| Library / Tipiṭaka / д̇ибидага • Tipiṭaka / сам̣яуд̇д̇анигааяа (дийгаа) • Saṃyuttanikāya (ṭīkā) |
8. маллигаасуд̇д̇аван̣н̣анаа
8. Mallikāsuttavaṇṇanā
119. ‘‘гасмаа бужчад̇ий’’д̇и? бужчаагааран̣ам̣ жод̣̇зд̇ваа самуд̣̇аяад̇о бадтааяа д̣̇ассзд̇ум̣ ‘‘аяам̣ гира маллигаа’’д̇иаад̣̇и вуд̇д̇ам̣. маалаараамам̣ г̇анд̇ваад̇и ад̇д̇ано бид̇у маалаараамам̣ рагкан̣ад̇т̇ан̃жзва авасзсабубпаг̇г̇ахан̣ад̇т̇ан̃жа г̇анд̇ваа. гаасиг̇аамзд̇и гаасирадтасса г̇аамз. со гира г̇аамо махаагосаларааж̇зна ад̇д̇ано д̇хийд̇уяаа бад̇игхарам̣ г̇ажчанд̇ияаа бубпамуулад̇т̇ааяа д̣̇инно, д̇ам̣нимид̇д̇ам̣. бхааг̇инзяязна аж̇аад̇асад̇д̇унаа. д̇ассаад̇и ран̃н̃о басзнад̣̇исса. саад̇и маллигаа. нивад̇д̇ид̇унд̇и д̇ассаа д̇хаммад̇ааяа нивад̇д̇ид̇ум̣ д̇ассаа важанам̣ бадигкибид̇ум̣. нзваж̇жхаг̇аад̇и вад̇д̇амаанад̇т̇з ад̇ийд̇аважананд̇и ааха ‘‘наад̇хиг̇ажчад̇ий’’д̇и. бут̇у ад̇д̇аад̇и д̇зсам̣ сад̇д̇аанам̣ ад̇д̇аа.
119.‘‘Kasmā pucchatī’’ti? Pucchākāraṇaṃ codetvā samudayato paṭṭhāya dassetuṃ ‘‘ayaṃ kira mallikā’’tiādi vuttaṃ. Mālārāmaṃ gantvāti attano pitu mālārāmaṃ rakkhaṇatthañceva avasesapupphaggahaṇatthañca gantvā. Kāsigāmeti kāsiraṭṭhassa gāme. So kira gāmo mahākosalarājena attano dhītuyā patigharaṃ gacchantiyā pupphamūlatthāya dinno, taṃnimittaṃ. Bhāgineyyena ajātasattunā. Tassāti rañño pasenadissa. Sāti mallikā. Nivattitunti tassā dhammatāya nivattituṃ tassā vacanaṃ paṭikkhipituṃ. Nevajjhagāti vattamānatthe atītavacananti āha ‘‘nādhigacchatī’’ti. Puthu attāti tesaṃ sattānaṃ attā.
маллигаасуд̇д̇аван̣н̣анаа нидтид̇аа.
Mallikāsuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 8. маллигаасуд̇д̇ам̣ • 8. Mallikāsuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 8. маллигаасуд̇д̇аван̣н̣анаа • 8. Mallikāsuttavaṇṇanā
