| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ • Saṃyuttanikāya |
੨. ਮਲ੍ਲਿਕਸੁਤ੍ਤਂ
2. Mallikasuttaṃ
੫੨੨. ਏવਂ ਮੇ ਸੁਤਂ – ਏਕਂ ਸਮਯਂ ਭਗવਾ ਮਲ੍ਲੇਸੁ 1 વਿਹਰਤਿ ਉਰੁવੇਲਕਪ੍ਪਂ ਨਾਮ ਮਲ੍ਲਾਨਂ ਨਿਗਮੋ। ਤਤ੍ਰ ਖੋ ਭਗવਾ ਭਿਕ੍ਖੂ ਆਮਨ੍ਤੇਸਿ – ‘‘ਯਾવਕੀવਞ੍ਚ, ਭਿਕ੍ਖવੇ, ਅਰਿਯਸਾવਕਸ੍ਸ ਅਰਿਯਞਾਣਂ ਨ ਉਪ੍ਪਨ੍ਨਂ ਹੋਤਿ ਨੇવ ਤਾવ ਚਤੁਨ੍ਨਂ ਇਨ੍ਦ੍ਰਿਯਾਨਂ ਸਣ੍ਠਿਤਿ ਹੋਤਿ, ਨੇવ ਤਾવ ਚਤੁਨ੍ਨਂ ਇਨ੍ਦ੍ਰਿਯਾਨਂ ਅવਟ੍ਠਿਤਿ ਹੋਤਿ। ਯਤੋ ਚ ਖੋ, ਭਿਕ੍ਖવੇ, ਅਰਿਯਸਾવਕਸ੍ਸ ਅਰਿਯਞਾਣਂ ਉਪ੍ਪਨ੍ਨਂ ਹੋਤਿ, ਅਥ ਚਤੁਨ੍ਨਂ ਇਨ੍ਦ੍ਰਿਯਾਨਂ ਸਣ੍ਠਿਤਿ ਹੋਤਿ, ਅਥ ਚਤੁਨ੍ਨਂ ਇਨ੍ਦ੍ਰਿਯਾਨਂ ਅવਟ੍ਠਿਤਿ ਹੋਤਿ’’।
522. Evaṃ me sutaṃ – ekaṃ samayaṃ bhagavā mallesu 2 viharati uruvelakappaṃ nāma mallānaṃ nigamo. Tatra kho bhagavā bhikkhū āmantesi – ‘‘yāvakīvañca, bhikkhave, ariyasāvakassa ariyañāṇaṃ na uppannaṃ hoti neva tāva catunnaṃ indriyānaṃ saṇṭhiti hoti, neva tāva catunnaṃ indriyānaṃ avaṭṭhiti hoti. Yato ca kho, bhikkhave, ariyasāvakassa ariyañāṇaṃ uppannaṃ hoti, atha catunnaṃ indriyānaṃ saṇṭhiti hoti, atha catunnaṃ indriyānaṃ avaṭṭhiti hoti’’.
‘‘ਸੇਯ੍ਯਥਾਪਿ, ਭਿਕ੍ਖવੇ, ਯਾવਕੀવਞ੍ਚ ਕੂਟਾਗਾਰਸ੍ਸ ਕੂਟਂ ਨ ਉਸ੍ਸਿਤਂ ਹੋਤਿ, ਨੇવ ਤਾવ ਗੋਪਾਨਸੀਨਂ ਸਣ੍ਠਿਤਿ ਹੋਤਿ, ਨੇવ ਤਾવ ਗੋਪਾਨਸੀਨਂ ਅવਟ੍ਠਿਤਿ ਹੋਤਿ। ਯਤੋ ਚ ਖੋ, ਭਿਕ੍ਖવੇ, ਕੂਟਾਗਾਰਸ੍ਸ ਕੂਟਂ ਉਸ੍ਸਿਤਂ ਹੋਤਿ, ਅਥ ਗੋਪਾਨਸੀਨਂ ਸਣ੍ਠਿਤਿ ਹੋਤਿ, ਅਥ ਗੋਪਾਨਸੀਨਂ ਅવਟ੍ਠਿਤਿ ਹੋਤਿ। ਏવਮੇવ ਖੋ, ਭਿਕ੍ਖવੇ, ਯਾવਕੀવਞ੍ਚ ਅਰਿਯਸਾવਕਸ੍ਸ ਅਰਿਯਞਾਣਂ ਨ ਉਪ੍ਪਨ੍ਨਂ ਹੋਤਿ, ਨੇવ ਤਾવ ਚਤੁਨ੍ਨਂ ਇਨ੍ਦ੍ਰਿਯਾਨਂ ਸਣ੍ਠਿਤਿ ਹੋਤਿ, ਨੇવ ਤਾવ ਚਤੁਨ੍ਨਂ ਇਨ੍ਦ੍ਰਿਯਾਨਂ ਅવਟ੍ਠਿਤਿ ਹੋਤਿ। ਯਤੋ ਚ ਖੋ, ਭਿਕ੍ਖવੇ, ਅਰਿਯਸਾવਕਸ੍ਸ ਅਰਿਯਞਾਣਂ ਉਪ੍ਪਨ੍ਨਂ ਹੋਤਿ, ਅਥ ਚਤੁਨ੍ਨਂ ਇਨ੍ਦ੍ਰਿਯਾਨਂ…ਪੇ॰… ਅવਟ੍ਠਿਤਿ ਹੋਤਿ।
‘‘Seyyathāpi, bhikkhave, yāvakīvañca kūṭāgārassa kūṭaṃ na ussitaṃ hoti, neva tāva gopānasīnaṃ saṇṭhiti hoti, neva tāva gopānasīnaṃ avaṭṭhiti hoti. Yato ca kho, bhikkhave, kūṭāgārassa kūṭaṃ ussitaṃ hoti, atha gopānasīnaṃ saṇṭhiti hoti, atha gopānasīnaṃ avaṭṭhiti hoti. Evameva kho, bhikkhave, yāvakīvañca ariyasāvakassa ariyañāṇaṃ na uppannaṃ hoti, neva tāva catunnaṃ indriyānaṃ saṇṭhiti hoti, neva tāva catunnaṃ indriyānaṃ avaṭṭhiti hoti. Yato ca kho, bhikkhave, ariyasāvakassa ariyañāṇaṃ uppannaṃ hoti, atha catunnaṃ indriyānaṃ…pe… avaṭṭhiti hoti.
‘‘ਕਤਮੇਸਂ ਚਤੁਨ੍ਨਂ? ਸਦ੍ਧਿਨ੍ਦ੍ਰਿਯਸ੍ਸ , વੀਰਿਯਿਨ੍ਦ੍ਰਿਯਸ੍ਸ, ਸਤਿਨ੍ਦ੍ਰਿਯਸ੍ਸ, ਸਮਾਧਿਨ੍ਦ੍ਰਿਯਸ੍ਸ। ਪਞ੍ਞવਤੋ, ਭਿਕ੍ਖવੇ, ਅਰਿਯਸਾવਕਸ੍ਸ ਤਦਨ੍વਯਾ ਸਦ੍ਧਾ ਸਣ੍ਠਾਤਿ, ਤਦਨ੍વਯਂ વੀਰਿਯਂ ਸਣ੍ਠਾਤਿ, ਤਦਨ੍વਯਾ ਸਤਿ ਸਣ੍ਠਾਤਿ, ਤਦਨ੍વਯੋ ਸਮਾਧਿ ਸਣ੍ਠਾਤੀ’’ਤਿ। ਦੁਤਿਯਂ।
‘‘Katamesaṃ catunnaṃ? Saddhindriyassa , vīriyindriyassa, satindriyassa, samādhindriyassa. Paññavato, bhikkhave, ariyasāvakassa tadanvayā saddhā saṇṭhāti, tadanvayaṃ vīriyaṃ saṇṭhāti, tadanvayā sati saṇṭhāti, tadanvayo samādhi saṇṭhātī’’ti. Dutiyaṃ.
Footnotes:
Related texts:
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) / ੨. ਮਲ੍ਲਿਕਸੁਤ੍ਤવਣ੍ਣਨਾ • 2. Mallikasuttavaṇṇanā
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) / ੨. ਮਲ੍ਲਿਕਸੁਤ੍ਤવਣ੍ਣਨਾ • 2. Mallikasuttavaṇṇanā
