| Library / Tipiṭaka / ཏིཔིཊཀ • Tipiṭaka / ཨངྒུཏྟརནིཀཱཡ (ཨཊྛཀཐཱ) • Aṅguttaranikāya (aṭṭhakathā) |
༡༠. མལསུཏྟཝཎྞནཱ
10. Malasuttavaṇṇanā
༡༠. དསམེ དུསྶཱིལབྷཱཝོ དུསྶཱིལྱཾ, དུསྶཱིལྱམེཝ མལཾ དུསྶཱིལྱམལཾ། ཀེནཊྛེན མལནྟི? ཨནུདཧནཊྛེན དུགྒནྡྷཊྛེན ཀིལིཊྛཀརཎཊྛེན ཙ། ཏཉྷི ནིརཡཱདཱིསུ ཨཔཱཡེསུ ཨནུདཧཏཱིཏི ཨནུདཧནཊྛེནཔི མལཾ། ཏེན སམནྣཱགཏོ པུགྒལོ མཱཏཱཔིཏཱུནམྤི སནྟིཀེ བྷིཀྑུསངྒྷསྶཱཔི ཨནྟརེ བོདྷིཙེཏིཡཊྛཱནེསུཔི ཛིགུཙྪནཱིཡོ ཧོཏི, སབྦདིསཱསུ ཙསྶ ‘‘ཨེཝརཱུཔཾ ཀིར ཏེན པཱཔཀམྨཾ ཀཏ’’ནྟི ཨཝཎྞགནྡྷོ ཝཱཡཏཱིཏི དུགྒནྡྷཊྛེནཔི མལཾ། ཏེན ཙ སམནྣཱགཏོ པུགྒལོ གཏགཏཊྛཱནེ ཨུཔཏཱཔཉྩེཝ ལབྷཏི, ཀཱཡཀམྨཱདཱིནི ཙསྶ ཨསུཙཱིནི ཧོནྟི ཨཔབྷསྶརཱནཱིཏི ཀིལིཊྛཀརཎཊྛེནཔི མལཾ། ཨཔིཙ ཏཾ དེཝམནུསྶསམྤཏྟིཡོ ཙེཝ ནིབྦཱནསམྤཏྟིཉྩ མིལཱཔེཏཱིཏི མིལཱཔནཊྛེནཔི མལནྟི ཝེདིཏབྦཾ། ཨིསྶཱམལམཙྪེརམལེསུཔི ཨེསེཝ ནཡོ།
10. Dasame dussīlabhāvo dussīlyaṃ, dussīlyameva malaṃ dussīlyamalaṃ. Kenaṭṭhena malanti? Anudahanaṭṭhena duggandhaṭṭhena kiliṭṭhakaraṇaṭṭhena ca. Tañhi nirayādīsu apāyesu anudahatīti anudahanaṭṭhenapi malaṃ. Tena samannāgato puggalo mātāpitūnampi santike bhikkhusaṅghassāpi antare bodhicetiyaṭṭhānesupi jigucchanīyo hoti, sabbadisāsu cassa ‘‘evarūpaṃ kira tena pāpakammaṃ kata’’nti avaṇṇagandho vāyatīti duggandhaṭṭhenapi malaṃ. Tena ca samannāgato puggalo gatagataṭṭhāne upatāpañceva labhati, kāyakammādīni cassa asucīni honti apabhassarānīti kiliṭṭhakaraṇaṭṭhenapi malaṃ. Apica taṃ devamanussasampattiyo ceva nibbānasampattiñca milāpetīti milāpanaṭṭhenapi malanti veditabbaṃ. Issāmalamaccheramalesupi eseva nayo.
བཱལཝགྒོ པཋམོ།
Bālavaggo paṭhamo.
Related texts:
ཏིཔིཊཀ (མཱུལ) • Tipiṭaka (Mūla) / སུཏྟཔིཊཀ • Suttapiṭaka / ཨངྒུཏྟརནིཀཱཡ • Aṅguttaranikāya / ༡༠. མལསུཏྟཾ • 10. Malasuttaṃ
ཊཱིཀཱ • Tīkā / སུཏྟཔིཊཀ (ཊཱིཀཱ) • Suttapiṭaka (ṭīkā) / ཨངྒུཏྟརནིཀཱཡ (ཊཱིཀཱ) • Aṅguttaranikāya (ṭīkā) / ༥-༡༠. ཨཡོནིསོསུཏྟཱདིཝཎྞནཱ • 5-10. Ayonisosuttādivaṇṇanā
