| Library / Tipiṭaka / д̇ибидага • Tipiṭaka / вимад̇ивинод̣̇аний-дийгаа • Vimativinodanī-ṭīkā |
маггадийвад̇т̇угат̇ааван̣н̣анаа
Makkaṭīvatthukathāvaṇṇanā
40. бажурад̇т̇з хи вад̇д̇амаанаважананд̇и згад̣̇аа бадисзвид̇ваа бажчаа анорамид̇ваа д̣̇ивасз д̣̇ивасз сзванижчааяа вад̇д̇амаанад̇д̇аа сзванааяа абхаавагкан̣зби иха маллаа яуж̇жханд̇ийд̇иаад̣̇ийсу вияа аб̣б̣ожчиннад̇ам̣ б̣аахуллавуд̇д̇ид̇ан̃жа убаад̣̇ааяа бадисзвад̇ийд̇и вад̇д̇амаанаважанам̣ гад̇анд̇и ад̇т̇о. аахин̣д̣анд̇аад̇и вижаранд̇аа.
40.Pacuratthe hi vattamānavacananti ekadā paṭisevitvā pacchā anoramitvā divase divase sevanicchāya vattamānattā sevanāya abhāvakkhaṇepi iha mallā yujjhantītiādīsu viya abbocchinnataṃ bāhullavuttitañca upādāya paṭisevatīti vattamānavacanaṃ katanti attho. Āhiṇḍantāti vicarantā.
41. саход̣дхаг̇г̇ахид̇од̇и сабхан̣д̣аг̇г̇ахид̇о, аяамзва ваа баато. д̇ам̣ сигкаабад̣̇ам̣ д̇ат̇зва ход̇ийд̇и мануссаамануссаад̣̇ибуг̇г̇алависзсам̣ гин̃жи анубаад̣̇ияид̇ваа сааман̃н̃ад̇о ‘‘яо бана бхигку мзт̇унам̣ д̇хаммам̣ бадисзвзяяаа’’д̇и (баараа. 39) вуд̇д̇ад̇д̇аа мануссаамануссад̇иражчаанаг̇ад̇аанам̣ ид̇т̇ибурисабан̣д̣агаубхад̇об̣яан̃ж̇анаанам̣ д̇им̣савид̇хзби маг̇г̇з мзт̇унам̣ сзванд̇асса д̇ам̣ сигкаабад̣̇ам̣ муулажчзж̇ж̇агарам̣ ход̇и зваад̇и ад̇хиббааяо. зд̇зна яам̣ анубан̃н̃ад̇д̇имуулабан̃н̃ад̇д̇ияаа зва ад̇хиббааяаббагаасанавасзна суб̣од̇хад̇т̇ааяа вад̇т̇увасзна бавад̇д̇аанам̣ висзсад̇т̇аж̇од̇агавасзнаад̇и д̣̇ассид̇ам̣ ход̇и. аамасанам̣ аамадтамад̇д̇ам̣. д̇ад̇о д̣̇ал̣хад̇арам̣ пусанам̣. гхадданам̣ бана д̇ад̇о д̣̇ал̣хад̇арам̣ гад̇ваа сарийрзна сарийрасса сан̇гхадданам̣. д̇ам̣ саб̣б̣амбийд̇и анурааг̇зна бавад̇д̇ид̇ам̣ д̣̇ассанаад̣̇исаб̣б̣амби.
41.Sahoḍḍhaggahitoti sabhaṇḍaggahito, ayameva vā pāṭho. Taṃ sikkhāpadaṃ tatheva hotīti manussāmanussādipuggalavisesaṃ kiñci anupādiyitvā sāmaññato ‘‘yo pana bhikkhu methunaṃ dhammaṃ paṭiseveyyā’’ti (pārā. 39) vuttattā manussāmanussatiracchānagatānaṃ itthipurisapaṇḍakaubhatobyañjanānaṃ tiṃsavidhepi magge methunaṃ sevantassa taṃ sikkhāpadaṃ mūlacchejjakaraṃ hoti evāti adhippāyo. Etena yaṃ anupaññattimūlapaññattiyā eva adhippāyappakāsanavasena subodhatthāya vatthuvasena pavattānaṃ visesatthajotakavasenāti dassitaṃ hoti. Āmasanaṃ āmaṭṭhamattaṃ. Tato daḷhataraṃ phusanaṃ. Ghaṭṭanaṃ pana tato daḷhataraṃ katvā sarīrena sarīrassa saṅghaṭṭanaṃ. Taṃ sabbampīti anurāgena pavattitaṃ dassanādisabbampi.
42. баан̣аад̇ибаад̇аад̣̇исажид̇д̇агасигкаабад̣̇аанам̣ сураабаанаад̣̇иажид̇д̇агасигкаабад̣̇аанан̃жа (баажи. 326 аад̣̇аяо) згзнзва лагкан̣аважанзна логаваж̇ж̇ад̇ам̣ д̣̇ассзд̇ум̣ ‘‘яасса сажид̇д̇агабагкз жид̇д̇ам̣ агусаламзва ход̇и, д̇ам̣ логаваж̇ж̇ам̣ наамаа’’д̇и вуд̇д̇ам̣. д̇ад̇т̇а сажид̇д̇агабагкзд̇и ид̣̇ам̣ гин̃жааби ажид̇д̇агасигкаабад̣̇ам̣ санд̇хааязва вад̇д̇ум̣ яуд̇д̇ам̣ д̇ассзва сажид̇д̇агабагкасамбхавад̇о, д̇ат̇ааби сажид̇д̇агасигкаабад̣̇аанамби асан̃жижжа жан̇гаманаад̣̇ийсу логз баан̣агхаад̇авохаарасамбхавзна ажид̇д̇агабагкам̣ баригаббзд̇ваа убхиннамби сажид̇д̇агаажид̇д̇агасигкаабад̣̇аанам̣ саад̇хааран̣авасзна ‘‘сажид̇д̇агабагкз’’д̇и вуд̇д̇ам̣. ид̇арат̇аа сажид̇д̇агасигкаабад̣̇аанам̣ имасмим̣ ваагяз логаваж̇ж̇ад̇аалагкан̣ам̣ на вуд̇д̇ам̣ сияаа. ‘‘сажид̇д̇агабагкз жид̇д̇ам̣ агусаламзваа’’д̇и вуд̇д̇з бана сажид̇д̇агасигкаабад̣̇аанам̣ жид̇д̇ам̣ агусаламзва, ид̇арзсам̣ сажид̇д̇агабагкзязва агусаланияамо, на ажид̇д̇агабагкз. д̇ад̇т̇а бана яат̇аасамбхавам̣ гусалам̣ ваа сияаа, агусалам̣ ваа, аб̣яаагад̇ам̣ ваад̇и аяамад̇т̇о саамад̇т̇ияад̇о сиж̇жхад̇ийд̇и взд̣̇ид̇аб̣б̣ам̣. сажид̇д̇агабагкзд̇и вад̇т̇увийд̇иггамавиж̇аананажид̇д̇зна сажид̇д̇агабагкзд̇и г̇ахзд̇аб̣б̣ам̣, на бан̣н̣ад̇д̇ивиж̇аананажид̇д̇зна д̇ат̇аа сад̇и саб̣б̣асигкаабад̣̇аанамби логаваж̇ж̇ад̇аабасан̇г̇ад̇о. ‘‘бадигкид̇д̇амид̣̇ам̣ гаад̇ум̣ на ваддад̇ий’’д̇и ж̇аананд̇асса хи бан̣н̣ад̇д̇иваж̇ж̇зби анаад̣̇арияавасзна бадигхажид̇д̇амзва уббаж̇ж̇ад̇и, д̇асмаа ид̣̇ам̣ ваагяам̣ нирад̇т̇агамзва сияаа саб̣б̣асигкаабад̣̇ааниби логаваж̇ж̇аанийд̇и зд̇д̇агамад̇д̇ассзва вад̇д̇аб̣б̣ад̇аабасан̇г̇ад̇о.
42.Pāṇātipātādisacittakasikkhāpadānaṃ surāpānādiacittakasikkhāpadānañca (pāci. 326 ādayo) ekeneva lakkhaṇavacanena lokavajjataṃ dassetuṃ ‘‘yassa sacittakapakkhe cittaṃ akusalameva hoti, taṃ lokavajjaṃ nāmā’’ti vuttaṃ. Tattha sacittakapakkheti idaṃ kiñcāpi acittakasikkhāpadaṃ sandhāyeva vattuṃ yuttaṃ tasseva sacittakapakkhasambhavato, tathāpi sacittakasikkhāpadānampi asañcicca caṅkamanādīsu loke pāṇaghātavohārasambhavena acittakapakkhaṃ parikappetvā ubhinnampi sacittakācittakasikkhāpadānaṃ sādhāraṇavasena ‘‘sacittakapakkhe’’ti vuttaṃ. Itarathā sacittakasikkhāpadānaṃ imasmiṃ vākye lokavajjatālakkhaṇaṃ na vuttaṃ siyā. ‘‘Sacittakapakkhe cittaṃ akusalamevā’’ti vutte pana sacittakasikkhāpadānaṃ cittaṃ akusalameva, itaresaṃ sacittakapakkheyeva akusalaniyamo, na acittakapakkhe. Tattha pana yathāsambhavaṃ kusalaṃ vā siyā, akusalaṃ vā, abyākataṃ vāti ayamattho sāmatthiyato sijjhatīti veditabbaṃ. Sacittakapakkheti vatthuvītikkamavijānanacittena sacittakapakkheti gahetabbaṃ, na paṇṇattivijānanacittena tathā sati sabbasikkhāpadānampi lokavajjatāpasaṅgato. ‘‘Paṭikkhittamidaṃ kātuṃ na vaṭṭatī’’ti jānantassa hi paṇṇattivajjepi anādariyavasena paṭighacittameva uppajjati, tasmā idaṃ vākyaṃ niratthakameva siyā sabbasikkhāpadānipi lokavajjānīti ettakamattasseva vattabbatāpasaṅgato.
зд̇т̇а жа сажид̇д̇агабагкзязва жид̇д̇ам̣ агусаланд̇и нияамасса агад̇ад̇д̇аа сураабаанаад̣̇ийсу ажид̇д̇агабагкз жид̇д̇ам̣ агусалам̣ на ход̇зваад̇и на саггаа нияамзд̇ум̣, гзвалам̣ бана сажид̇д̇агабагкз жид̇д̇ам̣ агусаламзва, на гусалаад̣̇ийд̇и звамзд̇т̇а нияамо сиж̇жхад̇и, зван̃жа сураад̇и аж̇аанид̇ваа биванд̇аанамби агусалажид̇д̇знзва баанам̣ г̇анд̇хаван̣н̣агаад̣̇ибхаавам̣ аж̇аанид̇ваа лимбанд̇ийнам̣ бхигкунийнам̣ винааби агусалажид̇д̇зна лимбанан̃жа, убхаяад̇т̇ааби аабад̇д̇исамбхаво жа самад̇т̇ид̇о ход̇и. яам̣ бана саарад̇т̇ад̣̇ийбанияам̣ (саарад̇т̇а. дий. баарааж̇игаган̣д̣а 2.42) ‘‘сажид̇д̇агабагкз жид̇д̇ам̣ агусаламзваад̇и важанад̇о ажид̇д̇агасса вад̇т̇уаж̇аананавасзна ажид̇д̇агабагкз жид̇д̇ам̣ агусаламзваад̇и аяам̣ нияамо над̇т̇ийд̇и вин̃н̃ааяад̇ий’’д̇и вуд̇д̇ам̣, д̇ам̣ на яуд̇д̇ам̣ . ажид̇д̇агзсу хи д̇зрасасу логаваж̇ж̇зсу сураабаанассзва ажид̇д̇агабагкзби агусалажид̇д̇анияамо, на ид̇арзсам̣ д̣̇ваад̣̇асаннам̣ агусалаад̣̇ижид̇д̇знааби аабаж̇ж̇ид̇аб̣б̣ад̇о. яам̣ бана звам̣ гзнажи анижчамаанам̣ сад̣̇д̣̇ад̇оби абад̇ийяамаанамимам̣ нияамам̣ бараад̇хиббааяам̣ гад̇ваа д̣̇ассзд̇ум̣ ‘‘яад̣̇и хи ажид̇д̇агасса ажид̇д̇агабагкзби жид̇д̇ам̣ агусаламзва сияаа, сажид̇д̇агабагкзд̇и ид̣̇ам̣ висзсанам̣ нирад̇т̇агам̣ сияаа’’д̇иаад̣̇и вуд̇д̇ам̣, д̇ам̣ нирад̇т̇агамзва звам̣ нияамасса гзнажи анад̇хиббзд̇ад̇д̇аа. на хи гожи сад̣̇д̣̇асад̇т̇авид̣̇уу нияамам̣ ижчад̇и, язна сажид̇д̇агабагкзд̇и ид̣̇ам̣ висзсанам̣ нирад̇т̇агам̣ сияаад̇иаад̣̇и вуд̇д̇ам̣ бхавзяяа, гинд̇у сажид̇д̇агабагкз жид̇д̇ам̣ агусаламзва, ажид̇д̇агабагкз бана жид̇д̇ам̣ анияад̇ам̣ агусаламзва ваа сияаа, гусалаад̣̇ийсу ваа ан̃н̃ад̇аранд̇и звамзва ижчад̇и. д̇зна сажид̇д̇агабагкзд̇и висзсанамби саад̇т̇агам̣ сияаа. ажид̇д̇агасигкаабад̣̇аанам̣ сажид̇д̇агабагкзсу агусаланияамзна логаваж̇ж̇ад̇аа жа сиж̇жхад̇и. д̇зсу жа сураабаанассзва ажид̇д̇агабагкзби логаваж̇ж̇ад̇аа агусалажид̇д̇ад̇аа жа, ид̇арзсам̣ бана сажид̇д̇агабагкз зваад̇и ваад̣̇оби на вируж̇жхад̇ийд̇и на гин̃жзд̇т̇а анубабаннам̣ наама.
Ettha ca sacittakapakkheyeva cittaṃ akusalanti niyamassa akatattā surāpānādīsu acittakapakkhe cittaṃ akusalaṃ na hotevāti na sakkā niyametuṃ, kevalaṃ pana sacittakapakkhe cittaṃ akusalameva, na kusalādīti evamettha niyamo sijjhati, evañca surāti ajānitvā pivantānampi akusalacitteneva pānaṃ gandhavaṇṇakādibhāvaṃ ajānitvā limpantīnaṃ bhikkhunīnaṃ vināpi akusalacittena limpanañca, ubhayatthāpi āpattisambhavo ca samatthito hoti. Yaṃ pana sāratthadīpaniyaṃ (sārattha. ṭī. pārājikakaṇḍa 2.42) ‘‘sacittakapakkhe cittaṃ akusalamevāti vacanato acittakassa vatthuajānanavasena acittakapakkhe cittaṃ akusalamevāti ayaṃ niyamo natthīti viññāyatī’’ti vuttaṃ, taṃ na yuttaṃ . Acittakesu hi terasasu lokavajjesu surāpānasseva acittakapakkhepi akusalacittaniyamo, na itaresaṃ dvādasannaṃ akusalādicittenāpi āpajjitabbato. Yaṃ pana evaṃ kenaci anicchamānaṃ saddatopi apatīyamānamimaṃ niyamaṃ parādhippāyaṃ katvā dassetuṃ ‘‘yadi hi acittakassa acittakapakkhepi cittaṃ akusalameva siyā, sacittakapakkheti idaṃ visesanaṃ niratthakaṃ siyā’’tiādi vuttaṃ, taṃ niratthakameva evaṃ niyamassa kenaci anadhippetattā. Na hi koci saddasatthavidū niyamaṃ icchati, yena sacittakapakkheti idaṃ visesanaṃ niratthakaṃ siyātiādi vuttaṃ bhaveyya, kintu sacittakapakkhe cittaṃ akusalameva, acittakapakkhe pana cittaṃ aniyataṃ akusalameva vā siyā, kusalādīsu vā aññataranti evameva icchati. Tena sacittakapakkheti visesanampi sātthakaṃ siyā. Acittakasikkhāpadānaṃ sacittakapakkhesu akusalaniyamena lokavajjatā ca sijjhati. Tesu ca surāpānasseva acittakapakkhepi lokavajjatā akusalacittatā ca, itaresaṃ pana sacittakapakkhe evāti vādopi na virujjhatīti na kiñcettha anupapannaṃ nāma.
яам̣ банзд̇т̇а ‘‘сураад̇и аж̇аанид̇ваа биванд̇асса…бз… винааби агусалажид̇д̇зна аабад̇д̇исамбхавад̇о…бз… сураабаанаад̣̇иажид̇д̇агасигкаабад̣̇аанам̣ логаваж̇ж̇ад̇аа на сияаа’’д̇иаад̣̇и вуд̇д̇ам̣. яан̃жа д̇амад̇т̇ам̣ саад̇хзд̇ум̣ г̇ан̣тибад̣̇зсу ааг̇ад̇аважанам̣ д̣̇ассзд̇ваа б̣ахум̣ бабан̃жид̇ам̣, д̇ам̣ на саарад̇о бажжзд̇аб̣б̣ам̣ адтагат̇аахи вируд̣̇д̇хад̇д̇аа. д̇ат̇аа хи ‘‘вад̇т̇уаж̇аананад̇ааяа жзд̇т̇а ажид̇д̇агад̇аа взд̣̇ид̇аб̣б̣аа агусалзнзва баад̇аб̣б̣ад̇ааяа логаваж̇ж̇ад̇аа’’д̇и вуд̇д̇ам̣. яан̃жзд̇асса ‘‘сажид̇д̇агабагкз агусалзнзва баад̇аб̣б̣ад̇о логаваж̇ж̇ад̇аа’’д̇и вуд̇д̇ам̣ адтагат̇ааважанам̣, д̇ам̣ на сунд̣̇арам̣. ‘‘сажид̇д̇агабагкз жид̇д̇ам̣ агусаламзваа’’д̇и саб̣б̣зсам̣ логаваж̇ж̇аанам̣ ид̇хзва баарааж̇игадтагат̇ааяа сааман̃н̃ад̇о вад̇ваа сураабаанасигкаабад̣̇адтагат̇ааяам̣ ‘‘агусалзнзва баад̇аб̣б̣ад̇ааяаа’’д̇и звам̣ ажид̇д̇агабагкзби агусалажид̇д̇ад̇ааяа висзсзд̇ваа вуд̇д̇ад̇д̇аа. на хи ‘‘сааман̃н̃ад̇о ид̇ха вуд̇д̇ова ад̇т̇о буна сураабаанадтагат̇ааяамби вуд̇д̇о’’д̇и саггаа вад̇д̇ум̣ вуд̇д̇ассзва буна важанз баяож̇анаабхааваа, д̇ад̣̇ан̃н̃зсуби ажид̇д̇агалогаваж̇ж̇зсу вад̇д̇аб̣б̣ад̇аабасан̇г̇ад̇о жа, нааби згад̇т̇а вуд̇д̇о наяо д̇ад̣̇ан̃н̃зсуби згалагкан̣ад̇ааяа вуд̇д̇о зва ход̇ийд̇и ‘‘сураабаанасигкаабад̣̇зязва (баажи. 326 аад̣̇аяо) вуд̇д̇о’’д̇и саггаа вад̇д̇ум̣ ажид̇д̇агалогаваж̇ж̇аанам̣ саб̣б̣абатамз уяяуд̇д̇асигкаабад̣̇зязва (баажи. 311 аад̣̇аяо) вад̇д̇аб̣б̣ад̇о, сураабаанасигкаабад̣̇зязва ваа вад̇ваа зсзва наяо сзсзсу ажид̇д̇агалогаваж̇ж̇зсубийд̇и ад̇ид̣̇исид̇аб̣б̣ад̇о жа.
Yaṃ panettha ‘‘surāti ajānitvā pivantassa…pe… vināpi akusalacittena āpattisambhavato…pe… surāpānādiacittakasikkhāpadānaṃ lokavajjatā na siyā’’tiādi vuttaṃ. Yañca tamatthaṃ sādhetuṃ gaṇṭhipadesu āgatavacanaṃ dassetvā bahuṃ papañcitaṃ, taṃ na sārato paccetabbaṃ aṭṭhakathāhi viruddhattā. Tathā hi ‘‘vatthuajānanatāya cettha acittakatā veditabbā akusaleneva pātabbatāya lokavajjatā’’ti vuttaṃ. Yañcetassa ‘‘sacittakapakkhe akusaleneva pātabbato lokavajjatā’’ti vuttaṃ aṭṭhakathāvacanaṃ, taṃ na sundaraṃ. ‘‘Sacittakapakkhe cittaṃ akusalamevā’’ti sabbesaṃ lokavajjānaṃ idheva pārājikaṭṭhakathāya sāmaññato vatvā surāpānasikkhāpadaṭṭhakathāyaṃ ‘‘akusaleneva pātabbatāyā’’ti evaṃ acittakapakkhepi akusalacittatāya visesetvā vuttattā. Na hi ‘‘sāmaññato idha vuttova attho puna surāpānaṭṭhakathāyampi vutto’’ti sakkā vattuṃ vuttasseva puna vacane payojanābhāvā, tadaññesupi acittakalokavajjesu vattabbatāpasaṅgato ca, nāpi ekattha vutto nayo tadaññesupi ekalakkhaṇatāya vutto eva hotīti ‘‘surāpānasikkhāpadeyeva (pāci. 326 ādayo) vutto’’ti sakkā vattuṃ acittakalokavajjānaṃ sabbapaṭhame uyyuttasikkhāpadeyeva (pāci. 311 ādayo) vattabbato, surāpānasikkhāpadeyeva vā vatvā eseva nayo sesesu acittakalokavajjesupīti atidisitabbato ca.
абижа вуд̇д̇амзвад̇т̇ам̣ вад̣̇анд̇зна ‘‘сажид̇д̇агабагкз агусалзнзва баад̇аб̣б̣ад̇ааяаа’’д̇и буб̣б̣з вуд̇д̇аггамзнзва вад̇д̇аб̣б̣ам̣ санд̣̇зхаад̣̇ивиг̇амад̇т̇ад̇д̇аа буна важанасса. сигкаабад̣̇ависаяз жа висзсид̇аб̣б̣ам̣ висзсзд̇ваава вужжад̇и, ид̇арат̇аа аабад̇д̇аанаабад̇д̇аад̣̇ибхзд̣̇асса д̣̇увин̃н̃зяяад̇д̇аа. д̇ат̇аа хи бхигкунийвибхан̇г̇адтагат̇ааяам̣ ‘‘винааби жид̇д̇зна аабаж̇ж̇ид̇аб̣б̣ад̇д̇аа ажид̇д̇агаани, жид̇д̇з бана сад̇и агусалзнзва аабаж̇ж̇ид̇аб̣б̣ад̇д̇аа логаваж̇ж̇аани жзва агусалажид̇д̇аани жаа’’д̇и г̇ираг̇г̇асамаж̇ж̇аад̣̇ийнам̣ сажид̇д̇агабагкз зва логаваж̇ж̇ад̇аа агусалажид̇д̇ад̇аа жа висзсзд̇ваа вуд̇д̇аа, на звам̣ сураабаанасса. д̇асса бана багкад̣̇ваяассааби саад̇хааран̣авасзна ‘‘агусалзнзва баад̇аб̣б̣ад̇ааяаа’’д̇и вуд̇д̇ам̣, на бана ‘‘сажид̇д̇агабагкз’’д̇и висзсзд̇ваа. д̇асмаа ид̣̇ам̣ сураабаанам̣ сажид̇д̇агаажид̇д̇агабагкад̣̇ваязби логаваж̇ж̇ам̣ агусалажид̇д̇ан̃жаад̇и д̣̇ассзд̇умзва ‘‘агусалзнзва баад̇аб̣б̣ад̇ааяа логаваж̇ж̇ад̇аа’’д̇и висум̣ вуд̇д̇анд̇и судту сиж̇жхад̇и. зд̇знзва яам̣ саарад̇т̇ад̣̇ийбанияам̣ ‘‘сажид̇д̇агабагкз агусалзнзва баад̇аб̣б̣ад̇ааяа логаваж̇ж̇ад̇аа’’д̇и вуд̇д̇асса имассзва ад̇хиббааяасса бадибаад̣̇агамзд̇анд̇и сан̃н̃ааяа иминаа зва хи ад̇хиббааязна ан̃н̃зсуби логаваж̇ж̇зсу ажид̇д̇агасигкаабад̣̇зсу агусалажид̇д̇ад̇аа зва вуд̇д̇аа, на бана д̇ижид̇д̇ад̇аа. д̇знзва бхигкунийвибхан̇г̇адтагат̇ааяам̣ вуд̇д̇ам̣ ‘‘г̇ираг̇г̇асамаж̇ж̇ам̣ жид̇д̇ааг̇аарасигкаабад̣̇ам̣ сан̇гхаан̣и ид̇т̇аалан̇гааро г̇анд̇хаван̣н̣аго ваасид̇агабин̃н̃ааго бхигкунийаад̣̇ийхи уммад̣̇д̣̇анабаримад̣̇д̣̇анаанийд̇и имаани д̣̇аса сигкаабад̣̇аани ажид̇д̇агаани агусалажид̇д̇аани, аяам̣ банзд̇т̇а ад̇хиббааяо винааби жид̇д̇зна аабаж̇ж̇ид̇аб̣б̣ад̇д̇аа ажид̇д̇агаани, жид̇д̇з бана сад̇и агусалзнзва аабаж̇ж̇ид̇аб̣б̣ад̇д̇аа логаваж̇ж̇аани жзва агусалажид̇д̇аани жаа’’д̇и вуд̇д̇ам̣, д̇амби бадисид̣̇д̇хам̣ ход̇и д̇аб̣б̣ибарийд̇ассзва ад̇т̇асса яат̇аавуд̇д̇анаязна саад̇ханад̇о. д̇асмаа сураабаанасса ажид̇д̇агабагкзби жид̇д̇ам̣ агусаламзваад̇и имам̣ висзсам̣ д̣̇ассзд̇умзва ид̣̇ам̣ важанам̣ вуд̇д̇анд̇и г̇ахзд̇аб̣б̣ам̣. аяан̃хзд̇т̇а ад̇т̇о вад̇т̇уаж̇аананад̇ааяа жзд̇т̇аад̇и зд̇т̇а жа-гааро висзсад̇т̇аж̇од̇аго абижаад̇и иминаа самаанад̇т̇о. д̇асмаа яад̣̇ид̣̇ам̣ ан̃н̃зсу ажид̇д̇агалогаваж̇ж̇зсу винааби жид̇д̇зна аабаж̇ж̇ид̇аб̣б̣ад̇д̇аа ажид̇д̇агаани, жид̇д̇з бана сад̇и агусалзнзва аабаж̇ж̇ид̇аб̣б̣ад̇д̇аа логаваж̇ж̇аани жзва агусалажид̇д̇аани жаад̇и логаваж̇ж̇ад̇ааяа агусалажид̇д̇ад̇ааяа жа лагкан̣ам̣ вужжад̇и, д̇ам̣ зд̇т̇а сураабаанасигкаабад̣̇з нааг̇ажчад̇и, ид̇ха бана висзсо ад̇т̇ийд̇и вуд̇д̇ам̣ ход̇и. со гад̇арод̇и жз? вад̇т̇уаж̇аананад̇ааяа зва вад̇т̇уж̇аананажид̇д̇зна винааби аабаж̇ж̇ид̇аб̣б̣ад̇ааяа зва ажид̇д̇агад̇аа взд̣̇ид̇аб̣б̣аа, над̇т̇зд̇т̇а ажид̇д̇агад̇ааяа висзсо. гинд̇у вад̇т̇уаж̇аананасан̇каад̇аажид̇д̇агабагкзби агусалажид̇д̇знзва сураамзраяасса аж̇жхохарид̇аб̣б̣ад̇ааяаад̇и имасса сигкаабад̣̇асса сажид̇д̇агабагкзби ажид̇д̇агабагкзби логаваж̇ж̇ад̇аа агусалажид̇д̇ад̇аа жа взд̣̇ид̇аб̣б̣аад̇и аяамзд̇т̇а висзсо. ид̇ха хи ‘‘жид̇д̇з бана сад̇ий’’д̇и ависзсзд̇ваа ‘‘агусалзнзваа’’д̇и сааман̃н̃ад̇о вуд̇д̇ад̇д̇аа убхаяабагкзби логаваж̇ж̇ад̇аа агусалажид̇д̇ад̇аа жа сид̣̇д̇хаад̇и взд̣̇ид̇аб̣б̣аа. д̇знзва барамад̇т̇аж̇од̇игааяа (ку. баа. адта. 2.бажчимабан̃жасигкаабад̣̇аван̣н̣анаа) куд̣̇д̣̇агадтагат̇ааяа сигкаабад̣̇аван̣н̣анааяа ‘‘сураамзраяамаж̇ж̇абамаад̣̇адтаанам̣ гааяад̇о жа гааяажид̇д̇ад̇о жаад̇и д̣̇висамудтаана’’нд̇и вуд̇д̇ам̣. сураад̇и ж̇аананажид̇д̇аабхаавзнзва хзд̇т̇а жид̇д̇ан̇г̇авирахид̇о гзвалоби гааяо згасамудтаанам̣ вуд̇д̇о, д̇асмин̃жа згасамудтаанагкан̣зби яааяа жзд̇анааяа бивад̇и, саа зганд̇аагусалаа зва ход̇и. д̇знзва д̇ад̇т̇зва адтагат̇ааяам̣ ‘‘батамаа жзд̇т̇а бан̃жа зганд̇аагусалажид̇д̇асамудтаанад̇д̇аа баан̣аад̇ибаад̇аад̣̇ийнам̣ багад̇иваж̇ж̇ад̇о взраман̣ияо, сзсаа бан̣н̣ад̇д̇иваж̇ж̇ад̇о’’д̇и звам̣ бан̃жаннамби сааман̃н̃ад̇о агусалажид̇д̇ад̇аа логаваж̇ж̇ад̇аасан̇каад̇аа багад̇иваж̇ж̇ад̇аа жа вуд̇д̇аа. ан̇г̇зсу жа ж̇аананан̇г̇ам̣ на вуд̇д̇ам̣. д̇ат̇аа хи ‘‘сураамзраяамаж̇ж̇абамаад̣̇адтаанасса бана сураад̣̇ийнам̣ ан̃н̃ад̇арам̣ ход̇и мад̣̇анийяам̣, баад̇угаамад̇аажид̇д̇ан̃жа бажжубадтид̇ам̣ ход̇и, д̇аж̇ж̇ан̃жа вааяаамам̣ аабаж̇ж̇ад̇и, бийд̇з жа бависад̇ийд̇и имаани жад̇д̇аари ан̇г̇ааний’’д̇и вуд̇д̇ам̣, на бана сураад̇и ж̇аананан̇г̇зна сад̣̇д̇хим̣ бан̃жаад̇и. яад̣̇и хи сураад̇и ж̇аананамби ан̇г̇ам̣ сияаа, авассамзва д̇ам̣ вад̇д̇аб̣б̣ам̣ сияаа, на жа вуд̇д̇ам̣. яат̇аа жзд̇т̇а, звам̣ ан̃н̃аасуби суд̇д̇абидагаад̣̇иадтагат̇аасу гад̇т̇ажи ж̇аананан̇г̇ам̣ на вуд̇д̇ам̣. д̇асмаа ‘‘агусалзнзва баад̇аб̣б̣ад̇ааяа логаваж̇ж̇ад̇аа’’д̇и имасса адтагат̇аабаатасса ажид̇д̇агабагкзби ‘‘агусалзнзва баад̇аб̣б̣ад̇ааяа логаваж̇ж̇ад̇аа’’д̇и звамзва ад̇т̇од̇и нидтамзд̇т̇а г̇анд̇аб̣б̣ам̣.
Apica vuttamevatthaṃ vadantena ‘‘sacittakapakkhe akusaleneva pātabbatāyā’’ti pubbe vuttakkameneva vattabbaṃ sandehādivigamatthattā puna vacanassa. Sikkhāpadavisaye ca visesitabbaṃ visesetvāva vuccati, itarathā āpattānāpattādibhedassa duviññeyyattā. Tathā hi bhikkhunīvibhaṅgaṭṭhakathāyaṃ ‘‘vināpi cittena āpajjitabbattā acittakāni, citte pana sati akusaleneva āpajjitabbattā lokavajjāni ceva akusalacittāni cā’’ti giraggasamajjādīnaṃ sacittakapakkhe eva lokavajjatā akusalacittatā ca visesetvā vuttā, na evaṃ surāpānassa. Tassa pana pakkhadvayassāpi sādhāraṇavasena ‘‘akusaleneva pātabbatāyā’’ti vuttaṃ, na pana ‘‘sacittakapakkhe’’ti visesetvā. Tasmā idaṃ surāpānaṃ sacittakācittakapakkhadvayepi lokavajjaṃ akusalacittañcāti dassetumeva ‘‘akusaleneva pātabbatāya lokavajjatā’’ti visuṃ vuttanti suṭṭhu sijjhati. Eteneva yaṃ sāratthadīpaniyaṃ ‘‘sacittakapakkhe akusaleneva pātabbatāya lokavajjatā’’ti vuttassa imasseva adhippāyassa paṭipādakametanti saññāya iminā eva hi adhippāyena aññesupi lokavajjesu acittakasikkhāpadesu akusalacittatā eva vuttā, na pana ticittatā. Teneva bhikkhunīvibhaṅgaṭṭhakathāyaṃ vuttaṃ ‘‘giraggasamajjaṃ cittāgārasikkhāpadaṃ saṅghāṇi itthālaṅkāro gandhavaṇṇako vāsitakapiññāko bhikkhunīādīhi ummaddanaparimaddanānīti imāni dasa sikkhāpadāni acittakāni akusalacittāni, ayaṃ panettha adhippāyo vināpi cittena āpajjitabbattā acittakāni, citte pana sati akusaleneva āpajjitabbattā lokavajjāni ceva akusalacittāni cā’’ti vuttaṃ, tampi paṭisiddhaṃ hoti tabbiparītasseva atthassa yathāvuttanayena sādhanato. Tasmā surāpānassa acittakapakkhepi cittaṃ akusalamevāti imaṃ visesaṃ dassetumeva idaṃ vacanaṃ vuttanti gahetabbaṃ. Ayañhettha attho vatthuajānanatāya cetthāti ettha ca-kāro visesatthajotako apicāti iminā samānattho. Tasmā yadidaṃ aññesu acittakalokavajjesu vināpi cittena āpajjitabbattā acittakāni, citte pana sati akusaleneva āpajjitabbattā lokavajjāni ceva akusalacittāni cāti lokavajjatāya akusalacittatāya ca lakkhaṇaṃ vuccati, taṃ ettha surāpānasikkhāpade nāgacchati, idha pana viseso atthīti vuttaṃ hoti. So kataroti ce? Vatthuajānanatāya eva vatthujānanacittena vināpi āpajjitabbatāya eva acittakatā veditabbā, natthettha acittakatāya viseso. Kintu vatthuajānanasaṅkhātaacittakapakkhepi akusalacitteneva surāmerayassa ajjhoharitabbatāyāti imassa sikkhāpadassa sacittakapakkhepi acittakapakkhepi lokavajjatā akusalacittatā ca veditabbāti ayamettha viseso. Idha hi ‘‘citte pana satī’’ti avisesetvā ‘‘akusalenevā’’ti sāmaññato vuttattā ubhayapakkhepi lokavajjatā akusalacittatā ca siddhāti veditabbā. Teneva paramatthajotikāya (khu. pā. aṭṭha. 2.pacchimapañcasikkhāpadavaṇṇanā) khuddakaṭṭhakathāya sikkhāpadavaṇṇanāya ‘‘surāmerayamajjapamādaṭṭhānaṃ kāyato ca kāyacittato cāti dvisamuṭṭhāna’’nti vuttaṃ. Surāti jānanacittābhāveneva hettha cittaṅgavirahito kevalopi kāyo ekasamuṭṭhānaṃ vutto, tasmiñca ekasamuṭṭhānakkhaṇepi yāya cetanāya pivati, sā ekantaakusalā eva hoti. Teneva tattheva aṭṭhakathāyaṃ ‘‘paṭhamā cettha pañca ekantaakusalacittasamuṭṭhānattā pāṇātipātādīnaṃ pakativajjato veramaṇiyo, sesā paṇṇattivajjato’’ti evaṃ pañcannampi sāmaññato akusalacittatā lokavajjatāsaṅkhātā pakativajjatā ca vuttā. Aṅgesu ca jānanaṅgaṃ na vuttaṃ. Tathā hi ‘‘surāmerayamajjapamādaṭṭhānassa pana surādīnaṃ aññataraṃ hoti madanīyaṃ, pātukāmatācittañca paccupaṭṭhitaṃ hoti, tajjañca vāyāmaṃ āpajjati, pīte ca pavisatīti imāni cattāri aṅgānī’’ti vuttaṃ, na pana surāti jānanaṅgena saddhiṃ pañcāti. Yadi hi surāti jānanampi aṅgaṃ siyā, avassameva taṃ vattabbaṃ siyā, na ca vuttaṃ. Yathā cettha, evaṃ aññāsupi suttapiṭakādiaṭṭhakathāsu katthaci jānanaṅgaṃ na vuttaṃ. Tasmā ‘‘akusaleneva pātabbatāya lokavajjatā’’ti imassa aṭṭhakathāpāṭhassa acittakapakkhepi ‘‘akusaleneva pātabbatāya lokavajjatā’’ti evameva atthoti niṭṭhamettha gantabbaṃ.
абижа яам̣ г̇ан̣тибад̣̇зсу ‘‘зд̇ам̣ сад̇д̇ам̣ маарзссаамийд̇и д̇асмим̣язва бад̣̇зсз нибаннам̣ ан̃н̃ам̣ маарзнд̇асса баан̣асааман̃н̃асса ад̇т̇ид̇ааяа яат̇аа баан̣аад̇ибаад̇о ход̇и, звам̣ зд̇ам̣ маж̇ж̇ам̣ бивиссаамийд̇и ан̃н̃ам̣ маж̇ж̇ам̣ биванд̇асса маж̇ж̇асааман̃н̃асса ад̇т̇ид̇ааяа агусаламзва ход̇и, яат̇аа бана гадтасан̃н̃ааяа саббам̣ гхаад̇знд̇асса баан̣аад̇ибаад̇о на ход̇и, звам̣ наал̣игзрабаанасан̃н̃ааяа маж̇ж̇ам̣ биванд̇асса агусалам̣ на ход̇ий’’д̇и баан̣аад̇ибаад̇зна сад̣̇д̇хим̣ саб̣б̣ат̇аа самаанад̇д̇зна убамзд̇ваа вуд̇д̇ам̣, д̇ам̣ ад̇ивияа аяуд̇д̇ам̣ саб̣б̣зсам̣ сигкаабад̣̇аанам̣ баан̣аад̇ибаад̇аад̣̇иагусалаанан̃жа ан̃н̃аман̃н̃ам̣ самаанад̇ааяа нияамаабхааваа. баан̣аад̇ибаад̇о хи барияааязнааби сиж̇жхад̇и, на д̇ат̇аа ад̣̇иннаад̣̇аанам̣. д̇ам̣ бана аан̣ад̇д̇ияааби сиж̇жхад̇и, на жа мзт̇унаад̣̇ийсу. д̇асмаа баяог̇ан̇г̇аад̣̇ийхиби бхиннаанамзва сам̣садтам̣ саб̣б̣ат̇аа самийгаран̣ам̣ аяуд̇д̇амзва. ‘‘баан̣аад̇ибаад̇о вияа ад̣̇иннаад̣̇аанамзт̇унаад̣̇ийниби барияааяагат̇аад̣̇ийхи сиж̇жханд̇ий’’д̇и гзнажи вуд̇д̇з д̇ам̣ гинд̇и на г̇аяхад̇и д̇ат̇аа важанаабхааваад̇и жз? ид̇хааби ‘‘д̇ат̇аа баан̣аад̇ибаад̇асад̣̇исам̣ сураабаана’’нд̇и важанаабхааваа ид̣̇амби на г̇ахзд̇аб̣б̣амзва. гин̃жи адтагат̇ааважанзнзва сид̣̇д̇хамзвад̇т̇ам̣ бадиб̣ааханд̇зна винаяан̃н̃унаа суд̇д̇асуд̇д̇аануломаад̣̇ийхи д̇асса вирод̇хам̣ д̣̇ассзд̇ваа бадиб̣аахзд̇аб̣б̣ам̣, на бана баяог̇ан̇г̇аад̣̇ийхи ажжанд̇авибхиннзна сигкаабад̣̇анд̇арзна саха самийгаран̣амад̇д̇зна. на хи ‘‘сураад̇и аж̇аанид̇ваа биванд̇ассааби агусаламзваа’’д̇и зд̇т̇а суд̇д̇аад̣̇ивирод̇хо ад̇т̇и, винаяабидагз д̇аава зд̇асса ад̇т̇асса вируд̣̇д̇хам̣ суд̇д̇аад̣̇игам̣ на д̣̇иссад̇и, нааби суд̇д̇абидагаад̣̇ийсу.
Apica yaṃ gaṇṭhipadesu ‘‘etaṃ sattaṃ māressāmīti tasmiṃyeva padese nipannaṃ aññaṃ mārentassa pāṇasāmaññassa atthitāya yathā pāṇātipāto hoti, evaṃ etaṃ majjaṃ pivissāmīti aññaṃ majjaṃ pivantassa majjasāmaññassa atthitāya akusalameva hoti, yathā pana kaṭṭhasaññāya sappaṃ ghātentassa pāṇātipāto na hoti, evaṃ nāḷikerapānasaññāya majjaṃ pivantassa akusalaṃ na hotī’’ti pāṇātipātena saddhiṃ sabbathā samānattena upametvā vuttaṃ, taṃ ativiya ayuttaṃ sabbesaṃ sikkhāpadānaṃ pāṇātipātādiakusalānañca aññamaññaṃ samānatāya niyamābhāvā. Pāṇātipāto hi pariyāyenāpi sijjhati, na tathā adinnādānaṃ. Taṃ pana āṇattiyāpi sijjhati, na ca methunādīsu. Tasmā payogaṅgādīhipi bhinnānameva saṃsaṭṭhaṃ sabbathā samīkaraṇaṃ ayuttameva. ‘‘Pāṇātipāto viya adinnādānamethunādīnipi pariyāyakathādīhi sijjhantī’’ti kenaci vutte taṃ kinti na gayhati tathā vacanābhāvāti ce? Idhāpi ‘‘tathā pāṇātipātasadisaṃ surāpāna’’nti vacanābhāvā idampi na gahetabbameva. Kiñci aṭṭhakathāvacaneneva siddhamevatthaṃ paṭibāhantena vinayaññunā suttasuttānulomādīhi tassa virodhaṃ dassetvā paṭibāhetabbaṃ, na pana payogaṅgādīhi accantavibhinnena sikkhāpadantarena saha samīkaraṇamattena. Na hi ‘‘surāti ajānitvā pivantassāpi akusalamevā’’ti ettha suttādivirodho atthi, vinayapiṭake tāva etassa atthassa viruddhaṃ suttādikaṃ na dissati, nāpi suttapiṭakādīsu.
яам̣ банзд̇т̇а гзжи вад̣̇анд̇и ‘‘манобуб̣б̣ан̇г̇амаа д̇хаммаад̇и (д̇ха. ба. 1, 2) вуд̇д̇ад̇д̇аа саб̣б̣аани агусалаани буб̣б̣з вийд̇иггамавад̇т̇ум̣ ж̇аананд̇ассзва хонд̇ий’’д̇и. д̇ам̣ д̇зсам̣ суд̇д̇аад̇хиббааяаанабхин̃н̃аад̇амзва багаасзд̇и. на хи ‘‘манобуб̣б̣ан̇г̇амаа д̇хаммаа’’д̇и ид̣̇ам̣ важанам̣ буб̣б̣з вийд̇иггамавад̇т̇ум̣ ж̇аананд̇ассзва агусалаа д̇хаммаа уббаж̇ж̇анд̇ийд̇и имамад̇т̇ам̣ д̣̇ийбзд̇и, ат̇а ко гусалаагусалаа д̇хаммаа уббаж̇ж̇амаанаа уббаад̣̇абажжаяадтзна буб̣б̣ан̇г̇амабхууд̇ам̣ сахаж̇аад̇ажид̇д̇ам̣ ниссааязва уббаж̇ж̇анд̇и, на винаа жид̇д̇знаад̇и имамад̇т̇ам̣ д̣̇ийбзд̇и. на хзд̇т̇а ‘‘сураад̇и аж̇аанид̇ваа биванд̇асса агусаламзваа’’д̇и вуд̇д̇з сахаж̇аад̇ажид̇д̇ам̣ винааби лобхаад̣̇иагусалажзд̇асигаа д̇хаммаа уббаж̇ж̇анд̇ийд̇и аяамад̇т̇о аабаж̇ж̇ад̇и. язна д̇ам̣ нисзд̇хааяа ид̣̇ам̣ суд̇д̇ам̣ аахаран̣ийяам̣ сияаа, абхид̇хаммавирод̇хобзд̇т̇а над̇т̇и буб̣б̣з наамаж̇аад̇иаад̣̇ивасзна аж̇аананд̇ассзва бан̃жавин̃н̃аан̣авийт̇ияам̣ гусалаагусалаж̇авануббад̇д̇иважанад̇о.
Yaṃ panettha keci vadanti ‘‘manopubbaṅgamā dhammāti (dha. pa. 1, 2) vuttattā sabbāni akusalāni pubbe vītikkamavatthuṃ jānantasseva hontī’’ti. Taṃ tesaṃ suttādhippāyānabhiññātameva pakāseti. Na hi ‘‘manopubbaṅgamā dhammā’’ti idaṃ vacanaṃ pubbe vītikkamavatthuṃ jānantasseva akusalā dhammā uppajjantīti imamatthaṃ dīpeti, atha kho kusalākusalā dhammā uppajjamānā uppādapaccayaṭṭhena pubbaṅgamabhūtaṃ sahajātacittaṃ nissāyeva uppajjanti, na vinā cittenāti imamatthaṃ dīpeti. Na hettha ‘‘surāti ajānitvā pivantassa akusalamevā’’ti vutte sahajātacittaṃ vināpi lobhādiakusalacetasikā dhammā uppajjantīti ayamattho āpajjati. Yena taṃ nisedhāya idaṃ suttaṃ āharaṇīyaṃ siyā, abhidhammavirodhopettha natthi pubbe nāmajātiādivasena ajānantasseva pañcaviññāṇavīthiyaṃ kusalākusalajavanuppattivacanato.
абижа б̣аалабут̇уж̇ж̇анаанам̣ часу д̣̇ваарзсу уббаж̇ж̇амаанаани ж̇аванаани язбхуяязна агусалаанзва уббаж̇ж̇анд̇и. гусалаани бана д̇зсам̣ галяаан̣амид̇д̇аад̣̇иубаниссаяаб̣алзна аббагаанзва уббаж̇ж̇анд̇и, д̇ун̣хийбхууд̇аанамби нид̣̇д̣̇ааяид̇ваа субинам̣ бассанд̇аанамби уд̣̇д̇хажжаад̣̇иагусалаж̇аванассзва язбхуяяаббавад̇д̇ид̇о гусалаагусалавирахид̇асса ж̇аванасса д̇зсам̣ абхааваа. агусалаа хи висаяаануг̇ун̣ам̣ ваасанаануг̇ун̣ан̃жа яат̇аабажжаяам̣ самуббаж̇ж̇анд̇и, д̇ад̇т̇а гим̣ буб̣б̣з ж̇аананааж̇аанананиб̣ад̣̇д̇хзна. яз бана ж̇аананаад̣̇иан̇г̇асамбаннаа баан̣аад̇ибаад̇аад̣̇аяо, яз жа ж̇аананаад̣̇им̣ винааби сиж̇жхамаанаа сураабаанамижчаад̣̇идтиаад̣̇аяо, д̇з д̇з д̇ат̇аа д̇ат̇аа яаат̇аавад̇о н̃ад̇ваа саммаасамб̣уд̣̇д̇хзна нид̣̇д̣̇идтаа, д̇зсан̃жа яат̇аанид̣̇д̣̇идтавасзна г̇ахан̣з го наама абхид̇хаммавирод̇хо. звам̣ суд̇д̇аад̣̇ивирод̇хаабхаавад̇о, адтагат̇ааяа жа вуд̇д̇ад̇д̇аа яат̇аавуд̇д̇авасзнзвзд̇т̇а ад̇т̇о г̇ахзд̇аб̣б̣о. яад̣̇и звам̣ гасмаа ‘‘сааман̣зро ж̇аанид̇ваа биванд̇о сийлабхзд̣̇ам̣ аабаж̇ж̇ад̇и, на аж̇аанид̇ваа’’д̇и адтагат̇ааяам̣ вуд̇д̇анд̇и? нааяам̣ д̣̇осо сийлабхзд̣̇асса бхаг̇авад̇о аан̣ааяад̇д̇ад̇д̇аа угкид̇д̇аанувад̇д̇игаад̣̇ийнам̣ сийлабхзд̣̇о вияа. на хи д̇аасам̣ агусалуббад̇д̇ияаа зва сийлабхзд̣̇о ход̇и сан̇гхааяад̇д̇асаманубхаасанаананд̇арзязва вихид̇ад̇д̇аа. звамид̇хааби ж̇аанид̇ваа биванз зва вихид̇о, на аж̇аанид̇ваа биванз. ан̃н̃о хи сигкаабад̣̇ависаяо, ан̃н̃о агусалависаяо. д̇знзва сааман̣зраанам̣ буримзсу бан̃жасу сигкаабад̣̇зсу згасмим̣ бхиннз саб̣б̣ааниби сигкаабад̣̇аани бхиж̇ж̇анд̇и. агусалам̣ бана яам̣ бхиннам̣, д̇зна згзнзва ход̇и, наан̃н̃зхи. д̇асмаа сааман̣зрасса аж̇аанид̇ваа биванд̇асса сийлабхзд̣̇аабхаавзби гаммабат̇аббад̇д̇ам̣ агусаламзваад̇и г̇ахзд̇аб̣б̣ам̣.
Apica bālaputhujjanānaṃ chasu dvāresu uppajjamānāni javanāni yebhuyyena akusalāneva uppajjanti. Kusalāni pana tesaṃ kalyāṇamittādiupanissayabalena appakāneva uppajjanti, tuṇhībhūtānampi niddāyitvā supinaṃ passantānampi uddhaccādiakusalajavanasseva yebhuyyappavattito kusalākusalavirahitassa javanassa tesaṃ abhāvā. Akusalā hi visayānuguṇaṃ vāsanānuguṇañca yathāpaccayaṃ samuppajjanti, tattha kiṃ pubbe jānanājānananibaddhena. Ye pana jānanādiaṅgasampannā pāṇātipātādayo, ye ca jānanādiṃ vināpi sijjhamānā surāpānamicchādiṭṭhiādayo, te te tathā tathā yāthāvato ñatvā sammāsambuddhena niddiṭṭhā, tesañca yathāniddiṭṭhavasena gahaṇe ko nāma abhidhammavirodho. Evaṃ suttādivirodhābhāvato, aṭṭhakathāya ca vuttattā yathāvuttavasenevettha attho gahetabbo. Yadi evaṃ kasmā ‘‘sāmaṇero jānitvā pivanto sīlabhedaṃ āpajjati, na ajānitvā’’ti aṭṭhakathāyaṃ vuttanti? Nāyaṃ doso sīlabhedassa bhagavato āṇāyattattā ukkhittānuvattikādīnaṃ sīlabhedo viya. Na hi tāsaṃ akusaluppattiyā eva sīlabhedo hoti saṅghāyattasamanubhāsanānantareyeva vihitattā. Evamidhāpi jānitvā pivane eva vihito, na ajānitvā pivane. Añño hi sikkhāpadavisayo, añño akusalavisayo. Teneva sāmaṇerānaṃ purimesu pañcasu sikkhāpadesu ekasmiṃ bhinne sabbānipi sikkhāpadāni bhijjanti. Akusalaṃ pana yaṃ bhinnaṃ, tena ekeneva hoti, nāññehi. Tasmā sāmaṇerassa ajānitvā pivantassa sīlabhedābhāvepi kammapathappattaṃ akusalamevāti gahetabbaṃ.
яам̣ бана саарад̇т̇ад̣̇ийбанияам̣ (саарад̇т̇а. дий. баарааж̇игаган̣д̣а 2.42) ‘‘сааман̣зрасса сураад̇и аж̇аанид̇ваа биванд̇асса баарааж̇игам̣ над̇т̇и, агусалам̣ бана ход̇ий’’д̇и гзхижи вуд̇д̇аважанам̣ ‘‘д̇ам̣ д̇зсам̣ мад̇имад̇д̇а’’нд̇и бадигкибид̇ваа ‘‘бхигкуно аж̇аанид̇вааби б̣ийж̇ад̇о бадтааяа маж̇ж̇ам̣ биванд̇асса баажид̇д̇ияам̣. сааман̣зро ж̇аанид̇ваа биванд̇о сийлабхзд̣̇ам̣ аабаж̇ж̇ад̇и, на аж̇аанид̇ваад̇и зд̇д̇агамзва хи адтагат̇ааяам̣ вуд̇д̇ам̣, агусалам̣ бана ход̇ийд̇и на вуд̇д̇а’’нд̇и д̇ад̇т̇а гааран̣ам̣ вуд̇д̇ам̣, д̇ам̣ агааран̣ам̣. на хи адтагат̇ааяам̣ сааман̣зраанам̣ ж̇аанид̇ваа биванз зва сийлабхзд̣̇о, на аж̇аанид̇ваад̇и сийлабхзд̣̇агат̇анадтаанз агусалам̣ бана ход̇ийд̇и аважанам̣ аж̇аананабагкз агусалаабхаавасса гааран̣ам̣ ход̇и, д̇ад̇т̇а басан̇г̇аабхааваа, вад̇д̇аб̣б̣адтаанз зва ‘‘агусалзнзва баад̇аб̣б̣ад̇ааяа логаваж̇ж̇ад̇аа’’д̇и вуд̇д̇ад̇д̇аа жа. на жа д̇з ‘‘агусалам̣ бана ход̇ий’’д̇и вад̣̇анд̇аа аажарияаа имам̣ сааман̣зраанам̣ сийлабхзд̣̇аббагаасагам̣ канд̇хагадтагат̇аабаатамзва г̇ахзд̇ваа авожум̣, язна ‘‘зд̇д̇агамзва адтагат̇ааяам̣ вуд̇д̇а’’нд̇и вад̇д̇аб̣б̣ам̣ сияаа, ат̇а ко сураабаанадтагат̇ааг̇ад̇ам̣ суд̇д̇абидагадтагат̇ааг̇ад̇ан̃жа анзгавид̇хам̣ важанам̣, махаавихаараваасийнам̣ барамбаробад̣̇зсан̃жа г̇ахзд̇ваа авожум̣. бхинналад̣̇д̇хигаанам̣ абхаяаг̇иригаад̣̇ийнам̣ мад̇ан̃хзд̇ам̣, яад̣̇ид̣̇ам̣ ж̇аанид̇ваа биванд̇ассзва агусаланд̇и г̇ахан̣ам̣. д̇асмаа яам̣ вуд̇д̇ам̣ гзхижи ‘‘сааман̣зрасса сураад̇и аж̇аанид̇ваа биванд̇асса баарааж̇игам̣ над̇т̇и, агусалам̣ бана ход̇ий’’д̇и, д̇ам̣ сувуд̇д̇анд̇и г̇ахзд̇аб̣б̣ам̣.
Yaṃ pana sāratthadīpaniyaṃ (sārattha. ṭī. pārājikakaṇḍa 2.42) ‘‘sāmaṇerassa surāti ajānitvā pivantassa pārājikaṃ natthi, akusalaṃ pana hotī’’ti kehici vuttavacanaṃ ‘‘taṃ tesaṃ matimatta’’nti paṭikkhipitvā ‘‘bhikkhuno ajānitvāpi bījato paṭṭhāya majjaṃ pivantassa pācittiyaṃ. Sāmaṇero jānitvā pivanto sīlabhedaṃ āpajjati, na ajānitvāti ettakameva hi aṭṭhakathāyaṃ vuttaṃ, akusalaṃ pana hotīti na vutta’’nti tattha kāraṇaṃ vuttaṃ, taṃ akāraṇaṃ. Na hi aṭṭhakathāyaṃ sāmaṇerānaṃ jānitvā pivane eva sīlabhedo, na ajānitvāti sīlabhedakathanaṭṭhāne akusalaṃ pana hotīti avacanaṃ ajānanapakkhe akusalābhāvassa kāraṇaṃ hoti, tattha pasaṅgābhāvā, vattabbaṭṭhāne eva ‘‘akusaleneva pātabbatāya lokavajjatā’’ti vuttattā ca. Na ca te ‘‘akusalaṃ pana hotī’’ti vadantā ācariyā imaṃ sāmaṇerānaṃ sīlabhedappakāsakaṃ khandhakaṭṭhakathāpāṭhameva gahetvā avocuṃ, yena ‘‘ettakameva aṭṭhakathāyaṃ vutta’’nti vattabbaṃ siyā, atha kho surāpānaṭṭhakathāgataṃ suttapiṭakaṭṭhakathāgatañca anekavidhaṃ vacanaṃ, mahāvihāravāsīnaṃ paramparopadesañca gahetvā avocuṃ. Bhinnaladdhikānaṃ abhayagirikādīnaṃ matañhetaṃ, yadidaṃ jānitvā pivantasseva akusalanti gahaṇaṃ. Tasmā yaṃ vuttaṃ kehici ‘‘sāmaṇerassa surāti ajānitvā pivantassa pārājikaṃ natthi, akusalaṃ pana hotī’’ti, taṃ suvuttanti gahetabbaṃ.
яан̃жа саарад̇т̇ад̣̇ийбанияам̣ (саарад̇т̇а. дий. баарааж̇игаган̣д̣а 2.42) ‘‘аж̇аанид̇ваа биванд̇ассааби сод̇аабаннасса мукам̣ сураа на бависад̇и гаммабат̇аббад̇д̇аагусалажид̇д̇знзва баад̇аб̣б̣ад̇о’’д̇и гзхижи вуд̇д̇аважанам̣ ‘‘на сунд̣̇ара’’нд̇и бадигкибид̇ваа ‘‘б̣од̇хисад̇д̇з гужчиг̇ад̇з б̣од̇хисад̇д̇амаад̇у сийлам̣ вияа хи ид̣̇амби арияасаавагаанам̣ д̇хаммад̇аасид̣̇д̇ханд̇и взд̣̇ид̇аб̣б̣а’’нд̇и вад̇ваа д̇хаммад̇аасид̣̇д̇хад̇д̇ам̣язва самад̇т̇зд̇ум̣ ‘‘бхаванд̇арзби хи арияасааваго ж̇ийвид̇ахзд̇уби нзва баан̣ам̣ ханад̇и, на сурам̣ бивад̇и. сажз бисса суран̃жа кийран̃жа миссзд̇ваа мукз багкибанд̇и, кийрамзва бависад̇и, на сураа. яат̇аа гим̣? яат̇аа гон̃жасагун̣аанам̣ кийрамиссагз уд̣̇агз кийрамзва бависад̇и, на уд̣̇агам̣. ид̣̇ам̣ яонисид̣̇д̇ханд̇и жз, ид̣̇амби д̇хаммад̇аасид̣̇д̇ханд̇и взд̣̇ид̇аб̣б̣а’’нд̇и ид̣̇ам̣ адтагат̇ааважанам̣ д̣̇ассид̇ам̣, д̇амби на яуд̇д̇амзва. яат̇аа хи б̣од̇хисад̇д̇амаад̇у сийлам̣ вияа арияасаавагаанам̣ д̇хаммад̇аасид̣̇д̇ханд̇и зд̇т̇а б̣од̇хисад̇д̇амаад̇у д̇хаммад̇аа наама б̣од̇хисад̇д̇асса жа ад̇д̇ано жа баарамид̇аанубхаавзна агусалаануббад̇д̇инияамо зва. д̇ат̇аа арияасаавагаанамби бхаванд̇арз баан̣аад̇ибаад̇аад̣̇ийнам̣ д̣̇асаннам̣ гаммабат̇аанам̣ ан̃н̃зсан̃жа абааяахзд̇угаанам̣ агусалаанам̣ ажжанд̇аббахааяагасса маг̇г̇асса аанубхаавзна д̇ам̣д̇ам̣сийлавийд̇иггамахзд̇угасса агусаласса ануббад̇д̇инияамо зва д̇хаммад̇аа. на хи сабхаававаад̣̇ийнам̣ д̇хаммад̇аа вияа ахзд̇угад̇аа ид̇ха д̇хаммад̇аа наама. яат̇аа ваа звам̣д̇хаммад̇аанаяз гааран̣асса бхаавз абхаавз жа гаарияасса бхааво абхааво жа д̇хаммад̇аа, на ахзд̇уаббажжаяаабхааваабхааво, звамид̇хааби баан̣аад̇ибаад̇аад̣̇игаммабат̇аанам̣ хзд̇убхууд̇асса гилзсасса ажжанд̇аабхаавзна д̇зсам̣ абхааво, д̇ад̣̇авасзсаанам̣ агусалаанам̣ хзд̇уно бхаавзна бхааво жа д̇хаммад̇аа , на ахзд̇угад̇аа. д̇асмаа абааяахзд̇уно рааг̇асса абхаавзнзва арияаанам̣ аж̇аанид̇вааби сурааяа анаж̇жхохаран̣анд̇и сувуд̇д̇амзвид̣̇ам̣ гзхижи ‘‘аж̇аанид̇ваа биванд̇ассааби сод̇аабаннасса мукам̣ сураа на бависад̇и гаммабат̇аббад̇д̇аагусалажид̇д̇знзва баад̇аб̣б̣ад̇о’’д̇и, д̇ам̣ гзна хзд̇унаа на сунд̣̇арам̣ ж̇аад̇анд̇и на н̃ааяад̇и, д̇хаммад̇аасид̣̇д̇ханд̇и ваа гат̇анзна гат̇ам̣ д̇ам̣ бадигкид̇д̇анд̇и.
Yañca sāratthadīpaniyaṃ (sārattha. ṭī. pārājikakaṇḍa 2.42) ‘‘ajānitvā pivantassāpi sotāpannassa mukhaṃ surā na pavisati kammapathappattaakusalacitteneva pātabbato’’ti kehici vuttavacanaṃ ‘‘na sundara’’nti paṭikkhipitvā ‘‘bodhisatte kucchigate bodhisattamātu sīlaṃ viya hi idampi ariyasāvakānaṃ dhammatāsiddhanti veditabba’’nti vatvā dhammatāsiddhattaṃyeva samatthetuṃ ‘‘bhavantarepi hi ariyasāvako jīvitahetupi neva pāṇaṃ hanati, na suraṃ pivati. Sace pissa surañca khīrañca missetvā mukhe pakkhipanti, khīrameva pavisati, na surā. Yathā kiṃ? Yathā koñcasakuṇānaṃ khīramissake udake khīrameva pavisati, na udakaṃ. Idaṃ yonisiddhanti ce, idampi dhammatāsiddhanti veditabba’’nti idaṃ aṭṭhakathāvacanaṃ dassitaṃ, tampi na yuttameva. Yathā hi bodhisattamātu sīlaṃ viya ariyasāvakānaṃ dhammatāsiddhanti ettha bodhisattamātu dhammatā nāma bodhisattassa ca attano ca pāramitānubhāvena akusalānuppattiniyamo eva. Tathā ariyasāvakānampi bhavantare pāṇātipātādīnaṃ dasannaṃ kammapathānaṃ aññesañca apāyahetukānaṃ akusalānaṃ accantappahāyakassa maggassa ānubhāvena taṃtaṃsīlavītikkamahetukassa akusalassa anuppattiniyamo eva dhammatā. Na hi sabhāvavādīnaṃ dhammatā viya ahetukatā idha dhammatā nāma. Yathā vā evaṃdhammatānaye kāraṇassa bhāve abhāve ca kāriyassa bhāvo abhāvo ca dhammatā, na ahetuappaccayābhāvābhāvo, evamidhāpi pāṇātipātādikammapathānaṃ hetubhūtassa kilesassa accantābhāvena tesaṃ abhāvo, tadavasesānaṃ akusalānaṃ hetuno bhāvena bhāvo ca dhammatā , na ahetukatā. Tasmā apāyahetuno rāgassa abhāveneva ariyānaṃ ajānitvāpi surāya anajjhoharaṇanti suvuttamevidaṃ kehici ‘‘ajānitvā pivantassāpi sotāpannassa mukhaṃ surā na pavisati kammapathappattaakusalacitteneva pātabbato’’ti, taṃ kena hetunā na sundaraṃ jātanti na ñāyati, dhammatāsiddhanti vā kathanena kathaṃ taṃ paṭikkhittanti.
яамби д̣̇ийгханигааяадтагат̇ааяам̣ (д̣̇ий. ни. адта. 1.352) ‘‘суран̃жа кийран̃жа миссзд̇ваа…бз… ид̣̇ам̣ д̇хаммад̇аасид̣̇д̇ха’’нд̇и важанам̣, д̇амби сураабаанасса ажид̇д̇агабагкзби агусалажид̇д̇ан̃н̃зва саад̇хзд̇и. д̇ат̇аа хи ‘‘бхаванд̇арзби хи арияасааваго ж̇ийвид̇ахзд̇уби баан̣ам̣ на ханад̇и, наад̣̇иннам̣ аад̣̇ияад̇и…бз… на сурам̣ бивад̇ий’’д̇и вуд̇д̇з ‘‘буримаанам̣ д̇аава жад̇уннам̣ гаммабат̇аанам̣ сажид̇д̇агад̇д̇аа вираман̣ам̣ сугарам̣, бажчимасса бана сураабаанасса ажид̇д̇агад̇д̇аа гат̇ам̣ вираман̣ам̣ бхавзяяаа’’д̇и жод̣̇анаасамбхавам̣ манасигад̇ваа вад̇т̇уаж̇аананавасзна ажид̇д̇агад̇д̇зби яасмаа гаммабат̇аббад̇д̇аагусалзнзва сураа аж̇жхохарид̇аб̣б̣аа, д̇аад̣̇исий жа агусалаббавад̇д̇и арияасаавагасса маг̇г̇знзва хад̇аа, д̇асмаасса бараг̇алам̣ сурааяа бависанам̣ над̇т̇ийд̇и ад̇т̇ад̇о г̇амяамаанад̇т̇ам̣ барихаараважанам̣ вад̣̇ад̇аа ‘‘сажз бисса суран̃жа кийран̃жаа’’д̇иаад̣̇и вуд̇д̇ам̣. д̇ад̇т̇а кийрамзва бависад̇и, на сураад̇и ид̣̇ам̣ сурааяа саб̣б̣ат̇ааби бараг̇алаббавзсаабхаавад̣̇ассанабарам̣, на бана сураамиссакийрасса сурааяа вияож̇анасаамад̇т̇ияад̣̇ассанабарам̣. аяан̃хзд̇т̇а ад̇хиббааяо – яад̣̇и хи сураамиссз кийрз гин̃жи бависзяяа, кийрамзва бависзяяа, на сураа. кийрз бана сурааяа авияуд̇д̇з на гин̃жи бависад̇ийд̇и . ид̣̇ам̣ яонисид̣̇д̇ханд̇и уд̣̇агасса мукз аббависанам̣ яонисид̣̇д̇хам̣. яонийд̇и жзд̇т̇а ж̇аад̇и ад̇хиббзд̇аа. д̇асмаа гон̃жаж̇аад̇игаанам̣ мукад̇ун̣д̣асан̇каад̇аанам̣ руубад̇хаммаанам̣ кийрамиссауд̣̇агаж̇жхохаран̣ахзд̇уд̇д̇аабхаавзна д̇ам̣ аббависанам̣ сид̣̇д̇ханд̇и ад̇т̇о. ид̣̇амби хи кийрамиссааяа сурааяа кийрз бависанд̇зби бараг̇алаабависананд̇и. д̇хаммад̇аасид̣̇д̇ханд̇и арияасаавагасса аруубад̇хаммаанам̣ сураабиванахзд̇убхууд̇агилзсасахид̇ад̇д̇аабхаавасан̇каад̇ааяа д̇хаммад̇ааяа сид̣̇д̇хам̣. звамзд̇т̇а ажид̇д̇агабагкзби сурааяа агусалажид̇д̇знзва баад̇аб̣б̣ад̇о арияасаавагаанам̣ абиванам̣ самад̇т̇ид̇анд̇и взд̣̇ид̇аб̣б̣ам̣. ат̇ааби сияаа аж̇аананабагкз агусалажид̇д̇зна винаава баад̇аб̣б̣ад̇д̇зби сурааяа абиванам̣ арияаанам̣ д̇хаммад̇аад̇и самад̇т̇анабарамзд̇анд̇и, д̇ам̣ на, адтагат̇ааважананд̇арзхи вируж̇жханад̇о. яат̇аа хи важананд̇арзхи на вируж̇жхад̇и, д̇ат̇ааязва ад̇т̇о г̇ахзд̇аб̣б̣о.
Yampi dīghanikāyaṭṭhakathāyaṃ (dī. ni. aṭṭha. 1.352) ‘‘surañca khīrañca missetvā…pe… idaṃ dhammatāsiddha’’nti vacanaṃ, tampi surāpānassa acittakapakkhepi akusalacittaññeva sādheti. Tathā hi ‘‘bhavantarepi hi ariyasāvako jīvitahetupi pāṇaṃ na hanati, nādinnaṃ ādiyati…pe… na suraṃ pivatī’’ti vutte ‘‘purimānaṃ tāva catunnaṃ kammapathānaṃ sacittakattā viramaṇaṃ sukaraṃ, pacchimassa pana surāpānassa acittakattā kathaṃ viramaṇaṃ bhaveyyā’’ti codanāsambhavaṃ manasikatvā vatthuajānanavasena acittakattepi yasmā kammapathappattaakusaleneva surā ajjhoharitabbā, tādisī ca akusalappavatti ariyasāvakassa maggeneva hatā, tasmāssa paragalaṃ surāya pavisanaṃ natthīti atthato gamyamānatthaṃ parihāravacanaṃ vadatā ‘‘sace pissa surañca khīrañcā’’tiādi vuttaṃ. Tattha khīrameva pavisati, na surāti idaṃ surāya sabbathāpi paragalappavesābhāvadassanaparaṃ, na pana surāmissakhīrassa surāya viyojanasāmatthiyadassanaparaṃ. Ayañhettha adhippāyo – yadi hi surāmisse khīre kiñci paviseyya, khīrameva paviseyya, na surā. Khīre pana surāya aviyutte na kiñci pavisatīti . Idaṃ yonisiddhanti udakassa mukhe appavisanaṃ yonisiddhaṃ. Yonīti cettha jāti adhippetā. Tasmā koñcajātikānaṃ mukhatuṇḍasaṅkhātānaṃ rūpadhammānaṃ khīramissaudakajjhoharaṇahetuttābhāvena taṃ appavisanaṃ siddhanti attho. Idampi hi khīramissāya surāya khīre pavisantepi paragalāpavisananti. Dhammatāsiddhanti ariyasāvakassa arūpadhammānaṃ surāpivanahetubhūtakilesasahitattābhāvasaṅkhātāya dhammatāya siddhaṃ. Evamettha acittakapakkhepi surāya akusalacitteneva pātabbato ariyasāvakānaṃ apivanaṃ samatthitanti veditabbaṃ. Athāpi siyā ajānanapakkhe akusalacittena vināva pātabbattepi surāya apivanaṃ ariyānaṃ dhammatāti samatthanaparametanti, taṃ na, aṭṭhakathāvacanantarehi virujjhanato. Yathā hi vacanantarehi na virujjhati, tathāyeva attho gahetabbo.
абижа баан̣аад̇ибаад̇аад̣̇ийнам̣ бан̃жаннам̣ гаммабат̇аанам̣ бхаванд̇арзби агаран̣ам̣ арияаанам̣ д̇хаммад̇аасийламзва, д̇зсан̃жа яад̣̇и сажид̇д̇агад̇ам̣ самаанам̣. сураабаанам̣ вияа ид̇арааниби жад̇д̇аари аж̇аананд̇знааби арияасаавагзна на гад̇д̇аб̣б̣аани сияум̣, д̇ат̇аа жа аж̇аананд̇аанам̣ арияаанам̣ гусалааб̣яаагад̇ажид̇д̇зхиби вираман̣абарамааран̣абарасанд̇агаг̇ахан̣аад̣̇ийсу гааяаважийбавад̇д̇и на самбаж̇ж̇зяяа, но жз самбаж̇ж̇ад̇и, жагкубаалад̇т̇зрасса жан̇гаманзна баан̣авияог̇асса, уббалаван̣н̣ад̇т̇зрияаа б̣алаггаарзна маг̇г̇знамаг̇г̇апусанасса жа бавад̇д̇ад̇д̇аа. д̇асмаа сураабаанасса ажид̇д̇агабагкзби агусалзнзва баад̇аб̣б̣ад̇ааяа сураа арияаанам̣ бараг̇алам̣ на бависад̇ийд̇и висзсзд̇ваа вуд̇д̇анд̇и взд̣̇ид̇аб̣б̣ам̣.
Apica pāṇātipātādīnaṃ pañcannaṃ kammapathānaṃ bhavantarepi akaraṇaṃ ariyānaṃ dhammatāsīlameva, tesañca yadi sacittakataṃ samānaṃ. Surāpānaṃ viya itarānipi cattāri ajānantenāpi ariyasāvakena na kattabbāni siyuṃ, tathā ca ajānantānaṃ ariyānaṃ kusalābyākatacittehipi viramaṇaparamāraṇaparasantakagahaṇādīsu kāyavacīpavatti na sampajjeyya, no ce sampajjati, cakkhupālattherassa caṅkamanena pāṇaviyogassa, uppalavaṇṇattheriyā balakkārena maggenamaggaphusanassa ca pavattattā. Tasmā surāpānassa acittakapakkhepi akusaleneva pātabbatāya surā ariyānaṃ paragalaṃ na pavisatīti visesetvā vuttanti veditabbaṃ.
нану вад̇т̇ум̣ ж̇аананд̇ассзва саб̣б̣з гаммабат̇аа вуд̇д̇аад̇и? на, мижчаад̣̇идтияаа вибарийд̇аг̇г̇ахан̣знзва бавад̇д̇ад̇д̇аа. гат̇ан̃хи наама асаб̣б̣ан̃н̃ум̣ саб̣б̣ан̃н̃уд̇о, анижжаад̣̇им̣ нижжаад̣̇ид̇о жа г̇ахан̣анд̇ий д̣̇идти вад̇т̇ум̣ виж̇аанаад̇и. яад̣̇и хи ж̇аанзяяа, мижчаад̣̇идтиязва на сияаа. саа жа гаммабат̇зсу г̇ан̣ид̇аад̇и гуд̇о ж̇аананд̇ассзва гаммабат̇аббавад̇д̇инияамо. ат̇а саб̣б̣ан̃н̃ум̣ саб̣б̣ан̃н̃ууд̇и г̇ан̣ханд̇ийби ‘‘аяам̣ сад̇д̇о’’д̇и д̇асса саруубаг̇г̇ахан̣ад̇о д̣̇идтиби вад̇т̇ум̣ виж̇аанаад̇ийд̇и жз? на, сураабаанассаби ‘‘аяам̣ на сураа’’д̇и саруубаг̇г̇ахан̣асса самаанад̇д̇аа. ‘‘аяа’’нд̇и жа вад̇т̇убараамасанзби ‘‘сураа’’д̇и висзсавиж̇аананаабхааваа на ж̇аанаад̇ийд̇и жз? ‘‘аяа’’нд̇и буг̇г̇алад̇д̇ам̣ ж̇аананд̇ийби ‘‘асаб̣б̣ан̃н̃уу’’д̇иби висзсаж̇аананаабхааваа д̣̇идтиби вад̇т̇ум̣ на ж̇аанаад̇ийд̇и самаанамзва. зван̃хи д̇зсам̣ б̣уд̣̇д̇хаад̇и ахид̇од̇и ахид̇ам̣ ваа бууран̣агассабаад̣̇им̣ хид̇о бадигхасса ваа анунаяасса ваа уббаад̣̇анзби зсзва наяо. вибаллаасабуб̣б̣аган̃хи саб̣б̣ам̣ агусалам̣.
Nanu vatthuṃ jānantasseva sabbe kammapathā vuttāti? Na, micchādiṭṭhiyā viparītaggahaṇeneva pavattattā. Kathañhi nāma asabbaññuṃ sabbaññuto, aniccādiṃ niccādito ca gahaṇantī diṭṭhi vatthuṃ vijānāti. Yadi hi jāneyya, micchādiṭṭhiyeva na siyā. Sā ca kammapathesu gaṇitāti kuto jānantasseva kammapathappavattiniyamo. Atha sabbaññuṃ sabbaññūti gaṇhantīpi ‘‘ayaṃ satto’’ti tassa sarūpaggahaṇato diṭṭhipi vatthuṃ vijānātīti ce? Na, surāpānassapi ‘‘ayaṃ na surā’’ti sarūpaggahaṇassa samānattā. ‘‘Aya’’nti ca vatthuparāmasanepi ‘‘surā’’ti visesavijānanābhāvā na jānātīti ce? ‘‘Aya’’nti puggalattaṃ jānantīpi ‘‘asabbaññū’’tipi visesajānanābhāvā diṭṭhipi vatthuṃ na jānātīti samānameva. Evañhi tesaṃ buddhāti ahitoti ahitaṃ vā pūraṇakassapādiṃ hito paṭighassa vā anunayassa vā uppādanepi eseva nayo. Vipallāsapubbakañhi sabbaṃ akusalaṃ.
абижа сурааяа бийяамаанааяа нияамзна агусалуббаад̣̇анам̣ сабхааво бийд̇ааяа вияа. кийраад̣̇исан̃н̃ааяа бийд̇асурасса буг̇г̇аласса маад̇убхаг̇иниаад̣̇ийсуби рааг̇ад̣̇осаад̣̇иагусалаббаб̣анд̇хо вад̇т̇усабхаавзнзва уббаж̇ж̇ад̇и, звам̣ бийяамаанагкан̣зби д̇икин̣о рааг̇о уббаж̇ж̇ад̇зва, д̇знзва сааг̇ад̇ад̇т̇зрасса аж̇аанид̇ваа биванагаалз бан̃жаабхин̃н̃аад̣̇ижхаанабарихаани, бажчаа жа б̣уд̣̇д̇хаад̣̇ийсу аг̇аараваад̣̇иагусалаббаб̣анд̇хо яаава сураавиг̇амаа бавад̇д̇ид̇т̇а. д̇знзва бхаг̇авааби д̇асса аг̇аараваад̣̇иагаусалаббавад̇д̇ид̣̇ассанамукзна сураад̣̇осам̣ багаасзд̇ваа сигкаабад̣̇ам̣ бан̃н̃абзси. на хи бан̃жанийваран̣уббад̇д̇им̣ винаа жхаанабарихаани ход̇и. д̇асмаа аж̇аананд̇ассааби сураа бийяамаанаа бийд̇аа жа ад̇д̇ано сабхаавзнзва агусалуббаад̣̇игаад̇и аяамад̇т̇о сааг̇ад̇ад̇т̇зрасса жхаанабарихаанияаа анваяад̇оби, арияаанам̣ гилзсаабхаавзна мукзна сурааяа аббавзсасан̇каад̇аб̣яад̇ирзгад̇оби сиж̇жхад̇ийд̇и нидтамзд̇т̇а г̇анд̇аб̣б̣ам̣, звам̣ г̇ахан̣амзва хи вибхаж̇ж̇аваад̣̇иймад̇аанусаарам̣.
Apica surāya pīyamānāya niyamena akusaluppādanaṃ sabhāvo pītāya viya. Khīrādisaññāya pītasurassa puggalassa mātubhaginiādīsupi rāgadosādiakusalappabandho vatthusabhāveneva uppajjati, evaṃ pīyamānakkhaṇepi tikhiṇo rāgo uppajjateva, teneva sāgatattherassa ajānitvā pivanakāle pañcābhiññādijhānaparihāni, pacchā ca buddhādīsu agāravādiakusalappabandho yāva surāvigamā pavattittha. Teneva bhagavāpi tassa agāravādiakausalappavattidassanamukhena surādosaṃ pakāsetvā sikkhāpadaṃ paññapesi. Na hi pañcanīvaraṇuppattiṃ vinā jhānaparihāni hoti. Tasmā ajānantassāpi surā pīyamānā pītā ca attano sabhāveneva akusaluppādikāti ayamattho sāgatattherassa jhānaparihāniyā anvayatopi, ariyānaṃ kilesābhāvena mukhena surāya appavesasaṅkhātabyatirekatopi sijjhatīti niṭṭhamettha gantabbaṃ, evaṃ gahaṇameva hi vibhajjavādīmatānusāraṃ.
яам̣ бана ‘‘ж̇аанид̇ваа биванд̇ассзва агусала’’нд̇и г̇ахан̣ам̣, д̇ам̣ бхинналад̣̇д̇хигаанам̣ абхаяаг̇иригаад̣̇ийнамзва мад̇ам̣, д̇ам̣ бана г̇ан̣тибад̣̇агаарагаад̣̇ийхи ‘‘бараваад̣̇о’’д̇и аж̇аананд̇зхи ад̇д̇ано мад̇ияаа сам̣санд̣̇ид̇ваа ликид̇ам̣ вибхаж̇ж̇аваад̣̇ийман̣д̣аламби бависид̇ваа яааваж̇ж̇ад̇анаа саасанам̣ д̣̇уусзд̇и, бурааби гира имасмимби д̣̇амил̣арадтз гожи бхинналад̣̇д̇хиго нааг̇асзно наама т̇зро гун̣д̣алагзсийвад̇т̇ум̣ бараваад̣̇амат̇ананаяад̣̇ассанад̇т̇ам̣ д̣̇амил̣агаб̣б̣аруубзна гаарзнд̇о ‘‘имам̣ сураабаанасса ж̇аанид̇ваава биванз агусаланаяам̣, ан̃н̃ан̃жа д̣̇зсагаалаад̣̇ибхзд̣̇зна ананд̇амби н̃зяяам̣ саб̣б̣ан̃н̃уд̇ан̃н̃аан̣ам̣ салагкан̣авасзнзва н̃аад̇ум̣ на саггод̇и н̃аан̣зна барижчиннад̇д̇зна н̃зяяасса ананд̇ад̇д̇ахааниббасан̇г̇ад̇о. анижжаад̣̇исааман̃н̃алагкан̣авасзнзва бана н̃аад̇ум̣ саггод̇ий’’д̇и жа, ‘‘барамад̇т̇ад̇хаммзсу наамаруубанд̇иаад̣̇ибхзд̣̇о вияа буг̇г̇алаад̣̇исаммуд̇иби висум̣ вад̇т̇убхзд̣̇о зваа’’д̇и жа звамаад̣̇игам̣ б̣ахум̣ вибарийд̇ад̇т̇анаяам̣ габ̣б̣аагаарасса гавино убад̣̇исид̇ваа д̇асмим̣ баб̣анд̇хз гааран̣аабхаасзхи сад̇им̣ саммохзд̇ваа баб̣анд̇хаабзси, д̇ан̃жа габ̣б̣ам̣ ниссааяа имам̣ бхинналад̣̇д̇хигамад̇ам̣ ид̇ха вибхаж̇ж̇аваад̣̇иймад̇з саммиссам̣ жирам̣ бавад̇д̇ид̇т̇а. д̇ам̣ бана бажчаа аажарияаб̣уд̣̇д̇хаббияамахаат̇зрзна б̣аахираб̣бхаригам̣ д̣̇идтиж̇аалам̣ вигхаадзд̇ваа ид̇ха барисуд̣̇д̇хам̣ саасанам̣ бад̇идтаабзнд̇зна сод̇хид̇амби саарад̇т̇ад̣̇ийбанияаа (саарад̇т̇а. дий. баарааж̇игаган̣д̣а 2.42) винаяадийгааяа сураабаанасса сажид̇д̇агабагкзязва жид̇д̇ам̣ агусаланд̇и самад̇т̇анаважанам̣ ниссааяа гзхижи вибаллад̇д̇ажид̇д̇зхи буна угкид̇д̇асирам̣ ж̇аад̇ам̣, д̇ан̃жа махаат̇зрзхи винижчинид̇ваа г̇аараяхаваад̣̇ам̣ гад̇ваа мад̣̇д̣̇ид̇ваа лад̣̇д̇хиг̇аахагз жа бхигкуу вияож̇зд̇ваа д̇хаммзна винаязна сад̇т̇усаасанзна жирзнзва вуубасамид̇ам̣. д̇знзвзд̇т̇а маяам̣ звам̣ вид̇т̇аарад̇о ид̣̇ам̣ бадигкибимха ‘‘маа ан̃н̃зби вибхаж̇ж̇аваад̣̇ино аяам̣ лад̣̇д̇хи д̣̇уусзсий’’д̇и. д̇асмаа ид̇ха вуд̇д̇аани авуд̇д̇аани жа гааран̣аани судту саллагкзд̇ваа яат̇аа ааг̇амавирод̇хо на ход̇и, д̇ат̇аа ад̇т̇о г̇ахзд̇аб̣б̣о.
Yaṃ pana ‘‘jānitvā pivantasseva akusala’’nti gahaṇaṃ, taṃ bhinnaladdhikānaṃ abhayagirikādīnameva mataṃ, taṃ pana gaṇṭhipadakārakādīhi ‘‘paravādo’’ti ajānantehi attano matiyā saṃsanditvā likhitaṃ vibhajjavādīmaṇḍalampi pavisitvā yāvajjatanā sāsanaṃ dūseti, purāpi kira imasmimpi damiḷaraṭṭhe koci bhinnaladdhiko nāgaseno nāma thero kuṇḍalakesīvatthuṃ paravādamathananayadassanatthaṃ damiḷakabbarūpena kārento ‘‘imaṃ surāpānassa jānitvāva pivane akusalanayaṃ, aññañca desakālādibhedena anantampi ñeyyaṃ sabbaññutaññāṇaṃ salakkhaṇavaseneva ñātuṃ na sakkoti ñāṇena paricchinnattena ñeyyassa anantattahānippasaṅgato. Aniccādisāmaññalakkhaṇavaseneva pana ñātuṃ sakkotī’’ti ca, ‘‘paramatthadhammesu nāmarūpantiādibhedo viya puggalādisammutipi visuṃ vatthubhedo evā’’ti ca evamādikaṃ bahuṃ viparītatthanayaṃ kabbākārassa kavino upadisitvā tasmiṃ pabandhe kāraṇābhāsehi satiṃ sammohetvā pabandhāpesi, tañca kabbaṃ nissāya imaṃ bhinnaladdhikamataṃ idha vibhajjavādīmate sammissaṃ ciraṃ pavattittha. Taṃ pana pacchā ācariyabuddhappiyamahātherena bāhirabbharikaṃ diṭṭhijālaṃ vighāṭetvā idha parisuddhaṃ sāsanaṃ patiṭṭhāpentena sodhitampi sāratthadīpaniyā (sārattha. ṭī. pārājikakaṇḍa 2.42) vinayaṭīkāya surāpānassa sacittakapakkheyeva cittaṃ akusalanti samatthanavacanaṃ nissāya kehici vipallattacittehi puna ukkhittasiraṃ jātaṃ, tañca mahātherehi vinicchinitvā gārayhavādaṃ katvā madditvā laddhigāhake ca bhikkhū viyojetvā dhammena vinayena satthusāsanena cireneva vūpasamitaṃ. Tenevettha mayaṃ evaṃ vitthārato idaṃ paṭikkhipimha ‘‘mā aññepi vibhajjavādino ayaṃ laddhi dūsesī’’ti. Tasmā idha vuttāni avuttāni ca kāraṇāni suṭṭhu sallakkhetvā yathā āgamavirodho na hoti, tathā attho gahetabbo.
сзсанд̇и яасса вад̇т̇увиж̇аананажид̇д̇зна сажид̇д̇агабагкзби жид̇д̇ам̣ агусаламзваад̇и нияамо над̇т̇и, д̇ам̣ саб̣б̣анд̇и ад̇т̇о. рунд̇ханд̇ийд̇и ‘‘д̇иражчаанаг̇ад̇ид̇т̇ияаа д̣̇осо над̇т̇ий’’д̇иаад̣̇инаа анаабад̇д̇ияаа лзсаг̇г̇ахан̣ам̣ ниваарзнд̇ий. д̣̇ваарам̣ бид̣̇аханд̇ийд̇и ‘‘д̇ан̃жа ко мануссид̇т̇ияаа’’д̇иаад̣̇инаа (баараа. 41) лзсаг̇г̇ахан̣асса гааран̣асан̇каад̇ам̣ д̣̇ваарам̣ бид̣̇аханд̇ий. сод̇ам̣ бажчинд̣̇амаанаад̇и д̇ад̣̇убхаяалзсаг̇г̇ахан̣ад̣̇ваараанам̣ васзна авижчиннам̣ вийд̇иггамасод̇ам̣ бажчинд̣̇амаанаа. г̇аал̣хад̇арам̣ гаронд̇ийд̇и яат̇аавуд̇д̇зхи гааран̣зхи батамабан̃н̃ад̇д̇исид̣̇д̇хам̣ аабад̇д̇ин̃н̃зва д̣̇ал̣хам̣ гаронд̇ий, анаабад̇д̇ияаа огаасам̣ ад̣̇ад̣̇амаанаад̇и ад̇т̇о. саа жа яасмаа вийд̇иггамаабхаавз, ависаяад̇ааяа аб̣б̣охааригз вийд̇иггамз жа логаваж̇ж̇зби сит̇илам̣ гаронд̇ий уббаж̇ж̇ад̇и, д̇асмаа д̇ат̇аа уббад̇д̇им̣ уббад̇д̇игааран̣ан̃жа д̣̇ассзнд̇о ааха ан̃н̃ад̇ра ад̇химаанаад̇иаад̣̇и. ан̃н̃ад̇ра ад̇химаанаад̇и имиссаа анубан̃н̃ад̇д̇ияаа ‘‘вийд̇иггамаабхааваа’’д̇и гааран̣ам̣ вуд̇д̇ам̣. ан̃н̃ад̇ра субинанд̇аад̇и имиссаа ‘‘аб̣б̣охааригад̇д̇аа’’д̇и гааран̣ам̣ вуд̇д̇ам̣. д̇ад̇т̇а вийд̇иггамаабхааваад̇и баабижчааяа авиж̇ж̇амаанасса уд̇д̇аримануссад̇хаммасса виж̇ж̇амаанад̇о багаасанавасаббавад̇д̇ависам̣ваад̣̇анаад̇хиббааяасан̇каад̇асса вийд̇иггамасса абхаавад̇о. ад̇химаанигасса хи анад̇хиг̇ад̇з ад̇хиг̇ад̇асан̃н̃ид̇ааяа яат̇аавуд̇д̇авийд̇иггамо над̇т̇и. аб̣б̣охааригад̇д̇аад̇и ‘‘ад̇т̇зсаа, бхигкавз, жзд̇анаа, саа жа ко аб̣б̣охааригаа’’д̇и (баараа. 235) важанад̇о можанассаад̣̇ажзд̇анааяа убаггаманасса жа виж̇ж̇амаанад̇д̇зби т̇инамид̣̇д̇хзна абхибхууд̇ад̇ааяа авасад̇д̇зна аб̣б̣охааригад̇д̇аа, аабад̇д̇игааран̣авохаараабхааваад̇и ад̇т̇о. ваа-сад̣̇д̣̇о жзд̇т̇а самужжаяад̇т̇о д̣̇адтаб̣б̣о, ‘‘аб̣б̣охааригад̇д̇аа жаа’’д̇и ваа баато. вуд̇д̇аад̇и д̣̇увид̇хааби жзсаа анубан̃н̃ад̇д̇и анаабад̇д̇игараа вуд̇д̇аад̇и ад̇хиббааяо.
Sesanti yassa vatthuvijānanacittena sacittakapakkhepi cittaṃ akusalamevāti niyamo natthi, taṃ sabbanti attho. Rundhantīti ‘‘tiracchānagatitthiyā doso natthī’’tiādinā anāpattiyā lesaggahaṇaṃ nivārentī. Dvāraṃ pidahantīti ‘‘tañca kho manussitthiyā’’tiādinā (pārā. 41) lesaggahaṇassa kāraṇasaṅkhātaṃ dvāraṃ pidahantī. Sotaṃ pacchindamānāti tadubhayalesaggahaṇadvārānaṃ vasena avicchinnaṃ vītikkamasotaṃ pacchindamānā. Gāḷhataraṃ karontīti yathāvuttehi kāraṇehi paṭhamapaññattisiddhaṃ āpattiññeva daḷhaṃ karontī, anāpattiyā okāsaṃ adadamānāti attho. Sā ca yasmā vītikkamābhāve, avisayatāya abbohārike vītikkame ca lokavajjepi sithilaṃ karontī uppajjati, tasmā tathā uppattiṃ uppattikāraṇañca dassento āha aññatra adhimānātiādi. Aññatra adhimānāti imissā anupaññattiyā ‘‘vītikkamābhāvā’’ti kāraṇaṃ vuttaṃ. Aññatra supinantāti imissā ‘‘abbohārikattā’’ti kāraṇaṃ vuttaṃ. Tattha vītikkamābhāvāti pāpicchāya avijjamānassa uttarimanussadhammassa vijjamānato pakāsanavasappavattavisaṃvādanādhippāyasaṅkhātassa vītikkamassa abhāvato. Adhimānikassa hi anadhigate adhigatasaññitāya yathāvuttavītikkamo natthi. Abbohārikattāti ‘‘atthesā, bhikkhave, cetanā, sā ca kho abbohārikā’’ti (pārā. 235) vacanato mocanassādacetanāya upakkamanassa ca vijjamānattepi thinamiddhena abhibhūtatāya avasattena abbohārikattā, āpattikāraṇavohārābhāvāti attho. Vā-saddo cettha samuccayattho daṭṭhabbo, ‘‘abbohārikattā cā’’ti vā pāṭho. Vuttāti duvidhāpi cesā anupaññatti anāpattikarā vuttāti adhippāyo.
агад̇з вийд̇иггамзд̇и аабад̣̇аасуби бхигкуухи сигкаабад̣̇авийд̇иггамз агад̇з, гуггужжаа на бхун̃ж̇им̣сууд̇иаад̣̇ийсу вияа вийд̇иггамам̣ агад̇ваа бхигкуухи ад̇д̇ано д̣̇угкуббад̇д̇ияаа аарожид̇ааяаад̇и ад̇т̇о. сит̇илам̣ гаронд̇ийд̇и батамам̣ сааман̃н̃ад̇о б̣ад̣̇д̇хасигкаабад̣̇ам̣ можзд̇ваа ад̇д̇ано висаяз анаабад̇д̇игаран̣авасзна сит̇илам̣ гаронд̇ий. д̣̇ваарам̣ д̣̇ад̣̇амаанаад̇и анаабад̇д̇ияаа д̣̇ваарам̣ д̣̇ад̣̇амаанаа. абараабарамби анаабад̇д̇им̣ гурумаанаад̇и д̣̇иннзна д̇зна д̣̇ваарзна убаруубари анаабад̇д̇ибхаавам̣ д̣̇ийбзнд̇ий. бан̃н̃ад̇д̇зби сигкаабад̣̇з уд̣̇ааяинаа ‘‘мухуд̇д̇игааяа взсияаа на д̣̇осо’’д̇и лзсзна вийд̇иггамид̇ваа сан̃жарид̇д̇аабаж̇ж̇анавад̇т̇усмим̣ (баараа. 296 аад̣̇аяо) бан̃н̃ад̇д̇ад̇д̇аа ‘‘гад̇з вийд̇иггамз’’д̇и вуд̇д̇ам̣. бан̃н̃ад̇д̇иг̇ад̇игаад̇и ад̇т̇ад̇о муулабан̃н̃ад̇д̇иязваад̇и ад̇хиббааяо.
Akate vītikkameti āpadāsupi bhikkhūhi sikkhāpadavītikkame akate, kukkuccā na bhuñjiṃsūtiādīsu viya vītikkamaṃ akatvā bhikkhūhi attano dukkhuppattiyā ārocitāyāti attho. Sithilaṃ karontīti paṭhamaṃ sāmaññato baddhasikkhāpadaṃ mocetvā attano visaye anāpattikaraṇavasena sithilaṃ karontī. Dvāraṃ dadamānāti anāpattiyā dvāraṃ dadamānā. Aparāparampi anāpattiṃ kurumānāti dinnena tena dvārena uparūpari anāpattibhāvaṃ dīpentī. Paññattepi sikkhāpade udāyinā ‘‘muhuttikāya vesiyā na doso’’ti lesena vītikkamitvā sañcarittāpajjanavatthusmiṃ (pārā. 296 ādayo) paññattattā ‘‘kate vītikkame’’ti vuttaṃ. Paññattigatikāti atthato mūlapaññattiyevāti adhippāyo.
маггадийвад̇т̇угат̇ааван̣н̣анаанаяо нидтид̇о.
Makkaṭīvatthukathāvaṇṇanānayo niṭṭhito.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махаавибхан̇г̇а • Mahāvibhaṅga / 1. батамабаарааж̇игам̣ • 1. Paṭhamapārājikaṃ
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махаавибхан̇г̇а-адтагат̇аа • Mahāvibhaṅga-aṭṭhakathā / 1. батамабаарааж̇игам̣ • 1. Paṭhamapārājikaṃ
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / маггадивад̇т̇угат̇ааван̣н̣анаа • Makkaṭivatthukathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / маггадийвад̇т̇угат̇ааван̣н̣анаа • Makkaṭīvatthukathāvaṇṇanā
