| Library / Tipiṭaka / д̇ибидага • Tipiṭaka / д̇хаммабад̣̇абаал̣и • Dhammapadapāḷi |
18. малаваг̇г̇о
18. Malavaggo
235.
235.
бан̣д̣убалаасова д̣̇ааниси, яамабурисааби жа д̇з 1 убадтид̇аа;
Paṇḍupalāsova dānisi, yamapurisāpi ca te 2 upaṭṭhitā;
уяяог̇амукз жа д̇идтаси, баат̇зяяамби жа д̇з на виж̇ж̇ад̇и.
Uyyogamukhe ca tiṭṭhasi, pātheyyampi ca te na vijjati.
236.
236.
со гарохи д̣̇ийбамад̇д̇ано, киббам̣ вааяама бан̣д̣ид̇о бхава;
So karohi dīpamattano, khippaṃ vāyama paṇḍito bhava;
нид̣̇д̇ханд̇амало анан̇г̇ан̣о, д̣̇иб̣б̣ам̣ арияабхуумим̣ убзхиси 3.
Niddhantamalo anaṅgaṇo, dibbaṃ ariyabhūmiṃ upehisi 4.
237.
237.
убанийд̇аваяо жа д̣̇ааниси, самбаяаад̇оси яамасса санд̇игз;
Upanītavayo ca dānisi, sampayātosi yamassa santike;
ваасо 5 д̇з над̇т̇и анд̇араа, баат̇зяяамби жа д̇з на виж̇ж̇ад̇и.
Vāso 6 te natthi antarā, pātheyyampi ca te na vijjati.
238.
238.
со гарохи д̣̇ийбамад̇д̇ано, киббам̣ вааяама бан̣д̣ид̇о бхава;
So karohi dīpamattano, khippaṃ vāyama paṇḍito bhava;
нид̣̇д̇ханд̇амало анан̇г̇ан̣о, на бунам̣ ж̇аад̇иж̇арам̣ 7 убзхиси.
Niddhantamalo anaṅgaṇo, na punaṃ jātijaraṃ 8 upehisi.
239.
239.
анубуб̣б̣зна мзд̇хаавий, т̇огам̣ т̇огам̣ кан̣з кан̣з;
Anupubbena medhāvī, thokaṃ thokaṃ khaṇe khaṇe;
гаммааро раж̇ад̇ассзва, нид̣̇д̇хамз маламад̇д̇ано.
Kammāro rajatasseva, niddhame malamattano.
240.
240.
звам̣ ад̇ид̇хонажааринам̣, саани гаммаани 13 наяанд̇и д̣̇уг̇г̇ад̇им̣.
Evaṃ atidhonacārinaṃ, sāni kammāni 14 nayanti duggatiṃ.
241.
241.
асаж̇жхааяамалаа манд̇аа, анудтаанамалаа гхараа;
Asajjhāyamalā mantā, anuṭṭhānamalā gharā;
малам̣ ван̣н̣асса госаж̇ж̇ам̣, бамаад̣̇о рагкад̇о малам̣.
Malaṃ vaṇṇassa kosajjaṃ, pamādo rakkhato malaṃ.
242.
242.
малид̇т̇ияаа д̣̇ужжарид̇ам̣, мажчзрам̣ д̣̇ад̣̇ад̇о малам̣;
Malitthiyā duccaritaṃ, maccheraṃ dadato malaṃ;
малаа вз баабагаа д̇хаммаа, асмим̣ логз барамхи жа.
Malā ve pāpakā dhammā, asmiṃ loke paramhi ca.
243.
243.
д̇ад̇о малаа малад̇арам̣, авиж̇ж̇аа барамам̣ малам̣;
Tato malā malataraṃ, avijjā paramaṃ malaṃ;
зд̇ам̣ малам̣ баханд̇ваана, ниммалаа хот̇а бхигкаво.
Etaṃ malaṃ pahantvāna, nimmalā hotha bhikkhavo.
244.
244.
суж̇ийвам̣ ахиригзна, гаагасуурзна д̇хам̣синаа;
Sujīvaṃ ahirikena, kākasūrena dhaṃsinā;
багканд̣̇инаа баг̇аб̣бхзна, сам̣гилидтзна ж̇ийвид̇ам̣.
Pakkhandinā pagabbhena, saṃkiliṭṭhena jīvitaṃ.
245.
245.
хириймад̇аа жа д̣̇уж̇ж̇ийвам̣, нижжам̣ сужиг̇авзсинаа;
Hirīmatā ca dujjīvaṃ, niccaṃ sucigavesinā;
алийнзнааббаг̇аб̣бхзна, суд̣̇д̇хааж̇ийвзна бассад̇аа.
Alīnenāppagabbhena, suddhājīvena passatā.
246.
246.
яо баан̣амад̇ибаад̇зд̇и, мусааваад̣̇ан̃жа бхаасад̇и;
Yo pāṇamatipāteti, musāvādañca bhāsati;
логз ад̣̇иннамаад̣̇ияад̇и, барад̣̇ааран̃жа г̇ажчад̇и.
Loke adinnamādiyati, paradārañca gacchati.
247.
247.
сураамзраяабаанан̃жа, яо наро ануяун̃ж̇ад̇и;
Surāmerayapānañca, yo naro anuyuñjati;
ид̇хзвамзсо логасмим̣, муулам̣ кан̣ад̇и ад̇д̇ано.
Idhevameso lokasmiṃ, mūlaṃ khaṇati attano.
248.
248.
звам̣ бхо буриса ж̇аанаахи, баабад̇хаммаа асан̃н̃ад̇аа;
Evaṃ bho purisa jānāhi, pāpadhammā asaññatā;
маа д̇ам̣ лобхо ад̇хаммо жа, жирам̣ д̣̇угкааяа ранд̇хаяум̣.
Mā taṃ lobho adhammo ca, ciraṃ dukkhāya randhayuṃ.
249.
249.
д̣̇ад̣̇аад̇и вз яат̇аасад̣̇д̇хам̣, яат̇аабасаад̣̇анам̣ 15 ж̇ано;
Dadāti ve yathāsaddhaṃ, yathāpasādanaṃ 16 jano;
д̇ад̇т̇а яо ман̇гу бхавад̇и 17, барзсам̣ баанабхож̇анз;
Tattha yo maṅku bhavati 18, paresaṃ pānabhojane;
на со д̣̇иваа ваа рад̇д̇им̣ ваа, самаад̇химад̇хиг̇ажчад̇и.
Na so divā vā rattiṃ vā, samādhimadhigacchati.
250.
250.
яасса жзд̇ам̣ самужчиннам̣, муулагхажжам̣ 19 самуухад̇ам̣;
Yassa cetaṃ samucchinnaṃ, mūlaghaccaṃ 20 samūhataṃ;
са вз д̣̇иваа ваа рад̇д̇им̣ ваа, самаад̇химад̇хиг̇ажчад̇и.
Sa ve divā vā rattiṃ vā, samādhimadhigacchati.
251.
251.
над̇т̇и рааг̇асамо аг̇г̇и, над̇т̇и д̣̇осасамо г̇ахо;
Natthi rāgasamo aggi, natthi dosasamo gaho;
над̇т̇и мохасамам̣ ж̇аалам̣, над̇т̇и д̇ан̣хаасамаа над̣̇ий.
Natthi mohasamaṃ jālaṃ, natthi taṇhāsamā nadī.
252.
252.
суд̣̇ассам̣ важ̇ж̇аман̃н̃зсам̣, ад̇д̇ано бана д̣̇уд̣̇д̣̇асам̣;
Sudassaṃ vajjamaññesaṃ, attano pana duddasaṃ;
барзсам̣ хи со важ̇ж̇аани, обунаад̇и 21 яат̇аа бхусам̣;
Paresaṃ hi so vajjāni, opunāti 22 yathā bhusaṃ;
ад̇д̇ано бана чаад̣̇зд̇и, галим̣ва гид̇аваа сато.
Attano pana chādeti, kaliṃva kitavā saṭho.
253.
253.
бараваж̇ж̇аанубассисса , нижжам̣ уж̇жхаанасан̃н̃ино;
Paravajjānupassissa , niccaṃ ujjhānasaññino;
аасаваа д̇асса вад̣дханд̇и, аараа со аасавагкаяаа.
Āsavā tassa vaḍḍhanti, ārā so āsavakkhayā.
254.
254.
аагаасзва бад̣̇ам̣ над̇т̇и, саман̣о над̇т̇и б̣аахирз;
Ākāseva padaṃ natthi, samaṇo natthi bāhire;
бабан̃жаабхирад̇аа баж̇аа, ниббабан̃жаа д̇ат̇ааг̇ад̇аа.
Papañcābhiratā pajā, nippapañcā tathāgatā.
255.
255.
аагаасзва бад̣̇ам̣ над̇т̇и, саман̣о над̇т̇и б̣аахирз;
Ākāseva padaṃ natthi, samaṇo natthi bāhire;
сан̇каараа сассад̇аа над̇т̇и, над̇т̇и б̣уд̣̇д̇хаанамин̃ж̇ид̇ам̣.
Saṅkhārā sassatā natthi, natthi buddhānamiñjitaṃ.
малаваг̇г̇о адтаарасамо нидтид̇о.
Malavaggo aṭṭhārasamo niṭṭhito.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / куд̣̇д̣̇аганигааяа (адтагат̇аа) • Khuddakanikāya (aṭṭhakathā) / д̇хаммабад̣̇а-адтагат̇аа • Dhammapada-aṭṭhakathā / 18. малаваг̇г̇о • 18. Malavaggo
