггадаж̇аад̇агам̣ • 173. Makkaṭajātakaṃ
