| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (дийгаа) • Aṅguttaranikāya (ṭīkā) |
5-8. маласуд̇д̇аад̣̇иван̣н̣анаа
5-8. Malasuttādivaṇṇanā
15-18. бан̃жамз (д̇ха. ба. адта. 2.241) яаа гаажи барияад̇д̇и ваа сиббам̣ ваа яасмаа асаж̇жхааяанд̇асса анануяун̃ж̇анд̇асса винассад̇и, ниранд̇арам̣ ваа на убадтаад̇и, д̇асмаа ‘‘асаж̇жхааяамалаа манд̇аа’’д̇и вуд̇д̇ам̣. яасмаа бана гхарааваасам̣ васанд̇асса удтааяудтааяа ж̇ин̣н̣аббадисан̇каран̣аад̣̇ийни агаронд̇асса гхарам̣ наама винассад̇и, д̇асмаа ‘‘анудтаанамалаа гхараа’’д̇и вуд̇д̇ам̣. яасмаа г̇ихисса ваа баб̣б̣аж̇ид̇асса ваа госаж̇ж̇авасзна сарийраббаж̇аг̇г̇анам̣ ваа баригкаараббадиж̇аг̇г̇анам̣ ваа агаронд̇асса гааяо д̣̇уб̣б̣ан̣н̣о ход̇и, д̇асмаа ‘‘малам̣ ван̣н̣асса госаж̇ж̇а’’нд̇и вуд̇д̇ам̣. яасмаа бана г̇ааво рагканд̇асса бамаад̣̇авасзна нид̣̇д̣̇ааяанд̇асса ваа гийл̣анд̇асса ваа д̇аа г̇ааво ад̇ид̇т̇абагканд̣̇анаад̣̇ийхи ваа ваал̣амиг̇ажораад̣̇иубад̣̇д̣̇авзна ваа барзсам̣ саалигкзд̇д̇аад̣̇ийни од̇арид̇ваа каад̣̇анавасзна ваа винаасамаабаж̇ж̇анд̇и, саяамби д̣̇ан̣д̣ам̣ ваа барибхаасам̣ ваа баабун̣аад̇и, баб̣б̣аж̇ид̇ам̣ ваа бана чад̣̇ваараад̣̇ийни арагканд̇ам̣ бамаад̣̇авасзна гилзсаа од̇арид̇ваа саасанаа жаавзнд̇и, д̇асмаа ‘‘бамаад̣̇о рагкад̇о мала’’нд̇и вуд̇д̇ам̣. со хисса винаасаавахзна маладтаанияад̇д̇аа малам̣.
15-18. Pañcame (dha. pa. aṭṭha. 2.241) yā kāci pariyatti vā sippaṃ vā yasmā asajjhāyantassa ananuyuñjantassa vinassati, nirantaraṃ vā na upaṭṭhāti, tasmā ‘‘asajjhāyamalā mantā’’ti vuttaṃ. Yasmā pana gharāvāsaṃ vasantassa uṭṭhāyuṭṭhāya jiṇṇappaṭisaṅkharaṇādīni akarontassa gharaṃ nāma vinassati, tasmā ‘‘anuṭṭhānamalā gharā’’ti vuttaṃ. Yasmā gihissa vā pabbajitassa vā kosajjavasena sarīrappajagganaṃ vā parikkhārappaṭijagganaṃ vā akarontassa kāyo dubbaṇṇo hoti, tasmā ‘‘malaṃ vaṇṇassa kosajja’’nti vuttaṃ. Yasmā pana gāvo rakkhantassa pamādavasena niddāyantassa vā kīḷantassa vā tā gāvo atitthapakkhandanādīhi vā vāḷamigacorādiupaddavena vā paresaṃ sālikkhettādīni otaritvā khādanavasena vā vināsamāpajjanti, sayampi daṇḍaṃ vā paribhāsaṃ vā pāpuṇāti, pabbajitaṃ vā pana chadvārādīni arakkhantaṃ pamādavasena kilesā otaritvā sāsanā cāventi, tasmā ‘‘pamādo rakkhato mala’’nti vuttaṃ. So hissa vināsāvahena malaṭṭhāniyattā malaṃ.
д̣̇ужжарид̇анд̇и ад̇ижааро. ад̇ижааринин̃хи ид̇т̇им̣ саамигоби г̇зхаа нийхарад̇и, маад̇аабид̇уунам̣ санд̇игам̣ г̇ад̇амби ‘‘д̇вам̣ гуласса ан̇г̇аарабхууд̇аа, агкийхиби на д̣̇адтаб̣б̣аа’’д̇и д̇ам̣ маад̇аабид̇ароби нийхаранд̇и, саа анаат̇аа вижаранд̇ий махаад̣̇угкам̣ баабун̣аад̇и. д̇знассаа д̣̇ужжарид̇ам̣ ‘‘мала’’нд̇и вуд̇д̇ам̣. д̣̇ад̣̇ад̇од̇и д̣̇ааяагасса. яасса хи кзд̇д̇агасанагаалз ‘‘имасмим̣ кзд̇д̇з самбаннз салаагабхад̇д̇аад̣̇ийни д̣̇ассаамий’’д̇и жинд̇зд̇вааби нибпаннз сассз мажчзрам̣ уббаж̇ж̇ид̇ваа жааг̇ажид̇д̇ам̣ ниваарзд̇и, со мажчзравасзна жааг̇ажид̇д̇з авируханд̇з мануссасамбад̇д̇и, д̣̇иб̣б̣асамбад̇д̇и, ниб̣б̣аанасамбад̇д̇ийд̇и д̇иссо самбад̇д̇ияо на лабхад̇и. д̇зна вуд̇д̇ам̣ ‘‘мажчзрам̣ д̣̇ад̣̇ад̇о мала’’нд̇и. ан̃н̃зсуби зваруубзсу зсзва наяо. баабагаа д̇хаммаад̇и агусалаа д̇хаммаа. д̇з бана ид̇халогз баралогз жа маламзва. д̇ад̇од̇и хздтаа вуд̇д̇амалад̇о. малад̇аранд̇и ад̇ирзгамалам̣. чадтаад̣̇ийни уд̇д̇аанад̇т̇аанзва.
Duccaritanti aticāro. Aticāriniñhi itthiṃ sāmikopi gehā nīharati, mātāpitūnaṃ santikaṃ gatampi ‘‘tvaṃ kulassa aṅgārabhūtā, akkhīhipi na daṭṭhabbā’’ti taṃ mātāpitaropi nīharanti, sā anāthā vicarantī mahādukkhaṃ pāpuṇāti. Tenassā duccaritaṃ ‘‘mala’’nti vuttaṃ. Dadatoti dāyakassa. Yassa hi khettakasanakāle ‘‘imasmiṃ khette sampanne salākabhattādīni dassāmī’’ti cintetvāpi nipphanne sasse maccheraṃ uppajjitvā cāgacittaṃ nivāreti, so maccheravasena cāgacitte aviruhante manussasampatti, dibbasampatti, nibbānasampattīti tisso sampattiyo na labhati. Tena vuttaṃ ‘‘maccheraṃ dadato mala’’nti. Aññesupi evarūpesu eseva nayo. Pāpakā dhammāti akusalā dhammā. Te pana idhaloke paraloke ca malameva. Tatoti heṭṭhā vuttamalato. Malataranti atirekamalaṃ. Chaṭṭhādīni uttānatthāneva.
маласуд̇д̇аад̣̇иван̣н̣анаа нидтид̇аа.
Malasuttādivaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya
5. маласуд̇д̇ам̣ • 5. Malasuttaṃ
6. д̣̇ууд̇зяяасуд̇д̇ам̣ • 6. Dūteyyasuttaṃ
7. батамаб̣анд̇ханасуд̇д̇ам̣ • 7. Paṭhamabandhanasuttaṃ
8. д̣̇уд̇ияаб̣анд̇ханасуд̇д̇ам̣ • 8. Dutiyabandhanasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā)
5. маласуд̇д̇аван̣н̣анаа • 5. Malasuttavaṇṇanā
6. д̣̇ууд̇зяяасуд̇д̇аван̣н̣анаа • 6. Dūteyyasuttavaṇṇanā
7-8. б̣анд̇ханасуд̇д̇ад̣̇ваяаван̣н̣анаа • 7-8. Bandhanasuttadvayavaṇṇanā
