| Library / Tipiṭaka / д̇ибидага • Tipiṭaka / сам̣яуд̇д̇анигааяа • Saṃyuttanikāya |
2. маллигасуд̇д̇ам̣
2. Mallikasuttaṃ
522. звам̣ мз суд̇ам̣ – згам̣ самаяам̣ бхаг̇аваа маллзсу 1 вихарад̇и урувзлагаббам̣ наама маллаанам̣ ниг̇амо. д̇ад̇ра ко бхаг̇аваа бхигкуу ааманд̇зси – ‘‘яаавагийван̃жа, бхигкавз, арияасаавагасса арияан̃аан̣ам̣ на уббаннам̣ ход̇и нзва д̇аава жад̇уннам̣ инд̣̇рияаанам̣ сан̣тид̇и ход̇и, нзва д̇аава жад̇уннам̣ инд̣̇рияаанам̣ авадтид̇и ход̇и. яад̇о жа ко, бхигкавз, арияасаавагасса арияан̃аан̣ам̣ уббаннам̣ ход̇и, ат̇а жад̇уннам̣ инд̣̇рияаанам̣ сан̣тид̇и ход̇и, ат̇а жад̇уннам̣ инд̣̇рияаанам̣ авадтид̇и ход̇и’’.
522. Evaṃ me sutaṃ – ekaṃ samayaṃ bhagavā mallesu 2 viharati uruvelakappaṃ nāma mallānaṃ nigamo. Tatra kho bhagavā bhikkhū āmantesi – ‘‘yāvakīvañca, bhikkhave, ariyasāvakassa ariyañāṇaṃ na uppannaṃ hoti neva tāva catunnaṃ indriyānaṃ saṇṭhiti hoti, neva tāva catunnaṃ indriyānaṃ avaṭṭhiti hoti. Yato ca kho, bhikkhave, ariyasāvakassa ariyañāṇaṃ uppannaṃ hoti, atha catunnaṃ indriyānaṃ saṇṭhiti hoti, atha catunnaṃ indriyānaṃ avaṭṭhiti hoti’’.
‘‘сзяяат̇ааби, бхигкавз, яаавагийван̃жа гуудааг̇аарасса гуудам̣ на уссид̇ам̣ ход̇и, нзва д̇аава г̇обаанасийнам̣ сан̣тид̇и ход̇и, нзва д̇аава г̇обаанасийнам̣ авадтид̇и ход̇и. яад̇о жа ко, бхигкавз, гуудааг̇аарасса гуудам̣ уссид̇ам̣ ход̇и, ат̇а г̇обаанасийнам̣ сан̣тид̇и ход̇и, ат̇а г̇обаанасийнам̣ авадтид̇и ход̇и. звамзва ко, бхигкавз, яаавагийван̃жа арияасаавагасса арияан̃аан̣ам̣ на уббаннам̣ ход̇и, нзва д̇аава жад̇уннам̣ инд̣̇рияаанам̣ сан̣тид̇и ход̇и, нзва д̇аава жад̇уннам̣ инд̣̇рияаанам̣ авадтид̇и ход̇и. яад̇о жа ко, бхигкавз, арияасаавагасса арияан̃аан̣ам̣ уббаннам̣ ход̇и, ат̇а жад̇уннам̣ инд̣̇рияаанам̣…бз… авадтид̇и ход̇и.
‘‘Seyyathāpi, bhikkhave, yāvakīvañca kūṭāgārassa kūṭaṃ na ussitaṃ hoti, neva tāva gopānasīnaṃ saṇṭhiti hoti, neva tāva gopānasīnaṃ avaṭṭhiti hoti. Yato ca kho, bhikkhave, kūṭāgārassa kūṭaṃ ussitaṃ hoti, atha gopānasīnaṃ saṇṭhiti hoti, atha gopānasīnaṃ avaṭṭhiti hoti. Evameva kho, bhikkhave, yāvakīvañca ariyasāvakassa ariyañāṇaṃ na uppannaṃ hoti, neva tāva catunnaṃ indriyānaṃ saṇṭhiti hoti, neva tāva catunnaṃ indriyānaṃ avaṭṭhiti hoti. Yato ca kho, bhikkhave, ariyasāvakassa ariyañāṇaṃ uppannaṃ hoti, atha catunnaṃ indriyānaṃ…pe… avaṭṭhiti hoti.
‘‘гад̇амзсам̣ жад̇уннам̣? сад̣̇д̇хинд̣̇рияасса , вийрияинд̣̇рияасса, сад̇инд̣̇рияасса, самаад̇хинд̣̇рияасса. бан̃н̃авад̇о, бхигкавз, арияасаавагасса д̇ад̣̇анваяаа сад̣̇д̇хаа сан̣таад̇и, д̇ад̣̇анваяам̣ вийрияам̣ сан̣таад̇и, д̇ад̣̇анваяаа сад̇и сан̣таад̇и, д̇ад̣̇анваяо самаад̇хи сан̣таад̇ий’’д̇и. д̣̇уд̇ияам̣.
‘‘Katamesaṃ catunnaṃ? Saddhindriyassa , vīriyindriyassa, satindriyassa, samādhindriyassa. Paññavato, bhikkhave, ariyasāvakassa tadanvayā saddhā saṇṭhāti, tadanvayaṃ vīriyaṃ saṇṭhāti, tadanvayā sati saṇṭhāti, tadanvayo samādhi saṇṭhātī’’ti. Dutiyaṃ.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 2. маллигасуд̇д̇аван̣н̣анаа • 2. Mallikasuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 2. маллигасуд̇д̇аван̣н̣анаа • 2. Mallikasuttavaṇṇanā
