| Library / Tipiṭaka / д̇ибидага • Tipiṭaka / важ̇ираб̣уд̣̇д̇хи-дийгаа • Vajirabuddhi-ṭīkā |
маггадийвад̇т̇угат̇ааван̣н̣анаа
Makkaṭīvatthukathāvaṇṇanā
40-1. д̣̇уд̇ияабан̃н̃ад̇д̇ияам̣ ‘‘ид̇ха маллаа яуж̇жханд̇ий’’д̇иаад̣̇ийсу вияа бадисзвад̇ийд̇и вад̇д̇амаанаважанам̣ бажурабадисзванавасзна вуд̇д̇ам̣, ‘‘д̇ан̃жа ко мануссид̇т̇ияаа, но д̇иражчаанаг̇ад̇ааяаа’’д̇и барибун̣н̣ад̇т̇амби батамам̣ бан̃н̃ад̇д̇им̣ ад̇д̇ано мижчааг̇аахзна ваа лзсаод̣д̣анад̇т̇ааяа ваа звамааха. барибун̣н̣ад̇т̇ад̇ам̣язва нияамзд̇ум̣ ‘‘нану аавусо д̇ат̇зва д̇ам̣ ход̇ий’’д̇и вуд̇д̇ам̣, д̇знзва маггадийвад̇т̇у винийд̇авад̇т̇уусу багкид̇д̇ам̣ ависзсад̇д̇аа, д̇ат̇аа важ̇ж̇ибуд̇д̇агавад̇т̇у. вижааран̣аа банзд̇т̇а д̇ад̇ияабан̃н̃ад̇д̇ияам̣ аави бхависсад̇и. ‘‘нану, аавусо, бхаг̇авад̇аа анзгабарияааязнаа’’д̇иаад̣̇и на гзвалам̣ сауд̣̇д̣̇зсасигкаабад̣̇знзва сид̣̇д̇хам̣, ‘‘д̇иражчаанаг̇ад̇аад̣̇ийсуби баарааж̇ига’’нд̇и ануд̣̇д̣̇зсасигкаабад̣̇знаби сид̣̇д̇ханд̇и д̣̇ассанад̇т̇ам̣ вуд̇д̇ам̣. ат̇а ваа яад̣̇и сауд̣̇д̣̇зсасигкаабад̣̇ам̣ саавасзсанд̇и бан̃н̃абзси, иминаа ануд̣̇д̣̇зсасигкаабад̣̇знааби гим̣ на сид̣̇д̇ханд̇и д̣̇ассанад̇т̇ам̣ вуд̇д̇ам̣. ‘‘д̇зна хи, бхигкавз, бхигкуунам̣ сигкаабад̣̇ам̣ бан̃н̃абзссаамий’’д̇и д̇ад̣̇зва сигкаабад̣̇ам̣ батамабан̃н̃ад̇д̇амзва лзсад̇т̇игаанам̣ алзсогаасам̣ гад̇ваа аамзд̣ид̇ад̇т̇ам̣ гад̇ваа бан̃н̃абзссаамийд̇и ад̇т̇о. ан̃н̃ат̇аа ‘‘ан̃н̃аваад̣̇агз вихзсагз баажид̇д̇ияа’’нд̇иаад̣̇ийсу (баажи. 101) вияа вад̇т̇уд̣̇ваязна аабад̇д̇ид̣̇ваяам̣ аабаж̇ж̇ад̇и, на жаабаж̇ж̇ад̇и, со звад̇т̇о ан̃н̃знааби важанзна суббагаасид̇о, субариб̣яад̇д̇агаран̣ад̇т̇зна д̣̇ал̣хад̇аро гад̇од̇и ад̇хиббааяо. д̇ад̇ияабан̃н̃ад̇д̇ияамби ан̃н̃зсу жа звам̣ висуд̣̇д̇хо.
40-1. Dutiyapaññattiyaṃ ‘‘idha mallā yujjhantī’’tiādīsu viya paṭisevatīti vattamānavacanaṃ pacurapaṭisevanavasena vuttaṃ, ‘‘tañca kho manussitthiyā, no tiracchānagatāyā’’ti paripuṇṇatthampi paṭhamaṃ paññattiṃ attano micchāgāhena vā lesaoḍḍanatthāya vā evamāha. Paripuṇṇatthataṃyeva niyametuṃ ‘‘nanu āvuso tatheva taṃ hotī’’ti vuttaṃ, teneva makkaṭīvatthu vinītavatthūsu pakkhittaṃ avisesattā, tathā vajjiputtakavatthu. Vicāraṇā panettha tatiyapaññattiyaṃ āvi bhavissati. ‘‘Nanu, āvuso, bhagavatā anekapariyāyenā’’tiādi na kevalaṃ sauddesasikkhāpadeneva siddhaṃ, ‘‘tiracchānagatādīsupi pārājika’’nti anuddesasikkhāpadenapi siddhanti dassanatthaṃ vuttaṃ. Atha vā yadi sauddesasikkhāpadaṃ sāvasesanti paññapesi, iminā anuddesasikkhāpadenāpi kiṃ na siddhanti dassanatthaṃ vuttaṃ. ‘‘Tena hi, bhikkhave, bhikkhūnaṃ sikkhāpadaṃ paññapessāmī’’ti tadeva sikkhāpadaṃ paṭhamapaññattameva lesatthikānaṃ alesokāsaṃ katvā āmeḍitatthaṃ katvā paññapessāmīti attho. Aññathā ‘‘aññavādake vihesake pācittiya’’ntiādīsu (pāci. 101) viya vatthudvayena āpattidvayaṃ āpajjati, na cāpajjati, so evattho aññenāpi vacanena suppakāsito, suparibyattakaraṇatthena daḷhataro katoti adhippāyo. Tatiyapaññattiyampi aññesu ca evaṃ visuddho.
яасса сажид̇д̇агабагкзд̇иаад̣̇имхи бана г̇ан̣тибад̣̇анаяо д̇аава батамам̣ вужжад̇и, сажид̇д̇агабагкзд̇и сураабаанаад̣̇иажид̇д̇агз санд̇хааяа вуд̇д̇ам̣. сажид̇д̇агзсу бана яам̣ зганд̇амагусалзнзва самудтаабид̇ан̃жа. убхаяам̣ логаваж̇ж̇ам̣ наама. сураабаанасмин̃хи ‘‘сураа’’д̇и ваа ‘‘баад̇ум̣ на ваддад̇ий’’д̇и ваа ж̇аанид̇ваа биванз агусаламзва, д̇ат̇аа бхигкунийнам̣ г̇анд̇хаван̣н̣агад̇т̇ааяа лзбанз, бхзсаж̇ж̇ад̇т̇ааяа лзбанз ад̣̇осад̇д̇аа ‘‘авижааран̣ийяа’’нд̇и зд̇д̇агам̣ вуд̇д̇ам̣. д̇ад̇т̇а на ваддад̇ийд̇и ‘‘ж̇аанид̇ваа’’д̇и вуд̇д̇аважанам̣ на яуж̇ж̇ад̇и бан̣н̣ад̇д̇иваж̇ж̇ассааби логаваж̇ж̇абхааваббасан̇г̇ад̇о. имам̣ анидтаббасан̇г̇ам̣ барихарид̇угаамад̇ааяа важ̇ираб̣уд̣̇д̇хид̇т̇зрасса г̇ан̣тибад̣̇з вуд̇д̇ам̣ ‘‘ид̇ха сажид̇д̇аганд̇и жа ажид̇д̇аганд̇и жа вижааран̣аа вад̇т̇увиж̇аананзязва ход̇и, на бан̃н̃ад̇д̇ивиж̇аананз. яад̣̇и бан̃н̃ад̇д̇ивиж̇аананз ход̇и, саб̣б̣асигкаабад̣̇аани логаваж̇ж̇аанзва сияум̣, на жа саб̣б̣асигкаабад̣̇аани логаваж̇ж̇аани , д̇асмаа вад̇т̇увиж̇аананзязва ход̇ий’’д̇и, ид̣̇ам̣ яуж̇ж̇ад̇и. гасмаа? яасмаа сзкиязсу бан̃н̃ад̇д̇иж̇аананамзва бамаан̣ам̣, на вад̇т̇умад̇д̇аж̇аанананд̇и, яам̣ бана д̇ад̇т̇зва вуд̇д̇ам̣ ‘‘басуд̇д̇асса мукз гожи сурам̣ багкибзяяа, анд̇о жз бависзяяа, аабад̇д̇и, д̇ад̇т̇а яат̇аа бхигкунияаа ад̇хагкагам̣ уб̣бхаж̇аан̣уман̣д̣алам̣ барасса аамасанаад̣̇игаалз гааяам̣ ажаалзд̇ваа жид̇д̇знзва саад̣̇ияанд̇ияаа аабад̇д̇и ‘гирияаава ход̇ий’д̇и вуд̇д̇аа язбхуяязна гирияасамбхавад̇о, д̇ат̇аа аяамби д̇ад̣̇аа гирияаава ход̇ий’’д̇и, д̇ам̣ сувижаарид̇ам̣ анзганд̇аагусалабхаавасаад̇ханад̇о. сураабаанаабад̇д̇ияаа зганд̇аагусалад̇аа бана маж̇ж̇асан̃н̃иноби сагим̣ баяог̇зна бивад̇о ход̇ийд̇и гад̇ваа вуд̇д̇аа.
Yassa sacittakapakkhetiādimhi pana gaṇṭhipadanayo tāva paṭhamaṃ vuccati, sacittakapakkheti surāpānādiacittake sandhāya vuttaṃ. Sacittakesu pana yaṃ ekantamakusaleneva samuṭṭhāpitañca. Ubhayaṃ lokavajjaṃ nāma. Surāpānasmiñhi ‘‘surā’’ti vā ‘‘pātuṃ na vaṭṭatī’’ti vā jānitvā pivane akusalameva, tathā bhikkhunīnaṃ gandhavaṇṇakatthāya lepane, bhesajjatthāya lepane adosattā ‘‘avicāraṇīya’’nti ettakaṃ vuttaṃ. Tattha na vaṭṭatīti ‘‘jānitvā’’ti vuttavacanaṃ na yujjati paṇṇattivajjassāpi lokavajjabhāvappasaṅgato. Imaṃ aniṭṭhappasaṅgaṃ pariharitukāmatāya vajirabuddhittherassa gaṇṭhipade vuttaṃ ‘‘idha sacittakanti ca acittakanti ca vicāraṇā vatthuvijānaneyeva hoti, na paññattivijānane. Yadi paññattivijānane hoti, sabbasikkhāpadāni lokavajjāneva siyuṃ, na ca sabbasikkhāpadāni lokavajjāni , tasmā vatthuvijānaneyeva hotī’’ti, idaṃ yujjati. Kasmā? Yasmā sekhiyesu paññattijānanameva pamāṇaṃ, na vatthumattajānananti, yaṃ pana tattheva vuttaṃ ‘‘pasuttassa mukhe koci suraṃ pakkhipeyya, anto ce paviseyya, āpatti, tattha yathā bhikkhuniyā adhakkhakaṃ ubbhajāṇumaṇḍalaṃ parassa āmasanādikāle kāyaṃ acāletvā citteneva sādiyantiyā āpatti ‘kiriyāva hotī’ti vuttā yebhuyyena kiriyasambhavato, tathā ayampi tadā kiriyāva hotī’’ti, taṃ suvicāritaṃ anekantākusalabhāvasādhanato. Surāpānāpattiyā ekantākusalatā pana majjasaññinopi sakiṃ payogena pivato hotīti katvā vuttā.
аяам̣ банзд̇т̇а ад̇т̇о – сигкаабад̣̇асийсзна аабад̇д̇им̣ г̇ахзд̇ваа яасса сигкаабад̣̇асса сажид̇д̇агасса жид̇д̇ам̣ агусаламзва ход̇и, д̇ам̣ логаваж̇ж̇ам̣. сажид̇д̇агаажид̇д̇агасан̇каад̇асса ажид̇д̇агасса жа сажид̇д̇агабагкз жид̇д̇ам̣ агусаламзва ход̇и, д̇амби сураабаанаад̣̇и логаваж̇ж̇анд̇и имамад̇т̇ам̣ самбин̣д̣зд̇ваа ‘‘яасса сажид̇д̇агабагкз жид̇д̇ам̣ агусаламзва ход̇и, д̇ам̣ логаваж̇ж̇а’’нд̇и вуд̇д̇ам̣. сажид̇д̇агабагкзд̇и хи ид̣̇ам̣ важанам̣ ажид̇д̇агам̣ санд̇хааяааха. на хи згам̣сад̇о сажид̇д̇агасса сажид̇д̇агабагкзд̇и висзсанз баяож̇анам̣ ад̇т̇и. яасмаа банзд̇т̇а бан̣н̣ад̇д̇иваж̇ж̇асса бан̃н̃ад̇д̇иж̇аананажид̇д̇зна сажид̇д̇агабагкз жид̇д̇ам̣ агусаламзва, вад̇т̇уж̇аананажид̇д̇зна сажид̇д̇агабагкз жид̇д̇ам̣ сияаа гусалам̣ сияаа агусалам̣ сияаа аб̣яаагад̇ам̣, д̇асмаа ‘‘д̇асса сажид̇д̇агабагкз жид̇д̇ам̣ агусаламзваа’’д̇и на вужжад̇ийд̇и ‘‘сзсам̣ бан̣н̣ад̇д̇иваж̇ж̇а’’нд̇и вуд̇д̇ам̣. ад̇химаанз вийд̇иггамаабхааваа, субинанд̇з аб̣б̣охааригад̇д̇аа субинанд̇з виж̇ж̇амаанааби вийд̇иггамачааяаа аб̣б̣охааригабхаавзнаад̇и вуд̇д̇ам̣ ход̇и. ид̣̇ам̣ бана важанам̣ д̣̇ал̣хийгаммасит̇илагаран̣аббаяож̇анад̇д̇аа жа вуд̇д̇ам̣, д̇зна яам̣ вуд̇д̇ам̣ б̣аахиранид̣̇аанагат̇аад̇хигаарз ‘‘д̣̇ал̣хийгаммасит̇илагаран̣аббаяож̇анаад̇и язбхуяяад̇ааяа вуд̇д̇а’’нд̇иаад̣̇и, д̇ам̣ сувуд̇д̇амзваад̇и взд̣̇ид̇аб̣б̣ам̣.
Ayaṃ panettha attho – sikkhāpadasīsena āpattiṃ gahetvā yassa sikkhāpadassa sacittakassa cittaṃ akusalameva hoti, taṃ lokavajjaṃ. Sacittakācittakasaṅkhātassa acittakassa ca sacittakapakkhe cittaṃ akusalameva hoti, tampi surāpānādi lokavajjanti imamatthaṃ sampiṇḍetvā ‘‘yassa sacittakapakkhe cittaṃ akusalameva hoti, taṃ lokavajja’’nti vuttaṃ. Sacittakapakkheti hi idaṃ vacanaṃ acittakaṃ sandhāyāha. Na hi ekaṃsato sacittakassa sacittakapakkheti visesane payojanaṃ atthi. Yasmā panettha paṇṇattivajjassa paññattijānanacittena sacittakapakkhe cittaṃ akusalameva, vatthujānanacittena sacittakapakkhe cittaṃ siyā kusalaṃ siyā akusalaṃ siyā abyākataṃ, tasmā ‘‘tassa sacittakapakkhe cittaṃ akusalamevā’’ti na vuccatīti ‘‘sesaṃ paṇṇattivajja’’nti vuttaṃ. Adhimāne vītikkamābhāvā, supinante abbohārikattā supinante vijjamānāpi vītikkamachāyā abbohārikabhāvenāti vuttaṃ hoti. Idaṃ pana vacanaṃ daḷhīkammasithilakaraṇappayojanattā ca vuttaṃ, tena yaṃ vuttaṃ bāhiranidānakathādhikāre ‘‘daḷhīkammasithilakaraṇappayojanāti yebhuyyatāya vutta’’ntiādi, taṃ suvuttamevāti veditabbaṃ.
маггадийвад̇т̇угат̇ааван̣н̣анаа нидтид̇аа.
Makkaṭīvatthukathāvaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махаавибхан̇г̇а • Mahāvibhaṅga / 1. батамабаарааж̇игам̣ • 1. Paṭhamapārājikaṃ
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махаавибхан̇г̇а-адтагат̇аа • Mahāvibhaṅga-aṭṭhakathā / 1. батамабаарааж̇игам̣ • 1. Paṭhamapārājikaṃ
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / маггадивад̇т̇угат̇ааван̣н̣анаа • Makkaṭivatthukathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / маггадийвад̇т̇угат̇ааван̣н̣анаа • Makkaṭīvatthukathāvaṇṇanā
