| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа • Aṅguttaranikāya |
10. маласуд̇д̇ам̣
10. Malasuttaṃ
10. ‘‘д̇ийхи, бхигкавз, д̇хаммзхи саманнааг̇ад̇о д̇аяо малз аббахааяа яат̇аабхад̇ам̣ нигкид̇д̇о звам̣ нираяз. гад̇амзхи д̇ийхи? д̣̇уссийло жа ход̇и, д̣̇уссийляамалан̃жасса аббахийнам̣ ход̇и; иссугий жа ход̇и, иссаамалан̃жасса аббахийнам̣ ход̇и; мажчарий жа ход̇и, мажчзрамалан̃жасса аббахийнам̣ ход̇и. имзхи ко, бхигкавз, д̇ийхи д̇хаммзхи саманнааг̇ад̇о имз д̇аяо малз аббахааяа яат̇аабхад̇ам̣ нигкид̇д̇о звам̣ нираяз.
10. ‘‘Tīhi, bhikkhave, dhammehi samannāgato tayo male appahāya yathābhataṃ nikkhitto evaṃ niraye. Katamehi tīhi? Dussīlo ca hoti, dussīlyamalañcassa appahīnaṃ hoti; issukī ca hoti, issāmalañcassa appahīnaṃ hoti; maccharī ca hoti, maccheramalañcassa appahīnaṃ hoti. Imehi kho, bhikkhave, tīhi dhammehi samannāgato ime tayo male appahāya yathābhataṃ nikkhitto evaṃ niraye.
‘‘д̇ийхи , бхигкавз, д̇хаммзхи саманнааг̇ад̇о д̇аяо малз бахааяа яат̇аабхад̇ам̣ нигкид̇д̇о звам̣ саг̇г̇з. гад̇амзхи д̇ийхи? сийлаваа жа ход̇и, д̣̇уссийляамалан̃жасса бахийнам̣ ход̇и; аниссугий жа ход̇и, иссаамалан̃жасса бахийнам̣ ход̇и; амажчарий жа ход̇и, мажчзрамалан̃жасса бахийнам̣ ход̇и. имзхи ко, бхигкавз, д̇ийхи д̇хаммзхи саманнааг̇ад̇о имз д̇аяо малз бахааяа яат̇аабхад̇ам̣ нигкид̇д̇о звам̣ саг̇г̇з’’д̇и. д̣̇асамам̣.
‘‘Tīhi , bhikkhave, dhammehi samannāgato tayo male pahāya yathābhataṃ nikkhitto evaṃ sagge. Katamehi tīhi? Sīlavā ca hoti, dussīlyamalañcassa pahīnaṃ hoti; anissukī ca hoti, issāmalañcassa pahīnaṃ hoti; amaccharī ca hoti, maccheramalañcassa pahīnaṃ hoti. Imehi kho, bhikkhave, tīhi dhammehi samannāgato ime tayo male pahāya yathābhataṃ nikkhitto evaṃ sagge’’ti. Dasamaṃ.
б̣аалаваг̇г̇о батамо.
Bālavaggo paṭhamo.
д̇ассуд̣̇д̣̇аанам̣ –
Tassuddānaṃ –
бхаяам̣ лагкан̣ажинд̇ий жа, ажжаяан̃жа аяонисо;
Bhayaṃ lakkhaṇacintī ca, accayañca ayoniso;
агусалан̃жа сааваж̇ж̇ам̣, саб̣яааб̣аж̇жхакад̇ам̣ маланд̇и.
Akusalañca sāvajjaṃ, sabyābajjhakhataṃ malanti.
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) / 10. маласуд̇д̇аван̣н̣анаа • 10. Malasuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 5-10. аяонисосуд̇д̇аад̣̇иван̣н̣анаа • 5-10. Ayonisosuttādivaṇṇanā
