| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) |
7. маллигаад̣̇звийсуд̇д̇аван̣н̣анаа
7. Mallikādevīsuttavaṇṇanā
197. сад̇д̇амз маллигаа д̣̇звийд̇и басзнад̣̇иран̃н̃о д̣̇звий. язна мид̇хзгажжо маад̇уг̇аамод̇и язна ид̇хзгажжаа ид̇т̇ий. д̣̇уб̣б̣ан̣н̣аад̇и б̣ийбхажчаван̣н̣аа. д̣̇уруубаад̇и д̣̇уссан̣тид̇аа. субаабигаад̇и судту баабигаа судту лаамигаа. д̣̇ассанааяаад̇и бассид̇ум̣. д̣̇алид̣̇д̣̇аад̇и д̇ханад̣̇алид̣̇д̣̇аа. аббассагаад̇и сагзна д̇ханзна рахид̇аа. аббабхог̇аад̇и убабхог̇абарибхог̇абхан̣д̣агарахид̇аа. аббзсагкаад̇и аббабариваараа. ад̣дхаад̇и иссараа. махад̣̇д̇ханаад̇и вал̣ан̃ж̇анагад̇ханзна махад̣̇д̇ханаа. махаабхог̇аад̇и убабхог̇абарибхог̇абхан̣д̣абхог̇зна махаабхог̇аа. махзсагкаад̇и махаабариваараа. абхируубаад̇и уд̇д̇амаруубаа. д̣̇ассанийяаад̇и д̣̇ассанаяуд̇д̇аа. баасаад̣̇игаад̇и д̣̇ассанзна баасаад̣̇игаа. ван̣н̣абогкарад̇ааяаад̇и ван̣н̣зна жзва сарийрасан̣таанзна жа.
197. Sattame mallikā devīti pasenadirañño devī. Yena midhekacco mātugāmoti yena idhekaccā itthī. Dubbaṇṇāti bībhacchavaṇṇā. Durūpāti dussaṇṭhitā. Supāpikāti suṭṭhu pāpikā suṭṭhu lāmikā. Dassanāyāti passituṃ. Daliddāti dhanadaliddā. Appassakāti sakena dhanena rahitā. Appabhogāti upabhogaparibhogabhaṇḍakarahitā. Appesakkhāti appaparivārā. Aḍḍhāti issarā. Mahaddhanāti vaḷañjanakadhanena mahaddhanā. Mahābhogāti upabhogaparibhogabhaṇḍabhogena mahābhogā. Mahesakkhāti mahāparivārā. Abhirūpāti uttamarūpā. Dassanīyāti dassanayuttā. Pāsādikāti dassanena pāsādikā. Vaṇṇapokkharatāyāti vaṇṇena ceva sarīrasaṇṭhānena ca.
абхисаж̇ж̇ад̇ийд̇и лаг̇г̇ад̇и. б̣яаабаж̇ж̇ад̇ийд̇и багад̇им̣ баж̇ахад̇и. бад̇ид̇т̇ийяад̇ийд̇и год̇хавасзна т̇инабхаавам̣ т̇ад̣̇д̇хабхаавам̣ аабаж̇ж̇ад̇и. на д̣̇аад̇аа ход̇ийд̇и на д̣̇ааяигаа ход̇и. сзяяаавасат̇абад̣̇ийбзяяанд̇и зд̇т̇а сзяяаад̇и ман̃жабаллан̇гаад̣̇исаяанам̣. аавасат̇од̇и аавасат̇ааг̇аарам̣. бад̣̇ийбзяяам̣ вужжад̇и ваддид̇злаад̣̇ибад̣̇ийбуубагаран̣ам̣. иссааманигаад̇и иссааяа самбаяуд̇д̇ажид̇д̇аа. иминаа наязна саб̣б̣ад̇т̇а ад̇т̇о взд̣̇ид̇аб̣б̣о . год̇ханаа ахосинд̇и год̇хаманаа ахосим̣. аниссааманигаа ахосинд̇и иссаавирахид̇ажид̇д̇аа ахосим̣. сзсамзд̇т̇а уд̇д̇аанад̇т̇амзваад̇и.
Abhisajjatīti laggati. Byāpajjatīti pakatiṃ pajahati. Patitthīyatīti kodhavasena thinabhāvaṃ thaddhabhāvaṃ āpajjati. Nadātā hotīti na dāyikā hoti. Seyyāvasathapadīpeyyanti ettha seyyāti mañcapallaṅkādisayanaṃ. Āvasathoti āvasathāgāraṃ. Padīpeyyaṃ vuccati vaṭṭitelādipadīpūpakaraṇaṃ. Issāmanikāti issāya sampayuttacittā. Iminā nayena sabbattha attho veditabbo . Kodhanā ahosinti kodhamanā ahosiṃ. Anissāmanikā ahosinti issāvirahitacittā ahosiṃ. Sesamettha uttānatthamevāti.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya / 7. маллигаад̣̇звийсуд̇д̇ам̣ • 7. Mallikādevīsuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 7. маллигаад̣̇звийсуд̇д̇аван̣н̣анаа • 7. Mallikādevīsuttavaṇṇanā
