| Library / Tipiṭaka / திபிடக • Tipiṭaka / அங்கு³த்தரனிகாய (அட்ட²கதா²) • Aṅguttaranikāya (aṭṭhakathā) |
4. மாலுக்யபுத்தஸுத்தவண்ணனா
4. Mālukyaputtasuttavaṇṇanā
257. சதுத்தே² மாலுக்யபுத்தோதி மாலுக்யப்³ராஹ்மணியா புத்தோ. எத்தா²தி ஏதஸ்மிங் தவ ஓவாத³யாசனே. இமினா தே²ரங் அபஸாதே³திபி உஸ்ஸாதே³திபி. கத²ங்? அயங் கிர த³ஹரகாலே பச்சயேஸு லக்³கோ³ ஹுத்வா பச்சா² மஹல்லககாலே அரஞ்ஞவாஸங் பத்தெ²ந்தோ கம்மட்டா²னங் யாசதி. அத² ப⁴க³வா ‘‘எத்த² த³ஹரே கிங் வக்கா²ம, மாலுக்யபுத்தோ விய தும்ஹேபி தருணகாலே பச்சயேஸு லக்³கி³த்வா மஹல்லககாலே அரஞ்ஞங் பவிஸித்வா ஸமணத⁴ம்மங் கரெய்யாதா²’’தி இமினா அதி⁴ப்பாயேன ப⁴ணந்தோ தே²ரங் அபஸாதே³தி நாம. யஸ்மா பன தே²ரோ மஹல்லககாலேவ அரஞ்ஞங் பவிஸித்வா ஸமணத⁴ம்மங் காதுகாமோ, தஸ்மா ப⁴க³வா ‘‘எத்த² த³ஹரே கிங் வக்கா²ம, அயங் அம்ஹாகங் மாலுக்யபுத்தோ மஹல்லககாலேபி அரஞ்ஞங் பவிஸித்வா ஸமணத⁴ம்மங் காதுகாமோ கம்மட்டா²னங் யாசதி. தும்ஹே தாவ தருணகாலேபி வீரியங் ந கரோதா²’’தி இமினா அதி⁴ப்பாயேன ப⁴ணந்தோ தே²ரங் உஸ்ஸாதே³தி நாமாதி யோஜனா.
257. Catutthe mālukyaputtoti mālukyabrāhmaṇiyā putto. Etthāti etasmiṃ tava ovādayācane. Iminā theraṃ apasādetipi ussādetipi. Kathaṃ? Ayaṃ kira daharakāle paccayesu laggo hutvā pacchā mahallakakāle araññavāsaṃ patthento kammaṭṭhānaṃ yācati. Atha bhagavā ‘‘ettha dahare kiṃ vakkhāma, mālukyaputto viya tumhepi taruṇakāle paccayesu laggitvā mahallakakāle araññaṃ pavisitvā samaṇadhammaṃ kareyyāthā’’ti iminā adhippāyena bhaṇanto theraṃ apasādeti nāma. Yasmā pana thero mahallakakāleva araññaṃ pavisitvā samaṇadhammaṃ kātukāmo, tasmā bhagavā ‘‘ettha dahare kiṃ vakkhāma, ayaṃ amhākaṃ mālukyaputto mahallakakālepi araññaṃ pavisitvā samaṇadhammaṃ kātukāmo kammaṭṭhānaṃ yācati. Tumhe tāva taruṇakālepi vīriyaṃ na karothā’’ti iminā adhippāyena bhaṇanto theraṃ ussādeti nāmāti yojanā.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / அங்கு³த்தரனிகாய • Aṅguttaranikāya / 4. மாலுக்யபுத்தஸுத்தங் • 4. Mālukyaputtasuttaṃ
டீகா • Tīkā / ஸுத்தபிடக (டீகா) • Suttapiṭaka (ṭīkā) / அங்கு³த்தரனிகாய (டீகா) • Aṅguttaranikāya (ṭīkā) / 4-10. மாலுக்யபுத்தஸுத்தாதி³வண்ணனா • 4-10. Mālukyaputtasuttādivaṇṇanā
