| Library / Tipiṭaka / д̇ибидага • Tipiṭaka / саарад̇т̇ад̣̇ийбаний-дийгаа • Sāratthadīpanī-ṭīkā |
маггадивад̇т̇угат̇ааван̣н̣анаа
Makkaṭivatthukathāvaṇṇanā
40. ануд̇д̇аанабад̣̇аван̣н̣анаад̇и уд̇д̇аанам̣ вужжад̇и баагадам̣, д̇аббадибагкзна ануд̇д̇аанам̣ абаагадам̣ аббажурам̣ д̣̇увин̃н̃зяяан̃жа, ануд̇д̇аанаанам̣ бад̣̇аанам̣ ван̣н̣анаа ануд̇д̇аанабад̣̇аван̣н̣анаа. уд̇д̇аанабад̣̇аван̣н̣анааяа баяож̇анаабхаавад̇о ануд̇д̇аанаг̇г̇ахан̣ам̣. бажурабадисзвано ход̇ийд̇и б̣ахулабадисзвано ход̇и, д̣̇ивасз д̣̇ивасз ниранд̇арам̣ бадисзвад̇ийд̇и ад̇т̇о. бажурад̇т̇з хи вад̇д̇амаанаважананд̇и саб̣б̣ад̣̇аа бадисзванаабхаавзби ‘‘иха маллаа яуж̇жханд̇ий’’д̇иаад̣̇ийсу вияа б̣аахуллавуд̇д̇им̣ убаад̣̇ааяа вад̇д̇амаанаважанам̣. аахин̣д̣анд̇аад̇и вижаранд̇аа. ан̃н̃зсубийд̇и ан̃н̃зсуби бхигкуусу.
40.Anuttānapadavaṇṇanāti uttānaṃ vuccati pākaṭaṃ, tappaṭipakkhena anuttānaṃ apākaṭaṃ appacuraṃ duviññeyyañca, anuttānānaṃ padānaṃ vaṇṇanā anuttānapadavaṇṇanā. Uttānapadavaṇṇanāya payojanābhāvato anuttānaggahaṇaṃ. Pacurapaṭisevano hotīti bahulapaṭisevano hoti, divase divase nirantaraṃ paṭisevatīti attho. Pacuratthe hi vattamānavacananti sabbadā paṭisevanābhāvepi ‘‘iha mallā yujjhantī’’tiādīsu viya bāhullavuttiṃ upādāya vattamānavacanaṃ. Āhiṇḍantāti vicarantā. Aññesupīti aññesupi bhikkhūsu.
41. саход̣дхаг̇г̇ахид̇од̇и саха бхан̣д̣зна г̇ахид̇о. ад̇д̇ано мижчааг̇аахзна лзсаод̣д̣анзна ваа барибун̣н̣ад̇т̇амби батамабан̃н̃ад̇д̇им̣ ан̃н̃ат̇аа гаронд̇о ‘‘д̇ан̃жа ко мануссид̇т̇ияаа, но д̇иражчаанаг̇ад̇ааяаа’’д̇и ааха. д̣̇ассананд̇и саанурааг̇ад̣̇ассанам̣. г̇ахан̣анд̇и анурааг̇авасзнзва хад̇т̇зна г̇ахан̣ам̣. аамасанам̣ ад̇д̇ано сарийрзна д̇ассаа сарийрасса убари аамасанамад̇д̇ам̣, пусанам̣ д̇ад̇о д̣̇ал̣хад̇арам̣ гад̇ваа сам̣пусанам̣, гхадданам̣ д̇ад̇оби д̣̇ал̣хад̇арам̣ гад̇ваа сарийрзна сарийрасса гхадданам̣. д̇ам̣ саб̣б̣амбийд̇и д̣̇ассанаад̣̇и саб̣б̣амби.
41.Sahoḍḍhaggahitoti saha bhaṇḍena gahito. Attano micchāgāhena lesaoḍḍanena vā paripuṇṇatthampi paṭhamapaññattiṃ aññathā karonto ‘‘tañca kho manussitthiyā, no tiracchānagatāyā’’ti āha. Dassananti sānurāgadassanaṃ. Gahaṇanti anurāgavaseneva hatthena gahaṇaṃ. Āmasanaṃ attano sarīrena tassā sarīrassa upari āmasanamattaṃ, phusanaṃ tato daḷhataraṃ katvā saṃphusanaṃ, ghaṭṭanaṃ tatopi daḷhataraṃ katvā sarīrena sarīrassa ghaṭṭanaṃ. Taṃ sabbampīti dassanādi sabbampi.
42. д̣̇ал̣хад̇арам̣ сигкаабад̣̇амагаасийд̇и имасмим̣ ад̇хигаарз анубан̃н̃ад̇д̇ияаа сигкаабад̣̇асса д̣̇ал̣хийгаран̣ам̣ сит̇илагаран̣ан̃жа басан̇г̇ад̇о аабаннам̣ вибхаж̇ид̇ваа д̣̇ассзд̇угаамо ‘‘д̣̇увид̇хан̃хи сигкаабад̣̇а’’нд̇иаад̣̇имааха. д̇ад̇т̇а яасса сажид̇д̇агасса сигкаабад̣̇асса жид̇д̇ам̣ агусаламзва ход̇и, д̇ам̣ логаваж̇ж̇ам̣. яасса сажид̇д̇агаажид̇д̇агабагкасахид̇асса ажид̇д̇агасса жа сажид̇д̇агабагкз жид̇д̇ам̣ агусаламзва ход̇и, д̇амби сураабаанаад̣̇и логаваж̇ж̇анд̇и имамад̇т̇ам̣ самбин̣д̣зд̇ваа д̣̇ассзд̇ум̣ ‘‘яасса сажид̇д̇агабагкз жид̇д̇ам̣ агусаламзва ход̇и, д̇ам̣ логаваж̇ж̇ам̣ наамаа’’д̇и вуд̇д̇ам̣. ‘‘сажид̇д̇агабагкз’’д̇и хи ид̣̇ам̣ важанам̣ ажид̇д̇агам̣ санд̇хааяа вуд̇д̇ам̣. на хи згам̣сад̇о сажид̇д̇агасса ‘‘сажид̇д̇агабагкз’’д̇и висзсанз баяож̇анам̣ ад̇т̇и. сажид̇д̇агабагкзд̇и жа вад̇т̇увийд̇иггамавиж̇аананажид̇д̇зна ‘‘сажид̇д̇агабагкз’’д̇и г̇ахзд̇аб̣б̣ам̣, на бан̣н̣ад̇д̇ивиж̇аананажид̇д̇зна. яад̣̇и хи ‘‘на ваддад̇ий’’д̇и бан̣н̣ад̇д̇ивиж̇аананажид̇д̇знаби яасса сигкаабад̣̇асса сажид̇д̇агабагкз жид̇д̇ам̣ агусаламзва, д̇амби логаваж̇ж̇анд̇и вад̣̇зяяа, саб̣б̣зсам̣ бан̣н̣ад̇д̇иваж̇ж̇асигкаабад̣̇аанамби логаваж̇ж̇ад̇аа аабаж̇ж̇зяяа бан̣н̣ад̇д̇иваж̇ж̇аанамби ‘‘на ваддад̇ий’’д̇и ж̇аанид̇ваа вийд̇иггамз агусалажид̇д̇ассзва самбхавад̇о. на хи бхаг̇авад̇о аан̣ам̣ ж̇аанид̇ваа мад̣̇д̣̇анд̇асса гусалажид̇д̇ам̣ уббаж̇ж̇ад̇и анаад̣̇арияавасзна бадигхажид̇д̇ассзва уббаж̇ж̇анад̇о.
42.Daḷhataraṃ sikkhāpadamakāsīti imasmiṃ adhikāre anupaññattiyā sikkhāpadassa daḷhīkaraṇaṃ sithilakaraṇañca pasaṅgato āpannaṃ vibhajitvā dassetukāmo ‘‘duvidhañhi sikkhāpada’’ntiādimāha. Tattha yassa sacittakassa sikkhāpadassa cittaṃ akusalameva hoti, taṃ lokavajjaṃ. Yassa sacittakācittakapakkhasahitassa acittakassa ca sacittakapakkhe cittaṃ akusalameva hoti, tampi surāpānādi lokavajjanti imamatthaṃ sampiṇḍetvā dassetuṃ ‘‘yassa sacittakapakkhe cittaṃ akusalameva hoti, taṃ lokavajjaṃ nāmā’’ti vuttaṃ. ‘‘Sacittakapakkhe’’ti hi idaṃ vacanaṃ acittakaṃ sandhāya vuttaṃ. Na hi ekaṃsato sacittakassa ‘‘sacittakapakkhe’’ti visesane payojanaṃ atthi. Sacittakapakkheti ca vatthuvītikkamavijānanacittena ‘‘sacittakapakkhe’’ti gahetabbaṃ, na paṇṇattivijānanacittena. Yadi hi ‘‘na vaṭṭatī’’ti paṇṇattivijānanacittenapi yassa sikkhāpadassa sacittakapakkhe cittaṃ akusalameva, tampi lokavajjanti vadeyya, sabbesaṃ paṇṇattivajjasikkhāpadānampi lokavajjatā āpajjeyya paṇṇattivajjānampi ‘‘na vaṭṭatī’’ti jānitvā vītikkame akusalacittasseva sambhavato. Na hi bhagavato āṇaṃ jānitvā maddantassa kusalacittaṃ uppajjati anādariyavasena paṭighacittasseva uppajjanato.
абижзд̇т̇а ‘‘сажид̇д̇агабагкз жид̇д̇ам̣ агусаламзваа’’д̇и важанад̇о ажид̇д̇агасса вад̇т̇уаж̇аананавасзна ажид̇д̇агабагкз жид̇д̇ам̣ агусаламзваад̇и аяам̣ нияамо над̇т̇ийд̇и вин̃н̃ааяад̇и. яад̣̇и хи ажид̇д̇агасса ажид̇д̇агабагкзби жид̇д̇ам̣ агусаламзва сияаа, ‘‘сажид̇д̇агабагкз’’д̇и ид̣̇ам̣ висзсанам̣ нирад̇т̇агам̣ сияаа. ‘‘яасса жид̇д̇ам̣ агусаламзва ход̇и, д̇ам̣ логаваж̇ж̇а’’нд̇и зд̇д̇агз вуд̇д̇з сураад̇и аж̇аанид̇ваа биванд̇асса г̇анд̇хаван̣н̣агаад̣̇ибхаавам̣ аж̇аанид̇ваа д̇аани лимбанд̇ийнам̣ бхигкунийнан̃жа винааби агусалажид̇д̇зна аабад̇д̇исамбхавад̇о зганд̇аагусалам̣ сажид̇д̇агасигкаабад̣̇ам̣ табзд̇ваа сураабаанаад̣̇иажид̇д̇агасигкаабад̣̇аанам̣ логаваж̇ж̇ад̇аа на сияаад̇и д̇зсамби сан̇г̇ан̣хад̇т̇ам̣ ‘‘яасса сажид̇д̇агабагкз жид̇д̇ам̣ агусаламзва ход̇и, д̇ам̣ логаваж̇ж̇а’’нд̇и вуд̇д̇ам̣. д̇знзва жуул̣аг̇ан̣тибад̣̇з маж̇жхимаг̇ан̣тибад̣̇з жа вуд̇д̇ам̣ ‘‘зд̇ам̣ сад̇д̇ам̣ маарзссаамийд̇и д̇асмим̣язва бад̣̇зсз нибаннам̣ ан̃н̃ам̣ маарзнд̇асса баан̣асааман̃н̃асса ад̇т̇ид̇ааяа яат̇аа баан̣аад̇ибаад̇о ход̇и, звам̣ зд̇ам̣ маж̇ж̇ам̣ бивиссаамийд̇и ан̃н̃ам̣ маж̇ж̇ам̣ биванд̇асса маж̇ж̇асааман̃н̃асса ад̇т̇ид̇ааяа агусаламзва ход̇и. яат̇аа бана гадтасан̃н̃ааяа саббам̣ гхаад̇знд̇асса баан̣аад̇ибаад̇о на ход̇и, звам̣ наал̣игзрабаанасан̃н̃ааяа маж̇ж̇ам̣ биванд̇асса агусалам̣ на ход̇ий’’д̇и.
Apicettha ‘‘sacittakapakkhe cittaṃ akusalamevā’’ti vacanato acittakassa vatthuajānanavasena acittakapakkhe cittaṃ akusalamevāti ayaṃ niyamo natthīti viññāyati. Yadi hi acittakassa acittakapakkhepi cittaṃ akusalameva siyā, ‘‘sacittakapakkhe’’ti idaṃ visesanaṃ niratthakaṃ siyā. ‘‘Yassa cittaṃ akusalameva hoti, taṃ lokavajja’’nti ettake vutte surāti ajānitvā pivantassa gandhavaṇṇakādibhāvaṃ ajānitvā tāni limpantīnaṃ bhikkhunīnañca vināpi akusalacittena āpattisambhavato ekantākusalaṃ sacittakasikkhāpadaṃ ṭhapetvā surāpānādiacittakasikkhāpadānaṃ lokavajjatā na siyāti tesampi saṅgaṇhatthaṃ ‘‘yassa sacittakapakkhe cittaṃ akusalameva hoti, taṃ lokavajja’’nti vuttaṃ. Teneva cūḷagaṇṭhipade majjhimagaṇṭhipade ca vuttaṃ ‘‘etaṃ sattaṃ māressāmīti tasmiṃyeva padese nipannaṃ aññaṃ mārentassa pāṇasāmaññassa atthitāya yathā pāṇātipāto hoti, evaṃ etaṃ majjaṃ pivissāmīti aññaṃ majjaṃ pivantassa majjasāmaññassa atthitāya akusalameva hoti. Yathā pana kaṭṭhasaññāya sappaṃ ghātentassa pāṇātipāto na hoti, evaṃ nāḷikerapānasaññāya majjaṃ pivantassa akusalaṃ na hotī’’ti.
гзжи бана вад̣̇анд̇и ‘‘сааман̣зрасса сураад̇и аж̇аанид̇ваа биванд̇асса баарааж̇иго над̇т̇и, агусалам̣ бана ход̇ий’’д̇и, д̇ам̣ д̇зсам̣ мад̇имад̇д̇ам̣. ‘‘бхигкуно аж̇аанид̇вааби б̣ийж̇ад̇о бадтааяа маж̇ж̇ам̣ биванд̇асса баажид̇д̇ияам̣, сааман̣зро ж̇аанид̇ваа биванд̇о сийлабхзд̣̇ам̣ аабаж̇ж̇ад̇и, на аж̇аанид̇ваа’’д̇и зд̇д̇агамзва хи адтагат̇ааяам̣ вуд̇д̇ам̣, ‘‘агусалам̣ бана ход̇ий’’д̇и на вуд̇д̇анд̇и. абарамби вад̣̇анд̇и ‘‘аж̇аанид̇ваа биванд̇ассаби сод̇аабаннасса мукам̣ сураа на бависад̇и гаммабат̇аббад̇д̇аагусалажид̇д̇знзва баад̇аб̣б̣ад̇о’’д̇и, д̇амби на сунд̣̇арам̣. б̣од̇хисад̇д̇з гужчиг̇ад̇з б̣од̇хисад̇д̇амаад̇у сийлам̣ вияа хи ид̣̇амби арияасаавагаанам̣ д̇хаммад̇аасид̣̇д̇ханд̇и взд̣̇ид̇аб̣б̣ам̣. д̇знзва д̣̇ийгханигааяз гуудад̣̇анд̇асуд̇д̇адтагат̇ааяам̣ (д̣̇ий. ни. адта. 1.352) вуд̇д̇ам̣ –
Keci pana vadanti ‘‘sāmaṇerassa surāti ajānitvā pivantassa pārājiko natthi, akusalaṃ pana hotī’’ti, taṃ tesaṃ matimattaṃ. ‘‘Bhikkhuno ajānitvāpi bījato paṭṭhāya majjaṃ pivantassa pācittiyaṃ, sāmaṇero jānitvā pivanto sīlabhedaṃ āpajjati, na ajānitvā’’ti ettakameva hi aṭṭhakathāyaṃ vuttaṃ, ‘‘akusalaṃ pana hotī’’ti na vuttanti. Aparampi vadanti ‘‘ajānitvā pivantassapi sotāpannassa mukhaṃ surā na pavisati kammapathappattaakusalacitteneva pātabbato’’ti, tampi na sundaraṃ. Bodhisatte kucchigate bodhisattamātu sīlaṃ viya hi idampi ariyasāvakānaṃ dhammatāsiddhanti veditabbaṃ. Teneva dīghanikāye kūṭadantasuttaṭṭhakathāyaṃ (dī. ni. aṭṭha. 1.352) vuttaṃ –
‘‘бхаванд̇арзби хи арияасааваго ж̇ийвид̇ахзд̇уби нзва баан̣ам̣ ханад̇и, на сурам̣ бивад̇и. сажзбисса суран̃жа кийран̃жа миссзд̇ваа мукз багкибанд̇и, кийрамзва бависад̇и, на сураа. яат̇аа гим̣? яат̇аа гон̃жасагун̣аанам̣ кийрамиссагз уд̣̇агз кийрамзва бависад̇и, на уд̣̇агам̣. ид̣̇ам̣ яонисид̣̇д̇ханд̇и жз? ид̣̇амби д̇хаммад̇аасид̣̇д̇ханд̇и взд̣̇ид̇аб̣б̣а’’нд̇и.
‘‘Bhavantarepi hi ariyasāvako jīvitahetupi neva pāṇaṃ hanati, na suraṃ pivati. Sacepissa surañca khīrañca missetvā mukhe pakkhipanti, khīrameva pavisati, na surā. Yathā kiṃ? Yathā koñcasakuṇānaṃ khīramissake udake khīrameva pavisati, na udakaṃ. Idaṃ yonisiddhanti ce? Idampi dhammatāsiddhanti veditabba’’nti.
яад̣̇и звам̣ сураабаанасигкаабад̣̇адтагат̇ааяам̣ (баажи. адта. 329) ‘‘вад̇т̇уаж̇аананад̇ааяа жзд̇т̇а ажид̇д̇агад̇аа взд̣̇ид̇аб̣б̣аа, агусалзнзва баад̇аб̣б̣ад̇ааяа логаваж̇ж̇ад̇аа’’д̇и гасмаа вуд̇д̇ам̣? нааяам̣ д̣̇осо. аяан̃хзд̇т̇а ад̇хиббааяо – сажид̇д̇агабагкз агусалажид̇д̇знзва баад̇аб̣б̣ад̇ааяа логаваж̇ж̇ад̇аад̇и. иминааязва хи ад̇хиббааязна ан̃н̃зсуби логаваж̇ж̇зсу ажид̇д̇агасигкаабад̣̇зсу агусалажид̇д̇ад̇ааязва вуд̇д̇аа, на бана сажид̇д̇агад̇аа. д̇знзва бхигкунийвибхан̇г̇адтагат̇ааяам̣ (баажи. адта. 1227) вуд̇д̇ам̣ –
Yadi evaṃ surāpānasikkhāpadaṭṭhakathāyaṃ (pāci. aṭṭha. 329) ‘‘vatthuajānanatāya cettha acittakatā veditabbā, akusaleneva pātabbatāya lokavajjatā’’ti kasmā vuttaṃ? Nāyaṃ doso. Ayañhettha adhippāyo – sacittakapakkhe akusalacitteneva pātabbatāya lokavajjatāti. Imināyeva hi adhippāyena aññesupi lokavajjesu acittakasikkhāpadesu akusalacittatāyeva vuttā, na pana sacittakatā. Teneva bhikkhunīvibhaṅgaṭṭhakathāyaṃ (pāci. aṭṭha. 1227) vuttaṃ –
‘‘г̇ираг̇г̇асамаж̇ж̇ам̣ жид̇д̇ааг̇аарасигкаабад̣̇ам̣ сан̇гхаан̣и ид̇т̇аалан̇гааро г̇анд̇хагаван̣н̣аго ваасид̇агабин̃н̃ааго бхигкунийаад̣̇ийхи уммад̣̇д̣̇анабаримад̣̇д̣̇анаад̇и имаани д̣̇аса сигкаабад̣̇аани ажид̇д̇агаани логаваж̇ж̇аани агусалажид̇д̇ааний’’д̇и,
‘‘Giraggasamajjaṃ cittāgārasikkhāpadaṃ saṅghāṇi itthālaṅkāro gandhakavaṇṇako vāsitakapiññāko bhikkhunīādīhi ummaddanaparimaddanāti imāni dasa sikkhāpadāni acittakāni lokavajjāni akusalacittānī’’ti,
аяам̣ банзд̇т̇а ад̇хиббааяо – винааби жид̇д̇зна аабаж̇ж̇ид̇аб̣б̣ад̇д̇аа ажид̇д̇агаани, жид̇д̇з бана сад̇и агусалзнзва аабаж̇ж̇ид̇аб̣б̣ад̇д̇аа логаваж̇ж̇аани жзва агусалажид̇д̇аани жаад̇и. д̇асмаа бхигкувибхан̇г̇з ааг̇ад̇аани сураабаанауяяуд̇д̇ауяяод̇хигасигкаабад̣̇аани д̇ийн̣и, бхигкунийвибхан̇г̇з ааг̇ад̇аани г̇ираг̇г̇асамаж̇ж̇аад̣̇ийни д̣̇асаад̇и имзсам̣ д̇зрасаннам̣ ажид̇д̇агасигкаабад̣̇аанам̣ логаваж̇ж̇ад̇аад̣̇ассанад̇т̇ам̣ ‘‘сажид̇д̇агабагкз’’д̇и ид̣̇ам̣ висзсанам̣ гад̇анд̇и нидтамзд̇т̇а г̇анд̇аб̣б̣ам̣. яасмаа бана бан̣н̣ад̇д̇иваж̇ж̇асса вад̇т̇увийд̇иггамавиж̇аананажид̇д̇зна сажид̇д̇агабагкз жид̇д̇ам̣ сияаа гусалам̣, сияаа агусалам̣, сияаа аб̣яаагад̇ам̣, д̇асмаа д̇асса сажид̇д̇агабагкз жид̇д̇ам̣ агусаламзваад̇и аяам̣ нияамо над̇т̇ийд̇и сзсам̣ бан̣н̣ад̇д̇иваж̇ж̇анд̇и вуд̇д̇ам̣.
Ayaṃ panettha adhippāyo – vināpi cittena āpajjitabbattā acittakāni, citte pana sati akusaleneva āpajjitabbattā lokavajjāni ceva akusalacittāni cāti. Tasmā bhikkhuvibhaṅge āgatāni surāpānauyyuttauyyodhikasikkhāpadāni tīṇi, bhikkhunīvibhaṅge āgatāni giraggasamajjādīni dasāti imesaṃ terasannaṃ acittakasikkhāpadānaṃ lokavajjatādassanatthaṃ ‘‘sacittakapakkhe’’ti idaṃ visesanaṃ katanti niṭṭhamettha gantabbaṃ. Yasmā pana paṇṇattivajjassa vatthuvītikkamavijānanacittena sacittakapakkhe cittaṃ siyā kusalaṃ, siyā akusalaṃ, siyā abyākataṃ, tasmā tassa sacittakapakkhe cittaṃ akusalamevāti ayaṃ niyamo natthīti sesaṃ paṇṇattivajjanti vuttaṃ.
рунд̇ханд̇ийд̇и вийд̇иггамам̣ рунд̇ханд̇ий. д̣̇ваарам̣ бид̣̇аханд̇ийд̇и вийд̇иггамалзсасса д̣̇ваарам̣ бид̣̇аханд̇ий. сод̇ам̣ бажчинд̣̇амаанаад̇и убаруубари вийд̇иггамасод̇ам̣ бажчинд̣̇амаанаа. ат̇а ваа рунд̇ханд̇ийд̇и анаабад̇д̇илзсам̣ рунд̇ханд̇ий. д̣̇ваарам̣ бид̣̇аханд̇ийд̇и анаабад̇д̇илзсасса д̣̇ваарам̣ бид̣̇аханд̇ий. сод̇ам̣ бажчинд̣̇амаанаад̇и анаабад̇д̇исод̇ам̣ бажчинд̣̇амаанаа, аабад̇д̇имзва гурумаанаад̇и вуд̇д̇ам̣ ход̇и. нану жа логаваж̇ж̇з гаажи анубан̃н̃ад̇д̇и уббаж̇ж̇амаанаа сит̇илам̣ гаронд̇ий уббаж̇ж̇ад̇и, д̇асмаа ‘‘логаваж̇ж̇з анубан̃н̃ад̇д̇и уббаж̇ж̇амаанаа…бз… г̇аал̣хад̇арам̣ гаронд̇ий уббаж̇ж̇ад̇ий’’д̇и ид̣̇ам̣ гасмаа вуд̇д̇анд̇и ааха ‘‘ан̃н̃ад̇ра ад̇химаанаа ан̃н̃ад̇ра субинанд̇аа’’д̇иаад̣̇и. ‘‘ан̃н̃ад̇ра ад̇химаанаа’’д̇и имиссаа анубан̃н̃ад̇д̇ияаа ‘‘вийд̇иггамаабхааваа’’д̇и гааран̣ам̣ вуд̇д̇ам̣, ‘‘ан̃н̃ад̇ра субинанд̇аа’’д̇и имиссаа ‘‘аб̣б̣охааригад̇д̇аа’’д̇и гааран̣ам̣ вуд̇д̇ам̣. д̇ад̇т̇а вийд̇иггамаабхааваад̇и баабижчо ижчаабагад̇од̇иаад̣̇ивийд̇иггамаабхааваа. уд̇д̇аримануссад̇хаммз хи ‘‘баабижчо ижчаабагад̇о уд̇д̇аримануссад̇хаммам̣ уллабад̇ий’’д̇и (махаава. 129) важанад̇о висам̣ваад̣̇анаад̇хиббааязна мусаа бхан̣анд̇о баарааж̇иго ход̇и. аяам̣ бана ад̇химаанзна ад̇хиг̇ад̇асан̃н̃ий худ̇ваа уллабад̇и, на сигкаабад̣̇ам̣ вийд̇иггамид̇угаамо, д̇асмаа ‘‘ан̃н̃ад̇ра ад̇химаанаа’’д̇и аяам̣ анубан̃н̃ад̇д̇и уббаж̇ж̇амаанаа вийд̇иггамаабхааваа анаабад̇д̇игараа ж̇аад̇аа. аб̣б̣охааригад̇д̇аад̇и субинанд̇з виж̇ж̇амаанааяаби жзд̇анааяа вийд̇иггамижчааяа жа аб̣б̣охааригад̇д̇аа. гин̃жааби хи субинанд̇з можанассаад̣̇ажзд̇анаа сам̣виж̇ж̇ад̇и, гад̣̇аажи убаггаманамби ход̇и, д̇ат̇ааби т̇инамид̣̇д̇хзна абхибхууд̇ад̇д̇аа д̇ам̣ жид̇д̇ам̣ аб̣б̣охааригам̣, жид̇д̇асса аб̣б̣охааригад̇д̇аа убаггамагирияаасам̣вад̇д̇анигааби жзд̇анаа аб̣б̣охааригаа. д̇знзва ‘‘ад̇т̇зсаа бхигкавз жзд̇анаа, саа жа ко аб̣б̣охааригаа’’д̇и (баараа. 235) бхаг̇авад̇аа вуд̇д̇аа, д̇асмаа ‘‘ан̃н̃ад̇ра субинанд̇аа’’д̇и аяам̣ анубан̃н̃ад̇д̇и аб̣б̣охааригад̇д̇аа анаабад̇д̇игараа ж̇аад̇аа.
Rundhantīti vītikkamaṃ rundhantī. Dvāraṃ pidahantīti vītikkamalesassa dvāraṃ pidahantī. Sotaṃ pacchindamānāti uparūpari vītikkamasotaṃ pacchindamānā. Atha vā rundhantīti anāpattilesaṃ rundhantī. Dvāraṃ pidahantīti anāpattilesassa dvāraṃ pidahantī. Sotaṃ pacchindamānāti anāpattisotaṃ pacchindamānā, āpattimeva kurumānāti vuttaṃ hoti. Nanu ca lokavajje kāci anupaññatti uppajjamānā sithilaṃ karontī uppajjati, tasmā ‘‘lokavajje anupaññatti uppajjamānā…pe… gāḷhataraṃ karontī uppajjatī’’ti idaṃ kasmā vuttanti āha ‘‘aññatra adhimānā aññatra supinantā’’tiādi. ‘‘Aññatra adhimānā’’ti imissā anupaññattiyā ‘‘vītikkamābhāvā’’ti kāraṇaṃ vuttaṃ, ‘‘aññatra supinantā’’ti imissā ‘‘abbohārikattā’’ti kāraṇaṃ vuttaṃ. Tattha vītikkamābhāvāti pāpiccho icchāpakatotiādivītikkamābhāvā. Uttarimanussadhamme hi ‘‘pāpiccho icchāpakato uttarimanussadhammaṃ ullapatī’’ti (mahāva. 129) vacanato visaṃvādanādhippāyena musā bhaṇanto pārājiko hoti. Ayaṃ pana adhimānena adhigatasaññī hutvā ullapati, na sikkhāpadaṃ vītikkamitukāmo, tasmā ‘‘aññatra adhimānā’’ti ayaṃ anupaññatti uppajjamānā vītikkamābhāvā anāpattikarā jātā. Abbohārikattāti supinante vijjamānāyapi cetanāya vītikkamicchāya ca abbohārikattā. Kiñcāpi hi supinante mocanassādacetanā saṃvijjati, kadāci upakkamanampi hoti, tathāpi thinamiddhena abhibhūtattā taṃ cittaṃ abbohārikaṃ, cittassa abbohārikattā upakkamakiriyāsaṃvattanikāpi cetanā abbohārikā. Teneva ‘‘atthesā bhikkhave cetanā, sā ca kho abbohārikā’’ti (pārā. 235) bhagavatā vuttā, tasmā ‘‘aññatra supinantā’’ti ayaṃ anupaññatti abbohārikattā anāpattikarā jātā.
агад̇з вийд̇иггамзд̇и ‘‘гуггужжааяанд̇аа на бхун̃ж̇им̣суу’’д̇иаад̣̇ийсу вияа вийд̇иггамз агад̇з. сит̇илам̣ гаронд̇ийд̇и батамам̣ сааман̃н̃ад̇о б̣ад̣̇д̇хасигкаабад̣̇ам̣ можзд̇ваа ад̇д̇ано ад̇д̇ано висаяз анаабад̇д̇игаран̣авасзна сит̇илам̣ гаронд̇ий. д̣̇ваарам̣ д̣̇ад̣̇амаанаад̇и анаабад̇д̇ияаа д̣̇ваарам̣ д̣̇ад̣̇амаанаа. д̇знзвааха ‘‘абараабарамби анаабад̇д̇им̣ гурумаанаа’’д̇и. нану жа сан̃жарид̇д̇асигкаабад̣̇з ‘‘анд̇амасо д̇ан̇кан̣игааяабий’’д̇и анубан̃н̃ад̇д̇и уббаж̇ж̇амаанаа аабад̇д̇имзва гаронд̇ий уббаннаа, ат̇а гасмаа ‘‘анаабад̇д̇им̣ гурумаанаа уббаж̇ж̇ад̇ий’’д̇и вуд̇д̇анд̇и ааха ‘‘анд̇амасо д̇ан̇кан̣игааяабий’’д̇иаад̣̇и. уд̣̇ааяинаа бхигкунаа д̇ан̇кан̣игааяа сан̃жарид̇д̇ам̣ аабаннавад̇т̇усмим̣ бан̃н̃ад̇д̇ад̇д̇аа ‘‘гад̇з вийд̇иггамз’’д̇и вуд̇д̇ам̣. бан̃н̃ад̇д̇иг̇ад̇игаава ход̇ийд̇и муулабан̃н̃ад̇д̇ияам̣язва анд̇ог̇ад̇хаа ход̇и.
Akate vītikkameti ‘‘kukkuccāyantā na bhuñjiṃsū’’tiādīsu viya vītikkame akate. Sithilaṃ karontīti paṭhamaṃ sāmaññato baddhasikkhāpadaṃ mocetvā attano attano visaye anāpattikaraṇavasena sithilaṃ karontī. Dvāraṃ dadamānāti anāpattiyā dvāraṃ dadamānā. Tenevāha ‘‘aparāparampi anāpattiṃ kurumānā’’ti. Nanu ca sañcarittasikkhāpade ‘‘antamaso taṅkhaṇikāyapī’’ti anupaññatti uppajjamānā āpattimeva karontī uppannā, atha kasmā ‘‘anāpattiṃ kurumānā uppajjatī’’ti vuttanti āha ‘‘antamaso taṅkhaṇikāyapī’’tiādi. Udāyinā bhikkhunā taṅkhaṇikāya sañcarittaṃ āpannavatthusmiṃ paññattattā ‘‘kate vītikkame’’ti vuttaṃ. Paññattigatikāva hotīti mūlapaññattiyaṃyeva antogadhā hoti.
маггадивад̇т̇угат̇ааван̣н̣анаа нидтид̇аа.
Makkaṭivatthukathāvaṇṇanā niṭṭhitā.
сант̇ад̇абхаан̣авааро
Santhatabhāṇavāro
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махаавибхан̇г̇а • Mahāvibhaṅga / 1. батамабаарааж̇игам̣ • 1. Paṭhamapārājikaṃ
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махаавибхан̇г̇а-адтагат̇аа • Mahāvibhaṅga-aṭṭhakathā / 1. батамабаарааж̇игам̣ • 1. Paṭhamapārājikaṃ
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / маггадийвад̇т̇угат̇ааван̣н̣анаа • Makkaṭīvatthukathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / маггадийвад̇т̇угат̇ааван̣н̣анаа • Makkaṭīvatthukathāvaṇṇanā
