| Library / Tipiṭaka / д̇ибидага • Tipiṭaka / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) |
8. маллигаасуд̇д̇аван̣н̣анаа
8. Mallikāsuttavaṇṇanā
119. адтамз ад̇т̇и ну ко д̇з маллигзд̇и гасмаа бужчад̇и? аяам̣ гира маллигаа д̣̇уг̇г̇ад̇амаалаагаарасса д̇хийд̇аа, згад̣̇ивасам̣ аабан̣ад̇о буувам̣ г̇ахзд̇ваа ‘‘маалаараамам̣ г̇анд̇ваава каад̣̇иссаамий’’д̇и г̇ажчанд̇ий бадибат̇з бхигкусан̇гхабариваарам̣ бхаг̇аванд̇ам̣ бхигкаажаарам̣ бависанд̇ам̣ д̣̇исваа басаннажид̇д̇аа д̇ам̣ бхаг̇авад̇о ад̣̇ааси. сад̇т̇аа нисийд̣̇анаагаарам̣ д̣̇ассзси. аананд̣̇ад̇т̇зро жийварам̣ бан̃н̃аабзд̇ваа ад̣̇ааси. бхаг̇аваа д̇ад̇т̇а нисийд̣̇ид̇ваа д̇ам̣ буувам̣ барибхун̃ж̇ид̇ваа мукам̣ вигкаалзд̇ваа сид̇ам̣ баад̇ваагааси. т̇зро ‘‘имиссаа, бханд̇з, го вибааго бхависсад̇ий’’д̇и бужчи. аананд̣̇а, аж̇ж̇зсаа д̇ат̇ааг̇ад̇асса батамабхож̇анам̣ ад̣̇ааси, аж̇ж̇зва госаларан̃н̃о аг̇г̇амахзсий бхависсад̇ийд̇и. д̇ам̣д̣̇ивасамзва жа рааж̇аа гаасиг̇аамз бхааг̇инзяязна яуд̣̇д̇хзна барааж̇ид̇о балааяид̇ваа наг̇арам̣ ааг̇ажчанд̇о маалаараамам̣ бависид̇ваа б̣алагааяасса ааг̇аманам̣ ааг̇амзси. д̇асса саа вад̇д̇ам̣ агааси. со д̇ааяа вад̇д̇з басийд̣̇ид̇ваа д̇ам̣ анд̇збуурам̣ ад̇ихаараабзд̇ваа д̇ам̣ аг̇г̇амахзсидтаанз табзси.
119. Aṭṭhame atthi nu kho te malliketi kasmā pucchati? Ayaṃ kira mallikā duggatamālākārassa dhītā, ekadivasaṃ āpaṇato pūvaṃ gahetvā ‘‘mālārāmaṃ gantvāva khādissāmī’’ti gacchantī paṭipathe bhikkhusaṅghaparivāraṃ bhagavantaṃ bhikkhācāraṃ pavisantaṃ disvā pasannacittā taṃ bhagavato adāsi. Satthā nisīdanākāraṃ dassesi. Ānandatthero cīvaraṃ paññāpetvā adāsi. Bhagavā tattha nisīditvā taṃ pūvaṃ paribhuñjitvā mukhaṃ vikkhāletvā sitaṃ pātvākāsi. Thero ‘‘imissā, bhante, ko vipāko bhavissatī’’ti pucchi. Ānanda, ajjesā tathāgatassa paṭhamabhojanaṃ adāsi, ajjeva kosalarañño aggamahesī bhavissatīti. Taṃdivasameva ca rājā kāsigāme bhāgineyyena yuddhena parājito palāyitvā nagaraṃ āgacchanto mālārāmaṃ pavisitvā balakāyassa āgamanaṃ āgamesi. Tassa sā vattaṃ akāsi. So tāya vatte pasīditvā taṃ antepūraṃ atihārāpetvā taṃ aggamahesiṭṭhāne ṭhapesi.
ат̇згад̣̇ивасам̣ жинд̇зси – ‘‘маяаа имиссаа д̣̇уг̇г̇ад̇агуласса д̇хийд̇уяаа маханд̇ам̣ иссарияам̣ д̣̇иннам̣, яам̣нуунаахам̣ имам̣ бужчзяяам̣ ‘го д̇з бияо’д̇и? саа ‘д̇вам̣ мз, махаарааж̇а, бияо’д̇и вад̇ваа буна мам̣ бужчиссад̇и. ат̇ассаахам̣ ‘маяхамби д̇вам̣язва бияаа’д̇и вагкаамий’’д̇и. ид̇и со ан̃н̃аман̃н̃ам̣ виссаасаж̇ананад̇т̇ам̣ саммод̣̇анийяам̣ гат̇ам̣ гат̇знд̇о бужчад̇и. саа бана д̣̇звий бан̣д̣ид̇аа б̣уд̣̇д̇хубадтааяигаа д̇хаммубадтааяигаа сан̇гхубадтааяигаа махаабан̃н̃аа , д̇асмаа звам̣ жинд̇зси – ‘‘нааяам̣ бан̃хо ран̃н̃о мукам̣ ологзд̇ваа гат̇зд̇аб̣б̣о’’д̇и. саа сарасзнзва гат̇зд̇ваа рааж̇аанам̣ бужчи. рааж̇аа д̇ааяа сарасзна гат̇ид̇ад̇д̇аа нивад̇д̇ид̇ум̣ алабханд̇о саяамби сарасзнзва гат̇зд̇ваа ‘‘сагааран̣ам̣ ид̣̇ам̣, д̇ат̇ааг̇ад̇асса нам̣ аарожзссаамий’’д̇и г̇анд̇ваа бхаг̇авад̇о аарожзси. нзваж̇жхаг̇аад̇и наад̇хиг̇ажчад̇и. звам̣ бияо бут̇у ад̇д̇аа барзсанд̇и яат̇аа згасса ад̇д̇аа бияо, звам̣ барзсам̣ бут̇усад̇д̇аанамби ад̇д̇аа бияод̇и ад̇т̇о. адтамам̣.
Athekadivasaṃ cintesi – ‘‘mayā imissā duggatakulassa dhītuyā mahantaṃ issariyaṃ dinnaṃ, yaṃnūnāhaṃ imaṃ puccheyyaṃ ‘ko te piyo’ti? Sā ‘tvaṃ me, mahārāja, piyo’ti vatvā puna maṃ pucchissati. Athassāhaṃ ‘mayhampi tvaṃyeva piyā’ti vakkhāmī’’ti. Iti so aññamaññaṃ vissāsajananatthaṃ sammodanīyaṃ kathaṃ kathento pucchati. Sā pana devī paṇḍitā buddhupaṭṭhāyikā dhammupaṭṭhāyikā saṅghupaṭṭhāyikā mahāpaññā , tasmā evaṃ cintesi – ‘‘nāyaṃ pañho rañño mukhaṃ oloketvā kathetabbo’’ti. Sā saraseneva kathetvā rājānaṃ pucchi. Rājā tāya sarasena kathitattā nivattituṃ alabhanto sayampi saraseneva kathetvā ‘‘sakāraṇaṃ idaṃ, tathāgatassa naṃ ārocessāmī’’ti gantvā bhagavato ārocesi. Nevajjhagāti nādhigacchati. Evaṃ piyo puthu attā paresanti yathā ekassa attā piyo, evaṃ paresaṃ puthusattānampi attā piyoti attho. Aṭṭhamaṃ.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 8. маллигаасуд̇д̇ам̣ • 8. Mallikāsuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 8. маллигаасуд̇д̇аван̣н̣анаа • 8. Mallikāsuttavaṇṇanā
