| Library / Tipiṭaka / ཏིཔིཊཀ • Tipiṭaka / སཾཡུཏྟནིཀཱཡ (ཨཊྛཀཐཱ) • Saṃyuttanikāya (aṭṭhakathā) |
༦. མལླིཀཱསུཏྟཝཎྞནཱ
6. Mallikāsuttavaṇṇanā
༡༢༧. ཚཊྛེ ཨུཔསངྐམཱིཏི མལླིཀཱཡ དེཝིཡཱ གབྦྷཝུཊྛཱནཀཱལེ སཱུཏིགྷརཾ པཊིཛགྒཱཔེཏྭཱ ཨཱརཀྑཾ དཏྭཱ ཨུཔསངྐམི། ཨནཏྟམནོ ཨཧོསཱིཏི, ‘‘དུགྒཏཀུལསྶ མེ དྷཱིཏུ མཧནྟཾ ཨིསྶརིཡཾ དིནྣཾ, སཙེ པུཏྟཾ ཨལབྷིསྶ, མཧནྟཾ སཀྐཱརཾ ཨདྷིགམིསྶ, ཏཏོ དཱནི པརིཧཱིནཱ’’ཏི ཨནཏྟམནོ ཨཧོསི། སེཡྻཱཏི དནྡྷཔཉྙསྨཱ ཨེལམཱུགཔུཏྟཏོ ཨེཀཙྩཱ ཨིཏྠཱིཡེཝ སེཡྻཱ། པོསཱཏི པོསེཧི། ཛནཱདྷིཔཱཏི ཛནཱདྷིབྷུཾ རཱཛཱནཾ ཨཱལཔཏི། སསྶུདེཝཱཏི སསྶུསསུརདེཝཏཱ། དིསམྤཏཱིཏི དིསཱཛེཊྛཀཱ། ཏཱདིསཱ སུབྷགིཡཱཏི ཏཱདིསཱཡ སུབྷརིཡཱཡ། ཚཊྛཾ།
127. Chaṭṭhe upasaṅkamīti mallikāya deviyā gabbhavuṭṭhānakāle sūtigharaṃ paṭijaggāpetvā ārakkhaṃ datvā upasaṅkami. Anattamano ahosīti, ‘‘duggatakulassa me dhītu mahantaṃ issariyaṃ dinnaṃ, sace puttaṃ alabhissa, mahantaṃ sakkāraṃ adhigamissa, tato dāni parihīnā’’ti anattamano ahosi. Seyyāti dandhapaññasmā elamūgaputtato ekaccā itthīyeva seyyā. Posāti posehi. Janādhipāti janādhibhuṃ rājānaṃ ālapati. Sassudevāti sassusasuradevatā. Disampatīti disājeṭṭhakā. Tādisā subhagiyāti tādisāya subhariyāya. Chaṭṭhaṃ.
Related texts:
ཏིཔིཊཀ (མཱུལ) • Tipiṭaka (Mūla) / སུཏྟཔིཊཀ • Suttapiṭaka / སཾཡུཏྟནིཀཱཡ • Saṃyuttanikāya / ༦. མལླིཀཱསུཏྟཾ • 6. Mallikāsuttaṃ
ཊཱིཀཱ • Tīkā / སུཏྟཔིཊཀ (ཊཱིཀཱ) • Suttapiṭaka (ṭīkā) / སཾཡུཏྟནིཀཱཡ (ཊཱིཀཱ) • Saṃyuttanikāya (ṭīkā) / ༦. མལླིཀཱསུཏྟཝཎྞནཱ • 6. Mallikāsuttavaṇṇanā
