| Library / Tipiṭaka / തിപിടക • Tipiṭaka / സംയുത്തനികായ (അട്ഠകഥാ) • Saṃyuttanikāya (aṭṭhakathā) |
൬. മല്ലികാസുത്തവണ്ണനാ
6. Mallikāsuttavaṇṇanā
൧൨൭. ഛട്ഠേ ഉപസങ്കമീതി മല്ലികായ ദേവിയാ ഗബ്ഭവുട്ഠാനകാലേ സൂതിഘരം പടിജഗ്ഗാപേത്വാ ആരക്ഖം ദത്വാ ഉപസങ്കമി. അനത്തമനോ അഹോസീതി, ‘‘ദുഗ്ഗതകുലസ്സ മേ ധീതു മഹന്തം ഇസ്സരിയം ദിന്നം, സചേ പുത്തം അലഭിസ്സ, മഹന്തം സക്കാരം അധിഗമിസ്സ, തതോ ദാനി പരിഹീനാ’’തി അനത്തമനോ അഹോസി. സേയ്യാതി ദന്ധപഞ്ഞസ്മാ ഏലമൂഗപുത്തതോ ഏകച്ചാ ഇത്ഥീയേവ സേയ്യാ. പോസാതി പോസേഹി. ജനാധിപാതി ജനാധിഭും രാജാനം ആലപതി. സസ്സുദേവാതി സസ്സുസസുരദേവതാ. ദിസമ്പതീതി ദിസാജേട്ഠകാ. താദിസാ സുഭഗിയാതി താദിസായ സുഭരിയായ. ഛട്ഠം.
127. Chaṭṭhe upasaṅkamīti mallikāya deviyā gabbhavuṭṭhānakāle sūtigharaṃ paṭijaggāpetvā ārakkhaṃ datvā upasaṅkami. Anattamano ahosīti, ‘‘duggatakulassa me dhītu mahantaṃ issariyaṃ dinnaṃ, sace puttaṃ alabhissa, mahantaṃ sakkāraṃ adhigamissa, tato dāni parihīnā’’ti anattamano ahosi. Seyyāti dandhapaññasmā elamūgaputtato ekaccā itthīyeva seyyā. Posāti posehi. Janādhipāti janādhibhuṃ rājānaṃ ālapati. Sassudevāti sassusasuradevatā. Disampatīti disājeṭṭhakā. Tādisā subhagiyāti tādisāya subhariyāya. Chaṭṭhaṃ.
Related texts:
തിപിടക (മൂല) • Tipiṭaka (Mūla) / സുത്തപിടക • Suttapiṭaka / സംയുത്തനികായ • Saṃyuttanikāya / ൬. മല്ലികാസുത്തം • 6. Mallikāsuttaṃ
ടീകാ • Tīkā / സുത്തപിടക (ടീകാ) • Suttapiṭaka (ṭīkā) / സംയുത്തനികായ (ടീകാ) • Saṃyuttanikāya (ṭīkā) / ൬. മല്ലികാസുത്തവണ്ണനാ • 6. Mallikāsuttavaṇṇanā
