| Library / Tipiṭaka / ತಿಪಿಟಕ • Tipiṭaka / ಅಙ್ಗುತ್ತರನಿಕಾಯ • Aṅguttaranikāya |
೧೦. ಮಲಸುತ್ತಂ
10. Malasuttaṃ
೧೦. ‘‘ತೀಹಿ, ಭಿಕ್ಖವೇ, ಧಮ್ಮೇಹಿ ಸಮನ್ನಾಗತೋ ತಯೋ ಮಲೇ ಅಪ್ಪಹಾಯ ಯಥಾಭತಂ ನಿಕ್ಖಿತ್ತೋ ಏವಂ ನಿರಯೇ। ಕತಮೇಹಿ ತೀಹಿ? ದುಸ್ಸೀಲೋ ಚ ಹೋತಿ, ದುಸ್ಸೀಲ್ಯಮಲಞ್ಚಸ್ಸ ಅಪ್ಪಹೀನಂ ಹೋತಿ; ಇಸ್ಸುಕೀ ಚ ಹೋತಿ, ಇಸ್ಸಾಮಲಞ್ಚಸ್ಸ ಅಪ್ಪಹೀನಂ ಹೋತಿ; ಮಚ್ಛರೀ ಚ ಹೋತಿ, ಮಚ್ಛೇರಮಲಞ್ಚಸ್ಸ ಅಪ್ಪಹೀನಂ ಹೋತಿ। ಇಮೇಹಿ ಖೋ, ಭಿಕ್ಖವೇ, ತೀಹಿ ಧಮ್ಮೇಹಿ ಸಮನ್ನಾಗತೋ ಇಮೇ ತಯೋ ಮಲೇ ಅಪ್ಪಹಾಯ ಯಥಾಭತಂ ನಿಕ್ಖಿತ್ತೋ ಏವಂ ನಿರಯೇ।
10. ‘‘Tīhi, bhikkhave, dhammehi samannāgato tayo male appahāya yathābhataṃ nikkhitto evaṃ niraye. Katamehi tīhi? Dussīlo ca hoti, dussīlyamalañcassa appahīnaṃ hoti; issukī ca hoti, issāmalañcassa appahīnaṃ hoti; maccharī ca hoti, maccheramalañcassa appahīnaṃ hoti. Imehi kho, bhikkhave, tīhi dhammehi samannāgato ime tayo male appahāya yathābhataṃ nikkhitto evaṃ niraye.
‘‘ತೀಹಿ , ಭಿಕ್ಖವೇ, ಧಮ್ಮೇಹಿ ಸಮನ್ನಾಗತೋ ತಯೋ ಮಲೇ ಪಹಾಯ ಯಥಾಭತಂ ನಿಕ್ಖಿತ್ತೋ ಏವಂ ಸಗ್ಗೇ। ಕತಮೇಹಿ ತೀಹಿ? ಸೀಲವಾ ಚ ಹೋತಿ, ದುಸ್ಸೀಲ್ಯಮಲಞ್ಚಸ್ಸ ಪಹೀನಂ ಹೋತಿ; ಅನಿಸ್ಸುಕೀ ಚ ಹೋತಿ, ಇಸ್ಸಾಮಲಞ್ಚಸ್ಸ ಪಹೀನಂ ಹೋತಿ; ಅಮಚ್ಛರೀ ಚ ಹೋತಿ, ಮಚ್ಛೇರಮಲಞ್ಚಸ್ಸ ಪಹೀನಂ ಹೋತಿ। ಇಮೇಹಿ ಖೋ, ಭಿಕ್ಖವೇ, ತೀಹಿ ಧಮ್ಮೇಹಿ ಸಮನ್ನಾಗತೋ ಇಮೇ ತಯೋ ಮಲೇ ಪಹಾಯ ಯಥಾಭತಂ ನಿಕ್ಖಿತ್ತೋ ಏವಂ ಸಗ್ಗೇ’’ತಿ। ದಸಮಂ।
‘‘Tīhi , bhikkhave, dhammehi samannāgato tayo male pahāya yathābhataṃ nikkhitto evaṃ sagge. Katamehi tīhi? Sīlavā ca hoti, dussīlyamalañcassa pahīnaṃ hoti; anissukī ca hoti, issāmalañcassa pahīnaṃ hoti; amaccharī ca hoti, maccheramalañcassa pahīnaṃ hoti. Imehi kho, bhikkhave, tīhi dhammehi samannāgato ime tayo male pahāya yathābhataṃ nikkhitto evaṃ sagge’’ti. Dasamaṃ.
ಬಾಲವಗ್ಗೋ ಪಠಮೋ।
Bālavaggo paṭhamo.
ತಸ್ಸುದ್ದಾನಂ –
Tassuddānaṃ –
ಭಯಂ ಲಕ್ಖಣಚಿನ್ತೀ ಚ, ಅಚ್ಚಯಞ್ಚ ಅಯೋನಿಸೋ।
Bhayaṃ lakkhaṇacintī ca, accayañca ayoniso;
ಅಕುಸಲಞ್ಚ ಸಾವಜ್ಜಂ, ಸಬ್ಯಾಬಜ್ಝಖತಂ ಮಲನ್ತಿ॥
Akusalañca sāvajjaṃ, sabyābajjhakhataṃ malanti.
Related texts:
ಅಟ್ಠಕಥಾ • Aṭṭhakathā / ಸುತ್ತಪಿಟಕ (ಅಟ್ಠಕಥಾ) • Suttapiṭaka (aṭṭhakathā) / ಅಙ್ಗುತ್ತರನಿಕಾಯ (ಅಟ್ಠಕಥಾ) • Aṅguttaranikāya (aṭṭhakathā) / ೧೦. ಮಲಸುತ್ತವಣ್ಣನಾ • 10. Malasuttavaṇṇanā
ಟೀಕಾ • Tīkā / ಸುತ್ತಪಿಟಕ (ಟೀಕಾ) • Suttapiṭaka (ṭīkā) / ಅಙ್ಗುತ್ತರನಿಕಾಯ (ಟೀಕಾ) • Aṅguttaranikāya (ṭīkā) / ೫-೧೦. ಅಯೋನಿಸೋಸುತ್ತಾದಿವಣ್ಣನಾ • 5-10. Ayonisosuttādivaṇṇanā
