| Library / Tipiṭaka / д̇ибидага • Tipiṭaka / вимаанавад̇т̇у-адтагат̇аа • Vimānavatthu-aṭṭhakathā |
8. маллигаавимаанаван̣н̣анаа
8. Mallikāvimānavaṇṇanā
бийд̇авад̇т̇з бийд̇ад̇хаж̇зд̇и маллигаавимаанам̣. д̇асса гаа уббад̇д̇и? д̇хаммажаггаббавад̇д̇анамаад̣̇им̣ гад̇ваа яаава субхад̣̇д̣̇абариб̣б̣ааж̇агавинаяанаа гад̇аб̣уд̣̇д̇хагижжз гусинаарааяам̣ убавад̇д̇анз малларааж̇уунам̣ саалаванз яамагасаалаанаманд̇арз висаакабун̣н̣амааяам̣ бажжуусавзлааяам̣ анубаад̣̇исзсааяа ниб̣б̣аанад̇хаад̇уяаа бариниб̣б̣уд̇з бхаг̇авад̇и логанаат̇з д̣̇звамануссзхи д̇асса сарийрабууж̇ааяа гаяирамаанааяа д̇ад̣̇аа гусинаарааяам̣ васамаанаа б̣анд̇хуламалласса бхарияаа малларааж̇абуд̇д̇ий маллигаа наама убаасигаа сад̣̇д̇хаа басаннаа висаакааяа махааубаасигааяа басаад̇ханасад̣̇исам̣ ад̇д̇ано махаалад̇аабасаад̇ханам̣ г̇анд̇ход̣̇агзна д̇ховид̇ваа д̣̇угуулажумб̣адагзна маж̇ж̇ид̇ваа ан̃н̃ан̃жа б̣ахум̣ г̇анд̇хамаалаад̣̇им̣ г̇ахзд̇ваа бхаг̇авад̇о сарийрам̣ бууж̇зси. аяамзд̇т̇а сан̇кзбо, вид̇т̇аарад̇о бана маллигаавад̇т̇у д̇хаммабад̣̇аван̣н̣анааяам̣ ааг̇ад̇амзва.
Pītavatthepītadhajeti mallikāvimānaṃ. Tassa kā uppatti? Dhammacakkappavattanamādiṃ katvā yāva subhaddaparibbājakavinayanā katabuddhakicce kusinārāyaṃ upavattane mallarājūnaṃ sālavane yamakasālānamantare visākhapuṇṇamāyaṃ paccūsavelāyaṃ anupādisesāya nibbānadhātuyā parinibbute bhagavati lokanāthe devamanussehi tassa sarīrapūjāya kayiramānāya tadā kusinārāyaṃ vasamānā bandhulamallassa bhariyā mallarājaputtī mallikā nāma upāsikā saddhā pasannā visākhāya mahāupāsikāya pasādhanasadisaṃ attano mahālatāpasādhanaṃ gandhodakena dhovitvā dukūlacumbaṭakena majjitvā aññañca bahuṃ gandhamālādiṃ gahetvā bhagavato sarīraṃ pūjesi. Ayamettha saṅkhepo, vitthārato pana mallikāvatthu dhammapadavaṇṇanāyaṃ āgatameva.
саа абарабхааг̇з гаалам̣ гад̇ваа д̇аавад̇им̣сзсу ниб̣б̣ад̇д̇и, д̇зна бууж̇аанубхаавзна ассаа ан̃н̃зхи асаад̇хааран̣аа ул̣аараа д̣̇иб̣б̣асамбад̇д̇и ахоси. вад̇т̇аалан̇гааравимаанаани сад̇д̇арад̇анасамуж̇ж̇алаани висзсад̇о син̇г̇ийсуван̣н̣обхаасаани ад̇ивияа бабхассараани саб̣б̣аа д̣̇исаа аасин̃жамаанаава суван̣н̣арасад̇хаараабин̃ж̇араа гаронд̇и. ат̇ааяасмаа наарад̣̇о д̣̇зважааригам̣ жаранд̇о д̇ам̣ д̣̇исваа убаг̇ан̃чи. саа д̇ам̣ д̣̇исваа ванд̣̇ид̇ваа ан̃ж̇алим̣ баг̇г̇аяха адтааси. со д̇ам̣ –
Sā aparabhāge kālaṃ katvā tāvatiṃsesu nibbatti, tena pūjānubhāvena assā aññehi asādhāraṇā uḷārā dibbasampatti ahosi. Vatthālaṅkāravimānāni sattaratanasamujjalāni visesato siṅgīsuvaṇṇobhāsāni ativiya pabhassarāni sabbā disā āsiñcamānāva suvaṇṇarasadhārāpiñjarā karonti. Athāyasmā nārado devacārikaṃ caranto taṃ disvā upagañchi. Sā taṃ disvā vanditvā añjaliṃ paggayha aṭṭhāsi. So taṃ –
658.
658.
‘‘бийд̇авад̇т̇з бийд̇ад̇хаж̇з, бийд̇аалан̇гаарабхуусид̇з;
‘‘Pītavatthe pītadhaje, pītālaṅkārabhūsite;
бийд̇анд̇араахи ваг̇г̇уухи, абил̣анд̇хаава собхаси.
Pītantarāhi vaggūhi, apiḷandhāva sobhasi.
659.
659.
‘‘гаа гамб̣угааяуурад̇харз, ган̃жанаавзл̣абхуусид̇з;
‘‘Kā kambukāyūradhare, kañcanāveḷabhūsite;
хзмаж̇аалагасан̃чаннз, наанаарад̇анамаалиний.
Hemajālakasañchanne, nānāratanamālinī.
660.
660.
‘‘сован̣н̣амаяаа лохид̇ан̇г̇амаяаа жа, муд̇д̇аамаяаа взл̣урияамаяаа жа;
‘‘Sovaṇṇamayā lohitaṅgamayā ca, muttāmayā veḷuriyamayā ca;
масаараг̇аллаа сахалохид̇ан̇г̇аа, баарзвад̇агкийхи ман̣ийхи жид̇д̇ад̇аа.
Masāragallā sahalohitaṅgā, pārevatakkhīhi maṇīhi cittatā.
661.
661.
‘‘гожи гожи зд̇т̇а маяуурасуссаро, хам̣сассаран̃н̃о гаравийгасуссаро;
‘‘Koci koci ettha mayūrasussaro, haṃsassarañño karavīkasussaro;
д̇зсам̣ саро суяяад̇и ваг̇г̇уруубо, бан̃жан̇г̇игам̣ д̇уурияамиваббаваад̣̇ид̇ам̣.
Tesaṃ saro suyyati vaggurūpo, pañcaṅgikaṃ tūriyamivappavāditaṃ.
662.
662.
‘‘рат̇о жа д̇з субхо ваг̇г̇у, наанаарад̇анажид̇д̇ид̇о;
‘‘Ratho ca te subho vaggu, nānāratanacittito;
наанааван̣н̣аахи д̇хаад̇уухи, сувибхад̇д̇ова собхад̇и.
Nānāvaṇṇāhi dhātūhi, suvibhattova sobhati.
663.
663.
‘‘д̇асмим̣ рат̇з ган̃жанаб̣имб̣аван̣н̣з, яаа д̇вам̣ тид̇аа бхаасасимам̣ бад̣̇зсам̣;
‘‘Tasmiṃ rathe kañcanabimbavaṇṇe, yā tvaṃ ṭhitā bhāsasimaṃ padesaṃ;
д̣̇звад̇з бужчид̇аажигка, гисса гаммассид̣̇ам̣ пала’’нд̇и. – бужчи;
Devate pucchitācikkha, kissa kammassidaṃ phala’’nti. – pucchi;
658. д̇ад̇т̇а бийд̇авад̇т̇зд̇и барисуд̣̇д̇хажаамийгарабабхассарад̇ааяа бийд̇обхаасаниваасанз. бийд̇ад̇хаж̇зд̇и вимаанад̣̇ваарз рат̇з жа самуссид̇ахзмамаяавибулагзд̇убхаавад̇о бийд̇обхаасад̇хаж̇з. бийд̇аалан̇гаарабхуусид̇зд̇и бийд̇обхаасзхи аабхаран̣зхи алан̇гад̇з. сад̇иби алан̇гаараанам̣ наанаавид̇харам̣сиж̇ааласамуж̇ж̇алавивид̇харад̇анавижид̇д̇абхаавз д̇аад̣̇исасужарид̇ависзсаниб̣б̣ад̇д̇ад̇ааяа бана субарисуд̣̇д̇хажаамийгарамарийжиж̇аалавиж̇ж̇од̇ид̇ад̇д̇аа висзсад̇о бийд̇анибхаасаани д̇ассаа аабхаран̣аани ахзсум̣. бийд̇анд̇араахийд̇и бийд̇аван̣н̣зхи уд̇д̇ариязхи. ‘‘санд̇аруд̇д̇арабарамам̣ д̇зна бхигкунаа д̇ад̇о жийварам̣ саад̣̇ид̇аб̣б̣а’’нд̇иаад̣̇ийсу (баараа. 523-524) ниваасанз анд̇арасад̣̇д̣̇о ааг̇ад̇о, ид̇ха бана ‘‘анд̇арасаадагаа’’д̇иаад̣̇ийсу вияа уд̇д̇арияз д̣̇адтаб̣б̣о. анд̇араа уд̇д̇арияам̣ уд̇д̇араасан̇г̇о убасам̣б̣яаананд̇и барияааяасад̣̇д̣̇аа зд̇з. ваг̇г̇уухийд̇и собханзхи сан̣хамадтзхи. абил̣анд̇хаава собхасийд̇и д̇вам̣ имзхи алан̇гаарзхи аналан̇гад̇ааби ад̇д̇ано руубасамбад̇д̇ияаава собхаси. д̇з бана алан̇гаараа д̇ава сарийрам̣ бад̇ваа собханд̇и, д̇асмаа аналан̇гад̇ааби д̇вам̣ алан̇гад̇асад̣̇исийд̇и ад̇хиббааяо.
658. Tattha pītavattheti parisuddhacāmīkarapabhassaratāya pītobhāsanivāsane. Pītadhajeti vimānadvāre rathe ca samussitahemamayavipulaketubhāvato pītobhāsadhaje. Pītālaṅkārabhūsiteti pītobhāsehi ābharaṇehi alaṅkate. Satipi alaṅkārānaṃ nānāvidharaṃsijālasamujjalavividharatanavicittabhāve tādisasucaritavisesanibbattatāya pana suparisuddhacāmīkaramarīcijālavijjotitattā visesato pītanibhāsāni tassā ābharaṇāni ahesuṃ. Pītantarāhīti pītavaṇṇehi uttariyehi. ‘‘Santaruttaraparamaṃ tena bhikkhunā tato cīvaraṃ sāditabba’’ntiādīsu (pārā. 523-524) nivāsane antarasaddo āgato, idha pana ‘‘antarasāṭakā’’tiādīsu viya uttariye daṭṭhabbo. Antarā uttariyaṃ uttarāsaṅgo upasaṃbyānanti pariyāyasaddā ete. Vaggūhīti sobhanehi saṇhamaṭṭhehi. Apiḷandhāva sobhasīti tvaṃ imehi alaṅkārehi analaṅkatāpi attano rūpasampattiyāva sobhasi. Te pana alaṅkārā tava sarīraṃ patvā sobhanti, tasmā analaṅkatāpi tvaṃ alaṅkatasadisīti adhippāyo.
659. гаа гамб̣угааяуурад̇харзд̇и гаа д̇вам̣ гад̇арад̣̇званигааяабарияаабаннаа суван̣н̣амаяабарихаарагад̇харз, суван̣н̣амаяагзяуурад̇харз ваа. гамб̣убарихаараганд̇и жа хад̇т̇аалан̇гаарависзсо вужжад̇и, гааяууранд̇и бхуж̇аалан̇гаарависзсо. ат̇а ваа гамб̣ууд̇и суван̣н̣ам̣, д̇асмаа гамб̣угааяуурад̇харз суван̣н̣амаяаб̣аахаабхаран̣ад̇харзд̇и ад̇т̇о. ган̃жанаавзл̣абхуусид̇зд̇и ган̃жанамаяаавзл̣абил̣анд̇ханабхуусид̇з. хзмаж̇аалагасан̃чаннзд̇и рад̇анабарисиб̣б̣ид̇зна хзмамаязна ж̇аалагзна чаад̣̇ид̇асарийрз. наанаарад̇анамаалинийд̇и нагкад̇д̇амаалааяа вияа гаал̣абагкарад̇д̇ияам̣ сийсз бадимуггаахи вивид̇хаахи рад̇анаавалийхи наанаарад̇анамаалиний гаа д̇ванд̇и бужчад̇и.
659.Kā kambukāyūradhareti kā tvaṃ kataradevanikāyapariyāpannā suvaṇṇamayaparihārakadhare, suvaṇṇamayakeyūradhare vā. Kambuparihārakanti ca hatthālaṅkāraviseso vuccati, kāyūranti bhujālaṅkāraviseso. Atha vā kambūti suvaṇṇaṃ, tasmā kambukāyūradhare suvaṇṇamayabāhābharaṇadhareti attho. Kañcanāveḷabhūsiteti kañcanamayāveḷapiḷandhanabhūsite. Hemajālakasañchanneti ratanaparisibbitena hemamayena jālakena chāditasarīre. Nānāratanamālinīti nakkhattamālāya viya kāḷapakkharattiyaṃ sīse paṭimukkāhi vividhāhi ratanāvalīhi nānāratanamālinī kā tvanti pucchati.
660. сован̣н̣амаяаад̇иаад̣̇и яаахи рад̇анамаалаахи саа д̣̇звад̇аа наанаарад̇анамаалинийд̇и вуд̇д̇аа, д̇аасам̣ д̣̇ассанам̣. д̇ад̇т̇а сован̣н̣амаяаад̇и син̇г̇ийсуван̣н̣амаяаа маалаа. лохид̇ан̇г̇амаяаад̇и бад̣̇умарааг̇аад̣̇ирад̇д̇аман̣имаяаа. масаараг̇аллаад̇и масаараг̇алламан̣имаяаа. сахалохид̇ан̇г̇аад̇и лохид̇ан̇г̇аман̣имаяаахи сад̣̇д̇хим̣ габ̣араман̣имаяаа жзва лохид̇ан̇г̇асан̇каад̇арад̇д̇аман̣имаяаа жаад̇и ад̇т̇о. баарзвад̇агкийхи ман̣ийхи жид̇д̇ад̇аад̇и баарзвад̇агкисад̣̇исзхи ман̣ийхи яат̇аавуд̇д̇аман̣ийхи жа сан̇кад̇ажид̇д̇абхааваа имаа д̇ава гзсахад̇т̇з рад̇анамаалаад̇и ад̇хиббааяо.
660.Sovaṇṇamayātiādi yāhi ratanamālāhi sā devatā nānāratanamālinīti vuttā, tāsaṃ dassanaṃ. Tattha sovaṇṇamayāti siṅgīsuvaṇṇamayā mālā. Lohitaṅgamayāti padumarāgādirattamaṇimayā. Masāragallāti masāragallamaṇimayā. Sahalohitaṅgāti lohitaṅgamaṇimayāhi saddhiṃ kabaramaṇimayā ceva lohitaṅgasaṅkhātarattamaṇimayā cāti attho. Pārevatakkhīhi maṇīhi cittatāti pārevatakkhisadisehi maṇīhi yathāvuttamaṇīhi ca saṅkhatacittabhāvā imā tava kesahatthe ratanamālāti adhippāyo.
661. гожи гожийд̇и згажжо згажжо. зд̇т̇аад̇и зд̇зсу маалаад̣̇аамзсу. маяуурасуссарод̇и маяууро вияа сунд̣̇аранаад̣̇о. хам̣сассаран̃н̃од̇и хам̣сассаро ан̃н̃о, хам̣сасад̣̇исассаро абаро. гаравийгасуссарод̇и гаравийго вияа собханассаро. д̇зсам̣ маалаад̣̇аамаанам̣ яат̇аа маяуурассаро, хам̣сассаро , гаравийгассаро, звам̣ ваг̇г̇уруубо мад̇хураагааро саро суяяад̇и. гимива ? бан̃жан̇г̇игам̣ д̇уурияамиваббаваад̣̇ид̇ам̣. яат̇аа гусалзна ваад̣̇ид̇з бан̃жан̇г̇игз д̇уурияз, звам̣ д̇зсам̣ саро суяяад̇и, ваг̇г̇уруубод̇и ад̇т̇о. бхуммад̇т̇з хи ид̣̇ам̣ убаяог̇аважанам̣.
661.Koci kocīti ekacco ekacco. Etthāti etesu mālādāmesu. Mayūrasussaroti mayūro viya sundaranādo. Haṃsassaraññoti haṃsassaro añño, haṃsasadisassaro aparo. Karavīkasussaroti karavīko viya sobhanassaro. Tesaṃ mālādāmānaṃ yathā mayūrassaro, haṃsassaro , karavīkassaro, evaṃ vaggurūpo madhurākāro saro suyyati. Kimiva ? Pañcaṅgikaṃ tūriyamivappavāditaṃ. Yathā kusalena vādite pañcaṅgike tūriye, evaṃ tesaṃ saro suyyati, vaggurūpoti attho. Bhummatthe hi idaṃ upayogavacanaṃ.
662. наанааван̣н̣аахи д̇хаад̇уухийд̇и анзгаруубаахи агкажаггаийсаад̣̇иаваяавад̇хаад̇уухи. сувибхад̇д̇ова собхад̇ийд̇и аваяаваанам̣ ан̃н̃аман̃н̃ам̣ яуд̇д̇аббамаан̣ад̇ааяа вибхад̇д̇ивибхааг̇асамбад̇д̇ияаа жа сувибхад̇д̇ова худ̇ваа вирааж̇ад̇и. ат̇а ваа сувибхад̇д̇оваад̇и гзвалам̣ гамманиб̣б̣ад̇д̇оби сусигкид̇зна сиббаажариязна вибхад̇д̇ова виражид̇о вияа собхад̇ийд̇и ад̇т̇о.
662.Nānāvaṇṇāhi dhātūhīti anekarūpāhi akkhacakkaīsādiavayavadhātūhi. Suvibhattova sobhatīti avayavānaṃ aññamaññaṃ yuttappamāṇatāya vibhattivibhāgasampattiyā ca suvibhattova hutvā virājati. Atha vā suvibhattovāti kevalaṃ kammanibbattopi susikkhitena sippācariyena vibhattova viracito viya sobhatīti attho.
663. ган̃жанаб̣имб̣аван̣н̣зд̇и саад̇исаяам̣ бийд̇обхаасад̇ааяа ган̃жанаб̣имб̣агасад̣̇исз д̇асмим̣ рат̇з. ган̃жанаб̣имб̣аван̣н̣зд̇и ваа д̇ассаа д̣̇звад̇ааяа аалабанам̣ , г̇анд̇ход̣̇агзна д̇ховид̇ваа ж̇аад̇ихин̇г̇улагарасзна маж̇ж̇ид̇ваа д̣̇угуулажумб̣адагзна маж̇ж̇ид̇аган̃жанабадимаасад̣̇исзд̇и ад̇т̇о. бхаасасимам̣ бад̣̇зсанд̇и имам̣ сагаламби бхуумибад̣̇зсам̣ бхаасаяаси виж̇ж̇од̇аяаси.
663.Kañcanabimbavaṇṇeti sātisayaṃ pītobhāsatāya kañcanabimbakasadise tasmiṃ rathe. Kañcanabimbavaṇṇeti vā tassā devatāya ālapanaṃ , gandhodakena dhovitvā jātihiṅgulakarasena majjitvā dukūlacumbaṭakena majjitakañcanapaṭimāsadiseti attho. Bhāsasimaṃ padesanti imaṃ sakalampi bhūmipadesaṃ bhāsayasi vijjotayasi.
звам̣ т̇зрзна бужчид̇аа сааби д̣̇звад̇аа имаахи г̇аат̇аахи б̣яаагааси –
Evaṃ therena pucchitā sāpi devatā imāhi gāthāhi byākāsi –
664.
664.
‘‘сован̣н̣аж̇аалам̣ ман̣исон̣н̣ажид̇д̇ид̇ам̣, муд̇д̇аажид̇ам̣ хзмаж̇аалзна чаннам̣;
‘‘Sovaṇṇajālaṃ maṇisoṇṇacittitaṃ, muttācitaṃ hemajālena channaṃ;
бариниб̣б̣уд̇з г̇од̇амз аббамзяяз, басаннажид̇д̇аа ахамаабхиробаяим̣.
Parinibbute gotame appameyye, pasannacittā ahamābhiropayiṃ.
665.
665.
‘‘д̇аахам̣ гаммам̣ гарид̇ваана, гусалам̣ б̣уд̣̇д̇хаван̣н̣ид̇ам̣;
‘‘Tāhaṃ kammaṃ karitvāna, kusalaṃ buddhavaṇṇitaṃ;
абзд̇асогаа сукид̇аа, самбамод̣̇ааманаамаяаа’’д̇и.
Apetasokā sukhitā, sampamodāmanāmayā’’ti.
664. д̇ад̇т̇а сован̣н̣аж̇ааланд̇и сарийраббамаан̣зна гад̇ам̣ суван̣н̣амаяам̣ ж̇аалам̣. ман̣исон̣н̣ажид̇д̇ид̇анд̇и сийсаад̣̇идтаанзсу сийсуубаг̇аг̇ийвуубаг̇аад̣̇иаабхаран̣авасзна наанаавид̇хзхи ман̣ийхи жа суван̣н̣зна жа жид̇д̇ид̇ам̣. муд̇д̇аажид̇анд̇и анд̇аранд̇араа ааб̣ад̣̇д̇хаахи муд̇д̇аавалийхи аажид̇ам̣. хзмаж̇аалзна чаннанд̇и хзмамаязна бабхааж̇аалзна чаннам̣. д̇ан̃хи наанаавид̇хзхи ман̣ийхи жзва суван̣н̣зна жа жид̇д̇ид̇ам̣ муд̇д̇аавалийхи аажид̇амби субарисуд̣̇д̇хасса рад̇д̇асуван̣н̣ассзва язбхуяяад̇ааяа д̣̇иваагарагиран̣асампассад̇о ад̇ивияа бабхассарзна хзмамаязна бабхааж̇аалзна сан̃чаад̣̇ид̇ам̣ згобхаасам̣ худ̇ваа ган̃жанаад̣̇аасам̣ вияа д̇идтад̇и. бариниб̣б̣уд̇зд̇и анубаад̣̇исзсааяа ниб̣б̣аанад̇хаад̇уяаа бариниб̣б̣уд̇з. г̇од̇амзд̇и бхаг̇аванд̇ам̣ г̇од̇д̇зна нид̣̇д̣̇исад̇и. аббамзяязд̇и г̇ун̣аанубхаавад̇о баминид̇ум̣ асаггун̣зяяз. басаннажид̇д̇аад̇и гаммапалависаяааяа б̣уд̣̇д̇хаарамман̣ааяа жа сад̣̇д̇хааяа басаннамаанасаа. абхиробаяинд̇и бууж̇аавасзна сарийрз робзсим̣ бадимун̃жим̣.
664. Tattha sovaṇṇajālanti sarīrappamāṇena kataṃ suvaṇṇamayaṃ jālaṃ. Maṇisoṇṇacittitanti sīsādiṭṭhānesu sīsūpagagīvūpagādiābharaṇavasena nānāvidhehi maṇīhi ca suvaṇṇena ca cittitaṃ. Muttācitanti antarantarā ābaddhāhi muttāvalīhi ācitaṃ. Hemajālena channanti hemamayena pabhājālena channaṃ. Tañhi nānāvidhehi maṇīhi ceva suvaṇṇena ca cittitaṃ muttāvalīhi ācitampi suparisuddhassa rattasuvaṇṇasseva yebhuyyatāya divākarakiraṇasamphassato ativiya pabhassarena hemamayena pabhājālena sañchāditaṃ ekobhāsaṃ hutvā kañcanādāsaṃ viya tiṭṭhati. Parinibbuteti anupādisesāya nibbānadhātuyā parinibbute. Gotameti bhagavantaṃ gottena niddisati. Appameyyeti guṇānubhāvato paminituṃ asakkuṇeyye. Pasannacittāti kammaphalavisayāya buddhārammaṇāya ca saddhāya pasannamānasā. Abhiropayinti pūjāvasena sarīre ropesiṃ paṭimuñciṃ.
665. д̇ааханд̇и д̇ам̣ ахам̣. гусаланд̇и гужчид̇асаланаад̣̇иад̇т̇зна гусалам̣. б̣уд̣̇д̇хаван̣н̣ид̇анд̇и ‘‘яаавад̇аа, бхигкавз, сад̇д̇аа абад̣̇аа ваа д̣̇вибад̣̇аа ваа’’д̇иаад̣̇инаа (сам̣. ни. 5.139; а. ни. 4.34) саммаасамб̣уд̣̇д̇хзна басад̇т̇ам̣. абзд̇асогаад̇и согахзд̇уунам̣ бхог̇аб̣яасанаад̣̇ийнам̣ абхаавзна абаг̇ад̇асогаа. д̇зна жид̇д̇ад̣̇угкаабхаавамааха. сукид̇аад̇и сан̃ж̇аад̇асукаа сукаббад̇д̇аа. зд̇зна сарийрад̣̇угкаабхаавам̣ вад̣̇ад̇и. жид̇д̇ад̣̇угкаабхаавзна жассаа бамод̣̇аабад̇д̇и, сарийрад̣̇угкаабхаавзна арог̇ад̇аа. д̇знааха ‘‘самбамод̣̇ааманаамаяаа’’д̇и. сзсам̣ вуд̇д̇анаяамзва. аяан̃жа ад̇т̇о д̇ад̣̇аа ад̇д̇анаа д̣̇звад̇ааяа жа гат̇ид̇анияаамзнзва сан̇г̇ийд̇игаалз ааяасмад̇аа наарад̣̇зна д̇хаммасан̇г̇аахагаанам̣ аарожид̇о, д̇з жа д̇ам̣ д̇ат̇зва сан̇г̇ахам̣ ааробаяим̣сууд̇и.
665.Tāhanti taṃ ahaṃ. Kusalanti kucchitasalanādiatthena kusalaṃ. Buddhavaṇṇitanti ‘‘yāvatā, bhikkhave, sattā apadā vā dvipadā vā’’tiādinā (saṃ. ni. 5.139; a. ni. 4.34) sammāsambuddhena pasatthaṃ. Apetasokāti sokahetūnaṃ bhogabyasanādīnaṃ abhāvena apagatasokā. Tena cittadukkhābhāvamāha. Sukhitāti sañjātasukhā sukhappattā. Etena sarīradukkhābhāvaṃ vadati. Cittadukkhābhāvena cassā pamodāpatti, sarīradukkhābhāvena arogatā. Tenāha ‘‘sampamodāmanāmayā’’ti. Sesaṃ vuttanayameva. Ayañca attho tadā attanā devatāya ca kathitaniyāmeneva saṅgītikāle āyasmatā nāradena dhammasaṅgāhakānaṃ ārocito, te ca taṃ tatheva saṅgahaṃ āropayiṃsūti.
маллигаавимаанаван̣н̣анаа нидтид̇аа.
Mallikāvimānavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / вимаанавад̇т̇убаал̣и • Vimānavatthupāḷi / 8. маллигаавимаанавад̇т̇у • 8. Mallikāvimānavatthu
