| Library / Tipiṭaka / ติปิฎก • Tipiṭaka / วิมานวตฺถุปาฬิ • Vimānavatthupāḷi |
๘. มลฺลิกาวิมานวตฺถุ
8. Mallikāvimānavatthu
๖๕๘.
658.
‘‘ปีตวเตฺถ ปีตธเช, ปีตาลงฺการภูสิเต;
‘‘Pītavatthe pītadhaje, pītālaṅkārabhūsite;
ปีตนฺตราหิ วคฺคูหิ, อปิฬนฺธาว โสภสิฯ
Pītantarāhi vaggūhi, apiḷandhāva sobhasi.
๖๕๙.
659.
๖๖๐.
660.
‘‘โสวณฺณมยา โลหิตงฺคมยา 5 จ, มุตฺตามยา เวฬุริยมยา จ;
‘‘Sovaṇṇamayā lohitaṅgamayā 6 ca, muttāmayā veḷuriyamayā ca;
มสารคลฺลา สหโลหิตงฺคา 7, ปาเรวตกฺขีหิ มณีหิ จิตฺตตาฯ
Masāragallā sahalohitaṅgā 8, pārevatakkhīhi maṇīhi cittatā.
๖๖๑.
661.
‘‘โกจิ โกจิ เอตฺถ มยูรสุสฺสโร, หํสสฺส รโญฺญ กรวีกสุสฺสโร;
‘‘Koci koci ettha mayūrasussaro, haṃsassa rañño karavīkasussaro;
เตสํ สโร สุยฺยติ วคฺคุรูโป, ปญฺจงฺคิกํ ตูริยมิวปฺปวาทิตํฯ
Tesaṃ saro suyyati vaggurūpo, pañcaṅgikaṃ tūriyamivappavāditaṃ.
๖๖๒.
662.
นานาวณฺณาหิ ธาตูหิ, สุวิภโตฺตว โสภติฯ
Nānāvaṇṇāhi dhātūhi, suvibhattova sobhati.
๖๖๓.
663.
‘‘ตสฺมิํ รเถ กญฺจนพิมฺพวเณฺณ, ยา ตฺวํ 13 ฐิตา ภาสสิ มํ ปเทสํ;
‘‘Tasmiṃ rathe kañcanabimbavaṇṇe, yā tvaṃ 14 ṭhitā bhāsasi maṃ padesaṃ;
เทวเต ปุจฺฉิตาจิกฺข, กิสฺส กมฺมสฺสิทํ ผล’’นฺติฯ
Devate pucchitācikkha, kissa kammassidaṃ phala’’nti.
๖๖๔.
664.
ปรินิพฺพุเต โคตเม อปฺปเมเยฺย, ปสนฺนจิตฺตา อหมาภิโรปยิํฯ
Parinibbute gotame appameyye, pasannacittā ahamābhiropayiṃ.
๖๖๕.
665.
‘‘ตาหํ กมฺมํ กริตฺวาน, กุสลํ พุทฺธวณฺณิตํ;
‘‘Tāhaṃ kammaṃ karitvāna, kusalaṃ buddhavaṇṇitaṃ;
อเปตโสกา สุขิตา, สมฺปโมทามนามยา’’ติฯ
Apetasokā sukhitā, sampamodāmanāmayā’’ti.
มลฺลิกาวิมานํ อฎฺฐมํฯ
Mallikāvimānaṃ aṭṭhamaṃ.
Footnotes:
Related texts:
อฎฺฐกถา • Aṭṭhakathā / สุตฺตปิฎก (อฎฺฐกถา) • Suttapiṭaka (aṭṭhakathā) / ขุทฺทกนิกาย (อฎฺฐกถา) • Khuddakanikāya (aṭṭhakathā) / วิมานวตฺถุ-อฎฺฐกถา • Vimānavatthu-aṭṭhakathā / ๘. มลฺลิกาวิมานวณฺณนา • 8. Mallikāvimānavaṇṇanā
