| Library / Tipiṭaka / තිපිටක • Tipiṭaka / සංයුත්‌තනිකාය • Saṃyuttanikāya |
6. මල්‌ලිකාසුත්‌තං
6. Mallikāsuttaṃ
127. සාවත්‌ථිනිදානං . අථ ඛො රාජා පසෙනදි කොසලො යෙන භගවා තෙනුපසඞ්‌කමි; උපසඞ්‌කමිත්‌වා භගවන්‌තං අභිවාදෙත්‌වා එකමන්‌තං නිසීදි. අථ ඛො අඤ්‌ඤතරො පුරිසො යෙන රාජා පසෙනදි කොසලො තෙනුපසඞ්‌කමි; උපසඞ්‌කමිත්‌වා රඤ්‌ඤො පසෙනදිස්‌ස කොසලස්‌ස උපකණ්‌ණකෙ ආරොචෙසි – ‘‘මල්‌ලිකා, දෙව, දෙවී ධීතරං විජාතා’’ති. එවං වුත්‌තෙ, රාජා පසෙනදි කොසලො අනත්‌තමනො අහොසි.
127. Sāvatthinidānaṃ . Atha kho rājā pasenadi kosalo yena bhagavā tenupasaṅkami; upasaṅkamitvā bhagavantaṃ abhivādetvā ekamantaṃ nisīdi. Atha kho aññataro puriso yena rājā pasenadi kosalo tenupasaṅkami; upasaṅkamitvā rañño pasenadissa kosalassa upakaṇṇake ārocesi – ‘‘mallikā, deva, devī dhītaraṃ vijātā’’ti. Evaṃ vutte, rājā pasenadi kosalo anattamano ahosi.
අථ ඛො භගවා රාජානං පසෙනදිං කොසලං අනත්‌තමනතං විදිත්‌වා තායං වෙලායං ඉමා ගාථායො අභාසි –
Atha kho bhagavā rājānaṃ pasenadiṃ kosalaṃ anattamanataṃ viditvā tāyaṃ velāyaṃ imā gāthāyo abhāsi –
‘‘ඉත්‌ථීපි හි එකච්‌චියා, සෙය්‍යා පොස ජනාධිප;
‘‘Itthīpi hi ekacciyā, seyyā posa janādhipa;
මෙධාවිනී සීලවතී, සස්‌සුදෙවා පතිබ්‌බතා.
Medhāvinī sīlavatī, sassudevā patibbatā.
‘‘තස්‌සා යො ජායති පොසො, සූරො හොති දිසම්‌පති;
‘‘Tassā yo jāyati poso, sūro hoti disampati;
Footnotes:
Related texts:
අට්‌ඨකථා • Aṭṭhakathā / සුත්‌තපිටක (අට්‌ඨකථා) • Suttapiṭaka (aṭṭhakathā) / සංයුත්‌තනිකාය (අට්‌ඨකථා) • Saṃyuttanikāya (aṭṭhakathā) / 6. මල්‌ලිකාසුත්‌තවණ්‌ණනා • 6. Mallikāsuttavaṇṇanā
ටීකා • Tīkā / සුත්‌තපිටක (ටීකා) • Suttapiṭaka (ṭīkā) / සංයුත්‌තනිකාය (ටීකා) • Saṃyuttanikāya (ṭīkā) / 6. මල්‌ලිකාසුත්‌තවණ්‌ණනා • 6. Mallikāsuttavaṇṇanā
