| Library / Tipiṭaka / д̇ибидага • Tipiṭaka / ид̇ивуд̇д̇ага-адтагат̇аа • Itivuttaka-aṭṭhakathā |
5. магкасуд̇д̇аван̣н̣анаа
5. Makkhasuttavaṇṇanā
5. бан̃жамз магканд̇и бараг̇ун̣амагканам̣. яад̣̇иби хи со г̇уут̇ам̣ г̇ахзд̇ваа барам̣ бахаранд̇о вияа ад̇д̇ано гарам̣ батамад̇арам̣ магкад̇иязва, д̇ат̇ааби барзсам̣ г̇ун̣амагканаад̇хиббааязна бавад̇д̇зд̇аб̣б̣ад̇д̇аа ‘‘бараг̇ун̣амагкано’’д̇и вужжад̇и. д̇ат̇аа хи со уд̣̇агабун̃чанамива нхаад̇асса сарийраг̇ад̇ам̣ уд̣̇агам̣ барзсам̣ г̇ун̣з магкзд̇и бун̃чад̇и винаасзд̇и , барзхи ваа гад̇аанам̣ маханд̇аанамби гаараанам̣ кзбанад̇о д̇хам̣санад̇о магкод̇и вужжад̇и. со бараг̇ун̣амагканалагкан̣о, д̇зсам̣ винаасанарасо, д̇ад̣̇аважчаад̣̇анабажжубадтаано. ад̇т̇ад̇о бана барзсам̣ г̇ун̣амагканаагаарзна бавад̇д̇о д̣̇оманассасахаг̇ад̇ажид̇д̇уббаад̣̇од̇и д̣̇адтаб̣б̣ам̣. баж̇ахат̇аад̇и д̇ад̇т̇а вуд̇д̇аббабхзд̣̇ам̣ д̣̇осам̣, д̣̇осз жа вуд̇д̇анаяам̣ аад̣̇ийнавам̣, бахаанз жасса аанисам̣сам̣ бажжавзгкид̇ваа буб̣б̣абхааг̇з д̇ад̣̇ан̇г̇аад̣̇ивасзна баж̇аханд̇аа вибассанам̣ уссуггаабзд̇ваа д̇ад̇ияамаг̇г̇зна анавасзсам̣ самужчинд̣̇ат̇аад̇и ад̇т̇о. магкаасзд̇и магкид̇аа магкид̇абараг̇ун̣аа, барзсам̣ г̇ун̣аанам̣ магкид̇ааро, д̇ад̇о зва ад̇д̇аноби д̇хам̣сид̇аг̇ун̣аад̇и ад̇т̇о. сзсам̣ вуд̇д̇анаяамзва.
5. Pañcame makkhanti paraguṇamakkhanaṃ. Yadipi hi so gūthaṃ gahetvā paraṃ paharanto viya attano karaṃ paṭhamataraṃ makkhatiyeva, tathāpi paresaṃ guṇamakkhanādhippāyena pavattetabbattā ‘‘paraguṇamakkhano’’ti vuccati. Tathā hi so udakapuñchanamiva nhātassa sarīragataṃ udakaṃ paresaṃ guṇe makkheti puñchati vināseti , parehi vā katānaṃ mahantānampi kārānaṃ khepanato dhaṃsanato makkhoti vuccati. So paraguṇamakkhanalakkhaṇo, tesaṃ vināsanaraso, tadavacchādanapaccupaṭṭhāno. Atthato pana paresaṃ guṇamakkhanākārena pavatto domanassasahagatacittuppādoti daṭṭhabbaṃ. Pajahathāti tattha vuttappabhedaṃ dosaṃ, dose ca vuttanayaṃ ādīnavaṃ, pahāne cassa ānisaṃsaṃ paccavekkhitvā pubbabhāge tadaṅgādivasena pajahantā vipassanaṃ ussukkāpetvā tatiyamaggena anavasesaṃ samucchindathāti attho. Makkhāseti makkhitā makkhitaparaguṇā, paresaṃ guṇānaṃ makkhitāro, tato eva attanopi dhaṃsitaguṇāti attho. Sesaṃ vuttanayameva.
бан̃жамасуд̇д̇аван̣н̣анаа нидтид̇аа.
Pañcamasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ид̇ивуд̇д̇агабаал̣и • Itivuttakapāḷi / 5. магкасуд̇д̇ам̣ • 5. Makkhasuttaṃ
