Library / Tipiṭaka / д̇ибидага • Tipiṭaka / д̇хаммабад̣̇а-адтагат̇аа • Dhammapada-aṭṭhakathā

    18. малаваг̇г̇о

    18. Malavaggo

    1. г̇огхаад̇агабуд̇д̇авад̇т̇у

    1. Goghātakaputtavatthu

    бан̣д̣убалаасова д̣̇аанисийд̇и имам̣ д̇хаммад̣̇зсанам̣ сад̇т̇аа ж̇зд̇аванз вихаранд̇о згам̣ г̇огхаад̇агабуд̇д̇ам̣ аараб̣бха гат̇зси.

    Paṇḍupalāsovadānisīti imaṃ dhammadesanaṃ satthā jetavane viharanto ekaṃ goghātakaputtaṃ ārabbha kathesi.

    саавад̇т̇ияам̣ гирзго г̇огхаад̇аго г̇ааво вад̇хид̇ваа варамам̣саани г̇ахзд̇ваа бажаабзд̇ваа буд̇д̇ад̣̇аарзхи сад̣̇д̇хим̣ нисийд̣̇ид̇ваа мам̣сан̃жа каад̣̇ад̇и, муулзна жа виггин̣ид̇ваа ж̇ийвигам̣ габбзси. со звам̣ бан̃жабан̣н̣ааса вассаани г̇огхаад̇агагаммам̣ гаронд̇о д̇хуравихаарз вихаранд̇асса сад̇т̇у згад̣̇ивасамби гадажчумад̇д̇амби яааг̇ум̣ ваа бхад̇д̇ам̣ ваа на ад̣̇ааси. со жа винаа мам̣сзна бхад̇д̇ам̣ на бхун̃ж̇ад̇и. со згад̣̇ивасам̣ д̣̇ивасабхааг̇з мам̣сам̣ виггин̣ид̇ваа ад̇д̇ано ад̇т̇ааяа бажид̇ум̣ згам̣ мам̣сакан̣д̣ам̣ бхарияааяа д̣̇ад̇ваа нхааяид̇ум̣ аг̇амааси. ат̇асса сахааяаго г̇зхам̣ г̇анд̇ваа бхарияам̣ ааха – ‘‘т̇огам̣ мз виггин̣ияамам̣сам̣ д̣̇зхи, г̇зхам̣ мз баахунаго ааг̇ад̇о’’д̇и. над̇т̇и виггин̣ияамам̣сам̣, сахааяаго д̇з мам̣сам̣ виггин̣ид̇ваа ид̣̇аани нхааяид̇ум̣ г̇ад̇од̇и. маа звам̣ гари, сажз мам̣сакан̣д̣ам̣ ад̇т̇и, д̣̇зхийд̇и. сахааяагасса д̇з нигкид̇д̇амам̣сам̣ табзд̇ваа ан̃н̃ам̣ над̇т̇ийд̇и. со ‘‘сахааяагасса мз ад̇т̇ааяа табид̇амам̣сад̇о ан̃н̃ам̣ мам̣сам̣ над̇т̇и, со жа винаа мам̣сзна на бхун̃ж̇ад̇и, нааяам̣ д̣̇ассад̇ий’’д̇и саамам̣язва д̇ам̣ мам̣сам̣ г̇ахзд̇ваа баггаами.

    Sāvatthiyaṃ kireko goghātako gāvo vadhitvā varamaṃsāni gahetvā pacāpetvā puttadārehi saddhiṃ nisīditvā maṃsañca khādati, mūlena ca vikkiṇitvā jīvikaṃ kappesi. So evaṃ pañcapaṇṇāsa vassāni goghātakakammaṃ karonto dhuravihāre viharantassa satthu ekadivasampi kaṭacchumattampi yāguṃ vā bhattaṃ vā na adāsi. So ca vinā maṃsena bhattaṃ na bhuñjati. So ekadivasaṃ divasabhāge maṃsaṃ vikkiṇitvā attano atthāya pacituṃ ekaṃ maṃsakhaṇḍaṃ bhariyāya datvā nhāyituṃ agamāsi. Athassa sahāyako gehaṃ gantvā bhariyaṃ āha – ‘‘thokaṃ me vikkiṇiyamaṃsaṃ dehi, gehaṃ me pāhunako āgato’’ti. Natthi vikkiṇiyamaṃsaṃ, sahāyako te maṃsaṃ vikkiṇitvā idāni nhāyituṃ gatoti. Mā evaṃ kari, sace maṃsakhaṇḍaṃ atthi, dehīti. Sahāyakassa te nikkhittamaṃsaṃ ṭhapetvā aññaṃ natthīti. So ‘‘sahāyakassa me atthāya ṭhapitamaṃsato aññaṃ maṃsaṃ natthi, so ca vinā maṃsena na bhuñjati, nāyaṃ dassatī’’ti sāmaṃyeva taṃ maṃsaṃ gahetvā pakkāmi.

    г̇огхаад̇агоби нхад̇ваа ааг̇ад̇о д̇ааяа ад̇д̇ано баггабан̣н̣зна сад̣̇д̇хим̣ вад̣дхзд̇ваа бхад̇д̇з убанийд̇з ааха ‘‘гахам̣ мам̣са’’нд̇и? ‘‘над̇т̇и, саамий’’д̇и. нану ахам̣ бажжанад̇т̇ааяа мам̣сам̣ д̣̇ад̇ваа г̇ад̇од̇и. д̇ава сахааяаго ааг̇анд̇ваа ‘‘баахунаго мз ааг̇ад̇о, виггин̣ияамам̣сам̣ д̣̇зхий’’д̇и вад̇ваа маяаа ‘‘сахааяагасса д̇з табид̇амам̣сад̇о ан̃н̃ам̣ мам̣сам̣ над̇т̇и, со жа винаа мам̣сзна на бхун̃ж̇ад̇ий’’д̇и вуд̇д̇зби б̣алаггаарзна д̇ам̣ мам̣сам̣ саамам̣язва г̇ахзд̇ваа г̇ад̇од̇и. ахам̣ винаа мам̣сзна бхад̇д̇ам̣ на бхун̃ж̇аами, хараахи нанд̇и. гим̣ саггаа гаад̇ум̣, бхун̃ж̇а, саамийд̇и. со ‘‘наахам̣ бхун̃ж̇аамий’’д̇и д̇ам̣ бхад̇д̇ам̣ хараабзд̇ваа сад̇т̇ам̣ аад̣̇ааяа бажчааг̇зхз тид̇о г̇он̣о ад̇т̇и, д̇асса санд̇игам̣ г̇анд̇ваа мукз хад̇т̇ам̣ багкибид̇ваа ж̇ивхам̣ нийхарид̇ваа сад̇т̇зна муулз чинд̣̇ид̇ваа аад̣̇ааяа г̇анд̇ваа ан̇г̇аарзсу бажаабзд̇ваа бхад̇д̇амад̇т̇агз табзд̇ваа нисинно згам̣ бхад̇д̇абин̣д̣ам̣ бхун̃ж̇ид̇ваа згам̣ мам̣сакан̣д̣ам̣ мукз табзси. д̇ан̇кан̣ан̃н̃звасса ж̇ивхаа чиж̇ж̇ид̇ваа бхад̇д̇абаад̇ияам̣ бад̇и. д̇ан̇кан̣ан̃н̃зва гаммасаригкагам̣ вибаагам̣ лабхи. соби ко г̇он̣о вияа лохид̇ад̇хаарааяа мукад̇о баг̇гхаранд̇ияаа анд̇ог̇зхам̣ бависид̇ваа ж̇ан̣н̣угзхи вижаранд̇о вирави.

    Goghātakopi nhatvā āgato tāya attano pakkapaṇṇena saddhiṃ vaḍḍhetvā bhatte upanīte āha ‘‘kahaṃ maṃsa’’nti? ‘‘Natthi, sāmī’’ti. Nanu ahaṃ paccanatthāya maṃsaṃ datvā gatoti. Tava sahāyako āgantvā ‘‘pāhunako me āgato, vikkiṇiyamaṃsaṃ dehī’’ti vatvā mayā ‘‘sahāyakassa te ṭhapitamaṃsato aññaṃ maṃsaṃ natthi, so ca vinā maṃsena na bhuñjatī’’ti vuttepi balakkārena taṃ maṃsaṃ sāmaṃyeva gahetvā gatoti. Ahaṃ vinā maṃsena bhattaṃ na bhuñjāmi, harāhi nanti. Kiṃ sakkā kātuṃ, bhuñja, sāmīti. So ‘‘nāhaṃ bhuñjāmī’’ti taṃ bhattaṃ harāpetvā satthaṃ ādāya pacchāgehe ṭhito goṇo atthi, tassa santikaṃ gantvā mukhe hatthaṃ pakkhipitvā jivhaṃ nīharitvā satthena mūle chinditvā ādāya gantvā aṅgāresu pacāpetvā bhattamatthake ṭhapetvā nisinno ekaṃ bhattapiṇḍaṃ bhuñjitvā ekaṃ maṃsakhaṇḍaṃ mukhe ṭhapesi. Taṅkhaṇaññevassa jivhā chijjitvā bhattapātiyaṃ pati. Taṅkhaṇaññeva kammasarikkhakaṃ vipākaṃ labhi. Sopi kho goṇo viya lohitadhārāya mukhato paggharantiyā antogehaṃ pavisitvā jaṇṇukehi vicaranto viravi.

    д̇асмим̣ самаяз г̇огхаад̇агасса буд̇д̇о бид̇арам̣ ологзнд̇о самийбз тид̇о ход̇и. ат̇а нам̣ маад̇аа ааха – ‘‘басса, буд̇д̇а, имам̣ г̇огхаад̇агам̣ г̇он̣ам̣ вияа г̇зхамаж̇жхз ж̇ан̣н̣угзхи вижарид̇ваа вираванд̇ам̣, ид̣̇ам̣ д̣̇угкам̣ д̇ава мад̇т̇агз бад̇иссад̇и, мамамби анологзд̇ваа ад̇д̇ано сод̇т̇им̣ гаронд̇о балааяассуу’’д̇и. со маран̣абхаяад̇аж̇ж̇ид̇о маад̇арам̣ ванд̣̇ид̇ваа балааяи, балааяид̇ваа жа бана д̇аггасилам̣ аг̇амааси. г̇огхаад̇агоби г̇он̣о вияа г̇зхамаж̇жхз вираванд̇о вижарид̇ваа гаалагад̇о авийжимхи ниб̣б̣ад̇д̇и. г̇он̣оби гааламагааси. г̇огхаад̇агабуд̇д̇оби д̇аггасилам̣ г̇анд̇ваа суван̣н̣агаарагаммам̣ уг̇г̇ан̣хи. ат̇ассаажарияо г̇аамам̣ г̇ажчанд̇о ‘‘зваруубам̣ наама алан̇гаарам̣ гарзяяаасий’’д̇и вад̇ваа баггаами. соби д̇ат̇ааруубам̣ алан̇гаарам̣ агааси. ат̇ассаажарияо ааг̇анд̇ваа алан̇гаарам̣ д̣̇исваа ‘‘аяам̣ яад̇т̇а гад̇т̇ажи г̇анд̇ваа ж̇ийвид̇ум̣ самад̇т̇о’’д̇и ваяаббад̇д̇ам̣ ад̇д̇ано д̇хийд̇арам̣ ад̣̇ааси. со буд̇д̇ад̇хийд̇аахи вад̣дхи.

    Tasmiṃ samaye goghātakassa putto pitaraṃ olokento samīpe ṭhito hoti. Atha naṃ mātā āha – ‘‘passa, putta, imaṃ goghātakaṃ goṇaṃ viya gehamajjhe jaṇṇukehi vicaritvā viravantaṃ, idaṃ dukkhaṃ tava matthake patissati, mamampi anoloketvā attano sotthiṃ karonto palāyassū’’ti. So maraṇabhayatajjito mātaraṃ vanditvā palāyi, palāyitvā ca pana takkasilaṃ agamāsi. Goghātakopi goṇo viya gehamajjhe viravanto vicaritvā kālakato avīcimhi nibbatti. Goṇopi kālamakāsi. Goghātakaputtopi takkasilaṃ gantvā suvaṇṇakārakammaṃ uggaṇhi. Athassācariyo gāmaṃ gacchanto ‘‘evarūpaṃ nāma alaṅkāraṃ kareyyāsī’’ti vatvā pakkāmi. Sopi tathārūpaṃ alaṅkāraṃ akāsi. Athassācariyo āgantvā alaṅkāraṃ disvā ‘‘ayaṃ yattha katthaci gantvā jīvituṃ samattho’’ti vayappattaṃ attano dhītaraṃ adāsi. So puttadhītāhi vaḍḍhi.

    ат̇асса буд̇д̇аа ваяаббад̇д̇аа сиббам̣ уг̇г̇ан̣хид̇ваа абарабхааг̇з саавад̇т̇ияам̣ г̇анд̇ваа д̇ад̇т̇а гхарааваасам̣ сан̣табзд̇ваа васанд̇аа сад̣̇д̇хаа басаннаа ахзсум̣. бид̇ааби нзсам̣ д̇аггасилааяам̣ гин̃жи гусалам̣ агад̇ваава ж̇арам̣ баабун̣и. ат̇асса буд̇д̇аа ‘‘бид̇аа но махаллаго’’д̇и ад̇д̇ано санд̇игам̣ баггосаабзд̇ваа ‘‘бид̇у ад̇т̇ааяа д̣̇аанам̣ д̣̇ассаамаа’’д̇и б̣уд̣̇д̇хаббамукам̣ бхигкусан̇гхам̣ ниманд̇аяим̣су. д̇з бунад̣̇ивасз анд̇ог̇зхз б̣уд̣̇д̇хаббамукам̣ бхигкусан̇гхам̣ нисийд̣̇аабзд̇ваа саггажжам̣ баривисид̇ваа бхад̇д̇агижжаавасаанз сад̇т̇аарам̣ аахам̣су – ‘‘бханд̇з, амхзхи ид̣̇ам̣ бид̇у ж̇ийвабхад̇д̇ам̣ д̣̇иннам̣, бид̇у но анумод̣̇анам̣ гарот̇аа’’д̇и. сад̇т̇аа д̇ам̣ ааманд̇зд̇ваа, ‘‘убаасага, д̇вам̣ махаллаго барибаггасарийро бан̣д̣убалаасасад̣̇исо, д̇ава баралогаг̇аманааяа гусалабаат̇зяяам̣ над̇т̇и, ад̇д̇ано бад̇идтам̣ гарохи, бан̣д̣ид̇о бхава, маа б̣аало’’д̇и анумод̣̇анам̣ гаронд̇о имаа д̣̇вз г̇аат̇аа абхааси –

    Athassa puttā vayappattā sippaṃ uggaṇhitvā aparabhāge sāvatthiyaṃ gantvā tattha gharāvāsaṃ saṇṭhapetvā vasantā saddhā pasannā ahesuṃ. Pitāpi nesaṃ takkasilāyaṃ kiñci kusalaṃ akatvāva jaraṃ pāpuṇi. Athassa puttā ‘‘pitā no mahallako’’ti attano santikaṃ pakkosāpetvā ‘‘pitu atthāya dānaṃ dassāmā’’ti buddhappamukhaṃ bhikkhusaṅghaṃ nimantayiṃsu. Te punadivase antogehe buddhappamukhaṃ bhikkhusaṅghaṃ nisīdāpetvā sakkaccaṃ parivisitvā bhattakiccāvasāne satthāraṃ āhaṃsu – ‘‘bhante, amhehi idaṃ pitu jīvabhattaṃ dinnaṃ, pitu no anumodanaṃ karothā’’ti. Satthā taṃ āmantetvā, ‘‘upāsaka, tvaṃ mahallako paripakkasarīro paṇḍupalāsasadiso, tava paralokagamanāya kusalapātheyyaṃ natthi, attano patiṭṭhaṃ karohi, paṇḍito bhava, mā bālo’’ti anumodanaṃ karonto imā dve gāthā abhāsi –

    235.

    235.

    ‘‘бан̣д̣убалаасова д̣̇ааниси,

    ‘‘Paṇḍupalāsova dānisi,

    яамабурисааби жа д̇з убадтид̇аа;

    Yamapurisāpi ca te upaṭṭhitā;

    уяяог̇амукз жа д̇идтаси,

    Uyyogamukhe ca tiṭṭhasi,

    баат̇зяяамби жа д̇з на виж̇ж̇ад̇и.

    Pātheyyampi ca te na vijjati.

    236.

    236.

    ‘‘со гарохи д̣̇ийбамад̇д̇ано,

    ‘‘So karohi dīpamattano,

    киббам̣ вааяама бан̣д̣ид̇о бхава;

    Khippaṃ vāyama paṇḍito bhava;

    нид̣̇д̇ханд̇амало анан̇г̇ан̣о,

    Niddhantamalo anaṅgaṇo,

    д̣̇иб̣б̣ам̣ арияабхуумим̣ убзхисий’’д̇и.

    Dibbaṃ ariyabhūmiṃ upehisī’’ti.

    д̇ад̇т̇а бан̣д̣убалаасова д̣̇аанисийд̇и, убаасага, д̇вам̣ ид̣̇аани чиж̇ж̇ид̇ваа бхуумияам̣ бад̇ид̇абан̣д̣убалаасо вияа ахоси. яамабурисаад̇и яамад̣̇ууд̇аа вужжанд̇и, ид̣̇ам̣ бана маран̣амзва санд̇хааяа вуд̇д̇ам̣, маран̣ам̣ д̇з бажжубадтид̇анд̇и ад̇т̇о. уяяог̇амукзд̇и барихаанимукз, авуд̣дхимукз жа тид̇осийд̇и ад̇т̇о. баат̇зяяанд̇и г̇амигасса д̇ан̣д̣улаад̣̇ибаат̇зяяам̣ вияа баралогам̣ г̇ажчанд̇асса д̇ава гусалабаат̇зяяамби над̇т̇ийд̇и ад̇т̇о. со гарохийд̇и со д̇вам̣ самуд̣̇д̣̇з наавааяа бхиннааяа д̣̇ийбасан̇каад̇ам̣ бад̇идтам̣ вияа ад̇д̇ано гусалабад̇идтам̣ гарохи. гаронд̇о жа киббам̣ вааяама, сийгхам̣ сийгхам̣ вийрияам̣ аарабха, ад̇д̇ано гусалагаммабад̇идтагаран̣зна бан̣д̣ид̇о бхава. яо хи маран̣амукам̣ аббад̇ваа гаад̇ум̣ самад̇т̇агаалзва гусалам̣ гарод̇и, зса бан̣д̣ид̇о наама, д̇аад̣̇исо бхава, маа анд̇хаб̣аалод̇и ад̇т̇о. д̣̇иб̣б̣ам̣ арияабхууминд̇и звам̣ вийрияам̣ гаронд̇о рааг̇аад̣̇ийнам̣ малаанам̣ нийхадад̇ааяа нид̣̇д̇ханд̇амало ан̇г̇ан̣аабхаавзна анан̇г̇ан̣о ниггилзсо худ̇ваа бан̃жавид̇хам̣ суд̣̇д̇хааваасабхуумим̣ баабун̣иссасийд̇и ад̇т̇о.

    Tattha paṇḍupalāsova dānisīti, upāsaka, tvaṃ idāni chijjitvā bhūmiyaṃ patitapaṇḍupalāso viya ahosi. Yamapurisāti yamadūtā vuccanti, idaṃ pana maraṇameva sandhāya vuttaṃ, maraṇaṃ te paccupaṭṭhitanti attho. Uyyogamukheti parihānimukhe, avuḍḍhimukhe ca ṭhitosīti attho. Pātheyyanti gamikassa taṇḍulādipātheyyaṃ viya paralokaṃ gacchantassa tava kusalapātheyyampi natthīti attho. So karohīti so tvaṃ samudde nāvāya bhinnāya dīpasaṅkhātaṃ patiṭṭhaṃ viya attano kusalapatiṭṭhaṃ karohi. Karonto ca khippaṃ vāyama, sīghaṃ sīghaṃ vīriyaṃ ārabha, attano kusalakammapatiṭṭhakaraṇena paṇḍito bhava. Yo hi maraṇamukhaṃ appatvā kātuṃ samatthakāleva kusalaṃ karoti, esa paṇḍito nāma, tādiso bhava, mā andhabāloti attho. Dibbaṃ ariyabhūminti evaṃ vīriyaṃ karonto rāgādīnaṃ malānaṃ nīhaṭatāya niddhantamalo aṅgaṇābhāvena anaṅgaṇo nikkileso hutvā pañcavidhaṃ suddhāvāsabhūmiṃ pāpuṇissasīti attho.

    д̣̇зсанаавасаанз убаасаго сод̇аабад̇д̇ипалз бад̇идтахи, самбад̇д̇аанамби саад̇т̇игаа д̇хаммад̣̇зсанаа ахосийд̇и.

    Desanāvasāne upāsako sotāpattiphale patiṭṭhahi, sampattānampi sātthikā dhammadesanā ahosīti.

    д̇з бунад̣̇ивасад̇т̇ааяаби сад̇т̇аарам̣ ниманд̇зд̇ваа д̣̇аанам̣ д̣̇ад̇ваа гад̇абхад̇д̇агижжам̣ сад̇т̇аарам̣ анумод̣̇анагаалз аахам̣су – ‘‘бханд̇з, ид̣̇амби амхаагам̣ бид̇у ж̇ийвабхад̇д̇амзва, имассзва анумод̣̇анам̣ гарот̇аа’’д̇и. сад̇т̇аа д̇асса анумод̣̇анам̣ гаронд̇о имаа д̣̇вз г̇аат̇аа абхааси –

    Te punadivasatthāyapi satthāraṃ nimantetvā dānaṃ datvā katabhattakiccaṃ satthāraṃ anumodanakāle āhaṃsu – ‘‘bhante, idampi amhākaṃ pitu jīvabhattameva, imasseva anumodanaṃ karothā’’ti. Satthā tassa anumodanaṃ karonto imā dve gāthā abhāsi –

    237.

    237.

    ‘‘убанийд̇аваяо жа д̣̇ааниси,

    ‘‘Upanītavayo ca dānisi,

    самбаяаад̇оси яамасса санд̇игам̣;

    Sampayātosi yamassa santikaṃ;

    ваасо д̇з над̇т̇и анд̇араа,

    Vāso te natthi antarā,

    баат̇зяяамби жа д̇з на виж̇ж̇ад̇и.

    Pātheyyampi ca te na vijjati.

    238.

    238.

    ‘‘со гарохи д̣̇ийбамад̇д̇ано,

    ‘‘So karohi dīpamattano,

    киббам̣ вааяама бан̣д̣ид̇о бхава;

    Khippaṃ vāyama paṇḍito bhava;

    нид̣̇д̇ханд̇амало анан̇г̇ан̣о,

    Niddhantamalo anaṅgaṇo,

    на буна ж̇аад̇иж̇арам̣ убзхисий’’д̇и.

    Na puna jātijaraṃ upehisī’’ti.

    д̇ад̇т̇а убанийд̇аваяод̇и убаад̇и нибаад̇амад̇д̇ам̣, нийд̇аваяод̇и виг̇ад̇аваяо ад̇игганд̇аваяо, д̇ван̃жаси д̣̇аани д̇аяо ваяз ад̇иггамид̇ваа маран̣амукз тид̇од̇и ад̇т̇о. самбаяаад̇оси яамасса санд̇иганд̇и маран̣амукам̣ г̇анд̇ум̣ саж̇ж̇о худ̇ваа тид̇осийд̇и ад̇т̇о. ваасо д̇з над̇т̇и анд̇араад̇и яат̇аа маг̇г̇ам̣ г̇ажчанд̇аа д̇аани д̇аани гижжаани гаронд̇аа анд̇араамаг̇г̇з васанд̇и, на звам̣ баралогам̣ г̇ажчанд̇аа. на хи саггаа баралогам̣ г̇ажчанд̇зна ‘‘ад̇хиваасзт̇а гад̇ибаахам̣, д̣̇аанам̣ д̇аава д̣̇зми, д̇хаммам̣ д̇аава сун̣аамий’’д̇иаад̣̇ийни вад̇д̇ум̣. ид̇о бана жавид̇ваа баралогз ниб̣б̣ад̇д̇ова ход̇и. имамад̇т̇ам̣ санд̇хааязд̇ам̣ вуд̇д̇ам̣. баат̇зяяанд̇и ид̣̇ам̣ гин̃жааби хздтаа вуд̇д̇амзва, убаасагасса бана бунаббунам̣ д̣̇ал̣хийгаран̣ад̇т̇ам̣ ид̇хааби сад̇т̇аараа гат̇ид̇ам̣. ж̇аад̇иж̇аранд̇и зд̇т̇а б̣яаад̇химаран̣ааниби г̇ахид̇аанзва хонд̇и. хздтимаг̇аат̇аахи жа анааг̇аамимаг̇г̇о гат̇ид̇о, ид̇ха арахад̇д̇амаг̇г̇о гат̇ид̇о. звам̣ санд̇зби яат̇аа наама ран̃н̃аа ад̇д̇ано мукабамаан̣зна габ̣ал̣ам̣ вад̣дхзд̇ваа буд̇д̇асса убанийд̇з со гумааро ад̇д̇ано мукабамаан̣знзва г̇ан̣хаад̇и, звамзва сад̇т̇аараа убаримаг̇г̇авасзна д̇хаммз д̣̇зсид̇зби убаасаго ад̇д̇ано убаниссаяавасзна хздтаа сод̇аабад̇д̇ипалам̣ бад̇ваа имиссаа анумод̣̇анааяа авасаанз анааг̇аамипалам̣ бад̇д̇о. сзсабарисааяаби саад̇т̇игаа д̇хаммад̣̇зсанаа ахосийд̇и.

    Tattha upanītavayoti upāti nipātamattaṃ, nītavayoti vigatavayo atikkantavayo, tvañcasi dāni tayo vaye atikkamitvā maraṇamukhe ṭhitoti attho. Sampayātosi yamassa santikanti maraṇamukhaṃ gantuṃ sajjo hutvā ṭhitosīti attho. Vāso te natthi antarāti yathā maggaṃ gacchantā tāni tāni kiccāni karontā antarāmagge vasanti, na evaṃ paralokaṃ gacchantā. Na hi sakkā paralokaṃ gacchantena ‘‘adhivāsetha katipāhaṃ, dānaṃ tāva demi, dhammaṃ tāva suṇāmī’’tiādīni vattuṃ. Ito pana cavitvā paraloke nibbattova hoti. Imamatthaṃ sandhāyetaṃ vuttaṃ. Pātheyyanti idaṃ kiñcāpi heṭṭhā vuttameva, upāsakassa pana punappunaṃ daḷhīkaraṇatthaṃ idhāpi satthārā kathitaṃ. Jātijaranti ettha byādhimaraṇānipi gahitāneva honti. Heṭṭhimagāthāhi ca anāgāmimaggo kathito, idha arahattamaggo kathito. Evaṃ santepi yathā nāma raññā attano mukhapamāṇena kabaḷaṃ vaḍḍhetvā puttassa upanīte so kumāro attano mukhapamāṇeneva gaṇhāti, evameva satthārā uparimaggavasena dhamme desitepi upāsako attano upanissayavasena heṭṭhā sotāpattiphalaṃ patvā imissā anumodanāya avasāne anāgāmiphalaṃ patto. Sesaparisāyapi sātthikā dhammadesanā ahosīti.

    г̇огхаад̇агабуд̇д̇авад̇т̇у батамам̣.

    Goghātakaputtavatthu paṭhamaṃ.

    2. ан̃н̃ад̇араб̣раахман̣авад̇т̇у

    2. Aññatarabrāhmaṇavatthu

    анубуб̣б̣знаад̇и имам̣ д̇хаммад̣̇зсанам̣ сад̇т̇аа ж̇зд̇аванз вихаранд̇о ан̃н̃ад̇араб̣раахман̣ам̣ аараб̣бха гат̇зси.

    Anupubbenāti imaṃ dhammadesanaṃ satthā jetavane viharanto aññatarabrāhmaṇaṃ ārabbha kathesi.

    со гира згад̣̇ивасам̣ баад̇ова нигкамид̇ваа бхигкуунам̣ жийварабаарубанадтаанз бхигкуу жийварам̣ баарубанд̇з ологзнд̇о адтааси. д̇ам̣ бана таанам̣ вируул̣хад̇ин̣ам̣ ход̇и. ат̇згасса бхигкуно жийварам̣ баарубанд̇асса жийвараган̣н̣о д̇ин̣зсу баваддзнд̇о уссааваб̣инд̣̇уухи д̇зми. б̣раахман̣о ‘‘имам̣ таанам̣ аббахарид̇ам̣ гаад̇ум̣ ваддад̇ий’’д̇и бунад̣̇ивасз гуд̣̇д̣̇аалам̣ аад̣̇ааяа г̇анд̇ваа д̇ам̣ таанам̣ д̇ажчзд̇ваа каламан̣д̣аласад̣̇исам̣ агааси. бунад̣̇ивасзби д̇ам̣ таанам̣ ааг̇анд̇ваа бхигкуусу жийварам̣ баарубанд̇зсу згасса жийвараган̣н̣ам̣ бхуумияам̣ бад̇ид̇ваа бам̣сумхи баваддамаанам̣ д̣̇исваа ‘‘ид̇ха ваалугам̣ огирид̇ум̣ ваддад̇ий’’д̇и жинд̇зд̇ваа ваалугам̣ аахарид̇ваа огири.

    So kira ekadivasaṃ pātova nikkhamitvā bhikkhūnaṃ cīvarapārupanaṭṭhāne bhikkhū cīvaraṃ pārupante olokento aṭṭhāsi. Taṃ pana ṭhānaṃ virūḷhatiṇaṃ hoti. Athekassa bhikkhuno cīvaraṃ pārupantassa cīvarakaṇṇo tiṇesu pavaṭṭento ussāvabindūhi temi. Brāhmaṇo ‘‘imaṃ ṭhānaṃ appaharitaṃ kātuṃ vaṭṭatī’’ti punadivase kuddālaṃ ādāya gantvā taṃ ṭhānaṃ tacchetvā khalamaṇḍalasadisaṃ akāsi. Punadivasepi taṃ ṭhānaṃ āgantvā bhikkhūsu cīvaraṃ pārupantesu ekassa cīvarakaṇṇaṃ bhūmiyaṃ patitvā paṃsumhi pavaṭṭamānaṃ disvā ‘‘idha vālukaṃ okirituṃ vaṭṭatī’’ti cintetvā vālukaṃ āharitvā okiri.

    ат̇згад̣̇ивасам̣ бурзбхад̇д̇ам̣ жан̣д̣о аад̇або ахоси, д̇ад̣̇ааби бхигкуунам̣ жийварам̣ баарубанд̇аанам̣ г̇ад̇д̇ад̇о сзд̣̇з мужжанд̇з д̣̇исваа ‘‘ид̇ха маяаа ман̣д̣абам̣ гаарзд̇ум̣ ваддад̇ий’’д̇и жинд̇зд̇ваа ман̣д̣абам̣ гаарзси. бунад̣̇ивасз баад̇ова вассам̣ васси, вад̣̇д̣̇алигам̣ ахоси. д̇ад̣̇ааби б̣раахман̣о бхигкуу ологзнд̇ова тид̇о д̇инд̇ажийварагз бхигкуу д̣̇исваа ‘‘зд̇т̇а маяаа саалам̣ гаарзд̇ум̣ ваддад̇ий’’д̇и саалам̣ гаарзд̇ваа ‘‘ид̣̇аани сааламахам̣ гариссаамий’’д̇и жинд̇зд̇ваа б̣уд̣̇д̇хаббамукам̣ бхигкусан̇гхам̣ ниманд̇зд̇ваа анд̇о жа б̣ахи жа бхигкуу нисийд̣̇аабзд̇ваа бхад̇д̇агижжаавасаанз анумод̣̇анад̇т̇ааяа сад̇т̇у бад̇д̇ам̣ г̇ахзд̇ваа, ‘‘бханд̇з, ахам̣ бхигкуунам̣ жийварабаарубанагаалз имасмим̣ таанз ологзнд̇о тид̇о ид̣̇ан̃жид̣̇ан̃жа д̣̇исваа ид̣̇ан̃жид̣̇ан̃жа гаарзси’’нд̇и аад̣̇ид̇о бадтааяа саб̣б̣ам̣ д̇ам̣ бавад̇д̇им̣ аарожзси. сад̇т̇аа д̇асса важанам̣ суд̇ваа, ‘‘б̣раахман̣а, бан̣д̣ид̇аа наама кан̣з кан̣з т̇огам̣ гусалам̣ гаронд̇аа анубуб̣б̣зна ад̇д̇ано агусаламалам̣ нийхаранд̇иязваа’’д̇и вад̇ваа имам̣ г̇аат̇амааха –

    Athekadivasaṃ purebhattaṃ caṇḍo ātapo ahosi, tadāpi bhikkhūnaṃ cīvaraṃ pārupantānaṃ gattato sede muccante disvā ‘‘idha mayā maṇḍapaṃ kāretuṃ vaṭṭatī’’ti cintetvā maṇḍapaṃ kāresi. Punadivase pātova vassaṃ vassi, vaddalikaṃ ahosi. Tadāpi brāhmaṇo bhikkhū olokentova ṭhito tintacīvarake bhikkhū disvā ‘‘ettha mayā sālaṃ kāretuṃ vaṭṭatī’’ti sālaṃ kāretvā ‘‘idāni sālamahaṃ karissāmī’’ti cintetvā buddhappamukhaṃ bhikkhusaṅghaṃ nimantetvā anto ca bahi ca bhikkhū nisīdāpetvā bhattakiccāvasāne anumodanatthāya satthu pattaṃ gahetvā, ‘‘bhante, ahaṃ bhikkhūnaṃ cīvarapārupanakāle imasmiṃ ṭhāne olokento ṭhito idañcidañca disvā idañcidañca kāresi’’nti ādito paṭṭhāya sabbaṃ taṃ pavattiṃ ārocesi. Satthā tassa vacanaṃ sutvā, ‘‘brāhmaṇa, paṇḍitā nāma khaṇe khaṇe thokaṃ kusalaṃ karontā anupubbena attano akusalamalaṃ nīharantiyevā’’ti vatvā imaṃ gāthamāha –

    239.

    239.

    ‘‘анубуб̣б̣зна мзд̇хаавий, т̇огам̣ т̇огам̣ кан̣з кан̣з;

    ‘‘Anupubbena medhāvī, thokaṃ thokaṃ khaṇe khaṇe;

    гаммааро раж̇ад̇ассзва, нид̣̇д̇хамз маламад̇д̇ано’’д̇и.

    Kammāro rajatasseva, niddhame malamattano’’ti.

    д̇ад̇т̇а анубуб̣б̣знаад̇и анубадибаадияаа. мзд̇хаавийд̇и д̇хаммож̇абан̃н̃ааяа саманнааг̇ад̇о. кан̣з кан̣зд̇и огаасз огаасз гусалам̣ гаронд̇о. гаммааро раж̇ад̇ассзваад̇и яат̇аа суван̣н̣агааро згаваарамзва суван̣н̣ам̣ д̇аабзд̇ваа годдзд̇ваа малам̣ нийхарид̇ваа биланд̇ханавигад̇им̣ гаад̇ум̣ на саггод̇и , бунаббунам̣ д̇аабзнд̇о годдзнд̇о бана малам̣ нийхарад̇и, д̇ад̇о анзгавид̇хам̣ биланд̇ханавигад̇им̣ гарод̇и, звамзва бунаббунам̣ гусалам̣ гаронд̇о бан̣д̣ид̇о ад̇д̇ано рааг̇аад̣̇ималам̣ нид̣̇д̇хамзяяа, звам̣ нид̣̇д̇ханд̇амало ниггилзсова ход̇ийд̇и ад̇т̇о.

    Tattha anupubbenāti anupaṭipāṭiyā. Medhāvīti dhammojapaññāya samannāgato. Khaṇe khaṇeti okāse okāse kusalaṃ karonto. Kammāro rajatassevāti yathā suvaṇṇakāro ekavārameva suvaṇṇaṃ tāpetvā koṭṭetvā malaṃ nīharitvā pilandhanavikatiṃ kātuṃ na sakkoti , punappunaṃ tāpento koṭṭento pana malaṃ nīharati, tato anekavidhaṃ pilandhanavikatiṃ karoti, evameva punappunaṃ kusalaṃ karonto paṇḍito attano rāgādimalaṃ niddhameyya, evaṃ niddhantamalo nikkilesova hotīti attho.

    д̣̇зсанаавасаанз б̣раахман̣о сод̇аабад̇д̇ипалз бад̇идтад̇и, махааж̇анассааби саад̇т̇игаа д̇хаммад̣̇зсанаа ахосийд̇и.

    Desanāvasāne brāhmaṇo sotāpattiphale patiṭṭhati, mahājanassāpi sātthikā dhammadesanā ahosīti.

    ан̃н̃ад̇араб̣раахман̣авад̇т̇у д̣̇уд̇ияам̣.

    Aññatarabrāhmaṇavatthu dutiyaṃ.

    3. д̇иссад̇т̇зравад̇т̇у

    3. Tissattheravatthu

    аяасаава маланд̇и имам̣ д̇хаммад̣̇зсанам̣ сад̇т̇аа ж̇зд̇аванз вихаранд̇о д̇иссад̇т̇зрам̣ наама бхигкум̣ аараб̣бха гат̇зси.

    Ayasāvamalanti imaṃ dhammadesanaṃ satthā jetavane viharanto tissattheraṃ nāma bhikkhuṃ ārabbha kathesi.

    зго гира саавад̇т̇иваасий гулабуд̇д̇о баб̣б̣аж̇ид̇ваа лад̣̇д̇хуубасамбад̣̇о д̇иссад̇т̇зрод̇и бан̃н̃ааяи. со абарабхааг̇з ж̇анабад̣̇авихаарз вассуубаг̇ад̇о адтахад̇т̇агам̣ т̇ууласаадагам̣ лабхид̇ваа вуд̇т̇авассо баваарзд̇ваа д̇ам̣ аад̣̇ааяа г̇анд̇ваа бхаг̇инияаа хад̇т̇з табзси. саа ‘‘на мз зсо саадаго бхаад̇у анужчавиго’’д̇и д̇ам̣ д̇икин̣ааяа ваасияаа чинд̣̇ид̇ваа хийрахийрам̣ гад̇ваа уд̣̇угкалз годдзд̇ваа бависзд̇ваа бот̇зд̇ваа ваддзд̇ваа сукумасуд̇д̇ам̣ ганд̇ид̇ваа саадагам̣ вааяаабзси. т̇зроби суд̇д̇ан̃жзва суужияо жа сам̣вид̣̇ахид̇ваа жийварагаарагз д̣̇ахарасааман̣зрз саннибаад̇зд̇ваа бхаг̇инияаа санд̇игам̣ г̇анд̇ваа ‘‘д̇ам̣ мз саадагам̣ д̣̇зт̇а, жийварам̣ гаарзссаамий’’д̇и ааха. саа навахад̇т̇ам̣ саадагам̣ нийхарид̇ваа ганидтабхаад̇игасса хад̇т̇з табзси. со д̇ам̣ г̇ахзд̇ваа вид̇т̇аарзд̇ваа ологзд̇ваа ‘‘мама саадаго т̇ууло адтахад̇т̇о, аяам̣ сукумо навахад̇т̇о. нааяам̣ мама саадаго, д̇умхаагам̣ зса, на мз иминаа ад̇т̇о, д̇амзва мз д̣̇зт̇аа’’д̇и ааха. ‘‘бханд̇з, д̇умхаагамзва зсо, г̇ан̣хат̇а на’’нд̇и? со нзва ижчи. ат̇асса ад̇д̇анаа гад̇агижжам̣ саб̣б̣ам̣ аарожзд̇ваа, ‘‘бханд̇з, д̇умхаагамзвзса, г̇ан̣хат̇а на’’нд̇и ад̣̇ааси. со д̇ам̣ аад̣̇ааяа вихаарам̣ г̇анд̇ваа жийварагаммам̣ бадтабзси.

    Eko kira sāvatthivāsī kulaputto pabbajitvā laddhūpasampado tissattheroti paññāyi. So aparabhāge janapadavihāre vassūpagato aṭṭhahatthakaṃ thūlasāṭakaṃ labhitvā vutthavasso pavāretvā taṃ ādāya gantvā bhaginiyā hatthe ṭhapesi. Sā ‘‘na me eso sāṭako bhātu anucchaviko’’ti taṃ tikhiṇāya vāsiyā chinditvā hīrahīraṃ katvā udukkhale koṭṭetvā pavisetvā pothetvā vaṭṭetvā sukhumasuttaṃ kantitvā sāṭakaṃ vāyāpesi. Theropi suttañceva sūciyo ca saṃvidahitvā cīvarakārake daharasāmaṇere sannipātetvā bhaginiyā santikaṃ gantvā ‘‘taṃ me sāṭakaṃ detha, cīvaraṃ kāressāmī’’ti āha. Sā navahatthaṃ sāṭakaṃ nīharitvā kaniṭṭhabhātikassa hatthe ṭhapesi. So taṃ gahetvā vitthāretvā oloketvā ‘‘mama sāṭako thūlo aṭṭhahattho, ayaṃ sukhumo navahattho. Nāyaṃ mama sāṭako, tumhākaṃ esa, na me iminā attho, tameva me dethā’’ti āha. ‘‘Bhante, tumhākameva eso, gaṇhatha na’’nti? So neva icchi. Athassa attanā katakiccaṃ sabbaṃ ārocetvā, ‘‘bhante, tumhākamevesa, gaṇhatha na’’nti adāsi. So taṃ ādāya vihāraṃ gantvā cīvarakammaṃ paṭṭhapesi.

    ат̇асса бхаг̇иний жийварагаараанам̣ ад̇т̇ааяа яааг̇убхад̇д̇аад̣̇ийни самбаад̣̇зси. жийварасса нидтид̇ад̣̇ивасз бана ад̇ирзгасаггаарам̣ гаарзси. со жийварам̣ ологзд̇ваа д̇асмим̣ уббаннасинзхо ‘‘свз д̣̇аани нам̣ баарубиссаамий’’д̇и сам̣харид̇ваа жийваравам̣сз табзд̇ваа д̇ам̣ рад̇д̇им̣ бхуд̇д̇аахаарам̣ ж̇ираабзд̇ум̣ асаггонд̇о гаалам̣ гад̇ваа д̇асмим̣язва жийварз уугаа худ̇ваа ниб̣б̣ад̇д̇и. бхаг̇инийбисса гаалагирияам̣ суд̇ваа бхигкуунам̣ баад̣̇зсу бавад̇д̇амаанаа род̣̇и. бхигкуу д̇асса сарийрагижжам̣ гад̇ваа г̇илаанубадтаагасса абхаавзна сан̇гхассзва д̇ам̣ баабун̣аад̇и. ‘‘бхааж̇зссаама на’’нд̇и д̇ам̣ жийварам̣ нийхараабзсум̣. саа уугаа ‘‘имз мама санд̇агам̣ вилумбанд̇ий’’д̇и вираванд̇ий ид̇о жид̇о жа санд̇хаави. сад̇т̇аа г̇анд̇хагудияам̣ нисиннова д̣̇иб̣б̣ааяа сод̇ад̇хаад̇уяаа д̇ам̣ сад̣̇д̣̇ам̣ суд̇ваа, ‘‘аананд̣̇а, д̇иссасса жийварам̣ абхааж̇зд̇ваа сад̇д̇аахам̣ нигкибид̇ум̣ вад̣̇зхий’’д̇и ааха. т̇зро д̇ат̇аа гаарзси. сааби сад̇д̇амз д̣̇ивасз гаалам̣ гад̇ваа д̇усид̇авимаанз ниб̣б̣ад̇д̇и. сад̇т̇аа ‘‘адтамз д̣̇ивасз д̇иссасса жийварам̣ бхааж̇зд̇ваа г̇ан̣хат̇аа’’д̇и аан̣аабзси. бхигкуу д̇ат̇аа гарим̣су.

    Athassa bhaginī cīvarakārānaṃ atthāya yāgubhattādīni sampādesi. Cīvarassa niṭṭhitadivase pana atirekasakkāraṃ kāresi. So cīvaraṃ oloketvā tasmiṃ uppannasineho ‘‘sve dāni naṃ pārupissāmī’’ti saṃharitvā cīvaravaṃse ṭhapetvā taṃ rattiṃ bhuttāhāraṃ jirāpetuṃ asakkonto kālaṃ katvā tasmiṃyeva cīvare ūkā hutvā nibbatti. Bhaginīpissa kālakiriyaṃ sutvā bhikkhūnaṃ pādesu pavattamānā rodi. Bhikkhū tassa sarīrakiccaṃ katvā gilānupaṭṭhākassa abhāvena saṅghasseva taṃ pāpuṇāti. ‘‘Bhājessāma na’’nti taṃ cīvaraṃ nīharāpesuṃ. Sā ūkā ‘‘ime mama santakaṃ vilumpantī’’ti viravantī ito cito ca sandhāvi. Satthā gandhakuṭiyaṃ nisinnova dibbāya sotadhātuyā taṃ saddaṃ sutvā, ‘‘ānanda, tissassa cīvaraṃ abhājetvā sattāhaṃ nikkhipituṃ vadehī’’ti āha. Thero tathā kāresi. Sāpi sattame divase kālaṃ katvā tusitavimāne nibbatti. Satthā ‘‘aṭṭhame divase tissassa cīvaraṃ bhājetvā gaṇhathā’’ti āṇāpesi. Bhikkhū tathā kariṃsu.

    бхигкуу д̇хаммасабхааяам̣ гат̇ам̣ самудтаабзсум̣ ‘‘гасмаа ну ко сад̇т̇аа д̇иссасса жийварам̣ сад̇д̇а д̣̇ивасз табаабзд̇ваа адтамз д̣̇ивасз г̇ан̣хид̇ум̣ ануж̇ааний’’д̇и. сад̇т̇аа ааг̇анд̇ваа ‘‘гааяа нуд̇т̇а, бхигкавз, зд̇арахи гат̇ааяа саннисиннаа’’д̇и бужчид̇ваа ‘‘имааяа наамаа’’д̇и вуд̇д̇з, ‘‘бхигкавз, д̇иссо ад̇д̇ано жийварз уугаа худ̇ваа ниб̣б̣ад̇д̇о, д̇умхзхи д̇асмим̣ бхааж̇ияамаанз ‘имз мама санд̇агам̣ вилумбанд̇ий’д̇и вираванд̇ий ид̇о жид̇о жа д̇хаави. саа д̇умхзхи жийварз г̇аяхамаанз д̇умхзсу манам̣ бад̣̇уссид̇ваа нираяз ниб̣б̣ад̇д̇зяяа, д̇зна жаахам̣ жийварам̣ нигкибаабзсим̣. ид̣̇аани бана саа д̇усид̇авимаанз ниб̣б̣ад̇д̇аа, д̇зна во маяаа жийвараг̇ахан̣ам̣ анун̃н̃аад̇а’’нд̇и вад̇ваа буна д̇зхи ‘‘бхаарияаа вад̇а аяам̣, бханд̇з, д̇ан̣хаа наамаа’’д̇и вуд̇д̇з ‘‘аама, бхигкавз, имзсам̣ сад̇д̇аанам̣ д̇ан̣хаа наама бхаарияаа. яат̇аа аяад̇о малам̣ удтахид̇ваа аяамзва каад̣̇ад̇и винаасзд̇и абарибхог̇ам̣ гарод̇и, звамзвааяам̣ д̇ан̣хаа имзсам̣ сад̇д̇аанам̣ аб̣бханд̇арз уббаж̇ж̇ид̇ваа д̇з сад̇д̇з нираяаад̣̇ийсу ниб̣б̣ад̇д̇аабзд̇и, винаасам̣ баабзд̇ий’’д̇и вад̇ваа имам̣ г̇аат̇амааха –

    Bhikkhū dhammasabhāyaṃ kathaṃ samuṭṭhāpesuṃ ‘‘kasmā nu kho satthā tissassa cīvaraṃ satta divase ṭhapāpetvā aṭṭhame divase gaṇhituṃ anujānī’’ti. Satthā āgantvā ‘‘kāya nuttha, bhikkhave, etarahi kathāya sannisinnā’’ti pucchitvā ‘‘imāya nāmā’’ti vutte, ‘‘bhikkhave, tisso attano cīvare ūkā hutvā nibbatto, tumhehi tasmiṃ bhājiyamāne ‘ime mama santakaṃ vilumpantī’ti viravantī ito cito ca dhāvi. Sā tumhehi cīvare gayhamāne tumhesu manaṃ padussitvā niraye nibbatteyya, tena cāhaṃ cīvaraṃ nikkhipāpesiṃ. Idāni pana sā tusitavimāne nibbattā, tena vo mayā cīvaragahaṇaṃ anuññāta’’nti vatvā puna tehi ‘‘bhāriyā vata ayaṃ, bhante, taṇhā nāmā’’ti vutte ‘‘āma, bhikkhave, imesaṃ sattānaṃ taṇhā nāma bhāriyā. Yathā ayato malaṃ uṭṭhahitvā ayameva khādati vināseti aparibhogaṃ karoti, evamevāyaṃ taṇhā imesaṃ sattānaṃ abbhantare uppajjitvā te satte nirayādīsu nibbattāpeti, vināsaṃ pāpetī’’ti vatvā imaṃ gāthamāha –

    240.

    240.

    ‘‘аяасаава малам̣ самудтид̇ам̣,

    ‘‘Ayasāva malaṃ samuṭṭhitaṃ,

    д̇ад̇удтааяа д̇амзва каад̣̇ад̇и;

    Tatuṭṭhāya tameva khādati;

    звам̣ ад̇ид̇хонажааринам̣,

    Evaṃ atidhonacārinaṃ,

    саани гаммаани наяанд̇и д̣̇уг̇г̇ад̇и’’нд̇и.

    Sāni kammāni nayanti duggati’’nti.

    д̇ад̇т̇а аяасааваад̇и аяад̇о самудтид̇ам̣. д̇ад̇удтааяаад̇и д̇ад̇о удтааяа. ад̇ид̇хонажааринанд̇и д̇хонаа вужжад̇и жад̇д̇ааро бажжаяз ‘‘ид̣̇амад̇т̇ам̣ зд̇з’’д̇и бажжавзгкид̇ваа барибхун̃ж̇анабан̃н̃аа, д̇ам̣ ад̇иггамид̇ваа жаранд̇о ад̇ид̇хонажаарий наама. ид̣̇ам̣ вуд̇д̇ам̣ ход̇и – яат̇аа аяад̇о малам̣ самудтааяа д̇ад̇о самудтид̇ам̣ д̇амзва каад̣̇ад̇и, звамзвам̣ жад̇убажжаяз абажжавзгкид̇ваа барибхун̃ж̇анд̇ам̣ ад̇ид̇хонажааринам̣ саани гаммаани ад̇д̇ани тид̇ад̇д̇аа ад̇д̇ано санд̇агаанзва д̇аани гаммаани д̣̇уг̇г̇ад̇им̣ наяанд̇ийд̇и.

    Tattha ayasāvāti ayato samuṭṭhitaṃ. Tatuṭṭhāyāti tato uṭṭhāya. Atidhonacārinanti dhonā vuccati cattāro paccaye ‘‘idamatthaṃ ete’’ti paccavekkhitvā paribhuñjanapaññā, taṃ atikkamitvā caranto atidhonacārī nāma. Idaṃ vuttaṃ hoti – yathā ayato malaṃ samuṭṭhāya tato samuṭṭhitaṃ tameva khādati, evamevaṃ catupaccaye apaccavekkhitvā paribhuñjantaṃ atidhonacārinaṃ sāni kammāni attani ṭhitattā attano santakāneva tāni kammāni duggatiṃ nayantīti.

    д̣̇зсанаавасаанз б̣ахуу сод̇аабад̇д̇ипалаад̣̇ийни баабун̣им̣сууд̇и.

    Desanāvasāne bahū sotāpattiphalādīni pāpuṇiṃsūti.

    д̇иссад̇т̇зравад̇т̇у д̇ад̇ияам̣.

    Tissattheravatthu tatiyaṃ.

    4. лаалуд̣̇ааяид̇т̇зравад̇т̇у

    4. Lāludāyittheravatthu

    асаж̇жхааяамалаад̇и имам̣ д̇хаммад̣̇зсанам̣ сад̇т̇аа ж̇зд̇аванз вихаранд̇о лаалуд̣̇ааяид̇т̇зрам̣ аараб̣бха гат̇зси.

    Asajjhāyamalāti imaṃ dhammadesanaṃ satthā jetavane viharanto lāludāyittheraṃ ārabbha kathesi.

    саавад̇т̇ияам̣ гира бан̃жагодимад̇д̇аа арияасаавагаа васанд̇и, д̣̇вз годимад̇д̇аа бут̇уж̇ж̇анаа васанд̇и. д̇зсу арияасаавагаа бурзбхад̇д̇ам̣ д̣̇аанам̣ д̣̇ад̇ваа бажчаабхад̇д̇ам̣ саббид̇зламад̇хупаан̣ид̇авад̇т̇аад̣̇ийни г̇ахзд̇ваа вихаарам̣ г̇анд̇ваа д̇хаммагат̇ам̣ сун̣анд̇и. д̇хаммам̣ суд̇ваа г̇аманагаалз жа саарибуд̇д̇амог̇г̇аллаанаанам̣ г̇ун̣агат̇ам̣ гат̇знд̇и. уд̣̇ааяид̇т̇зро д̇зсам̣ гат̇ам̣ суд̇ваа ‘‘зд̇зсам̣ д̇аава д̇хаммам̣ суд̇ваа д̇умхз звам̣ гат̇зт̇а, мама д̇хаммагат̇ам̣ суд̇ваа гим̣ ну ко на гат̇зссат̇аа’’д̇и вад̣̇ад̇и. мануссаа д̇асса гат̇ам̣ суд̇ваа ‘‘аяам̣ зго д̇хаммагат̇иго бхависсад̇и, имассаби амхзхи д̇хаммагат̇ам̣ сод̇ум̣ ваддад̇ий’’д̇и д̇з згад̣̇ивасам̣ т̇зрам̣ яаажид̇ваа, ‘‘бханд̇з, аж̇ж̇а амхаагам̣ д̇хаммассаванад̣̇ивасо’’д̇и сан̇гхасса д̣̇аанам̣ д̣̇ад̇ваа, ‘‘бханд̇з, д̇умхз амхаагам̣ д̣̇иваа д̇хаммагат̇ам̣ гат̇зяяаат̇аа’’д̇и аахам̣су. соби д̇зсам̣ ад̇хиваасзси.

    Sāvatthiyaṃ kira pañcakoṭimattā ariyasāvakā vasanti, dve koṭimattā puthujjanā vasanti. Tesu ariyasāvakā purebhattaṃ dānaṃ datvā pacchābhattaṃ sappitelamadhuphāṇitavatthādīni gahetvā vihāraṃ gantvā dhammakathaṃ suṇanti. Dhammaṃ sutvā gamanakāle ca sāriputtamoggallānānaṃ guṇakathaṃ kathenti. Udāyitthero tesaṃ kathaṃ sutvā ‘‘etesaṃ tāva dhammaṃ sutvā tumhe evaṃ kathetha, mama dhammakathaṃ sutvā kiṃ nu kho na kathessathā’’ti vadati. Manussā tassa kathaṃ sutvā ‘‘ayaṃ eko dhammakathiko bhavissati, imassapi amhehi dhammakathaṃ sotuṃ vaṭṭatī’’ti te ekadivasaṃ theraṃ yācitvā, ‘‘bhante, ajja amhākaṃ dhammassavanadivaso’’ti saṅghassa dānaṃ datvā, ‘‘bhante, tumhe amhākaṃ divā dhammakathaṃ katheyyāthā’’ti āhaṃsu. Sopi tesaṃ adhivāsesi.

    д̇зхи д̇хаммассаванавзлааяа ааг̇анд̇ваа, ‘‘бханд̇з, но д̇хаммам̣ гат̇зт̇аа’’д̇и вуд̇д̇з лаалуд̣̇ааяид̇т̇зро аасанз нисийд̣̇ид̇ваа жид̇д̇аб̣ийж̇аним̣ г̇ахзд̇ваа жаалзнд̇о згамби д̇хаммабад̣̇ам̣ ад̣̇исваа ‘‘ахам̣ сарабхан̃н̃ам̣ бхан̣иссаами, ан̃н̃о д̇хаммагат̇ам̣ гат̇зд̇уу’’д̇и вад̇ваа од̇ари. д̇з ан̃н̃зна д̇хаммагат̇ам̣ гат̇аабзд̇ваа сарабхаан̣ад̇т̇ааяа буна д̇ам̣ аасанам̣ ааробаяим̣су. со бунаби гин̃жи ад̣̇исваа ‘‘ахам̣ рад̇д̇им̣ гат̇зссаами, ан̃н̃о сарабхан̃н̃ам̣ бхан̣ад̇уу’’д̇и вад̇ваа аасанаа од̇ари. д̇з ан̃н̃зна сарабхан̃н̃ам̣ бхан̣аабзд̇ваа буна рад̇д̇им̣ т̇зрам̣ аанаяим̣су. со рад̇д̇имби гин̃жи ад̣̇исваа ‘‘ахам̣ бажжуусагаалз гат̇зссаами, рад̇д̇им̣ ан̃н̃о гат̇зд̇уу’’д̇и вад̇ваа од̇ари. д̇з ан̃н̃зна рад̇д̇им̣ гат̇аабзд̇ваа буна бажжуусз д̇ам̣ аанаяим̣су. со бунаби гин̃жи наад̣̇д̣̇аса. махааж̇ано лзд̣д̣уд̣̇ан̣д̣аад̣̇ийни г̇ахзд̇ваа, ‘‘анд̇хаб̣аала, д̇вам̣ саарибуд̇д̇амог̇г̇аллаанаанам̣ ван̣н̣з гат̇ияамаанз зван̃жзван̃жа вад̣̇зси, ид̣̇аани гасмаа на гат̇зсий’’д̇и санд̇аж̇ж̇зд̇ваа балааяанд̇ам̣ ануб̣анд̇хи. со балааяанд̇о згиссаа важжагудияаа бад̇и.

    Tehi dhammassavanavelāya āgantvā, ‘‘bhante, no dhammaṃ kathethā’’ti vutte lāludāyitthero āsane nisīditvā cittabījaniṃ gahetvā cālento ekampi dhammapadaṃ adisvā ‘‘ahaṃ sarabhaññaṃ bhaṇissāmi, añño dhammakathaṃ kathetū’’ti vatvā otari. Te aññena dhammakathaṃ kathāpetvā sarabhāṇatthāya puna taṃ āsanaṃ āropayiṃsu. So punapi kiñci adisvā ‘‘ahaṃ rattiṃ kathessāmi, añño sarabhaññaṃ bhaṇatū’’ti vatvā āsanā otari. Te aññena sarabhaññaṃ bhaṇāpetvā puna rattiṃ theraṃ ānayiṃsu. So rattimpi kiñci adisvā ‘‘ahaṃ paccūsakāle kathessāmi, rattiṃ añño kathetū’’ti vatvā otari. Te aññena rattiṃ kathāpetvā puna paccūse taṃ ānayiṃsu. So punapi kiñci nāddasa. Mahājano leḍḍudaṇḍādīni gahetvā, ‘‘andhabāla, tvaṃ sāriputtamoggallānānaṃ vaṇṇe kathiyamāne evañcevañca vadesi, idāni kasmā na kathesī’’ti santajjetvā palāyantaṃ anubandhi. So palāyanto ekissā vaccakuṭiyā pati.

    махааж̇ано гат̇ам̣ самудтаабзси – ‘‘аж̇ж̇а лаалуд̣̇ааяий саарибуд̇д̇амог̇г̇аллаанаанам̣ г̇ун̣агат̇ааяа бавад̇д̇амаанааяа уссууяанд̇о ад̇д̇ано д̇хаммагат̇игабхаавам̣ багаасзд̇ваа мануссзхи саггаарам̣ гад̇ваа ‘д̇хаммам̣ сун̣омаа’д̇и вуд̇д̇з жад̇угкад̇д̇ум̣ аасанз нисийд̣̇ид̇ваа гат̇зд̇аб̣б̣аяуд̇д̇агам̣ гин̃жи абассанд̇о ‘д̇вам̣ амхаагам̣ аяязхи саарибуд̇д̇амог̇г̇аллаанад̇т̇зрзхи сад̣̇д̇хим̣ яуг̇аг̇г̇аахам̣ г̇ан̣хаасий’д̇и лзд̣д̣уд̣̇ан̣д̣аад̣̇ийни г̇ахзд̇ваа санд̇аж̇ж̇зд̇ваа балаабияамаано важжагудияаа бад̇ид̇о’’д̇и. сад̇т̇аа ааг̇анд̇ваа ‘‘гааяа нуд̇т̇а, бхигкавз, зд̇арахи гат̇ааяа саннисиннаа’’д̇и бужчид̇ваа ‘‘имааяа наамаа’’д̇и вуд̇д̇з ‘‘на, бхигкавз, ид̣̇аанзва, буб̣б̣зби зсо г̇уут̇агуубз нимуг̇г̇оязваа’’д̇и вад̇ваа ад̇ийд̇ам̣ аахарид̇ваа –

    Mahājano kathaṃ samuṭṭhāpesi – ‘‘ajja lāludāyī sāriputtamoggallānānaṃ guṇakathāya pavattamānāya ussūyanto attano dhammakathikabhāvaṃ pakāsetvā manussehi sakkāraṃ katvā ‘dhammaṃ suṇomā’ti vutte catukkhattuṃ āsane nisīditvā kathetabbayuttakaṃ kiñci apassanto ‘tvaṃ amhākaṃ ayyehi sāriputtamoggallānattherehi saddhiṃ yugaggāhaṃ gaṇhāsī’ti leḍḍudaṇḍādīni gahetvā santajjetvā palāpiyamāno vaccakuṭiyā patito’’ti. Satthā āgantvā ‘‘kāya nuttha, bhikkhave, etarahi kathāya sannisinnā’’ti pucchitvā ‘‘imāya nāmā’’ti vutte ‘‘na, bhikkhave, idāneva, pubbepi eso gūthakūpe nimuggoyevā’’ti vatvā atītaṃ āharitvā –

    ‘‘жад̇уббад̣̇о ахам̣ самма, д̇вамби самма жад̇уббад̣̇о;

    ‘‘Catuppado ahaṃ samma, tvampi samma catuppado;

    зхи самма нивад̇д̇ассу, гим̣ ну бхийд̇о балааяаси.

    Ehi samma nivattassu, kiṃ nu bhīto palāyasi.

    ‘‘асужибууд̇иломоси, д̣̇уг̇г̇анд̇хо вааси суугара;

    ‘‘Asucipūtilomosi, duggandho vāsi sūkara;

    сажз яуж̇жхид̇угаамоси, ж̇аяам̣ самма д̣̇ад̣̇аами д̇з’’д̇и. (ж̇аа. 1.2.5-6) –

    Sace yujjhitukāmosi, jayaṃ samma dadāmi te’’ti. (jā. 1.2.5-6) –

    имам̣ ж̇аад̇агам̣ вид̇т̇аарзд̇ваа гат̇зси. д̇ад̣̇аа сийхо саарибуд̇д̇о ахоси, суугаро лаалуд̣̇ааяийд̇и. сад̇т̇аа имам̣ д̇хаммад̣̇зсанам̣ аахарид̇ваа, ‘‘бхигкавз, лаалуд̣̇ааяинаа аббамад̇д̇агова д̇хаммо уг̇г̇ахид̇о, саж̇жхааяам̣ бана нзва агааси, гин̃жи барияад̇д̇им̣ уг̇г̇ахзд̇ваа д̇ассаа асаж̇жхааяагаран̣ам̣ маламзваа’’д̇и вад̇ваа имам̣ г̇аат̇амааха –

    Imaṃ jātakaṃ vitthāretvā kathesi. Tadā sīho sāriputto ahosi, sūkaro lāludāyīti. Satthā imaṃ dhammadesanaṃ āharitvā, ‘‘bhikkhave, lāludāyinā appamattakova dhammo uggahito, sajjhāyaṃ pana neva akāsi, kiñci pariyattiṃ uggahetvā tassā asajjhāyakaraṇaṃ malamevā’’ti vatvā imaṃ gāthamāha –

    241.

    241.

    ‘‘асаж̇жхааяамалаа манд̇аа, анудтаанамалаа гхараа;

    ‘‘Asajjhāyamalā mantā, anuṭṭhānamalā gharā;

    малам̣ ван̣н̣асса госаж̇ж̇ам̣, бамаад̣̇о рагкад̇о мала’’нд̇и.

    Malaṃ vaṇṇassa kosajjaṃ, pamādo rakkhato mala’’nti.

    д̇ад̇т̇а асаж̇жхааяамалаад̇и яаагаажи барияад̇д̇и ваа сиббам̣ ваа яасмаа асаж̇жхааяанд̇асса анануяун̃ж̇анд̇асса винассад̇и ваа ниранд̇арам̣ ваа на убадтаад̇и, д̇асмаа ‘‘асаж̇жхааяамалаа манд̇аа’’д̇и вуд̇д̇ам̣. яасмаа бана гхарааваасам̣ васанд̇асса удтааяудтааяа ж̇ин̣н̣абадисан̇каран̣аад̣̇ийни агаронд̇асса гхарам̣ наама винассад̇и, д̇асмаа ‘‘анудтаанамалаа гхараа’’д̇и вуд̇д̇ам̣. яасмаа г̇ихисса ваа баб̣б̣аж̇ид̇асса ваа госаж̇ж̇авасзна сарийрабадиж̇аг̇г̇анам̣ ваа баригкаарабадиж̇аг̇г̇анам̣ ваа агаронд̇асса гааяо д̣̇уб̣б̣ан̣н̣о ход̇и, д̇асмаа ‘‘малам̣ ван̣н̣асса госаж̇ж̇а’’нд̇и вуд̇д̇ам̣. яасмаа г̇ааво рагканд̇асса бамаад̣̇авасзна нид̣̇д̣̇ааяанд̇асса ваа гийл̣анд̇асса ваа д̇аа г̇ааво ад̇ид̇т̇абагканд̣̇анаад̣̇инаа ваа ваал̣амиг̇ажораад̣̇иубад̣̇д̣̇авзна ваа барзсам̣ сааликзд̇д̇аад̣̇ийни од̇арид̇ваа каад̣̇анавасзна винаасам̣ аабаж̇ж̇анд̇и, саяамби д̣̇ан̣д̣ам̣ ваа барибхаасам̣ ваа баабун̣аад̇и, баб̣б̣аж̇ид̇ам̣ ваа бана ча д̣̇ваараани арагканд̇ам̣ бамаад̣̇авасзна гилзсаа од̇арид̇ваа саасанаа жаавзнд̇и, д̇асмаа ‘‘бамаад̣̇о рагкад̇о мала’’нд̇и вуд̇д̇ам̣. со хисса винаасааваханзна маладтаанияад̇д̇аа маланд̇и ад̇т̇о.

    Tattha asajjhāyamalāti yākāci pariyatti vā sippaṃ vā yasmā asajjhāyantassa ananuyuñjantassa vinassati vā nirantaraṃ vā na upaṭṭhāti, tasmā ‘‘asajjhāyamalā mantā’’ti vuttaṃ. Yasmā pana gharāvāsaṃ vasantassa uṭṭhāyuṭṭhāya jiṇṇapaṭisaṅkharaṇādīni akarontassa gharaṃ nāma vinassati, tasmā ‘‘anuṭṭhānamalā gharā’’ti vuttaṃ. Yasmā gihissa vā pabbajitassa vā kosajjavasena sarīrapaṭijagganaṃ vā parikkhārapaṭijagganaṃ vā akarontassa kāyo dubbaṇṇo hoti, tasmā ‘‘malaṃ vaṇṇassa kosajja’’nti vuttaṃ. Yasmā gāvo rakkhantassa pamādavasena niddāyantassa vā kīḷantassa vā tā gāvo atitthapakkhandanādinā vā vāḷamigacorādiupaddavena vā paresaṃ sālikhettādīni otaritvā khādanavasena vināsaṃ āpajjanti, sayampi daṇḍaṃ vā paribhāsaṃ vā pāpuṇāti, pabbajitaṃ vā pana cha dvārāni arakkhantaṃ pamādavasena kilesā otaritvā sāsanā cāventi, tasmā ‘‘pamādo rakkhato mala’’nti vuttaṃ. So hissa vināsāvahanena malaṭṭhāniyattā malanti attho.

    д̣̇зсанаавасаанз б̣ахуу сод̇аабад̇д̇ипалаад̣̇ийни баабун̣им̣сууд̇и.

    Desanāvasāne bahū sotāpattiphalādīni pāpuṇiṃsūti.

    лаалуд̣̇ааяид̇т̇зравад̇т̇у жад̇уд̇т̇ам̣.

    Lāludāyittheravatthu catutthaṃ.

    5. ан̃н̃ад̇арагулабуд̇д̇авад̇т̇у

    5. Aññatarakulaputtavatthu

    малид̇т̇ияаа д̣̇ужжарид̇анд̇и имам̣ д̇хаммад̣̇зсанам̣ сад̇т̇аа взл̣уванз вихаранд̇о ан̃н̃ад̇арам̣ гулабуд̇д̇ам̣ аараб̣бха гат̇зси.

    Malitthiyā duccaritanti imaṃ dhammadesanaṃ satthā veḷuvane viharanto aññataraṃ kulaputtaṃ ārabbha kathesi.

    д̇асса гира самаанаж̇аад̇игам̣ гулагумааригам̣ аанзсум̣. саа аанийд̇ад̣̇ивасад̇о бадтааяа ад̇ижаариний ахоси. со гулабуд̇д̇о д̇ассаа ад̇ижаарзна лаж̇ж̇ид̇о гассажи саммукийбхаавам̣ убаг̇анд̇ум̣ асаггонд̇о б̣уд̣̇д̇хубадтаанаад̣̇ийни бажчинд̣̇ид̇ваа гад̇ибаахажжаязна сад̇т̇аарам̣ убасан̇гамид̇ваа ванд̣̇ид̇ваа згаманд̇ам̣ нисинно ‘‘гим̣, убаасага, на д̣̇иссасий’’д̇и вуд̇д̇з д̇амад̇т̇ам̣ аарожзси. ат̇а нам̣ сад̇т̇аа, ‘‘убаасага, буб̣б̣зби маяаа ‘ид̇т̇ияо наама над̣̇ийаад̣̇исад̣̇исаа, д̇аасу бан̣д̣ид̇зна год̇хо на гаад̇аб̣б̣о’д̇и вуд̇д̇ам̣, д̇вам̣ бана бхавабадижчаннад̇д̇аа на саллагкзсий’’д̇и вад̇ваа д̇зна яаажид̇о –

    Tassa kira samānajātikaṃ kulakumārikaṃ ānesuṃ. Sā ānītadivasato paṭṭhāya aticārinī ahosi. So kulaputto tassā aticārena lajjito kassaci sammukhībhāvaṃ upagantuṃ asakkonto buddhupaṭṭhānādīni pacchinditvā katipāhaccayena satthāraṃ upasaṅkamitvā vanditvā ekamantaṃ nisinno ‘‘kiṃ, upāsaka, na dissasī’’ti vutte tamatthaṃ ārocesi. Atha naṃ satthā, ‘‘upāsaka, pubbepi mayā ‘itthiyo nāma nadīādisadisā, tāsu paṇḍitena kodho na kātabbo’ti vuttaṃ, tvaṃ pana bhavapaṭicchannattā na sallakkhesī’’ti vatvā tena yācito –

    ‘‘яат̇аа над̣̇ий жа бант̇о жа, баанааг̇аарам̣ сабхаа бабаа;

    ‘‘Yathā nadī ca pantho ca, pānāgāraṃ sabhā papā;

    звам̣ логид̇т̇ияо наама, взлаа д̇аасам̣ на виж̇ж̇ад̇ий’’д̇и. (ж̇аа. 1.1.65; 1.12.9) –

    Evaṃ lokitthiyo nāma, velā tāsaṃ na vijjatī’’ti. (jā. 1.1.65; 1.12.9) –

    ж̇аад̇агам̣ вид̇т̇аарзд̇ваа, ‘‘убаасага, ид̇т̇ияаа хи ад̇ижааринибхааво малам̣, д̣̇аанам̣ д̣̇знд̇асса мажчзрам̣ малам̣, ид̇халогабаралогзсу сад̇д̇аанам̣ агусалагаммам̣ винаасанад̇т̇зна малам̣, авиж̇ж̇аа бана саб̣б̣амалаанам̣ уд̇д̇амамала’’нд̇и вад̇ваа имаа г̇аат̇аа абхааси –

    Jātakaṃ vitthāretvā, ‘‘upāsaka, itthiyā hi aticārinibhāvo malaṃ, dānaṃ dentassa maccheraṃ malaṃ, idhalokaparalokesu sattānaṃ akusalakammaṃ vināsanatthena malaṃ, avijjā pana sabbamalānaṃ uttamamala’’nti vatvā imā gāthā abhāsi –

    242.

    242.

    ‘‘малид̇т̇ияаа д̣̇ужжарид̇ам̣, мажчзрам̣ д̣̇ад̣̇ад̇о малам̣;

    ‘‘Malitthiyā duccaritaṃ, maccheraṃ dadato malaṃ;

    малаа вз баабагаа д̇хаммаа, асмим̣ логз барамхи жа.

    Malā ve pāpakā dhammā, asmiṃ loke paramhi ca.

    243.

    243.

    ‘‘д̇ад̇о малаа малад̇арам̣, авиж̇ж̇аа барамам̣ малам̣;

    ‘‘Tato malā malataraṃ, avijjā paramaṃ malaṃ;

    зд̇ам̣ малам̣ баханд̇ваана, ниммалаа хот̇а бхигкаво’’д̇и.

    Etaṃ malaṃ pahantvāna, nimmalā hotha bhikkhavo’’ti.

    д̇ад̇т̇а д̣̇ужжарид̇анд̇и ад̇ижааро. ад̇ижааринин̃хи ид̇т̇им̣ саамигоби г̇зхаа нийхарад̇и, маад̇аабид̇уунам̣ санд̇игам̣ г̇ад̇амби ‘‘д̇вам̣ гуласса аг̇ааравабхууд̇аа, агкийхиби на д̣̇адтаб̣б̣аа’’д̇и д̇ам̣ нийхаранд̇и. саа анаат̇аа вижаранд̇ий махаад̣̇угкам̣ баабун̣аад̇и. д̇знассаа д̣̇ужжарид̇ам̣ ‘‘мала’’нд̇и вуд̇д̇ам̣. д̣̇ад̣̇ад̇од̇и д̣̇ааяагасса. яасса хи кзд̇д̇агасанагаалз ‘‘имасмим̣ кзд̇д̇з самбаннз салаагабхад̇д̇аад̣̇ийни д̣̇ассаамий’’д̇и жинд̇зд̇ваа нибпаннз сассзби мажчзрам̣ уббаж̇ж̇ид̇ваа жааг̇ажид̇д̇ам̣ ниваарзд̇и, со мажчзравасзна жааг̇ажид̇д̇з авирууханд̇з мануссасамбад̇д̇им̣ д̣̇иб̣б̣асамбад̇д̇им̣ ниб̣б̣аанасамбад̇д̇инд̇и д̇иссо самбад̇д̇ияо на лабхад̇и. д̇зна вуд̇д̇ам̣ – ‘‘мажчзрам̣ д̣̇ад̣̇ад̇о мала’’нд̇и. сзсзсуби зсзва наяо. баабагаа д̇хаммаад̇и агусалад̇хаммаа бана ид̇халогз жа баралогз жа маламзва.

    Tattha duccaritanti aticāro. Aticāriniñhi itthiṃ sāmikopi gehā nīharati, mātāpitūnaṃ santikaṃ gatampi ‘‘tvaṃ kulassa agāravabhūtā, akkhīhipi na daṭṭhabbā’’ti taṃ nīharanti. Sā anāthā vicarantī mahādukkhaṃ pāpuṇāti. Tenassā duccaritaṃ ‘‘mala’’nti vuttaṃ. Dadatoti dāyakassa. Yassa hi khettakasanakāle ‘‘imasmiṃ khette sampanne salākabhattādīni dassāmī’’ti cintetvā nipphanne sassepi maccheraṃ uppajjitvā cāgacittaṃ nivāreti, so maccheravasena cāgacitte avirūhante manussasampattiṃ dibbasampattiṃ nibbānasampattinti tisso sampattiyo na labhati. Tena vuttaṃ – ‘‘maccheraṃ dadato mala’’nti. Sesesupi eseva nayo. Pāpakā dhammāti akusaladhammā pana idhaloke ca paraloke ca malameva.

    д̇ад̇од̇и хздтаа вуд̇д̇амалад̇о. малад̇аранд̇и ад̇ирзгамалам̣ во гат̇змийд̇и ад̇т̇о. авиж̇ж̇аад̇и адтавад̇т̇угам̣ ан̃н̃аан̣амзва барамам̣ малам̣. баханд̇ваанаад̇и зд̇ам̣ малам̣ ж̇ахид̇ваа, бхигкавз, д̇умхз ниммалаа хот̇аад̇и ад̇т̇о.

    Tatoti heṭṭhā vuttamalato. Malataranti atirekamalaṃ vo kathemīti attho. Avijjāti aṭṭhavatthukaṃ aññāṇameva paramaṃ malaṃ. Pahantvānāti etaṃ malaṃ jahitvā, bhikkhave, tumhe nimmalā hothāti attho.

    д̣̇зсанаавасаанз б̣ахуу сод̇аабад̇д̇ипалаад̣̇ийни баабун̣им̣сууд̇и.

    Desanāvasāne bahū sotāpattiphalādīni pāpuṇiṃsūti.

    ан̃н̃ад̇арагулабуд̇д̇авад̇т̇у бан̃жамам̣.

    Aññatarakulaputtavatthu pañcamaṃ.

    6. жуул̣асааривад̇т̇у

    6. Cūḷasārivatthu

    суж̇ийванд̇и имам̣ д̇хаммад̣̇зсанам̣ сад̇т̇аа ж̇зд̇аванз вихаранд̇о жуул̣асаарим̣ наама саарибуд̇д̇ад̇т̇зрасса сад̣̇д̇хивихааригам̣ аараб̣бха гат̇зси.

    Sujīvanti imaṃ dhammadesanaṃ satthā jetavane viharanto cūḷasāriṃ nāma sāriputtattherassa saddhivihārikaṃ ārabbha kathesi.

    со гира згад̣̇ивасз взж̇ж̇агаммам̣ гад̇ваа бан̣ийд̇абхож̇анам̣ лабхид̇ваа аад̣̇ааяа нигкаманд̇о анд̇араамаг̇г̇з т̇зрам̣ д̣̇исваа, ‘‘бханд̇з, ид̣̇ам̣ маяаа взж̇ж̇агаммам̣ гад̇ваа лад̣̇д̇хам̣, д̇умхз ан̃н̃ад̇т̇а зваруубам̣ бхож̇анам̣ на лабхиссат̇а, имам̣ бхун̃ж̇ат̇а, ахам̣ д̇з взж̇ж̇агаммам̣ гад̇ваа нижжагаалам̣ зваруубам̣ аахаарам̣ аахариссаамий’’д̇и ааха. т̇зро д̇асса важанам̣ суд̇ваа д̇ун̣хийбхууд̇ова баггаами. бхигкуу вихаарам̣ г̇анд̇ваа сад̇т̇у д̇амад̇т̇ам̣ аарожзсум̣. сад̇т̇аа, ‘‘бхигкавз, ахириго наама баг̇аб̣бхо гаагасад̣̇исо худ̇ваа згавийсад̇ивид̇хааяа анзсанааяа тад̇ваа сукам̣ ж̇ийвад̇и, хириод̇д̇аббасамбанно бана д̣̇угкам̣ ж̇ийвад̇ий’’д̇и вад̇ваа имаа г̇аат̇аа абхааси –

    So kira ekadivase vejjakammaṃ katvā paṇītabhojanaṃ labhitvā ādāya nikkhamanto antarāmagge theraṃ disvā, ‘‘bhante, idaṃ mayā vejjakammaṃ katvā laddhaṃ, tumhe aññattha evarūpaṃ bhojanaṃ na labhissatha, imaṃ bhuñjatha, ahaṃ te vejjakammaṃ katvā niccakālaṃ evarūpaṃ āhāraṃ āharissāmī’’ti āha. Thero tassa vacanaṃ sutvā tuṇhībhūtova pakkāmi. Bhikkhū vihāraṃ gantvā satthu tamatthaṃ ārocesuṃ. Satthā, ‘‘bhikkhave, ahiriko nāma pagabbho kākasadiso hutvā ekavīsatividhāya anesanāya ṭhatvā sukhaṃ jīvati, hiriottappasampanno pana dukkhaṃ jīvatī’’ti vatvā imā gāthā abhāsi –

    244.

    244.

    ‘‘суж̇ийвам̣ ахиригзна, гаагасуурзна д̇хам̣синаа;

    ‘‘Sujīvaṃ ahirikena, kākasūrena dhaṃsinā;

    багканд̣̇инаа баг̇аб̣бхзна, сам̣гилидтзна ж̇ийвид̇ам̣.

    Pakkhandinā pagabbhena, saṃkiliṭṭhena jīvitaṃ.

    245.

    245.

    ‘‘хириймад̇аа жа д̣̇уж̇ж̇ийвам̣, нижжам̣ сужиг̇авзсинаа;

    ‘‘Hirīmatā ca dujjīvaṃ, niccaṃ sucigavesinā;

    алийнзнааббаг̇аб̣бхзна, суд̣̇д̇хааж̇ийвзна бассад̇аа’’д̇и.

    Alīnenāppagabbhena, suddhājīvena passatā’’ti.

    д̇ад̇т̇а ахиригзнаад̇и чиннахирод̇д̇аббагзна. зваруубзна хи амаад̇арамзва ‘‘маад̇аа мз’’д̇и абид̇аад̣̇аяо зва жа ‘‘бид̇аа мз’’д̇иаад̣̇инаа наязна вад̇ваа згавийсад̇ивид̇хааяа анзсанааяа бад̇идтааяа сукзна ж̇ийвад̇ум̣ саггаа. гаагасуурзнаад̇и суурагаагасад̣̇исзна. яат̇аа хи суурагааго гулагхарзсу яааг̇уаад̣̇ийни г̇ан̣хид̇угаамо бхид̇д̇иаад̣̇ийсу нисийд̣̇ид̇ваа ад̇д̇ано ологанабхаавам̣ н̃ад̇ваа анологзнд̇о вияа ан̃н̃авихид̇аго вияа нид̣̇д̣̇ааяанд̇о вияа жа худ̇ваа мануссаанам̣ бамаад̣̇ам̣ саллагкзд̇ваа анубад̇ид̇ваа ‘‘суусуу’’д̇и вад̣̇анд̇зсуязва бхааж̇анад̇о мукабуурам̣ г̇ахзд̇ваа балааяад̇и, звамзвам̣ ахиригабуг̇г̇алоби бхигкуухи сад̣̇д̇хим̣ г̇аамам̣ бависид̇ваа яааг̇убхад̇д̇адтаанаад̣̇ийни вавад̇т̇абзд̇и. д̇ад̇т̇а бхигкуу бин̣д̣ааяа жарид̇ваа яаабанамад̇д̇ам̣ аад̣̇ааяа аасанасаалам̣ г̇анд̇ваа бажжавзгканд̇аа яааг̇ум̣ бивид̇ваа гаммадтаанам̣ манаси гаронд̇и саж̇жхааяанд̇и аасанасаалам̣ саммаж̇ж̇анд̇и. аяам̣ бана агад̇ваа г̇аамаабхимукова ход̇и.

    Tattha ahirikenāti chinnahirottappakena. Evarūpena hi amātarameva ‘‘mātā me’’ti apitādayo eva ca ‘‘pitā me’’tiādinā nayena vatvā ekavīsatividhāya anesanāya patiṭṭhāya sukhena jīvatuṃ sakkā. Kākasūrenāti sūrakākasadisena. Yathā hi sūrakāko kulagharesu yāguādīni gaṇhitukāmo bhittiādīsu nisīditvā attano olokanabhāvaṃ ñatvā anolokento viya aññavihitako viya niddāyanto viya ca hutvā manussānaṃ pamādaṃ sallakkhetvā anupatitvā ‘‘sūsū’’ti vadantesuyeva bhājanato mukhapūraṃ gahetvā palāyati, evamevaṃ ahirikapuggalopi bhikkhūhi saddhiṃ gāmaṃ pavisitvā yāgubhattaṭṭhānādīni vavatthapeti. Tattha bhikkhū piṇḍāya caritvā yāpanamattaṃ ādāya āsanasālaṃ gantvā paccavekkhantā yāguṃ pivitvā kammaṭṭhānaṃ manasi karonti sajjhāyanti āsanasālaṃ sammajjanti. Ayaṃ pana akatvā gāmābhimukhova hoti.

    со хи бхигкуухи ‘‘бассат̇има’’нд̇и ологияамааноби анологзнд̇о вияа ан̃н̃авихид̇о вияа нид̣̇д̣̇ааяанд̇о вияа г̇ан̣тигам̣ бадимун̃жанд̇о вияа жийварам̣ сам̣вид̣̇аханд̇о вияа худ̇ваа ‘‘асугам̣ наама мз гаммам̣ ад̇т̇ий’’д̇и вад̣̇анд̇о удтааяаасанаа г̇аамам̣ бависид̇ваа баад̇ова вавад̇т̇абид̇аг̇зхзсу ан̃н̃ад̇арам̣ г̇зхам̣ убасан̇гамид̇ваа гхарамаанусагзсу т̇огам̣ гаваадам̣ бид̇хааяа д̣̇ваарз нисийд̣̇ид̇ваа ганд̣̇анд̇зсуби згзна хад̇т̇зна гаваадам̣ бан̣аамзд̇ваа анд̇о бависад̇и. ат̇а нам̣ д̣̇исваа агаамагааби аасанз нисийд̣̇аабзд̇ваа яааг̇уаад̣̇ийсу яам̣ ад̇т̇и, д̇ам̣ д̣̇знд̇и. со яаавад̣̇ад̇т̇ам̣ бхун̃ж̇ид̇ваа авасзсам̣ бад̇д̇знаад̣̇ааяа баггамад̇и. аяам̣ гаагасууро наама. зваруубзна ахиригзна суж̇ийванд̇и ад̇т̇о.

    So hi bhikkhūhi ‘‘passathima’’nti olokiyamānopi anolokento viya aññavihito viya niddāyanto viya gaṇṭhikaṃ paṭimuñcanto viya cīvaraṃ saṃvidahanto viya hutvā ‘‘asukaṃ nāma me kammaṃ atthī’’ti vadanto uṭṭhāyāsanā gāmaṃ pavisitvā pātova vavatthapitagehesu aññataraṃ gehaṃ upasaṅkamitvā gharamānusakesu thokaṃ kavāṭaṃ pidhāya dvāre nisīditvā kandantesupi ekena hatthena kavāṭaṃ paṇāmetvā anto pavisati. Atha naṃ disvā akāmakāpi āsane nisīdāpetvā yāguādīsu yaṃ atthi, taṃ denti. So yāvadatthaṃ bhuñjitvā avasesaṃ pattenādāya pakkamati. Ayaṃ kākasūro nāma. Evarūpena ahirikena sujīvanti attho.

    д̇хам̣синаад̇и ‘‘асугад̇т̇зро наама аббижчо’’д̇иаад̣̇ийни вад̣̇анд̇зсу – ‘‘гим̣ бана маяам̣ на аббижчаа’’д̇иаад̣̇иважанзна барзсам̣ г̇ун̣ад̇хам̣санад̇ааяа д̇хам̣синаа. д̇ат̇ааруубасса важанам̣ суд̇ваа ‘‘аяамби аббижчад̇аад̣̇иг̇ун̣з яуд̇д̇о’’д̇и ман̃н̃амаанаа мануссаа д̣̇аад̇аб̣б̣ам̣ ман̃н̃анд̇и. со бана д̇ад̇о бадтааяа вин̃н̃уубурисаанам̣ жид̇д̇ам̣ аараад̇хзд̇ум̣ асаггонд̇о д̇амхааби лаабхаа барихааяад̇и. звам̣ д̇хам̣сибуг̇г̇ало ад̇д̇аноби барассаби лаабхам̣ наасзд̇иязва.

    Dhaṃsināti ‘‘asukatthero nāma appiccho’’tiādīni vadantesu – ‘‘kiṃ pana mayaṃ na appicchā’’tiādivacanena paresaṃ guṇadhaṃsanatāya dhaṃsinā. Tathārūpassa vacanaṃ sutvā ‘‘ayampi appicchatādiguṇe yutto’’ti maññamānā manussā dātabbaṃ maññanti. So pana tato paṭṭhāya viññūpurisānaṃ cittaṃ ārādhetuṃ asakkonto tamhāpi lābhā parihāyati. Evaṃ dhaṃsipuggalo attanopi parassapi lābhaṃ nāsetiyeva.

    багканд̣̇инаад̇и багканд̣̇ажааринаа. барзсам̣ гижжааниби ад̇д̇ано гижжаани вияа д̣̇ассзнд̇о баад̇ова бхигкуусу жзд̇ияан̇г̇ан̣аад̣̇ийсу вад̇д̇ам̣ гад̇ваа гаммадтаанаманасигаарзна т̇огам̣ нисийд̣̇ид̇ваа удтааяа г̇аамам̣ бависанд̇зсу мукам̣ д̇ховид̇ваа бан̣д̣угаасаавабаарубанаагкиан̃ж̇анасийсамагканаад̣̇ийхи ад̇д̇абхаавам̣ ман̣д̣зд̇ваа саммаж̇ж̇анд̇о вияа д̣̇вз д̇аяо саммаж̇ж̇анибахаарз д̣̇ад̇ваа д̣̇ваарагодтагаабхимуко ход̇и. мануссаа баад̇ова ‘‘жзд̇ияам̣ ванд̣̇иссаама, маалаабууж̇ам̣ гариссаамаа’’д̇и ааг̇ад̇аа д̇ам̣ д̣̇исваа ‘‘аяам̣ вихааро имам̣ д̣̇ахарам̣ ниссааяа бадиж̇аг̇г̇анам̣ лабхад̇и, имам̣ маа бамаж̇ж̇ид̇т̇аа’’д̇и вад̇ваа д̇асса д̣̇аад̇аб̣б̣ам̣ ман̃н̃анд̇и. зваруубзна багканд̣̇инааби суж̇ийвам̣. баг̇аб̣бхзнаад̇и гааяабааг̇аб̣бхияаад̣̇ийхи саманнааг̇ад̇зна. сам̣гилидтзна ж̇ийвид̇анд̇и звам̣ ж̇ийвигам̣ габбзд̇ваа ж̇ийванд̇зна хи буг̇г̇алзна сам̣гилидтзна худ̇ваа ж̇ийвид̇ам̣ наама ход̇и, д̇ам̣ д̣̇уж̇ж̇ийвид̇ам̣ баабамзваад̇и ад̇т̇о.

    Pakkhandināti pakkhandacārinā. Paresaṃ kiccānipi attano kiccāni viya dassento pātova bhikkhūsu cetiyaṅgaṇādīsu vattaṃ katvā kammaṭṭhānamanasikārena thokaṃ nisīditvā uṭṭhāya gāmaṃ pavisantesu mukhaṃ dhovitvā paṇḍukāsāvapārupanaakkhiañjanasīsamakkhanādīhi attabhāvaṃ maṇḍetvā sammajjanto viya dve tayo sammajjanipahāre datvā dvārakoṭṭhakābhimukho hoti. Manussā pātova ‘‘cetiyaṃ vandissāma, mālāpūjaṃ karissāmā’’ti āgatā taṃ disvā ‘‘ayaṃ vihāro imaṃ daharaṃ nissāya paṭijagganaṃ labhati, imaṃ mā pamajjitthā’’ti vatvā tassa dātabbaṃ maññanti. Evarūpena pakkhandināpi sujīvaṃ. Pagabbhenāti kāyapāgabbhiyādīhi samannāgatena. Saṃkiliṭṭhena jīvitanti evaṃ jīvikaṃ kappetvā jīvantena hi puggalena saṃkiliṭṭhena hutvā jīvitaṃ nāma hoti, taṃ dujjīvitaṃ pāpamevāti attho.

    хириймад̇аа жаад̇и хирод̇д̇аббасамбаннзна буг̇г̇алзна д̣̇уж̇ж̇ийвам̣. со хи амаад̇аад̣̇аяова ‘‘маад̇аа мз’’д̇иаад̣̇ийни авад̇ваа ад̇хаммигз бажжаяз г̇уут̇ам̣ вияа ж̇иг̇ужчанд̇о д̇хаммзна самзна бариязсанд̇о сабад̣̇аанам̣ бин̣д̣ааяа жарид̇ваа ж̇ийвигам̣ габбзнд̇о луукам̣ ж̇ийвигам̣ ж̇ийвад̇ийд̇и ад̇т̇о. сужиг̇авзсинаад̇и сужийни гааяагаммаад̣̇ийни г̇авзсанд̇зна. алийнзнаад̇и ж̇ийвид̇авуд̇д̇иманаллийнзна. суд̣̇д̇хааж̇ийвзна бассад̇аад̇и зваруубо хи буг̇г̇ало суд̣̇д̇хааж̇ийво наама ход̇и. д̇зна звам̣ суд̣̇д̇хааж̇ийвзна д̇амзва суд̣̇д̇хааж̇ийвам̣ саарад̇о бассад̇аа луукаж̇ийвид̇авасзна д̣̇уж̇ж̇ийвам̣ ход̇ийд̇и ад̇т̇о.

    Hirīmatā cāti hirottappasampannena puggalena dujjīvaṃ. So hi amātādayova ‘‘mātā me’’tiādīni avatvā adhammike paccaye gūthaṃ viya jigucchanto dhammena samena pariyesanto sapadānaṃ piṇḍāya caritvā jīvikaṃ kappento lūkhaṃ jīvikaṃ jīvatīti attho. Sucigavesināti sucīni kāyakammādīni gavesantena. Alīnenāti jīvitavuttimanallīnena. Suddhājīvena passatāti evarūpo hi puggalo suddhājīvo nāma hoti. Tena evaṃ suddhājīvena tameva suddhājīvaṃ sārato passatā lūkhajīvitavasena dujjīvaṃ hotīti attho.

    д̣̇зсанаавасаанз б̣ахуу сод̇аабад̇д̇ипалаад̣̇ийни баабун̣им̣сууд̇и.

    Desanāvasāne bahū sotāpattiphalādīni pāpuṇiṃsūti.

    жуул̣асааривад̇т̇у чадтам̣.

    Cūḷasārivatthu chaṭṭhaṃ.

    7. бан̃жаубаасагавад̇т̇у

    7. Pañcaupāsakavatthu

    яо баан̣анд̇и имам̣ д̇хаммад̣̇зсанам̣ сад̇т̇аа ж̇зд̇аванз вихаранд̇о бан̃жа убаасагз аараб̣бха гат̇зси.

    Yo pāṇanti imaṃ dhammadesanaṃ satthā jetavane viharanto pañca upāsake ārabbha kathesi.

    д̇зсу хи зго баан̣аад̇ибаад̇аавзраман̣исигкаабад̣̇амзва рагкад̇и, ид̇арз ид̇араани. д̇з згад̣̇ивасам̣ ‘‘ахам̣ д̣̇уггарам̣ гароми, д̣̇уггарам̣ рагкаамий’’д̇и виваад̣̇аабаннаа сад̇т̇у санд̇игам̣ г̇анд̇ваа ванд̣̇ид̇ваа д̇амад̇т̇ам̣ аарожзсум̣. сад̇т̇аа д̇зсам̣ гат̇ам̣ суд̇ваа згасийламби ганидтагам̣ агад̇ваа ‘‘саб̣б̣аанзва д̣̇урагкааний’’д̇и вад̇ваа имаа г̇аат̇аа абхааси –

    Tesu hi eko pāṇātipātāveramaṇisikkhāpadameva rakkhati, itare itarāni. Te ekadivasaṃ ‘‘ahaṃ dukkaraṃ karomi, dukkaraṃ rakkhāmī’’ti vivādāpannā satthu santikaṃ gantvā vanditvā tamatthaṃ ārocesuṃ. Satthā tesaṃ kathaṃ sutvā ekasīlampi kaniṭṭhakaṃ akatvā ‘‘sabbāneva durakkhānī’’ti vatvā imā gāthā abhāsi –

    246.

    246.

    ‘‘яо баан̣амад̇ибаад̇зд̇и, мусааваад̣̇ан̃жа бхаасад̇и;

    ‘‘Yo pāṇamatipāteti, musāvādañca bhāsati;

    логз ад̣̇иннамаад̣̇ияад̇и, барад̣̇ааран̃жа г̇ажчад̇и.

    Loke adinnamādiyati, paradārañca gacchati.

    247.

    247.

    ‘‘сураамзраяабаанан̃жа , яо наро ануяун̃ж̇ад̇и;

    ‘‘Surāmerayapānañca , yo naro anuyuñjati;

    ид̇хзва мзсо логасмим̣, муулам̣ кан̣ад̇и ад̇д̇ано.

    Idheva meso lokasmiṃ, mūlaṃ khaṇati attano.

    248.

    248.

    ‘‘звам̣ бхо буриса ж̇аанаахи, баабад̇хаммаа асан̃н̃ад̇аа;

    ‘‘Evaṃ bho purisa jānāhi, pāpadhammā asaññatā;

    маа д̇ам̣ лобхо ад̇хаммо жа, жирам̣ д̣̇угкааяа ранд̇хаяу’’нд̇и.

    Mā taṃ lobho adhammo ca, ciraṃ dukkhāya randhayu’’nti.

    д̇ад̇т̇а яо баан̣амад̇ибаад̇зд̇ийд̇и яо саахад̇т̇игаад̣̇ийсу часу баяог̇зсу згабаяог̇знааби барасса ж̇ийвид̇инд̣̇рияам̣ убажчинд̣̇ад̇и. мусааваад̣̇анд̇и барзсам̣ ад̇т̇абхан̃ж̇анагам̣ мусааваад̣̇ан̃жа бхаасад̇и. логз ад̣̇иннамаад̣̇ияад̇ийд̇и имасмим̣ сад̇д̇алогз т̇зяяаавахаараад̣̇ийсу згзнаби авахаарзна барабариг̇г̇ахид̇ам̣ аад̣̇ияад̇и. барад̣̇ааран̃жа г̇ажчад̇ийд̇и барасса рагкид̇аг̇обид̇зсу бхан̣д̣зсу абараж̇жханд̇о уббат̇ажаарам̣ жарад̇и. сураамзраяабаананд̇и яасса гассажи сурааяа жзва мзраяасса жа баанам̣. ануяун̃ж̇ад̇ийд̇и сзвад̇и б̣ахулийгарод̇и. муулам̣ кан̣ад̇ийд̇и д̇идтад̇у баралого, со бана буг̇г̇ало ид̇ха логасмим̣язва язна кзд̇д̇авад̇т̇уаад̣̇инаа муулзна бад̇идтабзяяа, д̇амби адтабзд̇ваа ваа виссаж̇ж̇зд̇ваа ваа сурам̣ биванд̇о ад̇д̇ано муулам̣ кан̣ад̇и, анаат̇о габан̣о худ̇ваа вижарад̇и. звам̣, бход̇и бан̃жад̣̇уссийляагаммагаарагам̣ буг̇г̇алам̣ аалабад̇и. баабад̇хаммаад̇и лаамагад̇хаммаа. асан̃н̃ад̇аад̇и гааяасан̃н̃ад̇аад̣̇ирахид̇аа. ажзд̇асаад̇иби баато, ажид̇д̇агаад̇и ад̇т̇о. лобхо ад̇хаммо жаад̇и лобхо жзва д̣̇осо жа. убхаяамби хзд̇ам̣ агусаламзва. жирам̣ д̣̇угкааяа ранд̇хаяунд̇и жирагаалам̣ нираяад̣̇угкаад̣̇ийнам̣ ад̇т̇ааяа д̇ам̣ зд̇з д̇хаммаа маа ранд̇хзнд̇у маа мад̇т̇знд̇ууд̇и ад̇т̇о.

    Tattha yo pāṇamatipātetīti yo sāhatthikādīsu chasu payogesu ekapayogenāpi parassa jīvitindriyaṃ upacchindati. Musāvādanti paresaṃ atthabhañjanakaṃ musāvādañca bhāsati. Loke adinnamādiyatīti imasmiṃ sattaloke theyyāvahārādīsu ekenapi avahārena parapariggahitaṃ ādiyati. Paradārañca gacchatīti parassa rakkhitagopitesu bhaṇḍesu aparajjhanto uppathacāraṃ carati. Surāmerayapānanti yassa kassaci surāya ceva merayassa ca pānaṃ. Anuyuñjatīti sevati bahulīkaroti. Mūlaṃ khaṇatīti tiṭṭhatu paraloko, so pana puggalo idha lokasmiṃyeva yena khettavatthuādinā mūlena patiṭṭhapeyya, tampi aṭṭhapetvā vā vissajjetvā vā suraṃ pivanto attano mūlaṃ khaṇati, anātho kapaṇo hutvā vicarati. Evaṃ, bhoti pañcadussīlyakammakārakaṃ puggalaṃ ālapati. Pāpadhammāti lāmakadhammā. Asaññatāti kāyasaññatādirahitā. Acetasātipi pāṭho, acittakāti attho. Lobho adhammo cāti lobho ceva doso ca. Ubhayampi hetaṃ akusalameva. Ciraṃ dukkhāya randhayunti cirakālaṃ nirayadukkhādīnaṃ atthāya taṃ ete dhammā mā randhentu mā matthentūti attho.

    д̣̇зсанаавасаанз д̇з бан̃жа убаасагаа сод̇аабад̇д̇ипалз бад̇идтахим̣су, самбад̇д̇аанамби саад̇т̇игаа д̇хаммад̣̇зсанаа ахосийд̇и.

    Desanāvasāne te pañca upāsakā sotāpattiphale patiṭṭhahiṃsu, sampattānampi sātthikā dhammadesanā ahosīti.

    бан̃жаубаасагавад̇т̇у сад̇д̇амам̣.

    Pañcaupāsakavatthu sattamaṃ.

    8. д̇иссад̣̇ахаравад̇т̇у

    8. Tissadaharavatthu

    д̣̇ад̣̇аад̇и взд̇и имам̣ д̇хаммад̣̇зсанам̣ сад̇т̇аа ж̇зд̇аванз вихаранд̇о д̇иссад̣̇ахарам̣ наама аараб̣бха гат̇зси.

    Dadātiveti imaṃ dhammadesanaṃ satthā jetavane viharanto tissadaharaṃ nāma ārabbha kathesi.

    со гира анаат̇абин̣д̣игасса г̇ахабад̇ино висаакааяа убаасигааяаад̇и бан̃жаннам̣ арияасаавагагодийнам̣ д̣̇аанам̣ нинд̣̇анд̇о вижари, асад̣̇исад̣̇аанамби нинд̣̇иязва. д̇зсам̣ д̇зсам̣ д̣̇аанаг̇г̇з сийд̇алам̣ лабхид̇ваа ‘‘сийд̇ала’’нд̇и нинд̣̇и, ун̣хам̣ лабхид̇ваа ‘‘ун̣ха’’нд̇и нинд̣̇и. аббам̣ д̣̇знд̇зби ‘‘гим̣ имз аббамад̇д̇агам̣ д̣̇знд̇ий’’д̇и нинд̣̇и, б̣ахум̣ д̣̇знд̇зби ‘‘имзсам̣ г̇зхз табанадтаанам̣ ман̃н̃з над̇т̇и, нану наама бхигкуунам̣ яаабанамад̇д̇ам̣ д̣̇аад̇аб̣б̣ам̣, зд̇д̇агам̣ яааг̇убхад̇д̇ам̣ нирад̇т̇агамзва виссаж̇ж̇ад̇ий’’д̇и нинд̣̇и. ад̇д̇ано бана н̃аад̇агз аараб̣бха ‘‘ахо амхаагам̣ н̃аад̇агаанам̣ г̇зхам̣ жад̇уухи д̣̇исаахи ааг̇ад̇ааг̇ад̇аанам̣ бхигкуунам̣ обаанабхууд̇а’’нд̇иаад̣̇ийни вад̇ваа басам̣сам̣ бавад̇д̇зси. со банзгасса д̣̇овааригасса буд̇д̇о ж̇анабад̣̇ам̣ вижаранд̇зхи вад̣дхагийхи сад̣̇д̇хим̣ вижаранд̇о саавад̇т̇им̣ бад̇ваа баб̣б̣аж̇ид̇о. ат̇а нам̣ бхигкуу звам̣ мануссаанам̣ д̣̇аанаад̣̇ийни нинд̣̇анд̇ам̣ д̣̇исваа ‘‘бариг̇г̇ан̣хиссаама на’’нд̇и жинд̇зд̇ваа, ‘‘аавусо, д̇ава н̃аад̇агаа гахам̣ васанд̇ий’’д̇и бужчид̇ваа ‘‘асугаг̇аамз наамаа’’д̇и суд̇ваава гад̇ибаяз д̣̇ахарз бзсзсум̣. д̇з д̇ад̇т̇а г̇анд̇ваа г̇аамаваасигзхи аасанасаалааяа нисийд̣̇аабзд̇ваа гад̇асаггаараа бужчим̣су – ‘‘имамхаа г̇аамаа нигкамид̇ваа баб̣б̣аж̇ид̇о д̇иссо наама д̣̇ахаро ад̇т̇и. д̇асса гад̇амз н̃аад̇агаа’’д̇и? мануссаа ‘‘ид̇ха гулаг̇зхад̇о нигкамид̇ваа баб̣б̣аж̇ид̇ад̣̇аараго над̇т̇и, гим̣ ну ко имз вад̣̇анд̇ий’’д̇и жинд̇зд̇ваа, ‘‘бханд̇з, зго д̣̇овааригабуд̇д̇о вад̣дхагийхи сад̣̇д̇хим̣ вижарид̇ваа баб̣б̣аж̇ид̇од̇и сун̣ома, д̇ам̣ санд̇хааяа вад̣̇зт̇а ман̃н̃з’’д̇и аахам̣су. д̣̇ахарабхигкуу д̇иссасса д̇ад̇т̇а иссаран̃аад̇агаанам̣ абхаавам̣ н̃ад̇ваа саавад̇т̇им̣ г̇анд̇ваа ‘‘агааран̣амзва, бханд̇з, д̇иссо вилабанд̇о вижарад̇ий’’д̇и д̇ам̣ бавад̇д̇им̣ бхигкуунам̣ аарожзсум̣. бхигкууби д̇ам̣ д̇ат̇ааг̇ад̇асса аарожзсум̣.

    So kira anāthapiṇḍikassa gahapatino visākhāya upāsikāyāti pañcannaṃ ariyasāvakakoṭīnaṃ dānaṃ nindanto vicari, asadisadānampi nindiyeva. Tesaṃ tesaṃ dānagge sītalaṃ labhitvā ‘‘sītala’’nti nindi, uṇhaṃ labhitvā ‘‘uṇha’’nti nindi. Appaṃ dentepi ‘‘kiṃ ime appamattakaṃ dentī’’ti nindi, bahuṃ dentepi ‘‘imesaṃ gehe ṭhapanaṭṭhānaṃ maññe natthi, nanu nāma bhikkhūnaṃ yāpanamattaṃ dātabbaṃ, ettakaṃ yāgubhattaṃ niratthakameva vissajjatī’’ti nindi. Attano pana ñātake ārabbha ‘‘aho amhākaṃ ñātakānaṃ gehaṃ catūhi disāhi āgatāgatānaṃ bhikkhūnaṃ opānabhūta’’ntiādīni vatvā pasaṃsaṃ pavattesi. So panekassa dovārikassa putto janapadaṃ vicarantehi vaḍḍhakīhi saddhiṃ vicaranto sāvatthiṃ patvā pabbajito. Atha naṃ bhikkhū evaṃ manussānaṃ dānādīni nindantaṃ disvā ‘‘pariggaṇhissāma na’’nti cintetvā, ‘‘āvuso, tava ñātakā kahaṃ vasantī’’ti pucchitvā ‘‘asukagāme nāmā’’ti sutvāva katipaye dahare pesesuṃ. Te tattha gantvā gāmavāsikehi āsanasālāya nisīdāpetvā katasakkārā pucchiṃsu – ‘‘imamhā gāmā nikkhamitvā pabbajito tisso nāma daharo atthi. Tassa katame ñātakā’’ti? Manussā ‘‘idha kulagehato nikkhamitvā pabbajitadārako natthi, kiṃ nu kho ime vadantī’’ti cintetvā, ‘‘bhante, eko dovārikaputto vaḍḍhakīhi saddhiṃ vicaritvā pabbajitoti suṇoma, taṃ sandhāya vadetha maññe’’ti āhaṃsu. Daharabhikkhū tissassa tattha issarañātakānaṃ abhāvaṃ ñatvā sāvatthiṃ gantvā ‘‘akāraṇameva, bhante, tisso vilapanto vicaratī’’ti taṃ pavattiṃ bhikkhūnaṃ ārocesuṃ. Bhikkhūpi taṃ tathāgatassa ārocesuṃ.

    сад̇т̇аа ‘‘на, бхигкавз, ид̣̇аанзва вигад̇т̇знд̇о вижарад̇и, буб̣б̣зби вигад̇т̇агова ахосий’’д̇и вад̇ваа бхигкуухи яаажид̇о ад̇ийд̇ам̣ аахарид̇ваа –

    Satthā ‘‘na, bhikkhave, idāneva vikatthento vicarati, pubbepi vikatthakova ahosī’’ti vatvā bhikkhūhi yācito atītaṃ āharitvā –

    ‘‘б̣ахумби со вигад̇т̇зяяа, ан̃н̃ам̣ ж̇анабад̣̇ам̣ г̇ад̇о;

    ‘‘Bahumpi so vikattheyya, aññaṃ janapadaṃ gato;

    анвааг̇анд̇ваана д̣̇уусзяяа, бхун̃ж̇а бхог̇з гадаахагаа’’д̇и. (ж̇аа. 1.1.125) –

    Anvāgantvāna dūseyya, bhuñja bhoge kaṭāhakā’’ti. (jā. 1.1.125) –

    имам̣ гадаахаж̇аад̇агам̣ вид̇т̇аарзд̇ваа, ‘‘бхигкавз, яо хи буг̇г̇ало барзхи аббагз ваа б̣ахугз ваа луукз ваа бан̣ийд̇з ваа д̣̇иннз ан̃н̃зсам̣ ваа д̣̇ад̇ваа ад̇д̇ано ад̣̇иннз ман̇гу ход̇и, д̇асса жхаанам̣ ваа вибассанам̣ ваа маг̇г̇апалаад̣̇ийни ваа на уббаж̇ж̇анд̇ий’’д̇и вад̇ваа д̇хаммам̣ д̣̇зсзнд̇о имаа г̇аат̇аа абхааси –

    Imaṃ kaṭāhajātakaṃ vitthāretvā, ‘‘bhikkhave, yo hi puggalo parehi appake vā bahuke vā lūkhe vā paṇīte vā dinne aññesaṃ vā datvā attano adinne maṅku hoti, tassa jhānaṃ vā vipassanaṃ vā maggaphalādīni vā na uppajjantī’’ti vatvā dhammaṃ desento imā gāthā abhāsi –

    249.

    249.

    ‘‘д̣̇ад̣̇аад̇и вз яат̇аасад̣̇д̇хам̣, яат̇аабасаад̣̇анам̣ ж̇ано;

    ‘‘Dadāti ve yathāsaddhaṃ, yathāpasādanaṃ jano;

    д̇ад̇т̇а яо жа ман̇гу ход̇и, барзсам̣ баанабхож̇анз;

    Tattha yo ca maṅku hoti, paresaṃ pānabhojane;

    на со д̣̇иваа ваа рад̇д̇им̣ ваа, самаад̇химад̇хиг̇ажчад̇и.

    Na so divā vā rattiṃ vā, samādhimadhigacchati.

    250.

    250.

    ‘‘яасса жзд̇ам̣ самужчиннам̣, муулагхажжам̣ самуухад̇ам̣;

    ‘‘Yassa cetaṃ samucchinnaṃ, mūlaghaccaṃ samūhataṃ;

    са вз д̣̇иваа ваа рад̇д̇им̣ ваа, самаад̇химад̇хиг̇ажчад̇ий’’д̇и.

    Sa ve divā vā rattiṃ vā, samādhimadhigacchatī’’ti.

    д̇ад̇т̇а д̣̇ад̣̇аад̇и вз яат̇аасад̣̇д̇ханд̇и луукабан̣ийд̇аад̣̇ийсу яам̣гин̃жи д̣̇знд̇о ж̇ано яат̇аасад̣̇д̇хам̣ ад̇д̇ано сад̣̇д̇хаануруубамзва д̣̇зд̇и. яат̇аабасаад̣̇ананд̇и т̇зранаваад̣̇ийсу жасса яасмим̣ яасмим̣ басаад̣̇о уббаж̇ж̇ад̇и, д̇асса д̣̇знд̇о яат̇аабасаад̣̇анам̣ ад̇д̇ано басаад̣̇аануруубамзва д̣̇зд̇и. д̇ад̇т̇аад̇и д̇асмим̣ барасса д̣̇аанз ‘‘маяаа аббам̣ ваа лад̣̇д̇хам̣, луукам̣ ваа лад̣̇д̇ха’’нд̇и ман̇губхаавам̣ аабаж̇ж̇ад̇и. самаад̇хинд̇и со буг̇г̇ало д̣̇иваа ваа рад̇д̇им̣ ваа убажаараббанаавасзна ваа маг̇г̇апалавасзна ваа самаад̇хим̣ наад̇хиг̇ажчад̇и. яасса жзд̇анд̇и яасса буг̇г̇аласса зд̇ам̣ згзсу таанзсу ман̇губхаавасан̇каад̇ам̣ агусалам̣ самужчиннам̣ муулагхажжам̣ гад̇ваа арахад̇д̇амаг̇г̇ан̃аан̣зна самуухад̇ам̣, со вуд̇д̇аббагаарам̣ самаад̇хим̣ ад̇хиг̇ажчад̇ийд̇и ад̇т̇о.

    Tattha dadāti ve yathāsaddhanti lūkhapaṇītādīsu yaṃkiñci dento jano yathāsaddhaṃ attano saddhānurūpameva deti. Yathāpasādananti theranavādīsu cassa yasmiṃ yasmiṃ pasādo uppajjati, tassa dento yathāpasādanaṃ attano pasādānurūpameva deti. Tatthāti tasmiṃ parassa dāne ‘‘mayā appaṃ vā laddhaṃ, lūkhaṃ vā laddha’’nti maṅkubhāvaṃ āpajjati. Samādhinti so puggalo divā vā rattiṃ vā upacārappanāvasena vā maggaphalavasena vā samādhiṃ nādhigacchati. Yassa cetanti yassa puggalassa etaṃ ekesu ṭhānesu maṅkubhāvasaṅkhātaṃ akusalaṃ samucchinnaṃ mūlaghaccaṃ katvā arahattamaggañāṇena samūhataṃ, so vuttappakāraṃ samādhiṃ adhigacchatīti attho.

    д̣̇зсанаавасаанз б̣ахуу сод̇аабад̇д̇ипалаад̣̇ийни баабун̣им̣сууд̇и.

    Desanāvasāne bahū sotāpattiphalādīni pāpuṇiṃsūti.

    д̇иссад̣̇ахаравад̇т̇у адтамам̣.

    Tissadaharavatthu aṭṭhamaṃ.

    9. бан̃жаубаасагавад̇т̇у

    9. Pañcaupāsakavatthu

    над̇т̇и рааг̇асамо аг̇г̇ийд̇и имам̣ д̇хаммад̣̇зсанам̣ сад̇т̇аа ж̇зд̇аванз вихаранд̇о бан̃жа убаасагз аараб̣бха гат̇зси.

    Natthirāgasamo aggīti imaṃ dhammadesanaṃ satthā jetavane viharanto pañca upāsake ārabbha kathesi.

    д̇з гира д̇хаммам̣ сод̇угаамаа вихаарам̣ г̇анд̇ваа сад̇т̇аарам̣ ванд̣̇ид̇ваа згаманд̇ам̣ нисийд̣̇им̣су. б̣уд̣̇д̇хаанан̃жа ‘‘аяам̣ кад̇д̇ияо, аяам̣ б̣раахман̣о, аяам̣ ад̣дхо, аяам̣ д̣̇уг̇г̇ад̇о, имасса ул̣аарам̣ гад̇ваа д̇хаммам̣ д̣̇зсзссаами, имасса но’’д̇и жид̇д̇ам̣ на уббаж̇ж̇ад̇и. яам̣гин̃жи аараб̣бха д̇хаммам̣ д̣̇зсзнд̇о д̇хаммаг̇ааравам̣ бурагкад̇ваа аагаасаг̇ан̇г̇ам̣ од̇аарзнд̇о вияа д̣̇зсзд̇и. звам̣ д̣̇зсзнд̇асса бана д̇ат̇ааг̇ад̇асса санд̇игз нисиннаанам̣ д̇зсам̣ зго нисиннагова нид̣̇д̣̇ааяи, зго ан̇г̇улияаа бхуумим̣ ликанд̇о нисийд̣̇и, зго згам̣ ругкам̣ жаалзнд̇о нисийд̣̇и, зго аагаасам̣ уллогзнд̇о нисийд̣̇и, зго бана саггажжам̣ д̇хаммам̣ ассоси.

    Te kira dhammaṃ sotukāmā vihāraṃ gantvā satthāraṃ vanditvā ekamantaṃ nisīdiṃsu. Buddhānañca ‘‘ayaṃ khattiyo, ayaṃ brāhmaṇo, ayaṃ aḍḍho, ayaṃ duggato, imassa uḷāraṃ katvā dhammaṃ desessāmi, imassa no’’ti cittaṃ na uppajjati. Yaṃkiñci ārabbha dhammaṃ desento dhammagāravaṃ purakkhatvā ākāsagaṅgaṃ otārento viya deseti. Evaṃ desentassa pana tathāgatassa santike nisinnānaṃ tesaṃ eko nisinnakova niddāyi, eko aṅguliyā bhūmiṃ likhanto nisīdi, eko ekaṃ rukkhaṃ cālento nisīdi, eko ākāsaṃ ullokento nisīdi, eko pana sakkaccaṃ dhammaṃ assosi.

    аананд̣̇ад̇т̇зро сад̇т̇аарам̣ б̣ийж̇аяамаано д̇зсам̣ аагаарам̣ ологзнд̇о сад̇т̇аарам̣ ааха – ‘‘бханд̇з, д̇умхз имзсам̣ махаамзгхаг̇аж̇ж̇ид̇ам̣ г̇аж̇ж̇анд̇аа вияа д̇хаммам̣ д̣̇зсзт̇а, зд̇з бана д̇умхзсуби д̇хаммам̣ гат̇знд̇зсу ид̣̇ан̃жид̣̇ан̃жа гаронд̇аа нисиннаа’’д̇и. ‘‘аананд̣̇а, д̇вам̣ зд̇з на ж̇аанаасий’’д̇и? ‘‘аама, на ж̇аанаами, бханд̇з’’д̇и. зд̇зсу хи яо зса нид̣̇д̣̇ааяанд̇о нисинно, зса бан̃жа ж̇аад̇исад̇аани саббаяонияам̣ ниб̣б̣ад̇д̇ид̇ваа бхог̇зсу сийсам̣ табзд̇ваа нид̣̇д̣̇ааяи, ид̣̇аанибисса нид̣̇д̣̇ааяа д̇ид̇д̇и над̇т̇и, наасса ган̣н̣ам̣ мама сад̣̇д̣̇о бависад̇ийд̇и. гим̣ бана, бханд̇з, бадибаадияаа гат̇зт̇а, уд̣̇ааху анд̇аранд̇араад̇и. аананд̣̇а, зд̇асса хи гаалзна мануссад̇д̇ам̣, гаалзна д̣̇звад̇д̇ам̣, гаалзна нааг̇ад̇д̇анд̇и звам̣ анд̇аранд̇араа уббаж̇ж̇анд̇асса убабад̇д̇ияо саб̣б̣ан̃н̃уд̇ан̃н̃аан̣знааби на саггаа барижчинд̣̇ид̇ум̣. бадибаадияаа банзса бан̃жа ж̇аад̇исад̇аани нааг̇аяонияам̣ ниб̣б̣ад̇д̇ид̇ваа нид̣̇д̣̇ааяанд̇оби нид̣̇д̣̇ааяа ад̇ид̇д̇оязва. ан̇г̇улияаа бхуумим̣ ликанд̇о нисиннабурисоби бан̃жа ж̇аад̇исад̇аани г̇ан̣д̣уббаад̣̇аяонияам̣ ниб̣б̣ад̇д̇ид̇ваа бхуумим̣ кан̣и, ид̣̇ааниби бхуумим̣ кан̣анд̇ова мама сад̣̇д̣̇ам̣ на сун̣аад̇и. зса ругкам̣ жаалзнд̇о нисиннабурисоби бадибаадияаа бан̃жа ж̇аад̇исад̇аани маггадаяонияам̣ ниб̣б̣ад̇д̇и, ид̣̇ааниби буб̣б̣аажин̣н̣авасзна ругкам̣ жаалзд̇иязва, наасса ган̣н̣ам̣ мама сад̣̇д̣̇о бависад̇и. зса аагаасам̣ уллогзд̇ваа нисиннабурисоби бан̃жа ж̇аад̇исад̇аани нагкад̇д̇абаатаго худ̇ваа ниб̣б̣ад̇д̇и, ид̣̇аани буб̣б̣аажин̣н̣авасзна аж̇ж̇ааби аагаасамзва уллогзд̇и, наасса ган̣н̣ам̣ мама сад̣̇д̣̇о бависад̇и. зса саггажжам̣ д̇хаммам̣ сун̣анд̇о нисиннабурисо бана бадибаадияаа бан̃жа ж̇аад̇исад̇аани д̇ин̣н̣ам̣ взд̣̇аанам̣ баараг̇уу манд̇аж̇жхааяагаб̣раахман̣о худ̇ваа ниб̣б̣ад̇д̇и, ид̣̇ааниби манд̇ам̣ сам̣санд̣̇анд̇о вияа саггажжам̣ сун̣аад̇ийд̇и.

    Ānandatthero satthāraṃ bījayamāno tesaṃ ākāraṃ olokento satthāraṃ āha – ‘‘bhante, tumhe imesaṃ mahāmeghagajjitaṃ gajjantā viya dhammaṃ desetha, ete pana tumhesupi dhammaṃ kathentesu idañcidañca karontā nisinnā’’ti. ‘‘Ānanda, tvaṃ ete na jānāsī’’ti? ‘‘Āma, na jānāmi, bhante’’ti. Etesu hi yo esa niddāyanto nisinno, esa pañca jātisatāni sappayoniyaṃ nibbattitvā bhogesu sīsaṃ ṭhapetvā niddāyi, idānipissa niddāya titti natthi, nāssa kaṇṇaṃ mama saddo pavisatīti. Kiṃ pana, bhante, paṭipāṭiyā kathetha, udāhu antarantarāti. Ānanda, etassa hi kālena manussattaṃ, kālena devattaṃ, kālena nāgattanti evaṃ antarantarā uppajjantassa upapattiyo sabbaññutaññāṇenāpi na sakkā paricchindituṃ. Paṭipāṭiyā panesa pañca jātisatāni nāgayoniyaṃ nibbattitvā niddāyantopi niddāya atittoyeva. Aṅguliyā bhūmiṃ likhanto nisinnapurisopi pañca jātisatāni gaṇḍuppādayoniyaṃ nibbattitvā bhūmiṃ khaṇi, idānipi bhūmiṃ khaṇantova mama saddaṃ na suṇāti. Esa rukkhaṃ cālento nisinnapurisopi paṭipāṭiyā pañca jātisatāni makkaṭayoniyaṃ nibbatti, idānipi pubbāciṇṇavasena rukkhaṃ cāletiyeva, nāssa kaṇṇaṃ mama saddo pavisati. Esa ākāsaṃ ulloketvā nisinnapurisopi pañca jātisatāni nakkhattapāṭhako hutvā nibbatti, idāni pubbāciṇṇavasena ajjāpi ākāsameva ulloketi, nāssa kaṇṇaṃ mama saddo pavisati. Esa sakkaccaṃ dhammaṃ suṇanto nisinnapuriso pana paṭipāṭiyā pañca jātisatāni tiṇṇaṃ vedānaṃ pāragū mantajjhāyakabrāhmaṇo hutvā nibbatti, idānipi mantaṃ saṃsandanto viya sakkaccaṃ suṇātīti.

    ‘‘бханд̇з, д̇умхаагам̣ д̇хаммад̣̇зсанаа чавиаад̣̇ийни чинд̣̇ид̇ваа адтимин̃ж̇ам̣ аахажжа д̇идтад̇и, гасмаа имз д̇умхзсуби д̇хаммам̣ д̣̇зсзнд̇зсу саггажжам̣ на сун̣анд̇ий’’д̇и? ‘‘аананд̣̇а, мама д̇хаммо суссаванийяод̇и сан̃н̃ам̣ гароси ман̃н̃з’’д̇и. ‘‘гим̣ бана, бханд̇з, д̣̇уссаванийяо’’д̇и? ‘‘аама, аананд̣̇аа’’д̇и. ‘‘гасмаа, бханд̇з’’д̇и ? ‘‘аананд̣̇а, б̣уд̣̇д̇ход̇и ваа д̇хаммод̇и ваа сан̇гход̇и ваа бад̣̇ам̣ имзхи сад̇д̇зхи анзгзсуби габбагодисад̇асахассзсу асуд̇абуб̣б̣ам̣. яасмаа имам̣ д̇хаммам̣ сод̇ум̣ на саггонд̇аа анамад̇аг̇г̇з сам̣саарз имз сад̇д̇аа анзгавихид̇ам̣ д̇иражчаанагат̇ам̣язва сун̣анд̇аа ааг̇ад̇аа, д̇асмаа сураабаанагзл̣иман̣д̣алаад̣̇ийсу г̇ааяанд̇аа нажжанд̇аа вижаранд̇и, д̇хаммам̣ сод̇ум̣ на саггонд̇ий’’д̇и. ‘‘гим̣ ниссааяа банзд̇з на саггонд̇и, бханд̇з’’д̇и?

    ‘‘Bhante, tumhākaṃ dhammadesanā chaviādīni chinditvā aṭṭhimiñjaṃ āhacca tiṭṭhati, kasmā ime tumhesupi dhammaṃ desentesu sakkaccaṃ na suṇantī’’ti? ‘‘Ānanda, mama dhammo sussavanīyoti saññaṃ karosi maññe’’ti. ‘‘Kiṃ pana, bhante, dussavanīyo’’ti? ‘‘Āma, ānandā’’ti. ‘‘Kasmā, bhante’’ti ? ‘‘Ānanda, buddhoti vā dhammoti vā saṅghoti vā padaṃ imehi sattehi anekesupi kappakoṭisatasahassesu asutapubbaṃ. Yasmā imaṃ dhammaṃ sotuṃ na sakkontā anamatagge saṃsāre ime sattā anekavihitaṃ tiracchānakathaṃyeva suṇantā āgatā, tasmā surāpānakeḷimaṇḍalādīsu gāyantā naccantā vicaranti, dhammaṃ sotuṃ na sakkontī’’ti. ‘‘Kiṃ nissāya panete na sakkonti, bhante’’ti?

    ат̇асса сад̇т̇аа, ‘‘аананд̣̇а, рааг̇ам̣ ниссааяа д̣̇осам̣ ниссааяа мохам̣ ниссааяа д̇ан̣хам̣ ниссааяа на саггонд̇и. рааг̇аг̇г̇исад̣̇исо аг̇г̇и наама над̇т̇и, со чааригамби асзсзд̇ваа сад̇д̇з д̣̇ахад̇и. гин̃жааби сад̇д̇асуурияабаад̇убхаавам̣ ниссааяа уббанно габбавинаасаго аг̇г̇иби гин̃жи анавасзсзд̇ваава логам̣ д̣̇ахад̇и, со бана аг̇г̇и гад̣̇аажиязва д̣̇ахад̇и. рааг̇аг̇г̇ино ад̣̇аханагаало наама над̇т̇и, д̇асмаа рааг̇асамо ваа аг̇г̇и д̣̇осасамо ваа г̇ахо мохасамам̣ ваа ж̇аалам̣ д̇ан̣хаасамаа ваа над̣̇ий наама над̇т̇ий’’д̇и вад̇ваа имам̣ г̇аат̇амааха –

    Athassa satthā, ‘‘ānanda, rāgaṃ nissāya dosaṃ nissāya mohaṃ nissāya taṇhaṃ nissāya na sakkonti. Rāgaggisadiso aggi nāma natthi, so chārikampi asesetvā satte dahati. Kiñcāpi sattasūriyapātubhāvaṃ nissāya uppanno kappavināsako aggipi kiñci anavasesetvāva lokaṃ dahati, so pana aggi kadāciyeva dahati. Rāgaggino adahanakālo nāma natthi, tasmā rāgasamo vā aggi dosasamo vā gaho mohasamaṃ vā jālaṃ taṇhāsamā vā nadī nāma natthī’’ti vatvā imaṃ gāthamāha –

    251.

    251.

    ‘‘над̇т̇и рааг̇асамо аг̇г̇и, над̇т̇и д̣̇осасамо г̇ахо;

    ‘‘Natthi rāgasamo aggi, natthi dosasamo gaho;

    над̇т̇и мохасамам̣ ж̇аалам̣, над̇т̇и д̇ан̣хаасамаа над̣̇ий’’д̇и.

    Natthi mohasamaṃ jālaṃ, natthi taṇhāsamā nadī’’ti.

    д̇ад̇т̇а рааг̇асамод̇и д̇хуумаад̣̇ийсу гин̃жи ад̣̇ассзд̇ваа анд̇оязва удтааяа жхаабанавасзна рааг̇зна само аг̇г̇и наама над̇т̇и. д̣̇осасамод̇и яагкаг̇ахааж̇аг̇араг̇ахагумбхилаг̇ахаад̣̇аяо згасмим̣язва ад̇д̇абхаавз г̇ан̣хид̇ум̣ саггонд̇и, д̣̇осаг̇ахо бана саб̣б̣ад̇т̇а зганд̇амзва г̇ан̣хаад̇ийд̇и д̣̇осзна само г̇ахо наама над̇т̇и. мохасаманд̇и онанд̇ханабарияонанд̇ханадтзна бана мохасамам̣ ж̇аалам̣ наама над̇т̇и. д̇ан̣хаасамаад̇и г̇ан̇г̇аад̣̇ийнам̣ над̣̇ийнам̣ бун̣н̣агаалоби уунагаалоби сугкагаалоби бан̃н̃ааяад̇и, д̇ан̣хааяа бана бун̣н̣агаало ваа сугкагаало ваа над̇т̇и, нижжам̣ уунаава бан̃н̃ааяад̇ийд̇и д̣̇уббууран̣адтзна д̇ан̣хааяа самаа над̣̇ий наама над̇т̇ийд̇и ад̇т̇о.

    Tattha rāgasamoti dhūmādīsu kiñci adassetvā antoyeva uṭṭhāya jhāpanavasena rāgena samo aggi nāma natthi. Dosasamoti yakkhagahaajagaragahakumbhilagahādayo ekasmiṃyeva attabhāve gaṇhituṃ sakkonti, dosagaho pana sabbattha ekantameva gaṇhātīti dosena samo gaho nāma natthi. Mohasamanti onandhanapariyonandhanaṭṭhena pana mohasamaṃ jālaṃ nāma natthi. Taṇhāsamāti gaṅgādīnaṃ nadīnaṃ puṇṇakālopi ūnakālopi sukkhakālopi paññāyati, taṇhāya pana puṇṇakālo vā sukkhakālo vā natthi, niccaṃ ūnāva paññāyatīti duppūraṇaṭṭhena taṇhāya samā nadī nāma natthīti attho.

    д̣̇зсанаавасаанз саггажжам̣ д̇хаммам̣ сун̣анд̇о убаасаго сод̇аабад̇д̇ипалз бад̇идтахи, самбад̇д̇аанамби саад̇т̇игаа д̇хаммад̣̇зсанаа ахосийд̇и.

    Desanāvasāne sakkaccaṃ dhammaṃ suṇanto upāsako sotāpattiphale patiṭṭhahi, sampattānampi sātthikā dhammadesanā ahosīti.

    бан̃жаубаасагавад̇т̇у навамам̣.

    Pañcaupāsakavatthu navamaṃ.

    10. мзн̣д̣агасздтивад̇т̇у

    10. Meṇḍakaseṭṭhivatthu

    суд̣̇ассам̣ важ̇ж̇анд̇и имам̣ д̇хаммад̣̇зсанам̣ сад̇т̇аа бхад̣̇д̣̇ияанаг̇арам̣ ниссааяа ж̇аад̇ияааванз вихаранд̇о мзн̣д̣агасздтим̣ аараб̣бха гат̇зси.

    Sudassaṃvajjanti imaṃ dhammadesanaṃ satthā bhaddiyanagaraṃ nissāya jātiyāvane viharanto meṇḍakaseṭṭhiṃ ārabbha kathesi.

    сад̇т̇аа гира ан̇г̇уд̇д̇араабзсу жааригам̣ жаранд̇о мзн̣д̣агасздтино жа, бхарияааяа жасса жанд̣̇абад̣̇умааяа, буд̇д̇асса жа д̇ханан̃жаяасздтино, сун̣исааяа жа суманад̣̇звияаа, над̇д̇ааяа жасса висаакааяа, д̣̇аасасса жа бун̣н̣ассаад̇и имзсам̣ сод̇аабад̇д̇ипалуубаниссаяам̣ д̣̇исваа бхад̣̇д̣̇ияанаг̇арам̣ г̇анд̇ваа ж̇аад̇ияааванз вихааси. мзн̣д̣агасздти сад̇т̇у ааг̇аманам̣ ассоси. гасмаа банзса мзн̣д̣агасздти наама ж̇аад̇од̇и? д̇асса гира бажчимаг̇зхз адтагарийсамад̇д̇з таанз хад̇т̇иассаусабхабамаан̣аа суван̣н̣амзн̣д̣агаа бат̇авим̣ бхинд̣̇ид̇ваа бидтияаа бидтим̣ бахарамаанаа удтахим̣су. д̇зсам̣ мукзсу бан̃жаван̣н̣аанам̣ суд̇д̇аанам̣ г̇зн̣д̣угаа багкид̇д̇аа хонд̇и. саббид̇зламад̇хупаан̣ид̇аад̣̇ийхи ваа вад̇т̇ажчаад̣̇анахиран̃н̃асуван̣н̣аад̣̇ийхи ваа ад̇т̇з сад̇и д̇зсам̣ мукад̇о г̇зн̣д̣угз абанзнд̇и, згассааби мзн̣д̣агасса мукад̇о ж̇амб̣уд̣̇ийбаваасийнам̣ бахонагам̣ саббид̇зламад̇хупаан̣ид̇авад̇т̇ажчаад̣̇анахиран̃н̃асуван̣н̣ам̣ нигкамад̇и. д̇ад̇о бадтааяа мзн̣д̣агасздтийд̇и бан̃н̃ааяи.

    Satthā kira aṅguttarāpesu cārikaṃ caranto meṇḍakaseṭṭhino ca, bhariyāya cassa candapadumāya, puttassa ca dhanañcayaseṭṭhino, suṇisāya ca sumanadeviyā, nattāya cassa visākhāya, dāsassa ca puṇṇassāti imesaṃ sotāpattiphalūpanissayaṃ disvā bhaddiyanagaraṃ gantvā jātiyāvane vihāsi. Meṇḍakaseṭṭhi satthu āgamanaṃ assosi. Kasmā panesa meṇḍakaseṭṭhi nāma jātoti? Tassa kira pacchimagehe aṭṭhakarīsamatte ṭhāne hatthiassausabhapamāṇā suvaṇṇameṇḍakā pathaviṃ bhinditvā piṭṭhiyā piṭṭhiṃ paharamānā uṭṭhahiṃsu. Tesaṃ mukhesu pañcavaṇṇānaṃ suttānaṃ geṇḍukā pakkhittā honti. Sappitelamadhuphāṇitādīhi vā vatthacchādanahiraññasuvaṇṇādīhi vā atthe sati tesaṃ mukhato geṇḍuke apanenti, ekassāpi meṇḍakassa mukhato jambudīpavāsīnaṃ pahonakaṃ sappitelamadhuphāṇitavatthacchādanahiraññasuvaṇṇaṃ nikkhamati. Tato paṭṭhāya meṇḍakaseṭṭhīti paññāyi.

    гим̣ банасса буб̣б̣агамманд̇и? вибассийб̣уд̣̇д̇хагаалз гира зса аварож̇асса наама гудумб̣игасса бхааг̇инзяяо маад̇улзна самаананаамо аварож̇о наама ахоси. ат̇асса маад̇уло сад̇т̇у г̇анд̇хагудим̣ гаад̇ум̣ аарабхи. со д̇асса санд̇игам̣ г̇анд̇ваа, ‘‘маад̇ула, убхоби сахзва гаромаа’’д̇и вад̇ваа ‘‘ахам̣ ан̃н̃зхи сад̣̇д̇хим̣ асаад̇хааран̣ам̣ гад̇ваа згагова гариссаамий’’д̇и д̇зна бана бадигкид̇д̇агаалз ‘‘имасмим̣ таанз г̇анд̇хагудияаа гад̇ааяа имасмим̣ наама таанз гун̃ж̇арасаалам̣ наама лад̣̇д̇хум̣ ваддад̇ий’’д̇и жинд̇зд̇ваа аран̃н̃ад̇о д̣̇аб̣б̣асамбхаарз аахараабзд̇ваа згам̣ т̇амбхам̣ суван̣н̣акажид̇ам̣, згам̣ раж̇ад̇акажид̇ам̣, згам̣ ман̣икажид̇ам̣, згам̣ сад̇д̇арад̇анакажид̇анд̇и звам̣ д̇улаасан̇гхаад̇ад̣̇ваарагаваадаваад̇абаанаг̇обаанасийчад̣̇анидтагаа саб̣б̣ааби суван̣н̣аад̣̇икажид̇аава гаарзд̇ваа г̇анд̇хагудияаа саммукадтаанз д̇ат̇ааг̇ад̇асса сад̇д̇арад̇анамаяам̣ гун̃ж̇арасаалам̣ гаарзси. д̇ассаа убари гханарад̇д̇асуван̣н̣амаяаа гамб̣алаа баваал̣амаяаа сикарат̇уубигааяо ахзсум̣. гун̃ж̇арасаалааяа маж̇жхз таанз рад̇анаман̣д̣абам̣ гаарзд̇ваа д̇хаммаасанам̣ бад̇идтаабзси. д̇асса гханарад̇д̇асуван̣н̣амаяаа баад̣̇аа ахзсум̣, д̇ат̇аа жад̇ассо аданияо. жад̇д̇ааро бана суван̣н̣амзн̣д̣агз гаараабзд̇ваа аасанасса жад̇уннам̣ баад̣̇аанам̣ хздтаа табзси, д̣̇вз мзн̣д̣агз гаараабзд̇ваа баад̣̇абийтагааяа хздтаа табзси, ча суван̣н̣амзн̣д̣агз гаараабзд̇ваа ман̣д̣абам̣ баригкибзнд̇о табзси. д̇хаммаасанам̣ батамам̣ суд̇д̇амаязхи раж̇ж̇угзхи вааяаабзд̇ваа маж̇жхз суван̣н̣асуд̇д̇амаязхи убари муд̇д̇амаязхи суд̇д̇зхи вааяаабзси. д̇асса жанд̣̇анамаяо абассаяо ахоси. звам̣ гун̃ж̇арасаалам̣ нидтаабзд̇ваа саалаамахам̣ гаронд̇о адтасадтийхи бхигкусад̇асахассзхи сад̣̇д̇хим̣ сад̇т̇аарам̣ ниманд̇зд̇ваа жад̇д̇ааро маасз д̣̇аанам̣ д̣̇ад̇ваа осаанад̣̇ивасз д̇ижийварам̣ ад̣̇ааси. д̇ад̇т̇а сан̇гханавагасса сад̇асахассаг̇гханигам̣ баабун̣и.

    Kiṃ panassa pubbakammanti? Vipassībuddhakāle kira esa avarojassa nāma kuṭumbikassa bhāgineyyo mātulena samānanāmo avarojo nāma ahosi. Athassa mātulo satthu gandhakuṭiṃ kātuṃ ārabhi. So tassa santikaṃ gantvā, ‘‘mātula, ubhopi saheva karomā’’ti vatvā ‘‘ahaṃ aññehi saddhiṃ asādhāraṇaṃ katvā ekakova karissāmī’’ti tena pana paṭikkhittakāle ‘‘imasmiṃ ṭhāne gandhakuṭiyā katāya imasmiṃ nāma ṭhāne kuñjarasālaṃ nāma laddhuṃ vaṭṭatī’’ti cintetvā araññato dabbasambhāre āharāpetvā ekaṃ thambhaṃ suvaṇṇakhacitaṃ, ekaṃ rajatakhacitaṃ, ekaṃ maṇikhacitaṃ, ekaṃ sattaratanakhacitanti evaṃ tulāsaṅghātadvārakavāṭavātapānagopānasīchadaniṭṭhakā sabbāpi suvaṇṇādikhacitāva kāretvā gandhakuṭiyā sammukhaṭṭhāne tathāgatassa sattaratanamayaṃ kuñjarasālaṃ kāresi. Tassā upari ghanarattasuvaṇṇamayā kambalā pavāḷamayā sikharathūpikāyo ahesuṃ. Kuñjarasālāya majjhe ṭhāne ratanamaṇḍapaṃ kāretvā dhammāsanaṃ patiṭṭhāpesi. Tassa ghanarattasuvaṇṇamayā pādā ahesuṃ, tathā catasso aṭaniyo. Cattāro pana suvaṇṇameṇḍake kārāpetvā āsanassa catunnaṃ pādānaṃ heṭṭhā ṭhapesi, dve meṇḍake kārāpetvā pādapīṭhakāya heṭṭhā ṭhapesi, cha suvaṇṇameṇḍake kārāpetvā maṇḍapaṃ parikkhipento ṭhapesi. Dhammāsanaṃ paṭhamaṃ suttamayehi rajjukehi vāyāpetvā majjhe suvaṇṇasuttamayehi upari muttamayehi suttehi vāyāpesi. Tassa candanamayo apassayo ahosi. Evaṃ kuñjarasālaṃ niṭṭhāpetvā sālāmahaṃ karonto aṭṭhasaṭṭhīhi bhikkhusatasahassehi saddhiṃ satthāraṃ nimantetvā cattāro māse dānaṃ datvā osānadivase ticīvaraṃ adāsi. Tattha saṅghanavakassa satasahassagghanikaṃ pāpuṇi.

    звам̣ вибассийб̣уд̣̇д̇хагаалз бун̃н̃агаммам̣ гад̇ваа д̇ад̇о жуд̇о д̣̇звзсу жа мануссзсу жа сам̣саранд̇о имасмим̣ бхад̣̇д̣̇агаббз б̣аараан̣асияам̣ махаабхог̇агулз ниб̣б̣ад̇д̇ид̇ваа б̣аараан̣асисздти наама ахоси. со згад̣̇ивасам̣ рааж̇уубадтаанам̣ г̇ажчанд̇о бурохид̇ам̣ д̣̇исваа ‘‘гим̣, аажарияа, нагкад̇д̇амухуд̇д̇ам̣, убад̇хаарзт̇аа’’д̇и ааха. аама, убад̇хаарзми, гим̣ ан̃н̃ам̣ амхаагам̣ гамманд̇и. д̇зна хи гийд̣̇исам̣ ж̇анабад̣̇ажаарид̇д̇анд̇и? згам̣ бхаяам̣ бхависсад̇ийд̇и. гим̣ бхаяам̣ наамаад̇и? чаад̇агабхаяам̣ сздтийд̇и. гад̣̇аа бхависсад̇ийд̇и? ид̇о д̇ин̣н̣ам̣ сам̣важчараанам̣ ажжаязнаад̇и. д̇ам̣ суд̇ваа сздти б̣ахум̣ гасигаммам̣ гаарзд̇ваа г̇зхз виж̇ж̇амаанад̇ханзнааби д̇хан̃н̃амзва г̇ахзд̇ваа ад̣дхад̇зрасаани годтасад̇аани гаарзд̇ваа саб̣б̣агодтагз вийхийхи барибуурзси. годтзсу аббахонд̇зсу жаадиаад̣̇ийни буурзд̇ваа авасзсам̣ бхуумияам̣ ааваадз гад̇ваа никан̣и. нид̇хаанаавасзсам̣ мад̇д̇игааяа сад̣̇д̇хим̣ мад̣̇д̣̇ид̇ваа бхид̇д̇ияо лимбаабзси.

    Evaṃ vipassībuddhakāle puññakammaṃ katvā tato cuto devesu ca manussesu ca saṃsaranto imasmiṃ bhaddakappe bārāṇasiyaṃ mahābhogakule nibbattitvā bārāṇasiseṭṭhi nāma ahosi. So ekadivasaṃ rājūpaṭṭhānaṃ gacchanto purohitaṃ disvā ‘‘kiṃ, ācariya, nakkhattamuhuttaṃ, upadhārethā’’ti āha. Āma, upadhāremi, kiṃ aññaṃ amhākaṃ kammanti. Tena hi kīdisaṃ janapadacārittanti? Ekaṃ bhayaṃ bhavissatīti. Kiṃ bhayaṃ nāmāti? Chātakabhayaṃ seṭṭhīti. Kadā bhavissatīti? Ito tiṇṇaṃ saṃvaccharānaṃ accayenāti. Taṃ sutvā seṭṭhi bahuṃ kasikammaṃ kāretvā gehe vijjamānadhanenāpi dhaññameva gahetvā aḍḍhaterasāni koṭṭhasatāni kāretvā sabbakoṭṭhake vīhīhi paripūresi. Koṭṭhesu appahontesu cāṭiādīni pūretvā avasesaṃ bhūmiyaṃ āvāṭe katvā nikhaṇi. Nidhānāvasesaṃ mattikāya saddhiṃ madditvā bhittiyo limpāpesi.

    со абарзна самаязна чаад̇агабхаяз самбад̇д̇з яат̇аанигкид̇д̇ам̣ д̇хан̃н̃ам̣ барибхун̃ж̇анд̇о годтзсу жа жаадиаад̣̇ийсу жа нигкид̇д̇ад̇хан̃н̃з баригкийн̣з бариж̇анз баггосаабзд̇ваа ааха – ‘‘г̇ажчат̇а, д̇аад̇аа, баб̣б̣ад̇абаад̣̇ам̣ бависид̇ваа ж̇ийванд̇аа субхигкагаалз мама санд̇игам̣ ааг̇анд̇угаамаа ааг̇ажчат̇а, анааг̇анд̇угаамаа д̇ад̇т̇а д̇ад̇т̇зва ж̇ийват̇аа’’д̇и. д̇з род̣̇амаанаа ассумукаа худ̇ваа сздтим̣ ванд̣̇ид̇ваа камаабзд̇ваа сад̇д̇аахам̣ нисийд̣̇ид̇ваа д̇ат̇аа агам̣су. д̇асса бана санд̇игз взяяааважжагаро згова бун̣н̣о наама д̣̇аасо охийяи, д̇зна сад̣̇д̇хим̣ сздтиж̇ааяаа сздтибуд̇д̇о сздтисун̣исаад̇и бан̃жзва ж̇анаа ахзсум̣. д̇з бхуумияам̣ ааваадзсу нихид̇ад̇хан̃н̃зби баригкийн̣з бхид̇д̇имад̇д̇игам̣ баад̇зд̇ваа д̇змзд̇ваа д̇ад̇о лад̣̇д̇хад̇хан̃н̃зна яаабаяим̣су. ат̇асса ж̇ааяаа чаад̇агз авад̇т̇аранд̇з мад̇д̇игааяа кийяамаанааяа бхид̇д̇ибаад̣̇зсу авасидтамад̇д̇игам̣ баад̇зд̇ваа д̇змзд̇ваа ад̣дхаал̣хагамад̇д̇ам̣ вийхим̣ лабхид̇ваа годдзд̇ваа згам̣ д̇ан̣д̣уланаал̣им̣ г̇ахзд̇ваа ‘‘чаад̇агагаалз жораа б̣ахуу хонд̇ий’’д̇и жорабхаязна згасмим̣ гудз багкибид̇ваа бид̣̇ахид̇ваа бхуумияам̣ никан̣ид̇ваа табзси. ат̇а нам̣ сздти рааж̇уубадтаанад̇о ааг̇анд̇ваа ааха – ‘‘бхад̣̇д̣̇з, чаад̇омхи, ад̇т̇и гин̃жий’’д̇и. саа виж̇ж̇амаанам̣ ‘‘над̇т̇ий’’д̇и авад̇ваа ‘‘згаа д̇ан̣д̣уланаал̣и ад̇т̇ий’’д̇и ааха. ‘‘гахам̣ саа’’д̇и? ‘‘жорабхаязна мз никан̣ид̇ваа табид̇аа’’д̇и. ‘‘д̇зна хи нам̣ уд̣̇д̇харид̇ваа гин̃жи бажаахий’’д̇и. ‘‘сажз яааг̇ум̣ бажиссаами, д̣̇вз ваарз лабхиссад̇и. сажз бхад̇д̇ам̣ бажиссаами, згаваарамзва лабхиссад̇и, гим̣ бажаами, саамий’’д̇и ааха. ‘‘амхаагам̣ ан̃н̃о бажжаяо над̇т̇и, бхад̇д̇ам̣ бхун̃ж̇ид̇ваа мариссаама, бхад̇д̇амзва бажаахий’’д̇и. саа бхад̇д̇ам̣ бажид̇ваа бан̃жа годтаасз гад̇ваа сздтино годтаасам̣ вад̣дхзд̇ваа бурад̇о табзси.

    So aparena samayena chātakabhaye sampatte yathānikkhittaṃ dhaññaṃ paribhuñjanto koṭṭhesu ca cāṭiādīsu ca nikkhittadhaññe parikkhīṇe parijane pakkosāpetvā āha – ‘‘gacchatha, tātā, pabbatapādaṃ pavisitvā jīvantā subhikkhakāle mama santikaṃ āgantukāmā āgacchatha, anāgantukāmā tattha tattheva jīvathā’’ti. Te rodamānā assumukhā hutvā seṭṭhiṃ vanditvā khamāpetvā sattāhaṃ nisīditvā tathā akaṃsu. Tassa pana santike veyyāvaccakaro ekova puṇṇo nāma dāso ohīyi, tena saddhiṃ seṭṭhijāyā seṭṭhiputto seṭṭhisuṇisāti pañceva janā ahesuṃ. Te bhūmiyaṃ āvāṭesu nihitadhaññepi parikkhīṇe bhittimattikaṃ pātetvā temetvā tato laddhadhaññena yāpayiṃsu. Athassa jāyā chātake avattharante mattikāya khīyamānāya bhittipādesu avasiṭṭhamattikaṃ pātetvā temetvā aḍḍhāḷhakamattaṃ vīhiṃ labhitvā koṭṭetvā ekaṃ taṇḍulanāḷiṃ gahetvā ‘‘chātakakāle corā bahū hontī’’ti corabhayena ekasmiṃ kuṭe pakkhipitvā pidahitvā bhūmiyaṃ nikhaṇitvā ṭhapesi. Atha naṃ seṭṭhi rājūpaṭṭhānato āgantvā āha – ‘‘bhadde, chātomhi, atthi kiñcī’’ti. Sā vijjamānaṃ ‘‘natthī’’ti avatvā ‘‘ekā taṇḍulanāḷi atthī’’ti āha. ‘‘Kahaṃ sā’’ti? ‘‘Corabhayena me nikhaṇitvā ṭhapitā’’ti. ‘‘Tena hi naṃ uddharitvā kiñci pacāhī’’ti. ‘‘Sace yāguṃ pacissāmi, dve vāre labhissati. Sace bhattaṃ pacissāmi, ekavārameva labhissati, kiṃ pacāmi, sāmī’’ti āha. ‘‘Amhākaṃ añño paccayo natthi, bhattaṃ bhuñjitvā marissāma, bhattameva pacāhī’’ti. Sā bhattaṃ pacitvā pañca koṭṭhāse katvā seṭṭhino koṭṭhāsaṃ vaḍḍhetvā purato ṭhapesi.

    д̇асмим̣ кан̣з г̇анд̇хамаад̣̇анабаб̣б̣ад̇з бажжзгаб̣уд̣̇д̇хо самаабад̇д̇ид̇о вудтаад̇и. анд̇осамаабад̇д̇ияам̣ гира самаабад̇д̇иб̣алзна ж̇игхажчаа на б̣аад̇хад̇и. самаабад̇д̇ид̇о вудтид̇аанам̣ бана б̣алавад̇ий худ̇ваа уд̣̇арабадалам̣ д̣аяханд̇ий вияа уббаж̇ж̇ад̇и. д̇асмаа д̇з лабханадтаанам̣ ологзд̇ваа г̇ажчанд̇и. д̇ам̣ д̣̇ивасан̃жа д̇зсам̣ д̣̇аанам̣ д̣̇ад̇ваа сзнаабад̇идтаанаад̣̇ийсу ан̃н̃ад̇арасамбад̇д̇им̣ лабханд̇и. д̇асмаа соби д̣̇иб̣б̣зна жагкунаа ологзнд̇о ‘‘сагалаж̇амб̣уд̣̇ийбз чаад̇агабхаяам̣ уббаннам̣, сздтиг̇зхз жа бан̃жаннам̣ ж̇анаанам̣ наал̣игод̣̇анова багго, сад̣̇д̇хаа ну ко зд̇з, сагкиссанд̇и ваа мама сан̇г̇ахам̣ гаад̇у’’нд̇и д̇зсам̣ сад̣̇д̇хабхааван̃жа сан̇г̇ахам̣ гаад̇ум̣ самад̇т̇абхааван̃жа д̣̇исваа бад̇д̇ажийварамаад̣̇ааяа махаасздтисса бурад̇о д̣̇ваарз тид̇амзва ад̇д̇аанам̣ д̣̇ассзси. со д̇ам̣ д̣̇исваа басаннажид̇д̇о ‘‘буб̣б̣зби маяаа д̣̇аанасса ад̣̇иннад̇д̇аа зваруубам̣ чаад̇агам̣ д̣̇идтам̣, ид̣̇ам̣ ко бана бхад̇д̇ам̣ мам̣ згад̣̇ивасамзва рагкзяяа. аяяасса бана д̣̇иннам̣ анзгаасу габбагодийсу мама хид̇асукаавахам̣ бхависсад̇ий’’д̇и д̇ам̣ бхад̇д̇абаад̇им̣ абанзд̇ваа бажжзгаб̣уд̣̇д̇хам̣ убасан̇гамид̇ваа бан̃жабад̇идтид̇зна ванд̣̇ид̇ваа г̇зхам̣ бавзсзд̇ваа аасанз нисиннасса баад̣̇з д̇ховид̇ваа суван̣н̣абаад̣̇абийтз табзд̇ваа бхад̇д̇абаад̇имаад̣̇ааяа бажжзгаб̣уд̣̇д̇хасса бад̇д̇з огири. убад̣дхаавасзсз бхад̇д̇з бажжзгаб̣уд̣̇д̇хо хад̇т̇зна бад̇д̇ам̣ бид̣̇ахи. ат̇а нам̣, ‘‘бханд̇з, згааяа д̇ан̣д̣уланаал̣ияаа бан̃жаннам̣ ж̇анаанам̣ баггаод̣̇анасса аяам̣ зго годтаасо, имам̣ д̣̇вид̇хаа гаад̇ум̣ на саггаа. маа маяхам̣ ид̇халогз сан̇г̇ахам̣ гарот̇а, ахам̣ ниравасзсам̣ д̣̇аад̇угаамомхий’’д̇и вад̇ваа саб̣б̣ам̣ бхад̇д̇амад̣̇ааси. д̣̇ад̇ваа жа бана бад̇т̇анам̣ бадтабзси, ‘‘маа, бханд̇з, буна ниб̣б̣ад̇д̇аниб̣б̣ад̇д̇адтаанз зваруубам̣ чаад̇агабхаяам̣ ад̣̇д̣̇асам̣, ид̇о бадтааяа сагалаж̇амб̣уд̣̇ийбаваасийнам̣ б̣ийж̇абхад̇д̇ам̣ д̣̇аад̇ум̣ самад̇т̇о бхавзяяам̣, сахад̇т̇зна гаммам̣ гад̇ваа ж̇ийвигам̣ на габбзяяам̣, ад̣дхад̇зраса годтасад̇аани сод̇хаабзд̇ваа сийсам̣ нхааяид̇ваа д̇зсам̣ д̣̇ваарз нисийд̣̇ид̇ваа уд̣̇д̇хам̣ ологид̇агкан̣зязва мз рад̇д̇асаалид̇хаараа бад̇ид̇ваа саб̣б̣агодтз буурзяяум̣. ниб̣б̣ад̇д̇аниб̣б̣ад̇д̇адтаанз жа аяамзва бхарияаа, аяамзва буд̇д̇о, аяамзва сун̣исаа, аяамзва д̣̇аасо ход̇уу’’д̇и.

    Tasmiṃ khaṇe gandhamādanapabbate paccekabuddho samāpattito vuṭṭhāti. Antosamāpattiyaṃ kira samāpattibalena jighacchā na bādhati. Samāpattito vuṭṭhitānaṃ pana balavatī hutvā udarapaṭalaṃ ḍayhantī viya uppajjati. Tasmā te labhanaṭṭhānaṃ oloketvā gacchanti. Taṃ divasañca tesaṃ dānaṃ datvā senāpatiṭṭhānādīsu aññatarasampattiṃ labhanti. Tasmā sopi dibbena cakkhunā olokento ‘‘sakalajambudīpe chātakabhayaṃ uppannaṃ, seṭṭhigehe ca pañcannaṃ janānaṃ nāḷikodanova pakko, saddhā nu kho ete, sakkhissanti vā mama saṅgahaṃ kātu’’nti tesaṃ saddhabhāvañca saṅgahaṃ kātuṃ samatthabhāvañca disvā pattacīvaramādāya mahāseṭṭhissa purato dvāre ṭhitameva attānaṃ dassesi. So taṃ disvā pasannacitto ‘‘pubbepi mayā dānassa adinnattā evarūpaṃ chātakaṃ diṭṭhaṃ, idaṃ kho pana bhattaṃ maṃ ekadivasameva rakkheyya. Ayyassa pana dinnaṃ anekāsu kappakoṭīsu mama hitasukhāvahaṃ bhavissatī’’ti taṃ bhattapātiṃ apanetvā paccekabuddhaṃ upasaṅkamitvā pañcapatiṭṭhitena vanditvā gehaṃ pavesetvā āsane nisinnassa pāde dhovitvā suvaṇṇapādapīṭhe ṭhapetvā bhattapātimādāya paccekabuddhassa patte okiri. Upaḍḍhāvasese bhatte paccekabuddho hatthena pattaṃ pidahi. Atha naṃ, ‘‘bhante, ekāya taṇḍulanāḷiyā pañcannaṃ janānaṃ pakkaodanassa ayaṃ eko koṭṭhāso, imaṃ dvidhā kātuṃ na sakkā. Mā mayhaṃ idhaloke saṅgahaṃ karotha, ahaṃ niravasesaṃ dātukāmomhī’’ti vatvā sabbaṃ bhattamadāsi. Datvā ca pana patthanaṃ paṭṭhapesi, ‘‘mā, bhante, puna nibbattanibbattaṭṭhāne evarūpaṃ chātakabhayaṃ addasaṃ, ito paṭṭhāya sakalajambudīpavāsīnaṃ bījabhattaṃ dātuṃ samattho bhaveyyaṃ, sahatthena kammaṃ katvā jīvikaṃ na kappeyyaṃ, aḍḍhaterasa koṭṭhasatāni sodhāpetvā sīsaṃ nhāyitvā tesaṃ dvāre nisīditvā uddhaṃ olokitakkhaṇeyeva me rattasālidhārā patitvā sabbakoṭṭhe pūreyyuṃ. Nibbattanibbattaṭṭhāne ca ayameva bhariyā, ayameva putto, ayameva suṇisā, ayameva dāso hotū’’ti.

    бхарияаабисса ‘‘мама саамигз ж̇игхажчааяа бийл̣ияамаанз на саггаа маяаа бхун̃ж̇ид̇у’’нд̇и жинд̇зд̇ваа ад̇д̇ано годтаасам̣ бажжзгаб̣уд̣̇д̇хасса д̣̇ад̇ваа бад̇т̇анам̣ бадтабзси, ‘‘бханд̇з, ид̣̇аани ниб̣б̣ад̇д̇аниб̣б̣ад̇д̇адтаанз зваруубам̣ чаад̇агабхаяам̣ на бассзяяам̣, бхад̇д̇ат̇аалигам̣ бурад̇о гад̇ваа сагалаж̇амб̣уд̣̇ийбаваасийнам̣ бхад̇д̇ам̣ д̣̇знд̇ияааби жа мз яаава на удтахиссаами, д̇аава г̇ахид̇аг̇ахид̇адтаанам̣ буурид̇амзва ход̇у. аяамзва саамиго, аяамзва буд̇д̇о, аяамзва сун̣исаа, аяамзва д̣̇аасо ход̇уу’’д̇и. буд̇д̇обисса ад̇д̇ано годтаасам̣ бажжзгаб̣уд̣̇д̇хасса д̣̇ад̇ваа бад̇т̇анам̣ бадтабзси, ‘‘бханд̇з, ид̇о бадтааяа зваруубам̣ чаад̇агабхаяам̣ на бассзяяам̣, зган̃жа мз сахассат̇авигам̣ г̇ахзд̇ваа сагалаж̇амб̣уд̣̇ийбаваасийнам̣ гахаабан̣ам̣ д̣̇знд̇ассааби аяам̣ сахассат̇авигаа барибун̣н̣аава ход̇у, имзязва маад̇аабид̇аро хонд̇у, аяам̣ бхарияаа, аяам̣ д̣̇аасо ход̇уу’’д̇и.

    Bhariyāpissa ‘‘mama sāmike jighacchāya pīḷiyamāne na sakkā mayā bhuñjitu’’nti cintetvā attano koṭṭhāsaṃ paccekabuddhassa datvā patthanaṃ paṭṭhapesi, ‘‘bhante, idāni nibbattanibbattaṭṭhāne evarūpaṃ chātakabhayaṃ na passeyyaṃ, bhattathālikaṃ purato katvā sakalajambudīpavāsīnaṃ bhattaṃ dentiyāpi ca me yāva na uṭṭhahissāmi, tāva gahitagahitaṭṭhānaṃ pūritameva hotu. Ayameva sāmiko, ayameva putto, ayameva suṇisā, ayameva dāso hotū’’ti. Puttopissa attano koṭṭhāsaṃ paccekabuddhassa datvā patthanaṃ paṭṭhapesi, ‘‘bhante, ito paṭṭhāya evarūpaṃ chātakabhayaṃ na passeyyaṃ, ekañca me sahassathavikaṃ gahetvā sakalajambudīpavāsīnaṃ kahāpaṇaṃ dentassāpi ayaṃ sahassathavikā paripuṇṇāva hotu, imeyeva mātāpitaro hontu, ayaṃ bhariyā, ayaṃ dāso hotū’’ti.

    сун̣исаабисса ад̇д̇ано годтаасам̣ бажжзгаб̣уд̣̇д̇хасса д̣̇ад̇ваа бад̇т̇анам̣ бадтабзси, ‘‘ид̇о бадтааяа зваруубам̣ чаад̇агабхаяам̣ на бассзяяам̣, зган̃жа мз д̇хан̃н̃абидагам̣ бурад̇о табзд̇ваа сагалаж̇амб̣уд̣̇ийбаваасийнам̣ б̣ийж̇абхад̇д̇ам̣ д̣̇знд̇ияааби кийн̣абхааво маа бан̃н̃ааяид̇т̇а, ниб̣б̣ад̇д̇аниб̣б̣ад̇д̇адтаанз имзязва сасураа хонд̇у, аяамзва саамиго, аяамзва д̣̇аасо ход̇уу’’д̇и. д̣̇аасоби ад̇д̇ано годтаасам̣ бажжзгаб̣уд̣̇д̇хасса д̣̇ад̇ваа бад̇т̇анам̣ бадтабзси , ‘‘ид̇о бадтааяа зваруубам̣ чаад̇агабхаяам̣ на бассзяяам̣, саб̣б̣з имз саамигаа хонд̇у, гасанд̇асса жа мз ид̇о д̇иссо, зд̇д̇о д̇иссо, маж̇жхз згаад̇и д̣̇ааруамб̣ан̣амад̇д̇аа сад̇д̇а сад̇д̇а сийд̇ааяо г̇ажчанд̇уу’’д̇и. со д̇ам̣ д̣̇ивасам̣ сзнаабад̇идтаанам̣ бад̇т̇зд̇ваа лад̣̇д̇хум̣ самад̇т̇оби саамигзсу синзхзна ‘‘имзязва мз саамигаа хонд̇уу’’д̇и бад̇т̇анам̣ бадтабзси. бажжзгаб̣уд̣̇д̇хо саб̣б̣зсамби важанаавасаанз ‘‘звам̣ ход̇уу’’д̇и вад̇ваа –

    Suṇisāpissa attano koṭṭhāsaṃ paccekabuddhassa datvā patthanaṃ paṭṭhapesi, ‘‘ito paṭṭhāya evarūpaṃ chātakabhayaṃ na passeyyaṃ, ekañca me dhaññapiṭakaṃ purato ṭhapetvā sakalajambudīpavāsīnaṃ bījabhattaṃ dentiyāpi khīṇabhāvo mā paññāyittha, nibbattanibbattaṭṭhāne imeyeva sasurā hontu, ayameva sāmiko, ayameva dāso hotū’’ti. Dāsopi attano koṭṭhāsaṃ paccekabuddhassa datvā patthanaṃ paṭṭhapesi , ‘‘ito paṭṭhāya evarūpaṃ chātakabhayaṃ na passeyyaṃ, sabbe ime sāmikā hontu, kasantassa ca me ito tisso, etto tisso, majjhe ekāti dāruambaṇamattā satta satta sītāyo gacchantū’’ti. So taṃ divasaṃ senāpatiṭṭhānaṃ patthetvā laddhuṃ samatthopi sāmikesu sinehena ‘‘imeyeva me sāmikā hontū’’ti patthanaṃ paṭṭhapesi. Paccekabuddho sabbesampi vacanāvasāne ‘‘evaṃ hotū’’ti vatvā –

    ‘‘ижчид̇ам̣ бад̇т̇ид̇ам̣ д̇уяхам̣, киббамзва самиж̇жхад̇у;

    ‘‘Icchitaṃ patthitaṃ tuyhaṃ, khippameva samijjhatu;

    саб̣б̣з буурзнд̇у сан̇габбаа, жанд̣̇о баннарасо яат̇аа.

    Sabbe pūrentu saṅkappā, cando pannaraso yathā.

    ‘‘ижчид̇ам̣ бад̇т̇ид̇ам̣ д̇уяхам̣, киббамзва самиж̇жхад̇у;

    ‘‘Icchitaṃ patthitaṃ tuyhaṃ, khippameva samijjhatu;

    саб̣б̣з буурзнд̇у сан̇габбаа, ман̣и ж̇од̇ирасо яат̇аа’’д̇и. –

    Sabbe pūrentu saṅkappā, maṇi jotiraso yathā’’ti. –

    бажжзгаб̣уд̣̇д̇хаг̇аат̇аахи анумод̣̇анам̣ гад̇ваа ‘‘маяаа имзсам̣ жид̇д̇ам̣ басаад̣̇зд̇ум̣ ваддад̇ий’’д̇и жинд̇зд̇ваа ‘‘яаава г̇анд̇хамаад̣̇анабаб̣б̣ад̇аа имз мам̣ бассанд̇уу’’д̇и ад̇хидтахид̇ваа баггаами. д̇зби ологзд̇ваава адтам̣су. со г̇анд̇ваа д̇ам̣ бхад̇д̇ам̣ бан̃жахи бажжзгаб̣уд̣̇д̇хасад̇зхи сад̣̇д̇хим̣ сам̣вибхаж̇и. д̇ам̣ д̇ассаанубхаавзна саб̣б̣зсамби баход̇и. д̇з ологзнд̇ааязва адтам̣су.

    Paccekabuddhagāthāhi anumodanaṃ katvā ‘‘mayā imesaṃ cittaṃ pasādetuṃ vaṭṭatī’’ti cintetvā ‘‘yāva gandhamādanapabbatā ime maṃ passantū’’ti adhiṭṭhahitvā pakkāmi. Tepi oloketvāva aṭṭhaṃsu. So gantvā taṃ bhattaṃ pañcahi paccekabuddhasatehi saddhiṃ saṃvibhaji. Taṃ tassānubhāvena sabbesampi pahoti. Te olokentāyeva aṭṭhaṃsu.

    ад̇игганд̇з бана маж̇жханхигз сздтибхарияаа угкалим̣ д̇ховид̇ваа бид̣̇ахид̇ваа табзси. сздтиби ж̇игхажчааяа бийл̣ид̇о нибаж̇ж̇ид̇ваа нид̣̇д̣̇ам̣ оггами. со сааяанхз баб̣уж̇жхид̇ваа бхарияам̣ ааха – ‘‘бхад̣̇д̣̇з, ад̇ивияа чаад̇омхи, ад̇т̇и ну ко угкалияаа д̇алз жхаамагасид̇т̇ааний’’д̇и. саа д̇ховид̇ваа угкалияаа табид̇абхаавам̣ ж̇аананд̇ийби ‘‘над̇т̇ий’’д̇и авад̇ваа ‘‘угкалим̣ виварид̇ваа аажигкиссаамий’’д̇и удтааяа угкалимуулам̣ г̇анд̇ваа угкалим̣ вивари, д̇аавад̣̇зва суманамагуласад̣̇исаван̣н̣асса бхад̇д̇асса буураа угкали бид̇хаанам̣ угкибид̇ваа адтааси. саа д̇ам̣ д̣̇исваава бийд̇ияаа пудтасарийраа сздтим̣ ааха – ‘‘удтзхи, саами, ахам̣ угкалим̣ д̇ховид̇ваа бид̣̇ахим̣, саа бана суманамагуласад̣̇исаван̣н̣асса бхад̇д̇асса буураа, бун̃н̃аани наама гад̇д̇аб̣б̣аруубаани, д̣̇аанам̣ наама гад̇д̇аб̣б̣аяуд̇д̇агам̣. удтзхи, саами, бхун̃ж̇ассуу’’д̇и. саа д̣̇виннам̣ бид̇аабуд̇д̇аанам̣ бхад̇д̇ам̣ ад̣̇ааси. д̇зсу суд̇ваа удтид̇зсу сун̣исааяа сад̣̇д̇хим̣ нисийд̣̇ид̇ваа бхун̃ж̇ид̇ваа бун̣н̣асса бхад̇д̇ам̣ ад̣̇ааси. г̇ахид̇аг̇ахид̇адтаанам̣ на кийяад̇и, гадажчунаа сагим̣ г̇ахид̇адтаанамзва бан̃н̃ааяад̇и. д̇ам̣д̣̇ивасамзва годтаад̣̇аяо буб̣б̣з буурид̇анияаамзнзва буна буураяим̣су. ‘‘сздтисса г̇зхз бхад̇д̇ам̣ уббаннам̣, б̣ийж̇абхад̇д̇зхи ад̇т̇игаа ааг̇анд̇ваа г̇ан̣ханд̇уу’’д̇и наг̇арз гхосанам̣ гаарзси. мануссаа д̇асса г̇зхад̇о б̣ийж̇абхад̇д̇ам̣ г̇ан̣хим̣су. сагалаж̇амб̣уд̣̇ийбаваасино д̇ам̣ ниссааяа ж̇ийвид̇ам̣ лабхим̣суязва.

    Atikkante pana majjhanhike seṭṭhibhariyā ukkhaliṃ dhovitvā pidahitvā ṭhapesi. Seṭṭhipi jighacchāya pīḷito nipajjitvā niddaṃ okkami. So sāyanhe pabujjhitvā bhariyaṃ āha – ‘‘bhadde, ativiya chātomhi, atthi nu kho ukkhaliyā tale jhāmakasitthānī’’ti. Sā dhovitvā ukkhaliyā ṭhapitabhāvaṃ jānantīpi ‘‘natthī’’ti avatvā ‘‘ukkhaliṃ vivaritvā ācikkhissāmī’’ti uṭṭhāya ukkhalimūlaṃ gantvā ukkhaliṃ vivari, tāvadeva sumanamakulasadisavaṇṇassa bhattassa pūrā ukkhali pidhānaṃ ukkhipitvā aṭṭhāsi. Sā taṃ disvāva pītiyā phuṭṭhasarīrā seṭṭhiṃ āha – ‘‘uṭṭhehi, sāmi, ahaṃ ukkhaliṃ dhovitvā pidahiṃ, sā pana sumanamakulasadisavaṇṇassa bhattassa pūrā, puññāni nāma kattabbarūpāni, dānaṃ nāma kattabbayuttakaṃ. Uṭṭhehi, sāmi, bhuñjassū’’ti. Sā dvinnaṃ pitāputtānaṃ bhattaṃ adāsi. Tesu sutvā uṭṭhitesu suṇisāya saddhiṃ nisīditvā bhuñjitvā puṇṇassa bhattaṃ adāsi. Gahitagahitaṭṭhānaṃ na khīyati, kaṭacchunā sakiṃ gahitaṭṭhānameva paññāyati. Taṃdivasameva koṭṭhādayo pubbe pūritaniyāmeneva puna pūrayiṃsu. ‘‘Seṭṭhissa gehe bhattaṃ uppannaṃ, bījabhattehi atthikā āgantvā gaṇhantū’’ti nagare ghosanaṃ kāresi. Manussā tassa gehato bījabhattaṃ gaṇhiṃsu. Sakalajambudīpavāsino taṃ nissāya jīvitaṃ labhiṃsuyeva.

    со д̇ад̇о жуд̇о д̣̇звалогз ниб̣б̣ад̇д̇ид̇ваа д̣̇звамануссзсу сам̣саранд̇о имасмим̣ б̣уд̣̇д̇хуббаад̣̇з бхад̣̇д̣̇ияанаг̇арз сздтигулз ниб̣б̣ад̇д̇и. бхарияаабисса махаабхог̇агулз ниб̣б̣ад̇д̇ид̇ваа ваяаббад̇д̇аа д̇ассзва г̇зхам̣ аг̇амааси. д̇асса д̇ам̣ буб̣б̣агаммам̣ ниссааяа бажчааг̇зхз буб̣б̣з вуд̇д̇аббагаараа мзн̣д̣агаа удтахим̣су. буд̇д̇оби нзсам̣ буд̇д̇ова, сун̣исаа сун̣исаава, д̣̇аасо д̣̇аасова ахоси. ат̇згад̣̇ивасам̣ сздти ад̇д̇ано бун̃н̃ам̣ виймам̣сид̇угаамо ад̣дхад̇зрасаани годтасад̇аани сод̇хаабзд̇ваа сийсам̣ нхаад̇о д̣̇ваарз нисийд̣̇ид̇ваа уд̣̇д̇хам̣ ологзси. саб̣б̣ааниби вуд̇д̇аббагаараанам̣ рад̇д̇асаалийнам̣ буураяим̣су. со сзсаанамби бун̃н̃аани виймам̣сид̇угаамо бхарияан̃жа буд̇д̇аад̣̇аяо жа ‘‘д̇умхаагамби бун̃н̃аани виймам̣сиссат̇аа’’д̇и ааха.

    So tato cuto devaloke nibbattitvā devamanussesu saṃsaranto imasmiṃ buddhuppāde bhaddiyanagare seṭṭhikule nibbatti. Bhariyāpissa mahābhogakule nibbattitvā vayappattā tasseva gehaṃ agamāsi. Tassa taṃ pubbakammaṃ nissāya pacchāgehe pubbe vuttappakārā meṇḍakā uṭṭhahiṃsu. Puttopi nesaṃ puttova, suṇisā suṇisāva, dāso dāsova ahosi. Athekadivasaṃ seṭṭhi attano puññaṃ vīmaṃsitukāmo aḍḍhaterasāni koṭṭhasatāni sodhāpetvā sīsaṃ nhāto dvāre nisīditvā uddhaṃ olokesi. Sabbānipi vuttappakārānaṃ rattasālīnaṃ pūrayiṃsu. So sesānampi puññāni vīmaṃsitukāmo bhariyañca puttādayo ca ‘‘tumhākampi puññāni vīmaṃsissathā’’ti āha.

    ат̇асса бхарияаа саб̣б̣аалан̇гаарзхи алан̇гарид̇ваа махааж̇анасса бассанд̇ассзва д̇ан̣д̣улз минаабзд̇ваа д̇зхи бхад̇д̇ам̣ бажаабзд̇ваа д̣̇ваарагодтагз бан̃н̃ад̇д̇аасанз нисийд̣̇ид̇ваа суван̣н̣агадажчум̣ аад̣̇ааяа ‘‘бхад̇д̇зна ад̇т̇игаа ааг̇ажчанд̇уу’’д̇и гхосаабзд̇ваа ааг̇ад̇ааг̇ад̇аанам̣ убанийд̇абхааж̇анаани буурзд̇ваа ад̣̇ааси. сагалад̣̇ивасамби д̣̇знд̇ияаа гадажчунаа г̇ахид̇адтаанамзва бан̃н̃ааяад̇и. д̇ассаа бана буримаб̣уд̣̇д̇хаанамби бхигкусан̇гхасса ваамахад̇т̇зна угкалим̣ д̣̇агкин̣ахад̇т̇зна гадажчум̣ г̇ахзд̇ваа звамзва бад̇д̇з буурзд̇ваа бхад̇д̇асса д̣̇иннад̇д̇аа ваамахад̇т̇ад̇алам̣ буурзд̇ваа бад̣̇умалагкан̣ам̣ ниб̣б̣ад̇д̇и, д̣̇агкин̣ахад̇т̇ад̇алам̣ буурзд̇ваа жанд̣̇алагкан̣ам̣ ниб̣б̣ад̇д̇и. яасмаа бана ваамахад̇т̇ад̇о д̇хаммагаран̣ам̣ аад̣̇ааяа бхигкусан̇гхасса уд̣̇агам̣ бариссаавзд̇ваа д̣̇ад̣̇амаанаа абараабарам̣ вижари, д̇знассаа д̣̇агкин̣абаад̣̇ад̇алам̣ буурзд̇ваа жанд̣̇алагкан̣ам̣ ниб̣б̣ад̇д̇и, ваамабаад̣̇ад̇алам̣ буурзд̇ваа бад̣̇умалагкан̣ам̣ ниб̣б̣ад̇д̇и. д̇ассаа иминаа гааран̣зна жанд̣̇абад̣̇умаад̇и наамам̣ гарим̣су.

    Athassa bhariyā sabbālaṅkārehi alaṅkaritvā mahājanassa passantasseva taṇḍule mināpetvā tehi bhattaṃ pacāpetvā dvārakoṭṭhake paññattāsane nisīditvā suvaṇṇakaṭacchuṃ ādāya ‘‘bhattena atthikā āgacchantū’’ti ghosāpetvā āgatāgatānaṃ upanītabhājanāni pūretvā adāsi. Sakaladivasampi dentiyā kaṭacchunā gahitaṭṭhānameva paññāyati. Tassā pana purimabuddhānampi bhikkhusaṅghassa vāmahatthena ukkhaliṃ dakkhiṇahatthena kaṭacchuṃ gahetvā evameva patte pūretvā bhattassa dinnattā vāmahatthatalaṃ pūretvā padumalakkhaṇaṃ nibbatti, dakkhiṇahatthatalaṃ pūretvā candalakkhaṇaṃ nibbatti. Yasmā pana vāmahatthato dhammakaraṇaṃ ādāya bhikkhusaṅghassa udakaṃ parissāvetvā dadamānā aparāparaṃ vicari, tenassā dakkhiṇapādatalaṃ pūretvā candalakkhaṇaṃ nibbatti, vāmapādatalaṃ pūretvā padumalakkhaṇaṃ nibbatti. Tassā iminā kāraṇena candapadumāti nāmaṃ kariṃsu.

    буд̇д̇обисса сийсам̣ нхаад̇о сахассат̇авигам̣ аад̣̇ааяа ‘‘гахаабан̣зхи ад̇т̇игаа ааг̇ажчанд̇уу’’д̇и вад̇ваа ааг̇ад̇ааг̇ад̇аанам̣ г̇ахид̇абхааж̇анаани буурзд̇ваа ад̣̇ааси. т̇авигааяа гахаабан̣асахассам̣ ахосиязва. сун̣исаабисса саб̣б̣аалан̇гаарзхи алан̇гарид̇ваа вийхибидагам̣ аад̣̇ааяа аагаасан̇г̇ан̣з нисиннаа ‘‘б̣ийж̇абхад̇д̇зхи ад̇т̇игаа ааг̇ажчанд̇уу’’д̇и вад̇ваа ааг̇ад̇ааг̇ад̇аанам̣ г̇ахид̇абхааж̇анаани буурзд̇ваа ад̣̇ааси. бидагам̣ яат̇аабуурид̇амзва ахоси. д̣̇аасобисса саб̣б̣аалан̇гаарзхи алан̇гарид̇ваа суван̣н̣аяуг̇зсу суван̣н̣аяод̇д̇зхи г̇он̣з яож̇зд̇ваа суван̣н̣абад̇од̣̇аяадтим̣ аад̣̇ааяа д̣̇виннам̣ г̇он̣аанам̣ г̇анд̇хабан̃жан̇г̇улигаани д̣̇ад̇ваа висаан̣зсу суван̣н̣агосагз бадимун̃жид̇ваа кзд̇д̇ам̣ г̇анд̇ваа бааж̇зси. ид̇о д̇иссо, зд̇д̇о д̇иссо, маж̇жхз згаад̇и сад̇д̇а сийд̇аа бхиж̇ж̇ид̇ваа аг̇амам̣су. ж̇амб̣уд̣̇ийбаваасино бхад̇д̇аб̣ийж̇ахиран̃н̃асуван̣н̣аад̣̇ийсу яат̇ааружид̇ам̣ сздтиг̇зхад̇оязва г̇ан̣хим̣су. имз бан̃жа махаабун̃н̃аа.

    Puttopissa sīsaṃ nhāto sahassathavikaṃ ādāya ‘‘kahāpaṇehi atthikā āgacchantū’’ti vatvā āgatāgatānaṃ gahitabhājanāni pūretvā adāsi. Thavikāya kahāpaṇasahassaṃ ahosiyeva. Suṇisāpissa sabbālaṅkārehi alaṅkaritvā vīhipiṭakaṃ ādāya ākāsaṅgaṇe nisinnā ‘‘bījabhattehi atthikā āgacchantū’’ti vatvā āgatāgatānaṃ gahitabhājanāni pūretvā adāsi. Piṭakaṃ yathāpūritameva ahosi. Dāsopissa sabbālaṅkārehi alaṅkaritvā suvaṇṇayugesu suvaṇṇayottehi goṇe yojetvā suvaṇṇapatodayaṭṭhiṃ ādāya dvinnaṃ goṇānaṃ gandhapañcaṅgulikāni datvā visāṇesu suvaṇṇakosake paṭimuñcitvā khettaṃ gantvā pājesi. Ito tisso, etto tisso, majjhe ekāti satta sītā bhijjitvā agamaṃsu. Jambudīpavāsino bhattabījahiraññasuvaṇṇādīsu yathārucitaṃ seṭṭhigehatoyeva gaṇhiṃsu. Ime pañca mahāpuññā.

    звам̣ махаанубхааво сздти ‘‘сад̇т̇аа гира ааг̇ад̇о’’д̇и суд̇ваа ‘‘сад̇т̇у бажжуг̇г̇аманам̣ гариссаамий’’д̇и нигкаманд̇о анд̇араамаг̇г̇з д̇ид̇т̇ияз д̣̇исваа д̇зхи ‘‘гасмаа д̇ам̣, г̇ахабад̇и, гирияаваад̣̇о самаано агирияаваад̣̇асса саман̣асса г̇од̇амасса санд̇игам̣ г̇ажчасий’’д̇и ниваарияамааноби д̇зсам̣ важанам̣ анаад̣̇ияид̇ваа г̇анд̇ваа сад̇т̇аарам̣ ванд̣̇ид̇ваа згаманд̇ам̣ нисийд̣̇и . ат̇асса сад̇т̇аа анубуб̣б̣им̣ гат̇ам̣ гат̇зси. со д̣̇зсанаавасаанз сод̇аабад̇д̇ипалам̣ бад̇ваа сад̇т̇у д̇ид̇т̇иязхи аван̣н̣ам̣ вад̇ваа ад̇д̇ано ниваарид̇абхаавам̣ аарожзси. ат̇а нам̣ сад̇т̇аа, ‘‘г̇ахабад̇и, имз сад̇д̇аа наама маханд̇амби ад̇д̇ано д̣̇осам̣ на бассанд̇и, авиж̇ж̇амаанамби барзсам̣ д̣̇осам̣ виж̇ж̇амаанам̣ гад̇ваа д̇ад̇т̇а д̇ад̇т̇а бхусам̣ вияа обунанд̇ий’’д̇и вад̇ваа имам̣ г̇аат̇амааха –

    Evaṃ mahānubhāvo seṭṭhi ‘‘satthā kira āgato’’ti sutvā ‘‘satthu paccuggamanaṃ karissāmī’’ti nikkhamanto antarāmagge titthiye disvā tehi ‘‘kasmā taṃ, gahapati, kiriyavādo samāno akiriyavādassa samaṇassa gotamassa santikaṃ gacchasī’’ti nivāriyamānopi tesaṃ vacanaṃ anādiyitvā gantvā satthāraṃ vanditvā ekamantaṃ nisīdi . Athassa satthā anupubbiṃ kathaṃ kathesi. So desanāvasāne sotāpattiphalaṃ patvā satthu titthiyehi avaṇṇaṃ vatvā attano nivāritabhāvaṃ ārocesi. Atha naṃ satthā, ‘‘gahapati, ime sattā nāma mahantampi attano dosaṃ na passanti, avijjamānampi paresaṃ dosaṃ vijjamānaṃ katvā tattha tattha bhusaṃ viya opunantī’’ti vatvā imaṃ gāthamāha –

    252.

    252.

    ‘‘суд̣̇ассам̣ важ̇ж̇аман̃н̃зсам̣, ад̇д̇ано бана д̣̇уд̣̇д̣̇асам̣;

    ‘‘Sudassaṃ vajjamaññesaṃ, attano pana duddasaṃ;

    барзсан̃хи со важ̇ж̇аани, обунаад̇и яат̇аа бхусам̣;

    Paresañhi so vajjāni, opunāti yathā bhusaṃ;

    ад̇д̇ано бана чаад̣̇зд̇и, галим̣ва гид̇аваа сато’’д̇и.

    Attano pana chādeti, kaliṃva kitavā saṭho’’ti.

    д̇ад̇т̇а суд̣̇ассам̣ важ̇ж̇анд̇и барасса ан̣умад̇д̇амби важ̇ж̇ам̣ калид̇ам̣ суд̣̇ассам̣ сукзнзва бассид̇ум̣ саггаа, ад̇д̇ано бана ад̇имаханд̇амби д̣̇уд̣̇д̣̇асам̣. барзсам̣ хийд̇и д̇знзва гааран̣зна со буг̇г̇ало сан̇гхамаж̇жхаад̣̇ийсу барзсам̣ важ̇ж̇аани ужжадтаанз табзд̇ваа бхусам̣ обунанд̇о вияа обунаад̇и. галим̣ва гид̇аваа сатод̇и зд̇т̇а сагун̣зсу абараж̇жханабхаавзна ад̇д̇абхааво гали наама, саакабхан̇г̇аад̣̇игам̣ бадижчаад̣̇анам̣ гид̇аваа наама, саагун̣иго сато наама. яат̇аа сагун̣алуд̣̇д̣̇аго сагун̣з г̇ахзд̇ваа маарзд̇угаамо гид̇аваа вияа ад̇д̇абхаавам̣ бадижчаад̣̇зд̇и, звам̣ ад̇д̇ано важ̇ж̇ам̣ чаад̣̇зд̇ийд̇и ад̇т̇о.

    Tattha sudassaṃ vajjanti parassa aṇumattampi vajjaṃ khalitaṃ sudassaṃ sukheneva passituṃ sakkā, attano pana atimahantampi duddasaṃ. Paresaṃ hīti teneva kāraṇena so puggalo saṅghamajjhādīsu paresaṃ vajjāni uccaṭṭhāne ṭhapetvā bhusaṃ opunanto viya opunāti. Kaliṃva kitavā saṭhoti ettha sakuṇesu aparajjhanabhāvena attabhāvo kali nāma, sākhabhaṅgādikaṃ paṭicchādanaṃ kitavā nāma, sākuṇiko saṭho nāma. Yathā sakuṇaluddako sakuṇe gahetvā māretukāmo kitavā viya attabhāvaṃ paṭicchādeti, evaṃ attano vajjaṃ chādetīti attho.

    д̣̇зсанаавасаанз б̣ахуу сод̇аабад̇д̇ипалаад̣̇ийни баабун̣им̣сууд̇и.

    Desanāvasāne bahū sotāpattiphalādīni pāpuṇiṃsūti.

    мзн̣д̣агасздтивад̇т̇у д̣̇асамам̣.

    Meṇḍakaseṭṭhivatthu dasamaṃ.

    11. уж̇жхаанасан̃н̃ид̇т̇зравад̇т̇у

    11. Ujjhānasaññittheravatthu

    бараваж̇ж̇аанубассиссаад̇и имам̣ д̇хаммад̣̇зсанам̣ сад̇т̇аа ж̇зд̇аванз вихаранд̇о уж̇жхаанасан̃н̃им̣ наама згам̣ т̇зрам̣ аараб̣бха гат̇зси.

    Paravajjānupassissāti imaṃ dhammadesanaṃ satthā jetavane viharanto ujjhānasaññiṃ nāma ekaṃ theraṃ ārabbha kathesi.

    со гира ‘‘аяам̣ звам̣ ниваасзд̇и, звам̣ баарубад̇ий’’д̇и бхигкуунам̣ анд̇арамзва г̇авзсанд̇о вижарад̇и. бхигкуу ‘‘асуго наама, бханд̇з, т̇зро звам̣ гарод̇ий’’д̇и сад̇т̇у аарожзсум̣. сад̇т̇аа, ‘‘бхигкавз, вад̇д̇асийсз тад̇ваа звам̣ овад̣̇анд̇о ананубаваад̣̇о. яо бана нижжам̣ уж̇жхаанасан̃н̃ид̇ааяа барзсам̣ анд̇арам̣ бариязсамаано звам̣ вад̇ваа вижарад̇и, д̇асса жхаанаад̣̇ийсу згоби висзсо нуббаж̇ж̇ад̇и, гзвалам̣ аасавааязва вад̣дханд̇ий’’д̇и вад̇ваа имам̣ г̇аат̇амааха –

    So kira ‘‘ayaṃ evaṃ nivāseti, evaṃ pārupatī’’ti bhikkhūnaṃ antarameva gavesanto vicarati. Bhikkhū ‘‘asuko nāma, bhante, thero evaṃ karotī’’ti satthu ārocesuṃ. Satthā, ‘‘bhikkhave, vattasīse ṭhatvā evaṃ ovadanto ananupavādo. Yo pana niccaṃ ujjhānasaññitāya paresaṃ antaraṃ pariyesamāno evaṃ vatvā vicarati, tassa jhānādīsu ekopi viseso nuppajjati, kevalaṃ āsavāyeva vaḍḍhantī’’ti vatvā imaṃ gāthamāha –

    253.

    253.

    ‘‘бараваж̇ж̇аанубассисса, нижжам̣ уж̇жхаанасан̃н̃ино;

    ‘‘Paravajjānupassissa, niccaṃ ujjhānasaññino;

    аасаваа д̇асса вад̣дханд̇и, аараа со аасавагкаяаа’’д̇и.

    Āsavā tassa vaḍḍhanti, ārā so āsavakkhayā’’ti.

    д̇ад̇т̇а уж̇жхаанасан̃н̃инод̇и звам̣ ниваасзд̇аб̣б̣ам̣ звам̣ баарубид̇аб̣б̣анд̇и барзсам̣ анд̇араг̇авзсид̇ааяа уж̇жхаанаб̣ахуласса буг̇г̇аласса жхаанаад̣̇ийсу згад̇хаммоби на вад̣дхад̇и, ат̇а ко аасаваава д̇асса вад̣дханд̇и. д̇знзва гааран̣зна со арахад̇д̇амаг̇г̇асан̇каад̇аа аасавагкаяаа аараа д̣̇уурам̣ г̇ад̇ова ход̇ийд̇и.

    Tattha ujjhānasaññinoti evaṃ nivāsetabbaṃ evaṃ pārupitabbanti paresaṃ antaragavesitāya ujjhānabahulassa puggalassa jhānādīsu ekadhammopi na vaḍḍhati, atha kho āsavāva tassa vaḍḍhanti. Teneva kāraṇena so arahattamaggasaṅkhātā āsavakkhayā ārā dūraṃ gatova hotīti.

    д̣̇зсанаавасаанз б̣ахуу сод̇аабад̇д̇ипалаад̣̇ийни баабун̣им̣сууд̇и.

    Desanāvasāne bahū sotāpattiphalādīni pāpuṇiṃsūti.

    уж̇жхаанасан̃н̃ид̇т̇зравад̇т̇у згаад̣̇асамам̣.

    Ujjhānasaññittheravatthu ekādasamaṃ.

    12. субхад̣̇д̣̇абариб̣б̣ааж̇агавад̇т̇у

    12. Subhaddaparibbājakavatthu

    аагаасзд̇и ид̣̇ам̣ д̇хаммад̣̇зсанам̣ сад̇т̇аа гусинаарааяам̣ убавад̇д̇анз маллаанам̣ саалаванз бариниб̣б̣аанаман̃жагз нибанно субхад̣̇д̣̇ам̣ бариб̣б̣ааж̇агам̣ аараб̣бха гат̇зси.

    Ākāseti idaṃ dhammadesanaṃ satthā kusinārāyaṃ upavattane mallānaṃ sālavane parinibbānamañcake nipanno subhaddaṃ paribbājakaṃ ārabbha kathesi.

    со гира ад̇ийд̇з ганидтабхаад̇ари згасмим̣ сассз навагкад̇д̇ум̣ аг̇г̇ад̣̇аанам̣ д̣̇знд̇з д̣̇аанам̣ д̣̇аад̇ум̣ анижчанд̇о осаггид̇ваа авасаанз ад̣̇ааси. д̇асмаа батамаб̣од̇хияамби маж̇жхимаб̣од̇хияамби сад̇т̇аарам̣ д̣̇адтум̣ наалад̇т̇а. бажчимаб̣од̇хияам̣ бана сад̇т̇у бариниб̣б̣аанагаалз ‘‘ахам̣ д̇ийсу бан̃хзсу ад̇д̇ано ган̇кам̣ махаллагз бариб̣б̣ааж̇агз бужчид̇ваа саман̣ам̣ г̇од̇амам̣ ‘д̣̇ахаро’д̇и сан̃н̃ааяа на бужчим̣ , д̇асса жа д̣̇аани бариниб̣б̣аанагаало, бажчаа мз саман̣асса г̇од̇амасса абужчид̇агааран̣аа виббадисааро уббаж̇ж̇зяяаа’’д̇и сад̇т̇аарам̣ убасан̇гамид̇ваа аананд̣̇ад̇т̇зрзна ниваарияамааноби сад̇т̇аараа огаасам̣ гад̇ваа, ‘‘аананд̣̇а, маа субхад̣̇д̣̇ам̣ ниваараяи, бужчад̇у мам̣ бан̃ха’’нд̇и вуд̇д̇з анд̇осаан̣им̣ бависид̇ваа хздтааман̃жагз нисинно, ‘‘бхо саман̣а, гим̣ ну ко аагаасз бад̣̇ам̣ наама ад̇т̇и, ид̇о б̣ахид̣̇д̇хаа саман̣о наама ад̇т̇и, сан̇каараа сассад̇аа наама ад̇т̇ий’’д̇и имз бан̃хз бужчи. ат̇асса сад̇т̇аа д̇зсам̣ абхаавам̣ аажигканд̇о имаахи г̇аат̇аахи д̇хаммам̣ д̣̇зсзси –

    So kira atīte kaniṭṭhabhātari ekasmiṃ sasse navakkhattuṃ aggadānaṃ dente dānaṃ dātuṃ anicchanto osakkitvā avasāne adāsi. Tasmā paṭhamabodhiyampi majjhimabodhiyampi satthāraṃ daṭṭhuṃ nālattha. Pacchimabodhiyaṃ pana satthu parinibbānakāle ‘‘ahaṃ tīsu pañhesu attano kaṅkhaṃ mahallake paribbājake pucchitvā samaṇaṃ gotamaṃ ‘daharo’ti saññāya na pucchiṃ , tassa ca dāni parinibbānakālo, pacchā me samaṇassa gotamassa apucchitakāraṇā vippaṭisāro uppajjeyyā’’ti satthāraṃ upasaṅkamitvā ānandattherena nivāriyamānopi satthārā okāsaṃ katvā, ‘‘ānanda, mā subhaddaṃ nivārayi, pucchatu maṃ pañha’’nti vutte antosāṇiṃ pavisitvā heṭṭhāmañcake nisinno, ‘‘bho samaṇa, kiṃ nu kho ākāse padaṃ nāma atthi, ito bahiddhā samaṇo nāma atthi, saṅkhārā sassatā nāma atthī’’ti ime pañhe pucchi. Athassa satthā tesaṃ abhāvaṃ ācikkhanto imāhi gāthāhi dhammaṃ desesi –

    254.

    254.

    ‘‘аагаасзва бад̣̇ам̣ над̇т̇и, саман̣о над̇т̇и б̣аахирз;

    ‘‘Ākāseva padaṃ natthi, samaṇo natthi bāhire;

    бабан̃жаабхирад̇аа баж̇аа, ниббабан̃жаа д̇ат̇ааг̇ад̇аа.

    Papañcābhiratā pajā, nippapañcā tathāgatā.

    255.

    255.

    ‘‘аагаасзва бад̣̇ам̣ над̇т̇и, саман̣о над̇т̇и б̣аахирз;

    ‘‘Ākāseva padaṃ natthi, samaṇo natthi bāhire;

    сан̇каараа сассад̇аа над̇т̇и, над̇т̇и б̣уд̣̇д̇хаанамин̃ж̇ид̇а’’нд̇и.

    Saṅkhārā sassatā natthi, natthi buddhānamiñjita’’nti.

    д̇ад̇т̇а бад̣̇анд̇и имасмим̣ аагаасз ван̣н̣асан̣таанавасзна зваруубанд̇и бан̃н̃аабзд̇аб̣б̣ам̣ гассажи бад̣̇ам̣ наама над̇т̇и. б̣аахирзд̇и мама саасанад̇о б̣ахид̣̇д̇хаа маг̇г̇апаладто саман̣о наама над̇т̇и. баж̇аад̇и аяам̣ сад̇д̇алогасан̇каад̇аа баж̇аа д̇ан̣хаад̣̇ийсу бабан̃жзсуязваабхирад̇аа. ниббабан̃жаад̇и б̣од̇химуулзязва саб̣б̣абабан̃жаанам̣ самужчиннад̇д̇аа ниббабан̃жаа д̇ат̇ааг̇ад̇аа. сан̇каараад̇и бан̃жагканд̇хаа. д̇зсу хи згоби сассад̇о наама над̇т̇и. ин̃ж̇ид̇анд̇и б̣уд̣̇д̇хаанам̣ бана д̇ан̣хаамаанаад̣̇ийсу ин̃ж̇ид̇зсу язна сан̇каараа сассад̇аад̇и г̇ан̣хзяяа, д̇ам̣ згам̣ ин̃ж̇ид̇амби наама над̇т̇ийд̇и ад̇т̇о.

    Tattha padanti imasmiṃ ākāse vaṇṇasaṇṭhānavasena evarūpanti paññāpetabbaṃ kassaci padaṃ nāma natthi. Bāhireti mama sāsanato bahiddhā maggaphalaṭṭho samaṇo nāma natthi. Pajāti ayaṃ sattalokasaṅkhātā pajā taṇhādīsu papañcesuyevābhiratā. Nippapañcāti bodhimūleyeva sabbapapañcānaṃ samucchinnattā nippapañcā tathāgatā. Saṅkhārāti pañcakkhandhā. Tesu hi ekopi sassato nāma natthi. Iñjitanti buddhānaṃ pana taṇhāmānādīsu iñjitesu yena saṅkhārā sassatāti gaṇheyya, taṃ ekaṃ iñjitampi nāma natthīti attho.

    д̣̇зсанаавасаанз субхад̣̇д̣̇о анааг̇аамипалз бад̇идтахи, самбад̇д̇абарисааяаби саад̇т̇игаа д̇хаммад̣̇зсанаа ахосийд̇и.

    Desanāvasāne subhaddo anāgāmiphale patiṭṭhahi, sampattaparisāyapi sātthikā dhammadesanā ahosīti.

    субхад̣̇д̣̇абариб̣б̣ааж̇агавад̇т̇у д̣̇ваад̣̇асамам̣.

    Subhaddaparibbājakavatthu dvādasamaṃ.

    малаваг̇г̇аван̣н̣анаа нидтид̇аа.

    Malavaggavaṇṇanā niṭṭhitā.

    адтаарасамо ваг̇г̇о.

    Aṭṭhārasamo vaggo.




    Next: 19. д̇хаммадтаваг̇г̇о • 19. Dhammaṭṭhavaggo




    Related texts:



    д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / д̇хаммабад̣̇абаал̣и • Dhammapadapāḷi / 18. малаваг̇г̇о • 18. Malavaggo


    © 1991-2023 The Titi Tudorancea Bulletin | Titi Tudorancea® is a Registered Trademark | Terms of use and privacy policy
    Contact