| Library / Tipiṭaka / ติปิฎก • Tipiṭaka / องฺคุตฺตรนิกาย (อฎฺฐกถา) • Aṅguttaranikāya (aṭṭhakathā) |
๕. มลสุตฺตวณฺณนา
5. Malasuttavaṇṇanā
๑๕. ปญฺจเม อสชฺฌายมลาติ อุคฺคหิตมนฺตานํ อสชฺฌายกรณํ มลํ นาม โหติฯ อนุฎฺฐานมลา ฆราติ อุฎฺฐานวีริยาภาโว ฆรานํ มลํ นามฯ วณฺณสฺสาติ สรีรวณฺณสฺสฯ รกฺขโตติ ยํกิญฺจิ อตฺตโน สนฺตกํ รกฺขนฺตสฺสฯ อวิชฺชา ปรมํ มลนฺติ ตโต เสสากุสลธมฺมมลโต อฎฺฐสุ ฐาเนสุ อญฺญาณภูตา วฎฺฎมูลสงฺขาตา พหลนฺธการอวิชฺชา ปรมํ มลํฯ ตโต หิ มลตรํ นาม นตฺถิฯ อิมสฺมิมฺปิ สุเตฺต วฎฺฎเมว กถิตํฯ
15. Pañcame asajjhāyamalāti uggahitamantānaṃ asajjhāyakaraṇaṃ malaṃ nāma hoti. Anuṭṭhānamalā gharāti uṭṭhānavīriyābhāvo gharānaṃ malaṃ nāma. Vaṇṇassāti sarīravaṇṇassa. Rakkhatoti yaṃkiñci attano santakaṃ rakkhantassa. Avijjā paramaṃ malanti tato sesākusaladhammamalato aṭṭhasu ṭhānesu aññāṇabhūtā vaṭṭamūlasaṅkhātā bahalandhakāraavijjā paramaṃ malaṃ. Tato hi malataraṃ nāma natthi. Imasmimpi sutte vaṭṭameva kathitaṃ.
Related texts:
ติปิฎก (มูล) • Tipiṭaka (Mūla) / สุตฺตปิฎก • Suttapiṭaka / องฺคุตฺตรนิกาย • Aṅguttaranikāya / ๕. มลสุตฺตํ • 5. Malasuttaṃ
ฎีกา • Tīkā / สุตฺตปิฎก (ฎีกา) • Suttapiṭaka (ṭīkā) / องฺคุตฺตรนิกาย (ฎีกา) • Aṅguttaranikāya (ṭīkā) / ๕-๘. มลสุตฺตาทิวณฺณนา • 5-8. Malasuttādivaṇṇanā
