| Library / Tipiṭaka / തിപിടക • Tipiṭaka / അങ്ഗുത്തരനികായ (അട്ഠകഥാ) • Aṅguttaranikāya (aṭṭhakathā) |
൧൦. മലസുത്തവണ്ണനാ
10. Malasuttavaṇṇanā
൧൦. ദസമേ ദുസ്സീലഭാവോ ദുസ്സീല്യം, ദുസ്സീല്യമേവ മലം ദുസ്സീല്യമലം. കേനട്ഠേന മലന്തി? അനുദഹനട്ഠേന ദുഗ്ഗന്ധട്ഠേന കിലിട്ഠകരണട്ഠേന ച. തഞ്ഹി നിരയാദീസു അപായേസു അനുദഹതീതി അനുദഹനട്ഠേനപി മലം. തേന സമന്നാഗതോ പുഗ്ഗലോ മാതാപിതൂനമ്പി സന്തികേ ഭിക്ഖുസങ്ഘസ്സാപി അന്തരേ ബോധിചേതിയട്ഠാനേസുപി ജിഗുച്ഛനീയോ ഹോതി, സബ്ബദിസാസു ചസ്സ ‘‘ഏവരൂപം കിര തേന പാപകമ്മം കത’’ന്തി അവണ്ണഗന്ധോ വായതീതി ദുഗ്ഗന്ധട്ഠേനപി മലം. തേന ച സമന്നാഗതോ പുഗ്ഗലോ ഗതഗതട്ഠാനേ ഉപതാപഞ്ചേവ ലഭതി, കായകമ്മാദീനി ചസ്സ അസുചീനി ഹോന്തി അപഭസ്സരാനീതി കിലിട്ഠകരണട്ഠേനപി മലം. അപിച തം ദേവമനുസ്സസമ്പത്തിയോ ചേവ നിബ്ബാനസമ്പത്തിഞ്ച മിലാപേതീതി മിലാപനട്ഠേനപി മലന്തി വേദിതബ്ബം. ഇസ്സാമലമച്ഛേരമലേസുപി ഏസേവ നയോ.
10. Dasame dussīlabhāvo dussīlyaṃ, dussīlyameva malaṃ dussīlyamalaṃ. Kenaṭṭhena malanti? Anudahanaṭṭhena duggandhaṭṭhena kiliṭṭhakaraṇaṭṭhena ca. Tañhi nirayādīsu apāyesu anudahatīti anudahanaṭṭhenapi malaṃ. Tena samannāgato puggalo mātāpitūnampi santike bhikkhusaṅghassāpi antare bodhicetiyaṭṭhānesupi jigucchanīyo hoti, sabbadisāsu cassa ‘‘evarūpaṃ kira tena pāpakammaṃ kata’’nti avaṇṇagandho vāyatīti duggandhaṭṭhenapi malaṃ. Tena ca samannāgato puggalo gatagataṭṭhāne upatāpañceva labhati, kāyakammādīni cassa asucīni honti apabhassarānīti kiliṭṭhakaraṇaṭṭhenapi malaṃ. Apica taṃ devamanussasampattiyo ceva nibbānasampattiñca milāpetīti milāpanaṭṭhenapi malanti veditabbaṃ. Issāmalamaccheramalesupi eseva nayo.
ബാലവഗ്ഗോ പഠമോ.
Bālavaggo paṭhamo.
Related texts:
തിപിടക (മൂല) • Tipiṭaka (Mūla) / സുത്തപിടക • Suttapiṭaka / അങ്ഗുത്തരനികായ • Aṅguttaranikāya / ൧൦. മലസുത്തം • 10. Malasuttaṃ
ടീകാ • Tīkā / സുത്തപിടക (ടീകാ) • Suttapiṭaka (ṭīkā) / അങ്ഗുത്തരനികായ (ടീകാ) • Aṅguttaranikāya (ṭīkā) / ൫-൧൦. അയോനിസോസുത്താദിവണ്ണനാ • 5-10. Ayonisosuttādivaṇṇanā
