| Library / Tipiṭaka / д̇ибидага • Tipiṭaka / сам̣яуд̇д̇анигааяа • Saṃyuttanikāya |
7. маггадасуд̇д̇ам̣
7. Makkaṭasuttaṃ
373. ‘‘ад̇т̇и, бхигкавз, химавад̇о баб̣б̣ад̇арааж̇асса д̣̇уг̇г̇аа висамаа д̣̇зсаа, яад̇т̇а нзва маггадаанам̣ жаарий на мануссаанам̣. ад̇т̇и, бхигкавз, химавад̇о баб̣б̣ад̇арааж̇асса д̣̇уг̇г̇аа висамаа д̣̇зсаа, яад̇т̇а маггадаанан̃хи ко жаарий, на мануссаанам̣. ад̇т̇и, бхигкавз, химавад̇о баб̣б̣ад̇арааж̇асса самаа бхуумибхааг̇аа раман̣ийяаа, яад̇т̇а маггадаанан̃жзва жаарий мануссаанан̃жа. д̇ад̇ра, бхигкавз, луд̣̇д̣̇аа маггадавийт̇ийсу лзбам̣ од̣д̣знд̇и маггадаанам̣ б̣аад̇ханааяа.
373. ‘‘Atthi, bhikkhave, himavato pabbatarājassa duggā visamā desā, yattha neva makkaṭānaṃ cārī na manussānaṃ. Atthi, bhikkhave, himavato pabbatarājassa duggā visamā desā, yattha makkaṭānañhi kho cārī, na manussānaṃ. Atthi, bhikkhave, himavato pabbatarājassa samā bhūmibhāgā ramaṇīyā, yattha makkaṭānañceva cārī manussānañca. Tatra, bhikkhave, luddā makkaṭavīthīsu lepaṃ oḍḍenti makkaṭānaṃ bādhanāya.
‘‘д̇ад̇ра, бхигкавз, яз д̇з маггадаа аб̣аалаж̇аад̇игаа алолаж̇аад̇игаа, д̇з д̇ам̣ лзбам̣ д̣̇исваа аарагаа бариваж̇ж̇анд̇и. яо бана со ход̇и маггадо б̣аалаж̇аад̇иго лолаж̇аад̇иго, со д̇ам̣ лзбам̣ убасан̇гамид̇ваа хад̇т̇зна г̇ан̣хаад̇и. со д̇ад̇т̇а б̣аж̇жхад̇и. ‘хад̇т̇ам̣ можзссаамий’д̇и д̣̇уд̇иязна хад̇т̇зна г̇ан̣хаад̇и. со д̇ад̇т̇а б̣аж̇жхад̇и. ‘убхо хад̇т̇з можзссаамий’д̇и баад̣̇зна г̇ан̣хаад̇и. со д̇ад̇т̇а б̣аж̇жхад̇и. ‘убхо хад̇т̇з можзссаами баад̣̇ан̃жаа’д̇и д̣̇уд̇иязна баад̣̇зна г̇ан̣хаад̇и. со д̇ад̇т̇а б̣аж̇жхад̇и. ‘убхо хад̇т̇з можзссаами баад̣̇з жаа’д̇и д̇ун̣д̣зна г̇ан̣хаад̇и. со д̇ад̇т̇а б̣аж̇жхад̇и. зван̃хи со, бхигкавз, маггадо бан̃жод̣д̣ид̇о т̇унам̣ сзд̇и анаяам̣ аабанно б̣яасанам̣ аабанно яат̇аагаамагаран̣ийяо луд̣̇д̣̇асса. д̇амзнам̣, бхигкавз, луд̣̇д̣̇о виж̇жхид̇ваа д̇асмим̣язва гадтагад̇ан̇г̇аарз 1 авассаж̇ж̇зд̇ваа язна гаамам̣ баггамад̇и. звам̣ со д̇ам̣, бхигкавз, ход̇и яо аг̇ожарз жарад̇и барависаяз.
‘‘Tatra, bhikkhave, ye te makkaṭā abālajātikā alolajātikā, te taṃ lepaṃ disvā ārakā parivajjanti. Yo pana so hoti makkaṭo bālajātiko lolajātiko, so taṃ lepaṃ upasaṅkamitvā hatthena gaṇhāti. So tattha bajjhati. ‘Hatthaṃ mocessāmī’ti dutiyena hatthena gaṇhāti. So tattha bajjhati. ‘Ubho hatthe mocessāmī’ti pādena gaṇhāti. So tattha bajjhati. ‘Ubho hatthe mocessāmi pādañcā’ti dutiyena pādena gaṇhāti. So tattha bajjhati. ‘Ubho hatthe mocessāmi pāde cā’ti tuṇḍena gaṇhāti. So tattha bajjhati. Evañhi so, bhikkhave, makkaṭo pañcoḍḍito thunaṃ seti anayaṃ āpanno byasanaṃ āpanno yathākāmakaraṇīyo luddassa. Tamenaṃ, bhikkhave, luddo vijjhitvā tasmiṃyeva kaṭṭhakataṅgāre 2 avassajjetvā yena kāmaṃ pakkamati. Evaṃ so taṃ, bhikkhave, hoti yo agocare carati paravisaye.
‘‘д̇асмаад̇иха, бхигкавз, маа аг̇ожарз жарид̇т̇а барависаяз. аг̇ожарз, бхигкавз, жарад̇ам̣ барависаяз лажчад̇и мааро од̇аарам̣, лажчад̇и мааро аарамман̣ам̣. го жа, бхигкавз, бхигкуно аг̇ожаро барависаяо? яад̣̇ид̣̇ам̣ – бан̃жа гаамаг̇ун̣аа. гад̇амз бан̃жа? жагкувин̃н̃зяяаа руубаа идтаа ганд̇аа манаабаа бияаруубаа гаамуубасам̣хид̇аа раж̇анийяаа, сод̇авин̃н̃зяяаа сад̣̇д̣̇аа…бз… гхаанавин̃н̃зяяаа г̇анд̇хаа… ж̇ивхаавин̃н̃зяяаа расаа… гааяавин̃н̃зяяаа подтаб̣б̣аа идтаа ганд̇аа манаабаа бияаруубаа гаамуубасам̣хид̇аа раж̇анийяаа. аяам̣, бхигкавз, бхигкуно аг̇ожаро барависаяо.
‘‘Tasmātiha, bhikkhave, mā agocare carittha paravisaye. Agocare, bhikkhave, carataṃ paravisaye lacchati māro otāraṃ, lacchati māro ārammaṇaṃ. Ko ca, bhikkhave, bhikkhuno agocaro paravisayo? Yadidaṃ – pañca kāmaguṇā. Katame pañca? Cakkhuviññeyyā rūpā iṭṭhā kantā manāpā piyarūpā kāmūpasaṃhitā rajanīyā, sotaviññeyyā saddā…pe… ghānaviññeyyā gandhā… jivhāviññeyyā rasā… kāyaviññeyyā phoṭṭhabbā iṭṭhā kantā manāpā piyarūpā kāmūpasaṃhitā rajanīyā. Ayaṃ, bhikkhave, bhikkhuno agocaro paravisayo.
‘‘г̇ожарз, бхигкавз, жарат̇а сагз бзд̇д̇игз висаяз. г̇ожарз, бхигкавз , жарад̇ам̣ сагз бзд̇д̇игз висаяз на лажчад̇и мааро од̇аарам̣, на лажчад̇и мааро аарамман̣ам̣. го жа, бхигкавз, бхигкуно г̇ожаро саго бзд̇д̇иго висаяо? яад̣̇ид̣̇ам̣ – жад̇д̇ааро сад̇ибадтаанаа. гад̇амз жад̇д̇ааро ? ид̇ха, бхигкавз, бхигку гааяз гааяаанубассий вихарад̇и аад̇аабий самбаж̇аано сад̇имаа, винзяяа логз абхиж̇жхаад̣̇оманассам̣; взд̣̇анаасу…бз… жид̇д̇з…бз… д̇хаммзсу д̇хаммаанубассий вихарад̇и аад̇аабий самбаж̇аано сад̇имаа, винзяяа логз абхиж̇жхаад̣̇оманассам̣. аяам̣, бхигкавз, бхигкуно г̇ожаро саго бзд̇д̇иго висаяо’’д̇и. сад̇д̇амам̣.
‘‘Gocare, bhikkhave, caratha sake pettike visaye. Gocare, bhikkhave , carataṃ sake pettike visaye na lacchati māro otāraṃ, na lacchati māro ārammaṇaṃ. Ko ca, bhikkhave, bhikkhuno gocaro sako pettiko visayo? Yadidaṃ – cattāro satipaṭṭhānā. Katame cattāro ? Idha, bhikkhave, bhikkhu kāye kāyānupassī viharati ātāpī sampajāno satimā, vineyya loke abhijjhādomanassaṃ; vedanāsu…pe… citte…pe… dhammesu dhammānupassī viharati ātāpī sampajāno satimā, vineyya loke abhijjhādomanassaṃ. Ayaṃ, bhikkhave, bhikkhuno gocaro sako pettiko visayo’’ti. Sattamaṃ.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 7. маггадасуд̇д̇аван̣н̣анаа • 7. Makkaṭasuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 7. маггадасуд̇д̇аван̣н̣анаа • 7. Makkaṭasuttavaṇṇanā
