| Library / Tipiṭaka / ತಿಪಿಟಕ • Tipiṭaka / ಧಮ್ಮಪದಪಾಳಿ • Dhammapadapāḷi |
೧೮. ಮಲವಗ್ಗೋ
18. Malavaggo
೨೩೫.
235.
ಪಣ್ಡುಪಲಾಸೋವ ದಾನಿಸಿ, ಯಮಪುರಿಸಾಪಿ ಚ ತೇ 1 ಉಪಟ್ಠಿತಾ।
Paṇḍupalāsova dānisi, yamapurisāpi ca te 2 upaṭṭhitā;
ಉಯ್ಯೋಗಮುಖೇ ಚ ತಿಟ್ಠಸಿ, ಪಾಥೇಯ್ಯಮ್ಪಿ ಚ ತೇ ನ ವಿಜ್ಜತಿ॥
Uyyogamukhe ca tiṭṭhasi, pātheyyampi ca te na vijjati.
೨೩೬.
236.
ಸೋ ಕರೋಹಿ ದೀಪಮತ್ತನೋ, ಖಿಪ್ಪಂ ವಾಯಮ ಪಣ್ಡಿತೋ ಭವ।
So karohi dīpamattano, khippaṃ vāyama paṇḍito bhava;
ನಿದ್ಧನ್ತಮಲೋ ಅನಙ್ಗಣೋ, ದಿಬ್ಬಂ ಅರಿಯಭೂಮಿಂ ಉಪೇಹಿಸಿ 3॥
Niddhantamalo anaṅgaṇo, dibbaṃ ariyabhūmiṃ upehisi 4.
೨೩೭.
237.
ಉಪನೀತವಯೋ ಚ ದಾನಿಸಿ, ಸಮ್ಪಯಾತೋಸಿ ಯಮಸ್ಸ ಸನ್ತಿಕೇ।
Upanītavayo ca dānisi, sampayātosi yamassa santike;
ವಾಸೋ 5 ತೇ ನತ್ಥಿ ಅನ್ತರಾ, ಪಾಥೇಯ್ಯಮ್ಪಿ ಚ ತೇ ನ ವಿಜ್ಜತಿ॥
Vāso 6 te natthi antarā, pātheyyampi ca te na vijjati.
೨೩೮.
238.
ಸೋ ಕರೋಹಿ ದೀಪಮತ್ತನೋ, ಖಿಪ್ಪಂ ವಾಯಮ ಪಣ್ಡಿತೋ ಭವ।
So karohi dīpamattano, khippaṃ vāyama paṇḍito bhava;
ನಿದ್ಧನ್ತಮಲೋ ಅನಙ್ಗಣೋ, ನ ಪುನಂ ಜಾತಿಜರಂ 7 ಉಪೇಹಿಸಿ॥
Niddhantamalo anaṅgaṇo, na punaṃ jātijaraṃ 8 upehisi.
೨೩೯.
239.
ಅನುಪುಬ್ಬೇನ ಮೇಧಾವೀ, ಥೋಕಂ ಥೋಕಂ ಖಣೇ ಖಣೇ।
Anupubbena medhāvī, thokaṃ thokaṃ khaṇe khaṇe;
ಕಮ್ಮಾರೋ ರಜತಸ್ಸೇವ, ನಿದ್ಧಮೇ ಮಲಮತ್ತನೋ॥
Kammāro rajatasseva, niddhame malamattano.
೨೪೦.
240.
ಏವಂ ಅತಿಧೋನಚಾರಿನಂ, ಸಾನಿ ಕಮ್ಮಾನಿ 13 ನಯನ್ತಿ ದುಗ್ಗತಿಂ॥
Evaṃ atidhonacārinaṃ, sāni kammāni 14 nayanti duggatiṃ.
೨೪೧.
241.
ಅಸಜ್ಝಾಯಮಲಾ ಮನ್ತಾ, ಅನುಟ್ಠಾನಮಲಾ ಘರಾ।
Asajjhāyamalā mantā, anuṭṭhānamalā gharā;
ಮಲಂ ವಣ್ಣಸ್ಸ ಕೋಸಜ್ಜಂ, ಪಮಾದೋ ರಕ್ಖತೋ ಮಲಂ॥
Malaṃ vaṇṇassa kosajjaṃ, pamādo rakkhato malaṃ.
೨೪೨.
242.
ಮಲಿತ್ಥಿಯಾ ದುಚ್ಚರಿತಂ, ಮಚ್ಛೇರಂ ದದತೋ ಮಲಂ।
Malitthiyā duccaritaṃ, maccheraṃ dadato malaṃ;
ಮಲಾ ವೇ ಪಾಪಕಾ ಧಮ್ಮಾ, ಅಸ್ಮಿಂ ಲೋಕೇ ಪರಮ್ಹಿ ಚ॥
Malā ve pāpakā dhammā, asmiṃ loke paramhi ca.
೨೪೩.
243.
ತತೋ ಮಲಾ ಮಲತರಂ, ಅವಿಜ್ಜಾ ಪರಮಂ ಮಲಂ।
Tato malā malataraṃ, avijjā paramaṃ malaṃ;
ಏತಂ ಮಲಂ ಪಹನ್ತ್ವಾನ, ನಿಮ್ಮಲಾ ಹೋಥ ಭಿಕ್ಖವೋ॥
Etaṃ malaṃ pahantvāna, nimmalā hotha bhikkhavo.
೨೪೪.
244.
ಸುಜೀವಂ ಅಹಿರಿಕೇನ, ಕಾಕಸೂರೇನ ಧಂಸಿನಾ।
Sujīvaṃ ahirikena, kākasūrena dhaṃsinā;
ಪಕ್ಖನ್ದಿನಾ ಪಗಬ್ಭೇನ, ಸಂಕಿಲಿಟ್ಠೇನ ಜೀವಿತಂ॥
Pakkhandinā pagabbhena, saṃkiliṭṭhena jīvitaṃ.
೨೪೫.
245.
ಹಿರೀಮತಾ ಚ ದುಜ್ಜೀವಂ, ನಿಚ್ಚಂ ಸುಚಿಗವೇಸಿನಾ।
Hirīmatā ca dujjīvaṃ, niccaṃ sucigavesinā;
ಅಲೀನೇನಾಪ್ಪಗಬ್ಭೇನ, ಸುದ್ಧಾಜೀವೇನ ಪಸ್ಸತಾ॥
Alīnenāppagabbhena, suddhājīvena passatā.
೨೪೬.
246.
ಯೋ ಪಾಣಮತಿಪಾತೇತಿ, ಮುಸಾವಾದಞ್ಚ ಭಾಸತಿ।
Yo pāṇamatipāteti, musāvādañca bhāsati;
ಲೋಕೇ ಅದಿನ್ನಮಾದಿಯತಿ, ಪರದಾರಞ್ಚ ಗಚ್ಛತಿ॥
Loke adinnamādiyati, paradārañca gacchati.
೨೪೭.
247.
ಸುರಾಮೇರಯಪಾನಞ್ಚ, ಯೋ ನರೋ ಅನುಯುಞ್ಜತಿ।
Surāmerayapānañca, yo naro anuyuñjati;
ಇಧೇವಮೇಸೋ ಲೋಕಸ್ಮಿಂ, ಮೂಲಂ ಖಣತಿ ಅತ್ತನೋ॥
Idhevameso lokasmiṃ, mūlaṃ khaṇati attano.
೨೪೮.
248.
ಏವಂ ಭೋ ಪುರಿಸ ಜಾನಾಹಿ, ಪಾಪಧಮ್ಮಾ ಅಸಞ್ಞತಾ।
Evaṃ bho purisa jānāhi, pāpadhammā asaññatā;
ಮಾ ತಂ ಲೋಭೋ ಅಧಮ್ಮೋ ಚ, ಚಿರಂ ದುಕ್ಖಾಯ ರನ್ಧಯುಂ॥
Mā taṃ lobho adhammo ca, ciraṃ dukkhāya randhayuṃ.
೨೪೯.
249.
ನ ಸೋ ದಿವಾ ವಾ ರತ್ತಿಂ ವಾ, ಸಮಾಧಿಮಧಿಗಚ್ಛತಿ॥
Na so divā vā rattiṃ vā, samādhimadhigacchati.
೨೫೦.
250.
ಸ ವೇ ದಿವಾ ವಾ ರತ್ತಿಂ ವಾ, ಸಮಾಧಿಮಧಿಗಚ್ಛತಿ॥
Sa ve divā vā rattiṃ vā, samādhimadhigacchati.
೨೫೧.
251.
ನತ್ಥಿ ರಾಗಸಮೋ ಅಗ್ಗಿ, ನತ್ಥಿ ದೋಸಸಮೋ ಗಹೋ।
Natthi rāgasamo aggi, natthi dosasamo gaho;
ನತ್ಥಿ ಮೋಹಸಮಂ ಜಾಲಂ, ನತ್ಥಿ ತಣ್ಹಾಸಮಾ ನದೀ॥
Natthi mohasamaṃ jālaṃ, natthi taṇhāsamā nadī.
೨೫೨.
252.
ಸುದಸ್ಸಂ ವಜ್ಜಮಞ್ಞೇಸಂ, ಅತ್ತನೋ ಪನ ದುದ್ದಸಂ।
Sudassaṃ vajjamaññesaṃ, attano pana duddasaṃ;
ಅತ್ತನೋ ಪನ ಛಾದೇತಿ, ಕಲಿಂವ ಕಿತವಾ ಸಠೋ॥
Attano pana chādeti, kaliṃva kitavā saṭho.
೨೫೩.
253.
ಪರವಜ್ಜಾನುಪಸ್ಸಿಸ್ಸ , ನಿಚ್ಚಂ ಉಜ್ಝಾನಸಞ್ಞಿನೋ।
Paravajjānupassissa , niccaṃ ujjhānasaññino;
ಆಸವಾ ತಸ್ಸ ವಡ್ಢನ್ತಿ, ಆರಾ ಸೋ ಆಸವಕ್ಖಯಾ॥
Āsavā tassa vaḍḍhanti, ārā so āsavakkhayā.
೨೫೪.
254.
ಆಕಾಸೇವ ಪದಂ ನತ್ಥಿ, ಸಮಣೋ ನತ್ಥಿ ಬಾಹಿರೇ।
Ākāseva padaṃ natthi, samaṇo natthi bāhire;
ಪಪಞ್ಚಾಭಿರತಾ ಪಜಾ, ನಿಪ್ಪಪಞ್ಚಾ ತಥಾಗತಾ॥
Papañcābhiratā pajā, nippapañcā tathāgatā.
೨೫೫.
255.
ಆಕಾಸೇವ ಪದಂ ನತ್ಥಿ, ಸಮಣೋ ನತ್ಥಿ ಬಾಹಿರೇ।
Ākāseva padaṃ natthi, samaṇo natthi bāhire;
ಸಙ್ಖಾರಾ ಸಸ್ಸತಾ ನತ್ಥಿ, ನತ್ಥಿ ಬುದ್ಧಾನಮಿಞ್ಜಿತಂ॥
Saṅkhārā sassatā natthi, natthi buddhānamiñjitaṃ.
ಮಲವಗ್ಗೋ ಅಟ್ಠಾರಸಮೋ ನಿಟ್ಠಿತೋ।
Malavaggo aṭṭhārasamo niṭṭhito.
Footnotes:
Related texts:
ಅಟ್ಠಕಥಾ • Aṭṭhakathā / ಸುತ್ತಪಿಟಕ (ಅಟ್ಠಕಥಾ) • Suttapiṭaka (aṭṭhakathā) / ಖುದ್ದಕನಿಕಾಯ (ಅಟ್ಠಕಥಾ) • Khuddakanikāya (aṭṭhakathā) / ಧಮ್ಮಪದ-ಅಟ್ಠಕಥಾ • Dhammapada-aṭṭhakathā / ೧೮. ಮಲವಗ್ಗೋ • 18. Malavaggo
