| Library / Tipiṭaka / তিপিটক • Tipiṭaka / অঙ্গুত্তরনিকায (অট্ঠকথা) • Aṅguttaranikāya (aṭṭhakathā) |
৭. মল্লিকাদেৰীসুত্তৰণ্ণনা
7. Mallikādevīsuttavaṇṇanā
১৯৭. সত্তমে মল্লিকা দেৰীতি পসেনদিরঞ্ঞো দেৰী। যেন মিধেকচ্চো মাতুগামোতি যেন ইধেকচ্চা ইত্থী। দুব্বণ্ণাতি বীভচ্ছৰণ্ণা। দুরূপাতি দুস্সণ্ঠিতা। সুপাপিকাতি সুট্ঠু পাপিকা সুট্ঠু লামিকা। দস্সনাযাতি পস্সিতুং। দলিদ্দাতি ধনদলিদ্দা। অপ্পস্সকাতি সকেন ধনেন রহিতা। অপ্পভোগাতি উপভোগপরিভোগভণ্ডকরহিতা। অপ্পেসক্খাতি অপ্পপরিৰারা। অড্ঢাতি ইস্সরা। মহদ্ধনাতি ৰল়ঞ্জনকধনেন মহদ্ধনা। মহাভোগাতি উপভোগপরিভোগভণ্ডভোগেন মহাভোগা। মহেসক্খাতি মহাপরিৰারা। অভিরূপাতি উত্তমরূপা। দস্সনীযাতি দস্সনযুত্তা। পাসাদিকাতি দস্সনেন পাসাদিকা। ৰণ্ণপোক্খরতাযাতি ৰণ্ণেন চেৰ সরীরসণ্ঠানেন চ।
197. Sattame mallikā devīti pasenadirañño devī. Yena midhekacco mātugāmoti yena idhekaccā itthī. Dubbaṇṇāti bībhacchavaṇṇā. Durūpāti dussaṇṭhitā. Supāpikāti suṭṭhu pāpikā suṭṭhu lāmikā. Dassanāyāti passituṃ. Daliddāti dhanadaliddā. Appassakāti sakena dhanena rahitā. Appabhogāti upabhogaparibhogabhaṇḍakarahitā. Appesakkhāti appaparivārā. Aḍḍhāti issarā. Mahaddhanāti vaḷañjanakadhanena mahaddhanā. Mahābhogāti upabhogaparibhogabhaṇḍabhogena mahābhogā. Mahesakkhāti mahāparivārā. Abhirūpāti uttamarūpā. Dassanīyāti dassanayuttā. Pāsādikāti dassanena pāsādikā. Vaṇṇapokkharatāyāti vaṇṇena ceva sarīrasaṇṭhānena ca.
অভিসজ্জতীতি লগ্গতি। ব্যাপজ্জতীতি পকতিং পজহতি। পতিত্থীযতীতি কোধৰসেন থিনভাৰং থদ্ধভাৰং আপজ্জতি। ন দাতা হোতীতি ন দাযিকা হোতি। সেয্যাৰসথপদীপেয্যন্তি এত্থ সেয্যাতি মঞ্চপল্লঙ্কাদিসযনং। আৰসথোতি আৰসথাগারং। পদীপেয্যং ৰুচ্চতি ৰট্টিতেলাদিপদীপূপকরণং। ইস্সামনিকাতি ইস্সায সম্পযুত্তচিত্তা। ইমিনা নযেন সব্বত্থ অত্থো ৰেদিতব্বো । কোধনা অহোসিন্তি কোধমনা অহোসিং। অনিস্সামনিকা অহোসিন্তি ইস্সাৰিরহিতচিত্তা অহোসিং। সেসমেত্থ উত্তানত্থমেৰাতি।
Abhisajjatīti laggati. Byāpajjatīti pakatiṃ pajahati. Patitthīyatīti kodhavasena thinabhāvaṃ thaddhabhāvaṃ āpajjati. Nadātā hotīti na dāyikā hoti. Seyyāvasathapadīpeyyanti ettha seyyāti mañcapallaṅkādisayanaṃ. Āvasathoti āvasathāgāraṃ. Padīpeyyaṃ vuccati vaṭṭitelādipadīpūpakaraṇaṃ. Issāmanikāti issāya sampayuttacittā. Iminā nayena sabbattha attho veditabbo . Kodhanā ahosinti kodhamanā ahosiṃ. Anissāmanikā ahosinti issāvirahitacittā ahosiṃ. Sesamettha uttānatthamevāti.
Related texts:
তিপিটক (মূল) • Tipiṭaka (Mūla) / সুত্তপিটক • Suttapiṭaka / অঙ্গুত্তরনিকায • Aṅguttaranikāya / ৭. মল্লিকাদেৰীসুত্তং • 7. Mallikādevīsuttaṃ
টীকা • Tīkā / সুত্তপিটক (টীকা) • Suttapiṭaka (ṭīkā) / অঙ্গুত্তরনিকায (টীকা) • Aṅguttaranikāya (ṭīkā) / ৭. মল্লিকাদেৰীসুত্তৰণ্ণনা • 7. Mallikādevīsuttavaṇṇanā
