| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (дийгаа) • Aṅguttaranikāya (ṭīkā) |
7. маллигаад̣̇звийсуд̇д̇аван̣н̣анаа
7. Mallikādevīsuttavaṇṇanā
197. сад̇д̇амз аббзсагкаад̇и аббаанубхааваа. саа бана аббзсагкад̇аа аад̇хибад̇зяяасамбад̇д̇ияаа бариваарасамбад̇д̇ияаа жа абхаавзна баагадаа ход̇и. д̇ад̇т̇а бариваарасамбад̇д̇ияаа абхаавам̣ д̣̇ассзнд̇о ‘‘аббабариваараа’’д̇и ааха. иссараад̇и аад̇хибад̇зяяасам̣вад̇д̇анагаммаб̣алзна ийсанасийлаа. саа банассаа иссарад̇аа вибхавасамбад̇д̇ибажжаяаа баагадаа ж̇аад̇аад̇и ад̣дхад̇аабарияааяабхаавзна вад̣̇анд̇о ‘‘ад̣дхаад̇и иссараа’’д̇и ааха. маханд̇ам̣ д̇ханамзд̇иссаа бхуумиг̇ад̇ан̃жзва вал̣ан̃ж̇анаган̃жаад̇и махад̣̇д̇ханаа. ид̇ха бана вал̣ан̃ж̇анагзнзва д̇ханзна махад̣̇д̇ханад̇ам̣ д̣̇ассзнд̇о ‘‘вал̣ан̃ж̇анагад̇ханзна махад̣̇д̇ханаа’’д̇и ааха. ийсад̇ийд̇и ийсаа, абхибхууд̇и ад̇т̇о. махад̇ий ийсаа махзсаа, суббад̇идтид̇амахзсад̇ааяа бана барзхи махзсод̇и агкаад̇аб̣б̣ад̇ааяа махзсагкаа. яасмаа бана со махзсагкаабхааво аад̇хибад̇зяяабариваарасамбад̇д̇ияаа вин̃н̃ааяад̇и, д̇асмаа ‘‘махаабариваараа’’д̇и вуд̇д̇ам̣.
197. Sattame appesakkhāti appānubhāvā. Sā pana appesakkhatā ādhipateyyasampattiyā parivārasampattiyā ca abhāvena pākaṭā hoti. Tattha parivārasampattiyā abhāvaṃ dassento ‘‘appaparivārā’’ti āha. Issarāti ādhipateyyasaṃvattanakammabalena īsanasīlā. Sā panassā issaratā vibhavasampattipaccayā pākaṭā jātāti aḍḍhatāpariyāyabhāvena vadanto ‘‘aḍḍhāti issarā’’ti āha. Mahantaṃ dhanametissā bhūmigatañceva vaḷañjanakañcāti mahaddhanā. Idha pana vaḷañjanakeneva dhanena mahaddhanataṃ dassento ‘‘vaḷañjanakadhanena mahaddhanā’’ti āha. Īsatīti īsā, abhibhūti attho. Mahatī īsā mahesā, suppatiṭṭhitamahesatāya pana parehi mahesoti akkhātabbatāya mahesakkhā. Yasmā pana so mahesakkhābhāvo ādhipateyyaparivārasampattiyā viññāyati, tasmā ‘‘mahāparivārā’’ti vuttaṃ.
сан̣таанабаарибуурияаа ад̇хигам̣ руубамассаад̇и абхируубаа. сан̣таанабаарибуурияаад̇и жа хад̇т̇абаад̣̇аад̣̇исарийрааваяаваанам̣ сусан̣тид̇ад̇ааяаад̇и ад̇т̇о. аваяавабаарибуурияаа хи самуд̣̇ааяабаарибуурисид̣̇д̇хи. руубанд̇и жа сарийрам̣ ‘‘руубаванд̇зва сан̇кяам̣ г̇ажчад̇ий’’д̇иаад̣̇ийсу вияа. д̣̇ассанаяуд̇д̇аад̇и суруубабхаавзна бассид̇аб̣б̣аяуд̇д̇аа, д̣̇иссамаанаа жагкууни бияааяад̇ийд̇и ан̃н̃агижжавигкзбам̣ хид̇вааби д̣̇адтаб̣б̣аад̇и вуд̇д̇ам̣ ход̇и. д̣̇иссамаанаава соманассавасзна жид̇д̇ам̣ басаад̣̇зд̇ийд̇и баасаад̣̇игаа. д̇знааха ‘‘д̣̇ассанзна баасаад̣̇игаа’’д̇и. богкарад̇аад̇и вужжад̇и сунд̣̇арабхааво, ван̣н̣асса богкарад̇аа ван̣н̣абогкарад̇аа, д̇ааяа ван̣н̣асамбад̇д̇ияаад̇и ад̇т̇о. бораан̣аа бана богкаранд̇и сарийрам̣ вад̣̇анд̇и , ван̣н̣ам̣ ван̣н̣амзва. д̇зсам̣ мад̇зна ван̣н̣ан̃жа богкаран̃жа ван̣н̣абогкараани, д̇зсам̣ бхааво ван̣н̣абогкарад̇аа . ид̇и барамааяа ван̣н̣абогкарад̇ааяаад̇и уд̇д̇амабарисуд̣̇д̇хзна ван̣н̣зна жзва сарийрасан̣таанасамбад̇д̇ияаа жаад̇и ад̇т̇о д̣̇адтаб̣б̣о. д̇знзвааха ‘‘ван̣н̣зна жзва сарийрасан̣таанзна жаа’’д̇и. д̇ад̇т̇а ван̣н̣знаад̇и ван̣н̣ад̇хаад̇уяаа. сарийрам̣ наама саннивзсависидто гаражаран̣аг̇ийваасийсаад̣̇иаваяавасамуд̣̇ааяо, со жа сан̣таанамукзна г̇аяхад̇ийд̇и ааха ‘‘сарийрасан̣таанзнаа’’д̇и.
Saṇṭhānapāripūriyā adhikaṃ rūpamassāti abhirūpā. Saṇṭhānapāripūriyāti ca hatthapādādisarīrāvayavānaṃ susaṇṭhitatāyāti attho. Avayavapāripūriyā hi samudāyapāripūrisiddhi. Rūpanti ca sarīraṃ ‘‘rūpavanteva saṅkhyaṃ gacchatī’’tiādīsu viya. Dassanayuttāti surūpabhāvena passitabbayuttā, dissamānā cakkhūni piyāyatīti aññakiccavikkhepaṃ hitvāpi daṭṭhabbāti vuttaṃ hoti. Dissamānāva somanassavasena cittaṃ pasādetīti pāsādikā. Tenāha ‘‘dassanena pāsādikā’’ti. Pokkharatāti vuccati sundarabhāvo, vaṇṇassa pokkharatā vaṇṇapokkharatā, tāya vaṇṇasampattiyāti attho. Porāṇā pana pokkharanti sarīraṃ vadanti , vaṇṇaṃ vaṇṇameva. Tesaṃ matena vaṇṇañca pokkharañca vaṇṇapokkharāni, tesaṃ bhāvo vaṇṇapokkharatā. Iti paramāya vaṇṇapokkharatāyāti uttamaparisuddhena vaṇṇena ceva sarīrasaṇṭhānasampattiyā cāti attho daṭṭhabbo. Tenevāha ‘‘vaṇṇena ceva sarīrasaṇṭhānena cā’’ti. Tattha vaṇṇenāti vaṇṇadhātuyā. Sarīraṃ nāma sannivesavisiṭṭho karacaraṇagīvāsīsādiavayavasamudāyo, so ca saṇṭhānamukhena gayhatīti āha ‘‘sarīrasaṇṭhānenā’’ti.
абхисаж̇ж̇ад̇ийд̇и гуж̇жханавасзнзва гудилаган̣даго вияа д̇асмим̣ д̇асмим̣ самудтаанз магарад̣̇анд̇о вияа лаг̇ад̇и. яан̃хи год̇хасса уббад̇д̇идтаанабхууд̇з аарамман̣з убанаахасса бажжаяабхууд̇ам̣ гуж̇жханавасзна абхисаж̇ж̇анам̣, д̇ам̣ ид̇хаад̇хиббзд̇ам̣, на луб̣бханавасзна. губбад̇ийд̇иаад̣̇ийсу буб̣б̣уббад̇д̇и гобо, д̇ад̇о б̣алавад̇аро б̣яаабаад̣̇о лад̣̇д̇хаасзванад̇ааяа жид̇д̇асса б̣яаабаж̇ж̇анад̇о. саад̇исаяам̣ лад̣̇д̇хаасзванад̇ааяа д̇ад̇о б̣яаабаад̣̇ад̇оби б̣алавад̇араа бажжад̇т̇игабхаавзна т̇аамаббад̇д̇и бад̇ид̇т̇ияанаа. аннам̣ баананд̇иаад̣̇ийсу ад̣̇ийяад̇о аннам̣, каад̣̇анийяам̣ бхож̇анийяан̃жа. баад̇аб̣яад̇о баанам̣, яам̣гин̃жи баанам̣. васид̇аб̣б̣ад̇о ажчаад̣̇зд̇аб̣б̣ад̇о вад̇т̇ам̣, ниваасанабаавуран̣ам̣. яанд̇и д̇знаад̇и яаанам̣, чад̇д̇убааханаваяхасивигаад̣̇и яам̣гин̃жи г̇аманабажжаяам̣. чад̇д̇амби хи вассаад̇абад̣̇угканивааран̣зна маг̇г̇аг̇аманасаад̇хананд̇и гад̇ваа ‘‘яаана’’нд̇и вужжад̇и. мааланд̇и яам̣гин̃жи суманамаалаад̣̇ибубпам̣. г̇анд̇ханд̇и яам̣гин̃жи жанд̣̇анаад̣̇ивилзбанам̣.
Abhisajjatīti kujjhanavaseneva kuṭilakaṇṭako viya tasmiṃ tasmiṃ samuṭṭhāne makaradanto viya lagati. Yañhi kodhassa uppattiṭṭhānabhūte ārammaṇe upanāhassa paccayabhūtaṃ kujjhanavasena abhisajjanaṃ, taṃ idhādhippetaṃ, na lubbhanavasena. Kuppatītiādīsu pubbuppatti kopo, tato balavataro byāpādo laddhāsevanatāya cittassa byāpajjanato. Sātisayaṃ laddhāsevanatāya tato byāpādatopi balavatarā paccatthikabhāvena thāmappatti patitthiyanā. Annaṃ pānantiādīsu adīyato annaṃ, khādanīyaṃ bhojanīyañca. Pātabyato pānaṃ, yaṃkiñci pānaṃ. Vasitabbato acchādetabbato vatthaṃ, nivāsanapāvuraṇaṃ. Yanti tenāti yānaṃ, chattupāhanavayhasivikādi yaṃkiñci gamanapaccayaṃ. Chattampi hi vassātapadukkhanivāraṇena maggagamanasādhananti katvā ‘‘yāna’’nti vuccati. Mālanti yaṃkiñci sumanamālādipupphaṃ. Gandhanti yaṃkiñci candanādivilepanaṃ.
маллигаад̣̇звийсуд̇д̇аван̣н̣анаа нидтид̇аа.
Mallikādevīsuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya / 7. маллигаад̣̇звийсуд̇д̇ам̣ • 7. Mallikādevīsuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) / 7. маллигаад̣̇звийсуд̇д̇аван̣н̣анаа • 7. Mallikādevīsuttavaṇṇanā
