| Library / Tipiṭaka / திபிடக • Tipiṭaka / அங்கு³த்தரனிகாய (அட்ட²கதா²) • Aṅguttaranikāya (aṭṭhakathā) |
5. மலஸுத்தவண்ணனா
5. Malasuttavaṇṇanā
15. பஞ்சமே அஸஜ்ஜா²யமலாதி உக்³க³ஹிதமந்தானங் அஸஜ்ஜா²யகரணங் மலங் நாம ஹோதி. அனுட்டா²னமலா க⁴ராதி உட்டா²னவீரியாபா⁴வோ க⁴ரானங் மலங் நாம. வண்ணஸ்ஸாதி ஸரீரவண்ணஸ்ஸ. ரக்க²தோதி யங்கிஞ்சி அத்தனோ ஸந்தகங் ரக்க²ந்தஸ்ஸ. அவிஜ்ஜா பரமங் மலந்தி ததோ ஸேஸாகுஸலத⁴ம்மமலதோ அட்ட²ஸு டா²னேஸு அஞ்ஞாணபூ⁴தா வட்டமூலஸங்கா²தா ப³ஹலந்த⁴காரஅவிஜ்ஜா பரமங் மலங். ததோ ஹி மலதரங் நாம நத்தி². இமஸ்மிம்பி ஸுத்தே வட்டமேவ கதி²தங்.
15. Pañcame asajjhāyamalāti uggahitamantānaṃ asajjhāyakaraṇaṃ malaṃ nāma hoti. Anuṭṭhānamalā gharāti uṭṭhānavīriyābhāvo gharānaṃ malaṃ nāma. Vaṇṇassāti sarīravaṇṇassa. Rakkhatoti yaṃkiñci attano santakaṃ rakkhantassa. Avijjā paramaṃ malanti tato sesākusaladhammamalato aṭṭhasu ṭhānesu aññāṇabhūtā vaṭṭamūlasaṅkhātā bahalandhakāraavijjā paramaṃ malaṃ. Tato hi malataraṃ nāma natthi. Imasmimpi sutte vaṭṭameva kathitaṃ.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / அங்கு³த்தரனிகாய • Aṅguttaranikāya / 5. மலஸுத்தங் • 5. Malasuttaṃ
டீகா • Tīkā / ஸுத்தபிடக (டீகா) • Suttapiṭaka (ṭīkā) / அங்கு³த்தரனிகாய (டீகா) • Aṅguttaranikāya (ṭīkā) / 5-8. மலஸுத்தாதி³வண்ணனா • 5-8. Malasuttādivaṇṇanā
