| Library / Tipiṭaka / திபிடக • Tipiṭaka / அங்கு³த்தரனிகாய (அட்ட²கதா²) • Aṅguttaranikāya (aṭṭhakathā) |
7. மல்லிகாதே³வீஸுத்தவண்ணனா
7. Mallikādevīsuttavaṇṇanā
197. ஸத்தமே மல்லிகா தே³வீதி பஸேனதி³ரஞ்ஞோ தே³வீ. யேன மிதே⁴கச்சோ மாதுகா³மோதி யேன இதே⁴கச்சா இத்தீ². து³ப்³ப³ண்ணாதி பீ³ப⁴ச்ச²வண்ணா. து³ரூபாதி து³ஸ்ஸண்டி²தா. ஸுபாபிகாதி ஸுட்டு² பாபிகா ஸுட்டு² லாமிகா. த³ஸ்ஸனாயாதி பஸ்ஸிதுங். த³லித்³தா³தி த⁴னத³லித்³தா³. அப்பஸ்ஸகாதி ஸகேன த⁴னேன ரஹிதா. அப்பபோ⁴கா³தி உபபோ⁴க³பரிபோ⁴க³ப⁴ண்ட³கரஹிதா. அப்பேஸக்கா²தி அப்பபரிவாரா. அட்³டா⁴தி இஸ்ஸரா. மஹத்³த⁴னாதி வளஞ்ஜனகத⁴னேன மஹத்³த⁴னா. மஹாபோ⁴கா³தி உபபோ⁴க³பரிபோ⁴க³ப⁴ண்ட³போ⁴கே³ன மஹாபோ⁴கா³. மஹேஸக்கா²தி மஹாபரிவாரா. அபி⁴ரூபாதி உத்தமரூபா. த³ஸ்ஸனீயாதி த³ஸ்ஸனயுத்தா. பாஸாதி³காதி த³ஸ்ஸனேன பாஸாதி³கா. வண்ணபொக்க²ரதாயாதி வண்ணேன சேவ ஸரீரஸண்டா²னேன ச.
197. Sattame mallikā devīti pasenadirañño devī. Yena midhekacco mātugāmoti yena idhekaccā itthī. Dubbaṇṇāti bībhacchavaṇṇā. Durūpāti dussaṇṭhitā. Supāpikāti suṭṭhu pāpikā suṭṭhu lāmikā. Dassanāyāti passituṃ. Daliddāti dhanadaliddā. Appassakāti sakena dhanena rahitā. Appabhogāti upabhogaparibhogabhaṇḍakarahitā. Appesakkhāti appaparivārā. Aḍḍhāti issarā. Mahaddhanāti vaḷañjanakadhanena mahaddhanā. Mahābhogāti upabhogaparibhogabhaṇḍabhogena mahābhogā. Mahesakkhāti mahāparivārā. Abhirūpāti uttamarūpā. Dassanīyāti dassanayuttā. Pāsādikāti dassanena pāsādikā. Vaṇṇapokkharatāyāti vaṇṇena ceva sarīrasaṇṭhānena ca.
அபி⁴ஸஜ்ஜதீதி லக்³க³தி. ப்³யாபஜ்ஜதீதி பகதிங் பஜஹதி. பதித்தீ²யதீதி கோத⁴வஸேன தி²னபா⁴வங் த²த்³த⁴பா⁴வங் ஆபஜ்ஜதி. ந தா³தா ஹோதீதி ந தா³யிகா ஹோதி. ஸெய்யாவஸத²பதீ³பெய்யந்தி எத்த² ஸெய்யாதி மஞ்சபல்லங்காதி³ஸயனங். ஆவஸதோ²தி ஆவஸதா²கா³ரங். பதீ³பெய்யங் வுச்சதி வட்டிதேலாதி³பதீ³பூபகரணங். இஸ்ஸாமனிகாதி இஸ்ஸாய ஸம்பயுத்தசித்தா. இமினா நயேன ஸப்³ப³த்த² அத்தோ² வேதி³தப்³போ³ . கோத⁴னா அஹோஸிந்தி கோத⁴மனா அஹோஸிங். அனிஸ்ஸாமனிகா அஹோஸிந்தி இஸ்ஸாவிரஹிதசித்தா அஹோஸிங். ஸேஸமெத்த² உத்தானத்த²மேவாதி.
Abhisajjatīti laggati. Byāpajjatīti pakatiṃ pajahati. Patitthīyatīti kodhavasena thinabhāvaṃ thaddhabhāvaṃ āpajjati. Nadātā hotīti na dāyikā hoti. Seyyāvasathapadīpeyyanti ettha seyyāti mañcapallaṅkādisayanaṃ. Āvasathoti āvasathāgāraṃ. Padīpeyyaṃ vuccati vaṭṭitelādipadīpūpakaraṇaṃ. Issāmanikāti issāya sampayuttacittā. Iminā nayena sabbattha attho veditabbo . Kodhanā ahosinti kodhamanā ahosiṃ. Anissāmanikā ahosinti issāvirahitacittā ahosiṃ. Sesamettha uttānatthamevāti.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / அங்கு³த்தரனிகாய • Aṅguttaranikāya / 7. மல்லிகாதே³வீஸுத்தங் • 7. Mallikādevīsuttaṃ
டீகா • Tīkā / ஸுத்தபிடக (டீகா) • Suttapiṭaka (ṭīkā) / அங்கு³த்தரனிகாய (டீகா) • Aṅguttaranikāya (ṭīkā) / 7. மல்லிகாதே³வீஸுத்தவண்ணனா • 7. Mallikādevīsuttavaṇṇanā
