| Library / Tipiṭaka / ತಿಪಿಟಕ • Tipiṭaka / ವಿಮಾನವತ್ಥುಪಾಳಿ • Vimānavatthupāḷi |
೮. ಮಲ್ಲಿಕಾವಿಮಾನವತ್ಥು
8. Mallikāvimānavatthu
೬೫೮.
658.
‘‘ಪೀತವತ್ಥೇ ಪೀತಧಜೇ, ಪೀತಾಲಙ್ಕಾರಭೂಸಿತೇ।
‘‘Pītavatthe pītadhaje, pītālaṅkārabhūsite;
ಪೀತನ್ತರಾಹಿ ವಗ್ಗೂಹಿ, ಅಪಿಳನ್ಧಾವ ಸೋಭಸಿ॥
Pītantarāhi vaggūhi, apiḷandhāva sobhasi.
೬೫೯.
659.
೬೬೦.
660.
‘‘ಸೋವಣ್ಣಮಯಾ ಲೋಹಿತಙ್ಗಮಯಾ 5 ಚ, ಮುತ್ತಾಮಯಾ ವೇಳುರಿಯಮಯಾ ಚ।
‘‘Sovaṇṇamayā lohitaṅgamayā 6 ca, muttāmayā veḷuriyamayā ca;
ಮಸಾರಗಲ್ಲಾ ಸಹಲೋಹಿತಙ್ಗಾ 7, ಪಾರೇವತಕ್ಖೀಹಿ ಮಣೀಹಿ ಚಿತ್ತತಾ॥
Masāragallā sahalohitaṅgā 8, pārevatakkhīhi maṇīhi cittatā.
೬೬೧.
661.
‘‘ಕೋಚಿ ಕೋಚಿ ಏತ್ಥ ಮಯೂರಸುಸ್ಸರೋ, ಹಂಸಸ್ಸ ರಞ್ಞೋ ಕರವೀಕಸುಸ್ಸರೋ।
‘‘Koci koci ettha mayūrasussaro, haṃsassa rañño karavīkasussaro;
ತೇಸಂ ಸರೋ ಸುಯ್ಯತಿ ವಗ್ಗುರೂಪೋ, ಪಞ್ಚಙ್ಗಿಕಂ ತೂರಿಯಮಿವಪ್ಪವಾದಿತಂ॥
Tesaṃ saro suyyati vaggurūpo, pañcaṅgikaṃ tūriyamivappavāditaṃ.
೬೬೨.
662.
ನಾನಾವಣ್ಣಾಹಿ ಧಾತೂಹಿ, ಸುವಿಭತ್ತೋವ ಸೋಭತಿ॥
Nānāvaṇṇāhi dhātūhi, suvibhattova sobhati.
೬೬೩.
663.
‘‘ತಸ್ಮಿಂ ರಥೇ ಕಞ್ಚನಬಿಮ್ಬವಣ್ಣೇ, ಯಾ ತ್ವಂ 13 ಠಿತಾ ಭಾಸಸಿ ಮಂ ಪದೇಸಂ।
‘‘Tasmiṃ rathe kañcanabimbavaṇṇe, yā tvaṃ 14 ṭhitā bhāsasi maṃ padesaṃ;
ದೇವತೇ ಪುಚ್ಛಿತಾಚಿಕ್ಖ, ಕಿಸ್ಸ ಕಮ್ಮಸ್ಸಿದಂ ಫಲ’’ನ್ತಿ॥
Devate pucchitācikkha, kissa kammassidaṃ phala’’nti.
೬೬೪.
664.
ಪರಿನಿಬ್ಬುತೇ ಗೋತಮೇ ಅಪ್ಪಮೇಯ್ಯೇ, ಪಸನ್ನಚಿತ್ತಾ ಅಹಮಾಭಿರೋಪಯಿಂ॥
Parinibbute gotame appameyye, pasannacittā ahamābhiropayiṃ.
೬೬೫.
665.
‘‘ತಾಹಂ ಕಮ್ಮಂ ಕರಿತ್ವಾನ, ಕುಸಲಂ ಬುದ್ಧವಣ್ಣಿತಂ।
‘‘Tāhaṃ kammaṃ karitvāna, kusalaṃ buddhavaṇṇitaṃ;
ಅಪೇತಸೋಕಾ ಸುಖಿತಾ, ಸಮ್ಪಮೋದಾಮನಾಮಯಾ’’ತಿ॥
Apetasokā sukhitā, sampamodāmanāmayā’’ti.
ಮಲ್ಲಿಕಾವಿಮಾನಂ ಅಟ್ಠಮಂ।
Mallikāvimānaṃ aṭṭhamaṃ.
Footnotes:
Related texts:
ಅಟ್ಠಕಥಾ • Aṭṭhakathā / ಸುತ್ತಪಿಟಕ (ಅಟ್ಠಕಥಾ) • Suttapiṭaka (aṭṭhakathā) / ಖುದ್ದಕನಿಕಾಯ (ಅಟ್ಠಕಥಾ) • Khuddakanikāya (aṭṭhakathā) / ವಿಮಾನವತ್ಥು-ಅಟ್ಠಕಥಾ • Vimānavatthu-aṭṭhakathā / ೮. ಮಲ್ಲಿಕಾವಿಮಾನವಣ್ಣನಾ • 8. Mallikāvimānavaṇṇanā
