| Library / Tipiṭaka / तिपिटक • Tipiṭaka / विमानवत्थुपाळि • Vimānavatthupāḷi |
८. मल्लिकाविमानवत्थु
8. Mallikāvimānavatthu
६५८.
658.
‘‘पीतवत्थे पीतधजे, पीतालङ्कारभूसिते।
‘‘Pītavatthe pītadhaje, pītālaṅkārabhūsite;
पीतन्तराहि वग्गूहि, अपिळन्धाव सोभसि॥
Pītantarāhi vaggūhi, apiḷandhāva sobhasi.
६५९.
659.
६६०.
660.
‘‘सोवण्णमया लोहितङ्गमया 5 च, मुत्तामया वेळुरियमया च।
‘‘Sovaṇṇamayā lohitaṅgamayā 6 ca, muttāmayā veḷuriyamayā ca;
मसारगल्ला सहलोहितङ्गा 7, पारेवतक्खीहि मणीहि चित्तता॥
Masāragallā sahalohitaṅgā 8, pārevatakkhīhi maṇīhi cittatā.
६६१.
661.
‘‘कोचि कोचि एत्थ मयूरसुस्सरो, हंसस्स रञ्ञो करवीकसुस्सरो।
‘‘Koci koci ettha mayūrasussaro, haṃsassa rañño karavīkasussaro;
तेसं सरो सुय्यति वग्गुरूपो, पञ्चङ्गिकं तूरियमिवप्पवादितं॥
Tesaṃ saro suyyati vaggurūpo, pañcaṅgikaṃ tūriyamivappavāditaṃ.
६६२.
662.
नानावण्णाहि धातूहि, सुविभत्तोव सोभति॥
Nānāvaṇṇāhi dhātūhi, suvibhattova sobhati.
६६३.
663.
‘‘तस्मिं रथे कञ्चनबिम्बवण्णे, या त्वं 13 ठिता भाससि मं पदेसं।
‘‘Tasmiṃ rathe kañcanabimbavaṇṇe, yā tvaṃ 14 ṭhitā bhāsasi maṃ padesaṃ;
देवते पुच्छिताचिक्ख, किस्स कम्मस्सिदं फल’’न्ति॥
Devate pucchitācikkha, kissa kammassidaṃ phala’’nti.
६६४.
664.
परिनिब्बुते गोतमे अप्पमेय्ये, पसन्नचित्ता अहमाभिरोपयिं॥
Parinibbute gotame appameyye, pasannacittā ahamābhiropayiṃ.
६६५.
665.
‘‘ताहं कम्मं करित्वान, कुसलं बुद्धवण्णितं।
‘‘Tāhaṃ kammaṃ karitvāna, kusalaṃ buddhavaṇṇitaṃ;
अपेतसोका सुखिता, सम्पमोदामनामया’’ति॥
Apetasokā sukhitā, sampamodāmanāmayā’’ti.
मल्लिकाविमानं अट्ठमं।
Mallikāvimānaṃ aṭṭhamaṃ.
Footnotes:
Related texts:
अट्ठकथा • Aṭṭhakathā / सुत्तपिटक (अट्ठकथा) • Suttapiṭaka (aṭṭhakathā) / खुद्दकनिकाय (अट्ठकथा) • Khuddakanikāya (aṭṭhakathā) / विमानवत्थु-अट्ठकथा • Vimānavatthu-aṭṭhakathā / ८. मल्लिकाविमानवण्णना • 8. Mallikāvimānavaṇṇanā
