| Library / Tipiṭaka / ติปิฎก • Tipiṭaka / สํยุตฺตนิกาย (ฎีกา) • Saṃyuttanikāya (ṭīkā) |
๘. มลฺลิกาสุตฺตวณฺณนา
8. Mallikāsuttavaṇṇanā
๑๑๙. ‘‘กสฺมา ปุจฺฉตี’’ติ? ปุจฺฉาการณํ โจเทตฺวา สมุทยโต ปฎฺฐาย ทเสฺสตุํ ‘‘อยํ กิร มลฺลิกา’’ติอาทิ วุตฺตํฯ มาลารามํ คนฺตฺวาติ อตฺตโน ปิตุ มาลารามํ รกฺขณตฺถเญฺจว อวเสสปุปฺผคฺคหณตฺถญฺจ คนฺตฺวาฯ กาสิคาเมติ กาสิรฎฺฐสฺส คาเมฯ โส กิร คาโม มหาโกสลราเชน อตฺตโน ธีตุยา ปติฆรํ คจฺฉนฺติยา ปุปฺผมูลตฺถาย ทิโนฺน, ตํนิมิตฺตํฯ ภาคิเนเยฺยน อชาตสตฺตุนาฯ ตสฺสาติ รโญฺญ ปเสนทิสฺสฯ สาติ มลฺลิกาฯ นิวตฺติตุนฺติ ตสฺสา ธมฺมตาย นิวตฺติตุํ ตสฺสา วจนํ ปฎิกฺขิปิตุํฯ เนวชฺฌคาติ วตฺตมานเตฺถ อตีตวจนนฺติ อาห ‘‘นาธิคจฺฉตี’’ติฯ ปุถุ อตฺตาติ เตสํ สตฺตานํ อตฺตาฯ
119.‘‘Kasmā pucchatī’’ti? Pucchākāraṇaṃ codetvā samudayato paṭṭhāya dassetuṃ ‘‘ayaṃ kira mallikā’’tiādi vuttaṃ. Mālārāmaṃ gantvāti attano pitu mālārāmaṃ rakkhaṇatthañceva avasesapupphaggahaṇatthañca gantvā. Kāsigāmeti kāsiraṭṭhassa gāme. So kira gāmo mahākosalarājena attano dhītuyā patigharaṃ gacchantiyā pupphamūlatthāya dinno, taṃnimittaṃ. Bhāgineyyena ajātasattunā. Tassāti rañño pasenadissa. Sāti mallikā. Nivattitunti tassā dhammatāya nivattituṃ tassā vacanaṃ paṭikkhipituṃ. Nevajjhagāti vattamānatthe atītavacananti āha ‘‘nādhigacchatī’’ti. Puthu attāti tesaṃ sattānaṃ attā.
มลฺลิกาสุตฺตวณฺณนา นิฎฺฐิตาฯ
Mallikāsuttavaṇṇanā niṭṭhitā.
Related texts:
ติปิฎก (มูล) • Tipiṭaka (Mūla) / สุตฺตปิฎก • Suttapiṭaka / สํยุตฺตนิกาย • Saṃyuttanikāya / ๘. มลฺลิกาสุตฺตํ • 8. Mallikāsuttaṃ
อฎฺฐกถา • Aṭṭhakathā / สุตฺตปิฎก (อฎฺฐกถา) • Suttapiṭaka (aṭṭhakathā) / สํยุตฺตนิกาย (อฎฺฐกถา) • Saṃyuttanikāya (aṭṭhakathā) / ๘. มลฺลิกาสุตฺตวณฺณนา • 8. Mallikāsuttavaṇṇanā
