| Library / Tipiṭaka / ਤਿਪਿਟਕ • Tipiṭaka / ਅਙ੍ਗੁਤ੍ਤਰਨਿਕਾਯ • Aṅguttaranikāya |
੧੦. ਮਲਸੁਤ੍ਤਂ
10. Malasuttaṃ
੧੦. ‘‘ਤੀਹਿ, ਭਿਕ੍ਖવੇ, ਧਮ੍ਮੇਹਿ ਸਮਨ੍ਨਾਗਤੋ ਤਯੋ ਮਲੇ ਅਪ੍ਪਹਾਯ ਯਥਾਭਤਂ ਨਿਕ੍ਖਿਤ੍ਤੋ ਏવਂ ਨਿਰਯੇ। ਕਤਮੇਹਿ ਤੀਹਿ? ਦੁਸ੍ਸੀਲੋ ਚ ਹੋਤਿ, ਦੁਸ੍ਸੀਲ੍ਯਮਲਞ੍ਚਸ੍ਸ ਅਪ੍ਪਹੀਨਂ ਹੋਤਿ; ਇਸ੍ਸੁਕੀ ਚ ਹੋਤਿ, ਇਸ੍ਸਾਮਲਞ੍ਚਸ੍ਸ ਅਪ੍ਪਹੀਨਂ ਹੋਤਿ; ਮਚ੍ਛਰੀ ਚ ਹੋਤਿ, ਮਚ੍ਛੇਰਮਲਞ੍ਚਸ੍ਸ ਅਪ੍ਪਹੀਨਂ ਹੋਤਿ। ਇਮੇਹਿ ਖੋ, ਭਿਕ੍ਖવੇ, ਤੀਹਿ ਧਮ੍ਮੇਹਿ ਸਮਨ੍ਨਾਗਤੋ ਇਮੇ ਤਯੋ ਮਲੇ ਅਪ੍ਪਹਾਯ ਯਥਾਭਤਂ ਨਿਕ੍ਖਿਤ੍ਤੋ ਏવਂ ਨਿਰਯੇ।
10. ‘‘Tīhi, bhikkhave, dhammehi samannāgato tayo male appahāya yathābhataṃ nikkhitto evaṃ niraye. Katamehi tīhi? Dussīlo ca hoti, dussīlyamalañcassa appahīnaṃ hoti; issukī ca hoti, issāmalañcassa appahīnaṃ hoti; maccharī ca hoti, maccheramalañcassa appahīnaṃ hoti. Imehi kho, bhikkhave, tīhi dhammehi samannāgato ime tayo male appahāya yathābhataṃ nikkhitto evaṃ niraye.
‘‘ਤੀਹਿ , ਭਿਕ੍ਖવੇ, ਧਮ੍ਮੇਹਿ ਸਮਨ੍ਨਾਗਤੋ ਤਯੋ ਮਲੇ ਪਹਾਯ ਯਥਾਭਤਂ ਨਿਕ੍ਖਿਤ੍ਤੋ ਏવਂ ਸਗ੍ਗੇ। ਕਤਮੇਹਿ ਤੀਹਿ? ਸੀਲવਾ ਚ ਹੋਤਿ, ਦੁਸ੍ਸੀਲ੍ਯਮਲਞ੍ਚਸ੍ਸ ਪਹੀਨਂ ਹੋਤਿ; ਅਨਿਸ੍ਸੁਕੀ ਚ ਹੋਤਿ, ਇਸ੍ਸਾਮਲਞ੍ਚਸ੍ਸ ਪਹੀਨਂ ਹੋਤਿ; ਅਮਚ੍ਛਰੀ ਚ ਹੋਤਿ, ਮਚ੍ਛੇਰਮਲਞ੍ਚਸ੍ਸ ਪਹੀਨਂ ਹੋਤਿ। ਇਮੇਹਿ ਖੋ, ਭਿਕ੍ਖવੇ, ਤੀਹਿ ਧਮ੍ਮੇਹਿ ਸਮਨ੍ਨਾਗਤੋ ਇਮੇ ਤਯੋ ਮਲੇ ਪਹਾਯ ਯਥਾਭਤਂ ਨਿਕ੍ਖਿਤ੍ਤੋ ਏવਂ ਸਗ੍ਗੇ’’ਤਿ। ਦਸਮਂ।
‘‘Tīhi , bhikkhave, dhammehi samannāgato tayo male pahāya yathābhataṃ nikkhitto evaṃ sagge. Katamehi tīhi? Sīlavā ca hoti, dussīlyamalañcassa pahīnaṃ hoti; anissukī ca hoti, issāmalañcassa pahīnaṃ hoti; amaccharī ca hoti, maccheramalañcassa pahīnaṃ hoti. Imehi kho, bhikkhave, tīhi dhammehi samannāgato ime tayo male pahāya yathābhataṃ nikkhitto evaṃ sagge’’ti. Dasamaṃ.
ਬਾਲવਗ੍ਗੋ ਪਠਮੋ।
Bālavaggo paṭhamo.
ਤਸ੍ਸੁਦ੍ਦਾਨਂ –
Tassuddānaṃ –
ਭਯਂ ਲਕ੍ਖਣਚਿਨ੍ਤੀ ਚ, ਅਚ੍ਚਯਞ੍ਚ ਅਯੋਨਿਸੋ।
Bhayaṃ lakkhaṇacintī ca, accayañca ayoniso;
ਅਕੁਸਲਞ੍ਚ ਸਾવਜ੍ਜਂ, ਸਬ੍ਯਾਬਜ੍ਝਖਤਂ ਮਲਨ੍ਤਿ॥
Akusalañca sāvajjaṃ, sabyābajjhakhataṃ malanti.
Related texts:
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਅਙ੍ਗੁਤ੍ਤਰਨਿਕਾਯ (ਅਟ੍ਠਕਥਾ) • Aṅguttaranikāya (aṭṭhakathā) / ੧੦. ਮਲਸੁਤ੍ਤવਣ੍ਣਨਾ • 10. Malasuttavaṇṇanā
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਅਙ੍ਗੁਤ੍ਤਰਨਿਕਾਯ (ਟੀਕਾ) • Aṅguttaranikāya (ṭīkā) / ੫-੧੦. ਅਯੋਨਿਸੋਸੁਤ੍ਤਾਦਿવਣ੍ਣਨਾ • 5-10. Ayonisosuttādivaṇṇanā
