| Library / Tipiṭaka / ཏིཔིཊཀ • Tipiṭaka / ཨངྒུཏྟརནིཀཱཡ • Aṅguttaranikāya |
༡༠. མལསུཏྟཾ
10. Malasuttaṃ
༡༠. ‘‘ཏཱིཧི, བྷིཀྑཝེ, དྷམྨེཧི སམནྣཱགཏོ ཏཡོ མལེ ཨཔྤཧཱཡ ཡཐཱབྷཏཾ ནིཀྑིཏྟོ ཨེཝཾ ནིརཡེ། ཀཏམེཧི ཏཱིཧི? དུསྶཱིལོ ཙ ཧོཏི, དུསྶཱིལྱམལཉྩསྶ ཨཔྤཧཱིནཾ ཧོཏི; ཨིསྶུཀཱི ཙ ཧོཏི, ཨིསྶཱམལཉྩསྶ ཨཔྤཧཱིནཾ ཧོཏི; མཙྪརཱི ཙ ཧོཏི, མཙྪེརམལཉྩསྶ ཨཔྤཧཱིནཾ ཧོཏི། ཨིམེཧི ཁོ, བྷིཀྑཝེ, ཏཱིཧི དྷམྨེཧི སམནྣཱགཏོ ཨིམེ ཏཡོ མལེ ཨཔྤཧཱཡ ཡཐཱབྷཏཾ ནིཀྑིཏྟོ ཨེཝཾ ནིརཡེ།
10. ‘‘Tīhi, bhikkhave, dhammehi samannāgato tayo male appahāya yathābhataṃ nikkhitto evaṃ niraye. Katamehi tīhi? Dussīlo ca hoti, dussīlyamalañcassa appahīnaṃ hoti; issukī ca hoti, issāmalañcassa appahīnaṃ hoti; maccharī ca hoti, maccheramalañcassa appahīnaṃ hoti. Imehi kho, bhikkhave, tīhi dhammehi samannāgato ime tayo male appahāya yathābhataṃ nikkhitto evaṃ niraye.
‘‘ཏཱིཧི , བྷིཀྑཝེ, དྷམྨེཧི སམནྣཱགཏོ ཏཡོ མལེ པཧཱཡ ཡཐཱབྷཏཾ ནིཀྑིཏྟོ ཨེཝཾ སགྒེ། ཀཏམེཧི ཏཱིཧི? སཱིལཝཱ ཙ ཧོཏི, དུསྶཱིལྱམལཉྩསྶ པཧཱིནཾ ཧོཏི; ཨནིསྶུཀཱི ཙ ཧོཏི, ཨིསྶཱམལཉྩསྶ པཧཱིནཾ ཧོཏི; ཨམཙྪརཱི ཙ ཧོཏི, མཙྪེརམལཉྩསྶ པཧཱིནཾ ཧོཏི། ཨིམེཧི ཁོ, བྷིཀྑཝེ, ཏཱིཧི དྷམྨེཧི སམནྣཱགཏོ ཨིམེ ཏཡོ མལེ པཧཱཡ ཡཐཱབྷཏཾ ནིཀྑིཏྟོ ཨེཝཾ སགྒེ’’ཏི། དསམཾ།
‘‘Tīhi , bhikkhave, dhammehi samannāgato tayo male pahāya yathābhataṃ nikkhitto evaṃ sagge. Katamehi tīhi? Sīlavā ca hoti, dussīlyamalañcassa pahīnaṃ hoti; anissukī ca hoti, issāmalañcassa pahīnaṃ hoti; amaccharī ca hoti, maccheramalañcassa pahīnaṃ hoti. Imehi kho, bhikkhave, tīhi dhammehi samannāgato ime tayo male pahāya yathābhataṃ nikkhitto evaṃ sagge’’ti. Dasamaṃ.
བཱལཝགྒོ པཋམོ།
Bālavaggo paṭhamo.
ཏསྶུདྡཱནཾ –
Tassuddānaṃ –
བྷཡཾ ལཀྑཎཙིནྟཱི ཙ, ཨཙྩཡཉྩ ཨཡོནིསོ།
Bhayaṃ lakkhaṇacintī ca, accayañca ayoniso;
ཨཀུསལཉྩ སཱཝཛྫཾ, སབྱཱབཛ྄ཛྷཁཏཾ མལནྟི༎
Akusalañca sāvajjaṃ, sabyābajjhakhataṃ malanti.
Related texts:
ཨཊྛཀཐཱ • Aṭṭhakathā / སུཏྟཔིཊཀ (ཨཊྛཀཐཱ) • Suttapiṭaka (aṭṭhakathā) / ཨངྒུཏྟརནིཀཱཡ (ཨཊྛཀཐཱ) • Aṅguttaranikāya (aṭṭhakathā) / ༡༠. མལསུཏྟཝཎྞནཱ • 10. Malasuttavaṇṇanā
ཊཱིཀཱ • Tīkā / སུཏྟཔིཊཀ (ཊཱིཀཱ) • Suttapiṭaka (ṭīkā) / ཨངྒུཏྟརནིཀཱཡ (ཊཱིཀཱ) • Aṅguttaranikāya (ṭīkā) / ༥-༡༠. ཨཡོནིསོསུཏྟཱདིཝཎྞནཱ • 5-10. Ayonisosuttādivaṇṇanā
