| Library / Tipiṭaka / তিপিটক • Tipiṭaka / সংযুত্তনিকায • Saṃyuttanikāya |
৬. মল্লিকাসুত্তং
6. Mallikāsuttaṃ
১২৭. সাৰত্থিনিদানং । অথ খো রাজা পসেনদি কোসলো যেন ভগৰা তেনুপসঙ্কমি; উপসঙ্কমিত্ৰা ভগৰন্তং অভিৰাদেত্ৰা একমন্তং নিসীদি। অথ খো অঞ্ঞতরো পুরিসো যেন রাজা পসেনদি কোসলো তেনুপসঙ্কমি; উপসঙ্কমিত্ৰা রঞ্ঞো পসেনদিস্স কোসলস্স উপকণ্ণকে আরোচেসি – ‘‘মল্লিকা, দেৰ, দেৰী ধীতরং ৰিজাতা’’তি। এৰং ৰুত্তে, রাজা পসেনদি কোসলো অনত্তমনো অহোসি।
127. Sāvatthinidānaṃ . Atha kho rājā pasenadi kosalo yena bhagavā tenupasaṅkami; upasaṅkamitvā bhagavantaṃ abhivādetvā ekamantaṃ nisīdi. Atha kho aññataro puriso yena rājā pasenadi kosalo tenupasaṅkami; upasaṅkamitvā rañño pasenadissa kosalassa upakaṇṇake ārocesi – ‘‘mallikā, deva, devī dhītaraṃ vijātā’’ti. Evaṃ vutte, rājā pasenadi kosalo anattamano ahosi.
অথ খো ভগৰা রাজানং পসেনদিং কোসলং অনত্তমনতং ৰিদিত্ৰা তাযং ৰেলাযং ইমা গাথাযো অভাসি –
Atha kho bhagavā rājānaṃ pasenadiṃ kosalaṃ anattamanataṃ viditvā tāyaṃ velāyaṃ imā gāthāyo abhāsi –
‘‘ইত্থীপি হি একচ্চিযা, সেয্যা পোস জনাধিপ।
‘‘Itthīpi hi ekacciyā, seyyā posa janādhipa;
মেধাৰিনী সীলৰতী, সস্সুদেৰা পতিব্বতা॥
Medhāvinī sīlavatī, sassudevā patibbatā.
‘‘তস্সা যো জাযতি পোসো, সূরো হোতি দিসম্পতি।
‘‘Tassā yo jāyati poso, sūro hoti disampati;
Footnotes:
Related texts:
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / সংযুত্তনিকায (অট্ঠকথা) • Saṃyuttanikāya (aṭṭhakathā) / ৬. মল্লিকাসুত্তৰণ্ণনা • 6. Mallikāsuttavaṇṇanā
টীকা • Tīkā / সুত্তপিটক (টীকা) • Suttapiṭaka (ṭīkā) / সংযুত্তনিকায (টীকা) • Saṃyuttanikāya (ṭīkā) / ৬. মল্লিকাসুত্তৰণ্ণনা • 6. Mallikāsuttavaṇṇanā
