| Library / Tipiṭaka / තිපිටක • Tipiṭaka / අඞ්‌ගුත්‌තරනිකාය • Aṅguttaranikāya |
10. මලසුත්‌තං
10. Malasuttaṃ
10. ‘‘තීහි, භික්‌ඛවෙ, ධම්‌මෙහි සමන්‌නාගතො තයො මලෙ අප්‌පහාය යථාභතං නික්‌ඛිත්‌තො එවං නිරයෙ. කතමෙහි තීහි? දුස්‌සීලො ච හොති, දුස්‌සීල්‍යමලඤ්‌චස්‌ස අප්‌පහීනං හොති; ඉස්‌සුකී ච හොති, ඉස්‌සාමලඤ්‌චස්‌ස අප්‌පහීනං හොති; මච්‌ඡරී ච හොති, මච්‌ඡෙරමලඤ්‌චස්‌ස අප්‌පහීනං හොති. ඉමෙහි ඛො, භික්‌ඛවෙ, තීහි ධම්‌මෙහි සමන්‌නාගතො ඉමෙ තයො මලෙ අප්‌පහාය යථාභතං නික්‌ඛිත්‌තො එවං නිරයෙ.
10. ‘‘Tīhi, bhikkhave, dhammehi samannāgato tayo male appahāya yathābhataṃ nikkhitto evaṃ niraye. Katamehi tīhi? Dussīlo ca hoti, dussīlyamalañcassa appahīnaṃ hoti; issukī ca hoti, issāmalañcassa appahīnaṃ hoti; maccharī ca hoti, maccheramalañcassa appahīnaṃ hoti. Imehi kho, bhikkhave, tīhi dhammehi samannāgato ime tayo male appahāya yathābhataṃ nikkhitto evaṃ niraye.
‘‘තීහි , භික්‌ඛවෙ, ධම්‌මෙහි සමන්‌නාගතො තයො මලෙ පහාය යථාභතං නික්‌ඛිත්‌තො එවං සග්‌ගෙ. කතමෙහි තීහි? සීලවා ච හොති, දුස්‌සීල්‍යමලඤ්‌චස්‌ස පහීනං හොති; අනිස්‌සුකී ච හොති, ඉස්‌සාමලඤ්‌චස්‌ස පහීනං හොති; අමච්‌ඡරී ච හොති, මච්‌ඡෙරමලඤ්‌චස්‌ස පහීනං හොති. ඉමෙහි ඛො, භික්‌ඛවෙ, තීහි ධම්‌මෙහි සමන්‌නාගතො ඉමෙ තයො මලෙ පහාය යථාභතං නික්‌ඛිත්‌තො එවං සග්‌ගෙ’’ති. දසමං.
‘‘Tīhi , bhikkhave, dhammehi samannāgato tayo male pahāya yathābhataṃ nikkhitto evaṃ sagge. Katamehi tīhi? Sīlavā ca hoti, dussīlyamalañcassa pahīnaṃ hoti; anissukī ca hoti, issāmalañcassa pahīnaṃ hoti; amaccharī ca hoti, maccheramalañcassa pahīnaṃ hoti. Imehi kho, bhikkhave, tīhi dhammehi samannāgato ime tayo male pahāya yathābhataṃ nikkhitto evaṃ sagge’’ti. Dasamaṃ.
බාලවග්‌ගො පඨමො.
Bālavaggo paṭhamo.
තස්‌සුද්‌දානං –
Tassuddānaṃ –
භයං ලක්‌ඛණචින්‌තී ච, අච්‌චයඤ්‌ච අයොනිසො;
Bhayaṃ lakkhaṇacintī ca, accayañca ayoniso;
අකුසලඤ්‌ච සාවජ්‌ජං, සබ්‍යාබජ්‌ඣඛතං මලන්‌ති.
Akusalañca sāvajjaṃ, sabyābajjhakhataṃ malanti.
Related texts:
අට්‌ඨකථා • Aṭṭhakathā / සුත්‌තපිටක (අට්‌ඨකථා) • Suttapiṭaka (aṭṭhakathā) / අඞ්‌ගුත්‌තරනිකාය (අට්‌ඨකථා) • Aṅguttaranikāya (aṭṭhakathā) / 10. මලසුත්‌තවණ්‌ණනා • 10. Malasuttavaṇṇanā
ටීකා • Tīkā / සුත්‌තපිටක (ටීකා) • Suttapiṭaka (ṭīkā) / අඞ්‌ගුත්‌තරනිකාය (ටීකා) • Aṅguttaranikāya (ṭīkā) / 5-10. අයොනිසොසුත්‌තාදිවණ්‌ණනා • 5-10. Ayonisosuttādivaṇṇanā
