| Library / Tipiṭaka / ติปิฎก • Tipiṭaka / องฺคุตฺตรนิกาย (อฎฺฐกถา) • Aṅguttaranikāya (aṭṭhakathā) |
๗. มลฺลิกาเทวีสุตฺตวณฺณนา
7. Mallikādevīsuttavaṇṇanā
๑๙๗. สตฺตเม มลฺลิกา เทวีติ ปเสนทิรโญฺญ เทวีฯ เยน มิเธกโจฺจ มาตุคาโมติ เยน อิเธกจฺจา อิตฺถีฯ ทุพฺพณฺณาติ พีภจฺฉวณฺณาฯ ทุรูปาติ ทุสฺสณฺฐิตาฯ สุปาปิกาติ สุฎฺฐุ ปาปิกา สุฎฺฐุ ลามิกาฯ ทสฺสนายาติ ปสฺสิตุํฯ ทลิทฺทาติ ธนทลิทฺทาฯ อปฺปสฺสกาติ สเกน ธเนน รหิตาฯ อปฺปโภคาติ อุปโภคปริโภคภณฺฑกรหิตาฯ อเปฺปสกฺขาติ อปฺปปริวาราฯ อฑฺฒาติ อิสฺสราฯ มหทฺธนาติ วฬญฺชนกธเนน มหทฺธนาฯ มหาโภคาติ อุปโภคปริโภคภณฺฑโภเคน มหาโภคาฯ มเหสกฺขาติ มหาปริวาราฯ อภิรูปาติ อุตฺตมรูปาฯ ทสฺสนียาติ ทสฺสนยุตฺตาฯ ปาสาทิกาติ ทสฺสเนน ปาสาทิกาฯ วณฺณโปกฺขรตายาติ วเณฺณน เจว สรีรสณฺฐาเนน จฯ
197. Sattame mallikā devīti pasenadirañño devī. Yena midhekacco mātugāmoti yena idhekaccā itthī. Dubbaṇṇāti bībhacchavaṇṇā. Durūpāti dussaṇṭhitā. Supāpikāti suṭṭhu pāpikā suṭṭhu lāmikā. Dassanāyāti passituṃ. Daliddāti dhanadaliddā. Appassakāti sakena dhanena rahitā. Appabhogāti upabhogaparibhogabhaṇḍakarahitā. Appesakkhāti appaparivārā. Aḍḍhāti issarā. Mahaddhanāti vaḷañjanakadhanena mahaddhanā. Mahābhogāti upabhogaparibhogabhaṇḍabhogena mahābhogā. Mahesakkhāti mahāparivārā. Abhirūpāti uttamarūpā. Dassanīyāti dassanayuttā. Pāsādikāti dassanena pāsādikā. Vaṇṇapokkharatāyāti vaṇṇena ceva sarīrasaṇṭhānena ca.
อภิสชฺชตีติ ลคฺคติฯ พฺยาปชฺชตีติ ปกติํ ปชหติฯ ปติตฺถียตีติ โกธวเสน ถินภาวํ ถทฺธภาวํ อาปชฺชติฯ น ทาตา โหตีติ น ทายิกา โหติฯ เสยฺยาวสถปทีเปยฺยนฺติ เอตฺถ เสยฺยาติ มญฺจปลฺลงฺกาทิสยนํฯ อาวสโถติ อาวสถาคารํฯ ปทีเปยฺยํ วุจฺจติ วฎฺฎิเตลาทิปทีปูปกรณํฯ อิสฺสามนิกาติ อิสฺสาย สมฺปยุตฺตจิตฺตาฯ อิมินา นเยน สพฺพตฺถ อโตฺถ เวทิตโพฺพ ฯ โกธนา อโหสินฺติ โกธมนา อโหสิํฯ อนิสฺสามนิกา อโหสินฺติ อิสฺสาวิรหิตจิตฺตา อโหสิํฯ เสสเมตฺถ อุตฺตานตฺถเมวาติฯ
Abhisajjatīti laggati. Byāpajjatīti pakatiṃ pajahati. Patitthīyatīti kodhavasena thinabhāvaṃ thaddhabhāvaṃ āpajjati. Nadātā hotīti na dāyikā hoti. Seyyāvasathapadīpeyyanti ettha seyyāti mañcapallaṅkādisayanaṃ. Āvasathoti āvasathāgāraṃ. Padīpeyyaṃ vuccati vaṭṭitelādipadīpūpakaraṇaṃ. Issāmanikāti issāya sampayuttacittā. Iminā nayena sabbattha attho veditabbo . Kodhanā ahosinti kodhamanā ahosiṃ. Anissāmanikā ahosinti issāvirahitacittā ahosiṃ. Sesamettha uttānatthamevāti.
Related texts:
ติปิฎก (มูล) • Tipiṭaka (Mūla) / สุตฺตปิฎก • Suttapiṭaka / องฺคุตฺตรนิกาย • Aṅguttaranikāya / ๗. มลฺลิกาเทวีสุตฺตํ • 7. Mallikādevīsuttaṃ
ฎีกา • Tīkā / สุตฺตปิฎก (ฎีกา) • Suttapiṭaka (ṭīkā) / องฺคุตฺตรนิกาย (ฎีกา) • Aṅguttaranikāya (ṭīkā) / ๗. มลฺลิกาเทวีสุตฺตวณฺณนา • 7. Mallikādevīsuttavaṇṇanā
