| Library / Tipiṭaka / ਤਿਪਿਟਕ • Tipiṭaka / ਅਙ੍ਗੁਤ੍ਤਰਨਿਕਾਯ (ਅਟ੍ਠਕਥਾ) • Aṅguttaranikāya (aṭṭhakathā) |
੧੦. ਮਲਸੁਤ੍ਤવਣ੍ਣਨਾ
10. Malasuttavaṇṇanā
੧੦. ਦਸਮੇ ਦੁਸ੍ਸੀਲਭਾવੋ ਦੁਸ੍ਸੀਲ੍ਯਂ, ਦੁਸ੍ਸੀਲ੍ਯਮੇવ ਮਲਂ ਦੁਸ੍ਸੀਲ੍ਯਮਲਂ। ਕੇਨਟ੍ਠੇਨ ਮਲਨ੍ਤਿ? ਅਨੁਦਹਨਟ੍ਠੇਨ ਦੁਗ੍ਗਨ੍ਧਟ੍ਠੇਨ ਕਿਲਿਟ੍ਠਕਰਣਟ੍ਠੇਨ ਚ। ਤਞ੍ਹਿ ਨਿਰਯਾਦੀਸੁ ਅਪਾਯੇਸੁ ਅਨੁਦਹਤੀਤਿ ਅਨੁਦਹਨਟ੍ਠੇਨਪਿ ਮਲਂ। ਤੇਨ ਸਮਨ੍ਨਾਗਤੋ ਪੁਗ੍ਗਲੋ ਮਾਤਾਪਿਤੂਨਮ੍ਪਿ ਸਨ੍ਤਿਕੇ ਭਿਕ੍ਖੁਸਙ੍ਘਸ੍ਸਾਪਿ ਅਨ੍ਤਰੇ ਬੋਧਿਚੇਤਿਯਟ੍ਠਾਨੇਸੁਪਿ ਜਿਗੁਚ੍ਛਨੀਯੋ ਹੋਤਿ, ਸਬ੍ਬਦਿਸਾਸੁ ਚਸ੍ਸ ‘‘ਏવਰੂਪਂ ਕਿਰ ਤੇਨ ਪਾਪਕਮ੍ਮਂ ਕਤ’’ਨ੍ਤਿ ਅવਣ੍ਣਗਨ੍ਧੋ વਾਯਤੀਤਿ ਦੁਗ੍ਗਨ੍ਧਟ੍ਠੇਨਪਿ ਮਲਂ। ਤੇਨ ਚ ਸਮਨ੍ਨਾਗਤੋ ਪੁਗ੍ਗਲੋ ਗਤਗਤਟ੍ਠਾਨੇ ਉਪਤਾਪਞ੍ਚੇવ ਲਭਤਿ, ਕਾਯਕਮ੍ਮਾਦੀਨਿ ਚਸ੍ਸ ਅਸੁਚੀਨਿ ਹੋਨ੍ਤਿ ਅਪਭਸ੍ਸਰਾਨੀਤਿ ਕਿਲਿਟ੍ਠਕਰਣਟ੍ਠੇਨਪਿ ਮਲਂ। ਅਪਿਚ ਤਂ ਦੇવਮਨੁਸ੍ਸਸਮ੍ਪਤ੍ਤਿਯੋ ਚੇવ ਨਿਬ੍ਬਾਨਸਮ੍ਪਤ੍ਤਿਞ੍ਚ ਮਿਲਾਪੇਤੀਤਿ ਮਿਲਾਪਨਟ੍ਠੇਨਪਿ ਮਲਨ੍ਤਿ વੇਦਿਤਬ੍ਬਂ। ਇਸ੍ਸਾਮਲਮਚ੍ਛੇਰਮਲੇਸੁਪਿ ਏਸੇવ ਨਯੋ।
10. Dasame dussīlabhāvo dussīlyaṃ, dussīlyameva malaṃ dussīlyamalaṃ. Kenaṭṭhena malanti? Anudahanaṭṭhena duggandhaṭṭhena kiliṭṭhakaraṇaṭṭhena ca. Tañhi nirayādīsu apāyesu anudahatīti anudahanaṭṭhenapi malaṃ. Tena samannāgato puggalo mātāpitūnampi santike bhikkhusaṅghassāpi antare bodhicetiyaṭṭhānesupi jigucchanīyo hoti, sabbadisāsu cassa ‘‘evarūpaṃ kira tena pāpakammaṃ kata’’nti avaṇṇagandho vāyatīti duggandhaṭṭhenapi malaṃ. Tena ca samannāgato puggalo gatagataṭṭhāne upatāpañceva labhati, kāyakammādīni cassa asucīni honti apabhassarānīti kiliṭṭhakaraṇaṭṭhenapi malaṃ. Apica taṃ devamanussasampattiyo ceva nibbānasampattiñca milāpetīti milāpanaṭṭhenapi malanti veditabbaṃ. Issāmalamaccheramalesupi eseva nayo.
ਬਾਲવਗ੍ਗੋ ਪਠਮੋ।
Bālavaggo paṭhamo.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਅਙ੍ਗੁਤ੍ਤਰਨਿਕਾਯ • Aṅguttaranikāya / ੧੦. ਮਲਸੁਤ੍ਤਂ • 10. Malasuttaṃ
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਅਙ੍ਗੁਤ੍ਤਰਨਿਕਾਯ (ਟੀਕਾ) • Aṅguttaranikāya (ṭīkā) / ੫-੧੦. ਅਯੋਨਿਸੋਸੁਤ੍ਤਾਦਿવਣ੍ਣਨਾ • 5-10. Ayonisosuttādivaṇṇanā
