| Library / Tipiṭaka / তিপিটক • Tipiṭaka / অঙ্গুত্তরনিকায • Aṅguttaranikāya |
১০. মলসুত্তং
10. Malasuttaṃ
১০. ‘‘তীহি, ভিক্খৰে, ধম্মেহি সমন্নাগতো তযো মলে অপ্পহায যথাভতং নিক্খিত্তো এৰং নিরযে। কতমেহি তীহি? দুস্সীলো চ হোতি, দুস্সীল্যমলঞ্চস্স অপ্পহীনং হোতি; ইস্সুকী চ হোতি, ইস্সামলঞ্চস্স অপ্পহীনং হোতি; মচ্ছরী চ হোতি, মচ্ছেরমলঞ্চস্স অপ্পহীনং হোতি। ইমেহি খো, ভিক্খৰে, তীহি ধম্মেহি সমন্নাগতো ইমে তযো মলে অপ্পহায যথাভতং নিক্খিত্তো এৰং নিরযে।
10. ‘‘Tīhi, bhikkhave, dhammehi samannāgato tayo male appahāya yathābhataṃ nikkhitto evaṃ niraye. Katamehi tīhi? Dussīlo ca hoti, dussīlyamalañcassa appahīnaṃ hoti; issukī ca hoti, issāmalañcassa appahīnaṃ hoti; maccharī ca hoti, maccheramalañcassa appahīnaṃ hoti. Imehi kho, bhikkhave, tīhi dhammehi samannāgato ime tayo male appahāya yathābhataṃ nikkhitto evaṃ niraye.
‘‘তীহি , ভিক্খৰে, ধম্মেহি সমন্নাগতো তযো মলে পহায যথাভতং নিক্খিত্তো এৰং সগ্গে। কতমেহি তীহি? সীলৰা চ হোতি, দুস্সীল্যমলঞ্চস্স পহীনং হোতি; অনিস্সুকী চ হোতি, ইস্সামলঞ্চস্স পহীনং হোতি; অমচ্ছরী চ হোতি, মচ্ছেরমলঞ্চস্স পহীনং হোতি। ইমেহি খো, ভিক্খৰে, তীহি ধম্মেহি সমন্নাগতো ইমে তযো মলে পহায যথাভতং নিক্খিত্তো এৰং সগ্গে’’তি। দসমং।
‘‘Tīhi , bhikkhave, dhammehi samannāgato tayo male pahāya yathābhataṃ nikkhitto evaṃ sagge. Katamehi tīhi? Sīlavā ca hoti, dussīlyamalañcassa pahīnaṃ hoti; anissukī ca hoti, issāmalañcassa pahīnaṃ hoti; amaccharī ca hoti, maccheramalañcassa pahīnaṃ hoti. Imehi kho, bhikkhave, tīhi dhammehi samannāgato ime tayo male pahāya yathābhataṃ nikkhitto evaṃ sagge’’ti. Dasamaṃ.
বালৰগ্গো পঠমো।
Bālavaggo paṭhamo.
তস্সুদ্দানং –
Tassuddānaṃ –
ভযং লক্খণচিন্তী চ, অচ্চযঞ্চ অযোনিসো।
Bhayaṃ lakkhaṇacintī ca, accayañca ayoniso;
অকুসলঞ্চ সাৰজ্জং, সব্যাবজ্ঝখতং মলন্তি॥
Akusalañca sāvajjaṃ, sabyābajjhakhataṃ malanti.
Related texts:
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / অঙ্গুত্তরনিকায (অট্ঠকথা) • Aṅguttaranikāya (aṭṭhakathā) / ১০. মলসুত্তৰণ্ণনা • 10. Malasuttavaṇṇanā
টীকা • Tīkā / সুত্তপিটক (টীকা) • Suttapiṭaka (ṭīkā) / অঙ্গুত্তরনিকায (টীকা) • Aṅguttaranikāya (ṭīkā) / ৫-১০. অযোনিসোসুত্তাদিৰণ্ণনা • 5-10. Ayonisosuttādivaṇṇanā
