| Library / Tipiṭaka / ತಿಪಿಟಕ • Tipiṭaka / ಅಙ್ಗುತ್ತರನಿಕಾಯ (ಅಟ್ಠಕಥಾ) • Aṅguttaranikāya (aṭṭhakathā) |
೭. ಮಲ್ಲಿಕಾದೇವೀಸುತ್ತವಣ್ಣನಾ
7. Mallikādevīsuttavaṇṇanā
೧೯೭. ಸತ್ತಮೇ ಮಲ್ಲಿಕಾ ದೇವೀತಿ ಪಸೇನದಿರಞ್ಞೋ ದೇವೀ। ಯೇನ ಮಿಧೇಕಚ್ಚೋ ಮಾತುಗಾಮೋತಿ ಯೇನ ಇಧೇಕಚ್ಚಾ ಇತ್ಥೀ। ದುಬ್ಬಣ್ಣಾತಿ ಬೀಭಚ್ಛವಣ್ಣಾ। ದುರೂಪಾತಿ ದುಸ್ಸಣ್ಠಿತಾ। ಸುಪಾಪಿಕಾತಿ ಸುಟ್ಠು ಪಾಪಿಕಾ ಸುಟ್ಠು ಲಾಮಿಕಾ। ದಸ್ಸನಾಯಾತಿ ಪಸ್ಸಿತುಂ। ದಲಿದ್ದಾತಿ ಧನದಲಿದ್ದಾ। ಅಪ್ಪಸ್ಸಕಾತಿ ಸಕೇನ ಧನೇನ ರಹಿತಾ। ಅಪ್ಪಭೋಗಾತಿ ಉಪಭೋಗಪರಿಭೋಗಭಣ್ಡಕರಹಿತಾ। ಅಪ್ಪೇಸಕ್ಖಾತಿ ಅಪ್ಪಪರಿವಾರಾ। ಅಡ್ಢಾತಿ ಇಸ್ಸರಾ। ಮಹದ್ಧನಾತಿ ವಳಞ್ಜನಕಧನೇನ ಮಹದ್ಧನಾ। ಮಹಾಭೋಗಾತಿ ಉಪಭೋಗಪರಿಭೋಗಭಣ್ಡಭೋಗೇನ ಮಹಾಭೋಗಾ। ಮಹೇಸಕ್ಖಾತಿ ಮಹಾಪರಿವಾರಾ। ಅಭಿರೂಪಾತಿ ಉತ್ತಮರೂಪಾ। ದಸ್ಸನೀಯಾತಿ ದಸ್ಸನಯುತ್ತಾ। ಪಾಸಾದಿಕಾತಿ ದಸ್ಸನೇನ ಪಾಸಾದಿಕಾ। ವಣ್ಣಪೋಕ್ಖರತಾಯಾತಿ ವಣ್ಣೇನ ಚೇವ ಸರೀರಸಣ್ಠಾನೇನ ಚ।
197. Sattame mallikā devīti pasenadirañño devī. Yena midhekacco mātugāmoti yena idhekaccā itthī. Dubbaṇṇāti bībhacchavaṇṇā. Durūpāti dussaṇṭhitā. Supāpikāti suṭṭhu pāpikā suṭṭhu lāmikā. Dassanāyāti passituṃ. Daliddāti dhanadaliddā. Appassakāti sakena dhanena rahitā. Appabhogāti upabhogaparibhogabhaṇḍakarahitā. Appesakkhāti appaparivārā. Aḍḍhāti issarā. Mahaddhanāti vaḷañjanakadhanena mahaddhanā. Mahābhogāti upabhogaparibhogabhaṇḍabhogena mahābhogā. Mahesakkhāti mahāparivārā. Abhirūpāti uttamarūpā. Dassanīyāti dassanayuttā. Pāsādikāti dassanena pāsādikā. Vaṇṇapokkharatāyāti vaṇṇena ceva sarīrasaṇṭhānena ca.
ಅಭಿಸಜ್ಜತೀತಿ ಲಗ್ಗತಿ। ಬ್ಯಾಪಜ್ಜತೀತಿ ಪಕತಿಂ ಪಜಹತಿ। ಪತಿತ್ಥೀಯತೀತಿ ಕೋಧವಸೇನ ಥಿನಭಾವಂ ಥದ್ಧಭಾವಂ ಆಪಜ್ಜತಿ। ನ ದಾತಾ ಹೋತೀತಿ ನ ದಾಯಿಕಾ ಹೋತಿ। ಸೇಯ್ಯಾವಸಥಪದೀಪೇಯ್ಯನ್ತಿ ಏತ್ಥ ಸೇಯ್ಯಾತಿ ಮಞ್ಚಪಲ್ಲಙ್ಕಾದಿಸಯನಂ। ಆವಸಥೋತಿ ಆವಸಥಾಗಾರಂ। ಪದೀಪೇಯ್ಯಂ ವುಚ್ಚತಿ ವಟ್ಟಿತೇಲಾದಿಪದೀಪೂಪಕರಣಂ। ಇಸ್ಸಾಮನಿಕಾತಿ ಇಸ್ಸಾಯ ಸಮ್ಪಯುತ್ತಚಿತ್ತಾ। ಇಮಿನಾ ನಯೇನ ಸಬ್ಬತ್ಥ ಅತ್ಥೋ ವೇದಿತಬ್ಬೋ । ಕೋಧನಾ ಅಹೋಸಿನ್ತಿ ಕೋಧಮನಾ ಅಹೋಸಿಂ। ಅನಿಸ್ಸಾಮನಿಕಾ ಅಹೋಸಿನ್ತಿ ಇಸ್ಸಾವಿರಹಿತಚಿತ್ತಾ ಅಹೋಸಿಂ। ಸೇಸಮೇತ್ಥ ಉತ್ತಾನತ್ಥಮೇವಾತಿ।
Abhisajjatīti laggati. Byāpajjatīti pakatiṃ pajahati. Patitthīyatīti kodhavasena thinabhāvaṃ thaddhabhāvaṃ āpajjati. Nadātā hotīti na dāyikā hoti. Seyyāvasathapadīpeyyanti ettha seyyāti mañcapallaṅkādisayanaṃ. Āvasathoti āvasathāgāraṃ. Padīpeyyaṃ vuccati vaṭṭitelādipadīpūpakaraṇaṃ. Issāmanikāti issāya sampayuttacittā. Iminā nayena sabbattha attho veditabbo . Kodhanā ahosinti kodhamanā ahosiṃ. Anissāmanikā ahosinti issāvirahitacittā ahosiṃ. Sesamettha uttānatthamevāti.
Related texts:
ತಿಪಿಟಕ (ಮೂಲ) • Tipiṭaka (Mūla) / ಸುತ್ತಪಿಟಕ • Suttapiṭaka / ಅಙ್ಗುತ್ತರನಿಕಾಯ • Aṅguttaranikāya / ೭. ಮಲ್ಲಿಕಾದೇವೀಸುತ್ತಂ • 7. Mallikādevīsuttaṃ
ಟೀಕಾ • Tīkā / ಸುತ್ತಪಿಟಕ (ಟೀಕಾ) • Suttapiṭaka (ṭīkā) / ಅಙ್ಗುತ್ತರನಿಕಾಯ (ಟೀಕಾ) • Aṅguttaranikāya (ṭīkā) / ೭. ಮಲ್ಲಿಕಾದೇವೀಸುತ್ತವಣ್ಣನಾ • 7. Mallikādevīsuttavaṇṇanā
